ལེགས་ལྡན་མགོན་པོའི་གཡག་རུ་དགྲ་ཆོས་སྲིད་པའི་དགྲ་བྲུབ་ཆེན་མོ།
ལེགས་ལྡན་མགོན་པོའི་གཡག་རུ་དགྲ་ཆོས་སྲིད་པའི་དགྲ་བྲུབ་ཆེན་མོ་བཞུགས་སོ།
ལེགས་ལྡན་མགོན་པོ་ལ་ཕྱག་འཚལ་ལོ། །དགྲ་བོ་བྲུབ་པར་འདོད་ན་འདི་ལྟར་བྱ། །ས་སྤྱིན་ལ་རྟ་དྲེལ་བོང་གསུམ། མཛོ་ཁལ་གླང་གསུམ། ཁྱི་ར་ཕག་གསུམ། དགུ་པོ་དེ་ཡི་གཟུགས་ལ་མི་གཟུགས་སྐྱོན། མཚོན་ཆ་སྣ་ཚོགས་བྱས་ལ་བཟུང་བཅུག །ཝེར་མ་རྣམས་ཀྱི་ཕྱོགས་བཞིའི་ལས་མཁན་བཞི་ཡི་གཟུགས་ནི། ར་དམར་ཟོར་ཐོགས། སྤྲེལ་དམར་སྟ་ཐོགས། བོང་བུ་ལྟེ་ཐོགས། འཆིལ་པ་མེ་ཁྱེར། དེ་རྣམས་ཀྱི་གཟུགས་ནི། མི་ལུས་མགོ་བརྙན་ཅན་བྱས་ལ། རང་རང་གི་མཚོན་ཆ་མ་ནོར་བར་བྱས་ལ་ལག་ཏུ་བཟུང་ལ། ཁ་དགྲ་ཕྱོགས་སུ་བསྟན་ལ། དེ་རྣམས་ཀྱི་སྔོན་དུ། གཡག་རུ་གཡོན་མ། རྟ་མིག་སྐོར་མོ། ཁྱི་ཐོད་སྐྱ་མོ། ཐལ་འཇམ་མགོ་དགུ། མི་ནོར་གྱིས་མ་འགོང་བའི་རྡེལ་ནག་
དགུ། སྣལ་མ་དམར་ནག །ཚ་སྒོག་རམ་པ་དང་བཅས་པ་རེ་ནག་གི་སྟེང་དུ་བཤམས་ལ་འདི་སྐད་དོ། །ཡེ་ཐམས་ཅད་གསོན་ཅིག །ཤིང་འདི་ནི་གཡས་ཀྱི་གསེར་རི་གཡུ་ལུང་ནས་བཏུས་པའི་ཤིང་མིན། གཡོན་གྱི་དུང་རི་མཆུ་ལུང་ནས་བཏུས་པའི་ཤིང་མིན། ཐད་ཀྱི་ཤེལ་བྲག་འོད་མཚོ་ནས་བཏུས་པའི་ཤིང་མིན། སྟེང་ལྷའི་བླ་ཤིང་ཤུག་པ་ནི་མིན། འོག་ཀླུའི་བླ་ཤིང་འོམ་བུ་ནི་མིན། བར་གཉན་གྱི་བླ་ཤིང་ཉ་སྦྲིད་ནི་མིན། །དགྲ་བླའི་བླ་ཤིང་སྦ་སྨུག་ནི་མིན། མཚུན་གྱི་བླ་ཤིང་སུར་དཀར་ནི་མིན། ཡུལ་ལྷ་ཟོ་དོར་གྱི་བླ་ཤིང་མི་གནས། སྔར་ཡང་དགྲ་བོའི་བླ་ཤིང་
ཡིན། ད་ཡང་དགྲ་བོའི་བླ་ཤིང་ཡིན། སྔོན་ཚེ་ངམ་གྱི་བླ་ཤིང་ལ། སྲིབ་ཀྱི་ཀོ་མོང་ནག་པོའི་ནང་ནས། རྡོ་ཕ་འོང་སྦལ་རྒྱབ་ཀྱི་རྩ་བ་ནས། ངམ་གྱི་ཐང་དམར་སྐྱེས་པ་དེ་ཡིན། དགྲ་བོའི་ལུས་ངག་ཡིད་གསུམ་འདི་ལ་ཡོད་པ་ཡིན་པས། ངམ་ཤིང་འདིའི་རྩེ་མོ་བཅད་པས་དགྲ་བོ་མགོ་རྒྱལ་གྱི་མགོ་བཅད་པ་ཡིན། དགྲ་བོའི་སྐྱེ་རྒྱུད་གྲོལ་ཕུགས་འདི་ལ་འབྱུང་བས་ཤིང་འདི་ཡི་རྩ་བ་བཅད་པ་ཡིན། དགྲ་བོའི་རྣམ་ཤེས་ཚོགས་བརྒྱད་འདི་ལ་ཡོད་པས་ཤིང་འདི་བཤའ་བ་ཡིན། ཤིང་དེ་ལ་དགྲ་བོ་ཁྲམ་བཏབ་ལ། འོ་རྡོ་འདི་ཀུན་གཡས་ཀྱི་གསེར་རི་གཡུ་ལུང་ནས་བླང་པའི་རྡོ་མིན། གཡོན་གྱི་དུང་རི་མཆོང་ལུང་ནས་བླང་པའི་རྡོ་མ་ཡིན། ཐད་ཀྱི་ཤེལ་བྲག་འོད་མཚོ་ནས་བླང་པའི་རྡོ་མ་ཡིན། སྟེང་ལྷའི་བླ་རྡོ་མིན། འོག་ཀླུའི་བླ་རྡོ་མིན། བར་གཉན་གྱི་བླ་རྡོ་མིན། རྡོ་འདི་ཀུན་ཐལ་མོ་བསད་པའི་སྟག་རུས། ཐེས་མོ་བསད་པའི་འཇིག་རུས། ཤ་བརྒྱ་མཐའ་གཅིག །འདྲེ་བརྒྱ་རུས་གཅིག །བདག་ཅག་ཡོན་མཆོད་འཁོར་དང་བཅས་པ་ལ་སྡང་བར་བྱེད་པའི་བླ་རྡོ་ཡིན་ནོ། །དེ་ནས་གླང་མའི་ལིང་དགུ་དང་རྡོ་ནག་རྡེལ་བུ་དགུ་ལ་བཀུག་གཞུག་བྱས་ལ་ལག་ཏུ་བཟུང་ལ་འདི་སྐད་དོ།
ཀྱཻ། དཔལ་ཆེན་མགོན་པོ་ཁྲག་འཐུང་རྒྱལ། །ལེགས་ལྡན་ནག་པོ་དགྲ་ལ་ཆོས། །བྱང་ཤར་མུ་ལེའི་མཐིང་མཚོ་ནས། །དཔལ་ལྡན་ལྷ་མོ་དགྲ་ལ་ཆོས། །གྲོང་ཁྱེར་སུམ་བརྩེགས་ཕོ་བྲང་ནས། །ལེགས་ལྡན་མཆེད་གསུམ་དགྲ་ལ་ཆོས། །དུར་ཁྲོད་ཆེན་པོའི་གནས་བརྒྱད་ནས། །ལེགས་ལྡན་མཆེད་བརྒྱད་དགྲ་ལ་ཆོས། །བསིལ་བ་ཚལ་གྱི་དུར་ཁྲོད་ནས། །ནག་པོ་སྟོང་ཕྲག་དགྲ་ལ་ཆོས། །དུར་ཁྲོད་ཆེན་པོའི་ལྷོ་ཕྱོགས་ནས། །ཤ་ཟ་འབུམ་ཕྲག་དགྲ་ལ་ཆོས། །ཡོངས་འདུས་ཤིང་གི་ཕོ་བྲང་ནས། །མ་མོ་བྱེ་བ་དགྲ་ལ་ཆོས། །བྱང་ཕྱོགས་གཏེར་མཛོད་ཕོ་བྲང་ནས། །གནོད་སྦྱིན་ཁྲི་ཕྲག་དགྲ་ལ་ཆོས། །རི་རབ་རྩེ་ཡི་གནས་མཆོག་ནས། །ལྷ་དམག་དུང་ཕྱུར་དགྲ་ལ་ཆོས། །ཕྱོགས་བཅུའི་གནས་ཡུལ་ཕོ་བྲང་ནས། །དཔལ་མགོན་བདུན་ཅུ་དགྲ་ལ་ཆོས། །བཀའ་དང་དམ་ཚིག་གཞལ་ཡས་ནས། །ལྷ་སྲིན་སྡེ་བརྒྱད་དགྲ་ལ་ཆོས། །འཛམ་གླིང་དཀྱིལ་འཁོར་ཕྱོགས་བཞི་ནས། །རྒྱལ་ཆེན་སྡེ་བཞི་དགྲ་ལ་ཆོས། །མགོན་པོ་ལེགས་ལྡན་འཁོར་བཅས་ཀྱིས། །གོ་ཁྲབ་གྱོན་ལ་རྣོ་མཚོན་བརྡར། །མགྱོགས་པ་ཞོན་ལ་རིང་
པར་རྒྱུག །ཞེ་སྡང་ཕྱུང་ལ་ང་རྒྱལ་སྐྱེད། །སྡང་དགྲ་གནོད་བྱེད་རྩད་ནས་ཆོད། །གཏོར་ཆུང་དང་ཤ་དུམ་ཆུ་གཙང་གིས་བྲན་ལ། ཨོཾ་ཨཱཧཱུྃ་གསུམ་གྱིས་བྱིན་གྱིས་བརླབས་ལ་གཏོར་མདོས་ནང་དུ་ཕུལ་ལ། ཀྱཻ། དེ་རིང་སྲིད་པའི་གནམ་གང་ལ། །དམ་ཉམས་དགྲ་ལ་དམག་འདྲེན་ནོ། །ནམ་མཁའི་ལྷ་དམག་དགྲ་ལ་ཆོས། །བར་སྣང་གཉན་དམག་དགྲ་ལ་ཆོས། །ས་གཞིའི་ཀླུ་དམག་དགྲ་ལ་ཆོས། །དམག་དཔོན་རྟ་ལ་ཞོན་པ་དེ། །གནམ་ས་ཀ་གདུང་འཕྲད་པ་འདྲ། །རྨོག་ནི་གངས་ལ་ཉི་ཤར་འདྲ། །ཁྲབ་ནི་རྫ་རྒོད་ཉིལ་བ་འདྲ། །ཕུབ་ནི་འབྲོང་ཆེན་འགྱིང་བ་འདྲ། །མདའ་ནི་ཐོག་རྒོད་སེར་ཆེན་འདྲ། །རལ་གྲི་བར་སྣང་གློག་དམར་འདྲ། །ཚྭ་ཚྭ་སྐར་ཕྲན་འཕྲོ་བ་འདྲ། །མཚོན་རྩེ་མེ་ལྕེ་ཆད་པ་འདྲ། །ཡི་དམ་ལྷ་དང་སྲུང་མ་རྣམས། །རང་གི་དམག་རྣམས་དཔའ་སེམས་བསྐྱེད། །མདའ་མཚོན་རྣམས་ལ་ངར་ཆུ་ལུད། །བྱང་མ་རྣམས་ཀྱི་རྒྱུག་ལམ་བསྲིངས། །དགྲ་བོའི་བུ་རྟ་ཆམ་ལ་ཕོབ། །དགྲ་ལ་རྒྱུག་ལ་དགྲ་ཤ་ཟོ། །ཀྱི། ཤར་གྱི་ཝེར་མ་དགྲ་ལ་ཆོས། །ལྷོ་ཡི་ཝེར་མ་དགྲ་ལ་ཆོས། །ནུབ་ཀྱི་ཝེར་མ་དགྲ་ལ་ཆོས། །བྱང་གི་ཝེར་མ་དགྲ་ལ་ཆོས། །དགྲ་ཆོས་
སྤུན་དགུ་དགྲ་ལ་ཆོས། །དགྲ་ལ་རྦད་དོ་ཆོས་རེམ་རེམ། །མཐོན་པོ་ནམ་མཁའ་ཁྱུང་གི་རེ་འབྱམས་དགྲ་ལ་ཆོས། །བར་སྣང་རླུང་གི་རེ་འབྱམས་དགྲ་ལ་ཆོས། །ས་གཞི་སྦྲུལ་གྱི་རེ་འབྱམས་དགྲ་ལ་ཆོས། །དགྲ་ལ་རྦད་དོ་ཆོས་རེམ་རེམ། །ཤ་དུམ་དང་གཏོར་ཆུང་གོང་ལྟར་ཕུལ་ལ། ཀྱཻ། དེ་རིང་མཐུ་ཆེན་ཝེར་མ་དགྲ་ལ་འགྱེད། །དགྲ་ཁམས་མ་ལུས་ཆམ་ལ་ཕོབ། །སྡང་བའི་དགྲ་བོ་ཆམ་ལ་ཕོབ། །སྡང་བའི་དགྲ་བོ་ལས་ངན་ལ། །ནམ་མཁའི་ཁམས་ནས་ལྷ་དམག་འགྱེད། །སྡང་བའི་དགྲ་བོ་ཁུག་ལ་ཤོག །བར་སྣང་ཁམས་ནས་གཉན་དམག་འགྱེད། །སྡང་བའི་དགྲ་བོ་ཁུག་ལ་ཤོག །ས་གཞིའི་ཁམས་ནས་ཀླུ་དམག་འགྱེད། །སྡང་བའི་དགྲ་བོ་ཁུག་ལ་ཤོག །ཡེ་སྲིད་དག་བླ་མཆེད་ལྔ་དེ། །དགྲ་བླའི་དཔའ་མཁར་གོང་ནས་བཀྲོལ། །དགྲ་ལ་འགྱེད་དོ་མཐུ་མ་ཆུང་། །སྡང་བའི་དགྲ་ལ་ལས་མཛོད་ཅིག །མཐུ་ཆེན་ཝེར་མ་ཞུ་ན་་་དེ། །ཁྲོ་ཆུ་དམུ་ལུག་མཁར་ནས་འགྱེད། །དགྲ་ལ་འགྱེད་དོ་མཐུ་མ་ཆུང་། །སྡང་བའི་དགྲ་ལ་ལས་མཛོད་ཅིག །ཕོ་ལྷ་དུང་ཁྱུང་དཀར་པོ་དེ། །དཔག་བསམ་ཤིང་གི་རྩེ་ནས་འགྱེད། །དགྲ་
ལ་འགྱེད་དོ་མཐུ་མ་ཆུང་། །སྡང་བའི་དགྲ་ལ་ལས་མཛོད་ཅིག །དུང་གི་བྱ་རྒོད་དཀར་པོ་དེ། །ལྷ་བྲག་དཀར་པོའི་རྩེ་ནས་འགྱེད། །དགྲ་ལ་འགྱེད་དོ་མཐུ་མ་ཆུང་། །སྡང་བའི་དགྲ་ལ་ལས་མཛོད་ཅིག །ཟ་འདོད་གླག་མོ་སྡེར་བཟང་དེ། །ཕོ་བྲང་ནག་དམག་རྩེ་ནས་འགྱེད། །དགྲ་ལ་འགྱེད་དོ་མཐུ་མ་ཆུང་། །སྡང་བའི་དགྲ་ལ་ལས་མཛོད་ཅིག །གཡུ་འབྲུག་སྔོན་མོའི་སྐད་སྙན་དེ། །ནམ་མཁའ་འོད་ཀྱི་སྟེང་ནས་དཀྲོལ། །དགྲ་ལ་འགྱེད་དོ་མཐུ་མ་ཆུང་། །སྡང་བའི་དགྲ་ལ་ལས་མཛོད་ཅིག །ལྕགས་ཀྱི་བྱ་ཁྲ་སྔོན་པོ་དེ། །སྣ་དཀར་དྲང་ཤིང་རྩེ་ནས་དཀྲོལ། །དགྲ་ལ་འགྱེད་དོ་མཐུ་མ་ཆུང་། །སྡང་བའི་དགྲ་ལ་ལས་མཛོད་ཅིག །གངས་ཀྱི་སེང་གེ་དཀར་མོ་དེ། །གངས་དཀར་ལྷ་རིའི་རྩེ་ནས་དཀྲོལ། །དགྲ་ལ་འགྱེད་དོ་མཐུ་མ་ཆུང་། །སྡང་བའི་དགྲ་ལ་ལས་མཛོད་ཅིག །མཚལ་སྟག་བསྲེ་ཡི་རི་མོ་ཅན། །ཡ་མཚན་ནག་གི་གདེང་ནས་དཀྲོལ། །དགྲ་ལ་འགྱེད་དོ་མཐུ་མ་ཆུང་། །སྡང་བའི་དགྲ་ལ་ལས་མཛོད་ཅིག །བསེ་བའི་རེ་འབྱམས་རྒྱལ་པོ་དེ། །རི་རབ་ལྷུན་པོའི་རྩེ་ནས་དཀྲོལ། །དགྲ་ལ་འགྱེད་དོ་མཐུ་མ་ཆུང་། །སྡང་
བའི་དགྲ་ལ་ལས་མཛོད་ཅིག །གངས་བྱི་ཤེལ་གྱི་སྙན་ཆ་ཅན། །ལྷོ་སྤྲིན་སྨུག་སྨུག་རྩེ་ནས་དཀྲོལ། །དགྲ་ལ་འགྱེད་དོ་མཐུ་མ་ཆུང་། །སྡང་བའི་དགྲ་ལ་ལས་མཛོད་ཅིག །དུང་གི་གླག་མོ་སྟོབས་ཆེན་དེ། །གླིང་བཞི་ས་ཡི་དབུས་ནས་དཀྲོལ། །དགྲ་ལ་འགྱེད་དོ་མཐུ་མ་ཆུང་། །སྡང་བའི་དགྲ་ལ་ལས་མཛོད་ཅིག །གསེར་གྱི་རུས་སྦལ་སེར་པོ་དེ། །ས་ཁམས་ཐེག་པའི་དབུས་ནས་དཀྲོལ། །དགྲ་ལ་འགྱེད་དོ་མཐུ་མ་ཆུང་། །སྡང་བའི་དགྲ་ལ་ལས་མཛོད་ཅིག །ཁས་གྲགས་དུང་ཕོར་དབང་གྲགས་དེ། །རྒྱ་མཚོ་མཆིང་བའི་ནང་ནས་དཀྲོལ། །དགྲ་ལ་འགྱེད་དོ་མཐུ་མ་ཆུང་། །སྡང་བའི་དགྲ་ལ་ལས་མཛོད་ཅིག །གསེར་གྱི་འུག་པ་སྤྱན་རྣོ་དེ། །མུན་ཁུང་གསལ་བའི་དབྱིངས་ནས་དཀྲོལ། །དགྲ་ལ་འགྱེད་དོ་མཐུ་མ་ཆུང་། །སྡང་བའི་དགྲ་ལ་ལས་མཛོད་ཅིག །ཉེས་བྱེད་སྡང་བའི་དགྲ་བོ་འདི། །མདའ་རྩེ་ཆོག་ལ་མདུང་རྩེ་ཁུག །རྣོ་མཚོན་ཆོག་ལ་མཚོན་དབལ་སྒྱུར། ཀྱཻ། ལྷ་མི་གཤེན་གསུམ་དམག་བསྡུས་ལ། །དགྲ་བོའི་ཡུལ་དུ་དམག་ལ་ཆོས། །དམག་དཔོན་མཐུ་ཆེན་ཝེར་མ་ཆོས། །ཁ་འཛིན་ཡེ་
གཤེན་དབང་རྫོགས་ཆོས། །དྲངས་མཁན་དགོང་རུམ་དཀར་པོ་ཆོས། །རྟ་ཐོག་སྤྲེལ་དཀར་གསེར་མགོ་ཆོས། །ཁས་གྲགས་བསེ་རུ་རྭ་གཅིག་ཆོས། །ཚངས་པ་ཡོལ་པོ་རུ་མང་ཆོས། །ས་མཁན་ལྷའུ་ལོད་པོ་ཆོས། །སྣ་ཁྲིད་ཕག་འོང་ཡེ་ཟི་ཆོས། །སྟེང་འབྱིན་རེག་འཇོམས་སྤུན་གསུམ་ཆོས། །གཅོད་མ་ལྕང་སེའི་དམག་ཚོགས་ཆོས། །གོ་སྲུང་ཝེར་མ་ལྕམ་དྲལ་ཆོས། །དཔུང་རོགས་དགྲ་བླའི་དམག་ཚོགས་ཆོས། །བསྐོས་མཁན་ཕྱྭ་སྲས་སྒམ་པོ་ཆོས། །ཕོ་ཉ་ཆོས་སྐྱོང་སྲུང་མ་ཆོས། །ལས་མཁན་ལྷ་སྲིན་སྡེ་བརྒྱད་ཆོས། །རྒྱུག་རོགས་ཡུལ་ལྷ་ཟོ་དོར་ཆོས། །དཔའ་རོགས་མགྲོན་ཡག་བཅུ་གསུམ་ཆོས། །ལྷ་མི་མགོན་གསུམ་དམག་ལ་ཆོས། །གོ་མདོག་ཉི་མ་ཤར་བ་འདྲ། །མཚོན་མདོག་ཟླ་བ་ཚེས་པ་འདྲ། །ཁྲབ་ཕུབ་བར་སྣང་སྤྲིན་དཔུང་འདྲ། །མདའ་མདུང་ནམ་མཁའི་སྐར་ཚོགས་འདྲ། །དར་འཕྲུ་རླུང་དམར་འཚུབ་མ་འདྲ། །བ་དན་མེ་རི་འབར་བ་འདྲ། །འོག་རྟ་གློག་དམར་འཇུམ་པ་འདྲ། ཀྱཻ། ད་ནི་དམག་སྣ་ཤར་དུ་དྲོངས། །ཤར་ཕྱོགས་རྒྱ་ཡི་ཡུལ་དུ་དྲོངས། །ཤར་ཕྱོགས་དགྲ་བོ་ཆམ་ལ་ཕོབ། །དུ་རུ་ཁ་ཡི་
དམག་སྣ་ཆོམས། །ད་ནི་དམག་སྣ་བྱང་དུ་དྲོངས། །བྱང་ཕྱོགས་དགྲ་བོ་ཆམ་ལ་ཕོབ། །སེར་པོ་ཧོར་གྱི་དམག་སྣ་ཆོམས། །ད་ནི་དམག་སྣ་ནུབ་ཏུ་དྲོངས། །ནུབ་ཕྱོགས་དགྲ་བོ་ཆམ་ལ་ཕོབ། །གདུག་པ་མོན་གྱི་དམག་དཔུང་ཆོམས། །ད་ནི་དམག་སྣ་ལྷོ་རུ་སྒྱུར། །ལྷོ་ཕྱོགས་དགྲ་བོ་ཆམ་ལ་ཕོབ། །ལོག་འདྲེན་འཇང་གི་དམག་དཔུང་ཆོམས། །ཕོ་རིགས་རྣམས་ནི་གན་རྐྱལ་སོད། །མོ་རིགས་རྣམས་ནི་སྦུབ་སྟེ་སོད། །ཤིང་ཐུ་རྣམས་ནི་གྱེན་ལ་སོད། །ཆུ་ལེན་རྣམས་ནི་ཐུར་དུ་སོད། །དགྲ་ནོར་སྣ་དགུ་མནང་དུ་ལོང་། །ཐུ་ལེ་རྒྱལ་པོ་ལྷ་རྒྱལ་ལོ། །ད་ལྷ་མི་མགོན་གསུམ་ཡར་ལ་གྱུ། །ལྷ་གྲལ་ལྷ་ཡི་གྲལ་དུ་ཕྱིན། །ཀི་བསྭ་ཆའོ་ལྷ་རྒྱལ་ལོ། །མི་གྲལ་མི་ཡི་གནས་སུ་ཕྱིན། །འོག་རྟ་བར་སྣང་མགྱོགས་ནས་ཕྱིན། །གོ་ཁྲབ་རྒྱུན་ཐག་དུམ་ནས་ཕྱིན། །གོ་མཚོན་རྣོ་ངར་ཆེ་ནས་ཕྱིན། །བ་དན་རླུང་ཁ་ཡག་ནས་ཕྱིན། །བུ་རྟ་དྲྭ་མ་ཡག་ནས་ཕྱིན། །དམག་དཔོན་དར་ཁ་ཐོབ་ནས་ཕྱིན། །ལྷ་མི་དམག་རྣམས་ཚང་ནས་ཕྱིན། །དེ་ལྟར་མི་མགོན་དགྲ་ལ་ཡག །ཕོ་ལྷ་དཔའ་ཤད་མ་ཆུང་ཞིག །ཝེར་མ་དཔལ་རྩལ་མ་
