ཚེས་གྲངས་ཀྱི་ཕྱོགས་ཡིག
ཚེས་གྲངས་ཀྱི་ཕྱོགས་ཡིག་བཞུགས་པའི་དབུ་ཕྱོགས་ལགས་སོ།
སྟག་ཤར་སྟོད་སྨིན་དྲུག་འཆར་ས། ཡོས་ཤར་སྨད་དགུན་ཉི་འཆར་ས། གཅིག་དགུ་བཅུ་དྲུག་ཉེར་བཞི་བྲམ་ཟེ་མོའི་ཚང་ལ་གཏོ་ཟོར་ལ་ཀོ་ལོང་དམ་སྔགས་པ་འཆི་ཤར་ནས་ནུབ་ཏུ་རྒྱུ། བརྒྱད་ནམ་ཕྱེད་བཙན་དང་འགྲོགས། གཉིས་ཉི་དྲོས་བཅོ་བརྒྱད་ནི་ཕྱེད་ཡོལ། ཉེར་བརྒྱད་ཉིན་ཕྱེད་གཟའ་བདུད་ཤར་ནས་ནུབ་ཏུ་རྒྱུ། ལྔ་བཅུ་གསུམ་ཉེར་གཅིག་ཉེར་དགུ་དུས་མཚན་བཅོ་བརྒྱད་ཕྱི་ཆ་བྷི་ཏྲི། གཅིག་བཅུ་གཅིག་ཉེར་གཅིག་གྱི་ལིང་ཞག་གི་ལྔ་སེར། གཅིག་བཅུ་གཅིག་བཅུ་དྲུག་ཉེར་གཅིག་རྡོ་རྗེ་མཁའ་འགྲོ་ཐུགས་ཀྱི་འཁོར་ཚོགས་སྐྱ་རེངས་ཤར་ནས་ནམ་ལངས་བར་
ཤར་ནས་ནུབ་ཏུ་རྒྱུ། གཟའ་འབར་བ་གོང་རྒྱུག་ནི་ལག་རིས་མཐོང་ནས་ཉི་དྲོས་བར་ཤར་ནས་ནུབ་བྱང་དུ་རྒྱུག་གོ །ཧལ་ཁྱི་སློང་བའི་འདྲེ་དང་གནམ་ཁྱི་ཟ་བྱེད་གཉིས་ནི་གཅིག་གསུམ་ཤར་ནས་ནུབ་ཏུ་རྒྱུ། གཟའ་ནི་རྒྱུ་བའི་ཡུན་ཆུ་ཚོད་གཉིས་ཡིན་ལ། ངེས་མེད་ཕ་སྲིན་པོ་ཚེས་བཞི་མ་སྲིན་མོ་ཉ་ལ། གདོང་མོ་བཞི་ཉེར་གཉིས་ལ་གནམ་གཏོང་སྲས་རཱ་ཧུ་ལ་རང་བཞིན་གྱི་རྒྱུའོ། །མན་ངག་ལུགས་ཀྱི་གྱི་ལིང་ནི་ཉི་མ་གང་ཡིན་དེའི་ཕྱོགས་སུ་ཡོད་པས་རྒྱབ་བསྟན་ནོ། །གསུམ་བཅུ་གཅིག་བཅོ་བརྒྱད་ཉེར་དྲུག་གཞོན་ནུ་མ་མེ་ཧོ་ལ་ཀོ་ལོང་དམ་བུད་མེད་ལ་ངན་ཤར་ལྷོ་ནས་ནུབ་
བྱང་དུ་རྒྱུ། བརྒྱད་ཉི་དྲོས་དགྲ་བླའི་རྒྱལ་མོ་དང་འགྲོགས་ལྔ་སྐྱ་རེངས་ཤར་དུས། བཅུ་བཞི་སྐྱ་རེངས་ཤར། ཉི་ཤུ་ནས་ནམ་ཕྱེད་ནུབ་བྱང་དུ་རྒྱུ། བཞི་ཉེར་གཉིས་ཉི་ཤུ་ཉེར་བརྒྱད་དུས་མཚན་ཆེན་པོ། བཅོ་ལྔ་བཅོ་བརྒྱད་ཕྱི་ཆ་བྷི་ཏྲི། གཉིས་བཅུ་གཉིས་ཉེར་གཉིས་བྱི་ལིང་ལྔ་སེར། འཕར་བ་གོང་རྒྱུག་ནི་སྲོད་ནས་ནམ་ཕྱེད་བར་ཤར་ལྷོ་ནས་བྱང་དུ་རྒྱུ། གནམ་ཁྱི་དཀར་པོ་ཟ་བྱེད་རྔམ་པ་ལྔ་གསུམ་ཤར་ལྷོ་ནས་ནུབ་བྱང་དུ་འགྲོ། ཨཾ༔ སྟོབས་ཆེན་དྲག་པོ་འདི་རྣམས་ཀྱི། །གདོང་ལ་དྲག་ལས་ཡང་བ་བཅས། །རྒྱབ་བསྟན་བྱས་ན་དཔུང་རོགས་བཟང་། །ཁྱད་པར་དུས་བརྒྱད་གཟའ་དང་ནི། །མཁའ་འགྲོ་འཕར་བ་གལ་ཆེ་བ། །སྔགས་རྒན་རྣམས་ཀྱི་ཕྱག་ལེན་ལག །མཁའ་འགྲོ་ལས་སྦྱོར་ཐམས་ཅད་དང་། །མདོས་དང་དྲག་ལས་ལ་སོགས་པ། །མཁའ་འགྲོ་རྒྱུ་དུས་བསྟུན་དགོས་པར། །གསུང་བཞིན་ཁ་ཡི་རྒྱུ་ཕྱོགས་གཟབ། །ལྔ་བཅུ་གསུམ་ཉི་ཤུ་ཉེར་བརྒྱད་ཕག་མོ་གཏོར་ཟོར་ལ་ཀོ་ལོང་དམ་སྔགས་པ་འཆི་ལྷོ་ནས་བྱང་དུ་རྒྱུའོ། །ཉེར་ལྔ་ཐོ་རངས་ཀླུ་དང་བསྡོང་། བཅུ་སྐྱ་རེངས་ནས་བཅུ་གཉིས་ཉི་མ་དམར་ཐག་ཆད་ཉེར་གསུམ་སྐྱ་རེངས་ཤར་བ་དང་ཉེར་ལྔ་སྐྱ་རེངས་ཤར་
བ་ལ་རྒྱུའོ། །གསུམ་བཅུ་གཅིག་ཉེར་དྲུག་བཅོ་བརྒྱད་དུས་མཚན་ཆེན་པོ། བརྒྱད་བཅུ་གཅིག་སྔ་ཆ་བྷི་ཏྲི། གསུམ་བཅུ་གསུམ་ཉེར་གསུམ་གྱི་ལིང་ཟོར་ཐོག་བྱིས་པའི་བདུད་ཞིག་གི་ལྔ་སེར། གཉིས་བཅུ་གཉིས་བཅུ་བདུན་ཉེར་གཉིས་ཉེར་བདུན་རིན་ཆེན་མཁའ་འགྲོ་ཡོན་ཏན་མཁོར་བཅས་ཉི་དྲོས་ནས་ཕྱེད་བར་ལྷོ་ནས་བྱང་དུ་རྒྱུའོ། །འཕར་བ་གདོང་རྒྱུག་ཉིན་ཕྱེད་ནས་དགོང་ཁར་བར་བྱང་ཤར་དུ་རྒྱུག ༈ །བསློ་བའི་འདྲེ་དང་གནམ་ཁྱི་ཟ་བྱེད་གཉིས་གསུམ་ལྷོ་ནས་བྱང་དུ་རྒྱུའོ།། ཨོྃ༔ ༼གཟའ་ཐོད་རྒལ་རྒྱུ་བ་ནི། བཅུ་གསུམ་ལ་སྲིན་པོ་ནམ་མཁའ་ནས་རྒྱ་མཚོ་རྒྱུ། ཉེར་བཞི་ལ་མ་ཀླུ་མོ་ཉིན་བྱེད་རྒྱ་མཚོ་ནས་རི་རྩེར་རྒྱུ། དེ་ཡང་གཟའ་དར་དུས་ནུས་པ་ཆེའོ། །གཟའི་ཉི་ནག་ཞིབ་རྩིས་དཔྱིད་གསུམ་ཤར་དབྱར་གསུམ་ལྟོ་སྟོན་གསུམ་ནུབ་དགུན་གསུམ་བྱང་ན་ཡོད་པས་དེ་ཕྱོགས་སུ་བྱ་བ་ལྷག་པར་འཛེམ་ཟེར། བཞི་བཅུ་གཉིས་བཅུ་གསུམ་ཉེར་བདུན་ཁྱབ་མཇུག་མའམ་ཁྱུང་ཞོན་མ་ཡས་དང་གཏོར་ཟོར་ལ་ཀོ་ལོང་དེ་བུ་ཚ་གནས་བདག་བནེ་འཆི། ལྷོ་ནུབ་ནས་བྱང་ཤར་དུ་རྒྱུ། གཡོན་དུ་ནོར་རྙེད་གཡས་སུ་ཕམ་རྒྱབ་ཏུ་སོང་ན་རྒྱལ་བ་ཡིན་གདོང་དུ་ཀོ་ལོང་དམ་
