གནམ་ཆོས་ཐུགས་ཀྱི་གཏེར་ཁ་ལས་ཛཾ་ལྷ་ཉེར་གཅིག་གི་ལས་བྱང་གཏོར་ཆོག་བསྡུས་པ་དགོས་འདོད་ཆར་འབེབས།
གནམ་ཆོས་ཐུགས་ཀྱི་གཏེར་ཁ་ལས་ཛཾ་ལྷ་ཉེར་གཅིག་གི་ལས་བྱང་གཏོར་ཆོག་བསྡུས་པ་དགོས་འདོད་ཆར་འབེབས་བཞུགས་སོ།།
ན་མོ་ཨརྱ་ཛཾ་བྷ་ལ་ཡེ། གནམ་ཆོས་ཐུགས་ཀྱི་གཏེར་ཁའི་སྙན་བརྒྱུད་ལས། །ཇི་ལྷ་རིགས་ལྔ་རིགས་དགུའི་སྒྲུབ་ཐབས་གཞུང་། །རྒྱུད་སྡེ་གསང་སྔགས་བླ་ན་མེད་པའི་ལུགས། །རཏྣ་རྩལ་ཆེན་འདུས་པའི་རྒྱུད་སྡེ་ཞེས། །ནོར་ལྷ་སྤྱི་ཡི་རྒྱུད་གཞུང་ཆེན་པོ་ཡི། །ལེའུ་བརྒྱད་ནི་ཡོད་པར་གསུངས། །དེ་ཡི་རྒྱུད་ཀྱི་དོན་དང་དགོངས་པ་ལ། །སྙིགས་དུས་འགྲོ་བ་བསོད་ནམས་མར་འགྲིབ་དུས། །དེ་ཕྱིར་པད་འབྱུང་ཛཾ་ལྷ་སོ་སོ་ཡིས། །སྐུ་རུ་བཞེངས་ནས་སྒྲུབ་ཐབས་དངོས་སུ་གསུངས། །བརྒྱུད་པ་ཉེ་ཞིང་བྱིན་རླབས་འགྲུབ་རྟགས་མྱུར། །ནོར་ལྷ་སྤྱི་གཏོར་གསོ་བྲན་བྱས་ནས་ཀྱང་། །དྲན་རྫོགས་འདོན་སྒོམ་སྦྲགས་ལ་འདི་སྐད་དོ།། ན་མོ་དཀོན་མཆོག་གསུམ་དང་ཛཾ་བྷ་ལར། །བྱང་ཆུབ་བར་དུ་བདག་
ནི་སྐྱབས་སུ་མཆི། །འགྲོ་བའི་དབུལ་ཕོངས་བསལ་བའི་ཕྱིར། །བདག་གི་ཛཾ་ལྷ་བསྒྲུབ་པར་བྱ། །ཨོཾ་སྭ་བྷ་ཝ་སོགས། སྟོང་པའི་ངང་ལས་རང་གི་མདུན། །རིན་ཆེན་ལྔ་ལས་གྲུབ་པ་ཡི། །གཞལ་མེད་ཁང་གི་དབུས་སུ་ནི། །པདྨ་འདབ་བརྒྱད་པ་ཡི་གདན། །པད་ཉི་ཟླ་སྟེང་ཛཾ་ཡིག་ལས། །འོད་འཕྲོས་ཡོངས་སུ་གྱུར་པ་ལས། །བཅོམ་ལྡན་ཛཾ་ལྷ་ཉེར་གཅིག་ནི། །དབུས་དཀར་ཤར་སྔོ་ལྷོ་སེར་དང་། །ནུབ་དམར་བྱང་ལྗང་ཤར་ལྷོ་ནག །ལྷོ་ནུབ་ནུབ་བྱང་བྱང་ཤར་ཁྲ། །ཀུན་ཀྱང་ཞལ་གསུམ་ཕྱག་དྲུག་པ། །བི་ཛི་ནེའུ་ལེ་ལ་སོགས་པའི། །ཕྱག་
