གཡག་རུ་དགྲ་ཆོས་ཀྱི་ལས་མཐའ་མནན་པ་ལྡོག་མེད་གཏད་ཁྲོམ་ནག་པོ།
གཡག་རུ་དགྲ་ཆོས་ཀྱི་ལས་མཐའ་མནན་པ་ལྡོག་མེད་གཏད་ཁྲོམ་ནག་པོ་ཞེས་བྱ་བ་བཞུགས་སོ། །བཀའ་རྒྱ་དམ་པའོ།། ན་མོ་མ་ཧཱ་ཀཱ་ལ་ཡེ། གཡག་རུ་ནག་པོའི་ལས་ཀྱི་མཐར། དགྲ་བོ་གཏད་ཁྲོམ་བྱ་བ་ནི། །རི་ཟུར་མཚོ་གཉན་ཆུ་བྲག་སྟེ། །དགྲ་དང་ལེན་པའི་ས་བྲག་ཆུར། །རྒྱ་ལམ་མགོ་བསྟན་ལྷ་ཁང་གང་རུང་ཞབས། །གྲུ་གསུམ་བྲུས་ལ་རྩང་དང་རེ་ཚལ་སྐྱེར་ཕུར་གདབ། །གཡག་རུ་དགྲ་རྫས་བཅས་པ་རྣམས། །མནན་ལ་བཀུག་གཞུག་དྲག་ཏུ་བྱས། །ཧཱུྃ། ནག་པོ་ཆེན་པོ་འཁོར་དང་བཅས་པ་རྣམས། །རྣལ་འབྱོར་བདག་ལ་དགོངས་སུ་གསོལ། །དང་པོ་བདེ་གཤེགས་རྣམས་ཀྱི་ཟབཀའ། །དེ་ནས་བྲམ་ཟེ་མཆོག་གི་བཀའ། །ནག་པོ་ཆེན་པོ་འཁོར་བཅས་རྣམས། །ད་ལྟ་རྣལ་འབྱོར་བདག་གི་བཀའ། །དེ་བས་བསྟན་སྲུང་ཆེན་པོ་ཁྱོད། །འཁོར་དང་བཅས་ལ་གཏད་པ་ནི། །བསྟན་པ་བཤིག་པའི་སྡིག་ཅན་འདི། །ཉོན་མོངས་དུག་ལྔ་སྐྱེས་པ་ཡི། །དཀོན་མཆོག་གསུམ་གྱི་དབུ་འཕང་སྨད། །རྡོ་རྗེ་སློབ་དཔོན་སྐུ་ལ་བསྡོས། །ཐེག་ཆེན་ཆོས་ལ་ཆོས་མིན་ཟེར། །སྔགས་དང་ཆོས་ལ་རབ་སྨད་ཅིང་། །དགོན་སྡེ་ཆེན་པོ་འདི་ཡིས་བཅོམ། །བནྡེ་རྣམས་ལ་སྐུར་པ་བཏབ། །རྣལ་འབྱོར་བདག་
ལ་བརྙས་ཤིང་སྨད། །འདི་ནི་བསྒྲལ་བའི་ཞིང་ཡིན་ཏེ། །ནག་པོ་ཆེན་པོས་བསྒྲལ་དུ་གསོལ། །སྲོག་ཆོད་ཚེ་སྟུངས་སྙིང་ནས་དྲོངས། །རྣམ་པར་ཤེས་པ་རྟེན་དང་ཕྲོལ། །དམ་ཉམས་ཤ་ཟོ་ཁྲག་ལ་འཐུང་། །ནང་རོལ་རུས་འཆའ་རྐང་ལ་འཇིབ། །རྩ་དང་ཆུ་རྒྱུས་ཡན་ལག་རྣམས། །སོ་སོར་ཕྱེས་ཤིང་ཞལ་དུ་གསོལ། །སྤྱི་བོའི་གཙུག་ནས་གསང་གནས་བར། །རྐང་པའི་མཐིལ་ལ་མ་ཐུག་བར། །ཏིལ་འབྲུ་ཙམ་ཡང་མེད་པར་མཛོད། ཧཱུྃ། ཆོས་སྐྱོང་མགོན་པོའི་ལས་མཛོད་ཅིག །ལས་ངན་སྡིག་ཅན་དགྲ་བོ་འདི། །བཀའ་སྲུང་མགོན་པོའི་ལག་ཏུ་གཏད། །དམ་ཉམས་དགྲ་བོ་ལས་ངན་འདི། །ནག་པོ་ཆེན་པོའི་ལག་ཏུ་གཏད། །བསྟན་པ་བཤིག་པའི་དགྲ་བོ་འདི། །ཆོས་སྐྱོང་སྲུང་མའི་ལག་ཏུ་གཏད། །ཉེས་བྱེད་སྡིག་ཅན་དགྲ་བོ་འདི། །ཚོགས་ཀྱི་བདག་པོའི་ལག་ཏུ་གཏད། །དགྲ་བོའི་མིང་གཟུགས་བྲིས་པ་འདི། །དཔལ་ལྡན་ལྷ་མོའི་ལག་ཏུ་གཏད། །ཁྲག་དང་སོལ་རོག་བྲིས་པ་འདི། །དུར་ཁྲོད་བདག་པོའི་ལག་ཏུ་གཏད། །དགྲ་བོའི་མིང་གཟུགས་བྲིས་པ་འདི། །སྲིན་པོའི་གཟུགས་ཅན་ལག་ཏུ་གཏད། །དགྲ་བོའི་མིང་
གཟུགས་བྲིས་པ་འདི། །ལྷ་ཡི་དམག་ཚོགས་ལག་ཏུ་གཏད། །དགྲ་བོའི་མིང་གཟུགས་བྲིས་པ་འདི། །རྣལ་འབྱོར་དགྲ་བླའི་ལག་ཏུ་གཏད། །དགྲ་བོའི་མིང་གཟུགས་བྲིས་པ་འདི། །དུས་མཐའ་སྟོང་བྱེད་ལག་ཏུ་གཏད། །དགྲ་བོའི་མིང་གཟུགས་བྲིས་པ་འདི། །ཤི་བདུད་ནག་པོའི་ལག་ཏུ་གཏད། །དགྲ་བོའི་མིང་གཟུགས་བྲིས་པ་འདི། །ཚེ་ལན་ནག་པོའི་ལག་ཏུ་གཏད། །དགྲ་བོའི་མིང་གཟུགས་བྲིས་པ་འདི། །སྲོག་གཅོད་ནག་པོའི་ལག་ཏུ་གཏད། །དགྲ་བོའི་མིང་གཟུགས་བྲིས་པ་འདི། །དབུགས་ལེན་ནག་པོ་ཁྱོད་ལ་གཏད། །དགྲ་བོའི་མིང་གཟུགས་བྲིས་པ་འདི། །ཤ་ཟ་ནག་པོ་ཁྱོད་ལ་གཏད། །དགྲ་བོའི་མིང་གཟུགས་བྲིས་པ་འདི། །ཁྲག་འཐུང་ནག་པོ་ཁྱོད་ལ་གཏད། །དགྲ་བོའི་མིང་གཟུགས་བྲིས་པ་འདི། །རུས་འཆའ་ནག་པོ་ཁྱོད་ལ་གཏད། །ཨོཾ་ཤྲཱི་མ་ཧཱ་ཀཱ་ལ་དགོངས་སུ་གསོལ། །ཁྱོད་གྱི་མིང་གཟུགས་གང་ཡང་མེད། །ལས་ངན་སྡིག་ཅན་དགྲ་བོ་འདི། །ཕོ་ཉ་ལས་མཁན་ལག་ཏུ་གཏད། །གནོད་བྱེད་དགྲ་བོ་ལས་ངན་འདི། །ཕྱོགས་བཅུ་མགོན་པོའི་ལག་ཏུ་གཏད། །ཉེས་བྱེད་སྡིག་ཅན་དགྲ་བོ་
འདི། །ཕྱོགས་སྐྱོང་བཅུ་ཡི་ལག་ཏུ་གཏད། །རྣལ་འབྱོར་བདག་ལ་སྡང་བའི་དགྲ། །ཕོ་ཉ་ལས་མཁན་ལག་ཏུ་གཏད། །སྡང་བའི་དགྲ་བོ་འདི་དག་རྣམས། །ལས་ཀྱི་གཤིན་རྗེའི་ལག་ཏུ་གཏད། །ལིངྒ་འདི་ལ་བྲིས་པ་རྣམས། །འཆི་བདག་ནག་པོའི་ལག་ཏུ་གཏད། །ཡིད་ལ་དམིགས་པའི་དགྲ་བོ་རྣམས། །འཆི་བདག་ནག་པོའི་ལག་ཏུ་གཏད། །སྔ་དགྲ་ལག་ལ་བརྡར་