རྩིས་ཀྱི་ལྡེ་མིག་ཐང་ཤིང་རི་མོ་གསལ་བའི་མེ་ལོང་།
རྩིས་ཀྱི་ལྡེ་མིག་ཐང་ཤིང་རི་མོ་གསལ་བའི་མེ་ལོང་ཞེས་བྱ་བ་བཞུགས་སོ། །
ན་མོ་ཨརྱ་མཉྫ་ཤྲཱི་ཡེ། ནད་པའི་ཐང་ཤིང་རི་མོའི་རྡེལ་བཞག་ནི། །སྔ་དྲོ་རྡེལ་གཞི་དཀར་པོའི་སྟེང་དུ་བཞག །རྗེལ་གཞི་ཕྲེང་བ་དྲུག་ཅུ་རི་མོ་ཡོད། །དང་པོ་གནམ་ལོའི་སྲོག་ལུས་བཞི་པོ་དང་། །ནད་པའི་དེ་བཞི་དང་པོ་འཐབ་པ་ཡིན། །གཉིས་པ་ལྕགས་སྟག །གསུམ་པ་ཆུ་སྟག་དང་། བཞི་པ་ཤིང་སྟག །ལྔ་པ་ས་སྟག་དང་། འདི་རྣམས་མཐུར་དུ་སྦུབ། དྲུག་པ་ལྕགས་ཡོས། བདུན་པ་ས་ཡོས་དང་། བརྒྱད་པ་ཤིང་ཡོས། དགུ་པ་མེ་ཡོས་དང་། །འདི་རྣམས་གྱེན་དུ་བཀན། བཅུ་པ་གནམ་ལོའི་ཡར་གྱི་བཅུ་གསུམ་ཡིན། །བཅུ་གཅིག་གནམ་ལོ་མར་གྱི་
བཅུ་གསུམ་ནས། །ལོ་གྲངས་དུ་ལོན་བར་དུ་གྱེན་དུ་བཀན། །བཅུ་གཉིས་མེ་ཕོ་སྟག་ནས་ཐུར་དུ་སྦུབ། །བཅུ་གསུམ་ཆུ་སྤྲེལ་ལོ་ནས་གྱེན་དུ་བཀན། །བཅུ་བཞི་གནམ་ལོའི་ཡར་ལྔ་སྟེང་དུ་སྦུབ། །བཅོ་ལྔ་གནམ་ལོའི་མར་ལྟ་གྱེན་དུ་བཀན། །བཅུ་དྲུག་གནམ་ལོའི་ཡར་དྲུག་སྟེང་དུ་མར་སྒྲུབ། །དེ་རྣམས་ལོ་གྲངས་དུ་ལོན་བར་དུ་བཀན། །གར་བབ་དེ་ཡི་སྲོག་ལུས་དབང་ཀླུང་དང་། །ནད་པའི་སྲོག་ལུས་དབང་ཀླུང་འཐབ་པར་བྱ། །དེ་ནས་གནམ་ལོའི་སྲོག་ལུས་དབང་ཀླུང་གི །སྨེ་བ་བཞི་དང་ནད་པའི་སྨེ་བཞི་འཐབ། །དེ་ནས་རྡེལ་ཕྲེང་བཅུ་དྲུག་དེ་དག་ལ། །
འཕྲེང་དང་ཐུར་དུ་ཁ་དམར་ཉེར་གཅིག་རྒྱབ། ༈ མ་འཕྲད་དཀར་པོ་གཉིས། །གྲོགས་འཕྲད་དཀར་པོ་གཅིག །དགྲ་འཕྲད་ནག་པོ་གཉིས། །བུ་འཕྲད་ནག་པོ་གཅིག །ས་ཆུ་ནང་འཕྲད་དཀར་པོ་གཅིག །མེ་ལྕགས་ཤིང་གསུམ་ནང་འཕྲད་ནག་པོ་གཅིག །རྡེལ་གྲངས་ཚང་ནས་བཤད་པ་འདི་ལྟར་རོ། །སརྦ་མངྒ་ལཾ།། ཨ༈ ན་མོ་ཨཱརྱ་མཉྫཤྲཱི་ཡེ། །འཇམ་དཔལ་དབྱངས་ལ་ཕྱག་འཚལ་ལོ། །མཁྱེན་རབ་མངའ་བདག་འཇམ་དཔལ་གྱི། །ཡེ་ཤེས་འཕྲུལ་གྱི་བཟོ་བོ་ལ། །ནད་པའི་ཐང་ཤིང་རི་མོ་འདི། །མངོན་སུམ་ཉིད་དུ་བཀའ་གནང་བ། །ཡེ་ཤེས་འཕྲུལ་གྱི་བཟོ་བོ་དེས། །རྒྱམིན་ཏེ་འཕྲུལ་གྱི་རྒྱལ་པོ་ལ། །ཡང་ནས་ཡང་དུ་གསལ་བར་བསྟེན། །འོ༔དེའི་སློབ་མ་ལྔ་ལ་བསྟེན། །ཟིམ་ཤིང་བྱང་ཆུབ་རྒྱལ་བ་དང་། །འཇོམས་མཛད་ཡེ་ཤེས་དཔལ་བ་དང་། །རྒྱ་ཡི་སློབ་དཔོན་རྗེ་བཙུན་དང་། །རྒྱ་ཡི་སློབ་དཔོན་ལྕགས་པས་དགའ། །རྒྱ་ཡི་ཁྱེའུ་འཕན་རྒྱལ་དང་། །སློབ་དཔོན་ཤིང་ཐོག་འབྲང་རྒྱལ་གྱིས། །ཉམས་སུ་བླང་བའི་མན་ངག་འདི། །རྒྱ་ནག་ཏང་ཀུན་དཔེ་ནེ་བཏུས། །དེ་ནས་བཀའ་སྟོན་བྱང་ཆུབ་འབར། །དེ་ཡི་སློབ་དཔོན་ལྷ་སེ་ནས། །བློ་
གྲོས་སེང་གེ་སོགས་ལ་བརྒྱུད། །བྱངས་པ་ཆོས་རྒྱལ་ཆེན་པོ་ཡི། །རྩིས་མཁན་བསྟན་འཛིན་དོན་ལྡན་དེ། །རྩིས་པ་གི་སར་ཤྭ་ར་ལ། །སེ་སྟོན་རི་མོ་བེལ་བརྒྱུད། །དེ་ནས་ཟླ་རྒྱལ་རྡོ་རྗེ་རྒྱལ། །དེ་ནས་རིམ་པར་བརྒྱུད་པ་དེ། །གླང་གི་ཇོ་སྲས་མགོན་རྒྱལ་ནས། །རྩིས་པ་གི་སར་ཤྭ་རི་ལ། །ཞལ་ཁྲིད་མན་ངག་བཅས་པ་གནང་། །དེ་ཡིས་བདག་ལ་གནང་བ་འདི། །མི་བརྗེད་དྲན་པའི་རྩིས་ཡིན་ཟུང་། །རྩིས་ཁུངས་བཙུན་པའི་ལོ་རྒྱུས་ཡིན། །དརིག་པ་ཅན་ཚོ་ཕར་ལྟོས་དང་། །མངོན་ཤེས་འཁྲུལ་གྱི་མེ་ལོང་ཡོད། །ཁ་དམར་རྡེའུ་བཅུ་དྲུག་ལ། །རྩིས་མིག་ཆེན་པོ་བཅུ་དྲུག་ཡོད། ༈ འདིའཕྲེད་ཀྱི་ཁ་དམར་རྡེའུ་བཅུ་དྲུག་གི་དཔྱད་པའོ།། ༒ །།བླ་ཚེ་མཉམ་དང་མི་མཉམ་སྟེ། །རྡེའུ་དང་པོ་འདི་ལ་ལྟོས། །ནག་ན་བླ་ཚེ་གཏོར་བ་ཡིན། །དཀར་ན་བླ་ཚེ་མལ་ཚུད་བཟང་། ༒ རྒྱལ་པོ་གདན་ས་འཕགས་དང་མ་འཕགས་དེ། །དེ་རྡེའུ་གཉིས་པ་འདི་ལ་ལྟོས། །ནག་ན་རྒྱལ་པོ་གདན་དང་བྲལ། །དཀར་ན་རྒྱལ་པོའི་གདན་ས་ནོན། ༒ ཞྭ་ཕྱི་ནང་ཐལ་བ་ཨེ་འགྲོས་ཏེ། །རྡེའུ་གསུམ་པ་འདི་ལ་ལྟོས། །ནག་ན་ཐལ་
བའི་འོག་ཏུ་སོང་། །དཀར་ན་ཞྭ་ཕྱིང་བཀྲག་མདངས་ལྡན། ༈ །བློ་གྲོས་གྲལ་ནས་ཨེ་ཡལ་ཏེ། །རྡེའུ་བཞི་པ་འདི་ལ་ལྟོས། །ནག་ན་བློ་གྲོས་གྲལ་ནས་ཡལ། །དཀར་རྒྱུན་སློབ་དཔོན་གྲལ་ལ་བཞུགས། ༈ །གཡུ་སྤྱང་གྲ་དང་ཨི་ལྡན་ཏེ། །རྡེའུ་ལྔ་པ་འདི་ལ་ལྟོས། །ནག་ན་གཡུ་སྤྱང་གྲ་ཆགས་སོ། །དཀར་ན་གཡུ་སྤྱང་གྲ་དང་ལྡན། ༈ སྲིན་པོ་མི་རྐུན་ཨི་འོང་སྟེ། །རྡེའུ་དྲུག་པ་འདི་ལ་ལྟོས། །ནག་ན་བདུད་ཀྱི་མི་རྐུན་ཡོད། །དཀར་ན་རྐུན་མ་མེད་ཀྱང་མི་ལེགས་བཟང་། ༈ །བདུད་ཀྱི་རྐུན་མའི་ཨི་ཁྱེར་དེ། །རྡེའུ་བདུན་པ་འདི་ལ་ལྟོས། །ནག་ན་བདུད་དང་སྲིན་པོའི་ཁྱེར། །དཀར་ན་མི་བླ་མ་ཁྱེར་བཟང་། །བླ་ཤིང་དཔག་བསམ་ཨི་ཆག་དེ། །རྡེའུ་བརྒྱད་པ་འདི་ལ་ལྟོས། །ནག་ན་དཔག་བསམ་ལྗོན་ཤིང་ཆག །དཀར་ན་ལྗོན་ཤིང་ལོ་འདབ་རྒྱས། ༈ །གསེར་དངུལ་བང་མཛོད་ཨི་སྟོང་སྟེ། །རྡེའུ་དགུ་པ་འདི་ལ་ལྟོས། །ནག་ན་བང་མཛོད་སྟོང་པ་ཡིན། །དཀར་ན་བང་མཛོད་ནོར་གྱི་གང་། ཨ །སྟེང་ནས་ཡར་ཐག་ཨི་ཆད་དེ། །རྡེའུ་བཅུ་པ་འདི་ལ་ལྟོས། །ནག་ན་ཡར་གྱི་རྒྱང་ཐག་ཆད། །དཀར་ན་རྒྱང་ཐག་མ་ཆད་
བཟང་། ༈ །ཡར་གྱི་འཇུ་ཐག་ཨི་ཆད་དེ། །རྡེའུ་བཅུ་གཅིག་འདི་ལ་ལྟོས། །ནག་ན་སྤྱང་བའི་འཇུ་ཐག་ཆད། །དཀར་ན་སྤྱང་ཐག་ལྷ་ཡིས་སྐྱོབ། །ཝ། །བྱང་ནས་རླུང་འཚུབ་ཨི་ཡོང་སྟེ། །རྡེའུ་བཅུ་གཉིས་འདི་ལ་ལྟོས། །ནག་ནི་བྱང་ཐང་བུ་ཡུག་འཚུབ། །དཀར་ན་ཉི་མའི་རྒྱང་ཐག་རིང་། ༈ །བར་གྱི་ཁང་ཁྱིམ་ཨི་ཞིག་སྟེ། །རྡེའུ་བཅུ་གསུམ་འདི་ལ་ལྟོས། །ནག་ན་ཁང་ཁྱིམ་ཞིག་པ་ཡིན། །དཀར་ན་བླ་མཁར་བརྩིགས་པས་བཟང་། ༈ །བར་གྱི་ཐེམ་སྐས་ཨི་ཆག་སྟེ། །རྡེའུ་བཅུ་བཞི་འདི་ལ་ལྟོས། །ནག་ན་སྐས་ཆག་སྔས་ཀྱང་ཞིག །དཀར་ན་གསེར་སྐས་ཐེམ་དང་ལྡན། ༈ །ཤྭ་དང་རྗེན་པ་ཨི་བབ་སྟེ། །རྡེའུ་བཅོ་ལྔ་འདི་ལ་ལྟོས། །ནག་ན་རྒྱབ་བབ་རྟེན་ཕུར་བུད། །དཀར་ན་ས་ཡི་རྟེན་ཕུར་བཙུགས། ༈ །སྒོ་དེ་ནག་པོས་ཨི་བཅད་དེ། །རྡེའུ་བཅུ་དྲུག་འདི་ལ་ལྟོས། །ནག་ན་ནད་པའི་སྒོ་ནི་བརྩེགས། །དཀར་ན་བཀྲ་ཤིས་སྒོ་མོ་ཡིན། །དགེའོ།། །། ཡ་ད་འཕྲེད་ཀྱི་རྡེའུ་ཕྲེང་བཞི་པོ་འདི། ཐང་ཤིང་རི་མོ་རྣམ་བཞི་ཡིན། ༈ །སྲོག་གི་ཐང་ཤིང་ཨི་ཆག་དེ། །སྲོག་གི་ཁ་དམར་རྡེའུ་ལྟོས། །ནག་ན་
