གཡག་རུ་དགྲ་ཆོས་ཀྱི་ཆ་ལག་ལྷ་དབྱེ།
གཡག་རུ་དགྲ་ཆོས་ཀྱི་ཆ་ལག་ལྷ་དབྱེ་བཞུགས་པ་ལགས་སོ།། ན་མོ་གུ་རུ། འུག་པ་དང་བྱ་རོག་གི་དོང་སྒྲོས་གཡབ་ཅིང་། ཀྱཻ། དེ་རིང་ཉེས་བྱེད་དགྲ་བོ་འདི། །དགྲ་ལྷ་སྐྱབས་ཆེན་ལྷ་དང་ཕྱེས། །དགྲ་སྲི་ཆེན་པོ་དེ་དང་སྤྲོད། །ཕ་ལྷ་མ་ལྷ་དེ་དང་ཕྱེས། །མ་བུའི་བྱུར་འདྲེ་དེ་དང་སྤྲོད། །བང་ལྷ་སྨུག་པོ་དེ་དང་ཕྱེས། །བང་སྲི་དེང་བ་དེ་དང་སྤྲོད། །ཞང་ལྷ་༔ ཕ་བང་དེ་དང་ཕྱེས། །ཞང་འདྲེ་གདུག་པ་དེ་དང་སྤྱོད། །ཡུལ་ལྷ་གང་ཐོང་དེ་དང་ཕྱེས། །ཡུལ་འདྲེ་ཡུལ་སྲི་དེ་དང་སྤྱོད། །དར་གྲོགས་ཕྲག་ལྷ་དེ་དང་ཕྱེས། །དར་སྲི་གཞོན་སྲི་དེ་དང་སྤྱོད། །ཕྱུགས་ལྷ་དཀྱིལ་གཞོན་དེ་དང་ཕྱེས། །གོད་འདྲེ་གོད་སྲི་དེ་དང་སྤྱོད། །གཡང་ཅན་སྒོ་བཞི་དེ་དང་ཕྱེས། །མི་ལ་བསེ་རག་དེ་དང་སྤྱོད། །ཨོཾ་བཛྲ་མ་ཧཱ་ཀཱ་ལ་མ་ཧཱ་ཀཱ་ལི་དྷརྨཱ་པཱ་ལ་ཨ་ཡ་མ་དུ་རུ་ཙ་ཤ་ན་བྷུ་མི་པ་ཏི། ཏྲག་རཀྵ་ཕྱེས་ཕྱེས་མཱ་ར་ཡ་ཕཊ། ཅེས་སྐྱོབ་པའི་ལྷ་དང་ཕྱེས་ནས་གནོད་པའི་འདྲེ་དང་སྤྲོད་པར་བསམ་མོ། །ཞེས་པ་ཨ་རཱ་གས་སྦྱར་བའོ།། །།
ཤོགསྟོང་།