གཡག་རུ་དགྲ་ཆོས་ཀྱི་ཆ་ལག་ཁ་ཚར། དགྲ་ཆོས་ལམ་ལོག་མི་འགྱུར་བའི་མན་ངག་གཟེ་མ་ཕུས་འདེབས།
གཡག་རུ་དགྲ་ཆོས་ཀྱི་ཆ་ལག་ཁ་ཚར། དགྲ་ཆོས་ལམ་ལོག་མི་འགྱུར་བའི་མན་ངག་གཟེ་མ་ཕུས་འདེབས་ཞེས་བྱ་བ་བཞུགས་སོ།། ཀྱཻ། ཡེ་ངམ་འཁྲུག་པའི་འཁྲུག་འདྲེ་འདིས། །བདུད་ཁུར་རྣམས་ཀྱི་སྣ་ཁྲིད་ལ། །དགྲ་བོའི་ཡུལ་དེར་དམག་ལ་ཆོས། །སྨོན་པའི་དགྲ་བླ་འཁོར་བཅས་ཀྱིས། །དགྲ་ཆོས་གཟེ་མ་ཕུས་འདེབས་ཀྱིས། །དགྲ་ཆོས་ལམ་ལོག་མ་བྱེད་ཅིག །དགྲ་ལ་ཆད་དོ་ཆོས་ཆོས་རེམ། །གཉན་གདོང་གཉིས་ཀྱི་འཁྲུག་འདྲེ་དེ། །བདུད་ཁུར་རྣམས་ཀྱི་སྣ་ཁྲིད་ལ། །དགྲ་བོའི་ཡུལ་དེར་དམག་ལ་ཆོས། །གཉེན་པོ་དགྲ་བླ་འཁོར་བཅས་ཀྱིས། །དགྲ་ཆོས་གཟེ་མ་ཕུས་འདེབས་གྱིས། །དགྲ་ཆོས་ལམ་ལོག་མ་བྱེད་ཅིག །དགྲ་ལ་རྦད་དོ་ཆོས་ཆོས་རེམ། །ཐུགས་ཀར་ཐུགས་དམར་འཁྲུག་འདྲེ་དེ། །བདུད་ཁུར་རྣམས་ཀྱི་སྣ་ཁྲིད་ལ། །དགྲ་བོའི་ཡུལ་དེར་དམག་ལ་ཆོས། །ཐུགས་ཀར་དགྲ་བླ་འཁོར་བཅས་ཀྱིས། །དགྲ་ཆོས་གཟེ་མ་ཕུས་འདེབས་གྱིས། །དགྲ་ཆོས་ལམ་ལོག་མ་བྱེད་ཅིག །དགྲ་ལ་རྦད་དོ་ཆོས་ཆོས་རེམ། །ཕྱུ་བདུད་གཉིས་ཀྱི་འཁྲུག་འདྲེ་དེ། །བདུད་ཁུར་རྣམས་ཀྱི་སྣ་ཁྲིད་ལ། །དགྲ་བོའི་
ཡུལ་དེར་དམག་ལ་ཆོས། །ཕྱུ་ཡི་དགྲ་བླ་འཁོར་བཅས་ཀྱིས། །དགྲ་ཆོས་གཟེ་མ་ཕུས་འདེབས་གྱིས། །དགྲ་ཆོས་ལམ་ལོག་མ་བྱེད་ཅིག །དགྲ་ལ་རྦད་དོ་ཆོས་ཆོས་རེམ། །ཀླུ་ཁྱུང་གཉིས་ཀྱི་འཁྲུག་འདྲེ་དེ། །བདུད་ཁུར་རྣམས་ཀྱི་སྣ་ཁྲིད་ལ། །དགྲ་བོའི་ཡུལ་དེར་དམག་ལ་ཆོས། །ཁྱུང་གི་དགྲ་བླ་འཁོར་བཅས་ཀྱིས། །དགྲ་ཆོས་གཟེ་མ་ཕུས་འདེབས་ཀྱི། །དགྲ་ཆོས་ལམ་ལོག་མ་བྱེད་ཅིག །དགྲ་ལ་རྦད་དོ་ཆོས་ཆོས་རེམ། །ཡེ་ངམ་གཉིས་ཀྱི་ས་མཚམས་ནས། །ལྕགས་ཟངས་གཉིས་ཀྱི་དམག་དཔུང་དེས། །བདུད་ཁུར་རྣམས་ཀྱི་སྣ་ཁྲིད་ལ། །དགྲ་བོའི་ཡུལ་དེར་དམག་ལ་ཆོས། །གདུག་པའི་དགྲ་བླ་འཁོར་བཅས་ཀྱིས། །དགྲ་ཆོས་གཟེ་མ་ཕུས་འདེབས་གྱིས། །དགྲ་ཆོས་ལམ་ལོག་མ་བྱེད་ཅིག །དགྲ་ལ་རྦད་དོ་ཆོས་ཆོས་རེམ། །ཐུགས་ཀར་ཐུགས་དམར་ས་མཚམས་ནས། །ཁྲོ་ཆུའི་ཕ་བོང་བདུད་དཔུང་དེས། །བདུད་ཁུར་རྣམས་ཀྱི་སྣ་ཁྲིད་ལ། །དགྲ་བོའི་ཡུལ་དེར་དམག་ལ་ཆོས། །ཁྲོ་ཆུའི་དགྲ་བླ་འཁོར་བཅས་ཀྱིས། །དགྲ་ཆོས་གཟེ་མ་ཕུས་འདེབས་གྱིས། །དགྲ་ཆོས་ལམ་ལོག་མ་བྱེད་ཅིག །དགྲ་ལ་ཆད་དོ་ཆོས་
ཆོས་རེམ། ཀྱཻ། རྒྱལ་བུ་མཐིང་གེའི་ས་མཚམས་ནས། །ངོམ་གྱི་བྲག་དམར་སྟོབས་ཆེན་དེས། །བདུད་ཁུར་རྣམས་ཀྱིས་སྣ་ཁྲིད་ལ། །དགྲ་བོའི་ཡུལ་དུ་དམག་ལ་ཆོས། །མཚུན་གྱི་དགྲ་བླ་འཁོར་བཅས་ཀྱིས། །དགྲ་ཆོས་གཟེ་མ་ཕུས་འདེབས་ཀྱིས། །དགྲ་ཆོས་ལམ་ལོག་མ་བྱེད་ཅིག །དགྲ་ལ་རྦད་དོ་ཆོས་ཆོས་རེམ། །ངམ་གྱི་ཕ་ཝང་འབྲི་ངུར་དེས། །བདུད་ཁུར་རྣམས་ཀྱི་སྣ་ཁྲིད་ལ། །དགྲ་བོའི་ཡུལ་དུ་དམག་ལ་ཆོས། །ངོམ་ནག་དགྲ་བླ་འཁོར་བཅས་ཀྱིས། །དགྲ་ཆོས་གཟེ་མ་ཕུས་འདེབས་ཀྱིས། །དགྲ་ཆོས་ལམ་ལོག་མ་བྱེད་ཅིག །དགྲ་ལ་རྦད་དོ་ཆོས་ཆོས་རེམ། །བདག་དང་ཡོན་གྱི་བདག་པོ་ཡི། །འཚེ་རྩུབ་ཀེག་རྣམས་ཅི་ཡོད་པ། །དགྲ་བོའི་ཡུལ་དུ་དམག་ལ་ཆོས། དགྲ་བླའི་གྲ་མ་མཆེད་བརྒྱད་ཀྱིས། །དགྲ་ཆོས་གཟེ་མ་ཕུས་འདེབས་ཀྱིས། །དགྲ་ཆོས་ལམ་ལོག་མ་བྱེད་ཅིག །དགྲ་ལ་རྦད་དོ་ཆོས་ཆོས་རེམ།། བསྭོ། དགྲ་བླ་དགྲ་ལ་ཆས་ཙམ་ན། །རྒྱ་སྟག་གཟན་ལ་འཇུམ་པ་འདྲ། །ལྷ་མིའི་དམག་ཚོགས་ཆས་ཙམ་ན། །ཀླད་ནས་དགྲ་བླའི་དམག་ཚོགས་ཆོས། །གཡས་ནས་ལྷ་ཡི་དམག་