སྲོག་གི་ཐང་ཤིང་ཆག །ཚེས་གཉིས་བཅུ་ཡི་ཐུར་ལ་གྱུར། །བདུད་ཆེན་མི་ཡི་ཐོག་ནས་བབ། །བླ་མཚོ་ཆེན་པོ་ཞབས་ནས་སྐམ། །ཤ་ཕོ་ཐང་ཆེན་བབ་པ་ཡིན། །ཟམ་རྡོ་འཕང་པ་ལམ་ངན་བཅོལ། །ཚེ་ཐར་བཏང་ལ་སཱཙྪ་བཏབ། །ཆོས་འཁོར་མང་དུ་བསྐོར་བ་དང་། །གསོད་ངོ་ཤེས་པའི་སྲོག་ཀྱང་བསླུ། ༈ །དལུས་ཀྱི་ཐང་ཤིང་ཨི་ཆག་སྟེ། །ལུས་ཀྱི་ཁ་དམར་རྡེའུ་ལྟོས། །ནག་ན་ལུས་ཀྱི་ཐང་ཤིང་ཆག །ལྷ་དང་དཔལ་གཡང་གཞན་དུ་བྲོས། །ཕྱི་དགྲ་ནང་དགྲ་ལང་དུས་ཡིན། །ཆུང་མ་དགྲ་དང་ལྡང་དོགས་ཡོད། །ནས་རྒྱབ་རུམ་བཀོད་འོང་དོགས་ཡོད། །ཡང་ན་ནད་ཡུན་རིང་བ་འོང་། །བུ་ལ་བརྗེ་བྱས་ན་བཟང་། །སཱཙྪ་མཆོད་རྟེན་བརྩེགས་ན་བཟང་། །གཟུངས་སྔགས་སྲུང་འཁོར་བཏགས་ན་བཟང་། །སྐྱབས་སྡོམ་བླངས་ཤིང་ཉ་སྡོམ་སྲུང་། །ལུས་བསྒྱུར་མིང་བརྗེ་དབང་བསྐུར་ཞུ། །ཀློག་འདོན་དགེ་རྩ་གང་འགྲུབ་བྱ། །ཚེ་དབང་ཚེ་སྒྲུབ་ཅི་མང་བསྒྲུབ། ༈ །དབང་ཐང་ཐང་ཤིང་ཨི་ཆག་སྟེ། །དབང་རྡེལ་ཁ་དམར་འདི་ལ་ལྟོས། །ནག་ན་དབང་ཐང་ཐང་ཤིང་ཆག །ལོ་ཏོག་སད་སེར་ལོ་ནད་འོང་། །གོད་ཁ་མི་སྟོང་ཕོག་དོགས་ཡོད། །ཁྲག་ཆག་ལ་ཉེ་
དབུགས་མེད་ཉོས། །བླ་མའམ་ནི་རྗེ་དཔོན་ལ། །ཟངས་ལྕགས་གསེར་དངུལ་ཕུལ་བ་བཟང་། །སློབ་དཔོན་ནམ་ནི་དཀོན་མཆོག་ལ། །རྟ་དང་གླང་པོ་ཕུལ་ན་ཕན། །སྡོམ་པ་བླང་ལ་དམ་ཚིག་སྲུང་། །གོད་སྲི་མནན་ལ་གཡང་སྐྱབས་བླང་།་༈ །རླུང་རྟའི་ཐང་ཤིང་ཨི་ཆག་སྟེ། །རླུང་རྡེའི་ཁ་དམར་རྡེའུ་ལྟོས། །ནག་ན་རླུང་རྟའི་ཐང་ཤིང་ཆག །དགྲ་སྡང་བྲན་དང་འོག་རྟ་དོན། །ཡུལ་མི་སྟོན་མོ་བྱས་ན་ཕན། །མཆོད་རྟེན་ཞིག་རལ་གསོ་བར་བྱ། ༈ །དུམ་གསུམ་ལྔ་གྲངས་གསུམ་གྱི་བསྐྱེད། །ལྔ་ཚིག་དང་པོ་སྐྱེས་པའི་ས། །བཅུ་པ་མ་ཡི་ས་ཡིན་ཏེ། །བཅོ་ལྔ་ཕ་མ་བུ་ཡི་ས། །བཅུ་དྲུག་ས་ཡི་སྒོ་ཡིན་ཏེ། །བཅུ་བདུན་པ་ནི་མི་ཐེའོ། ༈ །རྡེའུ་བཞི་ཀ་དཀར་བ་ན། །གསེར་གྱི་སྦ་ཟམ་ཞེས་བྱའོ། །སྟོད་དུ་བྱུང་ན་གསེར་ཟམ་ཚུགས། །སྐྱེས་པ་སྐུ་ཚེ་རིང་བ་ཡིན། ༈ །བར་དུ་བྱུང་ན་བུ་གཡང་འཕེལ། །བུད་མེད་རྣམས་ཀྱི་བུ་གཡང་འཕེལ། །བུད་མེད་རྣམས་ནི་དཔལ་ཆེན་བཟང་། ༈ །སྨད་དུ་བྱུང་ན་ལྕགས་སྡོང་ཚུགས། །བྱིས་པ་བུ་ཚའི་སྲོག་ཕྱུའོ། ༈ །ཕོ་ས་མོ་སའི་བར་བྱུང་ན། །གཡུང་དྲུང་ཁྲི་བཤམས་མར་ཡར་འབྲེལ། །མ་ས་
