དྲག་པོའི་སྤྱི་བསྐུལ།
ཧཱུྃ༔ ཆོས་སྐྱོང་ཕོ་རྒྱུད་མོ་རྒྱུད་དང་། །སྣང་སྲིད་ལྷ་འདྲེ་ཐམས་ཅད་ལ། །དམ་ཉམས་དགྲ་བོ་བྱད་མ་འདི། །གསོད་ཅིང་བསྒྲལ་བར་བྱ་བའི་ཕྱིར། །མགོ་ལུས་རྒྱན་དང་བཅས་པ་འབུལ། །མི་ནོར་འཁོར་དང་བཅས་པ་འབུལ། །བཅོལ་ལོ་གཏད་དོ་སྟེར་རོ་བཞེས། །འགུགས་བྱེད་ཚོགས་ཀྱིས་སྙིང་ནས་ཟུངས། །འཆིང་བྱེད་ཚོགས་ཀྱིས་ཡན་ལག་ཆིངས། །སྡོམ་བྱེད་ཚོགས་ཀྱིས་སྙིང་ལག་སྡོམས། །མྱོས་བྱེད་ཚོགས་ཀྱིས་དབང་པོ་དཀྲུག །གནོན་བྱེད་ཚོགས་ཀྱིས་དབང་པོ་ནོན། །གཏུབ་བྱེད་ཚོགས་ཀྱིས་ཤ་རུས་གཏུབས། །ཟ་བྱེད་ཚོགས་ཀྱིས་ཤ་ལ་ཟོ། །འཐུང་བྱེད་ཚོགས་ཀྱིས་ཁྲག་ལ་འཐུང་། །འཆའ་བྱེད་ཚོགས་ཀྱིས་རུས་པ་མུར། །རླག་བྱེད་ཚོགས་ཀྱིས་རྗེས་བལ་ཤུལ་ཕྱོགས། །ཡེ་ཤེས་མགོན་པོ་ཆོས་སྲུང་ཚོགས། །སྣང་སྲིད་གདུག་པ་ཅན་རྣམས་ལ། །དམ་ཉམས་དགྲ་བོ་འབྱུང་པོ་འདི། །ཉེས་སྲུང་མི་ནོར་རྩད་ནས་གཏད། །བཅོལ་ལོ་གཏད་དོ་གཉེར་དུ་ལོངས། །རྫུ་འཕྲུལ་མཐུ་དང་བཅས་པ་གཏད། །བཅོལ་ལོ་གཏད་དོ་གཉེར་དུ་ལོངས། །ཕོ་མོ་ཆུ་རྒྱུད་བཅས་པ་གཏད། །བཅོལ་ལོ་གཏད་དོ་གཉེར་དུ་
ལོངས། །ཡུལ་མཁར་སྦྲ་ཞིང་བཅས་པ་གཏད། །བཅོལ་ལོ་གཏད་དོ་གཉེར་དུ་ལོངས། །བཅོལ་བས་མི་བཞེས་མི་སྲིད་དོ། །གཏད་པས་མི་ཐུབ་མི་སྲིད་དོ། །བཟུང་བས་ཤོར་བ་མི་སྲིད་དོ། །མ་ཤོར་མྱུར་དུ་ཁྲམ་ལ་ཐོབ། །དམ་ཉམས་དགྲ་བོ་བྱད་མ་འདི། །མཱ་རི་ཡ་ཟུང་ཟུང་། མཱ་ར་ཡ་ཆིངས་ཆིངས། མཱ་ར་ཡ་ནན་ནན། མཱ་ར་ཡ་གཏུབ་གཏུབ། མཱ་ར་ཡ་དགྲ་བོ་ཐུམ་རི་ལི་ལི་ཛ་ཛཿ སྲོག་རྩ་དམར་པོ་ལ་ཐུམ་རི་ལི་ལི་ཛཿ རྦད་རྦད་བྷྱོ་བྷྱོ་ཟློག་ཟློག །མཱ་ར་ཡ་རྦད་བློ་ཟློག །ཅེས་བྷྱོ་གདབ་ལ། གཟའ་དར་བ་དང་སྤྲད་ལ་དགྲ་ཕྱོགས་སུ་ཕུལ་བའོ། ༧ ཨ་རཱ་གས་བྲིས་སོ། །དམ་མེད་ལ་གསང་རྒྱ། བརྡའ་ཐིམ། རྒྱ་རྒྱ་རྒྱ། རང་གིས་ཕར་ལ་ཟློག་ཚུར་ལ་མི་བཟློག་པའི་སྔགས་ནི། ཨོཾ་བཛྲ་དྷ་ར་ནཾ་གྷ་ཏ། ཡེ་ན་མ་སྭཱ་ཧཱ། ཨ་རྭ་གས་སོ། །སརྦ་མངྒ་ལཾ།། །།