པའོ། །བཅོ་ལྔ་ཉིན་ཕྱེད་སྲིན་པོ་དང་རྒྱུ་སྡོང་གསུམ་ཉི་དྲོས་བཅུ་གསུམ་ནམ་ལངས་ཉེར་བདུན་ནམ་ཕྱེད་ཡོལ་ལྷོ་ནུབ་ནས་བྱང་ཤར་དུ་གཟའ་གཉིས་བཅུ་བཅོ་བརྒྱད་ཉེར་དྲུག་དུས་མཚན་ཆེན་པོ། བརྒྱད་ཉེར་གཉིས་སྔ་ཆ་བྷི་ཏྲི་ཉེར་དགུ་བཞི་བཅུ་བཞི་བཅུ་བཞི་ཉེར་བཞི་བྱི་ལིང་ལྔ་སེར། ༈ འཕར་བ་གདོང་རྒྱུག་ཐོ་རངས་ནས་ནམ་ལངས་བར་ལྷོ་ནུབ་ནས་ཤར་དུ་རྒྱུ། །གནམ་ཁྱི་དཀར་པོ་ཟ་བྱེད་རྔམ་པ་ཞག་གསུམ་ལ་ལྷོ་ནུབ་ནས་བྱང་ཤར་དུ་རྒྱུའོ།། ཨོྃ༔ ཟིན་ཕུང་རྒྱུ་ལུགས་གཉིས་འདུག་ཀྱང་། །འདི་ཡི་ལུགས་ནི་དག་པ་འདྲ། །ཟིན་ཕུང་མི་བདེན་ཟེར་ཐོས་ཀྱང་། །དགོངས་འདུས་ཨོ་རྒྱན་གསུངས་ལ་འདུག །དེ་ཕྱིར་རྩིས་མེད་མི་ཕོད་དོ། །གྱི་ལིང་འཕར་མའི་ཕྱོགས་སུ་ས་ཆགས་གང་བརྐོས་ན་མི་རེ་འཆི་བས་དེར་ཁ་རྒྱུ་ནས་མི་རྐོ་དགྲ་ཆོས་ཟོར་མདོས་སྦྱིན་སྲེག་གདོང་ཐུགས་ན་བན་བོན་ལོ་མི་སྐོར་ཅེས་གསུངས་སོ། །དྲུག་བཅུ་བཞི་ཉེར་གཅིག་ཉེར་དགུ་དབང་མོའམ་དཔའ་མོ་ཁྲག་ཟོར་ལ་ཀོ་ལོང་མ་ནུབ་ནས་ཤར་དུ་རྒྱུའོ། །བཞིའི་སྲོད་ཟླ་ཟེར་ལ་མ་མོ་དང་བསྡོང་། གཅིག་ཉི་དྲོས་བཅུ་བདུན་ཉིན་ཕྱེད་ཉེར་གཅིག་ཉི་མ་ཕྱེད་ཡོལ། བཅུ་གཅིག་དགུ་བཅུ་བདུན་ཉེར་ལྔ་དུས་མཚན་ཆེན་མོ་
བཞི་བཅུ་གཅིག་ཕྱི་ཆ་བྷི་ཏྲི། ལྔ་བཅོ་ལྔ་ཉེར་ལྔ་བྱི་ལིང་ཞིག་གི་ལྔ་སེར་གཉིས་ཡིན་ནོ། །གསུམ་བརྒྱད་བཅུ་གསུམ་བཅུ་བཞི་ཉེར་གསུམ་པདྨ་མཁའ་འགྲོ་གསུང་གི་འཁོར་བཅས་ཉིན་ཕྱེད་བཟུར་ཙམ་ནས་སྦྱར་མ་སྨད་བར་ནུབ་ནས་ཤར། ༈ མུན་རུབ་ནས་སྲོད་འགྱིང་བར་ནུབ་ནས་སར་ལྷོར་འཕར་བ་རྒྱུག །བསློང་བའི་འདྲེ་དང་གནམ་ཁྱི་ཟ་བྱེད་གསུམ་ནུབ་ནས་ཤར། ཨོཾ༔ ཡང་གསང་ཐོད་རྒལ་རྒྱུ་ལུགས་ནི་གཟའ་མཆོག་ཆེན་པོ་ཡབ་ཡུམ་འཁོར། གནམ་གང་ཐམས་ཅད་ལ་ཉིན་ཕྱེད་དང་། དགུན་ཟླ་ར་བའི་གནམ་གང་ལ། །ནམ་མཁའི་མཐོངས་ནས་རྒྱ་མཚོར་རྒྱུ། །གདོང་མི་གཏུག་པར་དྲག་ལས་བྱ། །ཀླུ་ནི་ཐེབས་དུས་ཀླུ་མཆོད་ལ་སོགས་བཟང་། །ལྡོག་དུས་བྱས་ན་གནོད་པ་ཆེ། །བདུན་དང་བཅོ་ལྔ་སྔ་ཆ། ཉེར་གཉིས་དང་གནམ་གང་ཕྱི་ཆ། མཐོང་མོའམ་དཔལ་མོ་ནུབ་བྱང་ནས་ཤར་ལྷོར་རྒྱུ། ཉེར་གཉིས་ཉི་མ་ཕྱེད་ཡོལ་ཉི་ཐལ་ཉི་རྩེ་ཤར་གཤིན་རྗེ་དང་སྡོང་། དྲུག་སྲོད་བཅུ་དགུ་ཉིན་ཕྱེད་ནུབ་བྱང་ནས་ཤར་ལྷོར་གཟའ་རྒྱུའོ། །བརྒྱད་བཅུ་དྲུག་ཉེར་བཞི་དུས་མཚན་ཆེན་པོ། གཉིས་ཉེར་ལྔ་དགུ་གཉིས་ཕྱི་ཆ་བྷི་ཏྲི་བཅོ་བརྒྱད་དྲུག་བཅུ་དྲུག་ཉེར་དྲུག་
གྱི་ལིང་ཞག་གི་ལྔ་སེར། དྲོས་ནས་ཕྱེད་བར་ནུབ་བྱང་ནས་ལྷོར་འཕར་བ་རྒྱུག །གནམ་ཁྱི་ཟ་བྱེད་རྔམས་པ་ནི། བདུན་གསུམ་ནུབ་བྱང་ནས་ཤར་ལྷོར་རྒྱུག ཨཾ༔ ལྔ་བཅུ་བཅོ་ལྔ་ཉི་ཤུ་དང་། །ཉེར་ལྔ་སངས་རྒྱས་མཁའ་འགྲོ་མ། །སྐུ་ཡི་འཁོར་ཚོགས་དང་བཅས་ནས། །རྩེ་ཤར་ནས་ནི་ཉི་དྲོས་བར། །སྟེང་ནས་འོག་ཏུ་རྒྱུ་བ་སྟེ། །དེ་དུས་བསྙེན་སྒྲུབ་དབུ་འཛུགས་ལེགས། །གྱི་ལིང་ཟེར་ཐོག་བྱིས་པའི་བདུད། །དགུ་གསུམ་སྟེང་ནས་འོག་ཏུ་རྒྱུ། །བཅུ་དང་ཉི་ཤུ་གནམ་གང་ལ། །འོག་ནས་སྟེང་དུ་རྒྱུ་བ་ཡིན། །བྱི་སྦ་ཁྲིད་དང་སྦྱིན་སྲེག་འཛེམས། །གཉིས་བཅུ་བདུན་ཉེར་ལྔ་དྲག་མོ་མེ་ཧོམ་ལ་ཀོ་ལོང་དམ་བྱང་ནས་ལྷོར་རྒྱུའོ། །བཅུ་གཅིག་ནི་འཇིགས་བདུད་དང་སྡོང་། བདུན་སྲོད་འཁོར་དང་། དགུ་ཉིན་ཕྱེད། བཅུ་གཅིག་ནམ་གུང་། ཉེར་བཞི་གུང་ཡོལ། ཉེར་དྲུག་དམར་ཐག་ཆད། བདུན་བཅོ་ལྔ་ཉེར་གསུམ་དུས་མཚན་ཆེན་པོ། བཅོ་ལྔ་ཉེར་ལྔ་སྔ་ཆ་བྷི་ཏྲི། བདུན་ཅུ་བདུན་ཉེར་བདུན་བྱི་ལིང་། ཞག་གི་ལྔ་སེར་ཡིན་ནོ། །དགུ་བཅུ་བཞི་བཅུ་དགུ་ཉེར་བཞི་ཉེར་དགུ་ལས་ཀྱི་མཁའ་འགྲོ་ཕྲིན་ལས་འཁོར་ཚོགས། དགོང་ཆུང་ནས་དམར་ཐག་མ་ཆད་བར་བྱང་
