གཤིན་རྩིས་མན་ངག་དཔྱད་དོན་བདུན་པ།
གཤིན་རྩིས་མན་ངག་དཔྱད་དོན་བདུན་པ་བཞུགས་སོ། །
ན་མོ་མཉྫ་ཤྲཱི་ཡེ། གཤིན་རྩིས་དོན་བདུན་བསྟན་པ་ནི། །ནམ་མཁའ་ལྟ་བུར་དཔྱད་པ་དང་གཅིག །ས་གཞི་ལྟ་བུར་དཔྱད་པ་དང་གཉིས། །རི་རབ་ལྟ་བུར་དཔྱད་པ་དང་གསུམ། །གཙུག་ལག་ལྟ་བུར་དཔྱད་པ་དང་བཞི། །རུ་སྦལ་ལྟ་བུར་དཔྱད་པ་དང་ལྔ། །མཆོད་རྟེན་ལྟ་བུར་དཔྱད་པ་དང་དྲུག །ལྗོན་ཤིང་ལྟ་བུར་དཔྱད་པ་དང་བདུན། ༈ །ནམ་མཁའ་ལྟ་བུར་དཔྱད་པ་ནི། །ཤར་ཉི་མ་རྒྱས་དང་མ་རྒྱས་ལྟ། །ལྷོ་སྤྲིན་འཐུག་དང་མི་འཐུག་ལྟ། །ནུབ་གྲིབ་སོ་གུག་དང་མ་གུག་ལྟ། །བྱང་སྤྱི་བོར་གྱི་ལྷག་པ་ལོང་དང་མ་ལོང་ལྟ། ༈ །ཤར་ཉི་མ་རྒྱས་ན་ཕོ་
དཔའ་ཆེ་ལ་བཟང་། ཟས་ནོར་འཕེལ། ཤར་ནས་གྲོགས་འོང་། ནག་ན་ངན། ཤར་ནས་གྱོད་འོང་། ༈ ལྷོ་སྤྲིན་མ་མཐུག་ན་འབྲིང་རྒྱུད་ལ་ངན། རྡེའུ་དཀར་ན་བཟང་། ཟས་ནོར་འཕེལ། ལྷོ་ནས་གྲོགས་འོང་། ༈ ནུབ་ཀྱི་རྡེའུ་དཀར་ན་བཟང་། ཆུང་རྒྱུད་ལ་བཟང་། ཟས་ནོར་འཕེལ། ནག་ན་ངན། བུ་སྲིང་གཉིས་ཀྱི་ཁ་མདའ་ཡོད། བྱང་སྤྱི་བསེར་ལྷག་ཁ་ལོང་ན་བུ་ཚ་རྒྱུད་ལ་ངན། ནག་ན་གཏོ་བྱ། ཁྲ་ན་འབྲིང་། ས་གཞི་ལྟ་བུར་དཔྱད་པ་ནི། ཤར་ནས་ས་མ་གཡོས་དགོས། ལྷོ་ནས་བྲག་མ་ཉིལ་དགོས། ནུབ་ནས་ཆུ་མ་རྙོག་
དགོས། བྱང་ནས་རླུང་མ་གཡོས་དགོས། ཤར་ནས་ས་གཡོས་ན། ཆེ་རྒྱུད་དར་མ་ལ་བྱ་ཐོང་། ལྷོ་ནས་བྲག་རི་ཉིལ་ན། ཟས་ནོར་དབུལ། འབྲིང་རྒྱུད་བྱ་ཐོང་། ནུབ་ནས་ཆུ་རྡོལ་ན། བུ་མོ་དང་བུ་སྲིང་ལ་བྱ་ཐོང་། ཆུང་རྒྱུད་ལ་ངན། བྱང་ནས་རླུང་གཡོས་ན། བུ་དང་ཚ་བོ་ལ་ངན། ཆུང་མ་དང་ཕྲན་མ་ཀླུ་ཐོང་། བྱད་ངོ་ཡོད། རི་རབ་ལྟ་བུར་དཔྱད་པ་ནི། ལྗོན་ཤིང་རྒྱས་དང་མ་རྒྱས་ལྟ། །སྟོད་ཀྱི་རྡེའུ་རྣམས་ལ་ལྟ། བོད་ཀྱི་རི་ལ་ཡལ་ག་རྒྱས་དང་མ་རྒྱས་ལྟ། རི་རབ་རྩ་བ་བརླིང་དང་མི་བརླང་ལྟ། ལྗོན་ཤིང་ཡལ་ག་རྒྱས་ན་མདུན་མི་ཁོག །རྡེའུ་དཀར་ན་བཟང་། ཁྲ་ན་ཕྱི་ཚ་བོ་ལ་མདུན་ཕོག །ནག་ན་རྒན་རིམ་དང་ཚ་བོ་ལ་ངན། རི་རབ་ས་མ་རྒྱས་ན་ཟས་ནོར་གྱི་བཅུད་འཐོར། རྩ་བ་མ་བརླིང་ན་ཡུལ་འཆོར། དཀར་ནི་བཟང་། ནག་ན་ངན། མི་རེ་མི་དོགས་ས་ནས་དགྲ་འོང་། ཡུལ་མའི་མི་ཁ་ཟུག །ཁྲ་ན་སྐྱོན་མེད། ནག་ན་ངན་པ་ཡིན། སྲོག་ཤིང་ཆག་ན་དར་མ་ལ་ངན། ཁྲོ་ན་གཏད་ཡོད། ནག་ན་ངན་པ་ཡིན། གཙུག་ལག་ལྟ་བུར་དཔྱད་པ་ནི། ཀ་བཞི་མ་ཚིག་དགོས། གདུང་བཞི་མ་ཞོམ་དགོས། སྒོ་བཞི་མ་སྟོང་དགོས།
སྣུམ་ཉ་མིག་ཙམ་ཕུགས་སུ་ཡོད་དགོས། གྱོད་མཛེ་རོ་ཙམ་དེ་ཕྱི་ན་བུད་དགོས། ཀ་བཞི་ཆག་ན་སྐྱེས་དར་མ་ལ་གནོད། གདུང་བཞི་ཞོམ་ན་སྒྲས་རབས་ལ་ངན། སྒོ་བཞི་སྟོང་ན་ཟས་ནོར་ལ་ངན། དཀར་ན་བཟང་། ཁྲ་ན་འབྲིང་། ནག་ན་ངན། རུ་སྦལ་ལྟ་བུར་དཔྱད་པ་ནི། རུ་སྦལ་མགོ་ཆག་ན་རྟ་སྦྲུལ་ལོ་པར་ངན། གཞོགས་གཡས་བྷཆག་ན་སྟག་ཡོས་ལོ་པར་ངན། གཡོན་ཆག་ན་བྱ་སྤྲེལ་ལོ་པར་ངན། རྐང་པ་གཡས་ཆག་ན་གླང་ལོ་པར་ངན། མཇུག་མ་ཆག་ན་བྱི་ཕག་ལོ་པར་ངན། རྐང་པ་གཡོན་ཆག་ན་ཁྱི་ལོ་པར་ངན། ལག་པ་གཡས་ཆག་ན་འབྲུག་ལོ་པར་ངན། ལག་པ་གཡོན་ཆག་ན་ལུག་ལོ་པར་ངན། རྡེའུ་གསུམ་པ་དཀར་ན་ཚེ་རིང་། ཟས་ནོར་འཕེལ། ཁྲ་ནི་འབྲིང་ཟས་ནོར་འབྲིང་ཙམ་འོང་། ནག་འབྱམས་བྱུང་ན་ཚེ་ཐུང་། རྡེའུ་དཀར་ནག་གི་གཅོད་འདྲལ་རིགས་པས་དཔྱད། སྤར་ཁ་བརྒྱད་ཀྱི་ཆོས་བརྒྱད་ཐོན། ཚ་ཚ་རང་མདོག་ལོ་གྲངས་སུམ་འགྱུར་དང་། མདོ་འབུམ་འདོན། བཟློག་པ་དྲག་པོ་བྱ། མདུན་བུད་ཡུལ་བུད་བྱེད། ཚེ་ཟད་གསུམ་གྱི་གཏོ་བྱ། ཚེ་རིང་གསུམ་གྱི་གཏོར་སྐུ་བཙུགས། །ཚེ་ཐར་བཅུ་གསུམ་བྱ།
