➤
Share / བགོ་འགྲེམ།
Facebook
Telegram
Whatsapp
Toggle navigation
Table of Contents
Share
Search Options
Return to Search Results
New Search
Print View
Search This Text
མཁས་གྲུབ་ཀརྨ་ཆགས་མེད་ཀྱི་གསུང་འབུམ།
རི་ཆོས་མཚམས་ཀྱི་ཞལ་གདམས་གཅིག་བརྒྱུད་ལས་ཨུ་པ་ཚེས་ཀྱི་གྲངས་ཀ།
མིང་ཐོས་ཙམ་གྱིས་གཞུང་དོན་རྟོགས་པའི་ཕྱིར། ༼ཀ༽ །ཐེམ་བྱང་ཡིད་འཕྲོག་མཐོང་བ་དོན་རྟོགས་ཡོད། །
ལྷ་གཅིག་སྔགས་གཅིག་ཡི་དམ་ཀུན་འགྲུབ་ཕྱིར། ཁ༽ །རྒྱུད་སྡེ་སྤྱི་སྒྲུབ་རྒྱལ་བ་རྒྱ་མཚོ་ཡོད།
དཔེ་དང་དོན་གྱི་ཡེ་ཤེས་ངོ་སྤྲོད་ཕྱིར། ༼ག༽ །ཕྱག་ཆེན་ངོ་སྤྲོད་སངས་རྒྱས་ལག་གཏད་ཡོད། །
དགའ་བཞི་ཡེ་ཤེས་དངོས་སུ་ངོ་སྤྲོད་ཕྱིར། ༼ང༽ །གདམས་ངག་ཡེ་ཤེས་མཁའ་འགྲོའི་གསང་ཚིག་ཡོད། །
སྡིག་ཅན་རྒྱལ་པོས་ཆད་པ་གཅོད་པའི་ཚེ། ༼ཅ༽ །བཙན་ཐབས་འཕོ་བ་བཙོན་ནས་ཐར་ཐབས་ཡོད། །
བསོད་ནམས་ལོངས་སྤྱོད་མངའ་ཐང་རྒྱས་པའི་ཕྱིར། ༼ཆ༽ །སྨུག་འཛིན་དཀར་པོ་ལྷ་ལྔའི་ལོ་རྒྱུས་ཡོད། །
རྣམ་གཡེང་དབང་གིས་མཚམས་སྒྲུབ་མ་ལྕོགས་ན། ༼ཇ༽ །རྒྱུན་ཁྱེར་མངོན་རྟོགས་ཟིན་བྲིས་ཟབ་མོ་ཡོད། །
དབུལ་ཕོངས་སྒྲུབ་པའི་ཡོ་བྱད་མི་འཛོམ་ན། །༼ཉ༽ །ཆུ་ལ་བརྟེན་ནས་ཕྱི་ལྟར་སྒྲུབ་པ་ཡོད། །
མཆོད་གཏོར་འཛོམས་ཤིང་རྫས་གཞན་མི་འཛོམ་ན། ༼ཏ༽ །གཏོར་མ་ལ་བརྟེན་ནང་ལྟར་སྒྲུབ་པ་ཡོད། །
ཤེས་རབ་བརྩོན་འགྲུས་སྒྲུབ་རྫས་འཛོམ་པ་ལ། ༼ཐ༽ །གའུ་ལ་བརྟེན་གསང་བར་སྒྲུབ་པ་ཡོད། །
སྒྲུབ་རྫས་ཀུན་འཛོམ་ཏིང་འཛིན་གསལ་བ་ལ། ༼ད༽ །ཕྱི་ནང་གསང་གསུམ་དྲིལ་ཏེ་སྒྲུབ་པ་ཡོད། །
