དར་རྒུད་གསེར་ཕྲེང་གི་རྡེལ་བཞིག
དར་རྒུད་གསེར་ཕྲེང་གི་རྡེལ་བཞིག་བཞུགས། ལོ་ནི་ཉི་ཤུ་རྩ་ལྔ་མ་ས།
ན་མོ་མཉྫ་ཤྲཱི་ཡེ། འཇམ་དཔལ་དབྱངས་ལ་ཕྱག་འཚལ་ནས། །དར་རྒུད་གསེར་ཕྲེང་རྡེའུ་བཞག་ནི། །ཤིང་བུ་སྤྲེལ་ནས་རྒྱུ་བ་སྟེ། །ལྕགས་བུ་སྟག་ནས་རྒྱུ་བར་བྱ། །མེ་བུ་ཕག་ནས་རྒྱུ་བ་སྟེ། །ས་ཆུ་གཉིས་ཀ་སྦྲུལ་ནས་རྒྱུ། །ལོ་སྐོར་བཅུ་གཉིས་སྟེང་ནས་བརྩི། །དབུགས་རྒྱུ་མངལ་ནས་ལུས་རྫོགས་དང་། །བཙས་པ་ཁྲུས་བྱེད་གོས་གྱོན་ཏེ། །ཁྱོན་དང་ལས་བྱེད་དར་བ་རྒུད་པ་དང་། །ན་བ་ཤི་བ་དུར་ཞུགས་སོ། །དེ་ལྟར་རིམ་བཞིན་བརྩི་བར་བྱ། ༈ །དབུགས་རྒྱུ་དབུགས་གནས་དོན་གཅིག་སྟེ། །སྔོན་ཚེ་ཤི་བ་དེ་ཡིན་པས། །དེ་ལ་རྡེའུ་ནག་པོ་
གཅིག ༈ །མངལ་གནས་མ་ཡི་མངལ་དུ་ཞུགས། །འཁོར་བར་ལུས་བླང་ནག་པོ་གཅིག །ལུས་རྫོགས་པ་ལ་དཀར་པོ་གཅིག ༈ །ལུས་རྫོགས་བཙས་པ་དོན་གཅིག་སྟེ། །དེ་ལ་རྡེའུ་དཀར་པོ་གཅིག་༈ ཁྲུས་བྱེད་གོས་གྱོན་དོན་གཉིས་སྟོང་། །དེ་ལ་རྡེའུ་དཀར་པོ་གཉིས། །ལས་བྱེད་དཀར་པོ་གཉིས་ཡིན་ནོ། །དེ་བཞིན་དར་བ་དཀར་པོ་གཉིས། ༈ །རྒུད་པ་ན་བ་འཆི་བ་གསུམ། །གསུམ་ཀ་ནག་པོ་གཉིས་རེ་ཡིན། ༈ །དེ་བཞིན་དུར་ཞུགས་ནག་པོ་གཉིས། །འདི་ཡི་མན་ངག་སྙན་བརྒྱུད་ནི། །ཟླ་བ་ཞག་དུས་ཤིས་མི་དགོས། །ཐམས་ཅད་
བརྩི་བྱའི་ལོ་ལ་གཏུག ༈ །མི་གསང་རྡེའུ་རྡེལ་གཅིག་ཟེར། །དེ་ནས་རྡེའུ་གང་བབ་རྒྱབ། །བརྩི་བྱ་སྲོག་ལུས་དབང་ཐང་དང་། །རླུང་རྟ་བཞི་པོ་རང་ལོ་གཏུག །དེ་ལ་རྡེའུ་བཞི་མཐུར་དུ་བཞག །དེ་ནས་དེ་ཡི་མ་བཞི་ཡི། །དར་རྒུད་བརྩིས་བྱས་ལོ་ནས་གཏུག །དེ་བཞིན་ཐུར་དུ་རྡེའུ་བཞི་བཞག །དེ་བཞིན་སྲོག་ལུས་དབང་རླུང་གི །མ་བཞི་བུ་བཞི་གྲོགས་བཞི་དང་། །དགྲ་བཞི་སྔོན་ལྟར་དར་རྒུད་ནི། །བརྩི་བྱའི་ལོ་སྙིང་དེ་ལ་གཏུག །དེ་ཡི་མན་ངག་ཁྱད་པར་ཅན། །གཞན་གྱི་མི་ཤེས་ཟབ་ཁྱད་ནི། །དགྲ་བཞི་རྡེའུ་དཀར་ནག་རྗེ། །དཀར་པོ་གཉིས་ལ་ནག་པོ་གཉིས་རེ་བཞག །ནག་པོ་གཉིས་ལ་དཀར་པོ་གཉིས་རེ་བཞག །ནག་པོ་གཅིག་ལ་དཀར་པོ་གཅིག་རེ་བཞག །དཀར་པོ་གཅིག་ལ་ནག་པོ་རེ་རེ་བཞག །དེ་བཞིན་ཁ་དམར་རྡེའུ་ནི། །རྡེའུ་བཅོ་ལྔ་པོ་དེ་ལ། །སོ་སོར་ཁ་དམར་བཅོ་ལྔ་བཞག །འཕྲད་དུ་རྡེའུ་ཕྲེང་བཞི་པོ་ལ། །ཁ་དམར་རེ་རེ་མཐུར་དུ་བཞག །དེ་ལྟར་རྩ་རྡེལ་དྲུག་ཅུ་དང་། །ཁ་དམར་རྡེའུ་བཅུ་དགུ་སྟེ། །རྡེའུ་བདུན་ཅུ་དོན་དགུ་ཡིན། །དར་རྒུད་གསེར་ཕྲེང་དངོས་གཞི་རྫོགས་སོ།། །། ཨཾ༔ གཞན་ཡང་འཆད་ཆེན་འཆད་ཆུང་
དང་། །རུས་ཁམས་རྩིས་ནི་མང་བར་ཡོད། །སེ་གཞིག་བདུན་ཁུར་ལ་སོགས་པ། །འདི་ནི་གཞུང་དུ་མ་བཤད་པའི། །དེ་དག་གཞན་དུ་ཤེས་པར་གྱིས། །འདི་ཡི་མན་ངག་ཡང་ཟབ་ནི། ༈ །སྐྱེས་ནས་ཉི་ཤུ་རྩ་ལྔའི་བར། །སྐྱིད་སྡུག་མ་ཡི་དར་རྒུད་གཙོ། །ཉེར་ལྔ་ནས་ནི་ཞེ་དགུའི་བར། །སྐྱིད་སྡུག་རང་གི་དར་རྒུད་གཙོ། །ཞེ་དགུ་ལོན་པ་ཕན་ཆད་བར། ༈ །ཕ་ཡི་དར་རྒུད་གཙོ་ཆེ་སྟེ། །ཚེ་ལ་བར་ཆད་ཡོད་མེད་ནི། ༈ །སྲོག་གི་དར་རྒུད་རྡེའུ་ལྟོས། །ལུས་ལ་ན་ཚ་འབྱུང་མི་འབྱུང་། །དེ་ཡི་དར་རྒུད་རྡེའུ་ལྟོས། །ཟས་ནོར་ལོངས་སྤྱོད་ཕྱུག་གམ་དབུལ། ༈ །གྲོགས་བཞིའི་རྡེའུ་དཀར་ནག་ལྟོས། །དགྲ་འདྲེའི་གནོད་པ་འབྱུང་མི་འབྱུང་། ༈ །དགྲ་བཞིའི་རྡེའུ་དཀར་ནག་ལྟོས། །དེ་དག་ནག་པོ་བྱུང་བས་ན། །མི་ཚེ་སྟོད་སྨད་བར་གསུམ་ལ། །ནམ་ཕུག་ཕ་མ་བུ་གསུམ་པོ། །དཀར་པོ་བྱུང་ན་ནམ་བཟང་སྟེ། །རང་དང་ཕ་མ་དར་རྒུད་རྣམས། །ཚེ་ཡི་སྟོད་སྨད་སྤྱོད་པ་ཤེས། །ངན་པ་གཞུང་ནས་གསུངས་པ་ལྟར། །རིམ་གྲོ་བྱས་ན་ཕན་པ་ཡིན། །ཚེ་དབང་རྒྱས་ཀྱིས་བསྐུལ་བྱས་ནས། །རྩིས་མཁན་རཱ་ག་ཨ་སྱས་སྨྲས། །རྩིས་མཁན་