ཚེ་འབར་གསོ། བསང་དང་གསས་མཁར་ཁ་བསྟོད་བྱ། མཚོ་སྨན་རྒྱལ་མོའི་གུར་མདོས་བྱ། ཁ་འབར་མ་ཡི་མདོས་བྱས་ན། གསུམ་ཀ་ནག་ན་ངེས་པར་ངན་པ་ཡིན། གཤིན་པོའི་སྲོག་ལུས་ཀྱི་གསོན་པོའི། མ་བཅད་ན་ཤི་བསྒྲག་བྱ། ཡུལ་བུད་འཇུག་བྱས་ན་བཟང་། སྐྱེས་པ་ཡིན་ན་ཚེ་ཆོག་བྱ། བཅའ་ཏུ་བསྒྱུར། ཆུ་རྫིང་རྒྱལ་མདོས་བྱ། རིགས་གསུམ་གྱི་སྐུ་ཐོགས། །བུད་མེད་ཡིན་ན་ཁ་ལེན་མེད་པའི་སྟོན་མོ་བྱ། དགུ་མདོས་བྱ། ལུང་པ་གསུམ་གྱི་མདོ་ན་མེ་འབུད། མཆོད་རྟེན་ལྟ་བུར་སྤྱད་པ་ནི། མཆོད་རྟེན་གྱི་རྩེ་མོར་སྐྱོན་བྱུང་ན། བླ་མ་དང་མི་དཔོན་ལ་ངན། བུམ་པ་ལ་སྐྱོན་བྱུང་ན་རྒས་རིམ་ལ་ངན། ཁྲི་འཕང་ལ་སྐྱོན་བྱུང་ན་ཆེ་རྒྱུད་ལ་ངན། དེ་འོག་སྐྱོན་བྱུང་ན་འབྲིང་རྒྱུད་ལ་ངན། དེ་འོག་སྐྱོན་བྱུང་ན་བུད་མེད་ལ་ངན། དེ་འོག་སྐྱོན་བྱུང་ན་ཚ་བོ་ལ་ངན། དེ་འོག་ལ་སྐྱོན་བྱུང་ན་ནོར་ལ་ངན། དེ་འོག་སྐྱོན་བྱུང་ན་བྲན་དང་སྒོ་ཁྱི་ལ་ངན། དེ་འོག་སྐྱོན་བྱུང་ན་ཁྱིམ་ཚང་ལ་ངན། ཡར་དེད་པ་བརྒྱད་མར་དེད་པ་བརྒྱད་དེ་རྣམས་རྩིས་ཁོག་འདི་ལ་སྤྱད། ཤར་ཕྱོགས་རྡེལ་ཚན་དཀར་ན་ཚེ་རིང་ནད་མེད་ཡུལ་དུ་བཀྲ་ཤིས། ལྷོ་ཕྱོགས་རྡེལ་མཚན་དཀར་ན།
གྲོགས་འབྱུང་དགྲ་མི་འབྱུང་ནོར་འཕེལ། ནུབ་ཕྱོགས་རྡེལ་མཚན་དཀར་ན་གཤེད་ཀྱི་སྒོ་མོ་བགག །བྱང་ཕྱོགས་རྡེལ་མཚན་དཀར་ན་དགྲ་མི་འོང་། དེ་ཡན་ཆད་གཤིན་རྩིས་དོན་བདུན་གྱིས་བརྟག །ད་ནི་སྲོག་གིས་བནྡེ་དེས་བདག་རྩི་་་་འདི་རྣམས་ནི་ཁ་དམར་རྡེའུ་ལ་ཟེར་བ་རེད་མཆན། རྡེའུ་བཅུ་པའི་གཅིག་ལ་དཔྱད། །ལུས་ཀྱི་བོན་པོ་རོ་འཛིན་རྩི། །ལུས་ཀྱི་རྡེའུ་གཅིག་ལ་དཔྱད། །དབང་ཐང་སྲུ་མོ་བྲན་མོ་རྩིས། །དབང་ཐང་རྡེའུ་གཅིག་ལ་དཔྱད། །ཀླུང་རྟས་ཞང་པོ་ལྷ་གསོལ་ཅིང་། །ཀླུང་རྟའི་རྡེའུ་གཅིག་ལ་དཔྱད། །ཁམས་ཀྱི་སྤྱི་ཁྱབ་ཀུན་ལ་བརྩི། །ཁམས་ཀྱི་རྡེའུ་གཅིག་ལ་དཔྱད། །དེ་ཡན་ཆད་རྡེའུ་གཅིག་པའོ། །འདི་རྣམས་ནི་སྨེ་བའི་ཤེས་རབ་ལས་རྩིས་ལ་ཟེར་བ་རེད། རྡེལ་རྒྱབ་ལུག་ཀ་དཔེ་ལ་མེད། དཀར་ནག་ཟེར་བ་བཤད་པ་བཟང་ངན་རེད། གནས་ཀྱི་རྡེའུ་ཕྱི་མ་གར་སྐྱེས་ལྟོས། གཅིག་པ་ནག་ན་དམྱལ་བར་སྐྱེ། དེ་ལ་གསེར་གྱི་རྡོ་རྗེ་གཅོད་པ་བྲིས། ཁྲ་ན་མྱུར་དུ་ལུས་གཅིག་ལེན་པ་ཡིན། དེ་ལ་གཟུངས་ཆེན་སྡེ་ལྔ་བྲི། །ལྔ་པ་ནག་ན་ལྷ་མིན་གནས་སུ་སྐྱེ། །དེ་ལ་སྒྲོལ་མ་བྱང་ཆུབ་ལྟུང་བཤགས་བྲི། །ལོང་སྤང་ཐམས་
ཅད་ལ་སྦྱིན་པ་ཐོང་། དྲུག་པ་དཀར་ན་ལྷ་ཚེ་རིང་དུ་སྐྱེ། སྐྱེ་ངེས་ལ་ལང་ཀར་གཤེགས་པ་བྲིས། བདུན་བརྒྱད་དགུ་གསུམ་ནག་ན་དམྱལ་བར་སྐྱེ། དེ་རྣམས་ཀྱི་སྐྱེ་སྒོ་གཅོད་པ་སྨེ་བའི་ནང་གསལ། དེ་ཡན་རིགས་དྲུག་གི་སྐྱེ་གནས་བརྟགས་པའོ། །གནས་ཀྱི་རྡེའུ་ནི་ལོ་རྒན་དང་སྨེ་བའི་ཤེས་རབ་ལས་རྩིས་ཡིན། དེ་ལ་རྡེལ་བརྒྱབ་ན་རྒྱུན་མེད། གསོན་རྩིས་རྡེལ་ཕྲེང་བཅུའོ། །ད་ནི་གནས་ཀྱི་རྡེའུ་ཚེ་ཚད་བརྟག་པ་ནི། གཅིག་བཅུ་ཉི་ཤུ་སུམ་ཅུ་བཞི་བཅུ་ལྔ་བཅུ་དྲུག་ཅུ་བདུན་ཅུ་བརྒྱད་ཅུ་དགུ་བཅུའོ། །དེ་རྣམས་ན་ཚེ་རིང་། ནག་ན་བར་ཆད་ཡིན་པས་ཤེས་པར་བྱའོ། །དཀར་ནག་རིག་པས་མདའ་ཡི་བསྟུན། །གསོན་རྩིས་རྡེའུ་བཅུ་པ་ཡིན། །དཀར་ནག་དེ་བཞིན་ཤེས་པར་བྱ། །ཚེ་ཡི་རིང་ཐུང་རྡེའུ་འགྲོས་ལྟོས། །ད་ནི་སྲོག་གི་ཤི་དུས་ས་ཡིན་མིན་རྩི། །ལུས་ཀྱི་ན་ཚ་འོང་དང་མི་འོང་རྩི། །དབང་གི་ཟས་སྐལ་ཡོད་མེད་རྩི། །རླུང་རྟས་ཤི་མིག་ཡག་ཉེས་རྩི། །ཁམས་ཀྱི་འདུར་ཐང་ཐུབ་དང་མི་ཐུབ་རྩི། །སྲོག་རྡེལ་ཡ་ཐ་གསུམ་གྱི་ཆེ་རྒྱུད་རྩི། །དེ་འོག་གསུམ་གྱི་འབྲིང་རྒྱུད་རྩི། །དེ་འོག་གསུམ་གྱི་ཆུང་རྒྱུད་རྩི། །ལུས་རྡེལ་ཡ་ཐ་གསུམ་གྱི་ཆེ་རྒྱུད་རྩི། །བར་མ་གསུམ་གྱི་
འབྲིང་རྒྱུད་རྩི། །ཐ་མ་གསུམ་གྱི་ཆུང་རྒྱུད་རྩི། །དབང་རྡེལ་ཡ་ཐ་གསུམ་གྱི་མ་སྲུ་མཛའ་དང་མི་མཛའ་རྩི། བར་མ་གསུམ་གྱི་མནའ་མ་ལ། བསོད་ནམས་འོང་དང་མི་འོང་རྩི། ཐ་མ་གསུམ་གྱི་ནོར་གྱི་ཚང་། འོང་དང་མི་འོང་རྩི་བའོ། །གོང་མ་རྣམས་ནི་ནོར་ལ་དབང་། །བར་མ་རྣམས་ནི་རྟ་ལ་དབང་། །ཐ་མ་ལུག་དང་ར་ཡི་དབང་། །དཀར་ན་བཟང་། ནག་ན་ངན། ཁྲ་ན་འབྲིང་། དེ་ཡན་རྡེལ་འགྲོས་བཞི་བཅུའི་བརྟག་པའོ། །ད་ནི་སྲོག་ལ་ཤི་དུས་བྱུང་བ་ན། མཚོ་རྩེའི་ཐོག་ཏུ་འགེལ་བ་འདྲ། །ལུས་ཀྱི་བདུད་དུ་མ་ཐུབ་ན། །དབང་ཐང་ཟས་སྐལ་ནག་ན་ངན། །འདི་ཁ་དམར་གྱི་རྡེའུ་མའོ། །ད་ནི་རླུང་རྟའི་རྡེའུ་མ་ཐ་གསུམ་དཀར་ན། རྟའི་ར་བ་གང་བ་ཡིན། ཁྲ་ན་འབྲིང་ལ་ནག་ན་ངན། བར་གྱི་རྡེའུ་གསུམ་དཀར་ན། ནོར་གྱི་ར་བ་གང་བ་ཡིན། ཁྲ་ན་འབྲིང་ལ་ནག་ན་ངན། རླུང་རྟ་སྨད་ཀྱི་རྡེའུ་གཅིག་དཀར་ན། ལོ་གཅིག་ལ་ལུས་ལ་ནད་མེད། ཟླ་བ་གཉིས་དང་། ཞག་གསུམ་ལ་དབང་། རྡེའུ་གཉིས་དཀར་ན། ལོ་གསུམ་དང་ཟླ་བ་བཞི་ལ་དབང་། ཞག་ལྔ་ལ་དབང་། གསུམ་ཀ་དཀར་ན་ར་བ་ལུག་གི་གང་། མི་རབས་
གསུམ་ལ་ལུག་མི་ཆད། དེ་ཡན་ཆད་རྡེའུ་བརྟགས་པའོ། །ད་ནི་ཁམས་ཀྱི་རྡེའུ་བཤད་པ་ནི། རྡེའུ་གཅིག་པ་ཤར་གྱི་དབང་། གཉིས་པ་ལྷོའི། གསུམ་པ་ནུབ་ཀྱི། བཞི་པ་བྱང་གི་དབང་། ལྔ་པ་ཤར་ལྷོ་མཚམས། དྲུག་པ་ལྷོ་ནུབ་མཚམས། བདུན་པ་ནུབ་བྱང་མཚམས། བརྒྱད་པ་བྱང་ཤར་མཚམས་ལ་དབང་། དགུ་པ་མི་ཁ་འོང་དང་མི་འོང་བརྟག