དགེ་སློང་རཱ་ག་ཨ་སྱའི་བཀའ་འབུམ་གྱི་དཀར་ཆག་མདོར་བསྡུས།
དགེ་སློང་རཱ་ག་ཨ་སྱའི་བཀའ་འབུམ་གྱི་དཀར་ཆག་མདོར་བསྡུས་བཞུགས་པའི་དབུ་ཕྱོགས་ལགས་སོ། །
སརྦ་དྷརྨཱ་པུཏྟིཾ་ཀུ་རུ་ཨ་དྷིཥྛ་ན་ཨོཾ། བདག་ཤཱཀྱའི་དགེ་སློང་ཀརྨ་ཆགས་མེད། རང་ལོ་ཉི་ཤུ་ངོ་མཐོང་བའི་དུས། །རྗེ་ཆོས་ཀྱི་དབང་ཕྱུག་ལ་གསོལ་འདེབས་ཤེས་བྱ་མཁའ་དབྱིངས་མ་ལ་དཔེ་བྱས་པ་ནི་བརྩམ་གྱི་ཐོག་ཅོག་རོ་ཀླུའི་རྒྱ་མཚན་མཆན། མའོ། །རང་ལོ་ཉེར་གསུམ་པ་ལ་ཟ་མཁར་ཀླུ་བཙན་གྱི་གསོལ་ཀ་རྒྱས་པ་ཅིག་བརྩམ། སྐག་གསུམ་བརྩི་ཐབས་ཞེས་པའི་རྩིས་གཞི་བརྩམས། དེ་གསུམ་དབུས་ན་ཡིན་ཀྱང་། རྩིས་དེ་ལ་མང་དུ་འཕེལ་འདུག་ཅེས་ཐོས། རང་ལོ་ཉེར་དྲུག་ཙམ་གྱི་དུས་རང་གཞན་གྱི་དོན་དུ་བསང་མཆོད་མང་པོ་བྱེད་སྐབས་རྨི་ལམ་བརྟག་ཅིང་བྲིས་པའི་
ཡུལ་ཕྱོགས་འདིའི་གཞི་བདག་ཕྲན་བུ་རྣམས་ཀྱི་སྐུ་མདོག་ཕྱག་མཚན་དང་བཅས་པའི་བསང་ཡིག་ཉུང་ངུ་ཚན་པ་མང་དུ་ཡོད། རང་ལོ་ཉེར་བདུན་ཙམ་གྱི་དུས། མ་ནིང་གཏེར་མགོན་རྣམས་ཀྱི་གཙོ་བྱས་རྙིང་མའི་བཀའ་སྲུང་ཐམས་ཅད་ཀྱི་གསོལ་ཀ་འགྲིགས་ཆགས་སུ་བཀོད་པ་ཡོད། ཕྱག་དྲུག་པ་སོགས་གསར་མའི་མགོན་པོ་ཆོས་སྐྱོང་ཐམས་ཅད་ཀྱི་ལས་བྱང་ཤིན་ཏུ་བསྡུས་པ་ཆ་ཚང་ཡོད། ཉེར་དགུ་ཙམ་གྱི་དུས་ཐོར་པ་ན་ནས་ཟུག་གཟེར་ཆེ་སྐབས་བཏང་ལེན་གྱི་དམིགས་པ་དང་མཐུན་པའི་སྨོན་ལམ་ངོ་མཚར་ཅན་ཞིག་ཡོད་དེ་རྣམས་ཀྱི་དཔེ་ཆ་དེང་སང་འདིར་མི་སྣང་། དེ་
ནས་རང་གི་བཀའ་འབུམ་བརྩམ་དོན་དང་བཀའ་དྲིན་རྗེས་སུ་དྲན་པའི་གསོལ་འདེབས་ཀྱི་སྐོར་རྟག་ཡིག་དམ་དུམ་སོགས་པོད་ཆུང་གཅིག །སྔ་ཕྱི་མགུར་གྱི་སྐོར་པོད་ཆུང་གཉིས་གསུམ་ཙམ་གྱི་རྡོས། ཕྱག་རྫོགས་ཟུང་འཇུག་ལས་ཐུགས་རྗེ་ཆེན་པོའི་དམར་ཁྲིད། ཐུགས་རྗེ་ཆེན་པོའི་བདག་བསྐྱེད་ཀྱི་འགྲེལ་པ་པོ་ཏི་ཆེ་བ་གཅིག །རྫོགས་རིམ་སྐོར་པོ་ཏི་ཕྱེད། ཁྲོ་ཆུའི་ཟིན་བྲིས་ཆེན་མོའི་སྐོར་པོད་ཆུང་གཅིག །སེང་གདོང་མའི་སྐོར་པོད་ཆུང་གཅིག །ཀུན་རིག་འགྲེལ་པ་ལྡེབ་མ་བརྒྱ་ཙམ། ཕག་མོའི་ཟིན་བྲིས་བམ་ཆགས་གཅིག །སྤྲུལ་སྐུ་མི་འགྱུར་རྡོ་རྗེའི་རྣམ་ཐར་རྙིང་པ་པོ་ཏི་གཅིག །ཕྱི་ཡི་རྣམ་ཐར་དང་གཏེར་འབྱུང་གཉིས་ལ་པོ་ཏི་གཅིག །རྫོགས་ཆེན་ཁྲིད་ཀྱི་འགྲེལ་པ་པོ་ཏི་གཅིག །ཆོས་འབྲུ་བདུན་མའི་འགྲེལ་པ་བམ་ཆགས་གཅིག །རླུང་ཁྲིད་ཀྱི་འགྲེལ་པ་བམ་ཆགས། དགོངས་གཏེར་ཕལ་ཆེར་གྱི་དབང་ཆོག་བསྒྲིག་ཆོག །གནམ་ཆོས་ཕལ་ཆེར་གྱི་དབང་ཆོག་ལོ་རྒྱུས་དང་བཅས་པ། གནམ་ཆོས་སྤྱི་ཡི་ལོ་རྒྱུས། གནམ་ཆོས་འདོན་ཆ་ཐམས་ཅད་བསྒྲིགས་པ། མགོན་པོ་བྱ་ཞོན། སྤོམ་ར། ཀུ་བེ་ར། མི་མགོན་དཀར་པོ་སོགས་འདོན་ཆ་དག་ཁྱེར་བདེ་མང་པོ་སྒྲུབ་
ཐབས་དང་བཅས་པ་བསྒྲིག་པ། བདག་རང་གི་རྣམ་ཐར་སྔ་ཕྱི་པོ་ཏི་གཉིས། རི་ཆོས་པོ་ཏི་གཉིས། ཐེམ་མེད་པོ་ཏི་ཕྱེད། དབང་རྡོ་རྗེ་ཕྲེང་བའི་དབང་སྒྲུབ་པོ་ཏི། དབང་ཙཀ་པོ་ཏི། རྔོག་དཀྱིལ་གྱི་དབང་སྒྲུབ་བམ་ཆགས། དབང་ཙཀ་པོ་ཏི། སྦྱོང་རྒྱུད་དཀྱིལ་འཁོར་བམ་ཆགས། སྒྲུབ་ཐབས་རྒྱ་མཚོ་བརྒྱ་རྩ་གཉིས་བསྡོམས་པོ་ཏི་གཅིག་སྐུ་གསུམ་བསྒྲུབ་པའི་ཟིན་བྲིས་སོགས་གུ་རུ་ཞི་བའི་ཟིན་བྲིས་བསྐོར། གུ་རུ་དྲག་པོའི་པོད་གཞུང་གི་འདོན་འགྲིགས། དེ་དག་གི་འཛབ་དགོངས་དང་བཅས་པ། དྲག་པོའི་འབྲུ་འགྲེལ། དྲག་པོའི་རྫོགས་རིམ་བམ་ཆགས་གཅིག་འདུལ་བ་ལ་ཕུལ་བ། ཐུགས་རྗེ་ཆེན་པོ་གསང་འདུས་ཀྱི་ཟིན་བྲིས། བཀའ་སྲུང་གི་འདོན་ཆ་རྣམས་བསྡོམས་པས་པོ་ཏི་གཅིག་། ཚེ་སྒྲུབ་གསང་འདུས་ཀྱི་ཟིན་བྲིས་བསྐོར། ཕུར་པའི་གསང་སྒྲུབ་གསོལ་ཀ་སོགས། རྒྱལ་བ་རྒྱ་མཚོའི་སྒྲུབ་སྐོར་གྱི་པོད་ཆུང་། ཐུགས་རྗེ་ཆེན་པོའི་དམར་ཁྲིད་པོ་ཏི་གཉིས། དེའི་དོན་བསྡུས། ཏྲག་ཤད་སོགས་མགོན་མང་རྣམས་ཀྱི་སྒྲུབ་སྐོར་མང་པོ། འདུལ་བའི་སྡོམ་ལུང་གི་ལོ་རྒྱུས། སྐྱབས་སྡོམ། བསྙེན་གནས། བསྙུང་གནས། དགེ་བསྙེན་སྡོམ་
