གཅོད་ཀྱི་ལས་མཐའ་ནག་སྦྱོར་དམིགས་པ་བཅོ་ལྔའི་ལས་བྱང་། བསྐུལ་པ་བླ་མའི་ཕྱག་ལེན་ཞལ་ཤེས་རྣལ་འབྱོར་མཚོན་ཆ་དགྲ་བོ་སྲོག་གི་སྤུ་གྲི་ངར་མ་ཞེས་བྱ་བ་བཀའ་རྒྱ་ཅན།
གཅོད་ཀྱི་ལས་མཐའ་ནག་སྦྱོར་དམིགས་པ་བཅོ་ལྔའི་ལས་བྱང་། བསྐུལ་པ་བླ་མའི་ཕྱག་ལེན་ཞལ་ཤེས་རྣལ་འབྱོར་མཚོན་ཆ་དགྲ་བོ་སྲོག་གི་སྤུ་གྲི་ངར་མ་ཞེས་བྱ་བ་བཀའ་རྒྱ་ཅན་བཞུགས་སོ། ། ཧཱུྃཿ ང་ནི་ཁྲོས་མ་ནག་མོའི་སྐུ། །ང་ནི་སྐྱེ་མེད་དབྱིངས་ཀྱི་ཡུམ། །ང་ནི་འགགས་མེད་ལབ་ཀྱི་སྒྲོན། །འཇིག་རྟེན་འདི་ན་སུ་ཡང་རུང་། །འཇིག་རྟེན་དྲེགས་པའི་ཚོགས་རྣམས་ཀུན། །བཀའ་ལས་མ་འདའ་དམ་ལ་འདུས། །དེ་རིང་དགྲ་ལ་དམག་གཅིག་འདྲེན། །དམག་སྣ་དགྲ་ལ་དྲང་དུ་གསོལ། །དེ་རིང་དགྲ་ལ་ཇག་ཅིག་འགྱེད། །ཇག་སྣ་དགྲ་ལ་དྲང་དུ་གསོལ། །དེ་རིང་དགྲ་ལ་ཟོར་ཞིག་འཕེན། །ཟོར་སྣ་དགྲ་ལ་བསྟན་དུ་གསོལ། །དུར་ཁྲོད་སོ་ས་གླིང་གི་དཀྱིལ་འཁོར་ནས། །ཐུགས་རྗེ་ཁྲོས་མའི་ལྷ་ཚོགས་དགྲ་ལ་བྷྱོ། །ནུབ་ཕྱོགས་པདྨ་དབང་གི་དཀྱིལ་འཁོར་ནས། །དཔལ་ཆེན་ཁྲོ་རྒྱལ་རྟ་མགྲིན་དགྲ་ལ་བྷྱོ། །བྱང་ཕྱོགས་ལྕང་ལོ་ཅན་གྱི་གནས་མཆོག་ནས། །དཔལ་ཆེན་ཕྱག་ན་རྡོ་རྗེ་དགྲ་ལ་བྷྱོ། །ཞེ་སྡང་མེ་དཔུང་འབར་བའི་དཀྱིལ་འཁོར་ནས། །རྡོ་རྗེ་མཁའ་འགྲོའི་དམག་ཚོགས་དགྲ་ལ་བྷྱོ། །ང་རྒྱལ་ཤིང་ལྟར་རྒྱས་པའི་དཀྱིལ་འཁོར་ནས། །རིན་
ཆེན་མཁའ་འགྲོའི་དམག་ཚོགས་དགྲ་ལ་བྷྱོ། །འདོད་ཆགས་ཆུ་ལྟར་འཁྲུགས་པའི་དཀྱིལ་འཁོར་ནས། །པདྨ་མཁའ་འགྲོའི་དམག་ཚོགས་དགྲ་ལ་བྷྱོ། །ཕྲག་དོག་རླུང་ལྟར་འཚུབ་པའི་དཀྱིལ་འཁོར་ནས། །ལས་ཀྱི་མཁའ་འགྲོའི་དམག་ཚོགས་དགྲ་