གནམ་ཆོས་ཐུགས་ཀྱི་གཏེར་ཁ་ལས་ཨ་གོ་རའི་ཨ་གོ་རའི་སྒྲུབ་པ།
གནམ་ཆོས་ཐུགས་ཀྱི་གཏེར་ཁ་ལས་ཨ་གོ་རའི་ཨ་གོ་རའི་སྒྲུབ་པ་ཡོད༔ ཨོཾ༔ ཧེ་རུ་ཀ་ལ་ཕྱག་འཚལ་ལོ༔ ཨ་གོ་ར་ཡི་བསྒྲུབ་པ་ནི༔ དཀྱིལ་འཁོར་མེད་ཅིང་གཏོར་མ་མེད༔ དམིགས་པ་ཨ་གོ་ར་ནག་པོ༔ གཡས་པ་དེ་ནི་རུ་མཚོན་ལ༔ གཡོན་པ་དེ་ནི་བྷནྡའོ༔ དགྲ་བོའི་རོ་སྟེང་ཞབས་གཉིས་བཞེངས༔ དར་ནག་བེར་ཆེན་སྐུ་ལ་གསོལ༔ དེ་ཡི་ཐུགས་ཀའི་ཧཱུྃ་ནག་ལས༔ འོད་ཟེར་ནག་པོ་འཕྲོས་པ་ཡིས༔ དེ་འདྲ་དཔག་མེད་སྤྱན་དྲངས་བསྟིམ༔ ཨོཾ་དྷམ་པཱ་ལ་ཨ་གོ་ར་ཧཱུྃ་ཧཱུྃ་ཛ་ཛ་ཕཊ་ཕཊ་སྭཱ་ཧཱ༔ དེ་ཡི་ཨ་གོ་ར་འགྲུབ་བོ༔ ས་མ་ཡ༔ རྒྱ་རྒྱ་རྒྱ༔ ཁ་ཐཾ༔ གུ་ཧྱ༔ འདི་ཡི་ཞལ་གདམས་ནི༔ གཡས་དར་ནག་རུ་མཚོན་ཁ་ཊཾ་མོ༔ ཁྲོ་བོའི་ཆས་ཡོངས་རྫོགས་དང་སག་ལྷམ་ཅན༔ ཞབས་གཉིས་གཤིབས་ཏེ་བཞེངས་པ༔ ས་མ་ཡ༔ རྒྱ་རྒྱ་རྒྱ༔ ཞེས་པ་འདི་སྤྲུལ་སྐུ་མི་འགྱུར་རྡོ་རྗེ་དགུང་ལོ་བཅུ་གཉིས་མེ་སྤྲེལ་སྨིན་དྲུག་ཟླ་བའི་ཚེས་དྲུག་གི་ཐོ་རངས་མགོན་པོ་ཨ་གོ་ར་མངོན་རྟོགས་དང་མཐུན་པ་གཅིག་ཞལ་གཟིགས་ཏེ་སྒྲུབ་ཐབས་འདི་དངོས་སུ་གསུངས་སོ༔