སྙན་བརྒྱུད་གསལ་བའི་མེ་ལོང་། དམིགས་འབུམ་མ་ཡིག
༼ཧ༽ སྙན་བརྒྱུད་གསལ་བའི་མེ་ལོང་། དམིགས་འབུམ་མ་ཡིག་བཞུགས་པའི་དབུ་ཕྱོགས་ལགས་སོ། །
བླ་མ་ཡི་དམ་མཁའ་འགྲོའི་ཚོགས་ལ་ཕྱག་འཚལ་ལོ། །སྐྱེ་མེད་ཡུམ་ཆེན་ཐུགས་ཀྱི་བཅུད། །རྒྱལ་བ་བསྒྲོད་པའི་མཐར་ཐུག་ལམ། ། མཁའ་འགྲོའི་སྙིང་གཏམ་རྡོ་རྗེའི་ཚིག །སྙན་བརྒྱུད་ཞལ་གདམས་གེགས་སེལ་འདི། །བླ་མ་ལ་གུས་སྙིང་རྗེ་ལྡན། །སྐྱེ་འཆིར་འཇིགས་ཤིང་ཆོས་ལ་མོས། །རི་ཕུག་དུར་ཁྲོད་འགྲིམ་རྣམས་ལ། །སྙིང་གཏམ་བཤད་ཀྱིས་གུས་པས་ཉོན། ༼༡༽ །དང་པོ་གཉན་ཁྲོད་འགྲིམས་པའི་དུས། ། གཤེགས་ཚུལ་བཞི་ཡི་དམིགས་པ་དགོས། ༼༢༽ །གཉན་སར་སླེབས་ནས་ཉམས་ལེན་ནི། །ཆེ་བ་རྣམ་གསུམ་ཤིན་ཏུ་གཅེས། ༼༣༽ །བག་
ཆགས་དྲི་མ་འཁྲུད་པ་ལ། །དེ་ལ་སྡིག་སྦྱངས་ནག་འགྱེད་དགོས། ༼༤༽ །ཚོགས་གཉིས་ཟུང་དུ་འབྲེལ་བ་ལ། །དཀར་ཚོགས་ལམ་ཁྱེར་སྐོར་གསུམ་དགོས། ༼༥༽ །ཕྱོགས་མེད་གཉན་ས་འགྲིམ་པ་ལ། །འབྱོན་ལུགས་བཞི་སྐོར་དམིགས་པ་དགོས། ༼༦༽ །ཀླུ་གནས་དུར་ཁྲོད་བསྒྲོད་པའི་ཚེ། །སུམ་གནོན་བསྐོར་གསུམ་ཤིན་ཏུ་གཅེས། ༼༧༽ །སྔ་མས་སྔ་རུ་མ་ནོན་ན། །དགྲ་ངན་དག་ལ་བྱ་ཤོར་འདྲ། །དེ་ལ་ཟིལ་གནོན་གནད་བདུན་དགོས། ༼༢༽ །བར་མས་བར་དུ་མ་ནོན་ན། །དཔའ་བོའི་ལག་གི་མཚོན་ཤོར་འདྲ། །དེ་ལ་རྡོ་རྗེ་སྦྲུལ་ཞགས་
དགོས། ༩༽ །ཕྱི་མས་ཕྱི་རུ་མ་ནོན་ན། །ནོར་ངན་ཕྱི་རྗེས་ལོག་པ་འདྲ། །དེ་ལ་དམག་དཔོན་ཁྱུང་ནག་དགོས། ༼༡༠༽ །ཁམས་གསུམ་ཟིལ་གྱིས་གནོན་འདོད་ན། ། སྐྱབས་གནས་དམ་པ་སུམ་བརྩེགས་དགོས། ༼༡༡༽ །སྒྱུ་ལུས་གཅེས་འཛིན་ཞིག་ཙམ་ན། །དེ་ལ་མཛེ་ཕོའི་བམ་སྐྱུར་དགོས། ༼༡༢༽ །ཕྱི་ཡི་ས་དགྲ་གཅོད་པ་ལ། །དེ་ལ་འཕེན་ལེན་དམར་འགྱེད་དགོས། ༼༡༣༽ །མཚོ་དཀྱིལ་གངས་ཀྱི་རྩེ་མོ་ལ། །དེ་ལ་གནོད་མེད་ལྕགས་ཀྱུ་དགོས། ༼༡༤༽ །འཁྲུལ་སྣང་སྔོན་ཞེན་གཅོད་པ་ལ། །ཀེང་རུས་ཏི་ཏྲིའི་དམིགས་པ་དགོས། ༡༥༽ །གཉན་ས་གཅིག་ནས་བརྒྱ་རྩ་གཅོད། །སྟོབས་ཆེན་དམར་པོའི་བང་ཆེན་དགོས།༼༡༦༽ །མགྲོན་རྣམས་གཞན་ལ་བྲོས་གྱུར་ན། །དེ་ལ་ཕོ་ཉ་དངུལ་དཀར་བཏང་། ༼༡༧༽ །དེས་ཀྱང་འོང་བར་མ་གྱུར་ན། །དམར་ནག་ལྕགས་ཀྱུའི་དམིགས་པ་དགོས། ༼༡༨༽ །གང་ཞིག་ལུས་སེམས་བག་ཆགས་འཐབ། །ཀུན་རྫོབ་བདེན་པར་འཛིན་པ་ལ། །རྫུན་ཕུག་གཏིབ་པའི་དམིགས་པ་དགོས། ༼༡༩༽ །ཏིང་འཛིན་ཞེན་ནས་མ་སློང་ན། །སློང་བྱེད་དཀར་མོའི་དམིགས་པ་དགོས། ༼༢༠༽ །ཆོ་འཕྲུལ་
ཆེ་ནས་མ་ནོན་ན། །སྙིལ་བྱེད་ཟིལ་ནོན་དམིགས་པ་དགོས། ༼༢༡༽ །ཆོ་འཕྲུལ་ཆེན་ནས་ཚར་ཚད་དཀོན། །དེ་ལ་ཕྱུག་པོའི་ཐིབ་ནོན་དགོས། ༼༢༢༽ ། །ཚར་ཚད་སླེབས་ནས་མགོ་བསྐོར་ན། །འབྱེད་པ་གསེར་གྱི་ལྡེའུ་མིག་དགོས། ༼༢༣༽ །ཚད་པ་གསར་རྙིང་ན་བ་ལ། ་།བཅུ་གཅིག་འཁོར་ལོའི་དམིགས་པ་དགོས། ༼༢༤༽ །གྲང་ཆགས་གསར་རྙིང་གང་ན་ཡང་། །ཐུ་ལུམ་འབར་བའི་དམིགས་པ་དགོས། ༼༢༥༽ །རླུང་གི་ནད་ལ་གང་བྱུང་ཡང་། །ས་འོག་ཕག་ནག་འབུམ་བསྐོར་དགོས། ༼༢༦༽ མགོ་བོ་ན་ཞིང་གས་ལ་ཐུག །དེ་ལ་མཁའ་ལྡིང་ཀླད་ཁྲག་དགོས། ༼༢༧༽ །མིག་ནད་ལིང་ཏོག་ན་བ་ལ། །དེ་ལ་བྱ་ནག་ཕུས་འདེབས་དགོས། ༼༢༨༽ །ཆམ་པ་ཡ་མས་སྣ་འཚུབས་ན། །དེ་ལ་སྦྲུལ་ནག་ཁྲག་འཇིབ་དགོས། ༼༢༩༽ །རྣ་བ་ན་གཟེར་བྱུང་བ་ན། །དེ་ལ་གནམ་ལྕགས་འབར་བ་དགོས། ༼༣༠༽ །ལྕེ་འབྲུམ་ན་དང་སྐྱུག་པ་ལ། །ཤར་མོ་བཅུ་གཅིག་སྦྱར་དྲུག་དགོས། ༼༣༡༽ །སོ་ནད་སྲིན་བུ་ན་བ་ལ། །དེ་ལ་དོ་ཤལ་བརྒྱན་དྲུག་དགོས། ༼༣༢༽ །གག་པ་ཨུས་འགག་ན་བ་ལ། །ལྕགས་སྤྱང་ཁྱུང་སྦྲུལ་