བུ་སའི་བར་བྱུང་ན། །སེང་གེ་གངས་གསེབ་ཏུ་སྦས་སོ། ༈ །རྡེའུ་བཞི་ཀ་ནག་པ་ན། །གསེར་གྱི་རྒྱ་ཟམ་ཆག་པ་ཡིན། །སྟོད་དུ་ཆག་ན་སྲོག་རྩ་ཆད། །སྐྱེས་པ་སྐུ་ཚེ་ཐུང་བ་ཡིན། ༈ །བར་དུ་ཆད་ན་ཕུང་པོ་ཡིན། །མི་བཟང་བུད་མེད་ཚེ་ཡང་ཐུང་། །སྨད་དུ་ཆག་ན་སྲོག་སྡོང་ཞིག །བྱིས་པ་རྣམས་ལ་སྲོག་ཆད་འོང་། ༈ །ཕོ་མོའི་བར་དུ་ཆག་པ་ན། །ཕྲ་མ་ཞུག་སྟེ་འཁོན་ཞུགས་སོ། ༈ །མ་ས་བུ་སའི་བར་ཆག་ན། །སྙིང་སྟོང་མ་པང་བུ་ཤོར་རོ། །བཙན་གྱི་ཇག་པ་ཆས་པ་ནི། །ལྕག་ཚན་འོག་ནས་རྟ་འཆོར་རོ། །༈ །གཡོན་ཕྱོགས་སྨེ་བའི་རྡེལ་ངོས་ན། །གཡས་སུ་ལྷ་ཟུར་རྡེལ་དཀར་འབྲེལ། །གཡུང་དྲུང་ཤུག་པ་བྱ་བ་ཡིན། ༈ །སྟོད་དུ་བྱུང་ན་ལྷ་ཡིན་ནོ། །སྐྱེས་མཆོག་དུང་དཀར་ཕྱར་བས་བཟང་། ༈ །བར་དུ་བྱུང་ན་གསེར་གཡུ་ལ། །འཕྲུལ་གྱི་མི་ཆེན་སྐྱ་བ་རྒྱས། །མཛོ་ཕོ་སྣ་ནས་བཏེག་སྟེ་བཟང་། ༈ །སྨད་དུ་བྱུང་ན་ཀླུ་རྒྱལ་གྱིས། །ཆར་འབེབས་རྒྱ་མཚོ་བདུད་རྩིའི་གང་། །བྱས་ཕྲུག་གསེར་གཡུ་སྤུས་ཏེ་བཟང་། ༈ །ཕོ་ས་མོ་སའི་བར་བྱུང་ན། །ལྷ་མི་ཡོངས་ལ་བཟང་བ་ཡིན། །སྲིད་ཀྱི་མཁར་བུ་བརྩེགས་པ་ལ། །མཁར་
ལས་བདག་གི་ལྷ་ཡི་བཏགས། ༈ །གཡོན་ན་ནག་ཟུར་བྱུང་བ་ན། །གཡུང་དྲུང་ཤུག་པ་ཆག་པ་ཡིན། ༈ །སྟོད་དུ་ཆག་ན་ལྷ་ཡིན་པའི། །དར་མདུང་ཕྱར་ན་ཤོར་བ་ངན། ༈ །བར་དུ་ཆག་ན་འཕྱོར་བ་ཡིན། །ཐ་མ་འཕང་ལྐོགས་བོར་བས་ངན། ༈ །སྨད་དུ་ཆག་ན་བུད་མེད་ཀྱི། །བུ་ཕོ་བུ་མོ་པང་ནས་ཤོར་བས་ངན། ༈ །ཕོ་ས་མོ་སའི་བར་ཆག་ན། །སྦས་ཕོག་ཁྱིམ་དུ་ཞིག་པ་ངན། ༈ །མ་ས་བུ་ཡི་བར་ཆག་ན། །ཕུང་སྲི་རྡོ་འཕང་སྲིད་འཕང་བཤིག ༈ །གཡས་ནས་གཡོན་དུ་དཀར་པོ་རྟ་ཟུར་བྱུང་བ་ན། །དཀར་ན་དཔག་བསམ་ལྗོན་ཤིང་ཡིན། ༈ །སྟོད་དུ་བྱུང་ན་མི་ཆུང་གིས། །མདུང་ལ་བ་དན་བཏགས་ཏེ་བཟང་། ༈ །བར་དུ་བྱུང་ན་ཨེ་མཁྱེན་གྱིས། །དར་དཀར་ཆ་ག་བཏགས་ཏེ་བཟང་བ་ཡིན། ༈ །སྨད་དུ་བྱུང་ན་མ་པང་མཚོ། །མཐིང་ཆེན་ལུ་མ་བབ་སྟེ་བཟང་། ༈ །ཕོ་ས་མོ་སའི་བར་བྱུང་ན། །ཤེལ་བྲག་སྨན་བྱས་སྐད་འདོན་བཟང་། ༈ །མ་ས་བུ་སའི་བར་བྱུང་ན། །ལྡུམ་ར་མེ་ཏོག་འཁྲུངས་བས་བཟང་། ༈ །ལྷ་ཟོར་དེ་གཉིས་ནག་བྱུང་ན། །དཔག་བསམ་ལྗོན་ཤིང་ཆག་པ་ཡིན། །༈ །སྟོད་དུ་བྱུང་ན་ངན་
