བོད་སྒྲ་དག་ཡིག་ཉེར་མཁོ།
བོད་སྒྲ་དག་ཡིག་ཉེར་མཁོ་བཞུགས་སོ། །ན་མོ་ཝཀྐི་ཤྭ་ར་ཡེ། །ངག་གི་དབང་ཕྱུག་ལ་བཏུད་ནས། །བོད་སྒྲ་ཉེར་མཁོ་ཅུང་ཟད་བྲི། །འཇམ་དབྱངས་སྤྲུལ་པ་ཐོན་མི་ཡིས། །བོད་སྒྲའི་བསྟན་བཅོས་བརྒྱད་མཛད་ཀྱང་། །དྲུག་དེ་རྒྱལ་པོ་དར་མས་བསྣུབས། །སུམ་ཅུ་པ་དང་རྟགས་འཇུག་གཉིས། །ལུས་པ་ལ་བརྟེན་འཁྲུགས་པ་རྣམས། །བོད་སྒྲ་དག་ཡིག་མང་དུ་མཛད། །དོན་བསྡུས་གོ་བདེ་འདི་ལྟ་སྟེ། །རྒྱ་ཡིག་དབྱངས་ཡིག་བཅུ་དྲུག་དེ། །བོད་ཡིག་དབྱངས་ཡིག་བཞི་རུ་བསྡུས། །ཨི་ཨུ་ཨེ་ཨོཾ་བཞི་ཡིན་ཏེ། །དགོས་ཆེད་གུག་ཞི་བཞི་པོ་ཡིན། །རྒྱ་ཡིག་གསལ་བྱེད་སུམ་ཅུ་ལྔ། །བོད་ཡིག་ཡིག་འབྲུ་སུམ་ཅུར་བསྡུས། །དེ་ལ་ཕོ་དང་མ་ནིང་དང་། །མོ་ཡིག་ཤིན་ཏུ་མོ་ཡིག་དང་། །མོ་གཤམ་ཡི་གེ་ལྔ་རུ་གནས། །ཀ་ཅ་ཏ་པ་ཙ་རྣམས་ཕོ། །ཁ་ཆ་ཐ་ཕ་ཚ་མ་ནིང་། །ག་ཇ་ད་བ་ཛ་ཝ་ཞ། །ཟ་འ་ཡ་ཤ་ས་རྣམས་མོ། །ང་ཉ་ན་མ་ཤིན་ཏུ་མོ། །ར་ལ་ཧ་ཨ་མོ་གཤམ་ཡིན། །མོ་དང་མོ་གཤམ་ཤིན་ཏུ་མོ། །གསུམ་ཀ་མོ་ཡིག་བྱེ་བྲག་ཡིན། །དེ་ལ་རྗེས་འཇུག་ཡི་གེ་བཅུ། །ག་ང་ད་ན་བ་མ་འ། །ར་ལ་ས་རྣམས་མཐའ་རྟེན་
ཡིན། །དེ་ཡི་ལྔ་ནི་སྔོན་འཇུག་སྟེ། །ག་ད་བ་མ་འ་དང་ལྔ། །འཕུལ་བྱེད་ཡི་གེར་འོང་བ་ཡིན། །ལྔ་པོ་དེ་ལ་བཞི་རུ་ཕྱེ། །བ་ནི་སྔོན་འཇུག་ཕོ་ཡིག་གོ །ག་ད་གཉིས་ནི་མ་ནིང་ཡིན། །འ་ནི་མོ་ཡིག་ཡིན་པ་སྟེ། །མ་ནི་སྔོན་འཇུག་ཤིན་ཏུ་མོ། །འཇུག་ཚུལ་སོ་སོར་ཁྱད་པར་ཡོད། །ར་མགོ་ཐོབ་པ་བཅུ་གཉིས་ཏེ། །རྐ་རྒ་རྔ་རྗ་རྙ་རྟ་རྡ་རྣ་རྦ་རྨ་རྩ་རྫ་རྣམས་སོ། །ས་ལ་བཏགས་པ་བཅུ་གཅིག་ནི། །སྐ་སྒ་སྔ་སྙ་སྟ་སྡ་སྣ་སྤ་སྦ་སྨ་རྩ་རྣམས་ཡིན་ནོ། །ལ་ལ་བཏགས་པ་བཅུ་པོ་ནི། །ལྟ་ལྷ་ལྔ་ལྕ་ལྔ་ལྟ་ལྔ། །ལྤ་ལྦ་ལྷ་རྣམས་བཅུ་རྣམས་སོ། །ཡ་བཏགས་ཡ་ཏ་ཐོབ་པ་བདུན། །ཀྱ་ཁྱ་གྱ་པྱ་ཕྱ་བྱ་མྱ། །ར་བཏགས་ར་ཏ་ཅན་བཅུ་གཉིས། །ཀྲ་ཁྲ་གྲ་དྲ་པྲ་ཕྲ་བྲ་མྲ་བྲ་ཏྲ་སྲ་ཧྲ་རྣམས་སོ། །ལ་བཏགས་ཐོབ་པའི་ཡི་གེ་དྲུག ཀླུ་གྲྭ་བླ་ཟླ་རླ་སླའོ། །ཝ་ཟུར་ཐོབ་པ་བཅུ་གཉིས་ཏེ། །ཀྭ་ཁྭ་གྲྭ་ཞྭ་དྭ་ཚྭ་ཞྭ། ཟྭ་རྭ་ལུ་ཤྭ་ཧྲི་རྣམས་ཡིན། །འགའ་ཞིག་འདི་ལས་འགའ་སྣང་ཡང་། །འདི་རྣམས་ཁུངས་བཙུན་ལྡན་པའོ། །ད་དང་བ་དང་ས་ཡི་མཐར། །ཀྱི་དང་ཅིག་ཅེས་ཐོབ་པ་ཡིན། །ན་དང་མ་དང་ར་ལའི་མཐོར། །གྱི་དང་ཞིག་ཅེས་ཐོབ་པ་ཡིན། །ག་ང་གཉིས་མཐར་གི་ཞེས་
འཐོབ། །ས་མཐར་ཞེས་ཤེ་ཞེས་བྲིའོ། །ག་དང་ང་དང་བ་དང་མ། །འ་དང་མཐའ་མེད་ས་སྟེ་འཐོབ། །ས་དང་ན་དང་ར་དང་ལ། །ད་དྲག་ཅན་ལ་ཏེ་རྐྱང་འཐོབ། །ད་ཡ་མཆན་ལ་དེ་འཐོབ་བོ། །ག་ད་བ་འོག་ཏུ་བྲི་སྟེ། །ར་ལ་ན་མའི་མཆན་ལ་དུ། །ས་ཡི་འོག་ཏུ་སུ་འཐོབ་བོ། །ག་ད་བ་ས་བཞི་ཡི་མཚན། །བ་ཞེས་བྲི་བ་མཁས་པའི་ལུགས། ༈ །རྐང་དང་རྐ་ལག་ར་ཀ་བཏང་། །ཀ་བ་ཀོ་བ་ཀ་རྐྱང་སྟེ། །དཀའ་ལས་དཀའ་ཐུབ་ད་ཀ་ལ། །འཐུང་རྒྱུ་སྐ་སླ་ས་ཀ་བཏང་། །ཁལ་ལ་བཀལ་དང་ཁྲལ་བཀལ་བ། །བས་ཕུལ་ཀ་ལ་ལ་ཡི་རྟེན། །འཇིག་རྟེན་བསྐལ་པ་བ་ས་བསྐལ། །ཟས་སྐལ་ས་ཀ་ལ་ཡི་རྟེན། །རྒས་གཞོན་རྒ་ནི་ར་བཏགས་ག །དགའ་སྡུག་དགའ་ནི་ད་ག་ལ། །སྒྲ་སྙན་སྒ་སྐྱ་ས་བཏགས་ག །གྲངས་ཀའི་ལྔ་དང་ལྔ་སེར་སོགས། །ལ་ལ་ང་བཏགས་ཐོབ་པའོ། །རོལ་མོའི་རྔ་དང་རྔ་མ་ལ། །ར་ལ་ང་བཏགས་ཐོབ་ཆ་ཡིན། །ས་ཡི་སྔ་རུ་དུས་སྔ་ཕྱི། །ས་བཏགས་སའི་ང་བྲིའོ། །གཉན་ནད་གཉན་ས་གཉན་གོང་མ། །གས་འཕུལ་ཉ་ལ་ན་ཡི་རྟེན། །ཁ་ད་མཉན་དང་ཆོས་མཉན་ལ། །མས་འཕུལ་ཉ་ལ་ན་བཞག་གོ །
