བསང་མཆོད་དགྲ་བྲུབ་ཞལ་གདམས་ཀྱི་ཐོ་ཚེ།
བསང་མཆོད་དགྲ་བྲུབ་ཞལ་གདམས་ཀྱི་ཐོ་ཚེ་བཞུགས། རྒྱུན་གྱི་གཏོར་བསྔོས་ཀྱི་ཚེ་ན། བསྐང་བའི་མཇུག་ཏུ། ཟན་ལ་ལིང་ཆུང་པར་བཏབ་པའི་ནང་དུ། དགྲ་རྐུན་ཇག་གསུམ་ཐམས་ཅད་མཱ་ར་ཡ་སོད་ཁ་རཾ་ཁཱ་ཧི། ཞེས་དུག་ཤོག་ལ་བྲིས་པ་བཅུག་ལ་བརྒྱ་རྩ་བརྒྱད་བཟོ། དམར་གཏོར་ཆེ་བ་གཅིག་ལ་གཏོར་ཆུང་བཅུ་གཅིག་གིས་བསྐོར་བ་ཤ་ཁྲག་གིས་གསོ། མ་རྙེད་ཀྱང་རུང་། དེ་ནས་རང་ཉིད་ལྷའི་ང་རྒྱལ་གྱིས་ཐུན་གཏོར་ལྟར་དེ་དག་བསྐྱེད་ལ། དགྲ་བྲུབ་བདུན་ནམ་ཉེར་གཅིག་བྱ། སྲུང་མའི་སྔགས་ལ་དགུག་སྔགས་བཏགས་པ་ལན་གསུམ་མམ་བདུན་བཟླ། འཁོར་ལོ་བསྐོར་དམིགས་བྱས་ལ་སྲུང་མའི་སྔགས་མཐར། མཱ་ར་ཡའི་བསད་སྔགས་སྦྱར་བ་བདུན་ནམ། །ཟཉེར་གཅིག་བཟླ་ཞིང་། ཧཱུྃ། བླ་མ་སངས་རྒྱས་བྱང་སེམས་དང་། །སོགས། བཏོན་ལ་གཏོར་མར་ལིང་ཆུང་བཏབ། སླར་དགྲ་ཐུབ་རེ་དང་འགུགས་སྔགས་ཚར་རེ་བཅས། ཧཱུྃ། བླ་མ་སངས་རྒྱས་བྱང་སེམས་དང་། །སོགས་བརྒྱ་རྩ་བརྒྱད་འགྲོ་ངེས་བྱ། མཐར་གཏོར་བསྔོས་ཀྱི་གཏོར་སྟོབས་ཀྱི་མཐར་དགྲ་ཆོས་ལམ་གཏོར་གང་རུང་བཏོན་ལ་ཆད་སྔགས་དང་བཅས་ཏེ་དགྲ་ཡོད་ཕྱོགས་སམ། ཐེབ་ཕྱོགས་སུ་ཕུལ་ལོ། །བསང་མཆོད་དང་སྦྱར་ན། ཁུ་ཡེ་གར་བབས་པ་དང་། གོང་བཞིན་བྱས་ལ། ལིངྒ་རྣམས་བསང་རྫས་ནང་དུ་བཏབ། མཐར་ལམ་གཏོར་དགྲ་ཆོས་བཏོན་ལ་བསང་ནང་མཆོད། འདི་ལ་དམར་གཏོར་མི་དགོས། དེ་ལྟར་བགྱིས་པས་གཞི་བྱེས་ཉོ་
ཚོང་དམག་ཇག་གང་ལ་འགྲོ་ཡང་དགྲ་བོའི་གནོད་པ་བྲལ་ཞིང་། རྐུན་ཇག་འཕྲོག་བཅོམ་བརྡུང་བཏགས་ལ་སོགས་པའི་གནོད་པ་དང་བྲལ་ཞིང་། དགྲ་བོ་སྒྲོལ་བར་ཐེ་ཚོམ་མེད་དོ། །ཞལ་ཤེས་དམ་པ་གསང་རྒྱུ། ཁ་ཐཾ༔ ཅེས་པའང་ཨ་རཱ་གའི་ཞལ་གདམས་སོ།། ༈ གྲི་ཁ་མཚོན་བསྒྱུར་བཏང་བའི་ཐོ་ཚེ། བཅས་དཀྱུས་བཞིན། ཡི་དམ་དང་ཆོས་སྐྱོང་གཞུང་བསྲང་། ཚོགས་ཐ་མ་དང་། བསྐང་བཤགས་དང་། བཟློག་པ་བཅས་སོང་ནས། གླུད་ཡས་བསང་སྦྱངས། ཧཱུྃ་ཨོཾ་ཨཱཿཧཱུྃ། ལན་གསུམ། སམྦྷ་ར། ལན་ཉེར་གཅིག །དེ་བཞིན་གཤེགས་པ་བཞིའི་མཚན་བརྗོད། རོལ་མོ་དང་བཅས་དགུག་གཞུག་ལན་གསུམ་གྱིས་བཀུག་པར་བྱ། སྤེལ་ཚིག་ནི། བདག་ཅག་དཔོན་སློབ་ཡོན་མཆོད་འཁོར་དང་བཅས་པ་རྣམས་ལ། དགྲ་ངོ་། རྐུན་ངོ་། གྲི་ངོ་སྨྲས་ངོ་་། གསོད་ངོ་གཅོད་ངོ་ཤར་བའི་སྣ་འདྲེན་ཅིང་། རྐྱེན་དང་མཚམས་སྦྱོར་བ། རྒྱབ་རྟེན་དང་དཔུང་གྲོགས་བྱེད་པའི་ལྷ་སྲིན་སྡེ་བརྒྱད། གྲི་བོ། གྲི་མོ། སྲི་འདྲེ་སྲི་ངན་གྱི་བདག་པོ་བདག་མོ་ལན་ཆགས་བགེགས་ཀྱི་རིགས་སུ་གྱུར་པ་ཐམས་ཅད་གྲི་ཡས་གླུད་བཟང་འདི་ལེན་པའི་སླད་དུ་འདིར་ཁུག་ཅིག །ཊཱ་ཀི་ཧཱུྃ་ཛཿ ཛཿཧཱུྃ་བི་ཧོ༔ ཞེས་སྦྱར་རོ། །དེ་ནས་རོལ་མོ་དང་བཅས། ཀྱཻ། འབྲོང་བུ་ངར་མའི་རལ་གྲི་འདི། །སོགས། ཚང་བར་ཚར་གསུམ་མམ་དགུ་བཏོན། རྗེས་མ་རྣམས་
ལ། གླུད་གཟུགས་རེ་དང་། ཆངས་བུ། མདའ་ཆག །གཞུ་ཆག་སོགས་རེ་རེ་གླུད་ནང་དུ་ཕུལ་ལོ། །དེ་ནས་དམར་གཏོར་གཅིག་བཤམས་ལ། ཐུན་གཏོར་ལྷ་བསྐྱེད་འགུགས། བསད་དམིགས། བྱིན་རླབས། ཁ་བསྔོས་བགྱིས་ལ། ཧཱུྃ། ཡི་དམ་ལྷ་ཚོགས་གཏོར་མ་འདི་བཞེས་ལ། །སོགས་སམ། ལམ་གཏོར་དགྲ་ཟློག་འདོན། དེ་མཐར། ཀྱཻ། དེ་རིང་སྲིད་པའི་གནམ་གང་ལ། །སོགས། །ལེགས་ལྡན་དགྲ་ཆོས་དམག་འགྱེད་འདོན་ལ། ཆོས་སྐྱོང་རྣམས་ཀྱི་སྔགས་མཐར་རྦད་སྔགས་སྦྱར་བ་བཟླ། བྷྱོ། གདབ་འདོན། མཐར་དྲགས་སྔགས་དང་བཅས་གྲི་གླུད་རྫོངས། དེ་རྒྱབ་ཐུན་གཏོར་འབུལ་ལོ། །ཕྱོགས་ནི་ཕྱོགས་། ལྕེ་ངན་གྱི་སྟེང་ངམ། འདྲེ་ལྔ་བདུད་གཅོད་ཀྱི་ཕྱོགས་སུ་ཕུལ། དེ་ནས་ལྷག་མ། ཆད་བརྟན། རྟ་བྲོ་རྗེས་རིམ་སོགས་སྤྱི་ལྟར་བྱའོ། །ཨ་རཱ་གའི་ཞལ་གདམས་ཨྠྀི།