མཚན་རྣམ་པ་སྣ་ཚོགས་འཛིན། །ཞབས་བཞི་འདོར་ཐབས་གདན་ལ་བཞུགས། །ཁྲོ་འཛུམ་སྦོམ་ཐུང་གསུས་པ་འཕྱང་། །དར་དང་རཏྣའི་རྒྱན་གྱིས་བཀླུབས། །དེ་མཐར་ཇི་ལྷ་རིགས་ལྔ་ནི། །དཀར་སེར་དམར་ལྗང་སྣ་ཚོགས་ཏེ། །ཀུན་ཀྱང་ཞལ་གཅིག་ཕྱག་གཉིས་ཏེ། །འཁོར་ལོ་ནོར་བུ་ལ་སོགས་པའི། །ཕྱག་མཚན་རྣམ་པ་སྣ་ཚོགས་འཛིན། །རེ་རེའི་འཁོར་ནི་བརྒྱུད་རེས་བསྐོར། །ཞབས་རྣམས་པད་ཉིར་བཞེངས་ཏེ་བཞུགས། །དར་དང་རིན་ཆེན་རྒྱན་གྱིས་བརྒྱན། །གཏེར་བདག་གནོད་སྦྱིན་འཁོར་གྱིས་བསྐོར། །ཟློསྐད་ཅིག་དྲན་རྫོགས་གསལ་བར་བསྐྱེད། །གནས་གསུམ་འབྲུ་གསུམ་ཐུགས་སྲོག་ཛཾ། །དེ་ལས་འོད་ཟེར་འཕྲོས་པ་ཡིས། །ལྕང་ལོ་ཅན་སོགས་རང་གནས་ནས། །ཇི་ལྷ་ཉེར་གཅིག་སྤྱན་དྲངས་བསྟིམ། །ཧཱུྃ། བྱང་ཕྱོགས་གཏེར་གྱི་གཞལ་ཡས་ནས། །ནོར་གྱི་དབང་ཕྱུག་ཛཾ་བྷ་ལ། །ཐུགས་རྗེས་གནས་འདིར་གཤེགས་སུ་གསོལ། །ཛཾ་ལྷ་རིགས་ལྔ་རིགས་དགུ་སོགས། །གནོད་སྦྱིན་ནོར་ལྷ་ཐམས་ཅད་བྱོན། །ཇི་སྲིད་བར་དུ་བརྟན་པར་བཞུགས། །ཨོཾ་ཨརྱ་སརྦ་ཛཾ་བྷ་ལ་བཛྲ་ས་མ་ཡ་ཛ་ཛཿ ཛཿཧཱུྃ་བཾ་ཧོཿ ཏིཥྛ་
ལྷན། དམ་ཚིག་ཡེ་ཤེས་དབྱེར་མེད་ཅིང་། །རིགས་བདག་རང་ཆས་སྤྱི་གཙུག་ཏུ། །རང་མདོག་རིན་ཆེན་འབར་བས་བརྒྱན། །ཧཱུྃ། བཅོམ་ལྡན་ཛཾ་ལྷ་འཁོར་བཅས་ལ། །སྟོང་གསུམ་འདི་འམ་གཞན་དག་གི །དཔལ་འབྱོར་བློ་ཡིས་བླངས་ཏེ་འབུལ། །ཡིད་སྤྲུལ་རྟགས་བརྒྱད་རྒྱལ་སྲིད་བདུན། །དངོས་འབྱོར་ཡིད་སྤྲུལ་མཆོད་འབུལ་བཞེས། །ཧཱུྃ། འདོད་ཡོན་གཏོར་མ་མཆོད་པའི་རྫས། །དཀར་གསུམ་མངར་གསུམ་རིན་ཆེན་འབྲུ། །རྟེན་རྫ་ས་སྲོག་འཁོར་མཆོད་རྫས་སོགས། །འཛད་མེད་ནམ་མཁའི་མཛོད་དུ་གྱུར། །དག་དང་མ་དག་ཞིང་ཁམས་ན། །རིན་ཆེན་གཏེར་ཆེན་དཔག་བསམ་ཤིང་། །གཏེར་བུམ་རྟ་ལུག་གནག་གི་ཁྱུ། །སྲིད་གསུམ་ལྷ་ཡི་ལོངས་སྤྱོད་བཅས། །འདོད་ཡོན་མཆོད་གཏོར་འདི་བཞེས་ལ། །བདག་ལ་ནོར་གྱི་དངོས་གྲུབ་སྩོལ། །གཏོར་མ་བདུད་རྩིའི་རང་བཞིན་ཁ་དོག་གཟུགས་སྒྲ་དྲི་རོ་རེག་བྱ་ཕུན་སུམ་ཚོགས་པར་གྱུར། ཨོཾ་ཨཱ༔ཧཱུྃ་ཧ་ཧོ་ཧི༔ ལྗགས་རྡོ་རྗེ་སྦུ་གུ་ཅན་གྱིས་གསོལ་བས་མཉེས་ནས་ནོར་གྱི་དངོས་གྲུབ་སྩོལ་བར་གྱུར། ཨོཾ་ཛ་བྷ་ལ་ཛ་ལེནྡྲ་ཡེ་སིདྡྷི་ཧཱུྃ། ཨི་དཾ་བྷ་ལིཾ་ཏ་ཁ་ཁ་ཁཱ་
