དྲེགས་པ་གནམ་ས་གོ་ཟློག་གི་འཁོར་ལོ་དང་རབ་གནས་དམིགས་རིམ་བཅས་པ།
དྲེགས་པ་གནམ་ས་གོ་ཟློག་གི་འཁོར་ལོ་དང་རབ་གནས་དམིགས་རིམ་བཅས་པ་བཞུགས་སོ།། ཨོཾ་མ་ཧཱ་ཤུ་ནྱ་ཏ་ཛྷཱ་ན་སྭ་བྷ་ཝ་ཨཏྨ་ཀོཉཧཾ༔ སྟོངཔའི་ངང་ལས་སྐད་ཅིག་གིས་སེངྒེའི་ཁྲི་སྟེང་དུ་པདྨ་ནག་པོའི་གདན་ལ་རང་ཉིད་བཅོམ་ལྡན་འདས་ཤཱཀྱ་ཐུབ་པ་སྐུ་མདོག་ནག་པོ་རྔམས་ཤིང་བརྗིད་པ༔ སྐུ་ལ་དར་ལིང་ནག་པོའི་ཆོས་གོས་གསོལ་བ༔ ཞབས་སྐྱིལ་ཀྲུང་བཞུགས་པ་ཕྱག་གཡས་གནམ་ལྕགས་ཀྱི་སྲེག་ཤང་ལ་མུན་པའི་བསིལ་གཡབ་བཏགས་པ་འཛིན་ཅིང་གཡོན་ལྕགས་སྐྱུ་ཕྱག་རྒྱ་མཛད་པ༔ སྐུ་རི་རབ་ཙམ་དམ་ཚིག་པ་དང་ཡེ་ཤེས་པ་དབྱེར་མེད་པ་གཅིག་ཏུ་གསལ་བར་གྱུར༔ དེའི་མཛོད་སྤུ་ནས་འོད་ཟེར་ནག་པོ་དགུ་རིམ་དང་༔ ཐུགས་ཀ་ནས་འོད་ཟེར་ལྕགས་ཀྱུ་ལྟ་བུ་དཔག་ཏུ་མེད་པ་འཕྲོས་པས་དགྲ་བོ་མུན་པ་ནག་པོའི་ནང་གཏུམ༔ ལྕགས་ཀྱུའི་སྙིང་ནས་བཟུང་༔ ཞགས་པས་རྐང་ལག་བཅིངས་ནས་བཀུག་སྟེ༔ རང་གི་མདུན་དུ་གནམ་ལྕགས་ཀྱི་རི་རབ་ནག་པོ་ཟུར་གསུམ་གྱི་ནང་གི་ཁོང་སེང་མུན་གླིང་ནག་པོ་དགུ་རིམ་གྱི་ནང་དུ་ཚུད་པར་གྱུར༔ ན་མོ་དཀོན་མཆོག་གསུམ་གྱི་བཀའ་བདེན་པ་དང་༔ རྩ་བ་གསུམ་གྱི་བཀའ་བདེན་པ་དང་༔ ཐུབ་པ་ནག་པོའི་བཀའ་བདེན་པ་
དང་༔ དབང་ཕྱུག་མ་ཧཱ་དེ་ཝའི་བཀའ་བདེན་པ་དང་༔ བཀའ་སྲུང་དམ་ཅན་རྒྱ་མཚོའི་བཀའ་བདེན་པ་དང་༔ སྣང་སྲིད་ལྷ་འདྲེ་རྣམས་ཀྱི་མཐུ་སྟོབས་ཆེན་པོའི་ཡུལ་རྣོ་ན་ཀ་ཆ་རྟ་ཕྱུགས་ཁྱེར་མིའི་བླ་སྲོག་རྣམ་པར་ཤེས་པ་ལུས་ངག་ཡིད་གསུམ་སྐད་ཅིག་ད་ལྟ་ཉིད་དུ་འདིར་ཁུག་ཅིག༔ ཨོཾ་མུ་ནེ་ཙོ་ར་མུརྒྱ་ཙཽ་སྭཱ་ཧཱ༔ ཇག་པ་ཆོམ་རྐུན་ཛྭ་ལ་མ་དྷ་ཡེ་ཁུག་ཅིག་སྭཱ་ཧཱ༔ ཞེས་བཀུག་གཞུག་བརྒྱ་རྩའམ་བླ་འགུགས་སྔགས་བརྒྱ་ལས་མི་ཉུང་བར་བཟླས༔ དགྲ་རྐུན་ཇག་པ་རྣམས་ཀྱི་གླད་པའི་ནང་དུ་མུན་པའི་གཡུང་དྲུང་ནག་པོ་གཡོན་དུ་ཀྱི་ལི་ལི་འཁོར་བས་གླད་པ་དཀྲུག་མགོ་འཁོར༔ རང་ཉིད་ཐུབ་པ་ནག་པོའི་ཕྱག་གཡས་བསིལ་གཡབ་རྐུན་མའི་མགོ་ལ་བརྒྱབ་པས་དགྲ་བོ་རྐུན་མ་རྣམས་ནག་ཀམ་གྱིས་སོང་ནས་དྲན་པའི་རྣམས་ཤེས་གཏོར་ནས་བརྒྱལ་ཏེ་ས་ལ་འགྱེལ་བར་གྱུར་ཅེས་བསྒོམ་ཞིང་། ཨོཾ་མུརྒྱ་མུརྒྱ་མ་ཧཱ་མ་མུརྒྱ་སྒེ་ཁྱེར་མའི་བླ་སྲོག་ཤ་ཁྲག་སྙིང་གསུམ་བླ་གཤེད་དབང་གསུམ་ཆིངས་ཤིག་ཆིངས་ཤིག༔ ཅེས་ཐུབ་པ་ནག་པོའི་སྔགས། རྒེ་ཁྱེར་མའི་རྨེ་རྐུན་མའི་རྣམ་ཤེས་ཞ་རམ་ཝ་ཏི་ས་མུན་ཛཿ ཞ་རཾ་ཝར་ཏི་ས་མུན་ཛཿ ཞ་རཾ་ཝར་ཏི་མུན་ཐིབ་ཐིབ༔ རྭ་ཙ་མུན་མུན༔ རྭ་ཙ་ཐིབ་ཐིབ༔ ཅེས་
དྲེགས་པའི་ལས་ཚོགས་དང་། ཨོཾ་ཤི་ལི་ལི་ཡ་མ་ཀུ་ཀུ་ཤང་ཤང་རྨེ་ཁྱེར་མི་མཱ་ར་ཡ་ཟུང་ཟུང་༔ ༀ་ཤིག་ཆོད་ནིར་ལོག་ནིར་ཆོད༔ ནིར་ལོག་གར་ལོག་གར་ཆོད༔ ཅེས་དབང་ཕྱུག་ཆེན་པོའི་ལས་ཚོགས། ཨོཾ་ལ་འཁོར་ར་འཁོར་འདུས་འདུས་རྒྱུག་རྒྱུག་དུམ་བུ་ནི་ཀད་ལ་མ་ཧཱ་དེ་ཝ་ཧཱུྃཛ་དགྲ་བོའི་སྙིང་ལ་ཧུར་ཐུམ་རྦད་རྦད་བྷྱོ་བྷྱོ་ཟློག༔ ཅེས་གུ་རུ་སྣང་མཛད་རྡོ་རྗེའི་ལུགས་དང་རྒྱུའདྲ༔ ཨོཾ་མ་ཧཱ་ཀཱ་ལ་ཨེ་ཀ་ཙ་ཏི་གླུ་ཎ་ཧྲི་ད་ཧཱུྃ་ཕཊ༔ མ་ཧཱ་ཀཱ་ལ་ཀ་ཀ་མུ་ཁ་རག་མོ་ཛ་ལི་སེདྷ་མུ་ཁ་རཀཱ་ར་ཧུ་ལ་གིང་ཀ་རཿ༔ ཡ་མ་རཱ་ཙ་ཏྲི་ཤུ་ལ༔ ཡཀྵ་ནག་པོ་སརྦ་དྷཱ་ཀི་ནཱི༔ ས་མ་ཡ་ཧྲིང་ཧྲིང་ཛ་ཛཿ ཨོཾ་འུར་ཏི་འུར་ཝ་རིང་སོད་བ་རིང་བསོད༔ ཀླད་ལ་གཡུག༔ ཏདྱ་ཐཱ༔ ཨོཾ་མུརྒྱ་མུ་རྒྱ་མ་ཧཱ་མུརྒྱ་ཙག་ཙག༔ ཙིག་ཙག༔ ཙེག་ཙེག༔ དགྲ་བོ་ཆོམ་རྐུན་བྲོས་པོ་ཐམས་ཅད་ཁ་བསྐོར་ཅིག༔ སྒྲིག་ཁྲིལ་ངག་ལྷུག་ཅིག༔ ཡིད་དྲན་པ་རྨུག་པར་གྱིས་ཤིག༔ ཐིབས་སུ་ཆུག་ཅིག༔ སྨོག་རུ་ཆུག་ཅིག༔ ཅེས་གཏེར་བཞེད་རྙིང་ལུགས་དང་༔ ཀློབ་ཨོཾ་ཐུམ་ཐུམ་ཧྲིལ་ཧྲིལ་ནག་འཁོར་ལ་འཁོར༔ རྐུན་བུ་ནག་པོ་མགོ་བསྐོར་ནས་ཚུར་ལ་བསྐོར་ཀྱི་ལི་ལི་ནག་ཐིབ་ཐིབ་བསྐོར་སྭཱ་ཧཱ༔ ཞེས་སྤྲུལ་སྐུའི་དགོངས་གཏེར་ནས་བྱུང་ངོ་༔ དེ་རྣམས་གང་
མོས་ཅི་མང་བཟླ་ཞིང་འཁོར་ལོ་བསྐོར་ཅིང་༔ ཁྱད་པར་དྲེགས་པའི་གཞུང་ཆེན་སྔགས་ནི་རབ་གནས་དུས་སོགས་ལ་གལ་ཆེ་སྟེ༔ ཨོཾ་བཛྲ་ཤ་ན་ཤད་པ་ནི་ས་མ་ཡ་ཛཿ ཨོཾ་ཧེ་མུ་ནེ་ཤ་ཏུཾ་ཧ་ས་ནི་ཧཱུྃ་ཧཱུྃ་ཙིཏྟ་ཡ་ཕཊ༔ ཨོཾ་བཛྲ་ཏེ་ཏཾ་དགྲ་བོ་ཆེ་སྲོག་སྙིང་ཁུག་ཛཿ དགྲ་བོ་བྷནྡྷ་བྷནྡྷ་ཧཱུྃཕཊ༔ ཨོཾ་ཧཱུྃ་བཛྲ་ཡཀྵ་ཛྭ་ལ་འདི་ཁྱེར་མི་བྷནྡྷ་བྷན་ཧ་ན་ཧ་ན་ཧཱུྃ་ཕཊ༔ དྲེགས་པའི་རྩ་སྔགས་ཡིན་པས་མང་བཅུག༔ ཨོཾ་དགྲ་བོ་རྨེ་ཁྱེར་མི་བྱི་བ་ལོ་པ་བྷནྡྷ་བྷནྡྷ་ཧཱུྃ་ཕཊ༔ མུ་དགྲ་བོ་རྒེ་ཁྱེར་མི་གླང་ལོ་པ་བྷནྡྷ་བྷནྡྷ་ཧཱུྃ་ཕཊ༔ ནི་དགྲ་བོ་རྒེ་ཁྱེར་མི་སྟག་ལོ་པ་བྷནདྷ་བྷནྡྷ་ཧཱུྃ་ཕཊ༔ ཧཱུྃ་དགྲ་བོ་རྒེ་ཁྱེར་མི་ཡོས་ལོ་པ་བྷནྡྷ་བྷནྡྷ་ཧཱུྃ་ཕཊ༔ ཧ་དགྲ་བོ་རྨེ་ཁྱེར་མི་འབྲུག་ལོ་པ་བྷནྡྷ་བྷནྡྷ་ཧཱུྃ་ཕཊ༔ ས་དགྲ་བོ་རྒེ་ཁྱེར་མི་སྦྲུལ་ལོ་པ་བྷནྡྷ་བྷནྡྷ་ཧཱུྃ་ཕཊ༔ ནི་དགྲ་བོ་རྒེ་ཁྱེར་མི་རྟ་ལོ་པ་བྷནྡྷ་བྷནྡྷ་ཧཱུྃ་ཕཊ༔ ཧཱུྃ་
འདུ་བྱེད་ཁུག་ནན༔ རྣམ་པར་ཤེས་པ་ཁུག་ནན༔ མིང་དང་གཟུགས་ཁུག་ནན༔ སྐྱེ་མཆེད་དྲུག་ཁུག་ནན༔ རེག་པ་ཁུག་ནན༔ ཚོར་བ་ཁུག་ནན༔ སྲེད་པ་ཁུག་ནན༔ ལེན་པ་ཁུག་ནན༔ སྲིད་པ་ཁུག་ནན༔ སྐྱེ་བ་ཁུག་ནན༔ རྒ་ཤི་ཁུག་ནན༔ དགྲ་བོ་བྱི་བ་ལོ་པའི་གཤེད་དུ་ཕོབ༔ ཅེས་སོགས་ནས། ཕག་ལོ་པའི་གཤེད་དུ་ཕོབ༔ མ་རིག་པ་དགྲ་བོའི་གཤེད་དུ་ཕོབ༔ སོགས་ནས། རྒ་ཤི་དགྲ་བོའི་གཤེད་དུ་ཕོབ༔ ས་ཆ་འདི་ཞེས་བྱ་བ་ནས་རྗེ་འདི་ཞེས་བྱ་བ་ཁྱེར་མི་རྣམས་ཀྱི་ཡུལ་གནམ་ས་གོ་ཟློག༔ ཤར་ནུབ་གོ་ཟློག༔ ལྷོ་བྱང་གོ་ཟློག༔ མདུན་རྒྱབ་གོ་ཟློག༔ མགོ་མཇུག་གོ་ཟློག༔ ཨོཾ་བཛྲ་ཏེ་ཏཾ་ནོར་ཁྱེར་མི་ཁུག་ཛ་ཛཿ བནྡྷ་ཡ་བན་ཡ༔ མཱ་ར་ཡ་ཧཱུྃ་ཧཱུྃ་ཕཊ་ཕཊ་ས་ཆ་སྒེ་ནས་ནོར་ཁྱེར་མི་ཁུག་ཛ་ཛཿ ཧོ་བྷེ་ཧ་རེ་མི་ཡང་༔ དགྲ་བོ་ནོར་རྐུ་མི་ཡཾ༔ དགྲ་བོ་ནོར་རྐུ་མི་ཁུག་ཏི་རྦད༔ ཐིས་ཁུག༔ ཐུམ་ཐུམ་ཕྲོལ་ཕྲོལ༔ ལྷོག་ལྷོག་ཏྲག་ཏྲག་ནན་ནན༔ དགྲ་བོ་ནོར་རྐུ་མི་མུག་ཏི་རྦད་རྦད༔ ཙིཏྟ་ཁུག༔ དེ་ཝ་རཱ་ཙ་ནན༔ རྐང་རུས་ལ་ཆོམ༔ ཁྲག་ཏི་ཁ་རྒྱལ་ཏི་རྦད་རྦད༔ ཤ་ལ་ཉོག་ཉིལ་ཐུམ་རིལ་ཛ་
