ལེགས་ལྡན་མགོན་པོའི་གཡག་རུ་དགྲ་ཆོས་ཀྱི་སྲིད་པའི་དགྲ་བྲུབ་ཀྱི་གཏད་ཁྲམ།
ལེགས་ལྡན་མགོན་པོའི་གཡག་རུ་དགྲ་ཆོས་ཀྱི་སྲིད་པའི་དགྲ་བྲུབ་ཀྱི་གཏད་ཁྲམ་བཞུགས་སོ། །དགྲ་བོ་གཏད་ཁྲམ་བྱ་བ་ནི། །རིཟུར་མཚོ་གཉེན་ཆུ་བྲག་གི །དགྲ་གཏད་ལེན་པའི་ས་ཆུ་བྲག །བརྒྱ་ལམ་མཆོད་རྟེན་ལྷ་ཁང་སོགས། །གང་རུང་ས་ལ་གྲུ་གསུམ་བྲུ། །རྩང་རང་རེ་ཚེར་སྐྱེར་ཕུར་གདབ། །གཡག་རུ་དགྲ་རྫ་ས་བཅས་པ་རྣམས། །མནན་ལ་བཀུག་གཞུག་དྲག་པོ་བྱས། །དོང་དུ་བཅུག་ལ་འདི་སྐད་རྒྱུདོ།། ཧཱུྃ། ནག་པོ་ཆེན་པོ་འཁོར་བཅས་རྣམས། །རྣལ་འབྱོར་བདག་ལ་དགོངས་སུ་གསོལ། །དང་པོ་བདེ་བཤེགས་རྣམས་ཀྱི་བཀའ། །དེ་ནས་ཕྱག་ན་རྡོ་རྗེའི་བཀའ། །དེ་ནས་བྲམ་ཟེ་མཆོག་སྲིད་བཀའ། །ནག་པོ་ཆེན་པོ་འཁོར་བཅས་རྣམས། །དེ་ལྟར་རྣལ་འབྱོར་བདག་གིས་བཀའ། །དེ་ནས་བསྟན་སྲུང་ཆེན་པོ་ཁྱོད། །འཁོར་དང་བཅས་པས་བསྐོར་བ་ནི། །བསྟན་པ་བཤིག་པའི་སྡིག་ཅན་འདི། །ཉོན་མོངས་དུག་ལྔ་བསྐྱེད་པ་ཡི། །དཀོན་མཆོག་གསུམ་གྱི་དབུ་འཕང་སྨད། །རྡོ་རྗེ་སློབ་དཔོན་མི་གནས་བྱས། །ཐེག་ཆེན་ཆོས་ལ་ཆོས་མིན་ཟེར། །སྔགས་དང་ཆོས་ལ་རབ་སྨད་ཅིང་། །དགོན་སྡེ་ཆེན་པོ་འདི་ཡིས་བཅོམ། །བནྡེ་རྣམས་ལ་སྐུར་བ་བཏབ། །རྣལ་འབྱོར་བདག་ལ་བརྙས་
ཤིང་སྨད། །འདི་ནི་བསྒྲལ་བའི་ཞིང་ཡིན་པས། །ནག་པོ་ཆེན་པོས་བསྒྲལ་དུ་གསོལ། །སྲོག་གཅོད་ཚེ་བཏུང་སྙིང་ནས་དྲོངས། །རྣམ་པར་ཤེས་པ་རྟེན་དང་ཕྲོལ། །དམ་ཉམས་ཤ་ཟོ་ཁྲག་ལ་འཐུང་། །ནང་རོལ་རུས་འཆའ་རྐང་ལ་འཇིབ། །རྩ་དང་ཆུ་རྒྱུས་ཡན་ལག་རྣམས། །སོ་སོར་ཕྲོལ་ཞིང་ཞལ་དུ་བསྟབ། །སྤྱི་བོ་དང་ནི་གསང་བ་ཡི། །རྐང་པའི་མཐིལ་ལ་མ་ཐུག་བར། །ཏིལ་འབྲུ་ཙམ་ཡང་མེད་པར་མཛོད། །ཧཱུྃ། ཆོས་སྐྱོང་ཆེན་པོ་ནག་པོ་ཆེ། །ལས་ངན་སྡིག་ཅན་དགྲ་བགེགས་འདི། །སྐད་ཅིག་མགོན་པོའི་ལག་ཏུ་གཏད། །དམ་ཉམས་དགྲ་བོ་ལས་ངན་འདི། །ནག་པོ་ཆེན་པོ་ཁྱོད་ལ་གཏད། །བསྟན་པ་བཤིགས་པའི་དགྲ་བོ་འདི། །ཆོས་སྐྱོང་སྲུང་མ་རྣམས་ལ་གཏད། །ཉེས་བྱེད་དགྲ་བོ་སྡིག་ཅན་འདི། །ཚོགས་ཀྱི་བདག་པོའི་ལག་ཏུ་གཏད། །དགྲ་བགེགས་མིང་དང་གཟུགས་སུ་བྲིས་པ་འདི། །དཔལ་ལྡན་ལྷ་མོའི་ལག་ཏུ་གཏད། །ཁྲམ་དང་ཡོལ་ནས་བྲིས་པ་འདི། །དུར་ཁྲོད་བདག་པོའི་ལག་ཏུ་གཏད། །གཟུགས་དང་མིང་བྱང་བྲིས་པ་འདི། །སྲིན་པོའི་གཟུགས་ཅན་ལག་ཏུ་གཏད། །དགྲ་བོའི་མིང་གཟུགས་བྲིས་པ་
འདི། །ལྷ་ཡི་དམག་དཔོན་ལག་ཏུ་གཏད། །དགྲ་བོའི་མིང་གཟུགས་བྲིས་པ་འདི། །རྣལ་འབྱོར་དགྲ་བླའི་ལག་ཏུ་གཏད། །དགྲ་བོའི་མིང་གཟུགས་བྲིས་པ་འདི། །དུས་མཐའ་སྟོང་མེད་ལག་ཏུ་གཏད། །དགྲ་བོའི་མིང་གཟུགས་བྲིས་པ་འདི། །ཤི་བདུད་ནག་པོ་ཁྱོད་ལ་གཏད། །དགྲ་བོའི་མིང་གཟུགས་བྲིས་པ་འདི། །ཚེ་ལེན་ནག་པོའི་ལག་ཏུ་གཏད། །དགྲ་བོའི་མིང་གཟུགས་བྲིས་པ་འདི། །སྲོག་གཅོད་ནག་པོ་ཁྱོད་ལ་གཏད། །དགྲ་བོའི་མིང་གཟུགས་བྲིས་པ་འདི། །དབུག་ལེན་ནག་པོ་ཁྱོད་ལ་གཏད། །དགྲ་བོའི་མིང་གཟུགས་བྲིས་པ་འདི། །ཤ་ཟ་ནག་པོ་ཁྱོད་ལ་གཏད། །དགྲ་བོའི་མིང་གཟུགས་བྲིས་པ་འདི། །ཁྲག་འཐུང་ནག་པོ་ཁྱོད་ལ་གཏད། །དགྲ་བོའི་མིང་གཟུགས་བྲིས་པ་འདི། །རུས་འཆའ་ནག་པོ་ཁྱོད་ལ་གཏད། །ཨོཾ་ཤྲཱི་མ་ཧཱ་ཀཱ་ལ་དགོངས་སུ་གསོལ། །ཁྱེད་ཀྱིས་མི་འདུལ་གང་ཡང་མེད། །ལས་ངན་སྡིག་ཅན་དགྲ་བོ་འདི། །ཕོ་ཉ་ལས་མཁན་ལག་ཏུ་གཏད། །གནོད་བྱེད་དགྲ་བགེགས་ལས་ངན་འདི། །ཆོས་སྐྱོང་མགོན་པོའི་ལག་ཏུ་གཏད། །ཉེས་བྱེད་དགྲ་བོ་སྡིག་ཅན་འདི། །ཕྱོགས་སྐྱོང་བཅུ་ཡི་
