ངན་སོང་ཐམས་ཅད་ཡོངས་སུ་སྦྱོང་བ་ཞེས་བྱ་བའི་གཟུངས།

བཅོམ་ལྡན་འདས་ངན་སོང་ཐམས་ཅད་ཡོངས་སུ་སེལ་བའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་ཕྱག་འཚལ་ལོ། །ཏདྱ་ཐཱ། ཨོཾ་ཤོ་དྷ་ནི། བི་ཤོ་དྷ་ནེ་མ་མ་སརྦ་པཱ་པཾ་བི་ཤོ་དྷ་ནེ། ཤུད་དྷེ་བི་ཤུད་དྷེ།སརྦ་ཀརྨ་ཨཱ་བ་ར་ཏ་ཎ་བི་ཤུད་དྷེ་སྭཱ་ཧཱ། རིགས་ཀྱི་བུའམ་རིགས་ཀྱི་བུ་མོ་གང་གིས་གཟུངས་འདིའི་ཡི་གེའམ། ཚིག་གམ། མིང་ངམ། ཐམས་ཅད་ཆུབ་པར་འཛིན་ན། མི་དེ་བསྐལ་བ་འབུམ་ཕྲག་བཅུ་བཞིར་ཚེ་རབས་དྲན་པར་འགྱུར་རོ། ལས་ཀྱི་སྒྲིབ་པ་ཐམས་ཅད་ཀྱང་འབྱང་ལ། མྱུར་དུ་ཕྱིར་མི་ལྡོག་པ་ཉིད་ཀྱང་ཐོབ་པར་འགྱུར་རོ། །བྱང་ཆུབ་ཀྱི་སྙིང་པོའི་བར་དུ་བསོད་ནམས་ཟད་པར་མི་འགྱུར་རོ། །ངན་སོང་ཐམས་ཅད་ཡོངས་སུ་སྦྱོང་བ་ཞེས་བྱ་བའི་གཟུངས་རྫོགས་སོ།།