ཡང་གསང་མན་ངག་ཐུགས་འདུས་ལས་སེར་བའི་གདོང་ཟློག་དང་སེར་ཐོ་བརྩེགས་པ།
ཡང་གསང་མན་ངག་ཐུགས་འདུས་ལས༔ སེར་བའི་གདོང་ཟློག་དང་༔ སེར་ཐོ་བརྩེགས་པའི་དབུའོ༔
ཨོཾ་སྭ་སྟི། ཡང་གསང་མན་ངག་ཐུགས་འདུས་ལས། །གསང་སྔགས་རྒྱུད་ལས་བྱུང་བ་ཡི། །གང་དག་སངས་རྒྱས་གསུངས་བཞིན་དུ། །མཁས་གྲུབ་དམ་པའི་ཞབས་ལ་ཕྱག་འཚལ་ལོ། །འགྲོ་ལ་ཕན་པའི་སེར་བའི་གདོང་ཟློག་འདི། དང་པོ་དངོས་གཞི་ལ་འཇུག་པ་ནི། ཚེས་དང་གཟའ་དར་བ་སོགས་གཞུང་དང་མཐུན། དང་པོ་སྔོན་འགྲོ་དང་། །ནངས་སྔ་མོ་ལ་རྣལ་འབྱོར་པ་ལུས་ངག་ཡིད་གསུམ་རྩ་བའི་བསྙེན་པ་དང་ཏིང་འཛིན་གསལ་བའི་ངང་ནས། ནམ་མཁའ་བྱིན་གྱིས་བརླབས་གསུངས་དང་སྣང་བརྒྱད་བརྗོད། དེ་ནས་རི་ལ་དང་པོ་ཐོ་བྱང་དང་བལ་པོ་རྡོ་འཁོར་དང་། ཕུར་པ་རྩང་བཅས་པ་བྱ། བསུང་དང་སྣང་བརྒྱུད་ལོ་མདོས་བྱ། རྣལ་འབྱོར་པས་བཀའ་བསྒོ་ཞིང་དམ་བཅའ་དང་གུར་ཕུབ། རང་ཁྱིམ་ནས་ནམ་ཕྱིན་
ཀྱང་། རྫས་བདུག་དང་རྫས་ཅི་མཁོ་ཉམས་སུ་བླངས། ཡུལ་གང་ཡིན་ན་རང་གི་དམིགས་པས་གཟིར། སེར་རྐང་འཁྲིགས་དང་སེར་བ་བཅས་བྱུང་ན། བདག་ཉིད་རྣལ་འབྱོར་པ་ཡི་དམ་སྤྱིའི་ལུགས་ལྟར་གསལ་བས། སྐྱབས་ཡུལ་མདུན་གྱི་ནམ་མཁའི་གནས་སུ་ཞི་བའི་ཚུལ་དུ་སྐུས་ཟིལ་གྱིས་གནོན་པའི་ངང་ནས། ཀྱཻ༔ བཀའ་ཡི་ལྷ་སྲིན་སྡེ་བརྒྱད་ཉོན་ཅིག །འོ་སེར་བ་སེར་བྱེད་སྣ་འདྲེན་དང་བཅས་པ་ཉོན་ཅིག །ཡུལ་འདི་ངའི་ཞིང་ཁམས་ཡིན་པས༔ མདུན་གྱི་ནམ་མཁར་དཔལ་ཆོས་ཀྱི་སྐུ་ལ་དབྱེ་བ་མེད་པ་ཆོས་སྐུ་ཀུན་ཏུ་བཟང་པོ་ཡབ་ཡུམ་དང་༔ དྲུག་པ་རྡོ་རྗེ་འཆང་ཆེན་པོའི་ཞིང་ཁམས་དང་༔ དེའི་འཁོར་དུ་སངས་རྒྱས་
དང་ཆོས་དགེ་འདུན་གསུམ་བསྐོར་ནས་བཞུགས་ནས་ཡོད་པས༔ ཁྱོད་ལྷ་སྲིན་སྡེ་བརྒྱད་སེར་བ་སེར་བྱེད་སྣ་འདྲེན་དང་བཅས་པ་ལ་དགའ་བའི་ཚུལ་གྱིས་ཆོས་གསུངས་ནས༔ ཁྱོད་རང་སངས་རྒྱས་ཀྱི་བཀའ་རྗེས་སུ་དྲན་ནས་རང་གནས་སུ་སོང་ཞིག༔ ཡུལ་འདིའི་ལོ་ཐོག་ནས་ཡུངས་གྲོ་སོ་བ་ལ་གནོད་འཚེ་མ་བྱེད་པར་ཐམས་ཅད་ཞི་བ་ཆེན་པོའི་ངང་དུ་སོང་ཞིག༔ སངས་རྒྱས་ཀྱི་བཀའ་མ་བཅག༔ ཆོས་ཀྱི་བཀའ་མ་བཅག༔ དགེ་འདུན་གྱི་བཀའ་མ་བཅག༔ ཀུན་བཟང་ཡབ་ཡུམ་དང་དྲུག་པ་རྡོ་རྗེ་འཆང་ཆེན་པོའི་བཀའ་མ་བཅག་ཅིག༔ ཨོཾ་བོ་དྷི་ཙིཏྟ་མ་ཧཱ་སུ་ཁ་ཛྙཱ་ན་དྷཱ་ཏུ་ཨཱ༔ ཨོཾ་ཨེ་ཀ་ཧེ་དུན་ཡ་མཱ་རཱ་ཛ་ཛ་མུན་ཏྲ་རཾ་ཏྲི་ཤུ་དུ་རཾ་འུར་ནན༔ ཨེ་ཀ་ཧེ་ཐུན་མ་མ་ར་ཏྲི་ཤུ་སྙིང་རྦད་དུ་རཾ་སྦུར་ནན༔ སེར་བ་སེར་བྱེད་སྣ་འདྲེན་དང་བཅས་པའི་སྲོག་མྱོག་རྦད་ནཱ་ག་ཙིཏྟ་ཧཱུྃ་སྦྱར་ནན༔ སེར་བྱེད་ཀྱི་སྙིང་ཁམ་ཤག་རྩ་ལ་རྦད༔ སརྦ་ཙིཏྟ་གཟེར་ཏྲིག་ནན་ཨོཾ་ནཱ་ག་ཛ་མུན་ཏྲ་ཛ་སེར་བ་སེར་བྱེད་དང་བཅས་པའི་ཁ་ཁོག་ངོ་ལོང་སྡང་བའི་དགྲ་ལ་སྒྱུར་ཅིག༔ ཏྲིག་ནན༔ ཨོཾ་ནཱ་ག་ཛ་མུནི་ཛ་ཛཿ འོ་བཀའི་ལྷ་སྲིན་སྡེ་བརྒྱད་ཉོན་ཅིག །ཡུལ་འདིར་སངས་རྒྱས་ཤཱཀྱ་ཐུབ་
པའི་ཞིང་ཁམས་འདིར༔ ནམ་མཁའི་གནས་སུ་བཅོམ་ལྡན་འདས་རྒྱལ་བ་ཤཱཀྱ་ཐུབ་པ་སྐུ་མདོག་སེར་པོ་ཞལ་གཅིག་ཕྱག་གཉིས་གཡས་པས་ས་གནོན་གཡོན་མཉམ་བཞག༔ གཡས་སུ་ཤཱ་རིའི་བུ༔ གཡོན་དུ་མོའུ་འགལ་གྱི་བུ་དེའི་འཁོར་དུ་གནས་བརྟན་བཅུ་དྲུག་བཀྲ་སྤུང་ངེ་འོད་ཐིབས་སེ་བཞུགས་ནས་ཡོད་པས༔ ལྷོ་རྒྱལ་འཛམ་བུ་གླིང་གི་ཆོས་ཀྱི་སྐལ་བ༔ སྟེང་ལྷ༔ འོག་ཀླུ༔ བར་གཉན༔ ལྷ་སྲིན་སྡེ་བརྒྱད་ཐམས་ཅད་ལ་ཆོས་གསུངས་ཤིང་། བྱམས་པའི་སེམས་ཀྱི་ངང་ནས༔ ལྷ་སེར་བའི་བདག་པོ༔ ཀླུ་སེར་བའི་བདག་པོ༔ གཟའ་བདུད་རཱ་ཧུ་ལ༔ འཁོར་གཟའ་ཆེན་བརྒྱད༔ གདོང་མོ་བཞི་ལྷ་སྲིན་སེར་བའི་བདག་པོ་ལ༔ བཅོམ་ལྡན་འདས་ཤཱཀྱ་ཐུབ་པ་དང་༔ འཁོར་དུ་ཉན་ཐོས་མཆོག་བརྒྱད་དང་༔ གནས་བརྟན་བཅུ་དྲུག་རྣམས་བཞེངས༔ ཡུལ་འདིའི་ལོ་ཐོག་ནས་ཡུངས་གྲོ་སོ་བ་བྲའོ་ཤིང་ལོ་མེ་ཏོག་འདི་རྣམས་ལ་གནོད་འཚེ་མི་བྱེད་ཁས་བླངས་བགྱིས་ན་སངས་རྒྱས་ཀྱི་བཀའ་མི་བཅག༔ ནམ་མཁའ་ནས་དམག་མི་གཡོ༔ ས་གཞི་ལ་བྲོ་མ་བརྡུངས༔ ངས་སྦྱིན་པའི་ཟས་ཟོ༔ བདེན་པའི་ཆོས་ཉོན༔