ཚོགས་ཆོས། །གཡོན་ནས་ཀླུ་ཡི་དམག་ཚོགས་ཆོས། །རྒྱབ་ནས་ཆོས་སྐྱོང་དམག་ཚོགས་ཆོས། །མདུན་ནས་ཡེ་གཤིན་དམག་ལ་ཆོས། །དྲང་མཁན་ཡེ་སྨོན་རྒྱལ་པོ་ཆོས། ལྕང་སེ་མི་མགོན་དཀར་པོ་ཆོས། །ཁས་དྲག་རྟ་མ་གཞུང་བཞིན་ཆོས། །ལས་མཁན་གཅོད་མཁན་ཡེ་སངས་ཆོས། །སྣ་ཁྲིད་སྤྲེལ་དཀར་གསེར་མདོག་ཆོས། །སྲིང་མོ་ན་ཆུང་གཟི་སྨིན་ཆོས། །སྟེང་ནས་དགྲ་བླ་ཆས་པ་ནི། །མཐུ་ཆེན་ཝེར་མ་ཉི་ཤུ་ཆོས། །འོག་ནས་མི་ཡི་དམག་ཆས་ན། །དམག་དཔོན་སྐྱེས་བུ་གེ་སར་ཆོས། །དྲག་རྩལ་ཅན་གྱི་དགྲ་བླ་ཆོས། །དགྲ་བླ་དེ་རྣམས་ཆས་ནས་ནི། །བརྒྱན་གྱི་གཏོར་མ་འདི་བཞེས་ལ། །དགྲ་བོ་མེ་ལྟར་འབར་བ་ལ། །དགྲ་བླ་ཆུ་ལྟར་རྒྱོབ་ལ་སོད། །དགྲ་བོ་སྤྲིན་ལྟར་འཐིབས་པ་ལ། །དགྲ་བླ་རླུང་ལྟར་རྒྱོབ་ལ་སོད། །དགྲ་བོ་རྡོ་ལྟར་སྲ་བ་ལ། །དགྲ་བླ་ཐོག་ལྟར་རྒྱོབ་ལ་སོད། །དགྲ་བོ་ཤ་ལྟར་འགྲིམ་པ་ལ། །དགྲ་བླ་གཅན་ལྟར་རྒྱུག་ལ་སོད། །དགྲ་བོ་བྱིའུ་ལྟར་འཕུར་བ་ལ། །དགྲ་བླ་ཁྲ་ལྟར་འཇུམ་ལ་སོད། །དགྲ་བོ་ལུག་ལྟར་འགྲོ་བ་ལ། །དགྲ་བླ་སྤྱང་ལྟར་འདུར་ལ་སོད། །དགྲ་བོ་ས་ལྟར་ལྕི་བ་ལ། །
དགྲ་བླ་ཤོ་ལྟར་རྒྱོབ་ལ་སོད། ཀྱཻ། དགྲ་ལ་རྦད་དོ་ཆོས་ཆོས་རེམ། །དགྲ་སྲོག་དེ་ནི་ད་ཆོད་ཅིག །དགྲ་སྙིང་དེ་ནི་ད་ཕྱུངས་ཤིག །དགྲ་བོ་ཐལ་བ་རྡུལ་བཞིན་རློགས། །བདག་ཅག་ཡོན་མཆོད་འཁོར་བཅས་ཀྱི། །སྟེང་མ་དགྲ་ལ་ལོན་པར་ཤོག །ལྷ་ཞལ་དུང་བས་དཀར་བར་ཤོག །མི་མགོ་དགུང་བས་མཐོ་བར་ཤོག །དགྲ་ལ་རྦད་དོ་ཆོས་ཆོས་རེམ། །ཉི་མ་ཕྱོགས་བཞི་མཚམས་བརྒྱད་ཀྱི་དགྲ་རྐུན་ཇག་གསུམ་ཐམས་ཅད་མ་ལྡང་ཞིག །མཱ་ར་ཡ་བྷྱོ་བྷྱོ་ཟློག་ཟློག །ཀི་བསྲོ་ཆ་འོ་ལྷ་རྒྱལ་ལོ། །ཞེས་པ་དམིགས་པ་དང་བཅས་དགྲ་རྐུན་ཡོད་ཕྱོགས་དང་དགྲ་སྲི་ལྡང་ཕྱོགས་སུ་ས་དཀར་གྱིས་ལམ་བསྟན། གཡག་རུ་དགྲ་ཆོས་ཀྱི་ཁ་ཚར་དགྲ་ཆོས་ལམ་ལོག་མི་འོང་བའི་མན་ངག་གཟེ་མ་ཕུས་འདེབས། སྔགས་འཆང་མགོན་ནག་གིས་བསྐུལ་ངོར། སྔགས་ནག་ཨ་རཱ་གས་བྲིས་པའོ། །གསང་རྒྱ། དགེ་ལེགས་འཕེལ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།