ལེགས་ལྡན་མགོན་པོའི་མན་ངག་དགྲ་དཔུང་གཅོག་ཐབས།
ལེགས་ལྡན་མགོན་པོའི་མན་ངག་དགྲ་དཔུང་གཅོག་ཐབས་བཞུགས་སོ།
དཔལ་མ་ཧཱ་ཀཱ་ལ་ལ་ན་མོ༔ དེས་ནས་ཤ་དཔུང་གཡས་པ་ཞིག་བཟུང་ལ༔ དགྲ་བགེགས་དངོས་སུ་བསམ་ལ༔ ལག་པ་གཡས་པྟ་རེ་ཕྱར༔ གཡོན་པས་དྲིལ་བུ་བཟུང་ལ༔ ཕོ་ལྷ་བྱ་སྟག་རྩེ་མོ་ནས༔ བྱ་ཁྱུང་དཀར་པོ་གཟུ་དང་དཔང་༔ ཕོ་ལྷ་དགྲ་བླ་གཟུ་དང་དཔང་༔ བྱ་རྟན་མཆེད་གསུམ་གཟུ་དང་དཔང་༔ སྐུ་མཆོག་ནང་གི་དཀྱིལ་འཁོར་ནས༔ སྐུ་ཡི་མགོན་པོ་གཟུ་དང་དཔང་༔ གསུང་མཆོག་དབང་གི་དཀྱིལ་འཁོར་ནས༔ གསུང་གི་མགོན་པོ་གཟུ་དང་དཔང་༔ ཐུགས་མཆོག་དབང་གི་དཀྱིལ་འཁོར་ནས༔ ཐུགས་ཀྱི་མགོན་པོ་གཟུ་དང་དཔང་༔ ཡོན་ཏན་དབང་གི་
དཀྱིལ་འཁོར་ནས༔ ཡོན་ཏན་མགོན་པོ་གཟུ་དང་དཔང་༔ ཕྲིན་ལས་གང་འདུལ་དཀྱིལ་འཁོར་ནས༔ ཕྲིན་ལས་མགོན་པོ་གཟུ་དང་དཔང་༔ དེ་རིང་ཉི་མ་དགོང་ཐུན་ལ༔ དགྲ་བགེགས་དཔུང་པ་ཆོག་པ་ལ༔ སྟེང་རྡོ་དང་པོ་ལྷ་ཡི་རྡོ༔ འོག་རྡོ་གཉིས་པོ་བདུད་ཀྱི་རྡོ༔ ལྷ་བདུད་འཐབ་པའི་ཁ་བར་ན༔ དགྲ་བགེགས་མ་ཤོར་དཔུང་པའི་ཕྱེད་དཀྱིལ་ཆོག༔ སྟེང་རྡོ་དང་པོ་གནམ་ཡིན་ནོ༔ འོག་རྡོ་གཉིས་པ་ས་ཡིན་ནོ༔ གནམ་ས་འཐབ་པའི་ཁ་བར་ན༔ དགྲ་བགེགས་མ་ཤོར་དཔུང་པའི་ཕྱེད་དཀྱིལ་ཆོག༔ སྟེང་རྡོ་དང་པོ་ཡེ་ཡིན་ནོ༔ འོག་རྡོ་
གཉིས་པ་ངམ་ཡིན་ནོ༔ ཡེ་ངོམ་འཐབ་པའི་ཁ་བར་ན༔ དགྲ་བགེགས་མ་ཤོར་དཔུང་པའི་ཕྱེད་དཀྱིལ་ཆོག༔ སྟེང་རྡོ་དང་པོ་ཟངས་ཡིན་ནོ༔ འོག་རྡོ་གཉིས་པ་ལྕགས་ཡིན་ནོ༔ ཟངས་ལྕགས་འཐབ་པའི་ཁ་བར་ན༔ དགྲ་བགེགས་མ་ཤོར་དཔུང་པའི་ཕྱེད་དཀྱིལ་ཆོག༔ སྟེང་རྡོ་དང་པོ་ལོ་ཡིན་ནོ༔ འོག་རྡོ་གཉིས་པ་གཤེད་ཡིན་ནོ༔ ལོ་བདུད་ལོ་གཤེད་ཁ་བར་ན༔ དགྲ་བགེགས་མ་ཤོར་དཔུང་པའི་ཕྱེད་དཀྱིལ་ཆོག༔ སྟེང་རྡོ་དང་པོ་བྱི་བ་ཡིན༔ འོག་རྡོ་གཉིས་པ་རྟ་ཡིན་ནོ༔ བྱི་རྟ་རུ་ཆོད་ཁ་བར་ན༔ དགྲ་བགེགས་མ་ཙྪཤོར་དཔུང་པའི་ཕྱེད་དཀྱིལ་ཆོག༔ སྟེང་རྡོ་དང་པོ་གླང་ཡིན་ནོ༔ འོག་རྡོ་གཉིས་པ་ལུག་ཡིན་ནོ༔ གླང་ལུག་ཕུང་གྱོད་ཁ་བར་ན༔ དགྲ་བགེགས་མ་ཤོར་དཔུང་པའི་ཕྱེད་དཀྱིལ་ཆོག༔ སྟེང་རྡོ་དང་པོ་སྟག་ཡིན་ནོ༔ འོག་རྡོ་གཉིས་པ་སྤྲེལ་ཡིན་ནོ༔ སྟག་སྤྲེལ་བདུན་ཟུར་ཁ་བར་ན༔ དགྲ་བགེགས་མ་ཤོར་དཔུང་པའི་ཕྱེད་དཀྱིལ་ཆོག༔ སྟེང་རྡོ་དང་པོ་ཡོས་ཡིན་ནོ༔ འོག་རྡོ་གཉིས་པ་བྱ་ཡིན་ནོ༔ བྱ་ཡོས་བྱེ་བྲལ་ཁ་བར་ན༔ དགྲ་བགེགས་མ་ཤོར་དཔུང་པའི་ཕྱེད་དཀྱིལ་ཆོག༔ སྟེང་རྡོ་དང་པོ་འབྲུག་ཡིན་ནོ༔ འོག་
རྡོ་གཉིས་པ་ཁྱི་ཡིན་ནོ༔ ཁྱི་འབྲུག་ཐུག་པའི་ཁ་བར་ན༔ དགྲ་བགེགས་མ་ཤོར་དཔུང་པའི་ཕྱེད་དཀྱིལ་ཆོག༔ སྟེང་རྡོ་དང་པོ་སྤྲུལ་ཡིན་ནོ༔ འོག་རྡོ་གཉིས་པ་ཕག་ཡིན་ནོ༔ ཕག་སྦྲུལ་དགྲ་གཤེད་ཁ་བར་ན༔ དགྲ་བགེགས་མ་ཤོར་དཔུང་པའི་ཕྱེད་དཀྱིལ་ཆོག༔ སྟེང་རྡོ་དང་པོ་ལི་ཡིན་ནོ༔ འོག་རྡོ་གཉིས་པ་ཁམ་ཡིན་ནོ༔ ལི་ཁམ་དགྲ་གཤེད་ཁ་བར་ན༔ དགྲ་བགེགས་མ་ཤོར་དཔུང་པའི་ཕྱེད་དཀྱིལ་ཆོག༔ སྟེང་རྡོ་དང་པོ་ཁོན་ཡིན་ནོ༔ འོག་རྡོ་གཉིས་པ་གིན་ཡིན་ནོ༔ གིན་ཁོན་བྲང་རྡུང་ཁ་བར་ན༔ དགྲ་བགེགས་མ་ཤོར་དཔུང་པའི་ཕྱེད་དཀྱིལ་ཆོག༔ སྟེང་རྡོ་དང་པོ་དྭ་ཡིན་ནོ༔ འོག་རྡོ་གཉིས་པ་ཟིན་ཡིན་ནོ༔ དྭ་ཟིན་གྲི་ཕུར་ཁ་བར་ན༔ དགྲ་བགེགས་མ་ཤོར་དཔུང་པའི་ཕྱེད་དཀྱིལ་ཆོག༔ སྟེང་རྡོ་དང་པོ་ཁེན་ཡིན་ནོ༔ འོག་རྡོ་གཉིས་པ་ཟོན་ཡིན་ནོ༔ ཁེན་ཟོན་བཤའ་དྲི་ཁ་བར་ན༔ དགྲ་བགེགས་མ་ཤོར་དཔུང་པའི་ཕྱེད་དཀྱིལ་ཆོག༔ ཚེས་གཅིག་བཅུ་གཅིག་ཉི་ཤུ་གཅིག༔ གཅིག་གསུམ་འཐབ་པའི་ཁ་བར་ན༔ དགྲ་བགེགས་མ་ཤོར་དཔུང་པའི་ཕྱེད་དཀྱིལ་ཆོག༔ ཚེས་གཉིས་བཅུ་གཉིས་ཉི་ཤུ་