བསྐོན་པའི་གོས་གྱོན༔ མངག་པའི་ལས་གྱིས༔ སེར་བ་སེར་བྱེད་སྣ་འདྲེན་དང་བཅས་པ་ཁྱེད་རྣམས་སྡང་བའི་དགྲ་བོའི་ཡུལ་དུ་དམག་དྲོངས་ལ་དགྲ་བོའི་ལོ་ཐོག་ལ་དམག་སྒར་ཐོབ། ས་གཞི་ལ་བྲོ་ར་གྱིས། གཞན་ཡང་ཡུལ་གཞན་དུ་བྱོལ། ལ་ལ་བྱོལ། ནགས་ལ་བྱོལ། གཡས་སུ་བྱོལ། གཡོན་དུ་གཟུར། སངས་རྒྱས་བཅོམ་ལྡན་འདས་ཀྱི་བཀའ་མ་བཅག །སྔགས་འཆང་བདག་གི་བཀའ་མ་བཅག །ཡུལ་རྒེ་འདི་དང་ལོ་ཏོག་འདི་གསང་སྔགས་ནུས་པ་ཅན་གྱི་ཡིན་པས། ཐོ་མ་བགོམ། གུར་མ་བཀྲལ། ཐོག་གི་ཚོགས་པོར་མ་འཕེན། ཕུར་པའི་དབལ་ཟོར་མ་བཏུལ། འཁོར་ལོའི་གུར་མ་བཀྲལ། ཡུངས་ཀར་གྱི་དྭ་མ་བཤིག །དྲག་པོ་སྔགས་ཀྱི་གཟུང་ཐགས་མ་བཅད་ཅིག །ཨོཾ་མུ་ནེ་མུ་ནེ་མ་ཧཱ་མུ་ནེ་ཤཱཀྱ་མུ་ནེ་ཡེ་སྭཱ་ཧཱ། ཨོཾ་ཨེ་ཀ་ཧེ་དུན་ཡ་མ་རཀྟ་ཛཿ མུན་ཏྲི་རཾ་ཏྲི་ཤུ། གནོད་བྱེད་སེར་བའི་སྙིང་ལ་སརྦ་དུ་རཾ། ཨུར་ནན། བཀའི་ལྷ་སྲིན་སྡེ་བརྒྱད་ཐམས་ཅད་ཏྲིག་ཕྱུངས། སྦྱར་ནན། སེར་བ་སེར་བྱེད་སྣ་འདྲེན་དང་བཅས་པའི་སྲོག་ལ་མྱོག་རྦད། སྙིང་ལ་གཟེར་ཁང་ཤག་རྩ་ལ་རྦད་རྦད། ནཱ་ག་ཙིཏྟ་སྲོག་ཨ་ཐུམ་སྦྱར་
ནན། སརྦ་ནཱ་ག་ཙིཏྟ་ཏྲག་གཟེར་ཐུམ་ཏྲིག་ནན་རྦད་རྦད། འོ་བཀའི་ལྷ་སྲིན་སྡེ་བརྒྱད་ཉོན་ཅིག །ཡུལ་འདི་ནི་སློབ་དཔོན་ཆེན་པོ་པདྨ་འབྱུང་གནས་ཀྱི་ཞིང་ཁམས་ཡིན་པས། མདུན་གྱི་ནམ་མཁའི་གནས་སུ་རིག་འཛིན་པདྨ་འབྱུང་གནས་སྐུ་མདོག་དམར་སྨུག་ཞལ་གཅིག་ཕྱག་གཉིས། ཕྱག་གཡས་གནམ་ལྕགས་ཀྱི་རྡོ་རྗེ་ནམ་མཁར་ཕྱར་བ། གཡོན་པས་བནྡྷ་བསྣམས་པ་གཅིག་བསྐྱེད། བོད་ཁ་བ་ཅན་འདིར་ལྷ་སྲིན་སྡེ་བརྒྱད་ཀྱི་གནོད་ཅིང་འཚེ་བར་བྱེད་པ། རྒྱལ་པོ་ཁྲི་སྲོང་ལྡེའུ་བཙན་གྱི་དཔལ་བསམ་ཡས་ས་བཏུལ་མཁན་པོ་པདྨ་འབྱུང་གནས་རྒྱ་གར་ནས་སྤྱན་དྲངས་ནས། བོད་ཀྱི་ལྷ་སྲིན་སྡེ་བརྒྱད་ཀྱིས་སྲོག་སྙིང་ཕུལ་ནས་ཁས་བླངས་དམ་བཅས་ནས། ཁྱད་པར་དུ་དྲང་སྲོང་གཟའ་མཆོག་རཱ་ཧུ་ལའི་གཙོ་འཁོར་དུ་གཟའ་ཆེན་བརྒྱད་གདོང་མོ་བཞིའི་སྲོག་སྙིང་ཕུལ་ནས། སློབ་དཔོན་གྱིས་དགོངས་པ་མཛད་ནས། དཀྱིལ་འཁོར་གྱི་དལ་དུ་བཞག་ནས། ཁྱེད་གཙོ་འཁོར་ལ་སྦྱིན་པའི་མཆོད་སྦྱིན་ཕུལ་ནས། མ་འོངས་དུས་མཐའི་གཏེར་སྲུང་ཞིང་། གསང་སྔགས་རྣལ་འབྱོར་པའི་སྡོང་གྲོགས་མཛད་པ་ལ། ཁྱེད་ཀྱི་འཁོར་དུ་ལྷ་སྲིན་སྡེ་