ཕྱི་ནང་གསང་གསུམ་སྒྲུབ་པ་རྟགས་ཐོན་ནས། ༼ན༽ །ལས་ཚོགས་སྒྲུབ་པ་ཆེན་པོའི་ཟིན་བྲིས་ཡོད། །
སྨུག་འཛིན་རྩེ་གཅིག་ཡི་དམ་བྱེད་པ་པོས། ༼པ༽ ལས་ཚོགས་འཐོར་བུ་སྒྲུབ་པའི་ཟིན་བྲིས་ཡོད། །
བློ་གཏད་ལིངས་སྒྱུར་བྱས་པའི་སློབ་བུ་ལ། ༼ཕ༽ །སྔགས་བྱང་སྙན་བརྒྱུད་ཡི་གེ་མེད་པ་ཡོད། །
གའུ་སོ་སོར་སྒྲུབ་བམ་དྲིལ་སྒྲུབ་ཀྱི། ༼བ༽ །སྔགས་བྱང་གཏོར་མའི་བཅའ་ཐབས་གུད་དུ་གབ། །
འགྲུབ་དང་མི་འགྲུབ་དངོས་གྲུབ་འབྱུང་མི་འབྱུང་། ༼མ༽ །ཤེས་ཕྱིར་ཚོད་འཛིན་རྟགས་ཀྱི་ཡི་གེ་ཡོད། །
རྣམ་གཡེང་ཆེན་པོའི་སྒྲུབ་ལོང་མ་བྱུང་ན། ༼ཙ༽ །སྒྲུབ་པ་རླུང་ལ་བཅོལ་ཐབས་གུད་དུ་གབ། །
རྨོངས་པ་རྣམས་ཀྱིས་ཉམས་ལེན་བདེ་བའི་ཕྱིར། །༼ཚ༽ །ཙཀྲ་ལྔ་ཡི་དཔེའུ་རིས་གསལ་བ་ཡོད། །
གནམ་ཆོས་སྐོར་ལས་དངོས་གྲུབ་འབྱུང་འདོད་ན། ༼ཛ༽ །སྤྲོས་མེད་ཛམ་དམར་ཟིན་བྲིས་གུད་དུ་སྦས། །
ཡིད་ཆེས་དང་བ་བསྐྱེད་པར་བྱ་བའི་ཕྱིར། ༼ཝ༽ །སྒྲོལ་མ་དམར་མོའི་ལོ་རྒྱུས་ཕན་ཡོན་ཡོད། །
བསྟན་འཛིན་དགེ་འདུན་སྡེ་རྣམས་རྒྱས་པའི་ཕྱིར། ༼ཞ༽ །དགེ་འདུན་འདུ་ཆོག་འཕགས་ཚོགས་རྒྱ་མཚོ་ཡོད། །
མཆོག་དང་ཐུན་མོང་དངོས་གྲུབ་ཀུན་འགྲུབ་ཕྱིར། ༼ཟ༽ །དངོས་གཞི་སྒྲུབ་པ་ཆེན་མོའི་ལོ་རྒྱུས་ཡོད། །
ལོག་ལྟ་ཅན་རྣམས་ཆོས་ལ་འཛུད་པའི་ཕྱིར། ༼འ༽ །མན་ངག་ཤིན་ཏུ་གསང་བ་གཅིག་བརྒྱུད་གབ། །
འགུགས་དང་སྲུང་དང་ལོངས་སྤྱོད་འཕེལ་རྒྱས་སོགས། ༼ཡ༽ །ཙཀྲའི་སྒོ་ནས་མན་ངག་ལས་སྒྲུབ་གབ། །
བསོད་ནམས་བསྐྱེད་ཅིང་ལོངས་སྤྱོད་རྒྱས་པའི་ཕྱིར། ༼ར༽ །ལས་ཚོགས་གསང་སྒྲུབ་དཔག་བསམ་ཤིང་སྒྲུབ་ཡོད། །
འཇིག་རྟེན་མཁའ་འགྲོ་ལས་ལ་བསྐུལ་བའི་ཕྱིར། ༼ལ༽ །བཀའ་སྡོད་གནོད་སྦྱིན་ཕོ་མོའི་སྒྲུབ་པ་ཡོད། །
