བདེ་གཤེགས་འདུས་པའི་རྒྱུད་ཅེས་བྱ་བ།
རྒྱ་གར་སྐད་དུ། སུ་ག་ཏ་ས་མུ་དཱ་ཡ་ཏནྟྲ་ནཱ་མ། བོད་སྐད་དུ། བདེ་གཤེགས་འདུས་པའི་རྒྱུད་ཅེས་བྱ་བ། བཅོམ་ལྡན་འདས་དཔལ་ཀུན་ཏུ་བཟང་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན།ཆོས་ཐམས་ཅད་སྐྱེ་བ་མེད་པ། མཉམ་པའི་ངང་ལ་གནས་ཤིང་། སྒྱུ་མའི་དཔེ་བརྒྱད་ལྟར་གནས་པ་ལས། སྐྱེ་འགག་མེད་ཅིང་བདག་དང་གཞན་དུ་མི་མཐོང་སྟེ། རྡོ་རྗེ་ལྟ་བུའི་ཏིང་ངེ་འཛིན་གྱིས་ཆོས་ཐམས་ཅད་བྱང་ཆུབ་སེམས་སུ་གཅིག་ལ། སྣང་བ་དུ་མར་ཐ་དད་པར་སྣང་སྟེ་སྣང་ཡང་གཅིག་དང་དུ་མར་བརྗོད་པ་ལས་འདས་སོ། །ཀྱེ་ཀྱེ་བྱང་ཆུབ་སེམས་ཀྱི་རང་བཞིན་ནི། །ངོ་བོ་གཅིག་ལས་མེད་པ་ལས། །གཅིག་ལ་སྣང་བ་ཐ་དད་པས། །གཅིག་དང་དུ་མའི་བརྗོད་ལས་འདས། །ཞེས་གསུངས་སོ། །དཔེ་མཉམ་པ་ཉིད་དང་། དོན་མཉམ་པ་ཉིད་དང་། ཆོས་ཐམས་ཅད་ལྷུན་གྱིས་གྲུབ་པ་མཉམ་པ་ཉིད་དོ། །ཨེ་མ་ཧོ། འཁོར་དང་མྱ་ངན་འདས་པའི་ཆོས། །གཅིག་དང་དུ་མའི་བརྗོད་ལས་འདས། །འདི་ཞེས་གཅིག་ཏུ་བསྟན་པར་དཀའ། །འཁོར་བ་ཉིད་ཀྱང་མྱ་ངན་འདས། །ཞེས་གསུངས་སོ། །མ་བཅོས་མ་བསླད་པར་རྟོགས་ན། །ཡིད་བཞིན་ནོར་བུ་འདྲ་བའི་ཕྱིར། །གང་ལྟར་བྱས་ཀྱང་ལྷུན་གྱིས་གྲུབ། །དབྱེ་བ་མེད་པའི་དོན་རྟོགས་སོ། །བྱང་ཆུབ་སེམས་ཀྱི་ངོ་བོ་ནི། །ནམ་མཁའ་བཞིན་དུ་བརྟག་དཀའ་ཞིང་། །ཅིར་ཡང་མེད་པར་ཅིར་ཡང་སྣང་། །དོན་དམ་ཀུན་རྫོབ་གཉིས་སུ་སྣང་། །གཅིག་དང་དུ་མ་གཉིས་སུ་སྣང་། །འཁོར་བ་ཉིད་ཀྱང་མྱ་ངན་འདས། །མ་རིག་ཉིད་ཀྱང་ཡང་དག་ལམ། །བྱང་ཆུབ་སེམས་ཀྱི་དོན་རྟོགས་ན། །རྟོག་པ་གཡེང་བ་ཆོས་ཀྱི་སྐུ། །མ་རིག་ཡེ་ཤེས་ཐ་དད་མེད། །སོ་སོ་སྣང་བ་ཕྱེ་བ་ཙམ། །མ་རིག་པ་ཡང་ལམ་དུ་གཅིག །དང་པོ་གང་ནས་མ་བྱུང་བས། །ཐ་མ་གར་ཡང་འགྲོ་བ་མེད། །དང་པོ་སྐྱེ་བའི་རྒྱུ་མེད་པས། །ཐ་མ་འཆི་བའི་ལམ་ཡང་མེད། །དངོས་པོ་ཅིལ་ཡང་མི་གནས་པས། །འདི་ཞེས་གཅིག་ཏུ་བསྟན་དུ་མེད། །སྐྱེ་ཞིང་འཕོ་བའི་གནས་མེད་པས། །བསད་ཅིང་བཅད་པ་བསྒྲུབ་ཏུ་མེད། །མ་རིག་པ་ཡི་རྟོག་པ་ཡིས། །མི་མཐུན་བདེ་སྡུག་མྱོང་བར་འགྱུར། །རྡོ་རྗེ་ལྟ་བུར་གནས་པ་ལ། །སྒྱུ་མ་ཆུ་ཟླ་བྲག་ཆ་འདྲ། །ཞེས་གསང་བའི་ཚིག་ཏུ་གསུངས་སོ། །
ཀྱེ་ཀྱེ་ཐུགས་རྗེ་ཆེན་པོའི་བྱིན་རླབས་ལས། །སྟོང་གསུམ་རྒྱལ་བའི་སྐུས་གང་ཡང་། །བྱང་ཆུབ་སེམས་ལས་གཡོས་པ་མེད། །དཔེར་ན་ནམ་མཁའི་འཇའ་ཚོན་བཞིན། །དཀར་དམར་སྔོ་སྟེ་ངོས་གཟུང་མེད། །དེ་བཞིན་སེམས་ཀྱི་རང་བཞིན་ཡང་། །འདི་ཞེས་གཅིག་ཏུ་བསྟན་དུ་མེད། །མི་ཤེས་བར་སྣང་འཇའ་ཚོན་འདྲ། །དེ་ཕྱིར་མ་བཅོས་ཇི་བཞིན་བཞག །ཅེས་རྡོ་རྗེ་གསང་བའི་ཚིག་ཏུ་གསུངས་སོ། །བདེ་བར་གཤེགས་པ་ཀུན་གྱི་གཙོ། །ཡབ་ཡུམ་སྲས་དང་བཅས་སྣང་ཡང་། །བྱང་ཆུབ་སེམས་ཀྱི་ངོ་བོར་གཅིག །སྐྱེ་འཆི་མེད་པ་བྱང་ཆུབ་སེམས། །འདུ་འབྲལ་མེད་དེ་ཆོས་ཀྱི་སྐུ། །བཟང་ངན་མེད་དེ་འཁོར་འདས་ཆོས། །རྒྱུ་འབྲས་མེད་དེ་མཉམ་པ་ཉིད། །འགག་པ་མེད་དེ་སེམས་ཉིད་ནི། །དཔེར་ན་རྨི་ལམ་སྒྱུ་མ་འདྲ། །ནམ་མཁའ་བཞིན་དུ་ཡེ་ནས་གནས། །ནམ་མཁའ་འདི་ནི་འདི་འདྲ་ཞེས། །ཚིག་ཏུ་རབ་ཏུ་བརྗོད་དུ་མེད། །དེ་བཞིན་སེམས་ཀྱི་རང་བཞིན་ཡང་། །འདི་ཞེས་གཅིག་ཏུ་བསྟན་དུ་མེད། །བསྟན་ན་གཟུང་འཛིན་འཁྲུལ་པའི་ཆོས། །བསྟན་དུ་མེད་པ་བལྟ་བའི་མཆོག །བསྒོམ་དུ་མེད་པ་སྒོམ་པའི་མཆོག །བསྲུང་དུ་མེད་པའི་དམ་ཚིག་ནི། །མ་བསྲུངས་བཞིན་དུ་ལྷུན་གྱིས་གྲུབ། །མ་ནོར་པ་ཡི་ཆོས་ཉིད་ལ། །རང་བཞིན་སྐྱེ་མེད་ཆོས་ཀྱི་དབྱིངས། །མ་བཅོས་པ་ཡི་བྱང་ཆུབ་སེམས། །རྒྱུ་དང་འབྲས་བུ་མ་བཀག་ཆོས། །དཔེར་ན་རྒྱ་མཚོ་ཆེན་པོ་ལ། །ཆུ་བྲན་ཐམས་ཅད་འབབ་ཅིང་འདུ། །དེ་བཞིན་བྱང་ཆུབ་སེམས་ཉིད་ལས། །འཁོར་འདས་གཉིས་ཀ་འབྱུང་ཞིང