དམིགས་པ་དགོས། ༼༣༣༽ །མིད་འཆུས་མིད་སྐྱུག་ན་བ་ན། །དེ་ལ་ཐུ་ལུམ་སྦྲུལ་མགོ་དགོས། ༼༣༤༽ །གློ་རྣག་རོ་སྟོད་ན་བ་ལ། །འདྲེན་བྱེད་སྟག་མོའི་དམིགས་པ་དགོས། ༼༣༥༽ །མཆིན་པ་ན་འམ་རླུང་སྐྱེས་ན། །དམིགས་པ་ཁྱི་ནག་ཟངས་མཆུ་དགོས། ༼༣༦༽ །ཆུ་སྐྲན་དང་ནི་འདྲེ་སྲིན་ལ། །དམིགས་པ་ཁྱུང་ནག་སེང་ཞོན་དགོས། ༼༣༧༽ །སྙིང་རླུང་ཤེས་པ་དྲན་སྟོང་ལ། །གུར་ཁང་ལྷ་མོའི་རྡོ་རྗེ་དགོས། ༼༣༨༽ །ཕོ་ནད་ཟས་མི་འཇུ་བ་ལ། །ཤ་སྦྲང་རླུང་ཞོན་དམིགས་པ་དགོས། ༼༣༩༽ །གང་ཞིག་མཚེར་པ་ན་བ་ཚུལ། །དམིགས་པ་གནམ་ལྕགས་འཁོར་ལོ་དགོས། ༼༤༠༽ །རྒྱུ་ནད་ཁྲག་བཤལ་བཟོད་མེད་ལ། །དེ་ལ་བྱ་རོག་སྔ་སྡེ་དགོས། ༼༤༡༽ །ལོང་སྲིན་ལོང་དུག་ན་བ་ལ། དམིགས་པ་ལྕགས་སྤྱང་འཁོར་ལོ་དགོས། ༼༤༢༽ །མཁལ་ནད་གྲང་མཁལ་ན་བ་ལ། །དམིགས་པ་ཁྱུང་དམར་གཤོག་རྡེབ་དགོས། ༼༤༣༽ །རྡེལ་དང་རྡེལ་ནད་ན་བ་ལ། ། མི་རྒོད་དཔའ་བོ་སྤུན་གཉིས་དགོས། ༼༤༤༽ །རྩ་ཆུ་འགགས་པའི་ནད་བྱུང་ན། །བྱ་ཁྱུང་རིགས་ལྔའི་སྐུ་མཁར་དགོས། ༼༤༥༽ །བསེན་མོས་ཐིག་ལེ་འཕྲོག་པ་ལ། །དམིགས་
པ་ཐེའུ་རང་ཁ་ཆིངས་དགོས། ༼༤༦༽ །གཞང་འབྲུམ་གཉའ་མ་ཟ་བ་ལ། །དུར་བྱ་ལྕགས་མཆུའི་དམིགས་པ་དགོས། ༼༤༧༽ །རྐང་ལག་ལྷུ་ཚིགས་ན་བ་ལ། ། །དམིགས་པ་སྦྲུལ་ཆིངས་ནག་པོ་དགོས། ༼༤༨༽ །རུས་རྐང་དམར་པོ་ཁོལ་བ་ལ། །ཁྱུང་དམར་སྤྲུལ་གྱི་རྟ་ལ་ཞོན། ༼༤༩༽ །མོ་ནད་དམིགས་པ་བྱེད་འདོད་ན། །མཛེས་མ་མདའ་གཞུའི་དམིགས་པ་དགོས། ༼༥༠༽ །གཞུང་པར་ཆུ་སེར་ཞུགས་པ་ལ། །དམིགས་པ་ཉི་མ་འབུམ་བསྐོར་དགོས། ༼༥༡༽ །སྲོག་རླུང་གྱེན་དུ་ལོག་པ་ལ། །དྲེད་མོང་ལག་རིང་དམིགས་པ་དགོས། (༥༢༽ །མཁྲིས་ནད་མཁྲིས་པ་མིག་སེར་ལ། །མི་ནག་མགོ་འབུམ་དམིགས་པ་དགོས། ༼༥༢༽ །གང་ཞིག་བད་ཀན་ན་བ་ལ། །ཨཱཿདཀར་འོད་ལྡན་དམིགས་པ་དགོས། ༼༥༤༽ །མཛེ་དང་ཕོལ་མིག་ན་བ་ལ། །སྦྲུལ་ནག་དུག་སྦྱོར་དམིགས་པ་དགོས། ༼༥༥༽ །མཛེ་ཕོའི་ཕྱི་རྗེས་གཅོད་པ་ལ། །དམར་ནག་ཁྱུང་གི་ཡང་ཞུན་དགོས་༼༥༦༽ །རྨ་ཤུ་རྨ་རོ་བམ་ནད་ལ། །རྡོལ་བ་ནག་པོའི་དམིགས་པ་དགོས། ༼༥༧༽ །རྒྱལ་འགོང་ནད་ཀྱིས་ཟིན་པ་ལ། །དཔའ་བོ་སྟག་གི་དམ་སྤྲུག་དགོས། །
༼༥༨༽ །དམུ་བདུད་བཙན་གྱིས་ཟིན་པ་ལ། །འབྲོང་ཆེན་མེ་དབལ་དམིགས་པ་དགོས། ༼༥༩༽ །ས་བདག་གཉན་གྱིས་ཟིན་པ་ལ། །གླང་དམར་སྦལ་ཆིངས་དམིགས་པ་དགོས། ༼༦༠༽ །དྲང་སྲོང་ནད་ཀྱིས་ཟིན་པ་ལ། །གཟའ་བདུད་ནག་པོའི་ཐིབ་ནོན་དགོས། ༼༦༡༽ །གློ་བུར་ལྷོག་རྒོད་ན་བ་ལ། །དྲག་པོ་ལྕགས་ཀྱི་རྡོ་རྗེ་དགོས། ༼༦༢༽ །འབྲུམ་བུའི་ནད་རྣམས་ཐམས་ཅད་ལ། །སྨྱོན་པ་ཁ་ཡན་དམིགས་པ་དགོས། ༼༦༣༽ །མི་འགོར་སྒོ་འདན་ལྟ་བུ་ལ། །མི་ལྡོག་གཟེར་དགུའི་དམིགས་པ་དགོས། ༼༦༤༽ །མཐའ་གཏད་གཉན་སའི་དམིགས་པ་ནི། །མེ་རླུང་གོ་ལྡོག་ཆེན་མོ་དགོས། ༼༦༥༽ །བྲག་དམར་སློང་བའི་དམིགས་པ་ནི། །དམིགས་པ་སྟོབས་ལྡན་གྲ་བཞི་དགོས། ༼༦༦༽ །རི་བོ་ཆེན་པོ་མ་སློང་ན། །དམིགས་པ་སེངྒེ་འགྱིང་བ་དགོས། ༼༦༧༽ །མཚོ་མོ་མ་བསླང་མཐའ་གཏད་ནི། །དམིགས་པ་ཁྱུང་ཆེན་གཤོག་རྒྱ་ཡོད། ༼༦༨༽ །ཤིང་གཅིག་གཉན་པོ་མ་སློང་ན། །དམིགས་པ་རྒྱ་སྟ་ངར་མ་དགོས། ༼༦༩༽ །ཤིང་ནག་འཐུག་པོ་མ་སློང་ན། །དེ་ལ་རལ་གྲི་འབུམ་བསྐོར་དགོས། ༼༧༽ །ཆུ་མིག་མ་བསླང་མཐའ་གཏད་ན། །ཆུ་
