སྒབ་འདྲེ་བྲེལ་ཕོངས་ཅན་མནན་ཐབས།
༼ཊ༽ ཛཾ་བྷ་ལ་ལ་ན་མོ༔ གནོད་སྦྱིན་ཆེན་པོ་སྒྲུབ་པ་ལ༔ གནོད་བྱེད་བྲེལ་ཕོངས་ཅན་འབྱུང་བས༔ དེ་དག་མནན་པའི་ཐབས་འདི་བྱ༔ མི་ནག་བྱ་ཡི་མཆུ་ཅན་ལ༔ དེ་ཡི་ཐ་མར་སྔགས་ཀྱིས་དྲིལ༔ བཀུག་གཞུག་མང་དུ་བྱས་ནས་བསྟིམ༔ ཁྱི་ནག་སྤུ་ཡིས་ལེགས་པར་བཅིངས༔ སཱཙྪ་ནག་པོའི་འོག་ཏུ་གཞུག༔ གད་པ་ནག་པོའི་འོག་ཏུ་མནན༔ མཆོད་རྟེན་ཞབས་སུ་མནན་པར་བྱ༔ བར་ཆད་མི་འབྱུང་འགྲུབ་ཐག་ཉེ༔ འདི་འདྲའི་གདམས་པ་མ་ཤེས་ན༔ བར་ཆད་དམ་ཉམས་དམ་སྡིག་བྱེད༔ སྔོན་དུ་མཆོད་པ་མཎྜལ་བྱ༔ ཕྱག་ན་རྡོ་རྗེ་བསྒོམ་ཞིང་བཀུག༔ བྱ་ནག་རྙི་ཡིས་ཟིན་པ་སོགས༔ ཉམས་དང་རྨི་ལམ་བྱུང་གྱུར་ན༔ ཁུག་པའི་རྟགས་ཡིན་མནན་པར་བྱ༔ དེ་ཡི་བར་ཆད་འབྱུང་མི་འགྱུར༔ བྲེལ་ཕོངས་མནན་པའི་གདམས་པ་ཟབ༔ ལིངྒའི་མཐའ་བསྐོར་སྔགས་བྲི་རྒྱུ་ཞལ་ཤེས་ནི༔ ཨོཾ་དྷི་ཏྲ་ཡཀྵ་ཏྲི་མཱ་ར་ཡ་ཁུག་ནན༔ དུ་ན་བར་ཆོད་གནོད་བྱེད་ཨར་ནན་ཧཱུྃཛསམྦྷ་ཡ་ནན༔ ཨོཾ་ཏྲི་དུ་ན་ཡཀྵ་ཏྲི་མཱ་ར་ཡ་ཁུག་ནན༔ དུ་ན་བར་གཅོད་གནོད་བྱེད་ཨ་ར་ནན༔ ཧཱིཛསམྦྷ་ཡ་ནན༔ ཞེས་གཟབ་ཏུ་བྲི། དེས་ལིངྒའི་མཐའ་སྐོར། མགོ་ལ་
ནན་ནན། རྣ་བར་འོན་འོན། དཔུང་པར་ཆག་ཆག །རྐང་པར་ཞ་ཞ། ཡན་ལག་བཞི་ལ་ཛཿཧཱུྃ་བཾ་ཧོཿ དང་ལྕགས་སྒྲོག་གིས་བསྡམས། ཛ་ཁྲམ་གྱིས་བསྐོར་བ་སོགས་སྤྱི་ལྟར་བྱའོ།། ཨྠྀི༔