བ་རྣམས། །འཆི་བདག་ནག་པོའི་ལག་ཏུ་གཏད། །ཕྱི་དགྲ་ཡིད་ལ་བསམ་པ་རྣམས། །འཆི་བདག་ནག་པོའི་ལག་ཏུ་གཏད། །ད་དགྲ་ཐད་དུ་སྣང་བ་རྣམས། །འཆི་བདག་ནག་པོའི་ལག་ཏུ་གཏད། །ཡིད་ལ་དམིགས་པའི་དགྲ་བོ་རྣམས། །འཆི་བདག་ནག་པོའི་ལག་ཏུ་གཏད། །གཏད་པ་ཐམས་ཅད་མ་ཤོར་ཅིག །དགྲ་བགེགས་མ་ལུས་རྡུལ་དུ་རློགས། །བཅོལ་བའི་ཕྲིན་ལས་འགྲུབ་པར་མཛོད། །མ་ཧཱ་ཀཱ་ལ་དགྲ་བོ་མཱ་ར་ཡ་ཧཱུྃ་བྷ་ཡ་ནན། དེ་ནས་གཡག་རུ་རྣམས་དོང་དུ་བཅུག་ལ་མི་མངོན་པར་བྱའོ། །བྲོ་བརྡུང་བྱ་བ་ནི་རྐང་པ་རྡོ་རྗེའི་འགྲོས་ཀྱིས་འདི་སྐད་དོ། །ཧཱུྃ། ང་ནི་རྟ་མགྲིན་རྒྱལ་པོ་ཡི། །ང་ཡིས་མི་འདུལ་གང་ཡང་མེད། །སྟེང་གི་ལྷ་ཡང་ང་ཡིས་འདུལ། །བར་སྣང་ལྷ་སྲིན་ང་ཡིས་
འདུལ། །ང་ཡི་རྐང་གཡས་བྲོ་བརྡུང་པས། །རྣལ་འབྱོར་ཕོ་བདུད་རྡུལ་དུ་རློགས། །ང་ཡི་རྐང་གཡོན་བྲོ་བརྡུང་བས། །རྣལ་འབྱོར་མོ་བདུད་རྡུལ་དུ་རློགས། །གཡས་གཡོན་ཐབས་ཤེས་མཉམ་བྲོ་བརྡུང་། །དགྲ་བོ་ཐམས་ཅད་རྡུལ་དུ་རློགས། །ཧྲཱི༔ རྟ་བྲོ་ཐང་གཅིག་བརྡུང་བ་ཡིས། །དགྲ་བོའི་སྒལ་ཚིགས་གཅོད་པའི་བྲོ། །ཧྲཱི༔ རྟ་བྲོ་ཐང་གཉིས་བརྡུང་བ་ཡིས། །འབྱུང་པོ་ཐལ་བ་རྡུལ་དུ་བརླག །ཧྲཱི༔ རྟ་བྲོ་ཐང་གསུམ་བརྡུང་བ་ཡིས། །བདུད་རྣམས་ཐལ་བར་བརླག་པའི་བྲོ། །ང་ཡི་བདེན་ཚིག་འདི་སྐད་སྒྲོགས། །ཧོ། དཀོན་མཆོག་གསུམ་གྱི་བདེན་པ་དང་། །བདེན་པ་ཆེན་པོ་འདི་ཡི་དམ་སྲི་དང་། །གནོད་བྱེད་ཐམས་ཅད་སུཾ་བྷ་ཡ་ནན། ཨོཾ་ལཾ་ཨ་ལཾ་ཧཱུྃ་ལཾ་སུཾ་ཀཾ་ལཾ་ཏཱཾ་བྷ་ཡ་ནན། །བཅོལ་བའི་ཕྲིན་ལས་འགྲུབ་པར་མཛོད། ནཱ་ག་རཀྵ་དགྲ་བོ་ཨ་མུ་ཀ་ཧཱུྃ་བྷ་ཡ་ནན། ཞེས་མནན་ལ་འབྱུང་བ་རིམ་བཞིས་རྒྱས་གདབ་བོ། །གཡག་རུ་དགྲ་ཆོས་ཀྱི་ཁ་ཚར་ལས་མཐའགབ་པ་མངོན་དུ་ཕྱུང་བ་མནན་པ་ལྡོག་མེད་གཏད་ཁྲོམ་ནག་པོ་ཞེས་བྱ་བ་སྔགས་འཆང་མགོན་ནག་གིས་བསྐུལ་ལྟར། སྔགས་ནག་ཨ་རྭགས་བྲིས་པའོ། །བཀའ་རྒྱ། གྷུ་ཧྱ།