ཞེན་ཅིག །དྲངས་མཁན་རྣོ་ངར་མ་ཆུང་ཞིག །ལྷ་མགོན་ཐུགས་རྗེ་མ་ཆུང་ཞིག །མ་ལྷ་མགོན་སྐྱབས་མ་ཆུང་ཞིག །ཚེ་བརྫི་བསྲུང་སྐྱབས་མ་ཞེན་ཅིག །མཁའ་འགྲོ་བྱིན་རླབས་མ་ཆུང་ཞིག །ཡུལ་ལྷའི་མཐུ་རོགས་མ་ཞེན་ཅིག །ཀི་བསྭ་ཆའོ་ལྷ་རྒྱལ་ལོ། །ཐུགས་ཀར་ཝེར་མའི་དགྲ་ཆོས་སོ། །གཏོར་ཆུང་ཤ་དུམ་གོང་ལྟར་ཕུལ་ལ། ཀྱཻ། དེ་རིང་སྲིད་པའི་གནམ་གང་ལ། །དགྲ་བྲུབ་བྱེད་པ་གར་སྲིད་ན། །ཡུལ་ནི་ཐུགས་ཀར་ལྷ་ཡུལ་ན། །ཐུགས་ཀར་ཝེར་མའི་དཔའ་བོ་དང་། །དགྲ་བླ་ལྕམ་དྲལ་བསྡེབས་པ་ལ། །མཐུ་ཆེན་ཝེར་མའི་དཔའ་རྒྱུད་གྲོལ། །དཔའ་ངར་ཅན་གྱི་དགྲ་བླ་དང་། །མཐུ་དཔུང་ཅན་གྱི་ལྕངས་སེ་དང་། །རྣོ་སོ་ཅན་གྱི་ཝེར་མ་གསུམ། །ཐུགས་ཀར་དཔའ་རྒྱུད་ཕུགས་ནས་གྲོལ། །དེ་གསུམ་རྫུ་འཕྲུལ་བསྡེབས་པ་ལ། །ཝེར་མ་ཉི་ཤུ་རྩ་གཅིག་བྱུང་། །དེར་ཐུགས་ཀར་ལྷ་ཡི་མཁར་ནང་དུ། །ངོམ་གྱི་བྱ་ནག་གཤོག་རིང་བས། །ངོམ་གྱི་དམག་ཚོགས་ལྷ་ལ་བསྡོས། །ཐུགས་ཀར་ལྷ་མཁར་བཤིག་ལ་ཁད། །ཐུགས་ཀར་ལྷ་ཡི་སྤྲུལ་པ་ལ། །བསེ་བའི་བྱ་ཁྲ་གཡུ་འདབ་ལ། །སྒོམ་ཆེན་ཕ་འོང་ཡེ་ཟེ་བཀྱོན། །ཉི་མ་
ཤར་དུ་འཕྲིན་ལ་བཏང་། །ཐུགས་ཀར་ཤར་གྱི་ར་མདའ་ཟློག །གཡུ་ཡི་ཁུ་བྱུག་སྔོན་པོ་ལ། །སྒོམ་ཆེན་ཕ་འོང་ཡེ་ཟེ་བཀྱོན། །ཉི་མ་བྱང་དུ་འཕྲིན་ལ་བཏང་། །དགྲ་བླ་སྤྲུལ་པས་ར་མདའ་ཟློག །གཡུ་ཡི་ནེ་ཚོ་སྔོན་མོ་ལ། །སྒོམ་ཆེན་ཕ་འོང་ཡེ་ཟེ་བཀྱོན། །ཉི་མ་ནུབ་ཏུ་འཕྲིན་ལ་བཏང་། །ལྕངས་སེ་སྤྲུལ་པའི་ར་མདའ་ཟློག །དུང་ཁྲ་དཀར་པོ་གསལ་མིན་ལ། །སྒོམ་ཆེན་ཕ་འོང་ཡེ་ཟེ་བཀྱོན། །ཉི་མ་ལྷོ་རུ་འཕྲིན་ལ་བཏང་། །ཝེར་མ་དཔའ་ངར་ར་མདའ་ཟློག །ཐུགས་ཀར་ལྷ་ཡི་འཕྲིན་པས་གོ །ཤར་ཕྱོགས་ཐུགས་ཀར་གཉན་ཆེན་དང་། །བྱང་ཕྱོགས་དགྲ་བླ་གཉན་ཆེན་དང་། །ནུབ་ཕྱོགས་ལྕངས་སེ་གཉན་ཆེན་དང་། །ལྷོ་ཕྱོགས་ཝེར་མའི་གཉན་ཆེན་དང་། །གཉན་ཆེན་སྡེ་བཞི་ཐུགས་ཁྲོས་ནས། །བཀའ་ཡི་ར་མདའ་དམ་ལ་བྱས། །ཤར་ནས་ཐུགས་ཀར་དམག་ཚོགས་བསྡུས། །མི་དཀར་རྟ་དམར་ཁྲི་ཁྲི་འབུམ། །དཔའ་མདུང་གློག་དམར་ཚྭ་ཚྭ་འཕྲོ། །ཐུགས་ཀར་མཐུ་དཔུང་དམག་ཚོགས་རྣམས། །ངོམ་གྱི་ཡུལ་དུ་དམག་དྲངས་ནས། །ཐུགས་ཀར་ལྷ་ཚོགས་དགྲ་ལ་ཆོས། །གཞན་ཡང་ཐུགས་
ཀར་དམག་བསྡུས་ལ། །གཡས་ནས་མཚུན་གྱི་དམག་དཔུང་བསྡུས། །དམག་དཔོན་ཡེ་མཁྱེན་མགོན་པོའི་གྱིས། །དཔའ་སྟག་མཚོན་རྣམས་སྟེང་ནས་དཀྲོལ། །རྣོ་སོ་ཅན་གྱི་དཔའ་མཚོན་རྣམས། །ངོམ་གྱི་ཡུལ་དུ་དམག་དྲོངས་ཤིག །གཡོན་ནས་གཉན་གྱི་དམག་བསྡུས་ལ། །གཉན་གྱི་དགྲ་བླ་སྟེང་ནས་དཀྲོལ། །དཔའ་ངར་ཅན་གྱི་གཉན་དམག་རྣམས། །ངོམ་གྱི་ཡུལ་དུ་དམག་སྣ་དྲོངས། །ཐད་ནས་སྤྲུལ་པའི་དམག་བསྡུས་ལ། །ལྷ་དམག་རྣོ་སོ་བྱེད་པའི་དམག །སྤྲུལ་པའི་ལྷ་དམག་གྲལ་ནས་བཀྲོལ། །ངར་བྱེད་སྤྲུལ་པའི་དམག་ཚོགས་རྣམས། །ངོམ་གྱི་ཡུལ་དུ་དམག་ལ་དྲོངས། །ངོམ་གྱི་ལྕགས་མཁར་རྨང་ནས་བཤིག །ངོམ་གྱི་བྱ་ནག་གཤོག་པ་ཆོད། །དགྲ་ལ་རྦད་དོ་ཆོས་རེམ་རེམ། ཀྱཻ། དྲེགས་བྱེད་ཐུགས་ཀར་སྤྲུལ་པ་ལ། །དགྲ་བླ་དགྲ་ལ་ཟད་པའི་ཚེ། །ཝེར་མ་ཉི་ཤུ་རྩ་གཅིག་སྤྲུལ། །འདབ་ཆགས་གཉན་གྱི་ཝེར་མ་ནི། །ཁྲི་མོན་ཤེལ་གྱི་བྱ་ཁྱུང་ཆོས། །ངོམ་གྱི་དམག་ཚོགས་སྤྱི་ནས་ཆོམས། །སྡེར་ཆགས་ཝེར་མའི་དམག་དཔོན་ནི། །རྩལ་བྱེད་སེང་གེ་དཀར་པོ་ཆོས། །ངོམ་གྱི་ཡུལ་དུ་དམག་སྣ་དྲོངས། །དགྲ་
ལ་རྦད་དོ་ཆོས་རེམ་རེམ། །དཔའ་རྔམ་ཅན་གྱི་དམག་བསྡུས་ལ། །ཁྲི་དཔོན་གཡུ་འབྲུག་སྔོན་མོ་ཆོས། །ངོམ་གྱི་ཡུལ་དུ་དམག་སྣ་དྲོངས། །དགྲ་ལ་རྦད་དོ་ཆོས་རེམ་རེམ། །རྣོ་སོ་ཝེར་མའི་དཔའ་རྒྱུད་རྣམས། །དུང་ཁྲབ་གཡུ་འདབ་དགྲ་ལ་ཆོས། །ངོམ་གྱི་ཡུལ་དུ་དམག་སྣ་དྲོངས། །དགྲ་ལ་ཆད་དོ་ཆོས་རེམ་རེམ། །བསེ་ཡི་གླག་ནག་ཟེ་བ་ཅན། །ཤ་ཟན་སྲིད་པའི་དམག་ཚོགས་དགྲ་ལ་ཆོས། །ངོམ་གྱི་ཡུལ་དུ་དམག་སྣ་དྲོངས། །དགྲ་ལ་ཆད་དོ་ཆོས་རེམ་རེམ། །དཔའ་རྔམ་ཅན་གྱི་དམག་བསྡུས་ལ། །དངུལ་གྱི་ལྕོག་ག་དགྲ་ལ་ཆོས། །ངོམ་གྱི་ཡུལ་དུ་དམག་སྣ་དྲོངས། །དགྲ་ལ་རྦད་དོ་ཆོས་རེམ་རེམ། །གངས་བྱི་དཀར་མོ་དགྲ་ལ་ཆོས། །ངོམ་གྱི་ཡུལ་དུ་དམག་སྣ་དྲོངས། །དགྲ་ལ་རྦད་དོ་ཆོས་རེམ་རེམ། །དོམ་བུ་ཐུགས་ཀར་དགྲ་ལ་ཆོས། །དོམ་མགོ་གློ་སྙིང་དགྲ་ལ་ཆོས། །ན་ཆུང་གཟི་འབྱེད་དགྲ་ལ་ཆོས། །ངོམ་གྱི་ཡུལ་དུ་དམག་སྣ་དྲོངས། །དགྲ་ལ་རྦད་དོ་ཆོས་རེམ་རེམ། །དཔའ་རྔམ་ཅན་གྱི་དམག་བསྡུས་ལ། །དཔའ་བརྟེན་ཐོག་མེད་དགྲ་ལ་ཆོས། །ངོམ་གྱི་ཡུལ་དུ་དམག་སྣ་དྲོངས། །དགྲ་ལ་རྦད་
དོ་ཆོས་རེམ་རེམ། །དཔའ་རྔམ་ཅན་གྱི་དམག་བསྡུས་ལ། །བྲག་ཕུག་སྟོང་མེད་དགྲ་ལ་ཆོས། །ངོམ་གྱི་ཡུལ་དུ་དམག་སྣ་དྲོངས། །དགྲ་ལ་རྦད་དོ་ཆོས་རེམ་རེམ། །རྒྱ་སྟག་དམར་པོ་དགྲ་ལ་ཆོས། །དུང་སྤྱང་དཀར་མོ་དགྲ་ལ་ཆོས། །ངོམ་གྱི་ཡུལ་དུ་དམག་སྣ་དྲོངས། །དགྲ་ལ་རྦད་དོ་ཆོས་རེམ་རེམ། །མཆོང་ཁྱི་སྨུག་པོ་དགྲ་ལ་ཆོས། །བསེ་ཡི་བན་གླང་དགྲ་ལ་ཆོས། །ངོམ་གྱི་ཡུལ་དུ་དམག་སྣ་དྲོངས། །དགྲ་ལ་ཆད་དོ་ཆོས་རེམ་རེམ། །བྱ་ཕོ་གཡུ་གཤོག་དགྲ་ལ་ཆོས། །ཐུགས་ཀར་ཁུར་སྣོན་དགྲ་ལ་ཆོས། །ངོམ་གྱི་ཡུལ་དུ་དམག་སྣ་དྲོངས། །དགྲ་ལ་རྦད་དོ་ཆོས་རེམ་རེམ། །དཔའ་རྔམ་ཅན་གྱི་དམག་བསྡུས་ལ། །ཐུགས་ཀར་ལྷ་ཡི་སྤྲུལ་པ་ལས། །ཝེར་མའི་དཔའ་ཁྲོམ་དམག་ཚོགས་རྣམས། །གཉན་ཆེན་སྡེ་བཞིའི་སྤྲུལ་འཁོར་བཅས། །དགྲ་བོའི་ཡུལ་དུ་དམག་ལ་ཆོས། །ངོམ་གྱི་ཡུལ་དུ་དམག་སྣ་དྲོངས། །དགྲ་ལ་རྦད་དོ་ཆོས་རེམ་རེམ། ཀྱཻ། སྔོན་གྱི་བསྐལ་པ་དང་པོ་ལ། །གནམ་ས་གཉིས་པོ་འཁྲུག་པའི་འདྲེ། །བར་གྱི་བསྐལ་པ་བར་མ་ལ། །འབྱུང་བ་ལྔ་པོ་འཁྲུག་པའི་འདྲེ། །དེ་ནས་བསྐལ་པ་ཐ་མ་ལ། །རྒྱལ་མོའི་
མི་རབས་གཅོད་པའི་འདྲེ། །གདུག་པའི་འཁྲུག་འདྲེ་བཅོ་བརྒྱད་པོ། །སྡང་བྱེད་དགྲ་བོའི་ཡུལ་དུ་རྦད། །དགྲ་ལ་རྦད་དོ་མཐུ་མ་ཆུང་། །རྨོངས་འདྲེ་ནག་པོ་རྟ་ལ་ཞོན། །རབས་ཆད་ནག་པོ་མཛོ་ལ་ཞོན། །ལྟས་ངན་ནག་པོ་སྤྲེའུ་ཞོན། །ཀླུ་སྲིན་ནག་པོ་སྦལ་པ་ཞོན། །ཐེའུ་རང་ནག་པོ་ར་ལ་ཞོན། །ཕུང་སྲི་ནག་པོ་རྔ་མོང་ཞོན། །ངོམ་གྱི་ཡུལ་དུ་དགྲ་ལ་ཆོས། །དགྲ་ལ་རྦད་དོ་མཐུ་མ་ཆུང་། །གྲི་བོ་ནག་པོ་ཕག་ལ་ཞོན། །བཙན་གྲི་དམར་པོ་ཤ་བ་ཞོན། །ཆུང་སྲི་ནག་པོ་སྲེ་མོང་ཞོན། །འགག་གྲི་ནག་པོ་བྱ་ལ་ཞོན། །འགོངས་སྲི་ནག་པོ་རི་ཝང་ཞོན། །ཐབ་སྲི་ནག་པོ་བོང་བུ་ཞོན། །དགྲ་བོའི་ཡུལ་དུ་དམག་ལ་ཆོས། །ངོམ་གྱི་ཡུལ་དུ་དམག་སྣ་དྲོངས། །དགྲ་ལ་རྦད་དོ་མཐུ་མ་ཆུང་། །གཤེད་གྲི་ནག་པོ་ཡུ་མོ་ཞོན། །ཡུལ་གདོན་ནག་པོ་བྱ་ལ་ཞོན། །བྲག་ཐེལ་ནག་པོ་འུག་པ་ཞོན། །ཆུ་སྲི་ནག་པོ་སྦྲུལ་ལ་ཞོན། །རྨོངས་གདུག་དབུལ་སྲི་འགོང་པོ་རྣམས། །ཟ་ཁ་སྡང་བའི་དགྲ་ལ་སྒྱུར། །ལྟས་ངན་ཡུལ་སྡིག་སྣ་ཚོགས་དང་། །འདིར་འཚོགས་དབུལ་ཕོངས་ལ་སོགས་ཀུན། །སྡང་བྱེད་དགྲ་བོའི་ཡུལ་དུ་ཁྱེར། །
དགྲ་བོའི་ཡུལ་དུ་འགྱོགས་པར་ཆོས། །དགྲ་ལ་རྦད་དོ་མཐུ་མ་ཆུང་། །དགྲ་བོའི་མི་ནོར་ཆམ་ལ་ཕོབ། །དགྲ་ལ་གྲི་རྒོད་འཐབས་ངན་པ་ཐོངས། །དགྲ་ལ་རྨེ་གྲིབ་ནད་མཚོན་ཐོངས། །དགྲ་སྲོག་ཆོད་ལ་དགྲ་སྙིང་ཕྱུངས། །སྡང་བྱེད་དགྲ་བོའི་དཔུང་པ་ཆོག །དགྲ་བོ་ཡོངས་ཀྱི་གཤེད་མ་མཛོད། །དགྲ་བོའི་ལུས་དང་རྣམ་ཤེས་ཕྲོལ། །སྡང་བའི་དགྲ་བོ་ཆམ་ལ་ཕོབ། །བཅོལ་བའི་ཕྲིན་ལས་འགྲུབ་པར་མཛོད། །ཅེས་བསྐུལ་ལ། སྲུང་མ་དང་སྡེ་བརྒྱད་ཀྱི་ཆད་སྔགས་བརྗོད་དྲག་ཏུ་རྦད་དོ། །ཐུགས་དཀར་དམག་འགྱེད་གབ་པ་མངོན་ཕྱུང་ཞེས་བྱ་བ་དགྲ་ཆོས་བདུན་ཟུར་ཞེས་བྱ་བ་འདི། མགོན་ནག་གི་ངོར་སྔགས་ནག་རཱ་ག་ཨ་སྱས་སྦྱར་བ། དགེ་བས་སྡང་དགྲ་གནོད་བྱེད་ཚར་ཆོད་ཅིག །སི་ཏི་གུ་རྒྱ་ཁ་ཐཾ།། ༈ ཡང་གཏོར་ཆུང་ཤ་དུམ་གོང་ལྟར་ཕུལ་ལོ། ཀྱཻ། ༈ བཞེངས་ཤིག་བཞེངས་ཤིག་གནས་ནས་བཞེངས། །མཐུ་ཆེན་དགྲ་བླ་གནས་ནས་བཞེངས། །ཝེར་མ་སྟག་དང་བསྡེབས་པའི་བུ། །སྟག་གུ་རི་བཀྲ་ཚང་ནས་བཞེངས། །ཝེར་མ་དབྱི་དང་བསྡེབས་པའི་བུ། །གངས་བྱི་དཀར་པོ་ཚང་ནས་བཞེངས། །ཝེར་མ་བྱ་དང་བསྡེབས་པའི་བུ། །བྱ་རྒོད་ཐད་དཀར་ཚང་ནས་བཞེངས། །ཝེར་མ་རླུང་དང་བསྡེབས་
པའི་བུ། །བསེ་ཡི་རེ་འབྱམས་ཚང་ནས་བཞེངས། །ཝེར་མ་ཁྱུང་དང་བསྡེབས་པའི་བུ། །དུང་ཁྱུང་དཀར་པོ་ཚང་ནས་བཞེངས། །ཝེར་མ་ཁྲ་དང་བསྡེབས་བའི་བུ། །ལྕགས་ཁྲ་སྔོན་མོ་ཚང་ནས་བཞེངས། །ཝེར་མ་སེང་དང་བསྡེབས་པའི་བུ། །དུང་སེང་དཀར་མོ་ཚང་ནས་བཞེངས། །ཝེར་མ་ཆུ་སྲིན་བསྡེབས་པའི་བུ། །ཆུ་སྲིན་དམར་མོ་ཚང་ནས་བཞེངས། །ཝེར་མ་གླང་དང་བསྡེབས་པའི་བུ། །བན་གླང་འགྱིང་ཆེན་ཚང་ནས་བཞེངས། །ཝེར་མ་གཉན་པོ་ངོས་ནས་བཞེངས། །བྱ་ཁྲ་དཀར་མོ་ཚང་ནས་བཞེངས། །ཝེར་མ་ཁྱུང་ཆེན་ཚང་ནས་བཞེངས། །བསྭོ། དབལ་ཐོག་ཟེ་ཟེ་དགྲ་ལ་ཆོས། །ཝེར་མ་སེང་ཆེན་དགྲ་ལ་ཆོས། །རྒྱ་སྟག་དམར་པོ་དགྲ་ལ་ཆོས། །ཝེར་མ་རེ་འབྱམས་དགྲ་ལ་ཆོས། །གཡུ་འབྲུག་སྔོན་མོ་དགྲ་ལ་ཆོས། །དུང་ཁྱུང་དཀར་པོ་དགྲ་ལ་ཆོས། །ཝེར་མ་བྱ་དཀར་དགྲ་ལ་ཆོས། །ཝེར་མ་གཉེན་པོ་དགྲ་ལ་ཆོས། །སྤྲེལ་དཀར་གསེར་གྷོས་རྟ་བཟུང་གྱིས། །དགྲ་བླ་དར་མས་དགྲ་སྲོག་གཅོད། ཀྱཻ། དེ་རིང་དབལ་སོ་དགྲ་ལ་སྟོན། །ཀུན་ཐུབ་འཇིགས་མེད་དགྲ་ལ་ཆོས། །དགྲ་བོས་དགྲ་བླ་
དགྲ་ལ་ཆོས། །གཡུ་འབྲུག་སྔོན་མོའི་ངར་སྐད་ཕྱུང་། །དབལ་སྲས་སྡོམ་པོས་རལ་གྲི་ཕྱིར། །ཕྱེ་མ་ཡེ་སང་རྟ་ཞོན་ནས། །དགྲ་ཆོས་དགྲ་བླ་དམག་ལ་ཆོས། །དགྲ་ཆོས་དགྲ་བླ་ཕུར་འདེབས་མཛོད། །དགྲ་བླ་གཉེན་པོའི་དགྲ་ནོར་ལོང་། །ཕོ་ལྷ་དུང་ཁྱུང་དགྲ་ནོར་ལོང་། །གསེར་ཁྲ་སེར་པོ་དགྲ་ནོར་ལོང་། །ལྕགས་ཁྲབ་སྔོན་པོ་དགྲ་ནོར་ལོང་། །གཡུ་ཁྲ་སྔོན་པོ་དགྲ་ནོར་ལོང་། །དུང་ཁྱུང་མཆུ་སྡེར་དམར་བར་གྱིས། །དགྲ་བླ་གཉེན་པོ་དགྲ་ལ་རྒྱུག །ཐོག་ཐོག་ལྕམ་དྲལ་དགྲ་ལ་རྒྱུག །དགྲ་ཆོས་དགྲ་བླ་མ་གཡེལ་ཅིག །དུང་ཁྱུང་གི་རྒྱུག་ལོག་མ་བྱེད་ཅིག །ལྕགས་ཁྲས་རྒྱུག་ལོག་མ་བྱེད་ཅིག །རེ་འབྱམས་ཀྱི་རྒྱུག་ལོག་མ་བྱེད་ཅིག །དུང་ཁྲས་རྒྱུག་ལོག་མ་བྱེད་ཅིག །སྤྲེལ་དཀར་གི་རྒྱུག་ལོག་མ་བྱེད་ཅིག །གཡུ་འབྲུག་གི་རྒྱུག་ལོག་མ་བྱེད་ཅིག །ཝེར་མས་རྒྱུག་ལོག་མ་བྱེད་ཅིག །ཕོ་ལྷས་རྒྱུག་ལོག་མ་བྱེད་ཅིག །དགྲ་བོའི་ཡུལ་དུ་དམག་དྲོངས་ཤིག །སྤྲེལ་དཀར་རྟ་ཐོག་དགྲ་སྒོ་ཕྱེས། །གངས་བྱི་དཀར་པོས་དགྲ་ཁྲག་འཐུང་། །རྒྱ་སྟག་དམར་པོས་དགྲ་ཤ་ཟོ། །དུང་ཁྱུང་མཆུ་སྡེར་དམར་བར་མཛོད། གཡུ་འབྲུག་