ལག་ཏུ་གཏད། །རྣལ་འབྱོར་བདག་ལ་སྡང་བའི་དགྲ། །ལས་མཁན་རྣམས་ཀྱི་ལག་ཏུ་གཏད། །སྡང་བའི་དགྲ་བོ་འདི་རྣམས་ཀུན། །གཤིན་རྗེ་རྣམས་ཀྱི་ལག་ཏུ་གཏད། །ལིངྒ་འདི་ལ་བྲིས་པ་རྣམས། །འཆིང་བྱེད་ནག་པོའི་ལག་ཏུ་གཏད། །གཏད་པ་ཡིན་ནོ་མ་འཆོར་ཅིག །དགྲ་བགེགས་མ་ལུས་མྱུར་དུ་སོད། །བཅོལ་བའི་ཕྲིན་ལས་འགྲུབ་པར་མཛོད། །ལིངྒ་གཡག་རུ་མི་མངོན་པར་བྱས་ལ། བྲོ་བརྡུང་བ་ནི། ཧཱུྃ། ང་ནི་རྟ་མགྲིན་རྒྱལ་པོ་ཡིན། །ང་ཡིས་མི་འདུལ་གང་ཡང་མེད། །སྟེང་གི་ལྷ་རྣམས་ང་ཡིས་འདུལ། །འོག་གི་ཀླུ་རྣམས་ང་ཡིས་འདུལ། །བར་སྣང་ལྷ་སྲིན་ང་ཡིས་འདུལ། །ང་ཡི་རྐང་པ་གཡས་པས་བྲོ་བརྡུང་བས། །དགྲ་བགེགས་ཕོ་རྒྱུད་རྡུལ་དུ་རློགས། །ང་ཡི་རྐང་པ་གཡོན་པས་བྲོ་བརྡུང་བས། །དགྲ་བགེགས་མོ་རྒྱུད་རྡུལ་དུ་རློགས། །ཧིགཏོར་བྲོ་ཐང་ཅིག་བརྡུང་བ་ཡིས། །འབྱུང་པོའི་སྒལ་ཚིགས་གཅོག་པའི་བྲོ། །གཏོར་བྲོ་ཐང་གཉིས་བརྡུང་བ་ཡིས། །དགྲ་བགེགས་ཐལ་བ་རྡུལ་དུ་རློགས། །གཏོར་བྲོ་ཐང་གསུམ་བརྡུང་བ་ཡིས། །བདུད་རྣམས་ཐལ་བ་རྡུལ་དུ་རློགས། །ད་ནི་བདེན་པའི་དམ་ཚིག་འདི་སྐད་སྒྲོགས། །ཧོ༔
དཀོན་མཆོག་གསུམ་གྱི་བདེན་པ་དང་། །ཡི་དམ་ལྷ་ཚོགས་བདེན་པ་དང་། །མཁའ་འགྲོ་ཆོས་སྐྱོང་བདེན་པ་དང་། །སློབ་དཔོན་པདྨའི་བདེན་པ་དང་། བདེན་པ་ཆེན་པོས་དམ་སྲི་གནོད་བྱེད་ཐམས་ཅད་སུཾ་བྷ་ཡ། ཨོཾ་ལཾ་ཧཱུྃ་ལཾ། ཨཱལཾ། སུཾ་ལཾ་སུཾ་བྷ་ཡ་ནན། གཡག་རུ་དགྲ་ཆོས་ཀྱི་ཁ་ཚར་གབ་པ་མངོན་ཕྱུངས་རྫོགས་སོ།། །།གཡག་རུ་ལས་མཐའ་ཟོག་མེད་གཏད་ཁྲམ་ནག་པོ་རྫོགས་སོ།། །།