གྱི་ས། །ནམ་མཁའི་ཁོལ་དུ་བྱུང་སྟེ་ངན། ༈ །བར་དུ་བྱུང་ན་དོང་མའི་ས། །རྒྱ་མཚོ་སྟེང་ནས་སྐམ་པས་ངན། ༈ །སྨད་དུ་བྱུང་ན་སད་བྱུང་བས། །མེ་ཏོག་སད་ཀྱི་ཁྱེར་བས་ངན༔ ༈ །ཕོ་མོའི་ས་ཡི་བར་བྱུང་ན། །ཤ་བ་ཤ་ཁྱིས་ཟིན་ཏེ་ངན། ༈ །མ་ས་བུ་སའི་བར་བྱུང་ན། །གསེར་མའི་དཀྱིལ་ན་གཡུ་ཤོར་ངན། ༈ །དཀར་པོ་གླིང་བཞི་བྱུང་བས་ན། །དཔལ་གྱི་ཁྱིམ་ལྷའི་ཕུག་ལྷ་བྱས་པ་ཡིན། ༈ །སྟོད་དུ་བྱུང་ན་དགའ་ཞིང་སྐྱིད། །ཕུར་རྒྱུ་ལྷ་གསོལ་བྱས་ན་བཟང་། །བར་དུ་བྱུང་ན་རྩལ་དབང་མྱོག །རི་ལ་དར་ཕྱར་བྱས་ཏེ་བཟང་། ༈ །སྨད་དུ་བྱུང་ན་མཐུ་ཆེན་ཡིན། །ཁྲོ་མོ་སྲི་རྣམས་མནན་ཏེ་བཟང་། ༈ །ཕོ་ས་མོ་སའི་བར་བྱུང་ན། །ལྷ་ཡི་དཔལ་ཞུ་ཐོབ་སྟེ་བཟང་། ༈ །མ་ས་བུ་སའི་བར་བྱུང་ན། །སྟོབས་ཀྱི་སྲ་རྒང་བཅུག་སྟེ་བཟང་། པ། །ནག་པོ་གླིང་བཞི་བྱུང་ཆགས་ཡིན། །སྟོད་དུ་བྱུང་ན་ནག་པོ་ནི། །ཁ་དགུ་ཕུག་ནས་ཀུས་བཏབ་ངན། ༈ ། སྨད་དུ་བྱུང་ན་ཕུང་གཟའ་ནི། །ནག་མོ་མདའ་དར་གཡབ་དོར་བྱེད། ༈ །བར་དུ་བྱུང་ན་བཙན་རྒོད་ཀྱི། །མངོན་པའི་རྩིབ་ཁྱི་བྱས་ཏེ་ངན། ༈ །ཕོ་ས་མོ་སའི་བར་བྱུང་ན། །
སྲིན་པོ་མགོ་བོ་དགུ་པ་དེས། །སྲིན་གྱི་གཞུ་གྲུབ་བརྫུས་ཏེ་ངན། །མ་ས་བུ་སའི་བར་བྱུང་ན། །གྲི་བོ་བདུད་མདའ་འཕང་སྟེ་ངན། །མེ་བུ་དེ་ཡི་མདའ་རྒྱབ་པའི། །ལྷ་ཡི་བུ་མོ་རྩ་ངན་འདེབས། །དེ་ནི་ངན་པ་བཤད་པའོ།། ཡ། དཀར་པོ་བཞི་དཀྱིལ་ནག་པོ་གཅིག །བྱུང་བ་ཤི་མིག་སྐད་པ་བཟང་། ༈ །སྟོད་བྱུང་ཕོ་སར་དཔའ་བོ་ཡིན། །དགྲ་སྡང་དོན་ཀུན་བྱུང་སྟེ་བཟང་། ༈ །མོ་ས་བྱུང་ན་མོ་བཙུན་གྱིས། །ཕོ་ལས་བྱེད་ཅིང་དགྲ་མེད་བཟང་། ༈ །བུ་ས་བྱུང་ན་སྲིད་ཀྱི་བཟང་། །སྲིད་ནི་འགུགས་པ་བཟང་བ་ཡིན། ༈ །ཕོ་ས་མོ་སའི་བར་བྱུང་ན། །ལྷ་གསོལ་དགའ་སྟོན་བྱེད་པས་བཟང་། །མ་ས་བུ་སའི་བར་བྱུང་ན། །ཝ་མོས་སྟག་བསད་ཟོས་ཏེ་བཟང་། །ཡ། །ནག་པོ་བཞི་དཀྱིལ་དཀར་པོ་གཅིག་བྱུང་ན། །དཀར་པོ་དེ་ལ་ཤི་བ་ཡིན། ༈ །སྟོད་དུ་བྱུང་ན་སྲིན་ཡུལ་དུ། །སྐྱེས་པའི་བླ་ཚེ་འཁྱམས་པ་ཡིན། ༈ །བར་དུ་བྱུང་ན་བདུད་ཡུལ་དུ། །བུད་མེད་བླ་ཚེ་འཁྱམ་སྟེ་ངན། ༈ །སྨད་དུ་བྱུང་ན་གཅན་གཟན་གྱིས། །གཡུ་ཡི་ལུ་གུ་གཏོར་ཏེ་ངན། ༈ །ཕོ་ས་མོ་སའི་བར་བྱུང་ན། །མུན་ནག་སྟོན་ཁར་
གཏོར་བས་ངན། ༈ །མ་ས་བུ་སར་བྱུང་བས་ན། །མཐིང་ཆེན་ལུ་མ་སྐམ་པས་ངན། །ཐང་ཤིང་ཤུག་པ་གཉིས་ཀ་ཆག །ཟམ་ཆོ་བརྗོད་ཅིང་སྐམ་འཛིན་ངན། ༈ །ལིང་ཚེ་དང་པོ་བསྐལ་པ་ཡིན། །སཱཙྪ་སྦྱིན་བཏང་འབུམ་སོགས་འདོན། །དཔལ་ཁྱིམ་ཞིག་ཅིང་བྱུར་མཚོ་རྡོལ། ༈ །ལིང་ཚེ་བར་པ་བསྐལ་པ་ཡིན། །དུར་སྲི་ལང་བའི་དུར་སྙིང་སྤོ། །སྲིན་མནན་ལ་སོགས་རིམ་གྲོ་བྱ། ༈ །དཀར་པོ་མང་དུ་ཤི་བ་དང་། །རྡེལ་ནག་ཤར་དུ་ཆག་པ་དང་། །མས་སྒོ་ནག་པོ་འཚོགས་པ་ནི། ༈ །ལིང་ཚེ་ཐ་མ་བསྐལ་པའི་ཕྱིར། །རིམ་གྲོ་བྱས་ཀྱང་བཟློག་པར་དཀའ། །ཐ་མ་གྱུ་སྐད་ལྗོང་པ་ན། །ལྷ་མེད་འདྲེ་མེད་གཏོ་མི་དགོས། །དཀར་པོ་མང་ན་བཟང་བ་ཡིན། །རྒྱ་གཞུང་དཔྱད་དཀའ་ཁ་མི་གསལ། །དེ་ཕྱིར་ཁ་གསལ་ཁྱེར་བདེ་འདི། །རཱ་ག་ཨ་སྱ་བདག་གིས་མཛད། །འགལ་འཁྲུལ་འཇམ་དབྱངས་ཉིད་ལ་བཤགས། །དགེ་བས་འགྲོ་ལ་ཕན་པར་ཤོག །ཤུ་བྷཾ་ནས་བསྡུས་པའོ། སརྦ་མངྒ་ལོ། དགེའོ། བཀྲ་ཤིས་དཔལ་འབར་འཛམ་གླིང་རྒྱན་དྲུག་བྱོན།། །།
རེའུ་མིག་ཡོད། དད་པའི་ཐུར་དུ་དཀར་པོ་བཞི་བྱུང་རྒྱ་ཟམ་བཙུགས་ན་ཁྲང་ནག་པོ་བཞི་བྱུང་ན་ཟ་ཕོ་ས་མོ་སའི་བར་འདི་ལྟ་ཞིག་དང་པོ་བྱུང་ན། མ་ས་བུ་སའི་ཐུར་དུ་དཀར་པོ་བཞི་བྱུང་ན་བུ་གཡང་། སྨད་ཀྱི་སྡོང་པོ། སྲོག་ལུས་རླུང་རྟ། ༈ སྲོག་གི་ཐང་ཤིང་། ལུས་ཀྱི་ཐང་ཤིང་། དབང་ཐང་གི་ཉུང་ཤིང་། རླུང་རྟའི་ཐང་ཤིང་། ཁ་དམར་བཅུ་དྲུག་ག་ཐང་ཤིང་། བླ་ཤིང་། བང་མཛོད། ཡ་ཐག