ལ་བྷྱོ། །ཉོན་མོངས་མུན་ལྟར་འཐིབས་པའི་དཀྱིལ་འཁོར་ནས། །གནས་པོ་ལྷ་སྲིན་སྡེ་བརྒྱད་དགྲ་ལ་བྷྱོ། །དྲང་སྲོང་ལྷ་ཡི་རྨོད་པ་དགྲ་ལ་བྷྱོ། །འཆི་བདག་གཤིན་རྗེའི་ཁྲམ་ཁ་དགྲ་ལ་བྷྱོ། །ནག་པོ་བདུད་ཀྱི་དམག་ཚོགས་དགྲ་ལ་བྷྱོ། །དམར་པོ་བཙན་གྱི་ཇག་པ་དགྲ་ལ་བྷྱོ། །སྣང་སྲིད་མ་མོའི་ཁྲག་ཟོར་དགྲ་ལ་བྷོ། །གཏོར་ཁ་གནོད་སྦྱིན་ཟ་ཁ་དགྲ་ལ་བྷྱོ། །ས་བདག་ཀླུ་ཡི་གཏད་ཁྲམ་དགྲ་ལ་བྷྱོ། །བར་སྣང་གཟའ་ཡི་གདུག་གཟེར་དགྲ་ལ་བྷྱོ། །འགོང་པོ་ཐེའུ་རང་གོད་ཁ་དགྲ་ལ་བྷྱོ། །ཡུལ་འདྲེ་བསེ་རག་སྲི་རྐུན་དགྲ་ལ་བྷྱོ། །གཉན་ས་འདི་ཡི་ཆོ་འཕྲུལ་དགྲ་ལ་བྷྱོ། །སེམས་ཀྱི་ཐག་ཆོད་རྣལ་འབྱོར་བདག་འདྲ་ཡིས། །འཕགས་པ་མཆོད་ཅིང་སེམས་ཅན་འདྲེན་པའི་ཕྱིར། །ཆོས་ཀྱི་སྒོར་ཞུགས་དཀོན་མཆོག་གསུམ་ལ་བརྟེན། །ཉན་ཐོས་སྒོར་ཞུགས་འདུལ་ཁྲིམས་ཟབ་མོ་བསྲུང་། །
བྱང་སེམས་སྒོར་ཞུགས་སྙིང་རྗེ་ཕྱོགས་མེད་བསྐྱེད། །གསང་སྔགས་སྒོར་ཞུགས་དམ་ཚིག་མིག་ལྟར་བལྟ། །ཡུམ་གྱི་སྒོར་ཞུགས་ཏིང་འཛིན་ཟབ་མོ་བསྒོམ། །གཉན་ཁྲོད་འགྲིམ་ཞིང་བྲག་ཕུག་ཞྭ་ལྟར་གྱོན། །ལུས་སྲོག་འབེན་བཙུགས་ཤ་ཁྲག་གཟན་དུ་བོར། །ཞི་གནས་ལྷག་མཐོང་བསྒོམ་ཞིང་འབྲེལ་བའི་ཚེ། །མཐའ་བྲལ་དབུ་མ་རྟོགས་རྒྱུ་ཡིན་པ་ལ། །གཟུགས་ཅན་དགྲ་འདིས་བསྒོམ་དུ་མ་སྟེར་ཞིང་། །གཟུགས་མེད་བགེགས་ཀྱིས་བསྒྲུབ་ཏུ་མ་སྟེར་བས། །འདི་ལ་ཀུན་མཁྱེན་མགོན་པོས་དཔང་མཛོད་ལ། །ཚད་མེད་ཐུགས་རྗེ་བསྐྱེད་པ་དོན་མ་ཆུང་། །རྩེ་གཅིག་ཉམས་མྱོང་སྐྱོང་བ་དོན་མ་ཆུང་། །གཉན་ས་རི་ཁྲོད་འགྲིམ་པ་དོན་མ་ཆུང་། །ལྷ་འདྲེ་མ་རུ་སྒོམ་པ་དོན་མ་ཆུང་། །ཡེ་ཤེས་དབྱིངས་ཀྱི་མཁའ་འགྲོ་མན་ཆད་དང་། །གནས་པོ་ལྷ་སྲིན་སྡེ་བརྒྱད་ཡན་ཆད་རྣམས། །སེང་གེ་ཚངས་པའི་ཤ་ལ་རོལ་པ་བཞིན། །དམ་ཉམས་དགྲ་བོའི་ཤ་ལ་ད་རོལ་ཅིག །སྐྱ་ཁྲ་དར་མ་གཟན་ལ་འཇུམ་པ་བཞིན། །དམ་ཉམས་དགྲ་བོའི་ཁྲག་ལ་ད་འཐུངས་ཤིག །སྒང་གསུམ་ལྕུག་ཕྲན་རླུང་གིས་བསྐྱོད་པ་བཞིན། །སྤྲུལ་པ་
འཁོར་གྱི་ཚོགས་རྣམས་ད་ཆོས་ཤིག །བར་སྣང་གློག་དམར་འབྲུག་གིས་བསྐུལ་པ་བཞིན། །རྫུ་འཕྲུལ་རྩལ་དང་བཅས་ཏེ་ད་རྒྱུག་ཅིག །ཧཱུྃ། བསྟན་སྲུང་རྒྱལ་ཆེན་རྣམ་ཐོས་སྲས། །ཕྱག་ན་ལྕགས་ཀྱི་མཆོད་རྟེན་བསྣམས། །མཆོད་རྟེན་ནང་ནས་དམག་ཚོགས་སྤྲུལ། །སྡང་བའི་དགྲ་ལ་དམག་སྣ་དྲོངས། །སྤྱང་ཞོན་ལྷ་མོ་མཆེད་གསུམ་དང་། །ཟངས་རི་བཙན་རྒོད་མདུང་དམར་ཅན། །སྲོག་གི་ཤན་པ་མཆེད་གཉིས་ཀྱིས། །དགྲ་ལ་དམག་སྣ་དྲང་དུ་གསོལ། །དགྲ་མཁར་ཐོག་གིས་ད་ཤིག་ཅིག །དགྲ་ཡུལ་སེར་བས་ད་ཕུང་ཞིག །དགྲ་ཁྱིམ་ཐན་གྱིས་ད་ཁེངས་ཤིག །དགྲ་བོ་ཕ་ཚན་ད་ཕྱེས་ཤིག །དགྲ་ལ་གཟེར་རྒོད་ད་ཐོངས་ཤིག །སྙིང་གི་སྒོ་ང་ད་ཆོགས་ཤིག །སེམས་ཀྱི་མར་མེ་ད་སོད་ཅིག །ལེ་ལན་དགྲ་ལ་ད་སོད་ཅིག །གཡུལ་ངོ་དགྲ་ལ་ད་ཚུགས་ཤིག །འོ་དོད་ལྷང་ལྷང་ད་བོས་ཤིག །རྣལ་འབྱོར་མིང་ནས་ད་ཐོན་ཅིག །བཅོལ་བའི་ཕྲིན་ལས་འགྲུབ་པར་མཛོད། །རང་ཉིད་ཁྲོས་མ་ནག་མོར་བསྒོམས་ལ། །ཀེང་རུས་ཁྲག་ཁྲོལ་བརྩེགས་པའི་ཁྲི་སྟེང་ནས། །ལྷ་ཆེན་ལས་ལ་འགྱེད་པའི་མཁའ་འགྲོ་འབུམ། །སྐུ་སྟོད་ཞིང་ཆེན་