ཁམས་ཀྱི་རྡེའུ་གཅིག་པ་ནག་ན། ཤར་ནས་དགྲ་འོང་། གཤེད་མ་ཤར་དུ་འགྲོ། ཁྱི་དཀར་པོ། རྟ་དཀར་པོ། མཚན་ཅན་ཡོད་པ། བཟའ་ཕ་ལྔ་ཡོད་ས་ལ་འགྲོ། གཉིས་པ་ནག་ན་ལྷོ་ནས་དགྲ་འོང་། གཤེད་ཀྱང་ལྷོར་འགྲོ། རྟ་ཁྲ་བོ་ནོར་ཁྲ་བོ་བུད་མེད་བཟའ་ཕ་གསུམ་ཡོད་ས་ལ་འགྲོ། གསུམ་པ་ནག་ན་ནུབ་ནས་དགྲ་འོང་། གཤེད་ཀྱང་ནུབ་ཏུ་འགྲོ། ནུབ་ནས་བུ་སྲིང་ཆུང་བ་རྟ་ནག་ཁྱི་ནག་བཟའ་པ་གསུམ་ཡོད་ས་ལ་འགྲོ། བཞི་པ་ནག་ན། བྱང་ནས་དགྲ་འོང་།་གཤེད་ཀྱང་བྱང་ན་འགྲོ། སྔོན་བུད་མེད་བོང་སྐྱེ་ཐུང་བ་ཤ་རྩ་སྔོ་བ། སྐད་མི་བདེ་བ་ལུག་ལོ་པ་ལ་འགྲོ། ལྔ་པ་ནག་ན་ཤར་ལྷོ་མཚམས་ནས་དགྲ་འོང་། སྐྱེ་དམར་ཁྲ་ནང་ན་སྟོད་ཤ་ཟས་དཀར་མཚན་ཅན་ལ་གབ། ནོར་བྲེ་བོ་རྟ་ངང་པ་
སྤུ་ཙ་སེར་བ་བྲན་དང་བུ་སྲིང་ལ་འགྲོ། དྲུག་པ་ནག་ན། ལྷོ་ནུབ་ནས་དགྲ་འོང་། གཤེད་ཀྱང་ལྷོ་ནུབ་མཚམས་སུ་འགྲོ། ཟས་ཟ་འཕྲོ་སྒོ་དྲིལ་བ་དང་། ཚིལ་དང་ཤ་ལ་གབ། མི་བོང་རིང་བ་འགྲམ་པ་རྒྱ་བ་ཁྱི་ཁམ་པ། ར་དང་གླང་ག་པ་ཡོད་ས་ལ་འགྲོ། ཞག་བཞི་བཅུ་ཞེ་གཉིས་སྟེང་དུ་ལྡོག་ཡོད། བདུན་པ་ནག་ན་ནུབ་བྱང་མཚམས་ནས་དགྲ་འོང་། གཤེད་ཀྱང་དེར་འགྲོ། བརྒྱད་པ་ནག་ན་བྱང་ཤར་མཚམས་ནས་དགྲ་འོང་། གཤེད་ཀྱང་དེར་འགྲོ། དགུ་པ་ནག་ན་བྱ་བ་ཅི་བྱས་ལམ་དུ་མི་འགྲོ། གཤེད་ཁ་རྒོད། །མི་ཆོད་ཉེ་བ་དགྲ་རུ་ལང་། ཁྱིམ་མཚེས་ཀྱི་འཁོན་ཚོལ་བ་ཡོད། གཅིག་གསུམ་དྲུག་གསུམ་ལ་སོགས་དཀར་ན་དགྲ་མེད། གཤེད་ཁ་མི་རྒོད། མི་ཁ་ཆོད། དེ་ཡན་ཆོད། དགུ་མན་ཆད་ན་ཤི་ཁ་བྱེ། གཤེད་ཁ་རྒོད་པས་གཏོ་སྲུང་དྲག་ཏུ་གྱིས། དེ་བཞིན་རྡེའུ་བརྟག་པའོ།། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།