སྟོབས་ཆེན་སྒྲུབ་བྱ་ཆོས་སྒོར་དབང་སྡུད་ཐབས། ཤ༽ །དབང་གི་སྦྱིན་སྲེག་ཞལ་གདམས་གུད་དུ་གབ། །
དར་རས་ལྷ་མོའི་སྐུ་ལ་བསྟེན་པ་སོགས། ས༽ །ལས་ཚོགས་ཉེར་མཁོའི་སྐོར་ཚོགས་ཉུང་བསྡུས་ཡོད། །
མི་ངན་ཨར་བས་ཆོམ་ཕྲོགས་བྱས་པ་ན། ༼ཧ༽ །གློ་བུར་ཐན་འགྱེད་དུག་མདའ་ནག་པོ་ཡོད། །
ཉམ་ཆུང་ཆོས་པར་དོ་བསྡོ་ཕོད་བཙུགས་ན། ༼ཨ༽ །པཀྵིའི་གིང་ནག་ཁྲེས་པོའི་ཁ་སྲུང་ཡོད། །
ཞིང་བཅུ་ཚང་བའི་བསྟན་དགྲས་དོ་བསྡོས་ན། ༼ཀཾ༽ །མ་མགོན་གཏོར་ནག་སྲོག་གི་པར་བུ་ཡོད། །
སྒྲུབ་པ་མ་ཐོན་གསར་བུའི་རྐྱེན་ཟློག་ལ། ༼ཁཾ༽ །སྲུང་ཟློག་སེར་གར་ཕན་པའི་ཁྱི་ཚིལ་ཡོད། །
གློ་བུར་དགྲ་བྱུང་ཡོན་བདག་འདྲེས་བཏབ་ན། ༼གཾ༽ །ལ་བཙས་གཟའ་འགྱེད་དམ་པའི་ལྕགས་དྲྭ་ཡོད། །
དད་ལྡན་སློབ་བུའི་ཉམས་རྟོགས་ཞུས་པའི་ལན།་་བཅ་ས་ག་རས་མཆན། ༼ངཾ༽ །གོ་བ་རྟོགས་པ་དབྱེ་གསལ་ངོ་སྤྲོད་ཡོད། །
སྡོམ་གསུམ་བསྐྱེད་རྫོགས་སྒོམ་བཟླས་རྩེ་གཅིག་ཏུ། ༼ཅཾ༽ །ཚུལ་བཞིན་ཉམས་སུ་ལེན་ཚུལ་ཞལ་གདམས་ཡོད། །
སྡོམ་གསུམ་བསྐྱེད་རྫོགས་སྒོམ་བཟླས་རྩེ་གཅིག་ཏུ། ༼ཅཾ༽ །ཚུལ་བཞིན་ཉམས་སུ་ལེན་ཚུལ་ཞལ་གདམས་ཡོད། །
རི་ཆོས་དངོས་གཞི་རྒྱབ་ཆོས་འགྲུབ་པའི་སྐབས། ༼ཅཾ༽ །སྨོན་ལམ་ཕྱག་བྲིས་རང་དོན་བཅའ་ཡིག་ཡོད། །
རི་ཆོས་མཚམས་ཀྱི་ཞལ་གདམས་གཅིག་བརྒྱུད་ལས། ཨུ་པ་ཚེས་ཀྱི་གྲངས་ལྡན་གྱི་ཞལ་ཤེས་གབ་པ་མངོན་ཕྱུང་།
Collapse All
|
Expand All
མཁས་གྲུབ་ཀརྨ་ཆགས་མེད་ཀྱི་གསུང་འབུམ།
གླེགས་བམ། ལི༽
མཁས་གྲུབ་ཀརྨ་ཆགས་མེད།
Nitartha international
Images scanned by TBRC
[
Dedication
]