སྙན་གསན་སྙན་སོགས་ས་ཉ་ན། །མི་འགྱུར་བརྟན་པ་བ་ར་བརྟན། །འོག་གི་སྟན་ནི་ས་སྟན་ནོ། །བ་ས་བསྟན་ནི་ཆོས་བསྟན་ནོ། །གཏན་ལ་འབེབས་དང་བསམ་གཏན་ལ། །གས་འཕུལ་ཏ་ལ་ན་བཞག་གོ །སྤོས་སོགས་བདུག་པ་བ་བདུག་ལ། །གདུག་རྩུབ་གདུག་ནི་ག་གདུག་གོ །དབུ་གདུགས་ག་གདུགས་ས་ཡི་རྟེན། །མཛའ་བའི་སྡུག་དང་སྡུག་བསྔལ་སྡུག ས་ད་ཞབས་ཀྱུ་ག་ཡི་རྟེན། །ལྟ་ཞིང་དཔྱད་པ་ད་པ་དཔྱད། །ལོངས་སྤྱོད་སྤྱད་ཆ་ས་པ་དཔྱད། །ཆུ་ཡི་རྦ་རླབས་ར་ལ་བཏགས། །མི་མངོན་སྦ་ལ་ས་བ་བཏགས། །སྐྱེ་ཡི་ལྔ་བ་ལ་བ་བཏགས། །དཔྲལ་བའི་མིག་ནི་མིག་རྐྱང་ལ། །སྒོམ་པའི་དམིགས་ལ་ད་འཕུལ་དམིགས། །རྟ་ཡི་རྨིག་པ་ར་བཏགས་རྨིག །གནོད་བྱེད་དགྲ་ཇག་དས་ཕུལ་དགྲ། །རྣ་བའི་སྒྲ་ནི་ས་ག་བཏགས། །རིན་ཆེན་དངུལ་ནི་དེས་ང་འཕུལ། །ལུས་རྔུལ་ར་རྡུལ་ཤེས་པར་བྱ། །མངོན་པ་དམ་ཆོས་མཐོང་ལ་འཇུག །ར་རྔོན་ཉ་དང་རི་དྭགས་གསོད། །ལྕགས་སོགས་སྲ་བ་ས་ར་བཏགས། །མགོ་ཡི་སྐུ་ནི་ས་ཀ་བཏགས། །ལུས་ཀྱི་དཔྱི་མགོ་ད་དཔྱི་སྟེ། །སྤྱི་དང་བྱེ་བྲག་ས་པ་བཏགས། །མཚོན་ཆ་ག་གྲི་སྤོས་དང་དྲི། །སྐུ་གསུང་ཐུགས་སྐུ་
ས་བཏགས་ཀ །མ་བྱིན་རྐུ་བ་ར་བཏགས་རྐུ། །རྩང་སྦྲའི་རྩང་ནི་ར་རྩང་སྟེ། །དབུས་གཙང་གཙང་ནི་ག་གཙང་ཡིན། །ན་ཚོད་གཞོན་པ་ག་གཞོན་ཏེ། །རྟ་སོགས་བཞོན་པ་བ་བཞོན་ཡིན། །སྒྱུ་མ་སྒྱུ་འཕྲུལ་གཡོ་སྒྱུ་རྣམས། །ས་ལ་ག་བཏགས་ལ་བྱའོ། །རྒྱུ་རྐྱེན་ཟློག་རྒྱུ་ར་རྒྱུ་འོ། །སེམས་དཔའི་དཔའ་བ་དས་འཕུལ་པ། །རྣག་ཁྲག་རྣག་ནི་ར་རྣག་ལ། །ཁ་དོག་གནག་པ་ག་གནག་གོ །རྣམ་གྲངས་མང་པོའི་རྣམས་ལ་ནི། །ར་བཏགས་ན་ལ་མ་ས་བཞག །ནམ་མཁའི་གནམ་ནི་ག་གནམ་ཡིན། །ས་བདག་ཀླུ་ནི་ཀ་ཀླུ་སྟེ། །སྒྲུང་གི་གླུ་སོགས་ག་གླུ་ཡིན། །བློ་རྩེའི་བློ་དང་མཁས་བླུན་དང་། །བླ་མ་ལ་སོགས་བ་ལ་བཏགས། །རློམ་སེམས་རླུང་དང་རླངས་པ་ར། །ཁྭ་ཏའི་ཁྭ་དང་ལན་ཚྭའི་ཚྭ། །རྩ་སྔོའི་རྩྭ་དང་མགོ་ཡི་ཞྭ། །རྭ་ཅོའི་རྭ་རྣམས་ཝ་ཟུར་འཐོབ། །ང་རྒྱལ་ང་ནི་ང་རྐྱང་ཡིན། །ག་ད་བ་དང་ས་ཡི་མཐར། །ཀ་རྐྱང་ཀྱང་ནི་འཐོབ་པ་སྟེ། །ག་དང་འ་ནི་ཐོབ་པ་ལ། །མ་ཚང་བ་ནི་ཡང་ཐོབ་བོ། །ན་ར་ལ་གསུམ་རྗེས་སུ་ནི། །ཞིང་དང་ཞིག་དང་ཞེས་འཐོབ་བོ། །ག་ད་བ་མཐར་ཅེ་ན་དང་། །ས་མཐར་ཤེ་ན་འཐོབ་པ་སྟེ། །ང་འ་མ་ན་ར་
ལ་དང་། །འདོགས་ཅན་རྐྱང་པ་ཞེ་ན་ཐོབ། །ང་དང་བ་དང་ར་དང་ལ། །འདོགས་ཅན་ནམ་ནི་རྐྱང་པའི་རྗེས། །ཝ་ཐོབ་རྣམས་ལ་ཝ་བྲིའོ། །དེ་མིན་གཞན་ལ་བ་རྐྱང་བྲི། །ཚོགས་དང་ཚངས་དང་ཕུན་ཚོགས་པ། །རིམ་གྲོ་སྐུ་ཁམས་ཁྲོས་དང་ཁྲོ། །ཕྲ་མ་ཁོན་འཛིན་ཕྲལ་བ་རྣམས། །འས་ཕུལ་མེད་ན་དག་པ་ཡིན། །ལུ་གུ་དང་ནི་ཡི་གེ་ལ། །ག་ཡིག་བཞག་པ་མེད་ན་ལེགས། །གསུང་རབ་མ་རབ་རིག་སྔགས་དང་། །མཁའ་སྤྱོད་ས་སྤྱོད་སྤྱི་འཕང་དང་། །ཉམ་ང་ལོག་རྟོག་རྣམ་རྟོག་ལ། །ས་མཐའ་མེད་པས་མི་བྱའོ། །ཀླུས་བྱིན་གནས་སྐབས་ལ་སོགས་ལ། །ཕལ་ཆེར་བཞི་ལ་ས་མཐའ་དགོས། །ལ་སོགས་དང་ནི་ཡི་གེ་ལ། །བར་ཚག་མེད་ན་མི་ལེགས་སོ། །གོ་བདེ་ཉེར་མཁོའི་དག་ཡིག་འདི། ༧ རཱ་ག་ཨ་སྱས་འཕྲལ་དུ་བྲིས་པའོ། །སརྦ་མངྒ་ལཾ།། བྷ་ཝནྟུ།། །།