གཉིས༔ གཉིས་གསུམ་འཐབ་པའི་ཁ་བར་ན༔ དགྲ་བགེགས་མ་ཤོར་དཔུང་པའི་ཕྱེད་དཀྱིལ་ཆོག༔ ཚེས་གསུམ་བཅུ་གསུམ་ཉི་ཤུ་གསུམ༔ གསུམ་གསུམ་འཐབ་པའི་ཁ་བར་ན༔ དགྲ་བགེགས་མ་ཤོར་དཔུང་པའི་ཕྱེད་དཀྱིལ་ཆོག༔ ཚེས་བཞི་བཅུ་བཞི་ཉི་ཤུ་བཞི༔ བཞི་གསུམ་འཐབ་པའི་ཁ་བར་ན༔ དགྲ་བགེགས་མ་ཤོར་དཔུང་པའི་ཕྱེད་དཀྱིལ་ཆོག༔ ཚེས་ལྔ་བཅོ་ལྔ་ཉི་ཤུ་ལྔ༔ ལྔ་གསུམ་འཐབ་པའི་ཁ་བར་ན༔ དགྲ་བགེགས་མ་ཤོར་དཔུང་པའི་ཕྱེད་དཀྱིལ་ཆོག༔ ཚེས་དྲུག་བཅུ་དྲུག་ཉི་ཤུ་དྲུག༔ དྲུག་གསུམ་འཐབ་པའི་ཁ་བར་ན༔ དགྲ་བགེགས་མ་ཤོར་དཔུང་པའི་ཕྱེད་ཀྱིལ་ཆོག༔ ཚེས་བདུན་བཅུ་བདུན་ཉི་ཤུ་བདུན༔ བདུན་གསུམ་འཐབ་པའི་ཁ་བར་ན༔ དགྲ་བགེགས་མ་ཤོར་དཔུང་པའི་ཕྱེད་དཀྱིལ་ཆོག༔ ཚེས་བརྒྱད་བཅོ་བརྒྱད་ཉི་ཤུ་བརྒྱད༔ བརྒྱད་གསུམ་འཐབ་པའི་ཁ་བར་ན༔ དགྲ་བགེགས་མ་ཤོར་དཔུང་པའི་ཕྱེད་དཀྱིལ་ཆོག༔ ཚེས་དགུ་བཅུ་དགུ་ཉི་ཤུ་དགུ༔ དགུ་གསུམ་འཐབ་པའི་ཁ་བར་ན༔ དགྲ་བགེགས་མ་ཤོར་དཔུང་པའི་ཕྱེད་དཀྱིལ་ཆོག༔ ཚེས་བཅུ་ཉི་ཤུ་སུམ་ཅུ་ལ༔ བཅུ་ཚོ་བཅུ་གསུམ་གྱི་ཁ་བར་ལ༔ དགྲ་
བགེགས་མ་ཤོར་དཔུང་པའི་ཕྱེད་དཀྱིལ་ཆོག༔ དཀོན་མཆོག་གསུམ་གྱི་བདེན་སྟོབས་དང་༔ ཡི་དམ་ལྷ་ཚོགས་བྱིན་རླབས་དང་༔ ཆོས་སྐྱོང་སྲུང་མའི་མཐུ་སྟོབས་ཀྱིས༔ དགྲ་བགེགས་མ་ཤོར་དཔུང་པའི་ཕྱེད་དཀྱིལ་ཆོག༔ ཅེས་དཔུང་པ་བཅག་ལ་རྩྭ་གཟུགས་དཔང་དུ་བཞག༔ ལེགས་ལྡན་ནག་པོའི་དགྲ་ཆོས་ནས་ཁོལ་དུ་ཕྱུང་བའོ༔ མངྒ་ལཾ། དགེའོ།། །།