པ། དགེ་ཚུལ་སྡོམ་པ། ཆང་གི་ཉེས་མིག །ཤ་ཡི་ཉེས་མིག །ཇོ་དར། ཇོ་རྡོ། མར་མེ། སྐུ་གཟུགས་རྣམས་ཀྱི་ཕན་ཡོན་སྐོར། བཀའ་བརྒྱུད་གསེར་ཕྲེང་། །མངའ་བདག་ཡབ་སྲས། སངས་གླིང་། པད་གླིང་། དམ་གཙང་བྱམས་གསུམ། ཐང་སྟོང་རྒྱལ་པོ་སོགས་ཀྱི་རྣམ་ཐར་དོན་བསྡུས། མཁའ་སྤྱོད་པའི་བླ་སྒྲུབ་ཕྱི་ནང་གསང་གསུམ། གསོལ་འདེབས། ངོ་སྤྲོད། སྨོན་ལམ་གྱི་སྐོར་ཕྱོགས་ཐམས་ཅད་འཐོར་ནས་ཡོད་པ་མཐའ་ཆོད་དཀའ་བ། ཡང་མགུར་གྱི་ཚུལ་དུ་ཞལ་གདམས་བྱས་པའི་པོད་ཆུང་། །རྫོགས་ཆེན་ཁྲིད་ཆུང་། ཡང་འཕོ་ལུང་རྒྱས་པ། གནམ་ཆོས་འཕོ་ལུང་འཕོ་འདེབས་རྒྱས་པ། འཕོ་བ། བསྔོ་བ་རྒྱས་བསྡུས་མང་པོ། བཀའ་བསྒོ་རྒྱས་བསྡུས་མང་པོ། བྱབ་ཁྲུས་རྒྱས་བསྡུས་མང་པོ། ཞི་ཁྲོ་གུ་རུ་དྲག་པོ་སོགས་རྙིང་མའི་དབང་བཤད་མང་པོ། རྙིང་མའི་དབང་ཁྱེར་བདེ་མང་པོ། ཀུན་རིག་སྦྱོང་རྒྱུད་དཀྱིལ་འཁོར་བཅུ་གཉིས་སོགས་གསར་མའི་དབང་བཤད་མང་པོ། བཀའ་བརྒྱད་ཕུར་པ་སྨན་བླ་སོགས་རྙིང་མའི་གཏོར་དབང་མང་པོ། གཏོར་ཟློག་འགྲིག་ཆོག་གི་སྐོར་ལ། མཁའ་འགྲོའི་གཏོར་ཟློག །མཚོན་ཆ་འཁོར་
ལོ། ལས་རིམ་བདུན་པ། ཀི་ཀང་། སེང་གདོང་མ། ཕུར་པ། ལྷ་མོ་བརྒྱ་རྩ། གདོང་ལྔ། མགོན་པོའི་བསྐང་ཟློག་སྦྲགས་མ། འཆར་ཀ །ཡེ་ཤེས་འཇིགས་བྱེད། དུག་གདོང་ལྔ། ཕྱག་བཞི་པའི་མདོས་ཆེན། སུན་བཟློག་རྒྱས་པ། གཟའ་མདོས། མ་མོའི་ཁྲག་མདོས། དབང་ཕྱུག་མའི་ཟོར་མདོས། མཚོ་སྨན་གུར་མདོས༔ ཁེང་ལོག་བཅོས་པའི་མདོས་སྣ་བཅུ་གཅིག །ཀོང་ཙེའི་གཏོ་བསྒྱུར་ཆེན་མོ། མགོ་གསུམ་རྒྱས་བསྡུས་གཉིས། བརྒྱ་བཞི། སྡོང་རྒྱན། ཁ་འབར་མ། ལྕགས་འདུལ། འདུལ་དཀར་ནག །ཆུང་སྲི་རྫ་འཛབ། གདོན་ཆེན་བཅོ་ལྔའི་མདོས། བྱིས་སྦའི་གླུད་བཏང་བ། བྱིས་ཁྲ་ཐར་ཆེན། བེང་སྒྲུབ། བེང་ཟློག །བསེ་རག་བཀར་ཡས། གྲིབ་སེར་རྟ་ནག་མ། རྫ་མདོས། གཤེད་གཏོ། གཤེད་འགུགས། རྒྱལ་པོའི་གསོལ་མགྱོགས་སྦྲགས་མ། གཏོར་འབུལ་གྱི་རྒྱལ་འགྱོགས། འཛམ་ལྷ་ཡབ་ཡུམ་བཅོ་བརྒྱད་ཀྱི་སྒྲུབ་ཐབས། ལྷ་མོ་དཔལ་གྱི་གཡང་སྐྱབས། རྟ་གཟུངས་ཀྱི་ཆོ་ག་ཅང་ཤེས་ཆར་འབེབས། རྟིལ་བསང་ཡིད་བཞིན་ནོར་བུ། རེ་མནྟའི་གསོལ་ཁ་རིགས་མང་པོ།
གནམ་ཆོས་སྤར་ཁའི་གཏོ་བརྒྱད། སྐག་ཟློག་རྣམ་དགུ། རྟ་མགྲིན་ནག་པོའི་མགོན་ཆུ། ས་འབེབས་བསྡུས་པ། ས་བདག་འཁྲུགས་བཅོས། སྣང་བརྒྱད་བསྡུས་པ། དག་པ་གསེར་ཐིག་བསྡུས་པ། ས་སྒོ་གནམ་སྒོ་བསྡུས་པ། བསེ་རག་བཀར་བ་བསྡུས་པ། ལས་བཞིའི་སྦྱིན་སྲེག་རྒྱས་པའི་དཔེ་རིས་དང་བཅས་པ། གནམ་ཆོས་མེ་ལྷའི་སྒྲུབ་ཐབས། །ལས་བཞིའི་སྦྱིན་སྲེག །བེར་ནག་ཅན་གྱི་སྦྱིན་སྲེག་བལྟས་ཆོག །གནམ་ཆོས་ཞི་བ་དཀར་བླུག །ཀུན་རིག་གཏེར་མ་ལུགས། ཀུན་རིག་གསར་མ་ལུགས་བསྡུས་པ། ཚེ་དཔག་གསུང་དཀྱིལ་བསྡུས་པ། དུར་ཁྲོད་བདག་པོའི་གཏོར་ཆོག་རྒྱས་བསྡུས་གཉིས། དེ་ཡི་བསྟོད་པ་དང་བསྐུལ་པ། གནམ་ཆོས་ཀྱི་སྐོར། ངག་འདོན་དང་ཟིན་བྲིས་སྐོར་དཔག་ཏུ་མེད་པ། རྩིས་ཀྱི་ཟིན་བྲིས་ཆེ་བ། བརྒྱ་འབོར་ཆེ་ཆུང་སོ་སོར་བསྡུས་པ། བག་རྩིས་བསྡུས་པ། སྨེ་བའི་སྒོང་རྩིས། དར་རྒུད་གསེར་འཕྲེང་། བྲེ་གང་རྡུལ་དྲུག་རྣམས་ཀྱི་གསལ་བྱེད། ཚེ་དཔག་ལྷ་དགུའི་འཆི་བསླུ། ཚེ་སྒྲུབ་གསང་བ་འདུས་པའི་འཆི་བསླུ། གཤིན་རྗེ་སྤྱི་ཡི་དྲུག་ཅུ་གཏོར་མ། རྡོ་རྗེ་མཆུ་ཡི་ལས་བྱང་། དེའི་ངག་ཁྲིད། སྒ་ལོའི་ཀླུ་མཆོད་
བརྒྱ་རྩ། རྒྱ་དཀར་ནག་གི་འབྱུང་བ་བརྩི་ལུགས། སྐག་གསུམ་བརྩི་ཚུལ། ཕྱག་བཞི་པ་ནོར་ལྷ་ལྟར་སྒྲུབ་ཐབས། དུད་སོལ་མ་ཞི་བར་སྒྲུབ་ཐབས་ལས་བྱང་ཁྲིད་དང་བཅས་པ། ཕྱག་དྲུག་པའི་གཏོར་སྒྲུབ། ཐང་ལྷའི་བཀའ་གཏད། གནམ་ཆོས་ནཱ་ག་རཀཱའི་གཏད་བཀྲོལ། གནམ་ཆོས་གཟའ་ཡི་གདོན་བཀྲོལ། གཅིག་ཤེས་ཀུན་གྲོལ་འབྲིང་པོའི་དབང་སྒྲུབ། བསྐུར་བྱ་ཉུང་ངུ་། མངོན་རྟོགས་ཉེར་གཅིག །ཚེ་དཔག །རྣམ་འཇོམས། སྨེ་བརྩེགས་གསུམ་གྱི་མངོན་རྟོགས། ཁྱུང་ཁྲ། ཁྱུང་དམར། རྟ་ནག །ཞི་ཁྲོ། གཅོད་དབང་སོགས་ཁྱེར་བདེ། སྐར་ཡིག་བསྡུས་པ། ཐེབས་ལྡོག་ཕྱོགས་ཡིག །ཀླུ་གཏོར་རྒྱས་པ་གདོན་བཀྲོལ་དང་བཅས་པ་ཞིག །བུམ་གཏེར། ཀླུ་ཡི་བུམ་གཏེར། གཏོར་སྐུ། གཡག་ལུག་ར་གསུམ་བེག་རྩེ་དང་སྤྲག་བཙན་སྒྲུབ་སྐོར་ཡོངས་རྫོགས། ཤན་པའི་སྒྲུབ་སྐོར་ཡོངས་རྫོགས། ཤན་པའི་སྒྲུབ་སྐོར་དོན་བསྡུས། གཟའ་འགྱོགས་བསྡུས་པ། ནད་པ་རྗེས་འཛིན། གཏོར་རྒྱབ་བྱ་ཚུལ། ཁྲོ་ཆུ་དང་གུ་དྲག་མཚོན་ཆ་འཁོར་ལོ་གཉིས་ཀྱི་མན་ངག་ཟིན་བྲིས་དྲུང་པ་ལ་ཕུལ་བ། གསེར་སྐྱེམས་ཡེ་ཐོག་མའི་
ཟིན་བྲིས་གཉིས་དྲུང་པ་ལ་ཕུལ་བ། ཀར་ལུགས་ཕྱག་བཞི་པའི་སྒྲུབ་ཐབས་དམིགས་རིམ་སྲོག་འཁོར་དང་བཅས་པ། དེའི་ལས་ཚོགས་དམིགས་པའི་སྐོར། སེང་གདོང་མ་རྡོ་རྗེ་གོ་མཚོན་གྱི་ཟིན་བྲིས། ཚེ་དཔག་གྲུབ་རྒྱལ་མའི་ཟིན་བྲིས། ཚེ་རིང་མའི་སྒྲུབ་བསྐོར་གྱི་དབང་རྒྱས་པ་དང་ཟིན་བྲིས་རྒྱས་པ། དགུ་གཏོར་ལ་གཏོང་རྒྱུའི་གཏོར་བསྔོས་རིགས་མི་འདྲ་བ་རྒྱས་པ། གསོལ་སྤུང་། བསྐང་སྤྱང་། བཟློག་སྤྱང་། དེའི་གཏོར་འབུལ་ཆོས་སྐུ་ཞི་བ་མ། ལྷོ་ནུབ་སྲིན་པོ་མ། གཏོར་བསྔོས་རྒྱུན་ཁྱེར་བསྡུས་པ། ཡང་གཏོར་བསྔོས་ཆོས་དབང་ལུགས་ཀྱི་དོན་དུ་བསྡུས་པ་གཅིག །དེ་ལས་བསྡུས་པ་གྲྭ་མང་གི་འདོན་བྱ། སྔགས་པ་སོ་སོའི་ཞུས་པའི་གཏོར་བསྔོས་རིགས་མི་འདྲ་བ་དུ་མ་ཞིག །ཚེ་གཟུངས། བདེ་སྨོན། རྣམ་འཇོམས། ལྟུང་བཤགས། གཏོར་མ་བརྒྱ་རྩ་སོགས་ཀྱི་ཟིན་བྲིས། ཕྱག་བཞི་པ་དང་མགོན་ཆེན་སྡེ་བཞི་ལྷ་མོ་རྣམས་ཀྱི་སྦྲགས་བསྒྲུབ་ཟིན་བྲིས། གཏུམ་ཆུང་། རྟ་ནག ༣བེར་ཆེན། ཞིང་སྒྲུབ་སོགས་ཀྱི་ཟིན་བྲིས། པདྨ་འོད་འབར་ཚེ་སྒྲུབ་ཟིན་བྲིས་རིགས་འགའ། བེར་ནག་ཅན་གྱི་སྒྲུབ་བསྐོར། ཁྲིད་རིམ། སྲུང་འཁོར། ནོར་སྒྲུབ་