བརྒྱད་ཀྱིས་ཨ་ཡ་མ་དུ་རུ་ཙ་ཤ་ན། སློབ་དཔོན་པདྨ་འབྱུང་གནས་ལ་ཕུལ་ནས་ཡུལ་འདིའི་ཕུ་མདའ་ཉིན་སྲིབ་ཀྱི་ལོ་ཐོག་ཡུངས་གྲོ་སོ་བ་བྲ་སྲན་ཐམས་ཅད་སློབ་དཔོན་པདྨས། བདག་གསང་སྔགས་རྣལ་འབྱོར་སློབ་དཔོན་གྱི་རྒྱུད་པ་ཡིན་པས། སྲུང་བའི་ལོ་ཏོག་འདི་ལ་ཁྱེད་གཟའ་མཆོག་རཱ་ཧུ་ལ་འཁོར་དུ་གཟའ་ཆེན་བརྒྱད་གདོང་མོ་བཞི་རྒྱུ་སྐར་ཉི་ཤུ་རྩ་བརྒྱད། ལྷ་སྲིན་སྡེ་བརྒྱད་ཐམས་ཅད་ཀྱིས་ནམ་མཁའ་ནས་དམག་མ་དྲོངས། ཡུལ་ལྷ་གཞི་བདག་གིས་རྣལ་འབྱོར་པའི་སྡོང་གྲོགས་རྒྱབ་རྟེན་མཛོད་ལ། ལྷ་སྲིན་སྡེ་བརྒྱད་སེར་བའི་སྣ་འདྲེན་དང་རྒྱབ་རྟེན་མི་བྱེད་པར་ཁས་ལོངས། ས་གཞི་འདི་ནི་སངས་རྒྱས་ཀྱི་བཞུགས་གནས་ཡིན་པས་བྲོ་མ་བརྡུངས། ཁྱེད་ལྷ་འདྲེའི་རིགས་ཡིན། ང་སློབ་དཔོན་གྱི་རྒྱུད་པ་ཡིན་པས་ནམ་མཁའ་ནས་སེར་བ་མ་གཡོ། བཀའ་མ་བཅག་དམ་མ་བཀྲལ། ནམ་མཁའི་དབྱིངས་ནས་རྒྱ་མ་བརྐྱངས། བར་སྣང་ཁམས་ནས་ལམ་མ་གཏོད། ས་གཞི་འདི་ལ་མ་རྒྱུག །ས་གཞི་འདིའི་ལོ་ཐོག་གི་སྒང་བུ་མ་བཅག །ཐོག་གི་ཚོགས་པོར་མ་འཕེན། ཨོཾ་ཀ་ལི་ཙཀྲ་ཕཊ༔ གྲངས་བགྲང་། བདག་རྣལ་འབྱོར་པའི་འཁོར་ལོའི་
གུར་མ་བཀྲལ། ཡུངས་ཀར་གྱི་དྲུ་མ་བཤིག །དྲག་པོ་སྔགས་ཀྱི་གཟུངས་ཐག་མ་བཅད། ཕུར་པའི་ཟུར་མ་གཏུགས། ལམ་མ་གཏོད། རྗེས་མ་བཞག །དམ་མ་བཀྲལ། གདུག་པའི་ཕྱག་བརྙན་མ་འཕེན། ཡབ་སྲིན་པོ་གློག་ཕྲེང་ཡུམ་སྦལ་མགོ་ཁྲག་མིག །བུ་གཟའ་བདུད་རཱ་ཧུ་ལ། ཡབ་ཡུམ་སྲས་གསུམ་གདོང་མོ་བཞི་དང་བཅས་པས་བཀའ་སྣང་ཞིང་སྲིད་པའི་ལྷ་སྲིན་སྡེ་བརྒྱད་ཀྱི་སེར་བ་སེར་བྱེད་སྔོན་བསུ་རྗེས་ཁྲིད་ཐམས་ཅད་སྡང་བྱེད་དགྲ་བོའི་ཡུལ་དུ་དམག་དྲོངས་སོང་ལ་ལོ་ཐོག་ལ་བྲོ་བརྡུང་། ཡུལ་གཞན་དུ་སོང་ཞིག །བྱོལ་ཅིག །ལ་ལ་བྱོལ། ཆུ་ལ་བྱོལ། ལུང་ལ་བྱོལ། སྤང་ལ་བྱོལ། ནགས་ལ་བྱོལ། གཡས་ལ་བྱོལ། གཡོན་ལ་བྱོལ། །གནོད་བྱེད་སེར་བ་སེར་བྱེད་ཐམས་ཅད་ཀྱི་སྣ་འདྲེན་དང་བཅས་པ་ཕྱིར་ཟློག །ཨལྷ་ཡི་སེར་བ་གདོང་ཟློག །ཡགཤིན་རྗེའི་སེར་བ་གདོང་ཟློག །མམ་མོའི་སེར་བ་གདོང་ཟློག །དུབདུད་ཀྱི་སེར་བ་གདོང་ཟློག །རུསྲིན་པོའི་སེར་བ་གདོང་ཟློག །བཙན་གྱི་སེར་བ་གདོང་ཟློག །རརྒྱལ་པོའི་སེར་བ་གདོང་ཟློག །ཤགནོད་སྦྱིན་གྱི་སེར་བ་
གདོང་ཟློག །ནཀླུའི་སེར་བ་གདོང་ཟློག །ས་བདག་གི་སེར་བའི་གདོང་ཕྱིར་ཟློག་ཅིག །ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃ། ཨོཾ་ཨཱཿཧཱུྃ་བཛྲ་གུ་རུ་པདྨ་ཐོད་ཕྲེང་རྩལ་བཛྲ་ས་མཱ་ཡ་ཛཝསིདྡྷི་ཕ་ལ་ཧཱུྃ་ཨཱ༔ ཨོཾ་ཨེ་ཀ་ཧེ་དུན་ཡ་མ་རཀྵ་ཙ་མུན་ཏྲི་རཾ༔ ཏྲི་ཤུ་སྙིང་སརྦ་དུ་རཾ་ཨུར་ནན༔ ཧྲིང་ཕྱུངས་སྦྱར་ནན། སེར་བ་སེར་བྱེད་སྣ་འདྲེན་དང་བཅས་པའི་སྲོག་ལ་མྱོག་ཆད། སེར་བ་ནཱ་ག་ཙིཏྟ་གཟེར་ཐུམ་སྦྱར་ནན། སེར་བ་སེར་བྱེད་ཀྱི་སྙིང་ལ་གཟེར་ཁང་ཤག་ཙ་རྦད། ཏྲི་ནན། ཨེ་ཀ་ཧེ་ཕིང་བྷི་ཏྲིམ་ལ་དྷར་དུ་སྤྲིན་གཏོར། འབྲུག་ཆོམ། །གློག་ཆིངས། ཐོག་ཟེར་ཟློག །སེར་བྱེད་དུམ་དུམ། བཟློག་བཟློག་བྱེར་བྱེར། ཨུ་ཙ་ཏ་ཡ་ཧཱུྃ་ཕཊ༔ དེ་བས་མི་ཐུབ་འཁྲིགས་བྱུང་ན་རྫས་བདུག །བདག་ཉིད་སྐད་ཅིག་གིས་ཡི་དམ་ཕྱག་ན་རྡོ་རྗེ་བསྐྱེད་ལ། སྐུ་མདོག་མཐིང་ནག་ཞལ་གཅིག་ཕྱག་གཉིས་ཕྱག་གཡས་རལ་གྲི་ནམ་མཁའི་དབྱིངས་སུ་ཕྱར་ནས་རལ་གྲིའི་རྩེ་ལ་མེའི་ཚྭ་ཚྭ་འཕྲོ་བར་བསྒོམ། སེར་བ་སེར་བྱེད་ཀྱི་མགོ་ལུས་ཕྲལ་བར་བསམ། གཡོན་པས་སྡིགས་མཛུབ་ཀྱི་རྩེ་ལ་མེ་དཔུང་འབར་བས་སེར་བ་སེར་བྱེད་གཞོབ་ཐུལ་སྲེག་པར་བསམ། ཞབས་གཉིས་མཐུར་དུ་
