གཡག་རུ་དགྲ་ཆོས་ཀྱི་ཐུན་བརྡེག
གཡག་རུ་དགྲ་ཆོས་ཀྱི་ཐུན་བརྡེག་བཞུགས་སོ། །ལིངྒ་བླ་རྡོ། བླ་ཤིང་རྣམས་ལ་དགུག་གཞུག་བྱས་ལ། ཐུན་ཡུངས་ཀར། རྡོ་ཕྱེ་ལ་སོགས་པ་ལག་ཏུ་ཐོགས་ལ། ཐུན་རྣམས་ཤ་ཟ་སྲིན་པོ་དགྲ་བླ་ཝེར་མ་རྣམས་གསལ་གདབ། ཧཱུྃ། གསང་བདག་ཕྱག་ན་རྡོ་རྗེ་ཡིས། །ཐལ་བ་བཞི་ལ་ཡུངས་ཀར་བཏབ། །ཡེ་ཤེས་ཁྲོ་བོ་སྤྲིན་ཏུ་གཏིབས། །ཤེས་རབ་དབྱིངས་ནས་ཆར་དུ་ཕབ། །ཡུངས་ཀར་སྒང་བུ་བཅུ་རུ་སྐྱེ། །ཡུངས་ཀར་སྒང་བུ་རེ་རེ་ལ། །ཁྲོ་ཆུང་མཚོན་ཐོགས་རེ་རེ་སྤྲུལ། །དམ་ཉམས་སྤྱི་བོར་བརྒྱབ་པ་ཡིས། །རྐང་པའི་མཐིལ་དུ་ཀཱི་ལ་ཡ། །ཟཧཱུྃ། ཡུངས་ཀར་ཐུན་དང་ཡུངས་ནག་ཐུན། །ས་ཕྱེའི་ཐུན་དང་རྡོ་ཕྱེའི་ཐུན། །ལྕགས་ཕྱེའི་ཐུན་དང་ཟངས་ཕྱེའི་ཐུན། །ཁྲག་གི་འབའ་ཆུ་ཙ་ར་ར། །ཧེ་རུ་ཀ་ཡི་སྤྲུལ་པ་ཡིན། །འགུགས་བྱེད་རྣམས་ཀྱིས་ཉོས་པ་ཡིན། །དབང་ཞུགས་མི་ཡིས་སྔགས་པ་ཡིན། །གིང་བདུད་རྣམས་ཀྱི་ངོ་བོ་ཡིན། །ཕོ་ཉ་རྣམས་ཀྱི་དཔུང་པ་ཡིན། །ཆོས་ཀྱི་དབྱིངས་སུ་སྨིན་པ་ཡིན། །དམ་ཉམས་དགྲ་བགེགས་གསོད་པ་ཡིན། །ལྕགས་ཀྱི་རི་རབ་བཤིག་ནུས་ན། །དགྲ་བགེགས་ཐལ་བ་རྡུལ་དུ་རློགས། །ཨོཾ་བྷི་ཤ་མུ་རུ་མུ་རུ་དགྲ་
བགེགས་མཱ་ར་ཡ་ཧཱུྃ་ཕཊ། ཅེས་རབ་བརྒྱ། འབྲིང་ཉེར་གཅིག །ཐ་མ་བདུན་གསུམ་སྔགས་ལ་བྲབ། ནད་དང་དུག་གིས་དགྲ་བགེགས་དབང་མེད་མྱོས་ནས་བརྒྱལ་བར་བསམ་ལ་ཐུན་གདབ་བོ། །དགྲ་ཆོས་ཀྱི་ལས་ཚན་ཁོལ་བུར་ཕྱུང་བ་ཨོཾ་རཱ་གས་སྦྱར་བའོ།། ༈ རང་ཡི་དམ་དུ་གསལ་བའི་ཐུགས་ཀ་ནས། ཐུན་རྫས་ལས་མཁན་གཤིན་རྗེའི་དམག་ཚོགས་དཔག་ཏུ་མེད་པས་གསོད་བྱེད་ཀྱི་མཚོན་ཆ། མྱོ་བྱེད་རྫས། རླག་བྱེད་ཀྱི་ཐུན་སོགས་ཆར་ཕབས་ནས། ལུས་བརྒྱལ་ཤིང་རེངས། ངག་ལྐུགས་ཤིང་དིག །ཡིད་མྱོས་ཤིང་འཐིབས། དབང་པོ་ཡན་ལག་ཕྱེ་མར་གཏུབས་ནས། རྣམ་ཤེས་མར་མེ་ལྟ་བུ་དེ། ནག་ཀེམ་ཀེམ་སོང་བར་བསྒོམ་་་་མཆན། ༈ དེ་ནས་གཡག་རུ་བྲན་ནས། ཕཊ། སྟོང་པའི་ངང་ལས་ཕུདུ་ཡ་ཡོངས་སུ་གྱུར་པ་ལས། སྐད་ཅིག་གིས་གཡག་རུ་གཡོན་པ་འཆི་བདག་ལས་ཀྱི་གཤིན་རྗེ་ཀླུ་བདུད་ནག་པོ་ཆུ་སྲིན་གྱི་མགོ་ཅན། གཡས་སྦྲུལ་ཞགས་དང་། གཡོན་ཁྲམ་ཤིང་འཛིན་པ། སྤྱན་ཉི་ཟླ་ལྟར་ཉིན་མཚན་མེད་པར་གསལ་བ། ཁ་གནམ་ས་ཙམ་གདངས་ནས་མཆེ་བ་གཙིགས་པ་མེ་རི་དུག་རླངས་འབར་བའི་དབུས་ན་ཡར་ལངས་པ། དེའི་ཁ་ནང་དུ་དགྲ་བོ་མི་ནོར་འཁོར་དང་བཅས་པ་གཟུགས་ལིངྒ། མིང་བྱང་བུ། བླ་རྡོ་རྡེལ་དགུ། བླ་ཤིང་ལིང་དགུ་དང་བཅས་
པ་ཐམས་ཅད་ཚུད་ནས་སྐལ་པ་མ་སྟོངས་ཀྱི་བར་དུ་འཆོར་བ་མེད་པའི་རང་བཞིན་དུ་གྱུར། ཀིང་ཀང་ལྟར་དགུགས་གཞུག་བྱ། དེ་ནས་གཡག་རུའི་ནང་དུ་ཐུབ་ལ། ཡི་དམ་དང་། སྲུང་མའི་དྲག་སྔགས་ཀྱི་མཐར། ཨོཾ་ཤྲཱི་མ་ཧཱ་ཀཱ་ལ་བཛྲ་རེ་མ་ཏི་མ་བྷྱོ་ཛཨ་ཡ་མ་དུ་རུ་ཙ་ཤ་ན་བྷུ་མི་པ་ཏི་དམ་ཉམས་པའི་དགྲ་བོ། དགྲ་རྐུན་ཇག་གསུམ་གྱོད་བྱུར་མི་ཁ་གླེང་གཞི་གཏོང་མཁན་ཕ་ཚན་ཉེ་འབྲེལ་དང་བཅས་པ་ཐམས་ཅད་མཱ་ར་ཡ་ཁ་ཁ་ཁཱ་ཧི་ཁཱ་ཧི། བནྡྷ་བནྡྷ། ཧ་ན་ཧ་ན། ད་ཧ་ད་ཧ། པ་ཙ་པ་ཙ། མ་ཐ་མ་ཐ་མཱ་ར་ཡ་ནན། ཙཱ་བྷ་ཡ་ནན། བྲུབ་ཅིག །མ་འཕར་ཅིག །མ་ལྡང་ཞིག་ཧཱུྃ་ཕཊ། ཅེས་བརྗོད་པས་ཆུ་སྲིན་ཁ་བསྡམས་ནས་རིམ་པ་དགུའི་འོག་ནས་ན་རཀ་དམྱལ་ཁམས་གཤིན་རྗེའི་ཡུལ་དུ་སོང་བར་བསམ་ལ་བྲུབ་བོ། །གཡག་རུ་དགྲ་ཆོས་ཀྱི་ཁ་ཚར་གབ་པ་མངོན་དུ་ཕྱུང་བ་ཨ་རཱ་གའོ།།