གི་སྐད་སྙན་ཐོན་པར་གྱིས། །དགྲ་བླས་དགྲ་སྙིང་ཐོབ་པར་མཛོད། །བསྭོ། གཉན་གྱི་དགྲ་བླ་མ་གཡེལ་ཅིག །དགྲ་ཆོས་དགྲ་བླ་མཐུ་ཆེན་རྣམས། །དགྲ་ཆོས་དགྲ་བླ་དགྲ་ལ་དགའ། །བསྭོ། དགྲ་ཆོས་དགྲ་བླ་དགྲ་ལ་ཆོས། །དགྲ་ཆོས་དགྲ་བླ་ཇག་ལ་དགའ། །དགྲ་ཆོས་དགྲ་བླ་དམག་ལམ་དྲོངས། །དགྲ་བླ་རྣམས་ཀྱི་དམག་ལམ་དྲོངས། །དགྲ་ཆོས་དགྲ་བླ་གནང་ལ་དགའ། །འདིར་འཚོགས་དམག་མི་ནོར་དང་སྤྱོད། །ལམ་ལྷ་རྣམས་ཀྱི་དམག་སྣ་དྲོངས། །བསྭོ། དེ་རིང་ལྕངས་སེའི་དམག་ཚོགས་རྣམས། །སྟག་གཟིག་ཉིན་གྱི་དམག་ལམ་དྲོངས། །དབྱི་སྤྱང་གཉིས་ཀྱི་དགྲ་ཚོགས་སླང་། །ཁྱུང་རེ་འབྱམས་གཉིས་ཀྱི་གཤོག་པ་གཡོབ། །མདའ་མདུང་གཉིས་ཀྱི་རྣོ་སོ་ཕྱུང་། །སྐྱ་གམ་གླིང་བཞིའི་ངར་འདོད་ཕྱུང་། །གོ་ཁྲབ་གཉིས་ཀྱི་རྒྱུན་ཐག་སྡོམ། །རྨོག་དར་གཉིས་ཀྱི་གཟི་མདངས་སྐྱེད། །དགྲ་བྲུབ་དགྲ་ནོར་ཐོབ་པར་མཛོད། །དགྲ་ལ་ཆད་དོ་ཆོས་རེམ་རེམ། །ཡེ་སྲིད་ཝེར་མའི་དཔའ་ཁྲམ་རྣམས། །ཉེས་བྱེད་ཡུལ་དུ་དམག་ལ་ཆོས། །ཝེར་མ་ཁྱུང་གི་མགོ་བོ་ཅན། །ཝེར་མ་སེང་གེའི་མགོ་བོ་ཅན། །
ཝེར་མ་ཆུ་སྲིན་མགོ་བོ་ཅན། །ཝེར་མ་དོམ་གྱི་མགོ་བོ་ཅན། །ཝེར་མ་སྟག་གི་མགོ་བོ་ཅན། །ཝེར་མ་གཟིག་གི་མགོ་བོ་ཅན། །ཝེར་མ་དྲེད་ཀྱི་མགོ་བོ་ཅན། །ཝེར་མ་རྒོད་ཀྱི་མགོ་བོ་ཅན། །ཝེར་མ་རེ་འབྱམས་མགོ་བོ་ཅན། །ཝེར་མ་ཁྲ་ཡི་མགོ་བོ་ཅན། །ཝེར་མ་གླང་གི་མགོ་བོ་ཅན། །ཝེར་མ་འབྲོང་གི་མགོ་བོ་ཅན། །ཝེར་མ་ཁྱུང་གི་མགོ་བོ་ཅན། །ཝེར་མ་སེང་གེའི་མགོ་བོ་ཅན། །ཝེར་མ་གཡུ་འབྲུག་ངར་སྐད་ཅན། །ཝེར་མ་ཐོག་གི་ཚྭ་ཚྭ་ཅན། །དགྲ་བོའི་ཡུལ་དུ་དམག་དྲངས་ལ། །སྡང་དགྲ་མ་ཤོར་ཆམ་ལ་ཕོབ། །དཔའ་བོ་མཆེད་གསུམ་དགྲ་ལ་ཆོས། །ལྕམ་མོ་མཆེད་གསུམ་དགྲ་ལ་ཆོས། །ཡང་སྙིང་སྤུན་གསུམ་དགྲ་ལ་ཆོས། །དཔའ་བོ་བཅུ་གཉིས་དགྲ་ལ་ཆོས། །སྤྲེལ་སྟག་གསེར་མགོས་ས་རེ་ཟུངས། །དུང་གི་གྲམ་པས་དཔའ་འགེར་ཟུངས། །ཐ་མ་བྱིས་ཀྱི་དཔའ་ཟུངས་ལ། །དཔལ་གྱི་ཉི་མ་དགྲ་ལ་ཆོས། །དཔའ་བོ་སྤུན་དགུ་དགྲ་ལ་ཆོས། །དམ་ཉམས་དགྲ་བོ་ལྷ་མེད་ལ། །མགོན་གྱི་ལྷ་སྲུང་རྣམས་དང་ཕྱེས། །དུར་གྱི་མཚུན་པར་ཟ་ལམ་ཕྱེས། །སྐུང་ཆེན་སྲོག་ལ་ཟ་ལམ་ཕྱེས། །མི་གྲངས་ནོར་གྲངས་རྩིས་ལ་
ཐོབ། །དགྲ་བོ་སྐྱོབ་པའི་ལྷ་དང་ཕྱེས། །དགྲ་བོ་གསོད་པའི་བདུད་དང་སྤྱོད། །དགྲ་ཡུལ་ཕུང་ལ་དགྲ་མཁར་ཤིག །སྡང་བའི་དགྲ་ལ་རྐྱེན་སྐོར་གྱིས། །དགྲ་བོ་མ་འཆོར་ཆམ་ལ་ཕོབ། །དམ་ཉམས་དགྲ་བོའི་འབྲོས་ལམ་ཆོད། །དགྲ་སྙིང་ཕྱུངས་ལ་སྟག་འཕྲུ་ཚུགས། །ཀི་ཀི་བསྭོ་བསྭོ་ཆོས་ཆོས་རེམ་རེམ། །ཅེས་ཝེར་མའི་དགྲ་ཆོས་ཚར་རོ། །དགྲ་ཆོས་སྤུན་དགུའི་ས་མཐའ་ཡིན། །ས་མཐའ་མ་ཡིན་དགྲ་མཐའ་ཡིན། །དགྲ་བོའི་བླ་སྲོག་ཁུག་ལ་ཤོག །བདུད་ཁུར་སྤུན་དགུའི་ས་མཐའ་ཡིན། །ས་མཐའ་མ་ཡིན་དགྲ་མཐའ་ཡིན། །དགྲ་བོའི་བླ་སྲོག་ཁུག་ལ་ཤོག །བླ་ནག་བདུད་ཁུར་ས་མཐའ་ཡིན། །ས་མཐའ་མ་ཡིན་དགྲ་མཐའ་ཡིན། །དགྲ་བོའི་བླ་སྲོག་ཁུག་ལ་ཤོག །བལྟ་བ་མིག་རྣོན་ས་མཐའ་ཡིན། །ས་མཐའ་མ་ཡིན་དགྲ་མཐའ་ཡིན། །དགྲ་བོའི་བླ་སྲོག་ཁུག་ལ་ཤོག །ཁུར་བ་ཚན་ཆེན་ས་མཐའ་ཡིན། །ས་མཐའ་མ་ཡིན་དགྲ་མཐའ་ཡིན། །དགྲ་བོའི་བླ་སྲོག་ཁུག་ལ་ཤོག །འགྲོ་བ་ལང་མགྱོགས་ས་མཐའ་ཡིན། །ས་མཐའ་མ་ཡིན་དགྲ་མཐའ་ཡིན། །དགྲ་བོའི་བླ་སྲོག་ཁུག་ལ་ཤོག །བོང་བུ་ལྟེ་ཐོགས་
ས་མཐའ་ཡིན། །ས་མཐའ་མ་ཡིན་དགྲ་མཐའ་ཡིན། །དགྲ་བོའི་བླ་སྲོག་ཁུག་ལ་ཤོག །སྤྲེལ་དམར་སྟར་ཐོགས་ས་མཐའ་ཡིན། །ས་མཐའ་མ་ཡིན་དགྲ་མཐའ་ཡིན། །དགྲ་བོའི་བླ་སྲོག་ཁུག་ལ་ཤོག །ར་དམར་ཟོར་ཐོགས་ས་མཐའ་ཡིན། །ས་མཐའ་མ་ཡིན་དགྲ་མཐའ་ཡིན། །དགྲ་བོའི་བླ་སྲོག་ཁུག་ལ་ཤོག །འཆིས་པ་མེ་ཁྱེར་ས་མཐའ་ཡིན། །ས་མཐའ་མ་ཡིན་དགྲ་མཐའ་ཡིན། །དགྲ་བོའི་བླ་སྲོག་ཁུག་ལ་ཤོག །བླུན་བུ་ཞུགས་ཐོགས་ས་མཐའ་ཡིན། །ས་མཐའ་མ་ཡིན་དགྲ་མཐའ་ཡིན། །དགྲ་བོའི་བླ་སྲོག་ཁུག་ལ་ཤོག །སྤྱང་རི་ཁྱི་སྔོན་མོ་ས་མཐའ་ཡིན། །ས་མཐའ་མ་ཡིན་དགྲ་མཐའ་ཡིན། །དགྲ་བོའི་བླ་སྲོག་ཁུག་ལ་ཤོག །ཛ་ཛཿ བཀུག་གཞུག་དྲག་ཏུ་བྱས་ལ་འདི་སྐད་དོ། །ཧཱུྃ། སྔོན་གྱི་བསྐལ་པ་དང་པོ་ལ། །དུས་གསུམ་སངས་རྒྱས་སྐུ་སྤྲུལ་ནས། །འཁོར་ལོས་སྒྱུར་བའི་རྒྱལ་པོ་ཡི། །ཕོ་བྲང་ལྷ་ཁང་བཞེངས་པ་ལ། །བདུད་སྲིན་གཤིན་རྗེ་དགྲ་རུ་ལང་། །སྡེ་བརྒྱད་དམག་གི་གདུག་པ་བསྟན། །ཐོག་སེར་བུ་ཡུག་ཁ་བ་དང་། །ནད་མུག་མཚོན་གྱི་ཆར་པ་ཕབ། །གཤིན་རྗེ་ཁྲམ་ཐོགས་དབྱུག་འཛིན་གྱིས། །རླུང་
ནག་འཚུབ་མ་རྟ་རུ་ཞོན། །དམག་དཔོན་བྱེད་ཅིང་གདུག་པ་བསྟན། །འཁོར་ལོས་སྒྱུར་ལ་དགྲ་ཡང་བྱས། །མི་དགེ་གདུག་པ་སྣ་ཚོགས་བརྟན། །འཁོར་ལོས་སྒྱུར་བའི་རྒྱལ་པོ་དང་། །བློན་པོ་སྲས་དང་སྡེ་སྲིད་ཀྱིས། །བཀའ་གྲོས་བྱས་ཤིང་བློ་ཕྱུང་བ། །ཕྱག་ན་རྡོ་རྗེ་སྤྱན་དྲངས་ནས། །དགྲ་བདུད་བཟློག་པའི་ཞུ་བ་ཕུལ། །མཐུ་ཆེན་ཕྱག་ན་རྡོ་རྗེ་ཡི། །ཤིན་ཏུ་ཁྲོས་པའི་སྐུར་བསྟན་པ། །ཞལ་གཅིག་ཕྱག་གཉིས་སྤྱན་གསུམ་པ། །སྐུ་སྨད་སྟག་གི་ཤམ་ཐབས་ཅན། །ཕྱག་གཡས་རྡོ་རྗེ་རྩེ་དགུ་པ། །བྱིན་རླབས་བསྐལ་པའི་མེ་ཆེན་འབར། །ཕྱག་གཡོན་འཇིགས་པའི་ཐོད་དབྱུག་ལས། །སྤྲུལ་པའི་ཁྲོ་བོ་གྲངས་མེད་འགྱེད། །དབུ་སྐྲ་མེ་འབར་དགྲ་བགེགས་བསྲེགས། །དབུ་གཙུག་ཁྱུང་ཆེན་ཀླུ་ལ་རྔམ། །ཧཱུྃ་དང་ཕཊ་ཀྱི་སྒྲ་སྐད་ལས། །འབྲུག་སྒྲ་ཁྲོ་བོ་མང་པོ་འཕྲོས། །ལྷ་སྲིན་སྡེ་བརྒྱད་དབང་དུ་བསྡུས། །ཡས་སྣ་དགུ་ཡི་ལིངྒ་ལ། །དགྲ་བདུད། གནོད་བྱེད་མིང་རུས་བྲིས། །གཟུགས་ཡོད་དགྲ་དང་གཟུགས་མེད་བགེགས། །གཟུགས་དང་རྫས་ལ་བླ་བཀུག་ནས། །ཧོམ་ཁུང་གཏིང་ཟབ་ནང་དུ་བྲུབ། །གཡག་རུ་གཡོན་
མའི་ནང་དུ་གྲུབ། །བོང་བ་དུམ་བུ་དགུ་དང་བྲུབ། །རྡོ་ནག་རྡེལ་བུ་དགུ་དང་བྲུབ། །གཡེར་མ་ཁ་ཆེ་དགུ་དང་བྲུབ། །ཚྭ་སྒོག་རམ་པ་དགྲ་དང་བྲུབ། །དཀར་གཏོར་དང་ཇ་ཕུད་ཆང་ཕུད་ཆུ་གཙང་གིས་བྲན་ལ། ཀྱཻ། དེ་རིང་སྲིད་པའི་གནམ་གང་ལ། །དགྲ་ཆོས་བྱ་གདང་ལྷ་གཞི་འདིར། །མཐུ་ཆེན་ཝེར་མའི་དཔའ་ཁྲམ་རྣམས། །དགྲ་བསད་དོན་ལ་ད་ཆོས་ཤིག །རྣལ་འབྱོར་བདག་ལ་དགྲ་བྱུང་ན། །ལྷ་མིའི་དམག་ཚོགས་དགྲ་ལ་ཆོས། །མཐུ་ཆེན་ཝེར་མས་དམག་སྣ་དྲོངས། །ལྷ་སྲས་དམག་མི་དཔུང་ལ་ཆོས། །སྲིད་པ་རྒྱུད་ཀྱི་ཝེར་མ་ཆོས། །འོད་ཟེར་དུང་མི་དུང་རྟ་ཆོས། །རྫི་སྨིག་གཉན་གྱི་ཐུགས་ཀར་ཆོས། །སྨིག་གི་སྨིག་གཉན་ཐུགས་ཀར་ཆོས། །སྨིག་གི་རྨིག་པ་རིང་རིང་ཆོས། །སྨོན་པའི་ལོ་ལྷ་ཁང་རུ་ཆོས། །ཁྱུ་རྗེ་དུང་བོན་སྲས་དྲག་ཆོས། །གཙུག་གི་སེལ་ལྷ་ཐུགས་ཀར་ཆོས། །རླུ་ཡི་ངར་མ་སྣེ་ཕྲོམ་ཆོས། །མཐུ་ཆེན་ཡེ་ཤེས་དབང་རྫོགས་ཆོས། །རྒྱལ་བུ་ས་བོན་གསེར་ལམ་ཆོས། །མཐུན་རོག་ལྷ་མོ་ལྷ་སེ་ཆོས། །གནམ་ལྷ་གསེར་མགོ་མཐུ་ཆེན་ཆོས། །དགྲ་ལ་རྦད་དོ་ཆོས་རེམ་རེམ། །ད་ཝེར་མ་ཆས་ནས་ཟོ་དོར་ཆོས། །སྨོན་
པའི་དུང་རི་དིལ་དཀར་ཆོས། །ཕྱུ་འུ་གསེར་རི་གཡུ་ལུང་ཆོས། །དམུ་ཡི་དུང་རི་དིལ་དཀར་ཆོས། །གཙུག་གི་ཤེལ་བྲག་འོད་མཚོ་ཆོས། །ལྷ་སྲས་སྲིད་བྲག་དཀར་པོ་ཆོས། །བོད་ཀྱི་ཐང་ལྷ་ཡར་བཞུད་ཆོས། །སྒོ་ཡི་བཞག་ར་ལྷ་རྩེ་ཆོས། །ཝེར་མའི་གསས་རྡོ་མཐུ་ཆེན་ཆོས། །ཟོ་དོར་དམག་རྣམས་ཡོན་གྱི་བརྔན་པར་བྱེད། །དགྲ་ལ་རྦད་དོ་མ་གཡེལ་ཅིག །སྡང་བའི་དགྲ་བོ་ལས་ངན་འདིས། །མི་འཐད་པ་ཡི་ལས་དགའ་བྱ། །ངེད་ཅག་ཡོན་མཆོད་འཁོར་བཅས་ལ། །སྐུ་ལ་བསྡོས་ལ་དཀོར་ལ་རློམ། །དེ་བས་སྡང་བའི་དགྲ་བོ་ལ། །ཟོ་དོར་དམག་གིས་སྡང་དགྲ་སོད། །དགྲ་བོའི་བླ་རི་བླ་མཚོ་སྐོམ། །དགྲ་ལ་རྦད་དོ་ཆོས་རེམ་རེམ། །ཡང་ཟོ་དོར་ཆས་ནས་དགྲ་བླ་ཆོས། །སྨོན་པའི་དགྲ་བླ་གཉེན་པོ་སྟེ། །གཡུ་འབྲུག་དུང་ཁྱུང་དགྲ་ལ་ཆོས། །དགྲ་བླ་གྲགས་ཆེན་མཆེད་བཞི་ཆོས། །དཔའ་བྱེད་དགྲ་བླ་དགྲ་ལ་ཆོས། །བཙན་བྱེད་དགྲ་ཡོལ་དགྲ་ལ་ཆོས། །གྲ་མ་མཆེད་བཞི་དགྲ་ལ་ཆོས། །དུང་ཤ་དཀར་པོ་དགྲ་ལ་ཆོས། །ཝ་མོ་མགྱོགས་བྱེད་དགྲ་ལ་ཆོས། །དམུ་རྒྱུད་དགྲ་བླ་དགྲ་ལ་ཆོས། །གྲ་མ་མཆེད་
བརྒྱད་དགྲ་ལ་ཆོས། །མི་དཀར་རྟ་དཀར་དགྲ་ལ་ཆོས། །དགྲ་བླ་ཟི་མ་དགྲ་ལ་ཆོས། །ལྷ་ཆེན་ཐུགས་ཀར་དགྲ་ལ་ཆོས། །རྒྱལ་ལྷ་ཐོད་དཀར་དགྲ་ལ་ཆོས། །ལྷ་རླུང་དཀར་པོ་དགྲ་ལ་ཆོས། །དམུ་ཡི་ཐོག་ཆེན་དགྲ་ལ་ཆོས། །གྲགས་ཆེན་དགྲ་འདུལ་དགྲ་ལ་ཆོས། །བསེ་ཡི་གླག་ནག་དགྲ་ལ་ཆོས། །ལྕགས་ཀྱི་བྱ་ཁྲ་དགྲ་ལ་ཆོས། །མཆོང་རྐྱེན་ཚར་དྲག་དགྲ་ལ་ཆོས། །སྲིད་པ་རྒྱུད་ཀྱི་དགྲ་བླ་ཆོས། །ཁྱུང་རྡེང་དབང་ཆེན་དགྲ་ལ་ཆོས། །ཚན་ཆེན་དབང་མགྱོགས་དགྲ་ལ་ཆོས། །བོད་རྗེའི་དགྲ་བླ་དགྲ་ལ་ཆོས། །དབལ་གྱི་མི་རྟ་དགྲ་ལ་ཆོས། །སྤོས་ཆུས་དགྲ་བླ་དགྲ་ལ་ཆོས། །སྤོས་ཆུས་ཝེར་མ་དགྲ་ལ་ཆོས། །དུང་གི་བྱ་རྒོད་དགྲ་ལ་ཆོས། །དགུང་སྔོན་གཤོག་རིང་དགྲ་ལ་ཆོས། །འབྲུག་གློག་ཐོག་གསུམ་དགྲ་ལ་ཆོས། །སྒ་ཡི་དགྲ་བླ་དགྲ་ལ་ཆོས། །སྒྲ་མོ་ལེ་ཕྲོམ་དགྲ་ལ་ཆོས། །གསེར་སྟག་སེར་པོ་དགྲ་ལ་ཆོས། །དབྲ་ཡི་དགྲ་བླ་དགྲ་ལ་ཆོས། །དབྲ་མོ་དབྲ་ཁྲ་དགྲ་ལ་ཆོས། །ལང་རྒྱུད་དཀར་པོ་དགྲ་ལ་ཆོས། །འབྲུ་ཡི་དགྲ་བླ་དགྲ་ལ་ཆོས། །འབྲུ་མོ་ཕྲོམ་ཕྲོམ་དགྲ་ལ་ཆོས། །ལྷ་གཡག་དཀར་པོ་དགྲ་ལ་ཆོས། །རུ་
མཚོན་ནག་པོ་དགྲ་ལ་ཆོས། །དགྲ་ཡི་བླ་རི་བླ་མཚོ་སྐོམས། །དབལ་ཟླའི་དགྲ་བླ་དགྲ་ལ་ཆོས། །ཁུ་ཕྲུམ་སྔོན་པོ་དགྲ་ལ་ཆོས། །དུང་ཤ་དཀར་པོ་དགྲ་ལ་ཆོས། །དབལ་གྱི་ར་སྐྱེས་དགྲ་ལ་ཆོས། །གསེར་སྦྲུལ་སེར་པོ་དགྲ་ལ་ཆོས། །དུང་སྦྲུལ་དཀར་པོ་དགྲ་ལ་ཆོས། །ཐུགས་ཀར་ཕྲུམ་ཕྲུམ་དགྲ་ལ་ཆོས། །དམག་དཔོན་ཀུན་ཐུབ་མཐུ་ཆེན་ཆོས། །ཕྱག་གཉན་དགྲ་བླའི་དམག་ཚོགས་ཆོས། །སྲིད་པ་རྒྱུད་ཀྱི་དགྲ་བླ་དགྲ་ལ་ཆོས། །ད་ནི་ལྷ་དམག་དགྲ་ལ་ཆོས། །སྨོན་སྲིད་ལྷ་འོད་དཀར་པོ་ཆོས། །དར་འཛིན་ལྷ་ཆེན་ལྷ་གནས་ཆོས། །སྐུ་བེ་ལྷ་དམག་ཁྲི་འབུམ་ཆོས། །དགྲ་བོའི་ཡུལ་ཁམས་ཕུང་བར་གྱིས། །དགྲ་ལ་རྦད་དོ་ཆོས་རེམ་རེམ། ཀྱཻ། ད་ནི་གཉན་དམག་དགྲ་ལ་ཆོས། །དམག་དཔོན་གཉན་རྗེ་དགུང་སྔོན་ཆོས། །སྐུ་འདེབས་བྱེ་བ་སྟག་རྩེ་ཆོས། །རྗེ་འོ་ཁྱུང་ནག་ངར་ཆེན་ཆོས། །ངར་འཛིན་སྒྲ་ཆེན་དགྲ་འདུལ་ཆོས། །ཞུན་འདེབ་ཁྲ་བོ་རྒྱུ་སྐྱོག་ཆོས། །སྣ་ཁྲིད་ལྕངས་སེ་དཀར་ནག་ཆོས། །དམག་སྣ་ལྷ་རླུང་དཀར་པོས་ཁྲིད། །ཉེས་བྱེད་དགྲ་ལ་ཆད་པ་ཆོད། །དགྲ་ལ་རྦད་དོ་ཆོས་རེམ་རེམ། །