བིརྱས་ཡི་གེར་བཀོད། །སརྦ་མངྒ་ལཾ།། །། ༈ དར་རྒུད་བཟང་ངན་བཤད་པ་ནི། སྲོག་ཚེ་རིང་ཐུང་བརྩི་བ་ནི། །དང་པོ་རང་རྡེའུ་དཀར་བ་ན། །ཚེ་ལ་བར་ཆད་མེད་པ་ཡིན། །ལྗོན་ཤིང་ལོ་འདབ་རྒྱས་པ་འདྲ། །མི་ཚེ་ཆུ་བོའི་གཞུང་ལས་རིང་། །ཕ་སྤུན་གཉེན་འདུན་ལ་གཟན་པས། སྤུ་གྲི་ཀླད་ལ་གཡུག་པ་འདྲ། ༈ །སྲོག་གི་རང་རྡེའུ་ནག་པས་ན། །ཤིང་གི་རྐེ་ནས་ཆག་པ་འདྲ། །སྲོག་ལ་བར་ཆད་འོང་བ་དེར། །ལུག་གུ་སྤྱང་ཀིས་གཏོར་འདྲ་བ། །ཚེ་གཟུངས་ཚེ་མདོ་དབང་བསྐུར་ཞུ། །མ་དང་ཕྱི་མོ་ཉེ་བ་ངན། ༈ །སྲོག་གི་མ་རྡེལ་དཀར་བས་ན། །མ་དང་ཞང་པོའི་རིགས་ལ་བཟང་། །གོས་བཟང་ལུས་ལ་གྱོན་པ་འོང་། །མ་དང་འགྲོགས་ཡུན་རིང་བ་དེར། །ཆུ་བོར་གཞུང་ལས་བཟང་བར་བཤད། ༈ །སྲོག་གི་མ་རྡེལ་ནག་པས་ན། །མ་ཕྱི་རིང་ལ་ངན་པའི་དྲན། །ཆུང་བའི་འགྲོ་ཡུན་ཐུང་བའམ། །་མ་ཕྱི་རང་ཡང་ཆུང་གི་ཟིན་ན་འཐུང་། །མ་ཕྱི་ཁ་རྗེ་དབང་ཐང་ཡོད་ན་བཟང་། །སྲོག་གི་བུ་རྡེལ་བུ་ས་ཡིན། །ཚེ་སྟོད་བུ་ཡི་ཕན་ཐོགས་པས། །མི་འགྱུར་བརྟན་པའི་རི་བོ་འདྲ། །བུ་ཚ་བཟང་པོ་གཉིས་སྐྱེས་པས། སྟག་ཕྲུག་སེང་
ཕྲུག་བཙན་པ་འདྲ། །ཚེ་སྐད་བུ་ཡི་བཟང་ངན་བརྩི། ༈ །སྲོག་གི་བུ་རྡེལ་ནག་པས་ན། །བུ་ལ་ངན་ཞིང་རོ་ཚན་ཆེ། །རང་ཡང་ཚེ་རིང་མི་ཐུབ་པས། །ཚེ་ཆོག་བྱེད་ལ་ཚེ་མདོ་འདོན། །ཚེ་བདུད་བཀྲལ་ལ་བཟློག་མདོས་བྱ། །ཚེ་འབར་གསོ་བ་བྱས་ན་བཟང་། ༈ །སྲོག་གི་གྲོགས་རྡེལ་དཀར་བས་ན། །རྟ་ནོར་བ་ལང་སུ་ཐོན་ཚད། །རིན་ཆེན་གླིང་དུ་ཕྱིན་པ་འདྲ། །ཟས་ནོར་ལག་ཏུ་ཕྱིན་པ་དེ། །གླང་ཆེན་ཁལ་དུ་བཀལ་བ་འདྲ། །འོག་རྟ་སྒོ་ནོར་དག་ལ་བཟང་། ༈ །སྲོག་གི་གྲོགས་རྡེལ་ནག་པས་ན། །ནོར་རྒུད་ཆེ་ཞིང་བློ་ཉེས་གཏོར་བརླག་འོང་། །བུ་ཚ་མི་ཡུལ་འཁྱམས་ཉན་ཡོད། །རང་ཡུལ་བྱེ་བྲལ་འོང་བ་ཡིན། །ཆུ་སྦྱིན་ནག་པོ་སྟོང་མཆོད་བྱ། ༈ །སྲོག་གི་དགྲ་རྡེལ་དཀར་བས་ན། །ཚེ་ལ་བར་ཆད་མེད་པ་སྟེ། །བདུད་ཀྱི་ཆད་པ་མི་ཚུགས་བས། །རྩལ་གསུམ་འཛོམ་པ་སེང་གེ་འདྲ། །རང་གི་ཤེས་སྐལ་གང་ཆེ་བ། །ཚེ་སྲོག་མི་ཆད་བཟང་བ་ཡིན། ༈ སྲོག་གི་དགྲ་རྡེལ་ནག་པ་ན། །དཔའ་བོ་ལན་བརྒྱ་བྱས་ཀྱང་རི་ཁར་ཤི། །དགྲ་མནན་དགྲ་བྲུབ་ཡང་ཡང་བྱ། །ལུག་གི་བུ་དང་ནོར་སྐལ་བརྩི། ༈ །ལུས་ཀྱི་རང་རྡེལ་དཀར་བས་
ན། །ལུས་ལ་ན་ཚ་མེད་པ་དེ། །ཤ་ཁྱི་ལ་ཁར་ཕྱིན་པ་འདྲ། །ཕ་མ་བུ་ལ་གཟིན་པ་དེ། །ལྕུག་ཕྲན་ཟོར་བས་རྔས་པ་འདྲ། །རང་ལ་བཟང་སྟེ་གཞན་ལ་ངན། ༈ །ལུས་ཀྱི་རང་རྡེལ་ནག་པས་ན། །ཕ་མེས་རིགས་ལ་འགྲོས་པ་དེ། །རུས་པ་མེད་པའི་མི་དང་འདྲ། །ན་ཚ་མང་ཞིང་སྲིན་བུའི་ཟིན། །བྱད་ཟློག་དང་ནི་གཏད་གྲོལ་བྱ། །སྐྱེས་པ་ན་ཚ་མང་དུ་བཤད། ༈ །ལུས་ཀྱི་མ་རྡེལ་དཀར་བས་ན། །ཕ་མྱེས་རིགས་བཟང་ཡོད་པ་དེ། །གངས་ལ་ཉི་མ་ཤར་བ་དང་། །ཕ་དང་འགྲོགས་ཡུན་རིང་བ་དེ། །དེ་ལ་ཤིང་གི་རྩེ་མོ་འདྲ། །ཕ་མྱེས་རིགས་ལ་སྤྱོད་པ་དེ། །ཡིད་བཞིན་ནོར་བུ་རྙེད་པ་འདྲ། ༈ །ལུས་ཀྱི་མ་རྡེལ་ནག་པ་ན། །ཕ་ངན་བུ་རིང་ཆུང་བ་འདི། །འགྲོགས་ལ་ཡུན་རིང་ཐུང་བའམ། །ཕུ་ནུའི་ཕན་པ་མི་ཐོགས་པས། །ས་འགམ་དང་ནི་ལུས་བསྒྱུར་བ། །མིང་ཕོ་སྐྱབས་སྡོམ་ཞུས་ན་བཟང་། ༈ །ལུས་ཀྱི་བུ་རྡེལ་དཀར་བས་ན། །ཚེ་སྟོད་བུ་ཡི་ཕན་ཐོགས་པས། །གཡུ་ཡི་ལྗོན་ཤིང་སྐྱེས་པ་ལ། །བུ་ཚ་མཛེས་པ་སྨྱུག་ཕྲན་འདྲ། །མེ་ཏོག་པདྨ་ཁ་ཕྱེས་འདྲ་བས་བཟང་། ༈ །ལུས་ཀྱི་བུ་རྡེལ་ནག་པས་ན། །ཚེ་མགོས་བུ་ཡི་ཕན་མི་ཐོགས། །ཚེ་