ཟིན་བྲིས། ཆོས་སྤྱོད་སྐོར་ཟིན་བྲིས། བདེ་མཆོག །དགྱེས་རྡོར། གསང་འདུས་དུས་འཁོར་དང་བཞིའི། འོད་དཔག་མེད་ཀྱི་སྒྲུབ་ཐབས། ནོར་རྒྱུན་མ་དང་། རྣམ་རྒྱལ་མ། གདུགས་དཀར། གུ་རུ་ཞི་དྲག་གི་རིགས་བདག་འོད་དཔག་མེད་ཀྱི་སྒྲུབ་ཐབས། བཀའ་བརྒྱད་ལས་བྱང་སྒྲུབ་པའི་ཟིན་བྲིས། བཀའ་བརྒྱད་ཁྲོ་རོལ་ཡོངས་རྫོགས་ཀྱི་ཟིན་བྲིས་འདོན་འགྲིགས་པོ་ཏི། འཛམ་དམར་སྒྲུབ་སྐོར་ཡོངས་རྫོགས་ཀྱི་ཟིན་བྲིས། བདེ་མཆོག་ལྷ་ལྔའི་དབང་བལྟས་ཆོག །དབང་སྒྲུབ་དང་བཅས་པ། བདེ་མཆོག་ལྷ་ལྔའི་ཚིགས་བཅད་མའི་ཟིན་བྲིས། ཁྲོས་མའི་ཆོ་ག་ཉུང་བསྡུས། དབང་རྒྱས་པ་བལྟས་ཆོག གཤེད་དམར་ལྷ་ལྔའི་དབང་བལྟས་ཆོག །ཕྱག་བཞི་པ་དང་། ཕྱག་དྲུག་པ། དུད་སོལ་མ། རྟ་མགྲིན་སྐྱེར་སྒང་ལུགས་རྣམས་ཀྱི་དབང་བལྟས་ཆོག །ངོམ་རྒྱལ་གྱི་གསོལ་ཀ་རྒྱས་བསྡུས་གཉིས། དབྱིས་དོ་གཉིས། གཏམ་རྒྱལ་གཉིས། མོ་ཁད་ལྷ་རྩེ། ན་བུན་དགེ་བསྙེན། སྟོན་རྒྱལ། གཙོའུ་རང་། རྔམ་ཙ། གསང་རྒྱལ། གཟེ་རྒྱལ། གཙོ་རྒྱལ། གོ་རྒྱལ། ཀླུ་མུ་རྩི། འབུམ་ཀླུ་རྒྱལ། ནང་ཆེན་ཚོགས་
བདག་ཡབ་ཡུམ་རྒྱས་པ། མཚོ་ནག་མ། རྒྱལ་པོ་ཐོད་དཀར། ཀླུ་རྒྱལ་ཝ་ཏི། ཟོ་རྒྱལ། ཐོད་འོག །རྨོ་ཝིས། རྨོ་རྒྱལ། སྐྱིལ་རི། དབྱི་བྲོ། དཔལ་རི་རྩེ་ལ་སོགས་གནས་མདོའི་ཉེ་ལོགས་རྣམས་ཀྱི་བསང་དང་གསོལ་ཀ་རྒྱས་བསྡུས་མང་པོ། རོ་ལམ་གསེར་སྐྱེམས། རུས་མཁར་བསྡུས་པ། ཀླུ་བསང་། ལོ་གླུད། སེར་ལམ་གཅོད་པ། གུར་དྲག རྟ་མགྲིན། པདྨ་འོད་འབར་སོགས་ལ་སྦྱར་བའི་སེར་སྲུང་མང་པོ། ཚག་པ་དང་ནོར་མུ་ལ་ཕན་པའི་བསང་ཡིག་མང་པོ། དགྲ་ཆོས། ནོར་ལྷ་སྤྱི་གཏོར། བཀའ་སྲུང་རྣམས་འབྲིང་པོར་བསྡུས་པ། ཤིན་ཏུ་བསྡུས་པ། སྒྲུབ་ཐབས་དང་བཅས་པ་བསྒྲིགས་པ། རྙིང་མའི་མ་གཟའ་དམ་གསུམ་སོགས་ཆོ་འཕྲུལ་གྱི་བསྐུལ། རྒྱལ་གསོལ་མཇུག་གི་བསྐུལ་པ། གནམ་ཆོས་རྒྱལ་བ་རྒྱ་མཚོའི་ལུས་དཀྱིལ་དང་། རོ་ཟ་བསྒྲུབ་པའི་ཟིན་བྲིས། གནམ་ཆོས་མི་ཏྲ་ཁྲིད་དྲུག་གི་ལོ་རྒྱུས། གནམ་ཆོས་འཛམ་ལྷ་རིགས་དགུའི་ཟིན་བྲིས། གནམ་ཆོས་སྤྱིའི་ཟིན་བྲིས་མུ་ནེ་དབོན་པོ་ཉེ་གནས་དེས་ཁྱེར། འཇའ་ཚོན་ལུགས་ཀྱི་ཟིན་བྲིས་ཐམས་ཅད་བསྟན་པ་དར་རྒྱས་ཀྱི་སྤྲུལ་སྐུ་ཚང་ལ་ཕུལ། ཞི་ཁྲོའི་པོད་གཞུང་ཡོངས་རྫོགས་
ཀྱི་ཟིན་བྲིས་ཤོར་བུ་དགེ་བཤེས་ཚང་ལ་ཕུལ། མཁར་ནག་གི་ཟིན་བྲིས། རབ་གནས་རྒྱས་པ། སྒྲོལ་མ་ཉེར་གཅིག་གི་བྲི་ཡིག །ཀི་ཀང་དུག་རི། སྤར་ཁའི་རིམ་གྲོ་ལུང་བསྟན། འཇམ་དབྱངས་དཀར་པོའི་རྒྱ་གཞུང་གི་འདོན་འགྲིག །གྲོ་ལོད་ལོ་རྒྱུས། འབྲི་ཁུང་གྲོ་ལོད་འདོན་འགྲིག །གནམ་ཆོས་གནས་བཅུའི་ལོ་རྒྱུས། གནམ་ཆོས་དྲེགས་པའི་སྲོག་དབང་། ཕག་མོའི་བདག་བསྐྱེད་རྒྱས་པ་དགེ་མ་ཚོ་ལ་འདོན་རྒྱུ། ཕག་མོའི་བདག་མདུན་འབྲིང་པོ་ཚིགས་བཅད། བདེ་མཆོག་དང་ཕག་མོའི་དབང་སྒྲུབ་ཤིན་ཏུ་བསྡུས་པ་ཞིག །སྒྲོལ་དཀར་དབང་ཤིན་ཏུ་བསྡུས་པ། འབྲོང་པའི་བསང་། ཡེ་བརྫུ་མདོས། སྨར་ཁམས་སྤྱིའི་བསང་། གེར་མདུང་བཙན། གྲུལ་ཚའི་བཙན། ཁྱུང་པོ། སྤེན་ནེ་རི་བཀྲ་རྣམས་ཀྱི་གསོལ་ཀ། འབོ་རང་གི་གསོལ་ཀ་རིགས་གཉིས། རྫ་སྤྱི་འབྱམ་གྱི་ཀླུ་བདུད་དམག་དཔོན་དབྱི་རྒྱལ། ཟླ་རྒྱལ་གྲྭ་པ་རྣམས་ཀྱི་ཀ་བསྟོད། རྡོ་ཏི་གངས་དཀར། འབྲོང་པའི་བླ་རི་ཞིག་དང་དེ་གཉིས་ཀྱི་བསང་མཆོད། དབ་ཀྱི་གཡུ་སྒྲོན་དམ་ཅན་གཉིས་ཀྱི་བསང་རྒྱས་པ། ཚ་བའི་བརྟན་མའི་གསོལ་ཀ་རྒྱས་པ། དགོངས་འདུས་ཆར་
