སད་སེར་ཞི་བའི་གསོལ་འདེབས། སྣེ་གཉིས།
ན་མོ་གུ་རུ་ཡེ། འོག་མིན་འཐུག་པོ་བཀོད་པ་ན། །རྣམ་པར་སྣང་མཛད་གངས་ཆེན་མཚོ། །གསོལ་བ་འདེབས་སོ་ཐུགས་རྗེས་གཟིགས། །ཕྱག་མཐིལ་གནས་པའི་འཇིག་རྟེན་འདི། །སད་སེར་མུ་གེ་ཞི་བར་མཛོད། །སེམས་ཅན་བདེ་བར་བྱིན་གྱིས་རློབས། །སྟོང་གསུམ་མི་མཇེད་ཞིང་ཁམས་ནས། །ཐུབ་ཆེན་རྒྱལ་བ་གསེར་གླུམདོག་ཅན། །གསོལ་བ་འདེབས་སོ་ཐུགས་རྗེས་གཟིགས། །ཉིད་ཀྱི་འདུལ་ཞིང་འཇིག་རྟེན་འདི། །སད་སེར་མུ་གེ་ཞི་བར་མཛོད། །སེམས་ཅན་བདེ་བར་བྱིན་གྱིས་རློབས། །པོ་ཊ་ལ་ཡི་གནས་མཆོག་ན། །ཐུགས་རྗེ་ཆེན་པོ་སྤྱན་རས་གཟིགས། །གསོལ་བ་འདེབས་སོ་ཐུགས་རྗེས་གཟིགས། །ཉིད་ཀྱི་ཞིང་ཁམས་གངས་ཆེན་འདི། །སད་སེར་མུ་གེ་ཞི་བར་མཛོད། །སེམས་ཅན་བདེ་བར་བྱིན་གྱིས་རློབས། །ཟངས་མདོག་དཔལ་རིའི་རྩེ་མོ་ན། །རིག་འཛིན་པདྨ་ཐོད་ཕྲེང་རྩལ། །གསོལ་བ་འདེབས་སོ་ཐུགས་རྗེས་གཟིགས། །ཉིད་ཀྱི་འདུལ་ཞིང་བོད་ཡུལ་འདི། །སད་སེར་མུ་གེ་ཞི་བར་མཛོད། །སེམས་ཅན་བདེ་བར་བྱིན་གྱིས་རློབས། །བཀྲ་ཤིས་དབུས་རིའི་ལྷ་ས་ན། །ཆོས་རྒྱལ་
སྲོང་བཙན་སྒམ་པོ་ལ། །གསོལ་བ་འདེབས་སོ་ཐུགས་རྗེས་གཟིགས། །ཉིད་ཀྱི་མངའ་འོག་བོད་འབངས་འདི། །སད་སེར་མུ་གེ་ཞི་བར་མཛོད། །སེམས་ཅན་བདེ་བར་བྱིན་གྱིས་རློབས། །གར་བཞུགས་ཆོས་ཀྱི་ཕོ་བྲང་ན། །རྒྱལ་དབང་ཆོས་དབྱིངས་རྡོ་རྗེ་ལ། །གསོལ་བ་འདེབས་སོ་ཐུགས་རྗེས་གཟིགས། །ཉིད་ཀྱི་འདུལ་བྱ་བོད་ཁམས་འདི། །སད་སེར་མུ་གེ་ཞི་བར་མཛོད། །སེམས་ཅན་བདེ་བར་བྱིན་གྱིས་རློབས། །མཐོ་ལྡིང་གངས་རི་གཡའ་བྲག་ལ། །བོད་ཁམས་བརྟན་མ་བཅུ་གཉིས་པོ། །སྔོན་གྱི་དམ་ཚིག་མ་གཡེལ་གསོལ། །ཉིད་ཀྱི་བརྐྱང་བྱ་བོད་ཁམས་འདིར། །སད་སེར་མུ་གེ་ཞི་བར་མཛོད། །སེམས་ཅན་བདེ་བར་བྱིན་གྱིས་རློབས། །བཀྲ་ཤིས་བདེ་ལེགས་མཛད་དུ་གསོལ། །ཅེས་པ་འདི་མེ་མོ་ཕག་ལོ་གྲོ་ཞུན་གྱི་ཉི་ཤུ་ནུབ་སད་འོང་གྲབ་བྱུང་དུས་ཨ་རཱ་གས་བྱུང་རྒྱལ་དུ་སྨྲས། བྱམས་པའི་ཏིང་ངེ་འཛིན་གནད་དུ་བསྣུན། སྤྲིན་སྡུད་འཁོར་ལོ་བསྐོར་བ་སོགས་བྱས་པས། རང་ལ་ནུས་པ་ཡོད་པའི་ཆ་ནས་མ་ཡིན། རྟེན་འབྲེལ་འགྲིགས་པའི་ཆ་ནས་སྐྱོན་ཆེར་མ་བྱུང་ངོ་།། །།
ན་མོ་བྷོ་དྷི་སཏྭ་ཡེ། སྤྲིན་དཀར་དུམ་བུ་ཕུང་པོ་སྤུངས་འདྲ་བའི། །ཉ་རྒྱས་ཟླ་བ་ལྟ་བུ་ཞལ་གཅིག་པ། །ཕྱག་གཡས་མྱུ་གུ་ཨིནྡྲ་ནཱི་ལའི་མདོག །ཛཾ་བུ་ཆུ་གསེར་ལས་གྲུབ་དྲིལ་བུ་གཡོན། །སུམ་རྩེན་ལྷ་ཡི་རྒྱན་དང་ན་བཟས་བཀླུབས། །རབ་མཛེས་པདྨའི་ལྟེ་བར་ཕྱེད་པའི་སྐྱིལ། །བྱང་ཆུབ་སེམས་དཔའི་ནང་ནས་སེམས་དཔའ་ཆེ། །ས་ཡི་སྙིང་པོའི་ཞབས་ལ་ཕྱག་འཚལ་ལོ། །འགྲོ་བ་ཀུན་ལ་ཐུགས་རྗེས་བརྩེར་དགོངས་ཤིང་། །སད་དང་སེར་བའི་གནོད་པ་མི་འབྱུང་ཞིང་། །ལོ་ཐོག་ཕུན་སུམ་ཚོགས་པར་བྱིན་གྱིས་རློབས། །བཙོ་མའི་མདོག་ཅན་སྐབས་གསུམ་བུ་མོ་འདྲ། །སྐུ་སྟོད་ས་ནས་ཕྱུངས་ཏེ་གཏེར་བུམ་འཛིན། །དུས་གསུམ་རྒྱལ་བའི་ས་ལམ་བགྲོད་པ་ཡི། །དཔང་པོ་མཛད་པས་བདུད་སྡེ་ཕམ་མཛད་མ། །ས་འཛིན་ཆེན་མོ་དེ་ལ་བདག་གིས་བསྟོད། །རྒྱལ་བའི་སྤྱན་སྔར་ཐུགས་དམ་རྗེས་དགོངས་ལ། །སྟོང་ཕྲག་ཉི་ཤུའི་འོག་ནས་ས་ཡི་བཅུད། །ས་ཕྱོགས་འདི་ལ་བསྡུས་ལ་ཡུལ་ཕྱོགས་འདིར། །རྟག་ཏུ་ལོ་ལེགས་འབྲུ་འཕེལ་བཀྲ་ཤིས་སྩོལ། །རྒྱ་མཚོའི་ཀློང་ནས་ཤེལ་དཀར་རི་བོ་བཞིན། །ལྟོ་འགྲོས་
གདེངས་ཀ་སྤྲིན་ཕུང་ནམ་མཁར་ཁྱབ། །ཕྱག་གཉིས་ཐལ་སྦྱར་མཛད་པས་གཏེར་བུམ་འཛིན། །ལྟོ་འཕྱེ་མཇུག་མས་ས་འོག་རྒྱ་མཚོ་དཀྲུག །འཇམ་དབྱངས་སྤྲུལ་པ་ཀླུ་ཡི་རྒྱལ་པོ་ཆེ། །ཀླུ་ནི་མི་མགོན་དཀར་པོ་ཞེས་སུ་གྲགས། །སྨར་ཁམས་ཕྱོགས་ནས་ཡུལ་ཕྱོགས་འདིར་གཟིགས་ལ། །གྲོ་བཞིན་ཁྲུམས་དང་ཡར་ངོའི་ཟླ་བའི་ཚེ། །ཐོ་རངས་དུས་སུ་ནམ་མཁར་དབུགས་ཐོགས་ལ། །སྤྲིན་ཕུང་འཁྲིགས་ཤིང་སད་སེར་མེད་པར་མཛོད། །སེམས་དཔའ་ཁྱོད་ནི་སྙིགས་མའི་འགྲོ་བ་ལ། །སྙིང་རྗེའི་དབང་གིས་མི་འཇིགས་སྦྱིན་པ་ཚོཐོངས། །དེ་ཝི་ཀོ་ཊའི་གནས་དང་བླ་མཚོ་ནས། །ས་བརྒྱད་སེམས་དཔའ་ཀླུ་བདུད་རྒྱལ་པོའི་ཚུལ། །སྨྱོ་ཁ་ཀླུ་བདུད་ནག་པོ་མགོ་དགུ་པ། །སྲིན་པོའི་གཟུགས་ཅན་སྦྲུལ་མཇུག་གདེངས་ཀ་ཅན། །གསེར་གྱི་འཁོར་ལོ་སྦྲུལ་ཞགས་ལག་ན་ཐོགས། །མི་མང་སྤྲིན་འཁྲིགས་ན་བུན་གློག་འོད་འཁྱུག །ཁྲག་ནག་རྟིང་དཀར་རྫུ་འཕྲུལ་རླུང་བས་མགྱོགས་། །གྲོ་ཞུན་ཁྲུམས་དང་ཐ་སྐར་ཟླ་བ་ལ། །ཐོ་རངས་རྒྱུན་དུ་ནམ་མཁར་ཁྱོད་རྒྱུགས་ལ། །སྤྲིན་ནག་འཁྲིགས་ཤིང་སད་སེར་མེད་པར་མཛོད། །ཁྱོད་ནི་འཇིག་རྟེན་
འདས་ཀྱང་འཁོར་བའི་ཚུལ། །འགྲོ་ལ་ཕན་ཕྱིར་འཇིག་རྟེན་འདིར་བཞུགས་ནས། །སྙིགས་དུས་འགྲོ་ལ་མུ་གེའི་འཇིགས་པ་ལས། །སྐྱོབ་ཕྱིར་སེམས་དཔའ་ཁྱོད་ཀྱི་ཐུགས་བསྐྱེད་མཛོད། །གཞན་ཡང་ཀླུ་རྒྱལ་སངས་རྒྱས་བཅོམ་ལྡན་འདས། །ཀླུ་ཆེན་བརྒྱད་དང་མ་དྲོའི་ཀླུ་དབང་དང་། །བློན་པོ་ཁམས་ཀྱི་བྱ་ཐུལ་ལ་སོགས་པའི། །གཟི་བྱིན་ཆེ་བའི་ཀླུ་དང་ཡུལ་ལྷ་རྣམས། །སད་དང་སེར་བའི་གནོད་པ་མ་བཏང་ཞིག །འཇིག་རྟེན་བདེ་ཞིང་ལོ་ལེགས་མཛད་དུ་གསོལ། །ཅེས་མེ་ཕོ་རྟའི་ལོ་ལ་གླང་རྩིས་ནས་ལོ་ལྟས་ཤིན་ཏུ་ངན་ཞིང་དབྱར་སྟོད་ཆུ་སྐམ་ཟེར་བ་ཡོད་ཀྱང་ཀུན་ལ་ཆར་སྒྲུབ་བྱས་པའི་རྟེན་འབྲེལ་ཡིན་ནམ་སྙམ། ཕྱོགས་གཞན་དུ་ཆར་དཀོན་པ་དང་ཕྱོགས་འདིར་ཆར་ལེགས་པར་བྱུང་ཡང་གྲོ་ཞུན་ཟླ་བའི་བཅུ་གཉིས་དང་བཅུ་གསུམ་ལ་ཤི་ལུགས་ངན་པའི་སྐྱེས་པ་བུད་མེད་འགའ་རེ་ཤི་ནས་སད་འོང་དོག་སྤྲིན་བཅུད་འཁོར་ལོ་དང་གདམས་པ་འགའ་བྱས་དུས། ཨ་རཱ་གས་སྨྲས་པའོ།། །།