གཡང་གཞི་ལ། །སྐུ་སྨད་སྟག་གི་ཤམ་ཐབས་ཅན། །དུར་ཁྲོད་ཆས་བརྒྱད་སྐུ་ལ་གསོལ། །དབུ་ལ་ཐོར་ཚུགས་ལྡེམས་སེ་ལྡེམ། །ཕྱག་གཡས་མི་ལྤགས་གཡང་གཞི་རྡེབ། །མི་ལྤགས་གཡང་གཞི་རྡེབ་ཙ་ན། །སྣང་སྲིད་ལྷ་འདྲེ་ལས་ལ་འདུས། །གཡོན་པས་དངུལ་དཀར་དྲིལ་བུ་དཀྲོལ། །དངུལ་དཀར་དྲིལ་བུ་དཀྲོལ་ཙ་ན། །མ་སྲིང་མཁའ་འགྲོ་དམ་ལ་འདུས། །ཐོད་པ་སྐམ་རློན་བརྩེགས་པའི་ཁྲི་སྟེང་ནས། །ཁྲག་ནད་རྒྱུ་གཟེར་གཏོང་བའི་མཁའ་འགྲོ་འབུམ། །དུར་ཁྲོད་བརྒྱད་ཀྱི་ཆས་སུ་ཞུགས། །སྐུ་སྟོད་རུས་རྒྱན་ཁྲ་ལ་ལ། །སྐུ་སྨད་ཅོད་པན་པུ་རུ་རུ། །ཕྱག་གཡས་རྒྱུ་ཞགས་འདོམ་དགུ་བསྣམས། །རྒྱུ་ཞགས་འདོམ་དགུ་བསྣམས་ཙ་ན། །ཀླུ་གདོན་ཕོ་མོ་ལས་ལ་འདུས། །གཡོན་པས་མི་རྐང་གླིང་བུ་འབུད། །མི་རྐང་གླིང་བུ་བུས་ཙ་ན། །ལྷ་སྲིན་སྡེ་བརྒྱད་ལས་ལ་འདུ། །མི་ལྤགས་གཡང་གཞི་བསྣོལ་བའི་ཁྲི་སྟེང་ནས། །སྣང་སྲིད་དབང་དུ་བསྡུ་བའི་མཁའ་འགྲོ་འབུམ། །གཡུ་ཡི་ཕྲ་མེན་སི་ལི་ལི། །གསེར་གྱི་ཨ་ལོང་ཝངས་སེ་ཝང་། །གཡས་ན་གསེར་གྱི་ཀླུ་རུ་ཁྲ་ལ་ལ། །གསེར་གྱི་ཌཱ་རུ་ཁྲོལ་ཙ་ན། །
དྲེགས་པ་ཕོ་རྒྱུད་ལས་ལ་འདུས། །གཡོན་པས་དངུལ་དཀར་དྲིལ་བུ་འཁྲོལ། །དངུལ་དཀར་དྲིལ་བུ་དཀྲོལ་ཙ་ན། །དྲེགས་པ་མོ་རྒྱུད་ལས་ལ་འདུས། །མི་རོ་བམ་ཆེན་བསྣོལ་བའི་ཁྲི་སྟེང་ནས། །སྡེ་བརྒྱད་ལས་ལ་འགྱེད་པའི་མཁའ་འགྲོ་འབུམ། །ཁྲོ་མོའི་ཆ་ལུགས་མཆེ་བ་གཙིགས། །སྐུ་སྟོད་དར་ནག་འཇོ་བེར་གསོལ། །སྐུ་སྨད་སྟག་གི་ཤམ་ཐབས་ཅན། །ཕྱག་གཡས་བྷན་ལྟག་སྤྱོད་བསྣམས། །བྷནྡ་ལྟག་སྤྲོད་བསྣམས་ཙ་ན། །རེ་སྡེ་མགོ་ཡག་ལས་ལ་འདུས། །གཡོན་པས་ཐོད་ཁྲག་ཞལ་དུ་གསོལ། །ཐོད་ཁྲག་ཞལ་དུ་གསོལ་ཙ་ན། །བདུད་ཀྱི་རྒྱལ་མོ་ལས་ལ་འདུ། །རྟ་རོ་དམར་པོ་བསྣོལ་བའི་ཁྲི་སྟེང་ན། །བཙན་ཚོགས་ཕོ་ཉར་