འབོད་རྒྱས་པ། སྤྲིན་ཆེན་དོན་བསྡུས་པ། བདེན་སྟོབས་ཆར་འབོད། ཆར་འབོད་གཏོར་འབུལ། ཆར་འབོད་ཏི་ཐུག་ཆོ་ག །གཅོད་ཀྱི་བདག་འཇུག །གཅོད་ཚོགས་རྒྱས་པ་མཐའ་གཏད་ཚན་བཞི། དུར་གཅོད། གཅོད་འདུལ། ཆར་འབོད། སེར་སྲུང་། གོད་གཅོད། རི་འགྲིམ། གདེང་བཤད། མ་གཅིག་གི་རྣམ་ཐར་དོན་བསྡུས། གདན་ཐོག་གཅིག་མ་དང་གདོན་ཚོགས་དགུ་མ་སོགས་ཀྱི་འདོན་འགྲིག །དྲག་པོ་བདེར་འདུས་ཀྱི་དབང་དབང་སྒྲུབ་དང་བཅས་པ། གཏེར་མགོན་གྱི་དབང་དབང་སྒྲུབ་དང་བཅས་པ། ཚེ་སྒྲུབ་ཉི་ཟླ་ཁ་སྦྱོར་གྱི་དབང་དབང་སྒྲུབ་དང་བཅས་པ། འཇའ་ཚོན་ལུགས་ཀྱི་དབང་ཐམས་ཅད་ཀྱི་དབང་བཤད། ལྟུང་བཤགས་ཆོ་ག །འདུལ་བའི་དུས་ཚིག་སོགས་བཤད་པ་འགའ་ཞིག །རྒྱུད་སྡེ་སོ་སོའི་དབང་བཤད། དགོངས་འདུས་གཏོར་དབང་གི་དབང་བཤད། འོག་སྒོ་བདེ་ཆེན་དོན་གྱི་འགྲེལ་པ། མ་ནིང་གི་གཏོར་དབང་། གུ་རུ་ཞི་དྲག་གི་གཏོར་དབང་སྤྱི་ཁྱབ། དེ་ལ་སོགས་པ་མདོར་ན་རང་ལོ་ཉི་ཤུ་པ་ལ་གསོལ་འདེབས་ཞིག་བརྩམས་པ་ནས་བཟུང་སྟེ། དྲུག་ཅུ་རེ་བཞི་པའི་མཇུག་ཏུ་སྔགས་ཆུང་ཚེ་མགོན་ལ་གསོལ་
འདེབས་ཤོ་ལོ་ཀ་གཅིག་བྱིན་པ་ཡན་ཆད། བདག་གིས་བརྩམས་པའི་སྐོར་ཚིག་གཅིག་མ་ལུས་པ་ཐམས་ཅད་ཀྱི་དབང་དང་། ལུང་དང་། འབྲུ་ལུང་དང་། ཚིག་གི་བརྒྱུད་པ་དང་། དོན་གྱི་བརྒྱུད་པ་ཐམས་ཅད་དེངས་སློབ་མ་འདི་ལ་གཏད་པ་ཡིན་པས། བཀའ་ཐོབ་པར་གྱུར་ཅིག །ལུང་ཐོབ་པར་གྱུར་ཅིག །བཀའ་པོ་ཏི་གླེགས་བམ་གྱི་དབང་ཐོབ་པར་གྱུར་ཅིག །རང་དོན་བསྐྱེད་རྫོགས་ལ་བརྟན་པ་ཐོབ་པར་གྱུར་ཅིག །གཞན་དོན་འགྲོ་བ་ཐམས་ཅད་སྨིན་གྲོལ་ལ་འགོད་པར་གྱུར་ཅིག །དཔེ་རྒྱུན། དབང་རྒྱུན། ལུང་རྒྱུན། ཁྲིད་ཀྱི་རྒྱུན། ཡར་འཕེལ་ཚེ་ལོ་དྲུག་བརྒྱའི་བར་དུ་གང་གཱའི་རྒྱུན་བཞིན་འཕེལ་བར་གྱུར་ཅིག །མཐོང་ཐོས་དྲན་རེག་ཐམས་ཅད་བཀྲ་ཤིས་བདེ་ལེགས་ཕུན་སུམ་ཚོགས་པར་གྱུར་ཅིག །དཀོན་མཆོག་གསུམ་གྱི་བདེན་པ་དང་སོགས། ཞེས་རང་གི་བཀའ་འབུམ་ཡོངས་རྫོགས་ཀྱི་གདམས་གཏད་བྱ་བའི་ཆེད་དུ་ཨ་རཱ་གས་བྲིས་པའོ། །སརྦ་མངྒ་ལཾ།། །། ༈ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།