ཀྱཻ། དེ་ནི་ཀླུ་དམག་དགྲ་ལ་ཆོས། །དམག་དཔོན་གཙུག་ན་རིན་ཆེན་ཆོས། །ངར་འཛིན་སྣ་ཀླུ་ཐོད་པ་ཆོས། །ཀླུ་རྒྱལ་འཇོག་པོ་མཐའ་ཡས་ཆོས། །སྣ་ཁྲིད་མ་དྲོ་གཟི་ཆེན་ཆོས། །དགྲ་བོའི་བླ་རི་བླ་མཚོ་སྐོམས། །ཀླུ་ནད་མཛེ་ཤུ་དགྲ་ལ་ཐོངས། །དགྲ་ལ་རྦད་དོ་ཆོས་རེམ་རེམ། །ས་བདག་དམག་རྣམས་དགྲ་ལ་ཆོས། །དམག་དཔོན་ཙང་ཀུན་དགྲ་ལ་ཆོས། །དར་འཛིན་རྟག་ར་དགྲ་ལ་ཆོས། །སྐུ་འདེབས་བེལ་སྣ་གཟིག་འཇུག་ཆོས། །ཕྱག་གཉན་མ་མོ་ཆེན་པོ་ཆོས། །དགྲ་ལ་ནད་ཀྱི་ས་བོན་ཐོབ། །དགྲ་བོའི་ཡུལ་ཁམས་ཐུར་ལ་སྤྲུག །དགྲ་ལ་རྦད་དོ་ཆོས་རེམ་རེམ། །ད་ནི་དབལ་དར་དགྲ་ལ་ཆོས། །དམག་དཔོན་རོག་པོ་རྩེ་དགུ་ཆོས། །ངར་འཛིན་ཁ་གྲགས་དཀར་པོ་ཆོས། །ཀུས་འདེབས་གཅེར་བུ་རྡེང་ནག་ཆོས། །དགྲ་བླ་བྱ་བཟང་སྔོན་པོ་ཆོས། །དམག་དཔོན་ནམ་མཁའི་སྤྲིན་ཕུང་འདྲ། །རྒྱུག་ན་གྲགས་ཚན་ཐོག་རྒོད་འདྲ། །ཆས་ན་གཟའ་རྒོད་འཕྱོ་བ་འདྲ། །དགྲ་ཁམས་ཐལ་བ་རྡུལ་དུ་རློགས། །དགྲ་ལ་རྦད་དོ་ཆོས་རེམ་རེམ། །ད་ནི་ཟོ་དོར་ཆོས་པ་དེ། །འདུས་ན་རྒྱ་མཚོ་འཁྱིལ་བ་འདྲ། །ཆས་ན་རི་བྲག་ཉིལ་བ་
འདྲ། །རྒྱུག་ན་བར་སྣང་གློག་དམར་འདྲ། །དགྲ་བོ་མ་ཤོར་ཆམ་ལ་ཕོབ། །གཉན་དམག་ཆས་ན་གངས་རི་འདྲ། །འདུས་ན་ནམ་མཁའི་སྤྲིན་ཕུང་འདྲ།་རྒྱུག་ན་བར་སྣང་གློག་དམར་འདྲ། །དགྲ་བོའི་ལོ་ཐོག་ཕྱགས་མས་ཕྱོགས། །གཉན་ནད་ལྷོག་པ་དགྲ་ལ་ཐོངས། །དགྲ་ལ་རྦད་དོ་ཆོས་རེམ་རེམ། །ད་ནི་ས་བདག་དམག་ཚོགས་ཆོས། །འདུས་ན་ས་གཞི་སྟོབས་ཆེན་འདྲ། །ཆས་ན་བུ་ཡུག་འཚུབ་ཆེན་འདྲ། །འགྲོ་ན་ས་གཡོས་ཆེན་པོ་འདྲ། །སྟོབས་ཆེན་ས་བདག་དམག་ཚོགས་ཀྱི། །སྡང་བའི་དགྲ་ཁམས་ཆམ་ལ་ཕོབ། །དགྲ་ཤ་ཟོ་ལ་ཆོས་རེམ་རེམ། །དགྲ་ཁྲག་འཐུང་ཞིག་ཆོས་རེམ་རེམ། །དགྲ་ཡུལ་སྤྲུགས་ཤིག་ཆོས་རེམ་རེམ། །དགྲ་ལ་རྦད་དོ་ཆོས་རེམ་རེམ། །ཞེས་ལེགས་ལྡན་ཡབ་ཀྱི་དགྲ་ཆོས་ཚར་ནས།་བསྲོ། དགྲ་བྲུབ་བྱེད་པ་གར་སྲིད་ན། །དཀོན་མཆོག་གསུམ་གྱི་བདེན་པ་དང་། །ཕྱག་ན་རྡོ་རྗེའི་མཐུ་སྟོབས་ཀྱིས། །མཐུ་ཆེན་ལེགས་ལྡན་དམག་ཚོགས་ཀྱི། །དགྲ་བྲུབ་བྱེད་པའི་ཡོན་ཏན་གྱིས། །ལྷ་མིན་དམག་ཚོགས་ཆམ་ལ་ཕོབ། །དགྲ་བྲུབ་བྱས་པས་དགྲ་བོ་ཐུབ། །དེ་འོག་དུས་ཀྱི་བསྐལ་པ་
ལ། །སྲིད་པ་ཡེ་སྨོན་རྒྱལ་པོ་དེས། །ཕུ་རུ་གཡག་བཤོར་སོང་རྩ་ན། །ངོམ་གྱི་ས་གཡག་རོག་པོ་དེ་དང་ཐུག །དེར་གཡས་སྟག་དུང་ནང་ནས་མདའ་ཞིག་བཏོན། །གཡོན་གཟིག་ཤུབས་ནང་ནས་མཆོག་དཀར་ཕྱུངས། །གཡག་ལ་མདའ་ཞིག་འཕངས་བ་དེ། །གཡག་ལ་མ་ཕོག་ར་ལ་ཕོག །གཡག་རུ་གཡས་པ་ཅད་ཀྱིས་བཅད། །དགྲ་བླ་རྣམས་ལ་རྟེན་དུ་བཙུགས། །གཡག་རུ་གཡོན་ལ་ཕོ་ཁར་བཅད། །རྨིག་པའི་ཞབས་ནས་རྡེལ་དགུ་བཏུལ། །གཡག་རུ་ནང་དུ་དགྲ་བྲུབ་བྱས། །དེར་དགྲ་བྲུབ་བྱས་པའི་ཡོན་ཏན་གྱིས། །ཕུ་རུ་ངོམ་གཡག་རོག་པོ་སོད། །ཡང་སྲིད་པའི་རྒྱལ་མོ་བྱ་བ་དེས། །མདའ་རུ་བཙན་རྟ་དམར་པོ་བསད། །སྔོན་ཡང་དགྲ་བྲུབ་དེ་ལྟར་ཡག །སྲིད་པ་དེ་ལ་དཔེ་བླང་ནས། །དེ་རིང་བདག་ཅག་ཡོན་མཆོད་ཀྱི། །དགྲ་རྐུན་ཐམས་ཅད་མར་ལ་བྲུབ། །བསྭོ། སྔོན་གྱི་བསྐལ་པ་དང་པོ་ལ། །དགྲ་བྲུབ་བྱེད་པ་གར་སྲིད་ན། །ལྷ་རྩ་བུ་དགུ་བྱ་བ་ལ། །སྲིན་ཚ་བུ་དགུའི་དགྲ་རུ་ལང་། །ལྷ་རྩ་བུ་དགུ་བྱ་བ་དེས། །ཐུགས་ཀར་སློབ་དཔོན་སྤྱན་དྲངས་ནས། །གཡག་རུ་གཡོན་མའི་ནང་ཤེད་ན། །རྡོ་ནག་དེ་ཡི་
རྡེལ་དགུ་དང་། །གླང་མ་དེ་ནི་ལིང་དགུ་བྱས། །སྲིན་ཚ་བུ་དགུའི་བླ་མར་བྲུབ། །དགྲ་བྲུབ་བྱེད་པ་དེ་ནས་སྲིད། །དེ་རིང་རྣལ་འབྱོར་བདག་ཅག་གི། །དགྲ་ངོ་བབ་ན་དགྲ་མར་བྲུབ། །གྱོད་ངོ་བྱུང་ན་གྱོད་མར་བྲུབ། །དགྲ་ལ་རྦད་དོ་ཆོས་རེམ་རེམ། །བསྐལ་པ་དེ་ཡི་བར་མ་ལ། །ཐུགས་ཀར་བུ་དགུ་བྱ་བ་ལ། །ཐུགས་ཀར་བུ་དགུ་དགྲ་རུ་ལང་། །ཐུགས་ཀར་བུ་དགུ་བྱ་བ་དེས། །གཡག་རུ་གཡོན་མའི་ནང་ཤེད་ན། །རྡོ་ནག་དེ་ནི་རྡེལ་དགུ་དང་། །གླང་མ་དེ་ནི་ལིང་དགུ་བྱས། །ཐུགས་དམར་བུ་དགུའི་བླ་མར་བྲུབ། །དགྲ་བྲུབ་བྱེད་པ་དེ་ནས་སྲིད། །སྲིད་པ་དེ་ལ་དཔེ་བླང་ནས། །དོ་ནུབ་ཉི་མ་དགོང་ཀ་ན། །དགྲ་ངོ་བབ་ན་དགྲ་མར་བྲུབ། །གྱོད་ངོ་བྱུང་ན་གྱོད་མར་བྲུབ། །དགྲ་ལ་རྦད་དོ་ཆོས་རེམ་རེམ། །བསྐལ་པ་དེ་ཡི་ཐ་མ་ལ། །དགྲ་བྲུབ་བྱེད་པ་གར་སྲིད་ན། །སྲིད་པ་ཡེ་སྨོན་རྒྱལ་པོ་ལ། །ངོམ་རྗེ་བཙན་པོ་དགྲ་རུ་ལང་། །སྲིད་པ་ཡེ་སྨོན་རྒྱལ་པོ་དེས། །གཏོ་གཤེན་རྒྱལ་པོ་སྤྱན་དྲངས་ནས། །གཡག་རུ་གཡོན་མའི་ནང་ཤེད་ན། །རྡོ་ནག་དེ་ནི་རྡེལ་དགུ་དང་། །གླང་མ་དེ་ནི་ལིང་དགུ་བྱས། །ངོམ་རྗེ་
རྩོལ་པའི་བླ་མར་བྲུབ། །དགྲ་བྲུབ་བྱེད་པ་དེ་ནས་སྲིད། །སྲིད་པ་དེ་ལ་དཔེ་བླང་ནས། །དོ་ནུབ་ཉི་མ་དགོང་ཀ་ལ། །བདག་ཅག་རྒྱུ་སྦྱོར་ཡོན་བདག་ལ། །དགྲ་ངོ་བབ་ན་དགྲ་མར་བྲུབ། །གྱོད་ངོ་བྱུང་ན་གྱོད་མར་བྲུབ། །དགྲ་ལ་རྦད་དོ་ཆོས་རེམ་རེམ། །ཞེས་གཏོར་ཆུང་ཤ་དུམ་བྱིན་བརླབས་ནས་གོང་ལྟར་ཕུལ། ཀྱཻ། གནམ་ས་སྲིད་པའི་དབྱིངས་རུམ་ནས། །རྫུ་འཕྲུལ་ལྷ་ཡི་མཁར་མགོ་ན། །དུང་སེང་གཡུ་ཡི་རལ་པ་ཅན། །ལྷ་ཡི་སེང་སྐད་དི་རི་རི། །ཉི་ཟླ་གཟའ་སྐར་ཐང་ལ་ཕབ། །སྡེར་མོའི་དགྲ་སོད་སྟོང་གསུམ་འགུགས། །སྐད་ཀྱིས་དགྲ་བོའི་བླ་ཁུག་ལ། །དགྲ་བོ་གནམ་གྱི་འཇུ་ཐག་ཆོད། །གཡག་རུ་གཡོན་མའི་ནང་དུ་བྲུབ། །ཡུམ་ཆེན་རྒྱལ་མོའི་སྤྲུལ་པ་ལ། །སྤྲུལ་པ་ལྷ་ཡི་བྱ་ཁྱུང་ལ། །ལྷ་ཡི་གཤོག་པ་ལྷབས་སེ་ལྷབ། །ལྕགས་ཀྱི་སྡེར་མོས་ཅུམས་སེ་ཅུམ། །གཤོག་པས་དགྲ་བོ་བླ་འགུགས་མ། །སྡེར་མོས་དགྲ་བོའི་སྙིང་དྲོངས་ཤིག །དགྲ་བོ་ས་ཡི་བརྟན་ཕུར་ཕུད། །གཡག་རུ་གཡོན་མའི་ནང་དུ་གྲུབ། །བྲུབ་བོ་བྲུབ་བོ་དགྲ་བོ་བྲུབ། ཀྱཻ། ལྷ་མཁར་དེ་ཡི་ནང་ཤེད་ན། །ཡབ་ནི་ལྷ་ཡི་རྒྱལ་པོ་ནི། །ཉི་ཟླ་སྟོང་གི་
སྤྱན་མིག་ཅན། །གཉན་ཆེན་འབུམ་གྱི་སྐེ་རགས་ཅན། །ཀླུ་རྒྱལ་འབུམ་གྱི་ཞབས་ནི་བརྒྱན། །གཟའ་ཆེན་བརྒྱད་ཀྱི་ན་བཟའ་ཅན། །སྐར་མ་སྨིན་དྲུག་ཀླད་ལ་འཁོར། ཀྱཻ། ཡུམ་ཆེན་རྒྱལ་མོ་ཡིད་སྤྲུལ་ནི། །གཟའ་སྐར་སྟོང་གི་སྤྱན་མིག་ཅན། །ལྷ་ཡི་ཁྱུང་གི་གཤོག་པ་ཅན། །དེ་དང་གཉིས་མེད་ཐབས་ཀྱི་སྤྲུལ་པ་ལ། །སྤྲུལ་པ་ལྷ་ཡི་སྒོ་ང་དགུ། །གཅིག་ཉི་མ་ཤར་དུ་བརྡོལ་བ་ལ། །སྤྲུལ་པའི་བུད་མེད་དཀར་མོ་བྱུང་། །སེང་གེ་དཀར་མོའི་གདོང་པ་ཅན། །བླ་བྱ་དཀར་པོ་ཀླད་ན་ལྡིང་། །བླ་ཁྱི་དཀར་པོ་རྗེས་སུ་འབྲང་། །ལྕགས་ཀྱུ་དཀར་མོས་དགྲ་སྙིང་དྲོངས། །གཤོག་པས་དགྲ་བོ་ཁུག་ལ་ཤོག །གཡག་རུ་གཡོན་མའི་ནང་དུ་བྲུབ། །བྲུབ་བོ་བྲུབ་བོ་དགྲ་བོ་བྲུབ། །ཡང་སྒོ་ང་ཞིག་ལྷོ་རུ་བརྡོལ་བ་ལ། །སྤྲུལ་པའི་བུད་མེད་སྔོན་མོ་བྱུང་། །སེང་གེ་སྔོན་པོའི་གདོང་པ་ཅན། །བླ་བྱ་སྔོན་པོ་ཀླད་ན་ལྡིང་། །བླ་ཁྱི་སྔོན་པོ་རྗེས་སུ་འབྲང་། །ལྕགས་ཀྱུ་སྔོན་མོས་དགྲ་སྙིང་དྲོངས། །ལྷོ་ཕྱོགས་དགྲ་བོ་ཁུག་ལ་ཤོག །གཡག་རུ་གཡོན་མའི་ནང་དུ་བྲུབ། །བྲུབ་བོ་བྲུབ་བོ་དགྲ་བོ་བྲུབ། །ཡང་སྒོ་ང་ཞིག་
ནུབ་ཏུ་བརྡོལ་བ་ལ། །སྤྲུལ་པའི་བུད་མེད་ནག་མོ་བྱུང་། །བླ་བྱ་ནག་པོ་ཀླད་ན་ལྡིང་། །བླ་ཁྱི་ནག་པོ་རྗེས་སུ་འབྲང་། །ལྕགས་ཀྱུ་ནག་པོས་དགྲ་སྙིང་དྲོངས། །ནུབ་ཕྱོགས་དགྲ་བོ་ཁུག་ལ་ཤོག །གཡག་རུ་གཡོན་མའི་ནང་དུ་བྲུབ། །ཁྲུབ་བོ་བྲུབ་བོ་དགྲ་བོ་བྲུབ། །ཡང་སྒོ་ང་གཅིག་ཉི་མ་བྱང་དུ་བརྡོལ་བ་ལ། །སྤྲུལ་པའི་བུད་མེད་དམར་མོ་བྱུང་། །བླ་བྱ་དམར་མོ་ཀླད་ན་ལྡིང་། །བླ་ཁྱི་དམར་པོ་རྗེས་སུ་འབྲང་། །ལྕགས་ཀྱུ་དམར་པོས་དགྲ་སྙིང་དྲོངས། །བྱང་ཕྱོགས་དགྲ་བོ་ཁུག་ལ་ཤོག །གཡག་རུ་གཡོན་ཟློམའི་ནང་དུ་བྲུབ། །བྲུབ་བོ་བྲུབ་བོ་དགྲ་བོ་བྲུབ། །ཡང་སྒོ་ང་གཅིག་ཉི་མ་ཤར་ལྷོ་མཚམས་སུ་བརྡོལ་བ་ལ། །མི་ལུས་ཁྲ་ཡི་མགོ་བོ་ཅན། །མཆུ་ནི་གནམ་ལྕགས་གཟུང་བུ་མཆུ། །གློག་གི་མིག་ལ་ཐོག་གི་སྡེར། །དགྲ་ཤ་ཟོ་ལ་དགྲ་ཁྲག་འཐུང་། །ཤར་ལྷོ་མཚམས་ཀྱི་དགྲ་བོ་ཁུག་ལ་ཤོག །གཡག་རུ་གཡོན་མའི་ནང་དུ་བྲུབ། །ཁྲུབ་བོ་བྲུབ་བོ་དགྲ་བོ་བྲུབ། །ཡང་སྒོ་ང་གཅིག་ཉི་མ་ལྷོ་ནུབ་མཚམས་སུ་བརྡོལ་བ་ལ། །མི་ལུས་དོམ་ནག་མགོ་བོ་ཅན། །མཆེ་བ་ལྕགས་ཕུར་སྔོན་པོ་གཙིགས། །ལག་པ་ཟུང་གི་ཤ་ཟུང་
ཅན། །ལྷོ་ནུབ་མཚམས་ཀྱི་དགྲ་བོ་ཁུག་ལ་ཤོག །གཡག་རུ་གཡོན་མའི་ནང་དུ་བྲུབ། །བྲུབ་བོ་བྲུབ་བོ་དགྲ་བོ་བྲུབ། །ཡང་སྒོ་ང་གཅིག་ཉི་མ་ནུབ་བྱང་མཚམས་སུ་བརྡོལ་བ་ལ། །མི་ལུས་འུག་པའི་མགོ་བོ་ཅན། །གཟའ་ཡི་གདོང་ལ་ཉི་ཟླའི་སྤྱན། །སྡེར་མོ་ལྕགས་ཀྱུ་ཤ་ཟུང་གི །དགྲ་བོའི་སྙིང་ཕྱུང་དགྲ་ཤ་ཟོ། །དགྲ་ཁྲག་འཐུང་ལ་དགྲ་རུས་འཆོས། །དམིགས་པའི་དགྲ་བོའི་རུས་འཆོས་ཤིག །ནུབ་བྱང་མཚམས་ཀྱི་དགྲ་བོ་ཁུག་ལ་ཤོག །གཡག་རུ་གཡོན་མའི་ནང་དུ་བྲུབ། །བྲུབ་བོ་བྲུབ་བོ་དགྲ་བོ་བྲུབ། །ཡང་གཅིག་ཉི་མ་བྱང་ཤར་མཚམས་སུ་བརྡོལ་བ་ལ། །མི་ལུས་སྤྱང་ཀི་མགོ་བོ་ཅན། །ལྕགས་ཀྱི་མཆེ་བ་ཟངས་སེ་ཟང་། །ལྕགས་ཀྱི་སྡེར་མོ་ཡབས་སེ་ཡབ། །བྱང་ཤར་མཚམས་ཀྱི་དགྲ་བོ་ཁུག་ལ་ཤོག །གཡག་རུ་གཡོན་མའི་ནང་དུ་བྲུབ། །བྲུབ་བོ་བྲུབ་བོ་དགྲ་བོ་བྲུབ། །ཡང་སྒོ་ང་གཅིག་གནམ་དུ་བརྡོལ་བ་ལ། །མི་ལུས་ཁྱུང་གི་མགོ་བོ་ཅན། །ཁྱུང་གི་གཤོག་པས་བར་སྣང་ཁེབས། །ཁྱུང་རུ་གནམ་དུ་ཟངས་སེ་ཟང་། །ཁྱུང་སྡེར་ས་ལ་བཅུམས་སེ་བཅུམ། །ཁྱུང་སྡེར་རྣོན་པོས་དགྲ་སྙིང་དྲོངས། །ནམ་
མཁའི་ཁམས་ནས་དགྲ་བོ་ཁུག་ལ་ཤོག །གཡག་རུ་གཡོན་མའི་ནང་དུ་བྲུབ། །བྲུབ་བོ་བྲུབ་བོ་དགྲ་བོ་བྲུབ། །ཡང་སྒོ་ང་གཅིག་ས་ཡི་ཞབས་སུ་བརྡོལ་བ་ལ། །མི་ལུས་སྦྲུལ་གྱི་མགོ་བོ་ཅན། །དུང་གི་མཆེ་བ་ཟངས་སེ་ཟང་། །སྡེར་མོ་ལྕགས་ཀྱུ་བཀུག་པ་འདྲ། །དགྲ་སྙིང་འདྲེན་པའི་ཤ་ཟུང་ཅན། །དུག་ལྕེ་ནག་པོས་དགྲ་བོ་ལྡག །ས་གཞིའི་ཁམས་ནས་ཁུག་ལ་ཤོག །གཡག་རུ་གཡོན་མའི་ནང་དུ་བྲུབ། །བྲུབ་བོ་བྲུབ་བོ་དགྲ་བོ་བྲུབ། ཀྱཻ། སྒྲུབ་པའི་རྣལ་འབྱོར་བདག་ཅག་གི །ཉི་མ་ཕྱོགས་བཞི་མཚམས་བརྒྱད་དང་། །སྟེང་འོག་ཀུན་ནས་སྡང་དགྲ་རྣམས། །གཡག་རུ་གཡོན་མའི་ནང་དུ་ཁྲུབ། །བྲུབ་བོ་བྲུབ་བོ་དགྲ་བོ་བྲུབ། །བསྭོ། ཁྲག་འཐུང་མ་བཞིས་དགྲ་ཁྲག་འཐུང་། །དམ་ཉམས་དགྲ་བོའི་ཁྲག་ལ་འཐུང་། །ཤ་ཟ་མ་བཞིས་དགྲ་ཤ་ཟོ། །དམ་ཉམས་དགྲ་བོའི་ཤ་ཟོ་ཞིག །རུས་འཆའ་མ་བཞིས་དགྲ་རུས་མུར། །དམིགས་པའི་དགྲ་བོའི་རུས་འཆོས་ཤིག །སྙིང་འཕྲོག་མ་བཞིས་དགྲ་སྙིང་དྲོངས། །སྲོག་ལེན་མ་བཞིས་དགྲ་སྲོག་ཆོད། །དམིགས་པའི་དགྲ་བོའི་སྲོག་ཆོད་ཅིག །དབུགས་ལེན་མ་བཞིས་དགྲ་དབུགས་