མར་རྟེན། རླུང་འཚུབ། ཁང་ཁྱིམ། སྣུས་ཐོ། ཐ་རྒྱན་པ། ནད་པའི་སྒོ། སྨེ་བ། ཁ་དམར། སྟོད་སྨད་བར་གསུམ་འདི་ལྟ་བུ་དང་ཟླར་བཞིདཀར་པོ་བཞི་ལིང་ཀག ལྟར་འགྲེས་སོ། ༈ ཕོ་ས་མོ་སའི་བར་དུ་གསུངས་པའི་དོན་སྟོད་༈ དཀར་པོ་འདུལ་ལིང་ནག་པོ་གཅིག་གསུངས་པ་འདི་ལྟར་རོ། ༈ སྨད་དུ་རྡེལ་བཞི་གང་ནག་ཀྱང་ཆག་ནས་གསུངས་པའི་གཡོན་ཕྱོགས་སྨེ་བའི་རྡེལ་ངོས་ནས་གསུངས་ལྟར་རོ། སྨད་གང་དུ་ཡང་དཔྱད་བྱའོ། །དོན་སྟོད་སྨད་ཐོད་གང་དུ་ཡང་འདི་ལྟར་དཔྱད་བྱའོ།། དོན་བསྡུས་ནས་གསུངས་པ་ལྟར་རོ། །
རེའུ་མིག་ཡོད། མེ་ཕོ་བྱི་བ་བགྲང་བྱ་བརྒྱད་ཅུ་གྱ་ལྔ། གནམ་ལོ་ལྕགས་པོ་བྱི་བའི་ཐང་ཤིང་རི་མོའི། རྡེལ་ཕྲེང་བཅུ་དྲུག་གི་རྡེའུ། སྲོག་གི་དབང་ཐང་ཤིང་། ལུས་ཀྱི་དབང་ཐང་ཤིང་། དབང་ཐང་གི་ཐང་ཤིང་། རླུང་རྟའི་ཐང་ཤིང་། རྡེའུ་མིག་བཅུ་དྲུག ཤིང་སྟག མེ་སྟག ས་སྟག ཆུ་སྟག མེ་ཡོས། ཤིང་ཡོས། ལྕགས་ཡོས། ཆུ་ཡོས། ཤིང་སྟག ས་བྱི། ལྕགས་སྟག ས་སྤྲེལ། ལྕགས་སྤྲེལ། ལྕགས་འབྲུག ས་ལུག་
རེའུ་མིག་ཡོད། ཤིང་པོ་བྱི་བ་བགྲང་བྱ་སུམ་ཅུ་སོ་བདུན་པ་གནམ་ལོ་ལྕགས་ཕོ་བྱི་བའི་ཐང་ཤིང་གི་མོའི་རྡེའུ།
རེའུ་མིག་ཡོད། ཤིང་ཕོ་རྟ་བགྲང་བྱ་བདུན་གནམ་ལོ་ལྕགས་ཕོ་བྱི་བའི་ཐང་ཤིང་རི་མོའི་རྡེའུ། །
རེའུ་མིག་ཡོད། ཐང་ཤིང་རེའུ་མིག་རྡེལ་བཞི་ཕྲེང་བཅུ་དྲུག་ལགས། སྲོག་གི་ཐང་ཤིང་ཨི་ཆགས་ལྟོས། ལུས་ཀྱི་ཐང་ཤིང་ཨེ་ཆགས་ལྟོས། དབང་ཐང་ཐང་ཤིང་ཨེ་ཆགས་ལྟོས། །ཕོ་ས་ཐང་ཤིང་བཟང་ངན་ལྟོས། མོ་སའི། མོ་ས་ཐང་ཤིང་ལྟོས། མ་ས། བུ་སའི་ཐང་ཤིང་ལྟོས། བྱིས་པ་བུ་ཚའི། ཆགས་དཔྱད།
རེའུ་མིག་ཡོད། འདི་དྲུག་དཀར་ན་ལ་མ་བརྒལ་བ་ཡིན། ཐང་ཤིང་རི་མོ་དར་བ། གསེར་གྱི་ཟམ་པ་རྒྱས་པ། ཐང་ཤིང་རེའུ་མིག་འདི་ལིང་རྩེ་བརྒག་མ་བརྒལ་ལྟ་བ་འདི་དྲུག་ནག་ན་ལིང་རྩེ་བརྒལ་བ་ཡིན། །ཐང་ཤིང་རི་མོ་གུད་པ། གཡུ་ཤུག་རྒྱས་པ། དཔག་བསམ་ཤིང་མདངས་པ། དཔག་བསམ་ཤིང་རྒྱས་པ། དཔག་བསམ་ཤིང་ཆགས་ཤིང་། དཔག་ཁྱིམ་ས། བྱུར་ཁྱིམ། གསོན་མིག ཤི་མིག