གཏོར་མ་བསྡུས་པའི་ཟིན་བྲིས།
གཏོར་མ་བསྡུས་པའི་ཟིན་བྲིས་བཞུགས། ༈ ན་མོ་ལོ་ཀི་ཤྭ་ར་ཡེ། བཅོམ་ལྡན་འདས་ཀྱི་ཞལ་ནས་གསུངས་པའི་གཏོར་མ་དང་ཆུ་སྦྱིན་གྱི་གཟུངས་འདི་ཉིད་བསྟན་པ་སྔ་འགྱུར་དུས་ནས་བོད་དུ་འགྱུར་ཞིང་ཕྱག་ལེན་ནི་ཇོ་བོ་རྗེས་བོད་དུ་དར་བར་མཛད་ཅིང་དེ་ཡི་རྒྱུན་ལས་བླ་མ་སོ་སོའི་རྒྱས་བསྡུས་དུ་མ་མཛད། ཁྱད་པར་དུ་ཞྭ་དམར་ལྔ་པས་རྒྱས་པར་མཛད་པ་ལ་རྗེ་དྲུག་པས་བསྡུས་པ་དང་ཤིན་ཏུ་བསྡུས་པ་མཛད་པའི་རྗེས་སུ་འབྲང་སྟེ་རྒྱུན་གཏོར་མ་ཆག་པར་བྱེད་ན། སྣོད་གཙང་མར་གཏོར་རིལ་ལམ་འབྲུ་གཙང་མ་དང་བཅས་པའི་ཆུས་བཀང་སྟེ། སྐྱབས་སེམས་སོགས་སྔོན་དུ་རྒྱས་པར་སོང་བས་འདིར་མི་དགོས་ལ་མ་སོང་ན་བསྡུས་པ་ཙམ་ཞིག་བྱ། རང་ཉིད་སྐད་ཅིག་གིས་ཁ་སར་པཱ་ཎིར་བསྐྱེད་པའམ། སྔོན་དུ་ཐུགས་རྗེ་ཆེན་པོའི་མངོན་རྟོགས་གང་རུང་རྒྱས་པར་སོང་ན་དེས་ཆོག །བསང་སྦྱང་ཡང་གཏོར་མ་བཤམས་པ་དེ་ལ་དམིགས་ནས་མཉམ་དྲན་ཙམ་བྱས་པ་ཡང་མཉམ་བཞག་གི་ངང་ནས་བྱེད་པ་དེ་ག་བསང་སྦྱང་གི་མཆོག་ཡིན་པས་བསང་སྦྱང་མི་དགོས། དེ་ལྟ་བུ་མེད་ན། ཨོཾ་ཨ་མྲྀ་ཏེ་ཧཱུྃ་ཕཊ་ཀྱིས་བསང་སྭ་བྷཱ་ཝས་སྦྱང་བར་བྱའོ། །དེ་ཡང་གཏོར་མའི་དེ་ཉིད་ལས། །
གཏོར་མ་མ་ཆག་པར་དགོས་པར་གསུངས་པས་རྒྱུན་དུ་བསྡུས་པ་འདི་མ་ཆག་པར་བྱ་ཞིང་། ཉ་སྟོང་བརྒྱད་གསུམ་སོགས་དུས་བཟང་གཏོང་ཡང་འབུམ་ཐེར་དང་གཏོར་མ་ལོ་གྲངས་སུམ་ལྷའགྱུར་དགོས་པར་བྱུང་ཡང་འབྱོར་པས་མ་ལྕོགས་ན་འདི་ལ་བསོག་ཀྱང་དོན་འཐུས་སོ། །རང་སྤྲོ་བའི་དུས་སུ་རྒྱས་པར་གཏོང་ངོ་། །ཨོཾ་ཨཱཿཧཱུྃ། རིན་ཆེན་སྣོད་དུ་བདུད་རྩིའི་རྒྱ་མཚོརགྱུར། །བདེ་གཤེགས་རིན་ཆེན་མང་དང་གཟུགས་མཛེས་དང་། །འབྱམས་ཀླས་འཇིགས་ཀུན་བྲལ་ལ་ཕྱག་འཚལ་ལོ། །མགྲོན་རིགས་བཞི་དང་ཡི་དྭགས་བར་སྲིད་ལ། །རང་རང་ཡིད་མཐུན་གཏོར་མ་འདི་འབུལ་ལོ། །ན་མཿསརྦ་ཏ་ཐཱ་ག་ཏ་ཨ་ཝ་སོགས། ཞེས་ལན་གསུམ་དང་། ཨོཾ་ཛཱ་ལ་མི་དཾ་སརྦ་པྲ་ཏེ་བྷསྭཱ་ཧཱ། མགྲོན་རྣམས་སོ་སོར་མཉེས་ཤིང་ཚིམ་གྱུར་ཅིག །དཀོར་སྒྲིབ་བྱང་ནས་ཚོགས་གཉིས་རྫོགས་པར་ཤོག །མགྲོན་རྣམས་སྐད་ཅིག་ལ་བྱོན་ནས་གཏོར་མ་གསོལ་ཏེ་རང་གནས་སུ་གཤེགས་པར་བསམ་པའོ། །རང་རང་བདེ་བར་གནས་པའི་སར་གཏོར་མས་ཁྱབ་པར་བསྒོམ་ཡང་ཆོག དེ་ནས་མི་དམིགས་པར་བཞག་གོ །འདི་བྱ་སླ་ལ་ཕན་ཡོན་ཆེ། ཚིག་ཉུང་བས་དགེ་སྦྱོར་གཞན་ཐམས་ཅད་མི་ཆག་པའི་གནད་ཡོད་དོ། །ཞེས་རང་གི་རྒྱུན་ཁྱེར་དུ་བསམས་ནས། ཨ་རཱ་གས་བྲིས་པའོ། །འདི་བྲིས་ཉེས་པ་མཆིས་
ན་སྟོན་པ་ཉིད་ལ་བཤགས། དགེ་བས་བསོད་ནམས་ཚོགས་ཆེན་རྫོགས་པར་ཤོག །མངྒ་ལཾ།།