འབྱུང་ལྷ་མོའི་དམིགས་པ་དགོས། ༼༧༡༽ །ས་ཕུག་བྲག་ཕུག་མ་སློང་ན། །དམིགས་པ་ཨ་ཐུང་དམར་པོ་དགོས། ༼༧༢༽ །ལམ་སྲང་གོང་བུ་མ་སློང་ན། །མ་ཧཱ་བཛྲ་དམིགས་པ་དགོས། ༼༧༣༽ །མདོ་གསུམ་ཐང་ཆེན་མ་སློང་ན། །སྟོབས་ལྡན་ཁྲོ་བོའི་དམིགས་པ་དགོས། ༼༧༽ །དུར་ཁྲོད་ཆེན་པོ་མ་སློང་ན། །གནམ་ལྕགས་གཟེར་བུའི་དམིགས་པ་དགོས། ༼༧༽ །སྟེང་གདོན་དྲག་པོ་མ་སློང་ན། །སྲོག་བྱེད་དམར་པོའི་དམིགས་པ་དགོས། ༼༧༦༽ །འོག་གདོན་མ་བསླང་དམིགས་པ་ནི། །ཀླུ་སྦྲུལ་ཐག་ནག་དམིགས་པ་དགོས། ༼༧༧༽ །བདུད་དང་གཤིན་རྗེའི་ཟིན་གྱུར་ན། །དྲག་པོ་མགོ་ཟླུམ་དམིགས་པ་དགོས། ༼༧༨༽ །གཅོད་ལོག་སྣ་ཁྲག་འོང་བ་ན། །གར་མཁན་ཆེན་པོའི་དམིགས་པ་དགོས། ༼༧༩༽ །གཉན་སར་ཕོ་ལྡོག་བྱུང་གྱུར་ན། །ཁྲུས་ཆུས་བྲན་ལ་ངར་འདོན་དགོས། ༼༢༠༽ །ཆུ་ཐོར་འབྲུམ་བུ་བྱུང་གྱུར་ན། །ཀླུ་ཚང་ངག་གཅོད་དམིགས་པ་དགོས། ༼༨༡༽ །གློ་བུར་གཟེར་ནད་བྱུང་བ་ལ། །བླ་རྡོ་ནག་པོའི་ལག་ལེན་དགོས། ༼༨༢༽ །སྐྲན་དང་དམུ་ཆུ་ན་བ་ལ། །སྲེག་བྱེད་ཆུ་འབྱུང་དམིགས་པ་དགོས། །
༼༨༣༽ །གློ་བུར་མེ་དབལ་བྱུང་བ་ན། །བསིལ་བྱེད་དཀར་མོའི་དམིགས་པ་དགོས། ༼༨༤༽ །གློ་བུར་གྲང་རྡུལ་བྱུང་བ་ལ། །སྟག་ཆུང་འོད་འཕྲོའི་དམིགས་པ་དགོས། ༼༨༥༽ ། ཁོལ་བུའི་ནད་དང་སྲང་འབུར་ལ། །འབྲུ་གསུམ་ཕོ་ཉའི་དམིགས་པ་དགོས། ། ༼༨༦༽ །སྐྱུགས་རྗེས་མ་ཆོད་དམིགས་པ་ནི། །འདབ་ཆགས་ཁྲག་འཐུང་དམིགས་པ་དགོས། །༼༨༧༽ །བཤལ་རྗེས་མ་ཆོད་དམིགས་པ་ནི། །བཙན་ཞགས་དམར་པོའི་དམིགས་པ་དགོས། ༼༨༨༽ །གདོན་ཆེན་བྱིན་རླབས་དགོས་བྱུང་ན། །བསྲེ་བ་ལྔ་བསྒྲིལ་དམིགས་པ་དགོས། ༼༨༩༽ །རྒྱལ་པོའི་མགོ་བསྐོར་བྱུང་བ་ན། །གཉིས་མེད་ཆོས་ཀྱི་ཏིང་འཛིན་དགོས། ༼༩༠༽ །ས་བདག་མགོ་བསྐོར་བྱུང་སྲིད་ན། །ཐིབ་ནོན་དམར་པོའི་དམིགས་པ་དགོས། ༼༡༽ །བཙན་གྱིས་མོག་བསྐོར་བྱུང་སྲིད་ན། །དཔའ་བོ་གློག་འགྱུའི་དམིགས་པ་དགོས། ༼༩༢༽ །མཛེ་ལོག་ཤི་ལ་ཐུག་པ་ལ། །ལུས་རྟེན་དགུ་བསྐོར་ཟ་བྱེད་༼༩༣༽ །གཟའ་ལོག་འབྲས་ལོག་ནད་པ་ཡང་། །འཇོམས་བྱེད་ལྕགས་མཆུའི་དམིགས་པ་དགོས། ༼༩༤༽ །རིམས་ནད་ལ་སོགས་འགོས་ནད་ལ། །འདུ་ཏི་ལས་སྦྱོར་
དམིགས་པ་དགོས། ༼༩༽ །གལ་ཏེ་ལྷ་འདྲེའི་རྗེས་བསྙེགས་ན། །དེ་ལ་རིག་པའི་མདུང་བསྐོར་དགོས། ༼༦༽ །ཁྱི་དང་གཅན་གཟན་དངོས་བྱུང་ན། །སྙིང་རྗེའི་གཏན་འབེབས་དམིགས་པ་དགོས། ༼༧༽ །གལ་ཏེ་མི་གཅོད་བྱེད་འདོད་ན། །སུམ་སྒྲིལ་གཅིག་ཆོད་དམིགས་པ་དགོས། ༩༨༽ །མི་རོ་དག་ལ་གཅོད་པའི་དུས། །འཕྲུལ་གཅོད་སྤུ་གྲིའི་དམིགས་པ་དགོས། ༼༩༩༽ །གལ་ཏེ་ཆུ་བོའི་ཁུར་བ་ལ། །སྟོབས་ཆེན་སྦྱོར་བའི་དམིགས་པ་དགོས། ༼༡༠༠༽ །གལ་ཏེ་མེ་གཅོད་བྱེད་འདོད་ན། ། གཉིས་མེད་སྙོམ་པའི་དམིགས་པ་དགོས། ༼༡༠༡༽ །གཡང་ལ་ལྷུང་བ་རྦབ་ཤོར་ན། །འཇམ་གཅོད་རིག་པའི་མཁའ་ལྡིང་དགོས། ༼༡༠༢༽ །གནམ་ལྕགས་ཐོག་གིས་འཇིག་དོགས་ན། །དམིགས་པ་ཕ་ལམ་སྟོབས་ལྡན་དགོས། ༼༡༠༣༽ །ཐོག་སེར་སྦྲག་མའི་དམིགས་པ་ནི། །དམིགས་པ་ཉི་ཟླ་ཁ་སྦྱོར་དགོས། ༧ ༼ཀ༽ ༼༡༽ །རྣལ་འབྱོར་རི་ཁྲོད་འགྲིམ་པ་ལ། །སེམས་ཅན་ཆོམ་རྐུན་ཏིང་འཛིན་འཕྲོག །བསྟན་དགྲ་སེར་མོ་ཡོངས་ལ་འཚེ། །དེ་ལ་ནག་སྦྱོར་རྟོག་མེད་དགོས། །དགྲ་བོ་གློ་བུར་བྱུང་བ་ན། །དེ་ལ་གཉེན་པོ་