སྟོད་ན་ཚ་མང་བ་འདི། །བུ་ལ་ཕན་མི་ཐོགས་པས་ནད་ཀྱི་ཟིན་པ་དང་། །ཐ་མ་མི་ཡུལ་འཁྱམས་པ་འོང་། ༈ །ལུས་ཀྱི་གྲོགས་རྡོར་དཀར་བ་ན། །ཁ་དང་བྱད་དུ་འཕྲད་པ་དེ། །གོམ་གསུམ་འགྲིམ་ན་སྤྱང་ཀི་འདྲ། །ཆུང་མ་མགོ་གཙང་བླང་བ་དེ། །ཡིད་བཞིན་ནོར་བུ་རྙེད་པ་འདྲ། །ཐ་མ་ཅི་འོང་ཁྱིམ་གྱི་ཁ་རྗེས་བཏང་བ་ཡིན། ༈ ལུས་ཀྱི་གྲོགས་རྡེལ་ནག་པས་ན། །བྱས་ཀྱིས་ནོར་ལ་ཕན་མི་ཐོག །ཆུང་མ་བྱས་ཡུགས་ཅན་དང་འཕྲད། །ཡང་ན་བྱེ་བྲལ་འོང་དོགས་ཡོད། །ཡས་དགུ་ཕྱེ་མོར་གླུད་འཇལ་བྱས་ན་ཕན། ༈ །ལུས་ཀྱི་དགྲ་རྡེལ་དཀར་བས་ན། །བུ་རྒྱུད་འཕེལ་ཞིང་དར་བ་ཡིན། །བེའུ་ཆང་བཟང་གསེར་དང་འདྲ། །ཆུ་གསུམ་ཞེ་སྡང་བྱེད་པ་དེ། །གསེར་གཞོང་མར་ཁུའི་བཀང་ཀླུབ་འདྲ། །ཚེ་རིང་འཕེལ་དང་བསོད་ནམས་རྟགས། ༈ །ལུས་ཀྱི་དགྲ་རྡེལ་ནག་པས་ན། །བུ་ཚ་གླང་པོ་ཆང་གི་བརྫི་བ་འདྲ། །རང་ཡང་དགྲ་དང་འཕྲད་དོགས་ཡོད། །དགྲ་བྲུབ་དང་ནི་དགྲ་ཆོས་བྱ། ༈ །དབང་རྡེལ་ནོར་ཕྱུགས་ཆེ་ཆུང་རྩིས། ༈ །དབང་ཐང་རང་རྡེལ་དཀར་བས་ན། །ཟས་ནོར་གསེར་གྱི་ཁ་འབྱེད་ཅིང་། །བཙན་དང་ཕྱུགས་གནས་ལུས་
འཕྲོད་པ། །གཡང་དཀར་ལྷ་ཡི་གང་བར་འདྲ། ༈ །དབང་དང་རང་རྡེལ་ནག་པས་ན། །ཕ་མྱེས་ནོར་ཟས་ཕན་མི་ཐོགས། །ནོར་གོད་སྙིང་སྟོང་གོད་ཁ་འོང་། །གཡང་ཉམས་གཡང་ལེན་ཆུ་གཏོར་བཏང་། །ཚེ་ཆོག་གཡང་སྐྱབས་དགྲ་བྲུབ་ཟབ། ༈ །དབང་ཐང་མ་རྡེལ་དཀར་བས་ན། །ཕ་མྱེས་མ་ཕྱིའི་རིགས་རྒྱུད་བཟང་། །རི་རབ་སྲོག་གུར་ཕུར་བ་འདྲ་།མ་གསུ་ཞང་པོའི་དྲིན་བཟའ་བ། །རིན་ཆེན་གཏེར་ལ་སྤྱོད་པ་འདྲ། །ཡིད་བཞིན་ནོར་བུ་རྙེད་དང་མཚུངས། ༈ །དབང་དང་མ་རྡེལ་ནག་པས་ན། །ཞིང་ཕྱི་ནོར་ལ་ཕན་མི་ཐོགས། །གསུ་མོ་བག་མ་མི་ལེན་པ། །ཕུང་འདྲེ་བྱས་དང་ཕུང་སྲི་མནན། །བཅད་ཏེ་རྩིག་དང་ཆུ་གཏོར་བཏང་། ༈ །དབང་དང་བུ་རྡེལ་དཀར་བས་ན། །ཚེ་སྨད་བུ་ཡི་ཕན་ཐོགས་ཤིང་། །གསེར་གྱི་ལྗོན་ཤིང་འདབ་རྒྱས་འདྲ། །བུ་ཚ་ཁ་དྲག་མང་བ་དེ། །ཁ་གྱོད་ཟར་མའི་མེ་ཏོག་འདྲ། །ཚེ་སྨད་བུ་ཚ་བཟང་ངན་བརྟག ༈ །དབང་དང་བུ་རྡེལ་ནག་པས་ན། །ཚེ་སྐད་བུ་ཡིས་ཕན་མི་ཐོགས། །བུ་ལ་ལྕགས་ཀྱི་ཟིན་པའམ། །མི་ཡུལ་འཁྱམ་ལ་འགྲོ་བ་འོང་། །བུ་ལ་བརྗེ་བྱས་ན་བཟང་། །སཙྩ་བཏབ་ན་བཟང་བ་ཡིན། ༈
