བསད་པ་གནམ་ལྕགས་ཐོག་མདའ་ལྟ་བུའི་གདམས་ངག
བསད་པ་གནམ་ལྕགས་ཐོག་མདའ་ལྟ་བུའི་གདམས་ངག་གི་སྐབས་སུ། གཞུང་ནས་གྲི་ཡས་བཙག་བྱུག་གསུངས་པའི་ཕྱིར། ཤིང་ནག་གི་རྔ་མོང་བཅས་ལ། ཤིང་ཚེར་མ་ཅན་ནམ་དྲག་པོའི་ཤིང་གི་མཚོན་ཆ་སྣ་ཚོགས་བཟོས་ལ། རྩེ་མོ་རྣམས་སུ། གྲི་ཁྲག །དུག་ཁྲག །གྲི་སོལ་དང་བསྲེས་ལ་བྱུག །དེ་དག་གི་རྟིང་པ་ལ། མཱརཡདགྲབོའིསྲོགལརྦདདགྲསྲོགལརྒྱུགལུསལཧབཤམཱརཡསོད། ཅེས་སམ། བཟློག་པ་ཁ་རྐྱང་ཡིན་ན། བྷྱོབཟློགབསྒྱུརཡབྱདཟོརཕུརཁཆགཆེཉམངབཐམསཅདདགྲབོའིཐོགཏུཔྲཏྱངྒིརབྷྱོབྷྱོཟློགཟློག །ཅེས་པ་གོང་གི་མཱ་ར་ཡའི་ཚབས་སུ་ཁ་སྒྱུར་བྱེད། སྔགས་དེ་དུག་ཤོག་ལ་བྲིས་ལ་དཀྲི། མཚོན་གྱི་རྩེ་མོ་དགྲ་ཕྱོགས་སུ་བསྟན་ལ་རྔ་མོང་ལ་བཙུགས་སོ། །དམིགས་པ་བསྒྱུར་ཤེས་པར་བྱའོ། །ཞེས་ལེགས་ལྡན་དགྲ་ཆོས་བསྡུས་པའི་ལྷན་ཐབས་གུད་དུ་གབ་པ་རྫོགས་སོ། །ཨྠྀི། བླ་མའི་ཞལ་ཤེས་སོ། ༈ །བསད་པ་གནམ་ལྕགས་ཐོག་མདའ་བསད་དམིགས་ནི། བདག་ཉིད་ཡི་དམ་དུ་གསལ་བའི་ཐུགས་ཀ་ནས་འོད་ཟེར་འཕྲོས་པས་འཇིག་རྟེན་དང་འཇིག་རྟེན་ལས་འདས་པའི་ཤ་ཟ་ལྷ་སྲིན་སྡེ་བརྒྱད་ཐམས་ཅད་སེར་རྒོད་བབ་པ་ལྟར་བྱོན་ནས་ཕྱག་ན་མཚོན་ཆ་སྣ་ཚོགས་བསྣམས་ནས་དགྲ་བོའི་ལུས་ངག་ཡིད་གསུམ་ལ་བརྒྱབ་པས་སོལ་བའི་སྡོང་པོ་འགྱེལ་བ་ལྟར་ནག་ཐུལ་གྱིས་སོང་བར་བསམས་ལ། སྲུང་མའི་སྔགས་ཤམ་དུ། ཏདྱ་ཐཱ། དུ་ཤན་དུ་ཤན། རཀྵ་རཀྴ། ཏྲག་རཀྵ།
མཱ་ར་ཡ་རྦད། དགྲ་བོ་འདུས་འདུས། རྦད་རྦད། སོད་སོད། དགྲ་བོའི་སྙིང་ཧྲིལ་ཧྲིལ། འདུས་འདུས། རྦད་རྦད། སོད་སོད། ཡ་མནྟ་ཀ་ཡ་མཱ་ར་ཙ་དགྲ་བོའི་སྙིང་རྩ་ཁྲག་རྩ་ལ་ནུར་ནུར། རྦད་རྦད། སོད་སོད། ཨ་ཡ་མ་དུ་རུ་ཙ་ཤ་ན་དགྲ་བོའི་སྲོག་ལ་མཱ་ར་ཡ་རྦད་ཛཿ དགྲ་བོ་ཆེའི་ཙིཏྟ་ཏྲཾ་ཧུར་ཐུམ་ཛ་མཱ་ར་ཡ་རྦད་སོད། ཅེས་བཏགས་པ་བརྒྱ་རྩ་ལྔ་ཡན་ཆད་བཟླ། འདི་བསད་པ་དྲག་པོ་དུག་གི་འཁོར་ལོའི་མདའ་ལ་བསྐྱོན་པའི་ཞལ་གདམས་ཏེ་གཞན་ལ་བསྟན་ན་རང་གི་མིག་འབྲས་དང་འདྲའོ།། །།