འགྱིངས་ནས། སེར་བ་སེར་བྱེད་སྣ་འདྲེན་དང་བཅས་པ་བརྫིས་པའི་སྟེང་ནས། དྲག་པོའི་ཤངས་ནས་བདེན་སྟོབས་ལན་གསུམ་བརྗོད་པས་བཀའི་ལྷ་སྲིན་སྡེ་བརྒྱད་སེར་བ་སེར་བྱེད་ཐམས་ཅད་འདིར་བཀུག་པར་བསམ། ཡུལ་ལྷ་གཞི་བདག་སྣ་འདྲེན་དང་རྒྱབ་རྟེན་དང་དཔུང་གཉེན་མི་བྱེད་པར་དམ་བཏགས། དེའི་སྤྱི་བོར་དུ་ཟིལ་གནོན་པདྨ་འབྱུང་གནས་བསྐྱེད། དེའི་སྤྱི་བོར་སྲིད་པའི་བྱ་ཁྱུང་དམར་པོ་གཅིག་སྤུ་དང་སྤུ་བྲན་ལ་མེའི་ཚྭ་ཚྭ་འཕྲོ་བ་གཅིག་བསམ། ཨོཾ་ཁྲོག་རུ་ཊ་ཙ་ལེ་ཙ་ལེ་ཧཱུྃ་ཕཊ། ཨོཾ་བཛྲ་ཙཎྜ་མ་ཧཱ་རོ་ཥ་ཎ་ཧཱུྃ་ཕཊ། ཨོཾ་ཝཱ་གཱི་ཤྭ་རི་མཾ། ཨོཾ་བཛྲ་པཱ་ཎི་ཧཱུྃ། བདག་ཉིད་ཕྱག་ན་རྡོ་རྗེའི་དཀྱིལ་འཁོར་འདི་ལ། གནོད་པར་བྱེད་པའི་སེར་བ་སེར་བྱེད་སྣ་འདྲེན་དང་རྒྱབ་རྟེན་བྱེད་པའི་བཀའི་ལྷ་མ་སྲིན་སྡེ་བརྒྱད་དྲང་སྲོང་ཁྱབ་མཇུག་རཱ་ཧུ་ལ་འཁོར་དུ་གཟའ་ཆེན་བརྒྱད། གདོང་མོ་རྒྱུ་སྐར་ཉེར་བརྒྱད་གང་དག་འདི་ལ་གནོད་པར་གྱུར་ན། ཡུལ་འདིའི་ལོ་ཏོག་ནས་ཡུངས་གྲོ་སོ་བ་བྲ་སྲན་འདི་ལ་གནོད་པར་གྱུར་ན། ཁྱོད་ཀྱི་ལུས་སྲོག་ལ་སློབ་དཔོན་པདྨ་འབྱུང་གནས་དང་ཡི་དམ་གསང་བདག་རྡོ་རྗེ་གཏུམ་པོའམ་ལྷ་གང་ཡིན་
གྱི་ཕྱག་ན་རྡོ་རྗེ་དང་ཁྲོ་མོའི་ཕྱག་མཚན་ལྕགས་ཀྱུ་དང་ཞགས་པ་རྡོ་རྗེ་རལ་གྲི་མདའ་མདུང་སྟ་རེ་འཁོར་ལོ་མེ་དཔུང་ཡུངས་ཀར་ནག་ལྕགས་ཕྱེ་ཟངས་ཕྱེ་ལ་སོགས་བརྒྱབས་པས་ཁྱོད་ཀྱི་ལུས་དུམ་བུར་གཏུབས་ནས་ཁྱོད་རང་གི་རང་སྲོག་རང་གིས་མ་བཅད། རང་སྨྲ་རང་གིས་མ་བྱེད། རང་ཁྲག་རང་གིས་མ་འཐུང་། སེར་བའི་བདག་པོ་ཁྱོད་ཉོན་ལ་ཡུལ་འདིའི་ལོ་ཐོག་འདི་རྣམས་གསང་བདག་ཕྱག་ན་རྡོ་རྗེ་དང་ཡི་དམ་དབང་དྲག་པདྨའི་ཞིང་ཁམས་ཡིན་པས། ཡུལ་ལྷ་གཞི་བདག་ལྷ་སྲིན་སྡེ་བརྒྱད་སེར་བ་འདིའི་རྒྱབ་རྟེན་དང་སྣ་ཁྲིད་མི་བྱེད་ཆ་པར་ཁས་ལོངས་ནས། བསང་དང་གསེར་སྐྱེམས་འདི་བཞེས་ལ། བདག་ཅག་གསང་སྔགས་སྒྲུབ་པ་པོའི་སྡོངས་གྲོགས་དང་རྒྱབ་རྟེན་དུ་བཞུགས་ནས། ལྷ་སེར་བའི་བདག་པོས་ནམ་མཁའ་ནས་དམག་མ་དྲོངས། བར་སྣང་ནས་ལམ་མ་གཏོད། ཀླུ་སེར་བའི་བདག་པོས་ས་གཞི་ལ་བྲོས་མ་འདེབས། ན་མོ་སངས་རྒྱས་ཀྱི་བཀའ་མ་བཅག །ཆོས་ཀྱི་བཀའ་མ་བཅག །དགེ་འདུན་གྱི་བཀའ་མ་བཅག །སློབ་དཔོན་པདྨའི་བཀའ་མ་བཅག །གསང་བདག་ཕྱག་ན་རྡོ་རྗེའི་བཀའ་མ་བཅག །ཡི་དམ་དབང་དྲག་པད་མའི་བཀའ་