འཕྲོག །དམིགས་པའི་དགྲ་བོའི་དབུགས་ཕྲོག་ཅིག །ཕྱོགས་བཞི་མཚམས་བརྒྱད་སྟེང་འོག་ནས། །དགྲ་བོ་མ་ཤོར་ཁུག་ལ་ཤོག །གཡག་རུ་གཡོན་མའི་ནང་དུ་ཁུག །ཕྱི་འབྱུང་བ་ལྔ་ལ་བྱུང་བའི་དགྲ་བོ་བྲུབ། །ནང་སྲོག་ལུས་དབང་ཐང་ལ་བྱུང་བའི་དགྲ་བོ་བྲུབ། །རྒྱ་བོད་ཧོར་གསུམ་ལ་བྱུང་བའི་དགྲ་བོ་བྲུབ། །དབྲ་འབྲུ་སྒ་གདོང་ལ་བྱུང་བའི་དགྲ་བོ་བྲུབ། །འདབ་ཆགས་བྱ་ལ་བྱུང་བའི་དགྲ་བོ་བྲུབ། །གཟུགས་ཅན་མི་ལ་བྱུང་བའི་དགྲ་བོ་བྲུབ། །གཟུགས་མེད་ལྷ་འདྲེ་ལ་བྱུང་བའི་དགྲ་བོ་བྲུབ། །དགྲ་རྐུན་ཇག་གསུམ་ལ་བྱུང་བའི་དགྲ་བོ་བྲུབ། །ནད་མུག་མཚོན་གསུམ་ལ་བྱུང་བའི་དགྲ་བོ་བྲུབ། །ཕུ་ནུ་ཕ་སྤུན་ལ་བྱུང་བའི་དགྲ་བོ་བྲུབ། །ཉེ་བ་བྲན་འཁོར་ལ་བྱུང་བའི་དགྲ་བོ་བྲུབ། །ཁྱིམ་མཚེས་གྲོང་ཡུལ་ལ་བྱུང་བའི་དགྲ་བོ་བྲུབ། །དགྲ་འདྲེ་གདོན་གསུམ་ལ་བྱུང་བའི་དགྲ་བོ་བྲུབ། །བགེགས་རིགས་སྟོང་ཕྲག་བརྒྱད་ཅུ་ལ་བྱུང་བའི་དགྲ་བོ་བྲུབ། །སྐག་རིགས་སུམ་བརྒྱ་དྲུག་ཅུ་ལ་བྱུང་བའི་དགྲ་བོ་བྲུབ། །གཡག་རུ་གཡོན་མའི་ནང་དུ་གྲུབ། །དགུང་སྔོན་པོ་འདི་ཡི་མར་ཞབས་སུ། །ས་གྲོ་མོ་འདི་ཡི་ཡར་སྟེང་
ན། །གནམ་ས་སྲིད་པའི་དབྱིངས་རུམ་ན། །སྡེ་བརྒྱད་ཀྱི་གདུག་རྩུབ་ངན་པ་དང་། །མ་མོའི་ཁ་རླངས་ངན་པ་དང་། །གཤིན་རྗེའི་ཁྲམ་ཁ་ངན་པ་རྣམས། །ཀླུ་ཡི་བྱད་དུ་བཅུག་པ་དང་། །བྱུར་དང་འགོང་པོ་སྒབ་འདྲེ་དང་། །བྱེས་འདྲེ་བྱད་སྲི་ཐམས་ཅད་དང་། །རྐུན་འཕྲོག་འཇབ་གསུམ་དགྲ་བོ་རྣམས། །གཡག་རུ་གཡོན་མའི་ནང་དུ་གྲུབ། །བྲུབ་བོ་སྡང་བའི་དགྲ་བོ་བྲུབ། །མ་ཤོར་མ་བཏང་མྱུར་དུ་ཁུག །དགྲ་བོ་ཧོམ་ཁུང་གྲུ་གསུམ་ནང་དུ་བྲུབ། །གཡག་རུ་གཡོན་མའི་ནང་དུ་བྲུབ། །བསྐལ་པ་སྟོང་དུ་མ་སྡང་ཞིག །སྟེང་དུ་དགྲ་མཁར་རིམ་དགུ་བསྙིལ། །རི་ལི་ལི་རི་ལི་ལི། ཐུམ་རི་ལི་ལི་ཨེ་ཛ་ཏྲི་ཛ་རྨི་ཛ། ཧྲི་ཛ། ཤག་ཛ། སེག་ཛ། །ཐུན་ཛ། ཁུག་ཛ། བསྐལ་པ་སྟོང་་དུ་མ་ལྡང་ཞིག །དགྲ་བོ་དགྲ་སྲི་ཐམས་ཅད་མཱ་ར་ཡ་ནན། སྲིན་མོ་ཐམས་ཅད་མཱ་ར་ཡ་ནན། མི་ལ་བསེ་རག་ཐམས་ཅད་མཱ་ར་ཡ་ནན། བགེགས་ནན། བྱུར་ནན། མི་ཁ་ནན། ཨེ་ནན། ཡཾ་ནན། རཾ་ནན། ལོ་ནན། ཁཾ་ནན། འབྱུང་བ་རྣམ་ལྔ་ལས་བྱུང་བའི་དགྲ་འདྲེ་གདོན་གསུམ་ནན། ལེགས་ལྡན་ཡུམ་གྱི་དགྲ་ཆོས་ཚར་རོ། །ཡང་ཤ་དུམ་
གཏོར་ཆུང་གོང་ལྟར་འབུལ། ཀྱཻ། ཡི་དམ་ལྷ་ཚོགས་དགོངས་སུ་གསོལ། །ལེགས་ལྡན་མགོན་པོ་དགོངས་སུ་གསོལ། །དགྲ་བོའི་མི་ནོར་ཁ་ཕུང་ཐོངས། །དགྲ་བོ་བྱི་བའི་ལོ་པ་ལ། །བདུད་པོ་རེ་ལྡེ་མགོ་ཉག་ཆད། །དགྲ་བོའི་སྲོག་གི་ཤན་པ་གྱིས། །ཡོན་དུ་རྟ་ཡི་དོན་སྙིང་འབུལ། །དགྲ་བོ་གླང་གི་ལོ་པ་ལ། །བདུད་ཀྱི་རྒྱལ་པོ་གཤིན་རྒྱལ་ཆོས། །དགྲ་བོའི་སྲོག་གི་ནང་དབྱེན་གྱིས། །ཡོན་དུ་ལུག་གི་དོན་སྙིང་འབུལ། །དགྲ་བོ་སྟག་གི་ལོ་པ་ལ། །བདུད་པོ་ཁ་ལ་གྲི་ཡུག་རྦད། །དགྲ་བོའི་སྲོག་རྩ་སྤུ་གྲིས་ཆོད། །ཡོན་དུ་སྤྲེལ་གྱི་དོན་སྙིང་འབུལ། །དགྲ་བོ་ཡོས་བུ་ལོ་པ་ལ། །བདུད་པོ་ཡམ་ཤུད་ནག་པོ་ཆོས། །དགྲ་བོའི་སྲོག་ལ་སྤུ་གྲི་རྒྱོབ། །ཡོན་དུ་བྱ་ཡི་དོན་སྙིང་འབུལ། །དགྲ་བོའི་སྲོག་གི་ནང་དབྱེན་གྱིས། དགྲ་བོ་འབྲུག་གི་ལོ་པ་ལ། །བདུད་པོ་ཁྲོ་རྒྱལ་རྔམས་པ་ཆོས། །ཡོན་དུ་ཁྱི་ཡི་དོན་སྙིང་འབུལ། །དགྲ་བོའི་སྲོག་གི་ཤན་པ་གྱིས། །དགྲ་བོ་སྦྲུལ་གྱི་ལོ་པ་ལ། །བདུད་པོ་མྱུར་བ་ལག་རིང་ཆོས། །ཡོན་དུ་ཕག་གི་དོན་སྙིང་འབུལ། །དགྲ་བོའི་སྲོག་གི་ཤན་པ་གྱིས། །དགྲ་བོ་རྟ་ཡི་ལོ་པ་ལ། །
བདུད་པོ་སྟོབས་ལྡན་མགྱོགས་པ་ཆོས། །དགྲ་བོའི་སྲོག་ལ་སྤུ་གྲི་རྒྱོབས། །ཡོན་དུ་བྱ་ཡི་དོན་སྙིང་འབུལ། །དགྲ་བོའི་སྲོག་གི་ཤན་པ་གྱིས། །དགྲ་བོ་ལུག་གི་ལོ་པ་ལ། །བདུད་པོ་དམེ་ཐོགས་ཁོལ་པོ་ཆོས། །དགྲ་བོའི་སྲོག་ལ་སྤུ་གྲིས་རྒྱོབས། །ཡོན་དུ་གླང་གི་དོན་སྙིང་འབུལ། །དགྲ་བོའི་སྲོག་གི་ཤན་པ་གྱིས། །དགྲ་བོ་སྤྲེའུ་ལོ་པ་ལ། །བདུད་པོ་མི་ཐུབ་ནག་པོ་ཆོས། །དགྲ་བོའི་དབུགས་དང་རྣམ་ཤེས་ཕྲོལ། །ཡོན་དུ་སྟག་གི་དོན་སྙིང་འབུལ། །དགྲ་བོའི་སྲོག་གི་ཤན་པ་གྱིས། །དགྲ་བོ་བྱ་ཡི་ལོ་པ་ལ། །བདུད་པོ་ལག་རིང་དགྲ་ལ་ཆོས། །ཡོན་དུ་ཡོས་བུའི་དོན་སྙིང་འབུལ། །དགྲ་བོའི་སྲོག་གི་ཤན་པ་གྱིས། །དགྲ་བོ་ཁྱི་ཡི་ལོ་པ་ལ། །བདུད་རྒྱལ་བཞི་པོ་དགྲ་ལ་ཆོས། །དགྲ་ཡང་བོའི་སྲོག་ལ་སྤུ་གྲིས་རྒྱོབས། །ཡོན་དུ་འབྲུག་གི་དོན་སྙིང་འབུལ། །དགྲ་བོའི་སྲོག་གི་ཤན་པ་གྱིས། །དགྲ་བོ་ཕག་གི་ལོ་པ་ལ། །བདུད་གཟུགས་མེ་ཆེན་དགྲ་ལ་ཆོས། །དགྲ་བོའི་སྲོག་ལ་སྤུ་གྲིས་རྒྱོབས། །ཡོན་དུ་སྦྲུལ་གྱི་དོན་སྙིང་འབུལ། །ལོ་བདུད་བཅུ་གཉིས་ཟློག་བྱེད་ཅིང་། །བདུད་ཀྱི་ལུས་ལ་བཙན་གྱི་མགོ །བདུད་ཀྱི་ལུས་ལ་སྟག་གི་
སྙིང་། །དགྲ་བོའི་ཡུལ་དུ་རིང་བར་ཆོས། །ལོ་བདུད་བར་དུ་ཁྱོད་རྒྱུགས་ལ། །དགྲ་བོ་མཐུན་པའི་བརྟན་ཕུར་ཤིག །དགྲ་བོ་དར་བའི་ཁ་ཞབས་ལྡོག །དགྲ་བོ་མི་ནོར་བདུད་དུ་ཕོབ། །དགྲ་ཐུབ་སྟག་ནག་མགོ་དགུ་ལ། །མདའ་ཆག་གཞུ་ཆག་མདུང་ཆག་དང་། །དགྲ་ཡས་སྣ་དགུ་དེ་ལ་བཀལ། །གཡག་ནག་རུ་ཟིན་གཟུགས་ཆ་བརྙན་ལ། །དགྲ་སྲི་ནག་པོ་རུ་ནན་གྱིས། །རྩེ་རྣོན་མཚོན་ཆ་དགྲ་ལ་སྒྱུར། །གཅན་གཟན་རི་དྭགས་ཆེ་དགུ་དང་། །དགྲ་ཡི་ཡུལ་ཁམས་སྟེང་ནས་བརླག །དགྲ་བོའི་རང་། མཚོན་རང་ལ་རྒྱོབ། །དགྲ་བོའི་རང་སྣང་རང་འཁྲུག་ཅིག །སྡང་བའི་དགྲ་བོ་ལས་ངན་འདི། །མདའ་ལྟོང་ཆོག་ལ་གཞུ་རྒྱུད་ཆོད། །དགྲ་སྙིང་ཕྱུང་ལ་ཚེར་ཕུང་ཕུད། །དགྲ་ཁམས་བྲུབ་ལ་དགྲ་སྲི་ནོན། །དགྲ་བསད་རིབ་བོ་བདུད་ཀྱི་གཤེད་མ་ཟློག །དགྲ་བོ་འཁོར་བཅས་མུན་པའི་གླིང་དུ་སྒྱུར། །དགྲ་སྲི་ཐུབ་པའི་ཕྱག་རྒྱ་བཅས། །བཅོལ་བའི་ཕྲིན་ལས་འགྲུབ་པར་མཛོད། །སྙུག་མ་རྩེ་རྣོན་བཅུ་གཉིས་ཀྱིས། །རྩེ་མོར་བལ་ཚོན་སྟག་པ་འདི། །ལོ་ཡི་བདག་པོ་རྣམས་ལ་འབུལ། །བདག་དང་རྒྱུ་སྦྱོར་ཡོན་བདག་གི །
མི་ནོར་ཐམས་ཅད་གོང་དུ་འཕེལ། །མཐུ་སྟོབས་དངོས་གྲུབ་ཆེ་བར་མཛོད། །ཧཱུྃ། སྔོན་གྱི་བསྐལ་པ་དང་པོ་ལ། །མ་རིག་གནམ་ས་འཁྲུག་པའི་འདྲེ། །བར་གྱི་བསྐལ་པ་བར་མ་ལ། །འབྱུང་བ་ལྔ་ཡི་དགྲ་གཤེད་ལང་། །བསྐལ་པ་ཕྱི་ཡི་ཐ་མ་ལ། །རྒྱལ་པོ་མི་རབས་གཅོད་པའི་འདྲེ། །རྒྱལ་པོ་བློན་པོ་སྨད་པའི་འདྲེ། །སྨོན་ལམ་ངན་པའི་རྟེན་འབྲེལ་གྱི། །ཕོ་བདུད་དང་ནི་མོ་བདུད་ལང་། །གསོན་གྱི་དམ་སྲི་རྔམ་པ་དང་། །རྩ་ནག་གི་ཕ་སྣེ་འདྲེ་དང་། །བསོད་ནམས་ཆུང་བའི་འདྲེ་སྲིན་ལང་། །རབས་ཆད་ཕུང་སྲི་འགག་ནག་དང་། །རྨོངས་སྡུག་དབུལ་བའི་སྡུག་བསྔལ་དང་། །རབས་ཆད་ཐོད་ཟེར་ནག་པོ་དང་། །ས་བདག་རྒྱལ་པོ་ཡབ་སྲས་ཀྱི། །སྡང་བའི་དགྲ་ལ་བསྒྱུར་ཅིང་ཟློག །བྱ་གྷི་ཝའི་བྱིན་རླབས་ཀྱིས། །སྣང་སྲིད་ལྷ་འདྲེ་དབང་དུ་འདུས། །བཛྲ་པཱ་ཎི་མཐུ་སྟོབས་ཀྱིས། །དགྲ་བགེགས་འབྱུང་པོ་རྡུལ་དུ་རློགས། །ཁྲོ་རྒྱལ་སྤྲུལ་པའི་བྱ་ཁྱུང་གིས། །ས་བདག་ཀླུ་གཉན་རྡུལ་དུ་རློགས། །དགྲ་ལ་གྲི་རྒོད་རྔམ་པ་ཐོངས། །ཧཱུྃ། མ་གཡེལ་མ་གཡེལ་ཡི་དམ་ལྷ་ཚོགས་རྣམས། །དངོས་གྲུབ་བར་ཆད་བྱེད་པ་དང་། །བདུད་
དང་འབྱུང་པོ་ལོག་འདྲེན་རྣམས། །རྡུལ་དུ་བརླག་པའི་ཕྲིན་ལས་མཛོད། །ས་བདག་འཁྲུག་པའི་གཏི་མུག་ལ། །ལས་ཀྱི་སྲིན་པོ་ཕག་མགོ་ཅན། །གནས་ནི་གཏི་མུག་དག་ལ་གནས། །སྐྱེ་འགྲོ་སྲོག་ཆགས་ཐམས་ཅད་ཀྱི། །ནམ་གྱི་སྲོད་ལ་ཚེ་སྲོག་ལེན། །ཞེ་སྡང་སྲིན་པོ་སྐྱེ་འགྲོ་རྣམས་ཀྱི་གཤེད། །ཕྱག་ན་རབས་ཆད་ཐོད་པ་བསྣམས། །རྨང་རིགས་དབུལ་བའི་སྡུག་བསྔལ་རྣམས། །ས་བདག་ནག་པོའི་བླུ་བར་རྣམས། །སྡང་བའི་དགྲ་བོའི་སྟེང་དུ་སྒྱུར། །ས་བདག་རྒྱལ་པོའི་འདོད་ཆགས་ལས། །བཙན་སྲི་དམར་པོ་བྱི་མགོ་ཅན། །གནས་ནི་ཁྲག་གི་མཚོ་ལ་གནས། །སྐྱེ་འགྲོ་སེམས་ཅན་ཐམས་ཅད་ཀྱི། །ཐོ་རངས་དག་ལ་རྣམ་ཤེས་ལེན། །འབྱུང་བ་ཆུ་ཡི་འཁོར་ལོ་བཤིགས། །ཕྱག་ན་སྡང་བའི་དགྲ་བོ་འབུལ། །རྨང་སྡུག་དབུལ་བའི་སྡུག་བསྔལ་རྣམས། །འབྱུང་བ་འཁྲུག་པའི་ལྷ་འདྲེ་རྣམས་ལ་འབུལ། །ས་བདག་འཁྲུག་པའི་ཞེ་སྡང་ལས། །བདུད་ཀྱི་མི་ནག་སྦྲུལ་མགོ་ཅན། །སྤྲིན་ནག་འཁྲུག་པའི་ནང་ན་བཞུགས། །སྲོད་ལ་མི་ཡི་རྣམ་ཤེས་ལེན། །འབྱུང་བ་མེ་ཡི་འཁོར་ལོ་བཤིག །ཕྱག་ན་སྡང་བའི་
དགྲ་བོ་འབུལ། །ལས་སུ་སྡང་བའི་དགྲ་བོ་ཁྱེར། །ས་བདག་འཁྲུག་པའི་ཕྲག་དོག་ལས། །གནོད་སྦྱིན་ནག་པོ་ཁྱི་མགོ་ཅན། །གནས་ནི་བྲག་དམར་ཟམ་ལ་གནས། །ཉིན་ཕྱེད་དགྲ་བོའི་རྣམ་ཤེས་ལེན། །འབྱུང་བ་དགྲ་བོའི་གཟུགས་ཕུང་ཤིགས། །ཡོན་བདག་རྨོང་སྡུག་དབུལ་འདྲེ་རྣམས། །འབྱུང་བ་འཁྲུག་འདྲེ་རྣམས་ལ་གཏད། །འབྱུང་བ་ཟབ་པའི་གཏི་མུག་ཁྱེར། །སྐྱེ་སྲིད་ནག་པོ་རྟ་ལ་ཞོན། །རབས་ཆད་ནག་པོ་མཛོ་ལ་ཞོན། །ལྟས་ངན་ནག་པོ་སྤྲེའུ་ཞོན། །ཀླུ་སྲིན་ནག་པོ་ཆུ་སྲིན་ཞོན། །ཐེའུ་རང་ནག་པོ་བྱ་ལ་ཞོན། །ཕུང་སྲི་ནག་པོ་རྔ་མོང་ཞོན། །གྲི་བོ་ནག་པོ་ཕག་ལ་ཞོན། །བཙན་གྲི་དམར་པོ་ཤ་བ་ཞོན། །ཆུང་སྲི་ནག་པོའི་སྲེ་མོང་ཞོན། །བྲག་སྲིན་ནག་པོ་བོང་བུ་ཞོན། །འགོང་པོ་ནག་པོ་རི་བོང་ཞོན། །ཐབ་སྲི་ནག་པོ་ཡུ་མོ་ཞོན། །གཤིན་སྲི་ནག་པོ་ཁྱི་ལ་ཞོན། །ཡུལ་འདྲེ་ཕོ་འདྲེ་ཕུང་ཤུད་ཞོན། །བྲག་ཐེལ་ནག་པོ་འུག་པ་ཞོན། །ས་སྲིན་ནག་པོ་སྦྲུལ་ལ་ཞོན། །རྨོང་སྡུག་དབུལ་བའི་འདྲེ་སྲིན་རྣམས། །གཅན་སྣ་སྡང་བའི་དགྲ་ལ་སྟོན། །ཡས་དགུ་ཐག་དགུ་རྫོངས་སུ་ཁྱེར། །ལྟས་ངན་ཡུལ་སྡིག་སྣ་ཚོགས་རྫོངས་
སུ་ཁྱེར། །ཡོན་བདག་རྨོང་སྡིག་སྡང་བའི་དགྲ་ལ་སྒྱུར། །དགྲ་བོའི་ཡུལ་དུ་རིང་བར་ཆོས། །དགྲ་བོའི་མི་ནོར་རྡུལ་དུ་རློགས། །ས་བདག་ནག་པོ་འཁོར་བཅས་ཀྱིས། །བཅོལ་བའི་ལས་རྣམས་འགྲུབ་པར་མཛོད། །ཕྱག་ན་རྡོ་རྗེའི་མཐུ་སྟོབས་ཀྱིས། །ས་བདག་ནག་པོ་འཁོར་དང་བཅས། །སྣང་སྲིད་ལྷ་འདྲེ་ཐམས་ཅད་ཀྱིས། །དགྲ་ལ་གྲི་རྒོད་རྔམ་པ་ཐོངས། །དགྲ་བོའི་སྲོག་རྩ་མྱུར་དུ་ཕྱུངས། །དགྲ་ལ་གྲི་ལིང་ནག་པོ་ཁྱེར་ལ་ཐོངས། །དགྲ་སྲོག་ཆོད་ལ་དགྲ་སྙིང་ཕྱུངས། །དགྲ་བོའི་དཔུང་པ་གཡས་པ་ཆོག །དགྲ་བོའི་སེམས་ཀྱི་མར་མེ་སོད། །དགྲ་བོའི་ལུས་དང་རྣམ་ཤེས་ཕྲོལ། །དགྲ་བོའི་རང་མཚོན་རང་ལ་རྒྱོབས། །དགྲ་བོའི་རང་བདུད་རང་ལ་ཕོབ། །དགྲ་བོའི་སྲོག་ཆོད་དབུགས་ལོངས་ཤིག །དགྲ་བོའི་རྣམ་ཤེས་མེད་པར་མཛོད། །དགྲ་བོའི་མི་ནོར་ཕྱགས་མས་ཐོབ། །དགྲ་བོའི་བདུན་རྒྱུད་རྩད་ནས་ཆོད། །དགྲ་བོའི་རྩ་བ་རླུང་ལ་བསྐུར། །དགྲ་བོ་འཁོར་བཅས་མེད་པར་མཛོད། །དགྲ་སྣ་གཅན་སྣ་མུན་པའི་གླིང་དུ་སྒྱུར། །ནད་ཡམས་དལ་ཁ་ཐམས་ཅད་དགྲ་ལ་སྒྱུར། །དགྲ་བོ་བྲུབ་བོ། །མི་ཁ་བྲུབ་