དབང་རྡེལ་གྲོགས་རྡེལ་དཀར་བ་ན། །རྔ་མོང་བུ་དང་འཕྲད་པ་བཞིན། །བདུད་རྩིའི་ཆར་ཆེན་འབེབས་པ་འདྲ། །ནོར་རྫས་འབྲུ་དང་འཕྲད་པ་དེ། །ཟལ་མོ་ཟས་དང་འཕྲད་པ་འདྲ། །དབུལ་པོ་ཕྱུག་པོ་འོང་བ་ཡིན། །ཞིང་བྲུབ་བུ་ལུ་མི་འཕྲད་བཏག་པ་ནི། །དབང་ཐང་གྲོགས་རྡེལ་ནག་པས་ན། །རྨིག་པ་ཁ་བྲག་ཅན་ལ་ངན། །རྒས་ཁ་ནོར་དང་འབྲལ་ཉན་ཡོད། །ནོར་ནི་དཀར་མཚན་ཅན་ལ་ངན། །གསེར་འོད་གཡང་སྐྱབས་ནོར་གཟུངས་འདོན། ༈ །དབང་ཐང་དགྲ་རྡེལ་ནག་པས་ན། །རང་ལེན་མེད་པའི་ཤ་སྟོང་འཇལ། ༈ །ནོར་ཡོད་མི་ལ་ཤོར་ཉན་ཡོད། །རང་ཡང་མི་ཡིས་བསད་དོགས་ཡོད། །དཔོན་རིགས་བཟང་པོ་གཅིག་ནི་བཙལ་ན་བཟང་། ༈ །དབང་དང་དགྲ་རྡེལ་དཀར་བས་ན། །ཟས་ནོར་ཤོར་གོད་མེད་པ་ཡིན། །མུ་ཏིག་དར་ལ་བརྒྱུས་པ་འདྲ། །དབུལ་པོ་ཕྱུག་པོ་འོང་བ་ཡིན། །ཞག་གི་རྒྱ་མཚོ་འཁྱིལ་བ་འདྲ། །ནོར་གོད་ཆུང་བ་བཏག་པ་ཡིན། །རླུང་རྟའི་ཡིད་ཚད་བཟང་ངན་བརྩི། །རླུང་རྟའི་རང་རྡེལ་དཀར་བས་ན། །ཡིད་ཚད་ཡི་གེ་གཏེར་མི་ལ། །གསོན་ཁྱིམ་འགྲོ་བ་གསེར་གཡུ་སྤྲས་པ་འདྲ། །ངན་སྔགས་གང་ལ་སྒྲུབ་པ་
དེ། །ལྕགས་མིག་སྲན་མ་འདྲིལ་བ་འདྲ། ༈ །རླུང་རྟའི་རང་རྡེལ་ནག་པས་ན། །ཕྱི་མི་བྱམས་ན་ནང་མི་སྡེ། །གོང་མས་བྱམས་ལ་འོག་མས་སྡང་། །གཏོ་ལ་དགྲ་བ་བྱུར་བདུན་བྱ། །མི་ཁ་བྲུབ་མནན་བྱས་ན་བཟང་། ༈ །རླུང་རྟའི་ཡ་རྡེལ་དཀར་བས་ན། །རིགས་རྒྱུད་བཟང་པོ་འཁོར་བ་དེ། །མུ་ཏིག་བཙལ་རྙེད་བརྒྱུས་པ་འདྲ། །མཚན་པ་ཕྲིན་ལས་རིམ་པ་ནི། །ངར་དང་མར་ཆེན་བརྒྱང་པ་འདྲ། །ཕྱི་མཛེས་རྒྱལ་མཚན་རྩེ་མོ་འདྲ། ༈ །རླུང་རྟའི་མ་རྡེལ་ནག་པ་ན། །བློན་པོ་དང་ནི་དྲིན་ཆུང་བའི། །ཤེས་རབ་སློབ་ཀྱང་མི་ལོབ་པ། །རིགས་རྒྱུད་མི་ལ་ཤོར་བའམ། །ཁ་རྗེ་སློང་ན་བཟང་བར་བཤད། ༈ །རླུང་རྟའི་བུ་རྡེལ་དཀར་བས་ན། །གཉེན་འདུན་བརྩེ་གདུང་ཆེ་བ་དེ། །ཁ་རོ་ལ་ལྕགས་གཟར་བ་འདྲ། །གཞང་ཞིང་གྲོགས་ཁ་མ་རལ་བ། །མུ་ཏིག་དར་ལ་བརྒྱུས་པ་འདྲ། །ཚེ་སྨད་བུ་ཡི་མིང་མ་བརྩི། ༈ །རླུང་རྟའི་བུ་རྡེལ་ནག་པས་ན། །ཕ་ཚན་ནམ་བུ་དབང་ཐང་ཆུང་། །རྒྱ་མཁལ་བརྩིགས་དང་ཏོག་གཟུངས་འདོན། ༈ །ཀླུང་རྟའི་གྲོགས་རྡེལ་དཀར་བས་ན། །ཟས་ནོར་ལག་ཏུ་འོང་བ་དེ། །མཐུད་མར་བརྩེགས་པའི་རི་བོ་འདྲ། །རྒས་ཁ་
གཡང་ཁ་མ་རལ་བ། །དངུལ་གཞོང་མར་ཁུའི་བཀང་བ་འདྲ། །སྒོ་ནོར་ཡོད་མེད་སྐྱིད་སྡུག་བདག་༈ །རླུང་རྟའི་གྲོགས་རྡེལ་ནག་པས་ན། །བྱས་སུ་ནོར་མི་གཡང་ཉམས་པ། །གཡང་སྐྱོབས་འདོན་ལ་གཡང་འབོད་བྱ། ༈ །རླུང་རྟའི་དགྲ་རྡེལ་དཀར་བས་ན། །སྔོན་དུ་ཐམས་ཅད་བྱམས་པའི་ནད། །ལྷག་པར་རྣོ་སོ་སྨྲ་མི་བྱེད། །རྒྱལ་པོ་ལྐོག་གི་མི་རྣམས་དང་། །ཉེ་བའི་ཕན་པས་མི་སྡང་ངོ་། །རྒས་ཁ་དགྲ་རྣམས་ཐུལ་བ་དང་། །ཐམས་ཅད་ཀུན་གྱི་བྱམས་པ་ཡིན། ༈ །རླུང་རྟའི་དགྲ་རྡེལ་ནག་པས་ན། །སྐྱིད་ཀ་དགྲ་རྐུན་ལང་བ་དང་། །མཚོན་ཆ་རྣོ་གཅོད་བབ་པ་ཡིན། །དགྲ་མནན་དགྲ་ཆོས་དགྲ་བྲུབ་བྱ། །བླ་མར་སྐྱབས་སྡོམ་ཞུ་བའོ། ༈ །སྲོག་བཞིའི་ལུས་ཚང་ངམ་མ་ཚང་། །༈ རྣམ་བཞིའི་ལྷག་པ་བུད་མི་བུད། ༈ །བུ་བཞིའི་མཁར་བུ་ཚུད་དམ་མ་ཚུད། ༈ །གྲོགས་བཞིའི་གཏེར་ཆེན་ཐོན་ནམ་མ་ཐོན། ༈ །དགྲ་བཞིའི་བྱུར་བཞི་བཤའ་མཚོན་ཐོགས་སམ་མ་ཐོགས། ༈ །བུ་བཞིའི་བློ་སྒོ་ཤོར་རམ་མ་ཤོར་བརྟགས་པའོ། ༈ །སྲོག་བཞིའི་དཀར་པོ་བྱུང་བས་ན། །ཚེ་ཡི་གཞི་མ་མ་ཤོར་བཟང་། །ཚེ་ཡི་ཉི་མ་བདུན་དུ་ཤར། །ཚེ་