ཧི་ཁཱ་ཧི། ཨོཾ་ཛ་བྷ་ལ་ཛ་ལེནྡྲ་ཡེ་དྷ་ན་མེ་དྷི་སརྦ་སིདྡྷི་ཧཱུྃ། ཨི་དཾ་བྷ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་ཛཾ་བྷ་ལ་ཛ་ལེནྡྲ་ཡེ་ཧཱུྃ་ཧཱི༔ སིདྡྷི་ཕ་ལ་ཧཱུྃ་ཧྲཱིཿ ཨི་དཾ་བྷ་ལིཾ་ཏ་ཁ་ཁ་ཁཱ་ཧི་ཁཱ་ཧི། །ཨོཾ་ཛཾ་བྷ་ལ་མ་མ་སརྦ་སིདྡྷི་ཧཱུྃ༔ ཨི་དཾ་བྷ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་ཛཾ་བྷ་ལ་ཡེ་སྭཱ་ཧཱ༔ ཨི་དཾ་བྷ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་ཛཾ་བྷ་ལ་ཛ་ལེནྡྲ་ཡེ་སརྦ་སིདྡྷི་ཕ་ལ་ཧཱུྃ་ཨཱཿ ཨི་དཾ་བྷ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་ཛཾ་བྷ་ལ་ཛ་ལེནྡྲ་ཡེ་ཧཱུྃ། ཨི་དཾ་བྷ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་ཛཾ་བྷ་ལ་ཛ་ལེནྡྲ་ཡེ་དྷ་ན་སྭཱ་ཧཱ། ཨི་དཾ་བྷ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་ཛཾ་བྷ་ལ་ཛ་ལེནྡྲ་ཡེ་སྭཱ་ཧཱ། ཨི་དཾ་བྷ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་ཨཱཿཧཱུྃ་བུདྡྷ་བཛྲ་རཏྣ་པདྨ་ཀརྨ་ཛཾ་བྷ་ལ་སིདྡྷི་ཕ་ལ་ཧཱུྃ། ཨི་དཾ་བྷ་ལི་ཏ་ཁ་ཁ་ཁཱ་ཧི་ཁཱ་ཧི། ༀ་ཛཾ་བྷ་ལ་ཛ་ལེནྡྲ་ཡེ་སྭཱ་ཧཱ༔ ཨི་དཾ་བྷ་ལིཾ་ཏ་ཁ་ཁ་ཁཱ་ཧི་ཁཱ་ཧི། ༀ་ཛཾ་བྷ་ལ་ཛ་ལེནྡྲ་ཡེ་ཧྲིདྷ་ན་མེ་དྷི་ཧཱུྃ་སྭཱ་ཧཱ༔ ཨི་དཾ་བྷ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨརྒྷཾ་སོགས། འཕགས་པ་རྒྱལ་པོ་ཆེན་པོ་རྣམ་ཐོས་སྲས། ཛཾ་བྷ་ལ་རིགས་ལྔ་རིགས་དགུ་རྣམ་སྲས་རིགས་བཞི་རིགས་ཆེན་དགུ་ནོར་དབང་སེ་བ་ཁྲག་འཐུང་རྒྱལ་ཆེན་སྡེ་བཞི་ཀུ་ཝེ་ར་དང་རེ་མན་ངན་ཅན་ཨ་པ་ར་ཙིཏྟ་ནོར་རྒྱུན་ལྔ་སོགས་ནོར་ལྷ་
གཏེར་བདག་རྒྱ་མཚོའི་ཞལ་དུ་འབུལ་ལོ། །མཉེས་ཤིང་ཚིམས་ནས་བདག་ཅག་དཔོན་སློབ་འཁོར་དང་བཅས་པའི་ཚེ་དང་བསོད་ནམས་དཔལ་དང་འབྱོར་པ་སྟོབས་དང་མངའ་ཐང་ནོར་དང་ལོངས་སྤྱོད་ཐམས་ཅད་ཟླ་བ་ཡར་གྱི་ངོ་བཞིན་འཕེལ་ཞིང་རྒྱས་པ་དང་། བཀྲེས་སྐོམ་མུ་གེ་ཚོང་ཉེས་ཕྱུགས་ནད་གོད་ཁ་སྙིང་སྟོང་ཐམས་ཅད་ཞི་བ་དང་བཟློག་པའི་ཕྲིན་ལས་མཛོད་ཅིག །ཧཱུྃ། གནོད་སྦྱིན་དབང་པོ་ཨརྱ་ཛཾ་བྷ་ལ། །དཀར་སེར་དམར་ལྗང་སྔོ་ནག་ཁྲ་བོའི་མདོག །ཞལ་གསུམ་ཕྱག་དྲུག་ཞལ་གཅིག་ཕྱག་གཉིས་སོགས། །ཆ་ལུགས་སྣ་ཚོགས་ཕྱག་མཚན་སྣ་ཚོགས་ཅན། །ས་བཅུའི་དབང་ཕྱུག་ཅན་ལ་ཕྱག་འཚལ་བསྟོད། །ཧཱུྃ། བདེ་གཤེགས་སྦྱིན་པའི་ཕ་རོལ་ཕྱིན། །གཟུགས་ཀྱི་སྐུར་སྤྲུལ་ཛཾ་བྷ་ལ། །དྲན་པ་ཙམ་གྱིས་དབུལ་ཕོངས་སེལ། །ཛཾ་ལྷ་ཁྱོད་ལ་ཕྱག་འཚལ་བསྟོད། །ཐོག་མེད་སེར་སྣའི་ལས་བསགས་རྣམས། །མཐོལ་བཤགས་བྱང་ཞིང་དག་གྱུར་ཅིག །དབུལ་ཕོངས་ཐམས་ཅད་ཞི་བ་དང་། །དཔལ་འབྱོར་བསོད་ནམས་འཕེལ་ཞིང་རྒྱས། །འདོད་དགུ་སྣང་སྲིད་དབང་དུ་བསྡུས། །སྙིགས་དུས་མུ་
གེའི་བསྐལ་པ་ཟློག །ཐམས་ཅད་དུས་བབ་ས་མ་ཡཱ། །རྣལ་འབྱོར་བཅོལ་བའི་ཕྲིན་ལས་མཛོད། །དགོངས་ཤིག་གཏེར་བདག་ནོར་ལྷ་རྒྱ་མཚོ་ཚོགས། །ཚེ་རབས་འདི་དང་ཚེ་རབས་ཐམས་ཅད་དུ། །བརྣབ་སེམས་སེར་སྣ་རྐུ་འཕྲོག་སྦྱིན་པའི་བགེགས། །གང་དང་ཅི་མཆིས་འགྱོད་པས་མཐོལ་ལོ་བཤགས། །ནོར་ལྷ་རྒྱ་མཚོ་མཆོད་བསྟོད་བྱིན་རླབས་ཀྱིས། །ཚེ་རབས་ཀུན་ཏུ་དཔལ་འབྱོར་ཕུན་ཚོགས་ཏེ། །སྦྱིན་པའི་ཕར་ཕྱིན་རྫོགས་པའི་ཕྲིན་ལས་མཛོད། །དེང་ནས་བཟུང་སྟེ་ཚེ་དཔལ་ལོངས་སྤྱོད་རྣམས། །ཡར་ངོའི་ཟླ་ལྟར་འཕེལ་བར་མཛད་དུ་གསོལ། །བདག་གཞན་དུས་གསུམ་དུས་མེད་སེམས་ཅན་རྣམས། །ཇི་ལྷ་ཁྱོད་དང་དབྱེར་མེད་འགྲུབ་གྱུར་ནས། །སངས་རྒྱས་བསྟན་པའི་སྦྱིན་བདག་ཆེན་པོར་ཤོག །དེ་ནས་བསྙེན་པའི་དམིགས་རིམ་ནི། བདག་མདུན་སྐད་ཅིག་དྲན་རྫོགས་ལ། །ཛཾ་ལྷ་སོ་སོའི་ཐུགས་ཀ་རུ། །ཟླ་སྟེང་ཛ་ཡིག་སོ་སོའི་མཐར། །སོ་སོའི་སྔགས་ཀྱིས་གཡས་སུ་བསྐོར། །དེ་ལས་འོད་ཟེར་སྣ་ཚོགས་འཕྲོས། །ལྕང་ལོ་ཅན་སོགས་རང་གནས་ནས། །སངས་རྒྱས་ཀུན་གྱི་དངོས་གྲུབ་བསྡུས། །ཐམས་ཅད་འོད་ཞུ་བདག་ལ་