བོ། །བྱུར་འདྲེ་བྱུར་སྲི་ཐམས་ཅད་བྲུབ་བོ། བྷྱོ་བྷྱོ་བྷྱོ། ལེགས་ལྡན་སྲས་ཀྱི་དགྲ་ཆོས་ཚར་རོ། །བཀུག་གཞུག་ལན་གསུམ་བྱས་ལ། ལྷ་དབྱེ་ནི་འུག་པ་དང་ཕོ་རོག་སྒྲོ་ཡིས་ལིངྒ་གླང་མ་ལིང་དགུ་རྣོ་ནག་རྣམས་ལ་གཡོབ་ལ། ཀྱཻ། དེ་རིང་ཉེས་བྱས་དགྲ་བོ་འདི། །དགྲ་བླ་སྐྱབས་ཆེན་ལྷ་དང་ཕྱེས། །གྲི་བོ་ཆེན་པོ་དེ་དང་སྤྲོད། །མ་ལྷ་བུ་རྫི་དེ་དང་ཕྱེས། །མ་བུའི་བྱུར་སྲི་དེ་དང་སྤྱོད། །བང་ལྷ་སྨུག་པོ་དེ་དང་ཕྱེས། །བང་སྲི་དར་བ་དེ་དང་སྤྲོད། །ཞང་ལྷ་ཕ་འོང་དེ་དང་ཕྱེས། །ཞང་འདྲེ་གདུག་པ་དེ་དང་སྤྱོད། །ཡུལ་ལྷ་ཟོ་དོར་དེ་དང་ཕྱེས། །ཡུལ་འདྲེ་ཡུལ་སྲི་དེ་དང་སྤྱོད། །དར་རོག་ཕྲག་ལྷ་དེ་དང་ཕྱེས། །དར་སྲི་གཞོན་སྲི་དེ་དང་སྤྱོད། །ཕྱུགས་ལྷ་རྨ་གཡང་དེ་དང་ཕྱེས། །གོད་འདྲེ་གོད་སྲི་དེ་དང་སྤྱོད། །ཕྲུ་གཡང་སྒོ་པ་བཞི་དེ་དང་ཕྱེས། །མི་ལ་བསེ་རག་དེ་དང་སྤྱོད། །ཨོཾ་མ་ཧཱ་ཀཱ་ལ་ཏྲག་རཀྵ་མཱ་ར་ཡ་ཤག་ཕྱེས་ཤག་ཕྱེས། ཞེས་ལྷ་ལྔ་དང་ཕྱེས། འདྲེ་དང་སྤྲོད་པར་བསམ། དེ་ནས་ཐུན་རྒྱབ་པ་ནི། ཐུན་རྫས་ཐམས་ཅད་ཐོགས་ནས་མཚོན་ཆའི་ཆར་དུག་དང་ནད་ཡམས་ཀྱི་ཆར་དུ་གྱུར་ནས་དགྲ་བོ་སྐད་ཅིག་གིས་བརླག་པར་བསམ། ཀྱཻ། ལེགས་ལྡན་མགོན་པོ་འཁོར་བཅས་ཀྱི། །ཕྱག་ན་དུག་གི་ཐུན་ཟོར་
བསྣམས། །ལྕགས་ཕྱེའི་ཐུན་དང་ཟངས་ཕྱེའི་ཐུན། །ཡུངས་ཀར་ཐུན་དང་ཡུངས་ནག་ཐུན། །ཀེ་ཚེའི་ཐུན་དང་ཤང་ཚེའི་ཐུན། །ས་ཕྱེའི་དུག་དང་རྡོ་ཕྱེའི་དུག་དང་ཐུན། །ཐར་ནུའི་དུག་དང་རེ་ལྕག་དུག །ཐང་ཕྲོམ་དུག་དང་ཐུན་རྫས་རྣམས། །དུག་དང་མཚོན་ཆར་གྱུར་ནས་སུ། །དམ་ཉམས་དགྲ་ལ་བསྟབ་པ་ཡི། །སྨྱོ་རུ་ཆུག་ལ་འབོགས་སུ་ཆུགས། །བརྒྱལ་དུ་ཆུག་ལ་འཐིབ་ཏུ་ཆུགས། །རྡུལ་ཕྲན་བཞིན་དུ་རླག་པར་བྱེད། །ཨོཾ་མ་ཧཱ་ཀ་ལ་ཡ་ཧཱུྃ་ཕཊ། དགྲ་བོ་ཧ་ན་ཧ་ན། ད་ཧ་ད་ཧ། པ་ཙ་པ་ཙ། ཤ་ཏུཾ་མཱ་ར་ཡ་ཧཱུྃ་ཕཊ། ཐུན་རྒྱབ་ལ། དེ་ནས་གཡག་རུ་བྲན་ལ། ཕཊ། སྐད་ཅིག་ལས་ཡི་གེ་མ་ཡོངས་སུ་གྱུར་པ་ལས། གཡག་རུ་གཡོན་མ་འཆི་བདག་ལས་ཀྱི་གཤིན་རྗེ་ཨ་ཝ་གླང་མགོ་ནག་པོ། ཞལ་གཅིག་ཕྱག་གཉིས་པ་གཡས་ཁྲམ་ཤིང་དང་། གཡོན་བདུད་ཀྱི་ཞགས་པ་ནག་པོ་འཛིན་པ། འཇིགས་སུ་རུང་བ་མཆེ་བ་གངས་རི་ལྟར་གཙིགས་པ། ལྗགས་གློག་དམར་ལྟར་འཁྱུག་པ། སྤྱན་ཉི་ཟླ་ལྟར་གསལ་བ། ཞལ་གནམ་ས་ཙམ་གདངས་བའི་ནང་དུ་དགྲ་བོ་འཁོར་དང་བཅས་པའི་གཟུགས་ལིངྒ་བླ་རྡོ་བླ་ཤིང་ཐམས་ཅད་ཚུད་
ནས། བསྐལ་པ་མ་སྟོང་གི་བར་དུ་འཆོར་བ་མེད་པའི་རང་བཞིན་ཅན་དུ་གྱུར། ཡ་མ་ར་ཛ་ཛ་ཛ་ཛ། ཛཿཧཱུྃ་བཾ་ཧོ༔ ཞེས་དགྲ་བོ་བྲུབ་པ་ནི། ཀྱཻ། ཤར་ཕྱོགས་རྒྱ་ཡི་དགྲ་སྲི་དེ། །དྲེད་མོང་རལ་ཐོད་ནང་དུ་བྲུབ། །དེ་ཕྱིར་དགྲ་སྲི་མ་ལྡང་ཞིག །ལྷོ་ཕྱོགས་འཇང་གི་དགྲ་སྲི་དེ། །ཁྱི་མགོ་རྨུ་ཐོད་ནང་དུ་གྲུབ། །དེ་ཕྱིར་དགྲ་སྲི་མ་ལྡང་ཞིག །ནུབ་ཕྱོགས་མོན་གྱི་དགྲ་སྲི་དེ། །རྟ་མིག་རྒོར་མོའི་ནང་དུ་བྲུབ། །དེ་ཕྱིར་དགྲ་སྲི་མ་ལྡང་ཞིག །བྱང་ཕྱོགས་ཧོར་གྱི་དགྲ་སྲི་དེ། །གཡག་རུ་གཡོན་མའི་ནང་དུ་བྲུབ། །དེ་ཕྱིར་དགྲ་སྲི་མ་ལྡང་ཞིག །དགྲ་ལ་རྦད་དོ་ཆོས་རེམ་རེམ། །བསྭོ། ཚེས་གཅིག་བཅུ་གཅིག་ཉི་ཤུ་གཅིག །གཅིག་གསུམ་དག་ལ་ཆས་པའི་དགྲ་བོ་དེ། །གཡག་རུ་གཡོན་མའི་ནང་དུ་བྲུབ། །གཡག་རུ་ནང་ནས་མ་སྐྱེ་ཅིག །གཡག་རུ་ནང་ནས་མ་ལྡང་ཞིག །དགྲ་རྐུན་བྲུབ་བོ་ཆོས་རེམ་རེམ། །ཡང་ཚེས་གཉིས་བཅུ་གཉིས་ཉི་ཤུ་གཉིས། །གཉིས་གསུམ་དག་ལ་ཆས་པའི་དགྲ་བོ་དེ། །ལུག་རུ་རྒྱ་མཚོའི་ནང་དུ་བྲུབ། །ལུག་རུ་ཞབས་ནས་མ་སྐྱེ་ཅིག །ལུག་རུ་ནང་ནས་མ་ལྡང་ཞིག །དགྲ་རྐུན་བྲུབ་བོ་ཆོས་རེམ་རེམ། །
ཡང་ཚེས་གསུམ་བཅུ་གསུམ་ཉི་ཤུ་གསུམ། །གསུམ་གསུམ་དག་ལ་ཆས་པའི་དགྲ་བོ་དེ། །ར་རུ་བཙའ་མའི་ནང་དུ་བྲུབ། །ར་རུ་ནང་ནས་མ་སྐྱེ་ཅིག །ར་རུ་ནང་ནས་མ་ལྡང་ཞིག །དགྲ་རྐུན་བྲུབ་བོ་ཆོས་རེམ་རེམ། །ཡང་ཚེས་བཞི་བཅུ་བཞི་ཉི་ཤུ་བཞི། །བཞི་གསུམ་དག་ལ་ཆས་པའི་དགྲ་བོ་དེ། །རྟ་རྨིག་རྒོར་མའི་ནང་དུ་བྲུབ། །རྟ་རྨིག་ཞབས་ནས་མ་སྐྱེ་ཅིག །རྟ་རྨིག་ནང་ནས་མ་ལྡང་ཞིག །དགྲ་རྐུན་བྲུབ་བོ་ཆོས་རེམ་རེམ། །ཚེས་ལྔ་བཅོ་ལྔ་ཉི་ཤུ་ལྔ། །ལྔ་གསུམ་དག་ལ་ཆས་པའི་དགྲ་བོ་འདི། །ཁྱི་མགོ་རྨུ་ཐོད་ནང་དུ་བྲུབ། །ཁྱི་ཐོད་ནང་ནས་མ་སྐྱེ་ཅིག །ཁྱི་ཐོད་ཞབས་ནས་མ་ལྡང་ཞིག །དགྲ་རྐུན་བྲུབ་བོ་ཆོས་རེམ་རེམ། །ཚེས་དྲུག་བཅུ་དྲུག་ཉི་ཤུ་དྲུག །དྲུག་གསུམ་དག་ལ་ཆས་པའི་དགྲ་བོ་འདི། །ཐལ་འཛེམ་མགོ་དགུའི་ནང་དུ་བྲུབ། །ཐལ་འཛེམ་ཞབས་ནས་མ་སྐྱེ་ཅིག །ཐལ་འཛེམ་ཞབས་ནས་མ་ལྡང་ཞིག །དགྲ་རྐུན་བྲུབ་བོ་ཆོས་རེམ་རེམ། །ཚེས་བདུན་བཅུ་བདུན་ཉི་ཤུ་བདུན། །བདུན་གསུམ་དག་ལ་ཆས་པའི་དགྲ་བོ་དེ། །ལུང་གསུམ་འདུས་པའི་མདོ་ན་བྲུབ། །ལུང་གསུམ་མདོ་ནས་མ་སྐྱེ་
ཅིག །ལུང་གསུམ་མདོ་ནས་མ་ལྡང་ཞིག །དགྲ་རྐུན་བྲུབ་བོ་ཆོས་རེམ་རེམ། །ཚེས་བརྒྱུད་བཅོ་བརྒྱད་ཉི་ཤུ་བརྒྱད། །བརྒྱད་གསུམ་དག་ལ་གནས་པའི་དགྲ་བོ་དེ། །ཕག་ནག་ཐོད་པའི་ནང་དུ་བྲུབ། །ཕག་ཐོད་ནང་ནས་མ་སྐྱེ་ཅིག །ཕག་ཐོད་ཞབས་ནས་མ་ལྡང་ཞིག །ཕག་སྣ་དགྲ་བོའི་སྙིང་ལ་ཚུགས། །དགྲ་རྐུན་བྲུབ་བོ་ཆོས་རེམ་རེམ། །ཚེས་དགུ་བཅུ་དགུ་ཉི་ཤུ་དགུ། །དགུ་གསུམ་དག་ལ་གནས་པའིདགྲ་བོ་དེ། །གཡག་རུ་གཡོན་མའི་ནང་ན་བྲུབ། །གཡག་རུ་ནང་ནས་མ་སྐྱེ་ཅིག །གཡག་རུ་དགྲ་དང་བཅས་པ་བྲུབ། །གཡག་རུ་ཞབས་ནས་མ་སྐྱེ་ཅིག །དགྲ་རྐུན་བྲུབ་བོ་ཆོས་རེམ་རེམ། བསྔོ། བདག་དང་ཡོན་བདག་འཁོར་བཅས་ལ། །ཉི་མ་ཕྱོགས་བཞི་མཚམས་བརྒྱད་ནས། །དམག་སྣ་ཇག་སྣ་སྟོན་པ་དང་། །རྐུན་མ་དགྲ་འདྲེ་བྱུར་གསུམ་རྣམས། །ཁྲུབ་བོ་མནན་ནོ་མ་ལྡང་ཞིག །དམ་ཉམས་དགྲ་བོའི་བླ་རྡོ་འདི། །གཡེད་པ་རི་རབ་ཁ་ནས་གཡེད། །འཕེན་པ་རྒྱ་མཚོའི་དཀྱིལ་དུ་འཕེན། །རྒྱ་མཚོའི་ཁ་ལ་མ་འཕར་ཅིག །དགྲ་ལ་རྦད་དོ་ཆོས་རེམ་རེམ། །ཀྭི་བསྲོ་ཆའོ་ལྷ་རྒྱལ་ལོ། །དེ་ནས་གླང་མའི་ལིང་དགུ་རྡོ་ནག་
ལིངྒ་དང་བཅས་པ་གཡག་རུ་ནང་དུ་གྲུབ་ལ། རྐུན་མ་ཚང་ཕུད་དང་རྐུན་ཐག་གཅོད་པ་བྱེད་ན་སྐབས་འདིར་བྱ། མི་ཁ་བཀལ་བ་ནི་འདི་སྐད་དོ། །བསྭོ། ཡས་སྟགས་དེ་སོང་འོག་རོལ་ན། ཡས་ལ་སྔ་བ་བྲ་བ་ཡིན། །བྲ་བ་སྐྱ་བོ་མི་ཁའི་ཡས། །ཕ་དེ་རླུང་བོན་མཐུ་བོ་ཆེ། །མ་ནི་ཁམས་གསུམ་མི་ཁའི་བདག །བུ་ཁྱོད་རང་ཁམས་ཀྱི་བྲ་བ་ཡིན། །མིང་པོ་སྲམ་ལ་སྲིང་མོ་སྲག །མིང་པོ་ལམ་གྱི་གོང་ན་གནས། །སྲིང་མོ་ལམ་གྱི་འོག་ན་གནས། །དེ་ཡོད་ན་མི་དགའ་མེད་ན་དགའ། །གང་ན་མི་དགའ་སྟོང་ན་དགའ། །བཟང་ན་མི་དགའ་ངན་ན་དགའ། །གླ་བ་བཞིན་དུ་རྒྱུག་འདུར་བྱེད། །ལྕོང་མོ་བཞིན་དུ་ངོ་ཉལ་བྱེད། །བུ་ཆུང་བཞིན་དུ་མིག་ཉལ་བྱེད། །བག་མ་བཞིན་དུ་གཟུར་འདུག་བྱེད། །སྒོམ་ཆེན་བཞིན་དུ་རླུང་བཟུང་བྱེད། །སེང་གེ་བཞིན་དུ་འགྱིང་ཚུལ་སྟོན། །རི་བོང་བཞིན་དུ་རྣ་ཉན་བྱེད། །མི་ཁ་སུས་ཐུབ་ཟེར་ཙམ་ན། །ཁྲ་བ་སྐྱ་བོས་ཁོས་ཐུབ་ཟེར། །གནམ་ལ་རི་མོ་བྱེད་མི་དེ། །བྲ་བ་མིན་ནི་གང་དེ་ཡིན། །ས་ལ་བྲ་བ་བྱེད་མི་དེ། །བྲི་བ་ཡིན་ནི་གང་དེ་ཡིན། །མཆུས་རྨོད་མ་བྱེད་པ་རྔམས་ལ་དམོད། །ཕ་མ་གཉིས་ཀྱི་མངའ་
འོག་ཏུ། །བུ་དུད་འགྲོ་བྲ་བ་སྤུན་དགུ་སྲིད། །ས་ནག་ཡུལ་བཟུང་འཕེལ་སྟོབས་ཆེ། །མི་ཐུབ་མི་འགྱུར་གཅིག་ཀྱང་མེད། །ལྟག་པ་སྐྱ་བོས་འགོང་པོ་ཐུབ། །ཁ་ཡི་ཙི་ཙིས་བསེ་རག་ཐུབ། །མཇུག་མ་མེད་པས་མི་ཁ་ཐུབ། །སྤུ་མགོ་སེར་བས་རྒྱལ་པོ་ཐུབ། །སྤུ་སྐེད་དཀར་བས་དར་སྲི་ཐུབ། །སྤུ་རྩ་ནག་པས་འདྲེ་མོ་ཐུབ། །གདོང་གི་གྲ་ཟོར་ཁྲེས་ཐག་ཐུབ། །ཁ་སྤུ་གཡས་གཡོན་རྩ་བ་ན། །ལྕགས་ཀྱི་ཆག་རྩེའི་རླུ་གབ་ཐུབ། །དཔྱིད་གསུམ་ཚོ་བས་གོད་འདྲེ་ཐུབ། །དབྱར་གསུམ་རྫུད་པས་འགོང་འདྲེ་ཐུབ། །མི་ཁ་བཀར་རོ་བྲ་མཆུ་བཅད། །བརྒྱ་ཡི་མི་ཁ་བཀར་བའི་ཡས། །སྟོང་གི་བྲ་མཆུ་འགུལ་བའི་ཡས། །རྒྱུག་དང་སྤྲེངས་སེ་ད་སོང་ཞིག །འདུར་དང་ཞུང་ངེ་ད་སོང་ཞིག །འཚུབས་དང་ཉི་ལེ་ད་སོང་ཞིག །དགྲ་སྣ་ནད་སྣ་ཡམས་སྣ་དང་། །གྱོད་སྣ་བློ་ཉེས་ཁྲེས་ཐག་དང་། །དམག་ཇག་རྐུན་མའི་དགྲ་སྲི་དང་། །ཁ་འགྱོད་སྙིང་སྟོང་གླུ་གབ་དང་། །འདྲེ་སྲིན་བྱུར་གསུམ་ལང་བ་རྣམས། །ཁྲ་བ་ཁྱོད་ཀྱིས་ཁུར་ལ་སོང་། །ཁྲ་བ་ཁྱོད་ཀྱིས་དེད་ལ་སོང་། །དགྲ་ལ་རྦད་དོ་ཆོས་རེམ་རེམ། །དེ་ནས་ཐལ་འཛེམ་བྱ་བ་འདི་སྐད་
དོ། ཀྱཻ། ཡས་སྟགས་དེ་སོང་འོག་རོལ་ན། །ཡས་ལ་སྔ་བ་ཐལ་འཛེམ་ཡིན། །ཡས་ཀྱི་ཐལ་འཛེམ་མགོ་དགུ་དེ། །ཕ་ནི་གནམ་གྱི་ཆུ་ཆར་སྔོན་མོ་ཡིན། །མ་ནི་ས་གཞི་དྲོད་ལས་སྐྱེས་པའི་རྩྭ་། །བུ་ནི་གཡུ་ལྗང་ལས་འཁྲུངས་རྩྭ། །དུད་འགྲོ་ཕྱུགས་ཀྱི་ཁ་ཟས་བྱས། །ཟོས་པས་མ་ཟད་རོ་ཞིག་འབྱུང་། །དམར་མོ་མེ་ཡི་ཆ་འོད་ཀྱིས་སྲེག །ཐལ་བ་གནས་པའི་དངོས་པོ་འདི། །བུད་མེད་མཚན་ལྡན་རྣམས་ཀྱིས་བསྡུས། །གོ་གསུམ་ཐལ་བ་བསྡུས་ཙམ་ན། །འབྲས་དཀར་ཕྱེ་མ་གཤེགས་པ་འདྲ། །སྐྱེད་གསུམ་དྲེག་པ་བཞར་རྩ་ན། །ཟིན་ལ་སྤོས་རྩི་བསྟབ་པ་འདྲ། །རྡོ་ལེབ་ཐོག་ཏུ་བཀོད་རྩ་ན། །གསེར་གྱི་མཎྜལ་བརྩིགས་པ་འདྲ། །མགོ་དགུའི་གཟུགས་སུ་བཏོད་ཙམ་ན། །སྲིད་པའི་འདྲེ་དགུའི་གཟུགས་དང་མཚུངས། །མགོ་གསུམ་མཛོ་ཁལ་དྲེལ་གསུམ་མགོ །མགོ་གསུམ་ཁྱི་ར་ཕག་གསུམ་མགོ །མགོ་གསུམ་བ་གླང་བོང་གསུམ་མགོ །ཁོས་ཐུབ་པའི་རིགས་སུ་རྒྱལ་བ་འདྲ། །བནྡེ་བརྒྱ་ཡི་སྔགས་བརྗོད་མཁས། །ཁྲབ་ཆེན་བརྒྱ་ཡི་ངོ་དུག་ཆེ། །མདུང་བཟུང་བརྒྱ་ཡི་ཁ་དུག་ཚ། །ཐལ་འཛེམ་ཅི་
ཐུབ་བརྫས་ཙ་ན། །སྲིད་པའི་འདྲེ་དགུ་ཁོས་ཐུབ་ཟེར། །ཉི་མ་ཕྱོགས་བཞི་མཚམས་བརྒྱད་ཀྱི། །དགྲ་སྲི་ལང་བ་ཐམས་ཅད་ཐུབ། །བརྒྱ་སྟོང་ལྷག་པའི་མི་ཁ་ཐུབ། །འགོང་པོའི་ཡས་སུ་ཐལ་འཛེམ་བཟང་། །གཡག་རུ་ཕོ་ཁ་བཅད་པ་ཡི། །ཐལ་བ་སྐྱ་བོའི་སྤྲིན་གྱིས་གཡོགས། །ཐལ་འཇེམ་ཆོས་ཆོས་དགྲ་ལ་ཆོས། །རྒྱུག་རྒྱུག་ཐལ་འཇེམ་དགྲ་ལ་རྒྱུགས། །དགྲ་ལ་རྦད་དོ་ཆོས་རེམ་རེམ། །དགྲ་ལ་རྨུ་གབ་བྱ་བ་ནི། ཀྱཻ། རླུ་གབ་ནག་པོའི་རེ་བ་འདི། །གླེན་ལྐུགས་རྨུག་གསུམ་ལས་ངན་གྱི། །རྨུ་ནོར་སྙིང་མེད་མགོ་འཐུམ་གྱི། །སྤུ་རྩིད་ནག་པོ་ལྕང་ལོ་ཅན། །བདུད་མུན་པ་ཟེར་ལྡན་གྱི་ལག་ཏུ་བསགས། །གྲི་ཐོགས་མུན་པས་པད་འདབ་བྱས། །གྲི་བདུད་འབྱམས་པ་རལ་ཅན་གྱི། །གྱོད་ཀྱི་ཁྲམ་ཤིང་རྩེ་ལ་བསྐོར། །ངོམ་ཟ་ནག་མོས་ཐགས་སུ་བཏག །ནག་གསུམ་བདུད་ཀྱི་ཉི་མ་ལ། །འདྲེ་སྲིན་བྱུར་གསུམ་འཚོགས་ནས་སུ། །བདུད་སྦྲ་རེ་ནག་གོང་དགུ་བྱས། །ནང་ན་འདྲེ་སྲིན་ཚང་ཡང་བཅལ། །ཕྱི་ན་ནད་མུག་ན་བུན་འཐིབ། །བདུད་དང་གུ་རྗེ་ནག་པོའི་མངའ་འོག་ཏུ། །སྲིད་པའི་འདྲེ་དགུ་དེ་རུ་འཚོགས། །གཙུག་ལག་གདོན་བཅུ་དེ་
རུ་འདུས། །ངོམ་རྗེ་འདྲེ་སྲིན་བྱུར་གསུམ་རྣམས། །རེ་བ་དེ་ལ་གནས་བཅས་ནས། །ཡེ་སྨོན་ལྷ་མི་རྣམས་ལ་གནོད་པ་བྱས། །མི་དགེ་གདུག་པ་སྣ་ཚོགས་བསྟན། །མི་ལ་རྐྱེན་དང་ཆགས་སྒོ་ལྡང་། །ནོར་ལ་གོད་ཁ་སྣ་ཚོགས་བྱུང་། །ཟས་ལ་བསེ་རག་འགོང་པོ་ཞུགས། །དེར་སྲིད་པ་ཡེ་སྨོན་རྒྱལ་པོ་དེས། །མཐུ་ཆེན་ཕྱག་ན་རྡོ་རྗེ་དང་། །ཀོང་ཙེ་འཕྲུལ་གྱི་རྒྱལ་པོ་ལ། །འདྲེ་སྲིན་བཟློག་པའི་ཞུ་བ་ཕུལ། །མཐུ་ཆེན་ཕྱག་ན་རྡོ་རྗེ་ཡིས། །འདྲེ་སྲིན་བྱུར་གསུམ་སྟོབས་ཀྱིས་བཏུལ། །ཀོང་ཙེ་འཕྲུལ་གྱི་རྒྱལ་པོ་ཡིས། །ཐབས་ལ་མཁས་པའི་གཏོ་ཡང་བྱས། །འདྲེ་སྲིན་གདུག་པ་ཚར་བཅད་ནས། །ཡེ་སྨོན་བདེ་སྐྱིད་ཉི་མ་ཤར། །ཡེ་སྨོན་རྒྱལ་བློན་འཁོར་བཅས་ཀྱིས། །རེ་ནག་གོང་དགུ་དུམ་བུར་བཅད། །དགྲ་བོ་བྲུབ་པའི་དགྲ་རྫས་བྱས། །དགྲ་མགོ་འགེབ་པའི་དམུ་གབ་བྱས། །རེ་རྒྱུ་གྱེན་ལ་བྲེས་པ་དེ། །དགྲ་ཆེ་རྒྱུད་འགེབ་པའི་མྱི་ནག་ཡིན། །།རེ་སྤུན་ཐད་དུ་རྒྱབ་པ་དེ། །དགྲ་ཆུང་རྒྱུད་འགེབ་པའི་གླུ་གབ་ཡིན། །རེ་སྐད་གོང་འོག་བསྒྲིགས་པ་སྟེ། །དགྲ་འབྲིང་རྒྱུད་འགེབ་པའི་དམུ་གབ་བྱས། །རེ་བའི་གྲ་མིག་རེ་
རེ་ལ། །ཆུ་གབ་སྒྲིབ་ཤིང་རེ་རེ་ཡོད། །གཙོ་བོ་བློ་ཉེས་དམུ་གབ་དང་། །གཟའ་སྐར་ཉེས་པའི་དམུ་གབ་བྱས། །དུས་ཚོད་ནོར་བའི་དམུ་གབ་བྱས། །ཁང་ཁྱིམ་ཉེ་བའི་དམུ་གབ་བྱས། །དམག་ཇག་ཆས་ཉེས་དམུ་གབ་བྱས། །མགྲོན་པོ་བཀྱག་ཉེས་དམུ་གབ་བྱས། །སོ་པས་མ་རིག་དམུ་གབ་བྱས། །ཟུན་མགོ་དགྲས་གཡོག་དམུ་གབ་བྱས། །གྲོས་ཡས་བློ་རྨུག་དམུ་གབ་བྱས། །གསོན་ལས་ཉེས་པའི་དམུ་གབ་བྱས། །གཤིན་ལས་ཉེས་པའི་དམུ་གབ་བྱས། །མ་རིག་མིག་གི་དམུ་གབ་བྱས། །མ་ཐོས་རྣ་བའི་དམུ་གབ་བྱས། །མ་ཤེས་སེམས་ཀྱི་དམུ་གབ་བྱས། །དམུ་གབ་འདུས་པའི་རེ་ནག་འདི། །སྡང་དགྲ་གནོད་བྱེད་འདི་ཉིད་ཀྱི། །ཕོ་ཡི་མགོ་ལ་བཀབ་ཙམ་ན། །ཟླ་བ་གཟའ་ཡིས་ཟིན་པ་འདྲ། །མོ་ཡི་མགོ་ལ་བཀབ་ཙམ་ན། །རི་མགོ་སྨུགས་པས་བཏུམ་པ་འདྲ། །བུ་ཕྲུག་མགོ་ལ་བཀབ་ཙམ་ན། །ཉི་མ་སྤྲིན་གྱིས་གཡོགས་པ་འདྲ། །བུ་མོ་བསོད་ནམས་མགོ་ལ་བཀབ་ཙམ་ན། །མུན་པའི་སྒྲོན་མེ་བསད་པ་འདྲ། །དགྲ་བོའི་མི་དཔའ་རྟ་མགྱོགས་དང་། །དགྲ་ཤེས་ཆེན་མགོ་ལ་དམུ་གབ་བྱས། །མུན་པའི་གླིང་དགུ་འཁྲིགས་པ་
འདྲ། །སྡང་དགྲ་བོ་ཁེབ་པའི་དམུ་གབ་འདི། །ནད་རིགས་ཡོངས་ཀྱི་ན་བུན་ཡིན། །གདོན་རིགས་ཡོངས་ཀྱི་སྐུ་མཁར་ཡིན། །མུན་པ་ནག་པོའི་གཟའ་གྲིབ་ཡིན། །དགྲ་ལ་བཀབ་ན་དགྲ་ཁམས་བརླག །གདོན་ལ་བཀབ་ན་གདོན་ཁམས་བཤིག །དམུ་གབ་དགྲ་ལ་ད་ཁོབ་ཅིག ཀྱཻ། སྣང་བ་འོད་ལྡན་དམུ་གབ་འདི། །མུན་པ་ཟེར་ལྡན་མགོ་ལ་ཁོབ། །ཡེ་སྨོན་རྒྱལ་པོའི་དམུ་གབ་དེ། །ངོམ་རྗེ་རྩོར་པོའི་མགོ་ལ་ཁོབ། །ཡབ་ལྷ་བརྡལ་དྲུག་དམུ་གབ་དེ། །སྲིན་པོ་སྙིང་དམར་མགོ་ལ་ཁོབ། །རྒྱལ་བུ་མཐིང་གེའི་དམུ་གབ་དེ། །ནག་གི་ཐིལ་མོའི་མགོ་ལ་ཁོབ། །སྟོན་པ་ཤཱཀ་ཐུབ་དམུ་གབ་དེ། །བདུད་རྒྱལ་ལྷས་སྦྱིན་མགོ་ལ་ཁོབ། །ལྷ་རྩ་བུ་དགུའི་དམུ་གབ་དེ། །སྲིད་རྩ་བུ་དགུའི་མགོ་ལ་ཁོབ། །དུང་ཁྱུང་དཀར་པོའི་དམུ་གབ་དེ། །སོ་ཁྲ་རོག་མོའི་མགོ་ལ་ཁོབ། །ལྷ་བྱ་གོང་མོའི་དམུ་གབ་དེ། །འདྲེ་བྱ་སྲག་པའི་མགོ་ལ་ཁོབ། །སྨོན་རྟ་གྲོ་ཞུར་དམུ་གབ་དེ། །ངོམ་རྟ་ཁམ་པའི་མགོ་ལ་ཁོབ། །ལྷ་གཡག་དཀར་པོའི་དམུ་གབ་དེ། །བདུད་གཡག་ཁམ་པའི་མགོ་ལ་ཁོབ། །ལྷ་ལུག་ག་པའི་དམུ་གབ་དེ། །ཁྱི་སྲེ་
སྒལ་ནག་པོའི་མགོ་ལ་ཁོབ། །ལྷ་ར་སྙིང་དཀར་དམུ་གབ་དེ། །སྲིན་གྱི་ར་སྐྱེས་མགོ་ལ་ཁོབ། །སྲས་ཆེན་རུ་བཞིའི་དམུ་གབ་དེ། །ཕྱོགས་བཞིའི་དགྲ་བཞིའི་མགོ་ལ་ཁོབ། །དེ་རིང་ཡོན་མཆོད་གཉིས་ཀྱི་དམུ་གབ་དེ། །དགྲ་ཐུག་ཡ་འཕྲད་སྐལ་མགོ་ལ་ཁོབ། །ཕོ་ལྷ་དགྲ་བླའི་དམུ་གབ་དེ། །ཕོ་སྲི་རལ་པ་ཅན་གྱི་མགོ་ལ་ཁོབ། །མ་ལྷ་རྩེ་དར་དམུ་གབ་དེ། །མོ་སྲི་ཕུང་ཤུལ་མགོ་ལ་ཁོབ། །ལྷ་རྟ་སྔོན་པོའི་དམུ་གབ་དེ། །རྟ་སྲི་ལྕང་ངན་མགོ་ལ་ཁོབ། །ལྷ་གཡག་གཡང་ཅན་དམུ་གབ་དེ། །གོད་ཁ་གོད་འདྲེའི་མགོ་ལ་ཁོབ། །ལྷ་ལུག་རྨེན་བུའི་དམུ་གབ་དེ། །ལུག་སྲི་སྟར་བུའི་མགོ་ལ་ཁོབ། །ཞིང་ལྷ་ཚངས་པའི་དམུ་གབ་དེ། །བཙའ་སད་སེར་གསུམ་མགོ་ལ་ཁོབ། །ཐབ་ལྷ་ཡུ་མོའི་དམུ་གབ་དེ། །ཐབ་སྲི་ཐེའུ་རང་མགོ་ལ་ཁོབ། །གཡང་ལྷ་གཡང་སྨིན་དམུ་གབ་དེ། །འགོང་པོ་སྤུན་དགུའི་མགོ་ལ་ཁོབ། །བྱེས་ལྷ་ཁས་དྲག་དམུ་གབ་དེ། །བྱེས་འདྲེ་གནོད་སྐྱལ་མགོ་ལ་ཁོབ། །ཡོན་གྱི་བདག་པོའི་དམུ་གབ་དེ། །སྡང་དགྲ་གནོད་བྱེད་མགོ་ལ་ཁོབ། །ཕྱོགས་བཞིའི་དམ་ཉམས་དགྲ་བགེགས་འདི། །ཞགས་པ་ནག་པོས་ད་ཆིངས་
ཤིག །ཆོས་དགྲ་བསྟན་བཤིག་དམུ་གབ་དེ། །བན་དགྲ་ཚེ་ཟད་མགོ་ལ་ཁོབ། །སྡང་དགྲ་གདོན་བགེགས་ཀྱི་མགོ་ལ་ཁོབ་ཅིག །ཁ་འོ་མས་འཇམ་པ། །སྙིང་ཚེར་མས་རྩུབ་པ། མགོ་ཐོག་གི་རྡོ་ལེབ་བྱེད་པ། རྐང་ཞབས་ཀྱི་རྡེའུ་བྱེད་པ། ཉེས་བྱེད་དགྲ་བོ་འདི་དག །ཕ་བུ་རྒྱུད་དང་བཅས་པ། བུ་མོ་མོ་རྒྱུད་དང་བཅས་པ། རྟ་ཕྱུགས་བེའུ་ལུག་དང་བཅས་པ། སྒོ་ཁྱི་ལྕགས་ཐག་དང་བཅས་པ། གཡོག་པོ་སྟ་རེ་དང་བཅས་པ། གཡོག་མོ་ཟོར་བ་དང་བཅས་པ། ཕུ་ནུ་ཉེ་བ་དང་བཅས་པ། ཁྱི་མཚེས་ཤག་རོགས་དང་བཅས་པ། དེ་རྣམས་ཀྱི་མགོ་ལ་དམུ་གབ་ནག་པོ་ད་ཁོབ་ཅིག །དགྲ་ལ་མུན་པ་ནག་པོ་དཀོན་པར་བསམ་མོ། །དགྲ་མགོ་འཁོར་གྱི་ལས་རིམ་མོ། །དེ་ནས་ཐག་པ་སྔོན་དམར་གྱི་སྡོམས་ལ། ཀྱཻ། ལྷ་ཀླུ་གཉན་གྱི་དབལ་ཐག་འདི། །བདག་ཅག་རྣམས་ཀྱི་དམུ་ཐག་ཡིན། །སྡེ་བརྒྱད་མ་མོའི་ནད་ཞགས་ཡིན། །དེ་རིང་སྡང་བའི་དགྲ་ལ་འདེབས། །བདུད་ཀྱི་ཐག་པ་ནག་པོ་འདིས། །དགྲ་བོ་འདི་ཡི་གཟུགས་ཕུང་ཆིངས། །བཙན་གྱི་ཐག་པ་དམར་པོ་འདིས། །དགྲ་བོ་འདི་ཡི་ཡན་ལག་ཆིངས། །གཤིན་རྗེའི་ཞགས་པ་སྔོན་པོ་
འདིས། །དམ་ཉམས་དགྲ་བོའི་སྐེ་ནས་ཆིངས། །མ་མོའི་ནད་ཞགས་ལྗང་ཁུ་འདིས། །དམ་ཉམས་དགྲ་བོ་བྱད་དུ་ཆུག །མ་ཤོར་པ་རུ་དམ་དུ་བསྡོམ། །སྡང་བའི་དགྲ་བོ་དམ་ཉམས་འདི། །ཉི་མ་གསེར་གྱི་ཐག་པས་ཆིངས། །ཟླ་བ་དུང་གི་ཐག་པས་ཆིངས། །སྐར་མ་ཤེལ་གྱི་ཐག་པས་ཆིངས། །ལྷ་ཡི་ཐག་པ་དཀར་པོས་ཆིངས། །ཀླུ་ཡི་ཐག་པ་སྔོན་པོས་ཆིངས། །གཉན་གྱི་ཐག་པས་ཁྲ་བོས་ཆིངས། །བདུད་ཀྱི་ཐག་པ་ནག་པོས་ཆིངས། །བཙན་གྱི་ཐག་པ་དམར་པོས་ཆིངས། །ཤ་བའི་ཀོ་བས་ད་སྡོམས་ཤིག །གཡག་པོའི་ཀོ་བས་ད་སྡོམས་ཤིག །ཚེས་གཅིག་བཅུ་གཅིག་ཉི་ཤུ་གཅིག །གཅིག་གསུམ་དག་ལ་དགྲ་བོ་ཤོ་ར་རེ། །དགྲ་བོ་མ་ཤོར་དཔུང་པ་ཆིངས། །ཚེས་གཉིས་བཅུ་གཉིས་ཉི་ཤུ་གཉིས། །གཉིས་གསུམ་དག་ལ་དགྲ་བོ་ཤོ་ར་རེ། །དགྲ་བོ་མ་ཤོར་དཔུང་པ་ཆིངས། །ཚེས་གསུམ་བཅུ་གསུམ་ཉི་ཤུ་གསུམ། །གསུམ་གསུམ་དག་ལ་དགྲ་བོ་ཤོ་ར་རེ། །དགྲ་བོ་མ་ཤོར་དཔུང་པ་ཆིངས། །ཚེས་བཞི་བཅུ་བཞི་ཉི་ཤུ་བཞི། །བཞི་གསུམ་དག་ལ་དགྲ་བོ་ཤོ་ར་རེ། །དགྲ་བོ་མ་ཤོར་དཔུང་པ་ཆིངས། །ཚེས་ལྔ་བཅོ་ལྔ་ཉི་ཤུ་
ལྔ། །ལྔ་གསུམ་དག་ལ་དགྲ་བོ་ཤོ་ར་རེ། །དགྲ་བོ་མ་ཤོར་དཔུང་པ་ཆིངས། །ཚེས་དྲུག་བཅུ་དྲུག་ཉི་ཤུ་དྲུག །དྲུག་གསུམ་དག་ལ་དགྲ་བོ་ཤོ་ར་རེ། །དགྲ་བོ་མ་ཤོར་དཔུང་པ་ཆིངས། །ཚེས་བདུན་བཅུ་བདུན་ཉི་ཤུ་བདུན། །བདུན་གསུམ་དག་ལ་དགྲ་བོ་ཤོ་ར་རེ། །དགྲ་བོ་མ་ཤོར་དཔུང་པ་ཆིངས། །ཚེས་བརྒྱད་བཅོ་བརྒྱད་ཉི་ཤུ་བརྒྱད། །བརྒྱད་གསུམ་དག་ལ་དགྲ་བོ་ཤོ་ར་རེ། །དགྲ་བོ་མ་ཤོར་དཔུང་པ་ཆིངས། །ཚེས་དགུ་བཅུ་དགུ་ཉི་ཤུ་དགུ། །དགུ་གསུམ་དག་ལ་དགྲ་བོ་ཤོ་ར་རེ། །དགྲ་བོ་མ་ཤོར་དཔུང་པ་ཆིངས། །ཚེས་བཅུ་ཉི་ཤུ་གནམ་སྟོང་ལ། དམ་ཉམས་དགྲ་བོ་ཤོར་ར་རེ། །དགྲ་བོ་མ་ཤོར་དཔུང་པ་ཆིངས། །ཤར་དགྲ་ཤར་ནས་སྡང་བའི་དགྲ་བོ་ཡི། །མགོ་ལག་དབང་པོ་རྣམ་ལྔ་ཆིངས། །ལྷོ་དགྲ་ལྷོ་ནས་སྡང་བའི་དགྲ་བོ་ཡི། །མགོ་ལག་དབང་པོ་རྣམ་ལྔ་ཆིངས། །ནུབ་དགྲ་ནུབ་ནས་སྡང་བའི་དགྲ་བོ་ཡི། །མགོ་ལག་དབང་པོ་རྣམ་ལྔ་ཆིངས། །བྱང་དགྲ་བྱང་ནས་སྡང་བའི་དགྲ་བོ་ཡི། །མགོ་ལག་དབང་པོ་རྣམ་ལྔ་ཆིངས། །ཉི་མ་ཕྱོགས་བཞི་མཚམས་བརྒྱད་ཀྱི། །དམ་ཉམས་སྣང་བའི་དགྲ་བོ་ཡི། །
མགོ་ལག་དབང་པོ་རྣམ་ལྔ་ཆིངས། །ན་ངོ་ཐག་པས་ད་ཆིངས་ཤིག །ཤི་ངོ་ཐག་པས་ད་ཆིངས་ཤིག །དུར་ངོ་ཐག་པས་ད་ཆིངས་ཤིག །རྨས་ངོ་ཐག་པས་ད་ཆིངས་ཤིག །གྱོད་ངོ་ཐགས་པས་ད་ཆིངས་ཤིག །གྲི་ངོ་ཐག་པས་ད་ཆིངས་ཤིག །རྨ་ངོ་ཐག་པས་ད་ཆིངས་ཤིག །སྡང་བའི་དགྲ་བོ་དམ་ཉམས་འདི། །ཁྲེས་ཐག་ནག་པོས་ད་ཆིངས་ཤིག །གདོས་ཐག་ནག་པོས་ད་ཆིངས་ཤིག །བདུད་ཀྱི་ཞགས་པས་ད་ཆིངས་ཤིག །གཤིན་རྗེའི་ཁྲམ་ལ་ད་ཐོབ་ཅིག །མཱ་ར་ཡ་ནན། ཆིངས་ཤིག །ཨཾ་བྷ་ཡ་ནན། ཆིངས་ཤིག །ཅེས་བརྗོད་ལ་ལུས་ངག་ཡིད་གསུམ་རྐང་ལག་ཧྲིལ་གྱིས་བསྡམ་པར་བསམ་མོ། །བྱད་ཐག་གིས་བཅིངས་བའི་ལས་རིམ་མོ། །དེ་ནས་དགྲ་བོ་ཐམས་ཅད་ཐུན་གྱིས་སྨྱོས་ཤིང་བརྒྱལ་དམུ་གབ་ཀྱིས་ཁེབ་བྱད་ཐག་གིས་བཅིངས་འཆི་བདག་གཤིན་རྗེས་ཇུར་མིད་བྱས་ནས་མུན་པ་ལྟར་ནག་ཐུམ་གྱིས་ཁ་བསྡོམ་ནས་ས་རིམ་དགུའི་འོག་ཏུ་སོང་བར་བསྒོམ། འདི་ཡི་སྐབས་སུ་དགྲ་འཆི་བདག་གི་ཁ་ལ་རྒྱས་འདེབས་པ་འཆོར་བར་མེད་པའི་མན་ངག་གཅིག་ཡོད་པ་ཐུགས་ལ་གབ། ཤ་རུ་ཁྲམ་འདེབས་བྱ་བ་ནི། བསྭོ། སྔོན་གྱི་བསྐལ་པའི་དང་པོ་ལ། །ཤ་རུ་ཁྲོམ་འདེབས་ཇི་ལྟར་སྲིད། །སྔོན་འདྲེ་ཡི་བྱུང་ཁུངས་ཤ་བ་ཡིན། །དང་པོ་ཤ་སྲིད་ཅི་
ཡང་མེད་ལ་སྲིད། །བར་དུ་མཚོ་དང་ནགས་ལ་ཆགས། །ཐ་མ་ཤ་གནས་རི་ལ་གནས། །ད་ལྟ་དགོས་མེད་གྲི་ཁར་ཤི །སྔོན་ངོམ་ཟ་དུས་ཀྱི་མཆི་མ་ལ། ཁྲག་གི་དྲོད་པ་གཅིག་ཏུ་སྲིད། །དྲོད་པ་བརྡོལ་བའི་ནང་ཤེད་ན། །ལྟས་ངན་གྲི་ཤ་རྒྱས་པ་འབྱུང་། །གྲི་ཤ་རྒྱས་པའི་དར་ཙ་ན། །དུང་གི་ཕྲེང་བས་བསྐོར་བ་དེ། །གྲི་གཤེད་རྒོད་ཀྱི་འདུལ་བའི་དོན། །རྒོད་དྲོ་མ་འབྲུ་བདུན་བླང་རྟགས་ཡིན། །ཤེལ་གྱི་ཕུ་གུ་ཡོད་པ་དེ། །གྲི་ཁམས་དབལ་གྱི་འདུལ་བའི་དོན། །རྭ་གཉིས་ཉི་ཤུ་ཡོད་པ་དེ། །གྲི་མཚོན་རེ་ལ་ཡོད་པའི་དོན། །ཁྱི་ལེན་སྤྱང་ལེན་ཡོད་པ་དེ། །གྲི་ཁྱི་བླ་ལ་འཁོར་བའི་དོན། །ལོ་རེ་ཐང་རེ་འབོག་པ་དེ། །གྲི་མཁར་ཤ་རུ་ཡིན་པའི་དོན། །སྤུ་མགོ་ཤེལ་ལ་བྱས་པ་དེ། །གྲི་ཁམས་དབལ་གྱིས་འདུལ་བའི་དོན། །སྤུ་རྩ་མཆོང་ལ་བྱས་པ་དེ། །གྲི་བླ་མཆོང་གིས་འདུལ་བའི་དོན། །སྤུ་མགོ་ཚེར་བས་རྩུབ་པ་དེ། །ལྷག་པའི་སྲིན་གྱི་གྲི་ལ་ཆད་པའི་དོན། །དབྱར་གསུམ་གོང་ཀ་འགྲིམ་པ་དེ། །དྲོད་པའི་ཁ་ནས་བརྡོལ་བའི་དོན། །དགུན་གསུམ་རོང་ཁུང་འགྲིམ་པ་དེ། །ངོམ་ཟའི་མཆི་མ་ཡིན་པའི་དོན། །