ཚད་དགུ་བཅུ་ཐུབ་པ་ཡིན། ༈ །མ་བཞི་དཀར་པོ་བྱུང་བས་ན། །ཕ་ཁུ་དར་མ་ཚེ་ཡི་མདུད། །ཞང་མྱེས་རིག་རྒྱབ་བརྟེན་མི་ཆེན་ལ། ༈ །བུ་བཞི་དཀར་པོ་བྱུང་བ་ན། །བུ་ནི་དྲུག་དང་བདུན་གྱིས་བསྐུར། ༈ །གྲོགས་བཞི་དཀར་པོ་བྱུང་བས་ན། རི་རབ་ལ་རྒྱབ་རྟེན། རྒྱ་མཚོ་ལ་མཆུ་ཟུག་པ། འབྲི་བརྒྱ་བཞོ། ལུག་བརྒྱ་བཏགས། ༈ །དགྲ་བཞི་དཀར་པོ་བྱུང་བས་ན། རྒྱས་པ་ཁ་བུ་དང་ནོར་ལ་འཕེལ། དགྲ་རྣམས་ཐུལ་བ་ཕར་ཐུབ་བྱེད། །སྲོག་བཞི་ནག་པོ་བྱུང་བས་ན། །ཚེ་སྲོག་ལ་ཁར་ཕྱིན་པའི་རྩེ་མོ་ཆེ། ༈ །མ་བཞི་ནག་པོ་བྱུང་བའི་ན། གསུ་མོ་བུ་སྲིན་མཐའ་ནས་རྩོད་ཆད་ཡིན། ༈ བུ་བཞི་ནག་པོ། ད་ལྟ་བུ་སྤུན་མང་ན་ཡང་། ཐ་མལ་རབས་ཆད་བུ་མལ་སྟོང་། ༈ གྲོགས་བཞི་ནག་པོ། །ཟས་ནོར་མི་ལ་ཤོར་དོགས་འོང་། ༈ དགྲ་བཞི་ནག་པོ་བྱུང་བས་ན། །ནོར་བརྒྱ་ཡོད་ཀྱང་ཐ་མ་སྤྲང་པོར་འགྲོ། ཡོད་པ་མི་ལ་ཤོར། འབྲི་བརྒྱ་བཞོས་ཀྱང་ཐ་མ་བཞོ་རྫ་ས་ཟད། ཐ་མ་ཇེ་ངན་དུ་འགྲོ་གསུངས་སོ། །དར་རྒུད་གསེར་ཕྲེང་གི་རྡེལ་དཔྱད་གསལ་བའི་སྒྲོན་མེ་ཞེས་བྱ་བ་རྫོགས་སོ།། །།སརྦ་མངྒ་ལཾ།།
རེའུ་མིག་ཡོད། ལྕགས་བྱི་ལོ་པ་རང་ལོའི་བྲེ་གང་རྡེལ་དྲུགགི་རྡེའུ། བུ་མོ་ལྕགས་བྱི་ལོ་པ་རང་ལོའི་བྲེ་གང་རྡེལ་དྲུག་གི་རྡེའུ། གོང་གསལ་བཞིན་འདི་དོན་ལྟར་རིགས་པས་དཔྱད་ཤེས་དགོས། གནམ་ཁྱི་སྦྱོར་རྩིས་ཡོད། འདི་འོག་གསོན་རྩིས་ཡོད། །
རེའུ་མིག་ཡོད། མེ་ཕོ་བྱི་བ་སྐྱེས་དར་མ་རང་ལོ་ཉེར་ལྔའི་བྲེ་གང་རྡེལ་དྲུག་གི་རྡེའུ། བུད་མེད་མེ་ལོ་བྱི་བ་རང་ལོ་༢༨ལོ་པའི་བྲེ་གང་རྡེལ་དྲུག་གི་རྡེའུ།
རེའུ་མིག་ཡོད། ས་ཕོ་སྟག་གི་ལོ་ས་ཕོ་ལོ་བརྒྱད་ཅུ་རྩ་གསུམ་ལོ་པའི་བྲེ་གང་རྡེལ་དྲུག་གི་རྡེའུ། ༈ བུད་མེད་ས་ཕོ་སྟག་གི་ལོ་མ་ལོ་བརྒྱད་ཅུ་རྩ་གསུམ་ལོ་པའི་བྲེ་གང་རྡེལ་དྲུག་གི་རྡེའུ།