ནས་ལྷོར་རྒྱུའོ། ༈ །འཕར་བ་ནམ་ཕྱེད་ནས་ཐོ་རངས་བར་བྱང་ནས་ལྷོ་ནུབ་ཏུ་རྒྱུ། སློང་བའི་འདྲེ་དང་གནམ་ཁྱི་ཟ་བྱེད་བཞི་གསུམ་བྱང་ནས་ལྷོར་རྒྱུག ༈ །དུས་བརྒྱད་རྒྱུ་བའི་གདོང་གཏད་ལུགས། །འཕར་བ་གོང་རྒྱུག་གཙོ་བོར་འཛིན། །ཉིན་གཟའ་རྒྱུ་ལུགས་འདྲ་མིན་མང་། །དེ་ཕྱིར་ཡིད་ཆས་དཀའ་འདུག་སྟེ། །འདི་ནི་འཇམ་དཔལ་ནག་པོས་གསུངས། །གང་གཏད་དང་མཐུན་ཡིད་ཆེས་སོ། །འདི་ནི་གསང་བའི་རྒྱུ་ལུགས་ཟེར། །ནུས་ལྡན་རྩིས་མཁས་ཕྱག་དཔེར་བཤུས། །བ་དན་ཁྲ་བོ་དར་ཕྱར་དུང་འབུད་ལ་ལྷག་པར་ཀོ་ལོང་དམ། བཅོ་ལྔ་ལ་སྒྲ་གཅན་བྱུང་ན་གནས་སོ། །བཅོ་བརྒྱད་ཤར་ལྷོར་ཉེར་གཉིས་ལྷོ་ནུབ་ཉེར་ལྔ་ནུབ་བྱང་། ཉེར་དགུ་བྱང་ཤར་བརྒྱད་དང་བཅོ་ལྔའི་སྔ་ཆ་ཉེར་གསུམ་དང་གནམ་གང་ཕྱི་ཆ་དབང་ལྡན་དཔལ་ཆེན་མ་སྦྱིན་སྲེག་ལ་ཀོ་ལོང་དམ་བྱང་ནས་ལྷོ་ནུབ་ཏུ་རྒྱུ། ཉེར་དགུ་མདུང་གང་ནས་དམར་ཐག་ཆད་ཛ་བྱི་ན་ཡ་ཀ་སྡེ་བརྒྱད་དང་སྡོང་། བཅུ་གསུམ་ནམ་གུང་བརྒྱད་བཅོ་བརྒྱད་ཉེར་བརྒྱད་གྱི་ལིང་ཞག་གི་ལྔ་སེར། ༈ འཕར་བ་གོང་རྒྱུག་དགོང་ཁ་ནས་བཟན་ཟུར་བར་བྱང་ཤར་ནས་ནུབ་ཏུ་རྒྱུག །གནམ་ཁྱི་དཀར་པོ་ཟ་བྱེད་
རྔམས་པ་ནི་བརྒྱད་གསུམ་བྱང་ཤར་ནས་ལྷོ་ནུབ་ཏུ་རྒྱུའོ།། ཨོཾ༔ དབང་ཕྱུག་ལ་སོགས་འཇིག་རྟེན་དྲག་པོ་པ་རྣམས། ཐེབས་དུས་དྲག་ལས་གང་བྱས་མྱུར་དུ་འགྲུབ། །ལོ་སྒྲུབ་གཅིག་ལས་ཞག་སྒྲུབ་ནུས་པ་ཆེ། །ལྡོག་དུས་བྱས་ན་རང་དང་ཡོན་བདག་དང་། །གྲུ་འཁོར་སོགས་ལ་ཚེ་ཐུང་ནད་མང་དང་། །བཀྲ་མི་ཤིས་ཏེ་རང་བྱད་རང་ལ་ལྡོག །འདི་དག་ཉུང་བསྡུས་གོ་བདེར་བཀོད་པ་སྟེ། །རཱ་ག་ཨ་སྱས་བརྗེད་ཐོར་བྱས་པ་ཡིན། །ཕྱི་རབས་རྩིས་མཁན་ཀུན་ལ་ཕན་གྱུར་ཅིག། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།