ཨར་གཏད་དགོས། ༼༢༽ །དགྲ་ཁྱིམ་ཐན་གྱིས་འགེང་འདོད་ན། །སྡེ་བཞི་དབང་སྡུད་དམར་པོ་དགོས། ༣༽ །དགྲ་བོ་ཀླུ་ལ་གཏད་འདོད་ན། །འདྲིལ་བ་ནག་པོ་ཁ་སྦྱོར་དགོས། ༼༤༽ །དགྲ་ཡུལ་ཐོག་གིས་བཤིག་འདོད་ན། །དམར་ནག་སྤུན་དགུའི་ཨར་གཏད་དགོས། ༢༽ །དགྲ་ལ་སྨྱོ་འབོག་བཏང་འདོད་ན། །གཟའ་རྒོད་སྤུན་དགུའི་ལོ་ཉ་དགོས། ༼༦༽ །དགྲ་བོ་ཞ་རིང་བཏང་འདོད་ན། །སྦྲུལ་ནག་མེ་འབར་དམིགས་པ་དགོས། ༼༧༽ །དགྲ་ཞིང་སེར་བས་བརླག་འདོད་ན། །དྲག་པོའི་སྡེ་བརྒྱད་སྒོ་ནོན་དགོས། ༼༢༽ །དགྲ་ལ་སེར་རྒོད་བཏང་འདོད་ན། །དྲག་པོའི་སྙིང་གཟེར་དམིགས་པ་དགོས། ༩༽ །དགྲ་བོ་འོན་ལོང་ལྐུགས་འདོད་ན། །རྒྱ་མཚོ་གཏིང་ལྡོག་དམིགས་པ་དགོས། ༼༡༠༽ །དགྲ་བོ་ཕ་ཚན་ཕྱེ་འདོད་ན། །ཁྱུང་སྤྲུལ་ཁ་ཐམ་དམིགས་པ་དགོས། ༡༡༽ །དགྲ་བོའི་རིགས་རྒྱུད་གཅོད་འདོད་ན། །ཉི་ཟླ་ཁ་འཐམ་དྲག་པོ་དགོས། ༼༡༢༽ །བྱད་མ་ནང་འདྲས་བྱུང་བ་ན། །སྙིང་རྗེའི་སྔགས་ནག་ཨར་གཏད་དགོས། ༼༡༣༽ །བྱད་གཅོད་ཐོག་ཏུ་འགེལ་བ་ལ། །གཤིན་རྗེའི་འཕྲུལ་འཁོར་དམིགས་པ་དགོས།
༼༡༤༽ བྱད་མ་ནག་པོ་གསོད་འདོད་ན། །རི་བོ་གཏིང་ལྡོག་དམིགས་པ་དགོས། ༼༡༥༽ །བྱད་མའི་བདུན་རྒྱུད་གཅོད་འདོད་ན། །རྒྱ་མཚོ་འདབས་པའི་དམིགས་པ་དགོས། །རྒྱུད་རྡོ་རྗེའི་ཚིག་རྐང་འདི། །མཁའ་འགྲོ་རྣམས་ཀྱི་སྙིང་གཏམ་ཡིན། །རྒྱུ་ལུས་གེགས་སེལ་ཆེན་མོ་ཡིན། །གང་ཐོས་རྡོ་རྗེའི་ཕ་ལམ་ཡིན། །སུས་བསྟན་སྤུ་གྲི་ངར་མ་ཡིན། །ཐོ་ཅོ་ཅན་ལ་ཅི་ཆ་མེད། །ཀྱེ་མ་དུས་ངན་སྙིགས་མ་འདི། །གཉུག་མ་འོད་གསལ་མི་ཤེས་པའི། །ང་རྒྱལ་ཆེ་བའི་སྒོམ་ཆེན་དང་། །གནད་ཀྱི་གྲོལ་ལུགས་མི་ཤེས་པས། །སངས་རྒྱས་སྒྲུབ་པའི་ཁས་ལེན་དང་། །འཁྲུལ་པ་རང་སར་མ་ཆོད་པས། །གཅོད་མཁན་ཡིན་ཟེར་ཁས་ལེན་གསུམ། །ས་འོག་འཆི་བདག་དག་དང་མཚུངས། །ཡར་ལ་འཐེན་ཀྱང་ཕྱིར་ལ་འཕེན། །སྙིང་རྗེ་ཆེ་ཡང་བྱེད་ཐབས་མེད། །རང་དོན་སྨིན་ཅིང