ཉམས་མགུར་སྐོར། ལེ་ཚན་གཉིས།

ན་མོ་རཏྣ་ཏྲ་ཡཱ་ཡ། སློབ་བུ་པདྨ་དྲི་མེད་ཅེས་བྱ་བའི། །དམ་ཆོས་བསྒྲུབ་པའི་འགལ་རྐྱེན་ཀུན་ཞི་ཞིང་། །མཐུན་རྐྱེན་བསམ་པ་ཡིད་བཞིན་འགྲུབ་པར་ཤོག །འཕོས་མ་ཐག་ཏུ་བདེ་ཆེན་ཞིང་ཁམས་སུ། །མེ་ཏོག་པདྨའི་སྦུབ་ལ་བརྫུས་སྐྱེས་ནས། །སྤྱན་རས་གཟིགས་དང་མི་འབྲལ་འགྲོགས་པར་ཤོག །ཅེས་པ་པདྨ་དྲི་མེད་ཀྱིས་བསྐུལ་ནས། ༧ དགེ་སློང་རཱ་ག་ཨ་སྱས་བྱུང་རྒྱལ་དུ་སྨྲས། །དགེའོ། གནས་འགྱུ་རིག་གསུམ་བླ་མ་སྐུ་གསུམ་དུ། །ངོ་ཤེས་ཡེངས་མེད་ངང་ནས་གསོལ་བ་འདེབས། །ཚེ་རིང་ནད་མེད་བསྐྱེད་རྫོགས་བརྟན་པ་ཐོབ། །ཕྱི་མ་བདེ་ཆེན་ཞིང་དུ་སྐྱེ་བར་ཤོག །ཨ་ཡུ་ནཱ་ཐས་བསྐུལ་བ་མ་བརྗེད་ཙམ། །ཉེར་དགུའི་ཉིན་པར་རྩོམ་གྱི་རྫོགས་སོར་བྲིས། །མངྒ་ལཾ།། །།