འགྱེད་པའི་མཁའ་འགྲོ་འབུམ། །ཁྲག་གི་ཁ་ཕྲུ་ཕྱོགས་བཅུར་གཏོར། །སྐུ་སྟོད་སྲིན་པོའི་གཡང་གཞི་གསོལ། །སྐུ་སྨད་སྟག་གི་ཤམ་ཐབས་གསོལ། །ཕྱག་གཡས་བཙན་ཞགས་དམར་པོ་བསྣམས། །བཙན་ཞགས་དམར་པོ་བསྣམས་ཙ་ན། །ཁ་བཞི་གདོང་བརྒྱད་ལས་ལ་འདུ། །གཡོན་པས་ཁྲག་གི་ཀོང་ཟོར་ཐོགས། །ཁྲག་གི་ཀོང་ཟོར་ཐོགས་ཙ་ན། །སྲོག་བདག་ནག་པོ་ལས་ལ་འདུ། །གཉན་
རྡོ་རི་རབ་ཆེན་པོའི་ཁྲི་སྟེང་ན། །པགས་པ་ལྕགས་སྲེག་གཡང་གཞིའི་གདན་སྟེང་ན། །དམ་ཉམས་དགྲ་བོ་གསོད་པའི་མཁའ་འགྲོ་འབུམ། །དམ་ཉམས་རྩད་ནས་གཅོད་པའི་ལས་མཛད་མ། །སྐུ་སྟོད་རུས་སྦལ་ལྤགས་པ་མནབ། །སྐུ་སྨད་རེ་འབྱམས་ཆུན་པོས་བརྒྱན། །ཕྱག་གཡས་གྲི་གུག་ངར་མ་བསྣམས། །གྲི་གུག་ངར་མ་བསྣམས་ཙ་ན། །དགྲ་བོ་ཕོ་རྒྱུད་རྩད་ནས་གཅོད། །གཡོན་པས་གནམ་ལྕགས་ཐོག་རྒོད་འཕེན། །གནམ་ལྕགས་ཐོག་རྒོད་འཕེན་ཙ་ན། །དགྲ་བོའི་ཡུལ་ཁམས་གཏན་ནས་བརླག །མཁའ་འགྲོ་ཆེན་མོ་ཁྱེད་རྣམས་ཀྱིས། །དགྲ་ཤ་ཟོ་ལ་དགྲ་ཁྲག་འཐུང་། །དགྲ་མཁར་ཤིག་ལ་དགྲ་ཡུལ་སྤྲུག །དགྲ་ལ་ལྟས་ངན་སྣ་ཚོགས་ཐོངས། །ཁ་ནས་འོ་དོད་གནམ་དུ་འབོད་དུ་ཆུགས། །ལག་པ་སྡེར་བཞི་ས་འབྲུ་གཡབ་ཏུ་ཆུགས། །རྒན་པོ་གདོང་རུལ་མེས་ཚིག་བཞིན་དུ་ཐོངས། །གཞོན་པ་ལྕུག་ཕྲན་བརྔས་པ་བཞིན་དུ་ཐོངས། །བུ་ཆུང་སྨྱུ་གུ་བྲེག་པ་བཞིན་དུ་ཐོངས། །མནའ་མ་མཛོ་མོ་སྐམ་པ་བཞིན་དུ་ཐོངས། །བུ་སྲིང་ཧ་ལོ་སད་ཀྱིས་ཁྱེར་བཞིན་ཐོངས། །བྲན་འཁོར་སྲན་ཕུང་གཏོར་བ་