སྟོན་དགུན་མཚམས་སུ་ངུ་བ་དེ། །སྔོན་ངོམ་ཟས་དམོད་པ་བོར་བའི་དོན། །བསྭོ། སྔོན་གྱི་བསྐལ་པ་དང་པོ་ལ། །དང་པོ་གྲི་འབྱུང་ཅི་ཡང་མེད་པ་ལ། །གྲི་ལ་སྔ་བ་སྟོང་གྲི་ཡིན། །མཁར་གྱི་ཕུགས་ནི་སྟོང་མཁར་ཡིན། །ལྕགས་ཀྱི་ཕ་དེ་ས་དུག་སྟེ། །ལྕགས་ཀྱི་མ་དེ་ས་དུག་ཡིན། །བུ་ནི་གྲི་མགར་སྤུན་དགུ་ཡིན། །གྲི་བརྫོང་དབལ་གྱི་མཐུ་ཡི་གཤེགས། །རྣོ་མཚོན་ངར་སོ་གོ་ཡི་བགོས། །བསྭོ། ཕག་དང་ཕོ་རོག་ཤ་རུ་གསུམ། །གྲི་བོ་བཀར་བའི་ཡས་སུ་བྱིན། །གྲི་གྱེར་དབལ་བོན་གསུམ་གྱི་གྱེར། །དེ་རིང་ཡོན་གྱི་བདག་པོ་ཡི། །གྲི་ངོ་སྨས་ངོ་ཁྲག་ངོ་དེ། །ཤ་རུ་འདི་ལ་ཁྲམ་ལ་འདེབས། །བསྭོ། བསྐལ་བ་དེ་ཡི་བར་པ་ལ། །ཤ་བ་བསད་པའི་ལོ་རྒྱུས་བཤད། །སྔོན་གྱི་མཐའ་དམར་པོའི་དཀྱིལ་ཤེད་ན། །རི་དྭགས་མཐའ་ལ་བཙུད་རྗེས་སྣང་། །དེ་རི་དྭགས་གང་གི་རྒྱུག་རྗེས་རེད། །གྲི་མཐའ་དེ་ཡི་རྩེ་མོ་ན། །འདབ་ཆགས་ཞིག་གི་འཕུར་རྗེས་སྣང་། །དེ་འདབ་ཆགས་གང་གི་འཕུར་རྗེས་རེད། །གྲི་མཐའ་དེ་ཡི་རྩ་བ་ན། །གཅན་གཟན་གཅིག་གི་སོང་རྗེས་སྣང་། །དེ་གཅན་གཟན་གང་གི་སོང་རྗེས་རེད། །
བསྭོ། དང་པོ་བརྔོན་པས་ངོམ་ཤ་བཀྱེས་པ་ལ། །གྲི་མཐའ་དེ་ཡི་དཀྱིལ་ཤེད་ན། །རི་དྭགས་རྒྱུག་རྗེས་སྣང་བ་དེ། །གྲི་ཤ་རྒྱུག་པའི་རྒྱུག་རྗེས་རེད། གྲི་མཐའ་དམར་པོའི་རྩེ་མོ་ན། །འདབ་ཆགས་འཕུར་རྗེས་སྣང་ལེ་དེ། །གྲི་བྱ་ཕོ་རོག་འཕུར་རྗེས་རེད། །གྲི་མཐའ་དེ་ཡི་རྩ་བ་ན། །གཅན་གཟན་སོང་རྗེས་སྣང་ལེ་དེ། །གྲི་ཁྱི་སྤྱང་ཀིའི་སོང་རྗེས་རེད། །གྲི་ཁྱིས་གྲི་ཤ་མཐའ་ལ་འཕང་། །གྲི་བྱ་ཕོ་རོག་སྟེང་ན་བབ། །དང་པོ་ཤ་སྲིད་དེ་ལྟར་སྲིད། །བར་དུ་ཤ་གནས་དེ་ལྟར་གནས། །ཐ་མ་ཤ་བསད་དེ་ལྟར་བསད། །ཤ་རུ་ཁྲམ་འདེབས་དེ་ལྟར་སྲིད། །དེ་ནས་ཤ་རུ་ཁྲམ་འདེབས་ལ་འདི་སྐད་དོ། །བསྭོ། ཨེ་མ་ཡས་སྟགས་ངོ་མཚར་ཆེ། །ཡས་སྟགས་ཀུན་གྱི་བྱུང་ཁུངས་བཤད། །ཡས་སྟགས་བྱུང་ཁུངས་མ་བཤད་ན། །འདྲེ་དང་ཡས་གཉིས་ག་ལ་འཕྲད། །དང་པོ་ཤིས་ཆུད་རི་མོ་བཀྲག་ཙམ་ན། །ན་ཆུང་བག་ལ་ཆས་པ་འདྲ། །དེ་ནས་ཤ་རྒྱས་ས་ལ་ཁར་ཕྱིན་ཙམ་ན། །དམག་དཔོན་ཆས་སུ་བཞུགས་པ་འདྲ། །ཨེ་མ་ཡས་སྟགས་ངོ་མཚར་ཆེ། །ཤ་རུའི་ཡལ་ག་རེ་རེ་ལ། །དགྲ་བོའི་མི་རྟ་རེ་རེ་ཁྲམ་ལ་
འདེབས། །ཤ་རུའི་ཡལ་ག་བཅུ་བཅུ་ལ། །དགྲ་བོའི་མི་རྟ་བཅུ་བཅུ་ཁྲམ་ལ་འདེབས། །ཤ་རུའི་ཡལ་ག་བརྒྱ་བརྒྱ་ལ། །དགྲ་བོའི་མི་རྟ་བརྒྱ་བརྒྱ་ཁྲམ་ལ་འདེབས། །ཤ་རུའི་ཡལ་ག་སྟོང་སྟོང་ལ། །དགྲ་བོའི་མི་རྟ་སྟོང་སྟོང་ཁྲམ་ལ་འདེབས། ༈ །བསྭོ། ཤ་རུའི་ཡལ་ག་ཤར་ལ་བསྟན། །ཤར་ཕྱོགས་བརྒྱ་ཡི་དགྲ་སྲི་དེ། །མ་ཡོ་མ་འཛུར་ཁྲམ་ལ་འདེབས། །ཤ་རུའི་ཡལ་ག་བྱང་ལ་བསྟན། །བྱང་ཕྱོགས་ཧོར་གྱི་དགྲ་སྲི་དེ། །མ་ཡོ་མ་འཛུར་ཁྲམ་ལ་འདེབས། །ཤ་རུའི་ཡལ་ག་ནུབ་ལ་བསྟན། །།ནུབ་ཕྱོགས་མོན་གྱི་དགྲ་སྲི་དེ། །མ་ཡོ་མ་འཛུར་ཁྲམ་ལ་འདེབས། །ཤ་རུའི་ཡལ་ག་ལྷོ་ལ་བརྟན། །ལྷོ་ཕྱོགས་འཇང་གི་དགྲ་སྲི་དེ། །མ་ཡོ་མ་འཛུར་ཁྲམ་ལ་འདེབས། །བསྭོ། ཤ་རུའི་ཡལ་ག་མི་ལ་བརྟན། །མི་ཡི་ན་ཚ་ངན་པ་དེ། །མ་ཡོ་མ་འཛུར་ཁྲམ་ལ་འདེབས། །ཤ་རུའི་ཡལ་ག་རྟ་ལ་སྟོན། །རྟ་ཡི་རྟ་ནད་རྟིའུ་སྲི་དེ། །མ་ཡོ་མ་འཛུར་ཁྲམ་ལ་འདེབས། །ཤ་རུའི་ཡལ་ག་ནོར་ལ་བརྟན། །ནོར་གྱི་གློ་གོར་ཧོན་གསུམ་དེ། །མ་ཡོ་མ་འཛུར་ཁྲམ་ལ་འདེབས། །ན་སར་ཕྱིན་པའི་ན་ངོ་དེ། །མ་ཡོ་མ་འཛུར་ཁྲམ་ལ་འདེབས། །ཤི་
སར་ཕྱིན་པའི་ཤི་ངོ་དེ། །མ་ཡོ་མ་འཛུར་ཁྲམ་ལ་འདེབས། །མི་སྨྲས་རྟ་ཤི་སྒ་ཆགས་དེ། །མ་ཡོ་མ་འཛུར་ཁྲམ་ལ་འདེབས། །ན་ཤི་དུར་གསུམ་འཛོམ་པ་དེ། །མ་ཡོ་མ་འཛུར་ཁྲམ་ལ་འདེབས། །དགྲ་ལ་རྦད་དོ་ཆོས་རེམ་རེམ། །ཤ་རུ་ཁྲམ་འདེབས་ཚར་རོ། །དེ་ནས་དཀར་གཏོར་གསེར་སྐྱེམས་དམག་བསྐུལ་རྣམས་བྱས་ནས་ཟོར་འཕེན་པ་ནི། མདའ་ཟོར་ལག་ཏུ་ཐོགས་ལ་འདི་སྐད་དོ། ཀྱཻ། ནག་པོ་ཆེན་པོའི་ཁྲོ་བོའི་རྒྱལ། །ལེགས་ལྡན་ནག་པོ་དགྲ་བོའི་གཤེད། །ཕྱག་ན་དུག་གི་མདའ་ཟོར་བསྣམས། །དེ་རིང་དུག་གི་མདའ་བློ་ཟོར་འདི། །རྒྱ་སྨུག་ཚིག་ལྔ་ཟོར་གྱི་མདའ། །རོང་སྙུག་ཚིག་བཞི་ཟེར་གྱི་མདའ། །ལྷོ་སྙུག་ཚིག་གསུམ་ཟོར་གྱི་མདའ། །བྱ་རོག་འུག་པ་ལྕང་ཁ་དང་། །ལྟས་ངན་བྱ་གསུམ་སྒྲོ་ཅིག་བསྟད། །དུག་ཁྲག་དམར་པོའི་མཚལ་ཞིག་བྱུག །དུག་སྣ་དགུ་ཡི་སྙུག་ལ་བྱུག །གནམ་ལྕགས་འབར་བའི་མདེལ་ཞིག་སྤྲད། །གཡུལ་བསད་མི་ཡི་རྒྱུད་པས་སྲིས། །དེ་འདྲའི་སྟོབས་ཆེན་མདའ་ཟོར་འདི། །འཕེན་བྱེད་གཞུ་ཡི་རྒྱུད་དང་སྤྱད། །གཞུ་ཡར་མཆོག་འབྲུག་སྒྲ་འུ་རུ་རུ། །མར་མཆོག་གློག་དམར་ཁྱུགས་སེ་ཁྱུག །འཆང་
བཟུང་སེར་བ་ཤ་ར་ར། །གཞུ་རྒྱུད་ཚྭ་ཚྭ་ཀྱི་ལི་ལི། །མདའ་སྟོང་དུ་བ་ཕྱུ་རུ་རུ། །མདའ་སྐད་དུག་རླངས་སྤྲིན་ལྟར་འཐིབ། །མདེལ་ལ་མེ་འབར་ལྷབས་སེ་ལྷབ། །མདེལ་རྩེར་མཚོན་ཆའི་བུ་ཡུག་འཚུབ། །དགྲ་ཁམ་བརླག་པའི་མདའ་ཟོར་འདི། །འཕེན་པ་ལེགས་ལྡན་མགོན་པོས་འཕེན། །རྒྱག་པ་དམ་ཉམས་དགྲ་ལ་བརྒྱབ། །ཁྱིམ་གྱི་མི་ལ་མདའ་ཟོར་ཡ། །མི་རྒྱུད་རྩ་བ་ཆོད་ལ་ཤོག །སྒོ་ཡི་ནོར་ལ་མདའ་ཟོར་ཡ། །སྒོ་ཟོག་ཕྱགས་མས་ཐོབ་ལ་ཤོག །སྦྲ་ཁང་ཞིང་ལ་མདའ་ཟོར་ཡ། །ཞིག་རལ་བདག་མེད་གྱིས་ལ་ཤོག །བཟློག་མེད་དྲག་པོའི་མདའ་ཟོར་འདིས། །དགྲ་བོའི་བདུན་རྒྱུད་རྩད་ནས་ཆོད། །ཨོཾ་མ་ཧཱ་ཀཱ་ལ་ཐུན་བྷྱོ། ཀུ་རུ་ཧཱུྃ། ཧ་ལ་ཧ་ལ་དགྲ་ལ་བྷྱོ། དགྲ་ཕྱོགས་སུ་འཕོངས་ལ། ཀྱཻ། དེ་རིང་དྲག་པོའི་གཏོར་ཟོར་འདི། །འབྲུ་སྣ་ལྔ་ལ་བྱས་པ་ཡི། །དྲག་པོའི་བཤོས་བུ་ཟུར་གསུམ་འདི། །དུག་དང་ཁྲག་གི་ངར་ཞིག་བསྟབ། །དྲག་པོའི་ས་ལ་ཟོར་ལྡན་བྱས། །དུག་གསུམ་འབར་བའི་རྩང་གསུམ་བཙུགས། །རྩེ་ལ་མཚོན་ཆའི་ཆར་པ་འབབ། །སྐེད་པར་ནད་ཡམས་ན་བུན་འཐིབ། །རྩ་བར་དུག་གི་རྒྱ་མཚོ་འཁྱིལ།
དུག་གསུམ་འབར་བའི་གཏོར་ཟོར་འདི། །དམ་ཉམས་དགྲ་བོ་ལས་ངན་ལ། །ནད་དང་མཚོན་གྱི་ཆར་པ་ཕོབ། །ནང་གི་ཚེ་སྲོག་རྒལ་ནས་ཆོད། །ཕྱི་ཡི་ཡུལ་མཁར་ཆོམ་ལ་ཕོབ། །སྐྱེ་བ་བདུན་རྒྱུད་རྩད་ནས་ཆོད། །ཤ་ས་ན་བཟླས་ལ་དགྲ་ཕྱོགས་སུ་འཕང་ངོ་། ཀྱཻ། དེ་རིང་དྲག་པོའི་རྡོ་ཟོར་འདི། །རྡོ་དཀར་ལྷ་རྡོ་ཟོར་གྱི་རྡོ། རྡོ་དམར་བཙན་རྡོ་ཟོར་གྱི་རྡོ། །རྡོ་ནག་བདུད་རྡོ་ཟོར་གྱི་རྡོ། །ལྷ་བཙན་བདུད་ཀྱི་རྡོ་ཟོར་འདི། །དུར་ཁྲོད་འབར་བའི་སོལ་བ་བྱུག །ཁྲག་དང་དུག་གི་བྷྱོ་གསུམ་བྲིས། །སྟོབས་ཆེན་འབར་བའི་རྡོ་ཟོར་འདི། །རི་རབ་བས་ཀྱང་བརྗིད་རེ་ཆེ། །གནམ་ལྕགས་ཐོག་བས་ཤུགས་རེ་ཆེ། །གློག་དམར་བས་ཀྱང་མྱུར་མགྱོགས་ཆེ། །དམ་ཉམས་དགྲ་བོ་ལས་ངན་ལ། །ལྷ་ཡི་བཀའ་ཆད་བཏང་བའི་ཟོར། །བཙན་གྱི་ཇག་པ་བཏང་བའི་ཟོར། །བདུད་ཀྱི་ཁྲམ་ལ་འདེབས་པའི་ཟོར། །དགྲ་བོའི་སྟེང་དུ་རྡོ་ཟོར་འཕེན། །ཐལ་བ་རྡུལ་ཕྲན་བཞིན་དུ་རློགས། །ཤ་ས་ན་བཟླས་ལ་དགྲ་ཕྱོགས་སུ་འཕེན་ནོ། །དམིགས་པ་ནི་རང་ཡི་དམ་དུ་བསྒོམ། མདུན་དུ་ལེགས་ལྡན་དམག་ཚོགས་རྣམས་དང་དགྲ་བླ་ཝེར་མ་ལྷ་ཀླུ་ས་བདག་གཤིན་རྗེ་ཕྱོགས་སྐྱོང་དང་བཅས་
པའི་དམག་ཚོགས་དུང་ཕྱུར་གྲངས་མེད་པས། དགྲ་བོའི་ཤ་ཟོས་ཁྲག་འཐུང་ནས་རྡུལ་དུ་བརླག་པར་བསྒོམ། བྱོ་གདབ་བོ། གཟའ་དར་བ་དང་སྤྲད་ལ།་ཡས་སྟགས་ཐམས་ཅད་དགྲ་ཕྱོགས་སུ་བཏང་། འདི་ནི་བྱད་ཁ་བཟློག་པ། །དགྲ་སྣ་བསྒྱུར་བ། ཇག་རྐུན་བཅིངས་པ།་མོ་ངན་པ། ལྟས་ངན་པ་བཟློག་པ། རང་ལ་དགྲ་བྱུང་ངམ། བྱུང་གི་དོགས་སམ་གཞན་ལ་འགྲས་སམ་ནོར་དགྲ་ལ་ཤོར་རམ་དམག་ཇག་ལ་འགྲོའམ་དགྲ་ལ་མཐུ་བྱེད་དམ་དེ་རྣམས་ལ་གལ་ཤིན་ཏུ་ཆེ། འདི་བྱས་ན་ཕན་ཐོགས་དང་དགྲ་ལ་རྟགས་མཚན་འོང་བ་ནི་ལན་མང་མྱོང་བས་གྲུབ། འདི་ནི་མཐུ་ནག་ལྟ་བུ་ཡིན་ཀྱང་དམར་ཡོན་ཨ་མྱེ་ཨོ་རྒྱན་མགོན་གྱིས་བརྒྱ་འབུལ་བྱས་ནས་སྲི་བའི་དགྲ་ཆོས་ཆེན་མོ་དགོས་ཞེས་ནན་གྱིས་བསྐུལ་ནས། ཨ་ཉོག་སྣེ་ལོ་འདོད་པའི་དཔེ་ལྟར། ཡིད་ཙམ་རེ་ལ་སྔ་མཆེ་བྱས་ནས་ཞུས་པས་བན་རྒན་ཟ་ཆེ་བའི་སྟོབས་ཀྱིས་ངོ་མ་ཆོག་པའི་སྟབས་ཀྱིས། སྲིད་པའི་དགྲ་ཆོས་ཡེ་སྨོན་རྒྱལ་པོས་མཛད་པ། ཐུགས་དཀར་དགྲ་ཆོས་ཡེ་གཤིན་དབང་རྫོགས་ཀྱིས་མཛད་པ། ཝེར་མའི་དགྲ་ཆོས་མགོན་ལྷ་དཀར་པོས་མཛད་པ། དགྲ་བླའི་དགྲ་ཆོས་བེ་རོ་ཙཱ་ནས་མཛད་པ། རཀ་གཏེར་སྟོན་གྱི་གཏེར་ལས་བྱུང་བའི་དགྲ་བླའི་དགྲ་མདོས་ཆེན་མོ། ལེགས་ལྡན་གྱི་དགྲ་ཆོས་དེ་རྣམས་ཀྱི་དོན་བསྡུས་ནས་རཱ་ག་ཨ་སྱས་སྦྱར་བའོ། །ཨེ་མ་དགྲ་བྲུབ་དགྲ་ཆོས་ཆེན་མོ་འདི། །རྩིས་དང་མདོ་རྒྱུད་སོགས་ནས་ལུང་བསྟན་ལ། །རིམ་གྲོའི་མཆོག་ཏུ་གྱུར་པ་ཡིན་འགྱུར་ཀྱང་། །སྔར་ནས་གྲགས་ཆེ་བཅའ་མཁན་མང་
ནའང་། །ཚད་ལྡན་ཤེས་པ་ཉིན་མོའི་སྐར་མར་ཉུང་། །དུས་ཕྱི་ཤེས་པ་འགའ་ཡི་བཅའ་ཚུལ་ནི། །རྡོ་ནག་ཡོན་བདག་ཚང་གི་ཁྱིམ་ནས་ལེན། །དམུ་གབ་རེ་ནག་ཡོན་བདག་སྦྲ་རས་བྱེད། །དགྲ་དཔུང་གཅོག་པ་རང་ཟོག་དཔུང་པ་བྱེད། །བྱད་ཐག་ཁྲ་བོ་ཡོན་བདག་ཟོག་སྤུ་བྱེད། །ལིངྒ་བྲིས་བྱས་ཡོན་བདག་ཟོག་ཁྲག་བྱེད། །གླང་གཟུགས་བཅིང་བྱས་ཡོན་བདག་ཁེལ་སྐུད་བྱེད། །དེ་རྣམས་བྱས་ན་རང་གིས་རང་གྲུབ་འགྲོ། །དེ་ནི་ཕན་བས་གནོད་པ་ཤིན་ཏུ་ཆེ། །དེ་བས་ལིངྒ་དགྲ་རྫས་ཐམས་ཅད་ལ། །རང་དང་ཡོན་བདག་མི་ནོར་ཐམས་ཅད་ཀྱི། །ཁ་རླངས་མ་ཕོག་དྲི་མ་མ་སོང་ཞེས། །ལིང་ཁྲུས་བྱས་ཤིང་མེ་དང་རླུང་ལ་གཡུག །དེ་ནི་ཞལ་གདམས་ཉེར་མཁོ་ཡིན། །འདི་ཉིད་གཞན་ལ་མ་སྤེལ་རང་གི་དོན་དུ་སྤྱོད། །གཞན་ལ་སྤེལ་ན་སེམས་ཅན་གནོད་གཞི་འགྲོ། །དེ་བས་རྐུན་ནོར་བཞིན་དུ་གསང་ཞིང་སྦོས། །འདི་བྲིས་ཉེས་འགལ་ཅི་མཆིས་པ། །ལེགས་ལྡན་མགོན་པོའི་ལྷ་ཚོགས་དང་། །དགྲ་བླ་ཝེར་མའི་ཚོགས་ལ་བཤགས། །དགེ་བས་སངས་རྒྱས་བསྟན་དང་འགྲོ་ཀུན་ལ། །རྐྱེན་ངན་དགྲ་ཇག་གནོད་པ་ཀུན་བྲལ་ནས། །སངས་རྒྱས་བསྟན་པ་དར་ཞིང་རྒྱས་པ་དང་། །འགྲོ་ཀུན་བདེ་སྐྱིད་ཕུན་སུམ་ཚོགས་པར་ཤོག །ཤུ་བྷི༔ བྷ་ཝནྟུ། སརྦ་མངྒ་ལཾ། བཀྲ་ཤིས་ཤོག། ༧ ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།