་གཞན་དོན་སྒྲུབ། །རི་ཁྲོད་འགྲིམ་པའི་རྣལ་འབྱོར་པས། །ཚེ་འདིར་འདུན་པ་རྒྱབ་ཏུ་སྐྱུར། །ཕྱི་མ་དང་ལེན་གཉན་ཁྲོད་འགྲིམ། །བྱང་ཆུབ་སེམས་དཔའི་རིགས་དེ་ལ། །མན་ངག་འདི་ནི་དྲིལ་ནས་བྱིན། །ཆོས་ལ་བསྟོད་ཅིང་སློབ་དཔོན་སྨད། །ཡིག་ནག་བཟུང་ནས་ཉམས་
ལེན་མེད། །དུག་ལྔ་རང་གར་སྤྱད་ནས་ཀྱང་། །ཆོས་མཁན་ཡིན་ཟེར་སྟོང་སྡེར་བྱེད། །དེ་ལ་མན་ངག་འདི་བྱིན་ན། །ཤན་པ་སྲིན་པོ་དག་དང་མཚུངས། །མཁའ་འགྲོ་རྣམས་ཀྱིས་ཆད་པ་ཆོད། །དེ་ལ་ཤིན་ཏུ་གསང་བར་གྱིས། །ཐོ་ཅོ་ཅན་གྱིས་མཐོང་མི་རུང་། །ས་མ་ཡ། རྒྱ་རྒྱ་རྒྱུ། ཞེས་ཁྱུང་དམར་གཤོག་རྡེབ་སོགས་མཐའ་གཏད་དང་ཨར་གཏད་དྲག་པོའི་རིགས་ལ་སྦྱིན་གཏོང་མི་བྱེད་མན་ངག་གོ །གཅོད་ཀྱི་ནང་ནས་ཡང་གཅོད་འདི། །གསང་གཅོད་ནང་ནས་སྙན་བརྒྱུད་ཡིན། །བླ་མ་མཆོག་ལས་རྣམ་རྒྱལ་གྱིས། །བདག་རྒྱུད་འཛིན་མའི་དགོངས་ནས་ནི། །ཐུགས་ཀྱི་ཙིཏྟའི་མཆོག་འདི་ནི། །སྙིང་དུ་སྦོས་ཤིག་ས་མ་ཡ། །སྙན་བརྒྱུད་དྲི་མེད་ས་བཅད་རྫོགས། །ཡུམ་ཆེན་མོ་ཤེས་རབ་ཀྱི་ཕ་རོལ་ཏུ་ཕྱིན་མ། ཡང་དག་རྫོགས་པའི་སངས་རྒྱས། འཇམ་དཔལ་སྨྲ་བའི་སེངྒེ། ཨཱརྱ་དེ་ཝ། ཕ་དམ་སངས་རྒྱས། སྐྱོ་སྟོན་བསོད་ནམས་བླ་མ། མ་ལབ་སྒྲོན། སྲས་ཁུ་སྒོམ་ཆོས་སེང་། རྗེ་སྐྱེ་མེད་ཆེན་པོ། རྒྱ་ནག་གཅེར་བུ། སངས་རྒྱས་རབ་སྟོན། ཁུ་སྒོམ་ཆེན་པོ། ཐམས་ཅད་མཁྱེན་པ། བླ་མ་སུམ་པ་ཆེན་པོ། རྒྱལ་བ་བཙན་འཕྲང་བ། སྤྲུལ་
སྐུ་སེམས་དཔའ་རྣམ་གཉིས་། མཚན་ལྡན་བྱང་ཆུབ་རྒྱལ་མཚན། མཁས་གྲུབ་སུརྱ་སེང་ཧ། ཆོས་རྗེ་དཔལ་ལྡན། དེས་བདག་ལའོ། །སརྦ་མངྒ་ལཾ། །། །༈ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས། །