གནམ་ལོའི་དབང་ཐང་།

གནམ་ལོའི་དབང་ཐང་གང་ཡིན་ཡིད་བཟུང་ལ། །བྱི་བ་ནས་བཟུང་ལོ་སྐོར་བཅུ་གཉིས་ནི། །སྔོན་མ་ཕོ་ཡིན་རྒྱབ་མ་མོ་ཡིན་ལ། །གནམ་ལོ་ཡོས་ལོ་ཤར་བའི་དུས་རྣམས་སུ། །གཅིག་བཅུ་གནམ་ལོ་རང་དང་དབང་ཐང་གཅིག །གཉིས་གསུམ་གནམ་ལོ་མ་དང་གཅིག་པ་ཡིན། །བཞི་ལྔ་གནམ་ལོའི་དགྲ་དང་ངན་པའོ། །དྲུག་བདུན་གྲོགས་ཡིན་བརྒྱད་དགུ་བུ་ཡིན་ནོ། །དེ་ནས་གནམ་ལོ་ཤར་བའི་དུས་གཅིག་གཉིས། །རང་ཡིན་གསུམ་བཞི་མ་ཡིན་ནོ། །ལྔ་དྲུག་དགྲ་ཡིན་བདུན་བརྒྱད་གྲོགས་ཡིན་ནོ། །དགུ་བཅུ་བུ་ཡིན་དེ་ཡིས་དབང་ཐང་ཤེས། །ཤི་དུར་ལུག་ཡིན་མེ་དུར་ཁྱི་ཡིན་ནོ། །ལྕགས་དུར་གླང་ཡིན་ཆུ་ཡི་དུར་ནི་འབྲུག །ལོ་དང་སྤར་ཁའི་དུར་མིག་དེ་ཡིན་ཤེས། །དགྲ་ཐོག་དུར་མིག་གཉིས་ནི་ཤིན་ཏུ་རྩུབ། །མ་ཐོག་གྲོགས་ཐོག་རྣམས་ནི་འཇམ་པ་ཡིན། །སྔགས་ཆུང་འབུམ་བསྟན་ཞེས་བྱར་ཕན་པའི་ཕྱིར། །༧ ཀརྨ་རཱ་ག་ཨ་སྱས་འཕྲལ་དུ་བྲིས།།