སྡེབ་འཁོར་དམིགས་རིམ།
སེར་གཡོས་ནམ་བྱུང་ན་གཏོར་མ་གཅིག་བཤམ། རང་ཉིད་ཡི་དམ་ལྷར་བསྐྱེད་ལ། ཨ་ཀཱ་རོ་སོགས། དེ་བཞིན་གཤེགས་པ་བཞིའི་མཚན་བརྗོད། སམྦྷ་ར་གཟི་བརྗིད་ཚད་མེད་དང་། ཨོཾ་ཀེ་ཏ་ཀེ་ཏ་ར་ཧུ་ལ་ཨ་ཡ་མ་དུ་རུ་ཙ་ཤ་ན་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ན་མོ་སངས་རྒྱས་ཀྱི་བཀའ་བདེན་པ་དང་། ཆོས་ཀྱི་བཀའ་བདེན་པ་དང་། དགེ་འདུན་གྱི་བཀའ་བདེན་པ་དང་། །གསང་སྔགས་དང་། རིག་སྔགས་དང་། གཟུངས་སྔགས་དང་། སྙིང་པོ་དང་། ཕྱག་རྒྱ་དང་ཏིང་ངེ་འཛིན་གྱི་བཀའ་བདེན་པ་དང་། ཆོས་སྐྱོང་སྲུང་མ་རྣམས་ཀྱི་བཀའ་བདེན་པ་དང་། བདེན་པ་ཆེན་པོའི་བྱིན་རླབས་ཀྱིས། ཡུལ་འདིའི་ལོ་ཏོག་ལ་གནོད་པར་བྱེད་པའི་ལྷ་སྲིན་སྡེ་བརྒྱད་ཀྱི་རིགས་སུ་གྱུར་པ་རྣམས་དང་། ཡབ་སྲིན་པོ་གློག་གི་ཕྲེང་བ་ཅན་དང་། ཡུམ་ཀླུ་མོ་ཧབ་ཤ་བསེ་གདོང་མ་དང་། སྲས་མཆོག་གཟའ་བདུད་རཱ་ཧུ་ལ། འཁོར་གཟའ་ཆེན་བརྒྱད། སྲིང་མོ་གདོང་མོ་མཆེད་བཞི། རྒྱུ་སྐར་ཉི་ཤུ་རྩ་བརྒྱད། ལྷ་ཆེན་བརྒྱད། ཀླུ་ཆེན་བརྒྱད། འཁོར་ལྷ་སྲིན་སྡེ་བརྒྱད་ཀྱི་དམག་དཔུང་དང་བཅས་པས་མཆོད་སྦྱིན་གྱི་གཏོར་མ་འདི་བཞེས་ལ། ཁྱེད་རང་གི་ཡུལ་སྒོ་འདིའི་ལོ་ཏོག་ལ་སེར་བ་མ་
བཏང་ཞིག །ཡུལ་འདི་ལ་གནས་པའི་ལྷ་ཀླུ་མཐུ་བོ་ཆེ་རྣམས་ལ་མཆོད་དོ་འབུལ་ལོ། །མཆོད་སྦྱིན་གྱི་གཏོར་མ་འདི་ཁྱེར་ལ་སོང་ཞིག །ཨུ་རྒྱན་པདྨ་འབྱུང་ནས་ཀྱི་བཀའ་དང་དམ་ལ་བཏགས་པ་བཞིན་དུ་ཡུལ་འདིའི་ལོ་ཐོག་ལ་སེར་བ་མ་འབེབས་ཤིག །གལ་ཏེ་གཞན་གྱིས་སྣ་ཁྲིད་འཐལ་ཆེས་ཀྱང་། ཡུལ་འདི་ལ་མ་གནོད་ཅིག །གཞན་དུ་བྱེར་ཞིག །གཡས་གཡོན་དུ་བཟུར་ཅིག །ཨོཾ་ཤཱི་ཏུ་ཏྲ་ཨ་ཉ་ཡ་ཙ་ཨུ་ར་ཙིཏྟ་ས་ར་ནེ་ན་མོ་ན་ཡ་ཧཱུྃ་ཧཱུྃ་ཀ་རོ་ཡ་ཏེ་ཐ་ཀ་ནི་ཐ་ཐ་སྭཱ་ཧཱ། ཞེས་གཏོར་མ་སེར་བ་འོང་ཕྱོགས་སུ་ཕུལ་ལ་ཕྲིན་ལས་བཅོལ་་དེར་མི་འབྱུང་བ་ཡིན་ནོ། །སྔགས་འཆང་ཨ་རཱ་གས་སོ། །མངྒ་ལ།། །།