ཛཿ ཕུང་སྲི་མས་དགྲ་བོ་ནོར་རྐུ་མི་མཱ་ར་ཡ་སོད་སོད༔ པྲ་མ་ནི་པྲ་མ་ནི༔ རཱ་ཙ་ཡ༔ བྷ་ཏི་ཀྲོ་དྷ་ཀ་ལི་དགྲ་བོ་ནོར་རྐུ་མི་མཱ་ར་ཛ་ཛཿ ཅེས་སྔགས་བྱང་རྣམས་ཅི་ལྕོགས་བཟླའོ༔ འདིའི་གནམ་ས་གོ་ལྡོག་འཁོར་ལོ་ཆུའམ་རླུང་ལ་བསྐོར་བས་འགྲུབ་བོ༔ ལག་བསྐོར་ནིམི་རུང་བ་མེད་དེ༔ དགྲ་ཆིང་འཁོར་ལོ་ལག་བསྐོར་གྱི་ཕྱག་ལེན་སྲོལ་ལ་ཡོད་པའི་ཕྱིར་རོ༔ ཐམས་ཅད་བསྐོར་ལུག་ནི་ཤོག་ཚད་གོང་མ་དང་མཉམ་ལ༔ ཕྱིའི་མུ་ཁྱུད་ལ་དགྲ་བོ་ཐུབ་ས་ཡིན༔ དེ་ནང་མུ་ཁྱུད་ཆེ་བ་ལ་སྔགས་རིང་ཐམས་ཅད་བྲི་དེ་ནང་མུ་ཁྱུད་ལ་ལིང་གའི་ལྟོ་བ་དེ་ནང་མུ་ཁྱུད་ནི་མིག་སྲོག་ཤིང་བུ་གའོ༔ རྟེན་འབྲེལ་ལ་སོགས་མི་དགོས༔ འདི་ལ་ཡ་གབ་མ་གབ་གཉིས་བྲིས་ལ་ཁ་སྦྱོར༔ ཕྱིའི་མུ་ཁྱུད་ལ་ཕྱི་ནང་མགོ་བཟུང་སྔགས་མཇུག་ནང་དུ་ཕུད་ལ་བྲི་སྟེ། འདི་རང་ལ་མཆོད་བསྟོད་སྒེས་སུ་མི་དགོས། ཆོས་སྐྱོང་སྤྱིའི་བསྐུར་པ་སོགས་ལ་རྒྱབ་བསྟེན་བྱའོ། །སྒབ་འདྲེ་ནི་ཐུབ་པ་ལ་སྒབ་འདྲེ་མེད་པ་དང་། རང་སྲུང་ཡང་མི་དགོས་འཇམས། མགོ་འཁོར་གཞུང་རྣམས་སོ་སོའི་ལུགས་ལྟར་དགོས་མོད་ཀྱི༔ འདི་རྣམས་གོ་ལ་བསྐོར་བ་ཡིན་པས་འཁོར་ལོ་སྔགས་རབ་གནས་ཚུལ་དུ་བཟླས་པཟབ་སྟེ་སྲུང་འཁོར་རྒྱུད་རྣམས་ནས་གསུངས་སོ། །ཞེས་པ་ཆོམ་རྐུན་གྱི་འཚེ་བ་ཆེན་པོ་བྱུང་དུས་གཉེར་པ་ཆོས་འཕེལ་གྱིས་བསྐུལ་ནས་རཱ་ག་ཨ་སྱས་བསྒྲིགས་པ་ཉེས་པ་ཐུབ་པའི་དྲུང་དུ་བཤགས་ཤིང་། དགེ་བས་ཆོས་བྱེད་སྒྲུབ་པ་པོ་ཐམས་ཅད་བདེ་ཞིང་གཟུགས་ཅན་དགྲ་ལས་རྒྱལ་བར་གྱུར་ཅིག།