ཐིམ། །ལུས་ཀྱི་རེག་པས་ཐམས་ཅད་མཉེས། །ཟག་མེད་བདེ་བས་སྐུ་ལུས་ཚིམས། །འོད་ཟེར་འགྲོ་དྲུག་ཀུན་ལ་ཕོག །སྡིག་སྒྲིབ་དག་ནས་ཛ་ལྷར་གྱུར། །ཀུན་ཀྱང་བུང་བ་ཚང་ཞིག་ལྟར། །འུར་འུར་ཏིར་ཏིར་སྔགས་སྒྲ་སྒྲོག །དེ་ནས་བསྙེན་པའི་དམིགས་པའོ། །བདག་གི་ཐུགས་ཀའི་སྔགས་ཕྲེང་འཕྲོས། །ཞལ་ནས་ཐོན་ནས་མདུན་བསྐྱེད་ཀྱི། །ཛཾ་ལྷའི་ཞལ་ཞུགས་ཐུགས་རྒྱུད་བསྐུལ། །སྔགས་ཕྲེང་ལྟེ་བ་ནས་ཚུར་བྱོན། །རང་གི་ཐུགས་ཀར་ཐིམ་པ་སྟེ། །ཡར་མཆོད་ཚུར་ལ་དངོས་གྲུབ་བསྡུ། །མགལ་མེའི་འཁོར་ལོ་ལྟར་འཁོར་བསྒོམ། །ཕྱག་མཚན་བྷནྡྷ་ནོར་བུ་ལས། །འོད་འཕྲོས་ཟས་ཀྱི་དངོས་གྲུབ་རྣམས། །འོད་ཀྱིས་བསྡུས་ནས་རང་ལ་ཐིམ། །ཟས་བཅུད་ཐོད་པའི་ནང་ཐིམ་པས། །ལོངས་སྤྱོད་ཆར་ལྟར་འབེབས་པར་དམིགས། །ཕྱག་གི་ལྕགས་ཀྱུ་ཞགས་པ་ལས། །འོད་ཟེར་དམར་པོ་ལྕགས་ཀྱུ་དང་། །ཞགས་པའི་དབྱིབས་ཅན་ཕྱོགས་བཅུར་འཕྲོས། །གང་འདོད་ཐམས་ཅད་བཀུག་ཅིང་བསྟིམ། །ནོར་བུ་རིན་ཆེན་ནེའུ་ལེ་ནས། །རིན་ཆེན་རྣམ་པ་སྣ་ཚོགས་དང་། །འབྲུ་ཡི་ཆར་པ་འབེབས་པ་དང་། །གང་འདོད་དངོས་གྲུབ་སྐྱུགས་པ་ཡིས། །རང་གནས་ཁྲ་ཆིལ་གང་བར་
དམིགས་།གོང་གི་གཏོར་འབུལ་དེ་ཉིད་ཀྱི། །སྔགས་རྣམས་སོ་སོར་ཅི་འགྲུབ་བཟླ། །དེ་ལྟར་ཛ་ལྷའི་གཏོར་ཆོག་འདི། །གཞུང་དང་ཆགས་མེད་མཛད་ཆོས་ལས། །བསྡུས་ནས་འདོན་འགྲིགས་ཕྱོགས་གཅིག་ཏུ། །བྲིས་པ་སྔགས་རྒན་ཨ་རཱ་གས། །རང་གི་རྒྱུན་ཁྱེར་བྱ་ཕྱིར་དུ། །བསྒྲིགས་ནས་ཉེས་པའི་ཆ་མཆིས་ན། །གནོད་སྦྱིན་ནོར་ལྷའི་ཚོགས་ལ་བཤགས། །དགེ་བས་སེམས་ཅན་ཐམས་ཅད་ལ། །དབུལ་བའི་སྡུག་བསྔལ་ཞི་བར་ཤོག །མངྒ་ལཾ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།