གནམ་ཆོས་ཛ་དམར་ཆུ་སྦྱིན་དངོས་གྲུབ་ཀུན་འབྱུང་།
གནམ་ཆོས་ཛ་དམར་ཆུ་སྦྱིན་དངོས་གྲུབ་ཀུན་འབྱུང་བཞུགས་སོ།། ཨོཾ༔ དཀོན་མཆོག་གསུམ་དང་ཨརྱ་ཛཾ་བྷ་ལྷ། །སྐྱབས་སུ་མཆི་ཞིང་སེམས་ཅན་ཐམས་ཅད་ཀྱི། །དབུལ་ཕོངས་བསལ་ཕྱིར་བདག་གིས་ཛ་ལྷ་བསྒྲུབ། །སྟོང་པའི་ངང་ལས་པད་ཟླ་ཉི་མའི་སྟེང་། །ཛཾ་ལས་ཛ་དམར་ཞལ་གསུམ་ཕྱག་དྲུག་པ། །དཀར་སྔོན་དམར་བའི་ཞལ་གསུམ་སྤྱན་དགུ་བསྒྲད། །ཁྲོ་འཛུམ་དར་དང་རིན་ཆེན་རྒྱན་གྱིས་བརྒྱན། །ཕྱག་དྲུག་དང་པོ་དང་ནི་བར་མ་གཉིས། །རིན་ཆེན་ཞགས་པ་ལྕགས་ཀྱུ་ཐོད་པ་སྟེ། །ཐ་གཉིས་ནེའུ་ལེ་བཙིར་ཞིང་རིན་ཆེན་འབེབས། །ཞབས་བཞི་འདོར་སྟབས་ནོར་སྐྱུགས་ཕོ་མོ་མནན། །གནས་གསུམ་འབྲུ་གསུམ་ཐུགས་ཀའི་ཛཾ་འོད་ཀྱིས། །ཡེ་ཤེས་སེམས་དཔའ་སྤྱན་དྲངས་གཉིས་མེད་ཐིམ། །ཛཿཧཱུྃ་བཾ་ཧོ༔ ཨརྒྱུ་སོགས། ཛཾ་ལྷའི་ཐུགས་ཀར་རཾ་ཡིག་དམར་པོ་གསལ། །རཾལས་མེ་འབར་མེ་ལྕེ་ཞལ་དུ་བྱུང་། །ཤིན་ཏུ་སྐོམ་པའི་གདོང་ལ་ཆུ་ཕུལ་བས། །སྐོམ་པ་ཞི་བས་ཛཾ་ལྷ་རབ་ཏུ་མཉེས། །ཞལ་གསུམ་དག་ནས་རིན་ཆེན་ཆར་པ་བབ། །ནེའུ་ལེ་གཉིས་བཙིར་ནོར་སྐྱུགས་རྡོག་པས་བཙིར། །ནོར་བུ་སྐྱུགས་པས་གནས་
འདིར་གང་བར་གྱུར། །ཆུ་ཕྱར་ཞིང་། ཨོཾ་ཛ་བྷ་ལ་ཛ་ལེནྡྲ་ཡ་དྷ་ན་མེ་དྷི་གྷིསྭཱ་ཧཱ༔ བརྒྱ་རྩ་བརྒྱད་དམ་ཅི་ལྕོགས་བཟླ་བར་བྱ། །བདེ་གཤེགས་ཀུན་གྱི་གསུང་ལས་ལེགས་སྤྲུལ་ཞིང་། །ཐུགས་རྗེའི་ཆགས་པས་སྐུ་མདོག་དམར་པོར་བཞུགས། །དབང་གི་ཕྲིན་ལས་རྫོགས་མཛད་ཛཾ་བྷ་ལ། །མ་ལུས་འགྲོ་བའི་རེ་སྐོང་ཕྱག་འཚལ་བསྟོད། །བདག་ལ་ལོངས་སྤྱོད་ནོར་ཆེན་དངོས་གྲུབ་སྩོལ། །ཛཾ་ལས་ནེའུ་ལེ་ནོར་སྐྱུགས་གཉིས་བཅས་ལ། །རེག་པས་དངོས་གྲུབ་མྱུར་དུ་འཐོབ་པར་ཤོག །ཨོཾ་ཨཱཿཧཱུྃ། ཆུ་སྲིན་ལག་གིས་ལྕེ་ཐོག་ལ་བཞག །ཆུ་སྦྱིན་བསྡུས་པ་རཱ་ག་ཨ་སྱས་སོ། །མངྒ་ལཾ། དགེའོ།། །།