མ་བཅག །དྲག་པོ་ཁྲོ་བོ་དང་ཁྲོ་མོའི་བཀའ་མ་བཅག །བདག་གསང་སྔགས་རྣལ་འབྱོར་གྱི་བཀའ་མ་བཅག །ལྷ་སེར་བའི་བདག་པོའི་སྣ་སྒྱུར། གཤིན་རྗེ་སེར་བའི་བདག་པོའི་སྣ་སྒྱུར། མ་མོ་སེར་བའི་བདག་པོའི་སྣ་སྒྱུར། བདུད་སེར་བའི་བདག་པོའི་སྣ་སྒྱུར། སྲིན་པོ་སེར་བའི་བདག་པོའི་སྣ་སྒྱུར། རྒྱལ་པོ་སེར་བའི་བདག་པོའི་སྣ་སྒྱུར། བཙན་སེར་བའི་བདག་པོའི་སྣ་སྒྱུར། གནོད་སྦྱིན་སེར་བའི་བདག་པོའི་སྣ་སྒྱུར། གཟའ་སེར་བའི་བདག་པོའི་སྣ་སྒྱུར། ཀླུ་སེར་བའི་བདག་པོ་སྣ་སྒྱུར། ས་བདག་སེར་བའི་བདག་པོའི་སྣ་སྒྱུར། བསེ་རག་སེར་བའི་བདག་པོའི་སྣ་ཡུལ་གཞན་དུ་སྒྱུར། ནམ་མཁའ་སྟོང་པའི་དབྱིངས་མ་གཡོ། བར་སྣང་ཁམས་སུ་མ་བཅའ། ས་ཁྱི་འདི་ལ་མ་འབབས། ཐོག་གི་མདའ་ནི་མ་འཕེན་འབྲས་དྲུག་ནས་ཀྱི་མགོ་མ་བཅག །སྔོན་མོ་ཡུངས་ཀྱི་སྒང་ང་མ་བཅག །བྲ་སོ་གྲོ་གསུམ་ལ་སེར་བ་མ་རྒྱུགས། །བཀའི་ལྷ་སྲིན་སྡེ་བརྒྱད་སེར་བ་སེར་བྱེད་དམ་ཉམས་དགྲ་བོའི་ཡུལ་དུ་ད་རྒྱུག་ཅིག །གཡས་སུ་བྱོལ། གཡོན་དུ་བྱོལ། སྤང་ལ་སོང་ཞིག །ཆུ་ལ་སོང་ཞིག །ནགས་ལ་སོང་ཞིག །
སྡང་བྱེད་དགྲ་བོའི་སྟེང་དུ་བྱོལ་ཅིག །ཨོཾ་བྷིན་ཐོན། པ་ཤ་ཤཱ་ཡཱ། མོ་ཧ་སེར་བ་སྟམྦྷ་ཡ་ཧཱུྃ་ཕཊ༔ ཨོཾ་བྱ་ཞུ་བྱི་ཞུ་བྱི་ན་དྲང་ཞུ་ལྷན་དྭཱ་ཧཱ། སེར་བ་ཞུད་པའི་སྔགས་ཡིན་ནོ། །སྤྲིན་གཏོར་བ་ནི་ཨོཾ་བཛྲ་ཀྲོ་ཏ་ནན་ཧཱུྃ་ཕཊ༔ བཛྲ་ཡཀྵ་ཤིག་ཤིག །དང་པོ་ནམ་མཁའ་མི་གཡོ་བའི་ཆེད་དུ། ཤར་ཕྱོགས་དྲི་ཟའི་ཕྱོགས་ནས་ཐོག་དང་སེར་བའི་ངག་སྡོམས་ཤིག གནམ་མ་གཡོ་ཐོག་མ་འཕེན་སེར་བ་མ་བཏང་ཞིག །མནའ་མ་ཟ་ཞིག །དུག་མ་འཐུངས་ཤིག །ངོ་མ་ནག་ཅིག །ཁྲེལ་མ་གཡུག་ཅིག །དམ་ལ་མ་འདའ་ཞིག །ཕྱག་ན་རྡོ་རྗེའི་དམ་མ་བཀྲལ་ཅིག །དེ་ནས་ལྷ་སྲིན་སྡེ་བརྒྱད་ཀྱི་སེར་བའི་གདོང་ཟློག་སྔགས་ནི། ཏདྱ་ཐཱ༔ ཨོཾ་ཤུ་ལི་ཤུ་ཤུ་མུ་མི་ཤ་ཤ་ཤུ་ཤུ་སི་མི་ཏི་ཏོ་སི་ར་ཏི་ཧཱུྃ་ཡ་ཧཱུྃ་ཕཊ༔ ཧཱུྃ་ནི་ཏ་སྭཱ་ཧཱ། ཅེས་ཆུ་སྔགས་ནས་གཏོར། དེ་ནས། ཤར་ལྷོ་དྲང་སྲོང་མེ་ལྷའི་ཕྱོགས་ནས་ཐོག་དང་སེར་བའི་སོགས་ནས་སྭ་ཧཱ་བར་གོང་བཞིན་འགྲེས་སོ། །ལྷོ་ཕྱོགས་གཤིན་རྗེའི་ཕྱོགས་ནས་ཐོག་དང་སེར་བའི་ངག་སྡོམས་ཤིག་སོགས་ནས་སྭཱ་ཧཱའི་བར་འགྲེས་སོ། །ལྷོ་ནུབ་སྲིན་པོའི་ཕྱོགས་ནས་ཐོག་དང་སེར་བ་སོགས་ནས་སཱ་ཧཱའི་བར་འགྲེས་སོ། །ནུབ་ཕྱོགས་ཀླུ་བདུད་ཕྱོགས་ནས་ཐོག་དང་སེར་བའི་
ངག་སྡོམས་ཤིག་སོགས་ནས་སྭཱ་ཧཱའི་བར་འགྲེས་སོ། །ནུབ་བྱང་རླུང་ལྷའི་ཕྱོགས་ནས་ཐོག་དང་སེར་བའི་ངག་སྡོམས་ཤིག་སོགས་ནས་སྭཱ་ཧཱའི་བར་འགྲེས་སོ། །བྱང་ཕྱོགས་གནོད་སྦྱིན་ཕྱོགས་ནས་ཐོག་དང་སེར་བའི་ངག་སྡོམས་ཤིག་སོགས་ནས་སཱ་ཧཱའི་བར་འགྲེས་སོ། །བྱང་ཤར་དབང་ལྡན་ཕྱོགས་ནས་ཐོག་དང་སེར་བའི་ངག་སྡོམས་ཤིག་སོགས་ནས་སྭཱ་ཧཱའི་བར་འཆ་འགྲེས་སོ། །སྟེང་ཕྱོགས་ཉི་ཟླ་གཟའ་སྐར་ཕྱོགས་ནས་ཐོག་དང་སེར་བའི་ངག་སྡོམས་ཤིག་སོགས་ནས་སྭཱ་ཧཱའི་བར་འགྲེས་སོ། །འོག་ཕྱོགས་ས་བདག་ཕྱོགས་ནས་ཐོག་དང་སེར་བའི་ངག་སྡོམས་ཤིག་སོགས་ནས་སཱ་ཧཱའི་བར་ནང་ནང་བྱ༔ དེ་ནི་སྔོན་མོ་ཆུ་གཅོད་ཡིན་ཟོར་དམིགས་ཟོར་སྔགས་སོགས་རང་གཞུང་ལྟར་མཆན། ཐལ་ཆེན་ཡུངས་ཀར་སྔགས་ལ་གཏོར། དྲག་སྔགས་ཤམ་བུར་སེར་བ་སེར་བྱེད་སྣ་འདྲེན་དང་བཅས་པ་སྟེ་བྷ་ན་ཤ་ཡ་མོ་ཧ་ཡ་མཱ་ར་ཡ་ཧཱུྃ་རཾ་ཕཊ༔ ཛྭ་ལ་རཾ་བྷོ་རཾ་ཏྲག་རཾ་སེར་བ་ཆོད་ཆོད་སྤྲིན་ནག་པོ་གཏོར་གཏོར་ཏྲག་རུམ་ར་ཛྭ་ལ་རཾ་ཧཱུྃ་ཕཊ༔ ཅེས་སེར་བའི་གདོང་ཟློག་རཱ་གའི་མིང་གིས་བྲིས་པའོ། །། གདོང་ཟློག་འདི་དྲིན་རྗེ་ཀརྨ་ཆགས་མེད་ཀྱི་གསུང་རིང་བསྲེལ་ལྟ་བུ་ཡིན་ནོ། ཨོཾ་ཧཱུྃ༔ ཏྲིག་ཁྲོ་བྷོ། མ་ཎི་ས་རཱ་ནི་བྷོ། མ་རཱ་དུ་ན་ཟློག །རཀ་མོ་རཀ་ཤན་
བྷྱོ། ཏིང་ཡ་རཀྵ་རྦད། མཱ་ར་ཡ། ཨེ་ཀ་ཧེ་དུན་ཡ་མ་རཱ་ཙ་སེར་བྱེད་ཀྱི་སྡིང་མ་ཀི་ལ་བྷྱོ་བྷྱོ། ཞེས་མན་ངག་གནང་ངོ་།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།