དེ་བཞིན་གཤེགས་པ་སྤྱིའི་སྙིང་པོ་རྗེས་སུ་དྲན་པ།
ཟླ་བའི་འོད་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་ཕྱག་འཚལ་ལོ། །ཏདྱ་ཐཱ། ཙནྡྲེ་ཙནྡྲེ། སུ་ཙནྡྲེ། མ་ཏི་ཙནྡྲ་ཙནྡྲ་ཀི་ར་ཎ། སི་རི་སི་རི། བུདྡྷཱ་ངྷིཥྛི་ཏེ། ཀི་ལི་ཀི་ལི། དྷརྨཱ་དྷིཥྛི་ཏེ། ཀི་ལི་ཀི་ལི། སཾ་གྷཱ་དྷིཥྛི་ཏེ་སྭཱ་ཧཱ། རིགས་ཀྱི་བུའམ་རིགས་ཀྱི་བུ་མོ་གང་གིས་རྟག་ཏུ་ནང་པར་ལངས་ཏེ། ཟླ་བའི་འོད་དེ་བཞིན་གཤེགས་པའི་མཚན་དྲན་པར་བྱེད་པ་དེ་ནི་བསྐལ་པ་བཞི་ཁྲིར་ཚེ་རབས་དྲན་པར་འགྱུར་ཏེ། དེ་ནི་ངན་སོང་དུ་ལྟུང་བར་མི་འགྱུར་རོ། །ཟླ་བའི་འོད་ཀྱི་མཚན་རྗེས་སུ་དྲན་པས་ཡོན་ཏན་དེ་རྣམས་ཐོབ་པར་འགྱུར་རོ། །ཟླ་བའི་འོད་ཀྱི་མཚན་རྗེས་སུ་དྲན་པ་རྫོགས་སོ།། །།ནམཿསརྦ་ཏ་ཐཱ་ག་ཏ་ཧྲྀ་ད་ཡ། ཨ་ནུ་ག་ཏེ་ཨོཾ་ཀུ་རུཾ་གི་ནི་སྭཱ་ཧཱ། འདི་ལན་ཅིག་བཟླས་པས་ཀྱང་བསྐལ་པ་འབུམ་ཕྲག་བརྒྱད་སྟོང་དུ་བསགས་པའི་ལས་ཀྱི་སྒྲིབ་པ་ཡང་ཟད་པར་འགྱུར་རོ། །དེ་བཞིན་གཤེགས་པ་སྤྱིའི་སྙིང་པོ་རྗེས་སུ་དྲན་པ་རྫོགས་སོ།། །།