བྷྱོ་གདབ།
བྷྱོ་གདབ་ཅེས་པ་ནི། རྣལ་འབྱོར་པ་བདག་དང་མཆེད་ལྕམ་རྣམས་ཀྱིས་ནས་ནག་ཐོགས་ནས་གཏོར། དར་ནག་གིས་གཡབ་ཐལ་མོ་བརྡབ་ཅིང་བཟློག་པ་འདི་སྐད་དོ། །ཧཱུྃ་བྷྱོ། དང་པོ་བློ་ཡིས་མི་གདབ་རྒྱུས། །ཡི་དམ་ལྷ་ཚོགས་ཐུགས་དམ་བསྐུལ། །བར་དུ་བློ་ཡིས་མི་གདབ་རྒྱུས། །ཆོས་སྐྱོང་སྲུང་མ་བྷྱོ་ཡིས་སྦྲན། །ཐ་མ་བློ་ཡིས་མི་གདབ་རྒྱུས། །བར་ཆད་དགྲ་བགེགས་སྦྱོ་ཡིས་བསྒྲལ། །ད་ལྟ་བློ་ཡིས་མི་གདབ་རྒྱུ། །ཆག་ཆེན་ཉམ་ང་བློ་ཡིས་ཟློག །ཧཱུྃ། ང་ནི་སྔགས་འཆང་རྒྱལ་པོ་ཡིན། །ང་ནི་ཟློག་བྱེད་ཆེན་པོ་ཡིན། །ང་ནི་སྟོང་གསུམ་བདག་པོ་ཡིན། །ང་ནི་སྲིད་གསུམ་རྗེ་བོ་ཡིན། །སྣང་སྲིད་ང་ཡིས་དབང་དུ་བསྡུས། །རང་བྱུང་བསྟན་པ་རིན་ཆེན་ལ། །བདག་ཅག་ཞུགས་དང་སྐྱོངས་ལགས་ཏེ། །འགྲོ་དྲུག་སེམས་ཅན་གྲངས་མང་བས། །ལོག་རྟོག་གདུག་པའི་སེམས་དཀྱིལ་དུ། །བསྟན་པའི་རུ་ཏྲ་བྱེད་པ་དང་། །དུག་ལྔ་རྒྱས་པའི་དབང་གིས་ནི། །རྒྱུ་སྦྱོར་ཡོན་གྱི་བདག་པོ་དང་། །སྔགས་འཆང་རྒྱལ་པོ་བདག་ཅག་ལ། །ཕྱོགས་བཞི་མཚམས་བརྒྱད་སྟེང་འོག་ནས། །གདུག་རྩུབ་གཏུམ་པའི་སེམས་ཀྱིས་སུ། །ངན་སྔགས་དམོད་པ་གང་བྱེད་
ལ། །སྟོང་གསུམ་མ་མོ་བྷྱོ་ཡིས་ཐོབ། །སྟོང་གསུམ་བྷྱོ་སྒྲ་དི་རི་རི། །སྣང་སྲིད་ལྷ་འདྲེ་བློ་ཡིས་ཐོབ། །སྣང་སྲིད་ཕྱོགས་སྒྲ་དི་རི་རི། བྷྱོ༔ ནམ་མཁའ་ལྷ་ཡི་བྱད་སྣ་ཡང་། །ཉམས་པའི་དགྲ་བགེགས་འདི་ལ་བྷྱོ། །བར་སྣང་གཉན་གྱི་བྱད་སྣ་ཡང་། །དམ་ཉམས་དགྲ་བགེགས་འདི་ལ་བྷྱོ། །ས་བདག་ཀླུ་ཡི་བྱད་སྣ་ཡང་། །ཉམས་པའི་དགྲ་བགེགས་འདི་ལ་བྷྱོ། །སྣང་སྲིད་ལྷ་འདྲེའི་བྱད་སྣ་ཡང་། །ཉམས་པའི་དགྲ་བགེགས་འདི་ལ་བྷྱོ། །གླིང་བཞི་མི་ཡི་བྱད་སྣ་ཡང་། །ཉམས་པའི་དགྲ་བགེགས་འདི་ལ་བྷྱོ། །འགྲོ་དྲུག་ཡོངས་ཀྱི་དམོད་ཟོར་ཡང་། །ཉམས་པའི་དགྲ་བགེགས་འདི་ལ་བྷྱོ། །དེ་རིང་འཚོགས་པའི་གདུག་རྩུབ་ཀྱང་། །སྡང་བའི་དགྲ་བོ་འདི་ལ་བྷྱོ། །སེམས་ཀྱི་བསམ་པའི་གདུག་རྩུབ་ཀྱང་། །སྡང་བའི་དགྲ་བོ་འདི་ལ་བྷྱོ། །ལུས་ལ་འབྱུང་བའི་གདུག་རྩུབ་ཀྱང་། །སྡང་བའི་དགྲ་བགེགས་འདི་ལ་བྷྱོ། །དུག་ལྔ་གཡོས་པའི་གདུག་རྩུབ་ཀྱང་། །སྡང་བའི་དགྲ་བགེགས་ལ་འདི་ལ་བྷྱོ། །བྷྱོ་ཕྱོགས་སྡང་བའི་དགྲ་ལ་བྷྱོ། །བྷྱོ་ཕྱོགས་གནོད་པའི་བགེགས་ལ་བྷྱོ། །བྷྱོ་བྷྱོ་བར་ཆད་བདུད་ལ་བྱོན། །བྷྱོ་བྷྱོ་བྱད་མའི་སྲོག་ལ་བྷྱོ༔
བྷྱོ་བྷྱོ་བྱད་མའི་ཤ་ལ་བྷྱོ། །བྷྱོ་བྷྱོ་བྱད་མའི་སྙིང་ལ་བྷྱོ། །བྷྱོ་བྷྱོ་བྱད་མའི་ཁྲག་ལ་སྦྱོ། །བྷྱོ་བྷྱོ་བྱད་མའི་རུས་ལ་བྱོཝ། །བྷྱོ་བྷྱོ་བྱད་མའི་ལྕེ་ལ་བློ། །བྷྱོ་བྷྱོ་བྱད་མའི་ལུས་ལ་བྷྱོ། །བྷྱོ་བྷྱོ་བྱད་མའི་ངག་ལ་བྷྱོ། །བྷྱོ་བྷྱོ་བྱད་མའི་ཡིད་ལ་བྷྱོ། །བྷྱོ་བྷྱོ་བྱད་མའི་ལྷ་ལ་བློ། །བྷྱོ་བྷྱོ་བྱད་མའི་སྔགས་ལ་སྦྱོ། །སྦྱོ་བྷྱོ་བྱད་མའི་ཐོག་ཏུ་བྷྱོ། །གང་དགོས་ཀྱང་འདི་དགྲ་ཆོས། དགྲ་ཟློག །དགྲ་བྲུབ། དགྲ་མནན་སྤྱི་ལྟར་བྱའོ། །ཨོཾ་སརྦ་དྷརྨ་ལོ་ཀ་པཱ་ལ་ས་པ་རི་ཝཱ་ར་ཡ་དགྲ་བགེགགས་ཀྱི་སྲོག་རྩ་ལ་ཁཱ་ཧི། ཚྭ་ས་ལ་ཁཱ་ཧི། །རཀྟ་ལ་ཁཱ་ཧི། ཙིཏྟ་ལ་ཁཱ་ཧི། གོ་རོ་ཙ་ན་ཁཱ་ཧི། བ་ལིཾ་ཏ་ཁཱ་ཧི། གཏོར་མ་འབྲུ་ནག་གི་ཟན་ལ་དུག་ཁྲག་གིས་སྦག་ལ་ཕུལ་ཏེ་ཕྲིན་ལས་བཅོལ། མཐར་གཏོར་མ་དུག་མཚོན་མེ་རླུང་སོགས་སུ་བསམ་ལ་དགྲ་ཕྱོགས་སུ་འཕང་། བྷྱོ་བཟློག་དམོད་བཅོལ་བྱའོ། །ཨ་རཱ་གས་སོ།། །།