བཞིན་དུ་ཐོངས། །ནོར་རྫས་ཐལ་བ་རླུང་ཁྱེར་བཞིན་དུ་ཐོངས། །ཕོ་རྒྱུད་རྩད་ནས་ཆོད་ལ་ཤོག །མོ་རྒྱུད་མངལ་ནས་སྐེམ་ལ་ཤོག །ཡུགས་ས་རལ་ནག་འཛིན་དུ་ཆུགས། །བུ་ཚ་མིང་སྲིང་སྡུག་བསྔལ་མྱོང་དུ་ཆུགས། །མཆི་མ་ཐུ་ལེ་མྱུར་དུ་སོད། །ཀླད་པ་དཀར་པོ་ཞོ་ལྟར་དཀྲུགས། །གཞུང་པ་དཀར་པོའི་རྒྱུན་ཐག་ཆོད། །མིག་འབྲས་གཟི་བྱུར་དུ་བ་ཡི། །དཔྲལ་བའི་དཀྱིལ་ནས་ད་དྲོངས་ཤིག །རྣམ་ཤེས་དྲན་པའི་ཙིཏྟ་དེ། །དབང་པོའི་དཀྱིལ་ནས་ད་དྲོངས་ཤིག །ཙིཏྟ་དམར་པོ་ལོང་ཐང་འདྲ་བ་དེ། །མཆན་ཁུང་གཡོན་ནས་ད་དྲོངས་ཤིག །སྲོག་རྩ་གསེར་གྱི་སྦུ་གུ་དེ། །གསང་བའི་གནས་ནས་ད་དྲོངས་ཤིག །མཁལ་མ་གཡུ་ཡི་བྱིས་ཆུང་དེ། །ཚིག་གི་རྒལ་ནས་ད་དྲོངས་ཤིག །དབང་པོ་རྣམ་ལྔ་ད་དྲོངས་ཤིག །སྡང་བའི་དགྲ་བོ་ལས་ངན་འདིའི། །གནམ་གྱི་འཇུ་ཐག་ད་ཆོད་ཅིག །ས་ཡི་བརྟེན་ཕུར་དེ་ཕུད་ཅིག །འགོ་བའི་ལྷ་དང་ད་ཕྱེས་ཤིག །འཇིགས་པའི་དགྲ་དང་ད་སྤྱོད་ཅིག །གཟུགས་ཀྱི་ཕུང་པོ་མེད་པར་གྱིས། །དཀོན་པའི་ཚེ་སྲོག་ད་ཕྲོལ་ཞིག །རྣམ་ཤེས་མར་མེ་ད་སོད་ཅིག །མིང་དང་གཟུགས་སུ་བྲིས་པ་འདྲ་བས་ད་ངས་ཤིག །སྲོག་རྩ་གསེར་གྱི་སྒྲ་ལས་ངན་འདིའི། །གནམ་གྱི་འཇུ་ཐག་དག་ཕྲོལ་ཞིག །རྣམ་ཤེས་མར་
ཡི། །དགྲ་བོ་བྱད་མ་མནའ་ཟན་འདི། །ལོ་དང་ཟླ་བར་མ་བཞག་པར། །ཞག་དང་ཟ་མའི་ནང་དུ་སོད། །དགྲ་བོའི་སྙིང་ལ་རྟགས་ཕྱུངས་ཤིག །ཐལ་བ་རྡུལ་ཕྲན་བཞིན་དུ་རློགས། །ཕཊ་ཕཊ་ཕཊཿ ཅེས་གཏོར་ཟོར་བརྒྱབ་ལ་དགྲ་བོ་ལན་དང་མི་ལན་བརྟག་པར་བྱའོ། གལ་ཆེན་རང་དང་བསྟན་དགྲ་མ་གཏོགས་མི་རུང་མཁའ་འགྲོའི་ཆད་པ་བཀའ་རྒྱ་ཡོད། གསང་རྒྱ། གཞུང་གི་རྣམ་བཤད་ནས་ཅུང་ཟད་གསལ་བར་ཨ་རཱ་གས་བྲིས་པའོ། ཐེམ་མེད་གུད་དུ་སྦས་པ་༈ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།