གཡག་རུ་དགྲ་ཆོས་ཀྱི་བཅའ་ཐབས་འདོན་འགྲིགས་ཟིན་བྲིས་མན་ངག་ཞལ་ཤེས་གབ་རྒྱ་ཅན།
གཡག་རུ་དགྲ་ཆོས་ཀྱི་བཅའ་ཐབས་འདོན་འགྲིགས་ཟིན་བྲིས་མན་ངག་ཞལ་ཤེས་གབ་རྒྱ་ཅན་ཡོད་དོ་ཨང་།
ཀོང་རྩེ་བྱང་ཆུབ་སེམས་དཔའ་དང་ཨོ་རྒྱན་རིན་པོ་ཆེ་ལ་ཕྱག་འཚལ་ལོ། །སྔོན་སྲིད་པ་ཡེ་སྨོན་རྒྱལ་པོ་དང་། ངམ་རྗེ་བཙན་པོ་གཉིས་དགྲ་ཁ་མ་མཐུན་ནས། ཇག་རྐུན་རྟ་ནོར་འདེད་འཕྲོག་བྱས་པ་ལས། ཕར་ཆས་པའི་དུས་སུ་དགྲ་བྲུབ་བྱས། ཚུར་ལོན་པའི་དུས་སུ་དགྲ་དཔུང་བཅག །རང་གི་རྟ་ནོར་སོགས་ལ་དགྲ་སྲི་དང་མནོལ་ཆགས་ཡོད་པས་གཡང་ཉམས་གོད་ཁ་དང་དགྲ་རྐུན་རྒྱུན་མི་ཆད་པར་འོང་། དེ་ལ་ཕན་ཕྱིར་གཏོ་འདི་ཀོང་ཙེ་འཕྲུལ་གྱི་རྒྱལ་པོས་མཛད་པ་ཡིན། དེ་ནས་དགྲ་ཟློག་པའི་ཐབས་ལ་ནི། དམར་གཏོར་གཙོ་འཁོར་བཅུ་བྱ། དགྲའི་ལིང་ག་
སྙིང་གིས་བརྒྱན། གཡས་གཡོན་ནས་མཚོན་ཆའི་རིགས་ཀྱིས་བསྐོར། གཙོ་བོའི་གདན་གྲུ་གསུམ་དུ་དགྲ་ལིང་བྱས་ཀྱང་རུང་། རང་གི་ཆོས་སྐྱོང་གང་ཡིན་སྔགས་ཀྱིས་བསྐོར། དགྲ་མནན་གང་ཡིན་སྔགས་ཀྱིས་བསྐོར་བྱས་རུང་། མིང་ཤེས་ན་ལྟེ་བར། ཛཿཧཱུྃ་བཾ་ཧོཿནན་གྱིས་བསྐོར། མིང་མེད་ཐམས་ཅད། ཁུག་ཛཿཧཱུྃ་བཾ་ཧོ་ནན༔ ལིང་ག་ཉིད་ལ་སྦྱར་ན་ནི་དགྲ་སྣ་ཐམས་ཅད་བཟློག་པའི་ཕྱག་ལེན་མན་ངག་ཡིན། འདི་མིན་ཐམས་ཅད་གཞུང་མིན་པས་སྡིག་ཆེ། དགྲ་མནན་གང་ཡིན་སྔགས་ཀྱིས་བསྐོར་བྱས་རུང་། སྔགས་འདི་སྙན་བརྒྱུད་མན་ངག་ཡིན་ཏེ་རཱ་ག་ཨ་
སྱས་སྦྱར་བ་སྟེ་མདོ་ཁམས་སྨད་ཀྱི་ས་ཕྱོགས་ཀྱི་དགྲ་ཐམས་ཅད་དབུས་སུ་འོང་དོགས་དང་། བན་བོན་ངན་པའི་ཟོར་སྣ། མུ་སྟེགས་ཀྱི་གྲི་མཚོན། བུད་མེད་གཞན་གྱི་དམོད་མོ་འོང་དོགས་དང་། དགྲ་སྣ་རྐུན་སྣ་མི་ཁ་བྲ་མཆུ་ཐམས་ཅད་བཟློག་པ་གལ་ཆེན་འདི་ཡིན་ནོ། ༈ །དཀར་གཏོར་གཅིག་ལ་དར་སྣ་ལྔའི་རྩེ་ལ་བརྒྱན། གཡས་སུ་ལུག་གཅིག །གཡོན་དུ་ར། རྒྱབ་ཏུ་བྱ། མདུན་དུ་གཡག་གཅིག་བཞག །གཞན་བཀྲ་ཤིས་རྫས་རྟགས་གཅན་གཟན་སོགས་ཞལ་ཤེས་ལྟར་བྱ། དེ་མདའ་གསུམ་གྱི་ཁྲི་ལ་བཞེངས། དགྲ་བོའི་བླ་རྡེལ་ཁུག་མར་ཞབས་རྡེལ་བྱས། མདའ་ཚོམ་འོག་ཏུ་བཞག །གཟའ་སྐར་དར་བ་ལ་སྤྲད་དགོས། མདོས་གདན་དཀར་ནག་གཉིས་དགོས། འགུགས་གཞུག་དམིགས་པ་དང་བཅས།་འདི་གབ་པ་ཡིན་པས་གཞུང་དུ་ཡོད་པ་མིན། །ཨྠྀི། གུ་ཧྱ༔ གསང་རྒྱ༔ མར་གཞིའི་ཞལ་ཤེས་ལ། གཞི་ཕྱར་ནག་སྟེང་དུ་ཐལ་བའི་དགུ་ལིང་བྲི། ལིང་ཚེ་རེར་མི་ཁའི་རྫས་རྣམས་བཞག །དབུས་མར་གཡག་རུ། གོང་ནོན་ལ་བཟློག་བསད་དང་། དགྲ་ཆོས་བསྡུས་པ་གསུངས་པས་བསྐུལ། དེ་ནས་རིམ་བཞིན་གཞུང་དུ་ཁ་ཚར་དགུ་པོ་རྣམས་
ཞལ་ཤེས་ལྟར་འདོན། འདོན་ཚིག་དང་བསྟུན་པའི་རྫས་རྣམས་གཡག་རུར་བྲུབ་ལ་ཁ་བཅད། བཟློག་བསྒྱུར་བྱ། ཤ་རུ་ཁྲམ་འདེབས་མཆོད་གཡོག་པས་ཚིག་མཚམས་བཏབ། ཞག་གྲངས་དོ་གལ་ཆེ་ཆུང་བསྟུན། མཐར་སྔགས་པས་ཟོར་རྣམས་རིམ་པར་འཕང་། སྐྱེས་པ་དགུས་མདའ་འཕེན། དེ་རྣམས་གྲོད་པར་བརྒྱབ། གཡག་རུ་མནན་གནས་དང་མནན་པ་གལ་ཆེ་ཆུང་ལྟར་མནན། དགྲ་གཟུགས་གྲོད་པ་གླང་ཆེན་རྣམས་དང་དགྲ་ཕྱོགས་བསྐྱལ། དགྲ་གཟུགས་མི་ནག་ལུས་ལ་ཁྲམ་བྲིས་པ་སྔགས་མེད་པའི་གཟུགས་ལ་གསོབ་བྱས་ཏེ་བཅའ། མགུལ་དུ་ཁྲག་གྲོད་བཏགས་དགོས། བསང་དང་མནངས་བགོས་ཞལ་ཤེས་ལྟར་བྱ། ཞིབ་པར་སྔགས་པ་ཁྱད་པར་ཅན་ལ་ཞལ་ཁྲིད་དུ་དྲིལ་ལ་ཉམས་སུ་བླང་བར་བྱའོ། །འདི་རྣམས་མན་ངག་ཞལ་ཤེས་ཡིན། སྣོད་མིན་ལ་གསང་རྒྱ། ཞེས་པ་སྔགས་ནག་ཨ་རཱ་གས་མན་ངག་རྣམས་བྲིས་པའོ། །ཨྠྀི། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།