་འདུ། །ཞེས་རྡོ་རྗེའི་ཚིག་ཏུ་གསུངས་སོ། །ཨེ་མ་ཧོ། བདེ་བར་གཤེགས་པའི་སྙིང་པོ་ནི། །ནམ་མཁའ་བཞིན་དུ་བརྟག་དཀའ་ཞིང་། །མེ་ལོང་གཟུགས་བཞིན་གཟུང་དུ་མེད། །བྲག་ཆ་བཞིན་དུ་བརྗོད་དང་བྲལ། །བཅུད་ཀྱི་རྡོ་རྗེ་སྙིང་པོ་འདི། །བདག་དང་གཞན་དུ་བརྗོད་དུ་མེད། །བསྟན་དུ་མེད་པའི་ཆོས་ཉིད་འདི། །བརྗོད་དུ་མེད་པར་གོ་བར་གྱིས། །བརྗོད་མེད་བརྗོད་པ་བརྗོད་པའི་མཆོག །མཉན་བསམ་བསྒོམ་པའི་ཤེས་རབ་ཀྱིས། །བློ་ཡི་རྟོག་པ་ཁ་ཕྱེ་ལ། །ངེས་པའི་དོན་འདི་རྟོགས་པར་གྱིས། །ངེས་པའི་དོན་འདི་མ་རྟོགས་ན། །བསྒོམ་དང་བསྒྲུབ་པ་ཡུན་རིང་ཀྱང་། །མི་ཤེས་གཟུང་འཛིན་འཆིང་བའི་རྒྱུ། །དེ་ཕྱིར་རྟོགས་པ་སྔོན་དུ་འགྲོ། །རྟོགས་པ་གདེང་དུ་མ་གྱུར་ན། །ཅི་ལྟར་སྤྱད་ཀྱང་འཆིང་བའི་རྒྱུ། །རྟོགས་པའི་གདེང་གི་ལྟ་བ་ནི། །དངོས་པོ་གཤིས་ཀྱི་གནས་ལུགས་བརྟགས། །
ངེས་པའི་དོན་འདི་མ་རྟོགས་ན། །མཉམ་བཞག་བསྒོམ་པ་ཆགས་པའི་རྒྱུ། །སྤུ་གྲིའི་ནགས་ཚལ་ལ་སོགས་ཀྱང་། །རང་གི་རྟོག་པས་བརྟས་པའི་ཕྱིར། །དེ་ཕྱིར་རྟོགས་པ་སྔོན་དུ་གཏང་། །རྟོགས་པའི་དོན་འདི་རབ་ཏུ་གཅེས། །ཞེས་བདེ་བར་གཤེགས་པ་ཉིད་ཀྱི་ཆོས་ཀྱི་སྐུ་སྐྱེ་བ་མེད་པ་ལས་ཆོས་ཉིད་རང་སྒྲས་བྱུང་བའི་ངང་ལས། ལོངས་སྤྱོད་རྫོགས་པའི་སྐུ་སྐྱེ་བའི་ཆོ་འཕྲུལ་དུ་འོག་མིན་གྱི་གནས་མཐའ་དང་དབུས་མེད་པ། གཞི་ཚད་མེད་པའི་ཡེ་ཤེས་ཀྱི་འཁོར་ལོར་གསལ་བ་ལ། ཡེ་ཤེས་རིན་པོ་ཆེ་འབར་བའི་གཞལ་ཡས་ཁང་། རྒྱ་ཕྱོགས་བཅུར་ཡོངས་སུ་མ་ཆད་པ། ཡོན་ཏན་དཔག་ཏུ་མེད་པ་རྒྱས་པའི་གྲུ་བཞིར་གྱུར་པའི་ནང་དཀྱིལ་འཁོར་དགུ་ལ་འཁོར་ལོ་རྩིབས་བཞི་མུ་ཁྱུད་ཟླུམ་པོ་གྲུ་ཆད་བཞི་དང་སྒོ་བཞིར་ལྡན་པ། རྣམ་ཐར་བརྒྱད་ཀྱི་རྟ་བབས་དང་ལྡན་པ། ཕྱི་རོལ་བྱང་ཆུབ་ཀྱི་ཤིང་ལ་སོགས་པ་རྒྱན་སྣ་ཚོགས་ཀྱིས་བརྒྱན་པ། ཕྱི་ནས་བལྟས་པས་ནང་གསལ་བ། ནང་ནས་བལྟས་པས་ཕྱི་གསལ་བ། ཡེ་ཤེས་ལྷུན་གྱིས་གྲུབ་པའི་གཞལ་ཡས་ཁང་དུ་གསལ་བར་གྱུར་ཏོ། །དེ་ལྟར་རང་བཞིན་འོག་མིན་གྱི་གནས་ན། བདེ་བར་གཤེགས་པ་ཐམས་ཅད་ཏིལ་གྱི་གང་བུ་བཞིན་དུ་གནས་ཏེ། དེ་ནས་བཅོམ་ལྡན་འདས་དཔལ་ཀུན་ཏུ་བཟང་པོ་དང་། ཡུམ་ཀུན་ཏུ་བཟང་མོ་དང་། བདེ་བར་གཤེགས་པའི་འཁོར་དཔག་ཏུ་མེད་པ་དང་བཅས་པ་རང་བཞིན་གྱིས་གནས་སོ། །དེ་ནས་བཅོམ་ལྡན་འདས་དཔལ་ཀུན་ཏུ་བཟང་པོ་དང་། ཡུམ་ཀུན་ཏུ་བཟང་མོ་གཉིས་ཆོས་མཉམ་པ་ཉིད་ལ་བཞུགས་ནས། འདི་སྐད་ཅེས་གསུངས་སོ། །ཀྱེ་ཀྱེ། གཙོ་བོ་གཙོ་མོ་འཁོར་བཅས་ཀྱང་། །རང་བཞིན་འོག་མིན་གནས་མཆོག་ན། །ཆུ་ཟླ་གཟུགས་བརྙན་འདྲ་བ་ལ། །ཉོན་མོངས་དྲི་མས་གོས་པ་མེད། །རང་བཞིན་དོན་གྱི་དབྱིངས་ན་བཞུགས། །ནམ་མཁའི་ཆོ་འཕྲུལ་སྟོན་པ་ལྟར། །རང་བཞིན་འོག་མིན་ཆོས་དབྱིངས་ནས། །གསུང་གིས་དོན་རྣམས་མི་སྟོན་ཏེ། །ཐུགས་ཀྱིས་ཆོས་རྣམས་མཇལ་བར་སྟོན། །ཞེས་ཡབ་ཡུམ་
གཉིས་པོ་མཉམ་པ་ལ་བཞུགས་ནས། མཉམ་པ་དང་རྟོགས་པའི་སྒོ་ནས་གླེང་གཞིའི་ལེའུ་སྟེ་དང་པོའོ།། །།དེ་ནས་བཅོམ་ལྡན་འདས་དཔལ་ཀུན་ཏུ་བཟང་པོ། འོག་མིན་གྱི་གནས་ན་ཡུམ་དང་འཁྲིལ་ཚུལ་དུ་བཞུགས་པ་ལས། ཡབ་ཀྱིས་གླེངས་པ། ཀྱེ་ཀྱེ། དག་པ་དྲི་མ་མེད་པའི་ཆོས། །བླ་མེད་བྱང་ཆུབ་སྒྲུབ་པའི་ཐབས། །འཁོར་བའི་རྣམ་རྟོག་གཞོམ་པ་དང་། །དྲག་པོས་འགྲོ་བ་དྲང་བའི་ཕྱིར། །ཡབ་ཡུམ་གཉིས་མེད་འཁྲིལ་བའི་ཚུལ། །ཞེས་རྡོ་རྗེ་གསང་བའི་ཚིག་ཏུ་བརྗོད་དོ། །དེ་ནས་ཡུམ་ཡང་མཉམ་པ་ཉིད་ཀྱིས་འཁྲིལ་བའི་ཚུལ་གྱིས་བསྐུལ་བ། ཀྱེ་ཀྱེ། བདེ་གཤེགས་རྡོ་རྗེ་རིགས་ཀྱི་གཙོ། །མཉམ་པ་ཆེན་པོའི་དོན་བསྟན་ནས། །གང་ལ་འདུལ་བ་བསྟན་པའི་ཕྱིར། །མི་འགྱུར་རྡོ་རྗེའི་གཙོ་མཆོག་ལ། །གཉིས་མེད་ཆེན་པོས་འཁྱུད་པར་བྱ། །ཞེས་གསུངས་སོ། །དེ་ནས་དགྱེས་པ་ཆེན་པོ་དེས། གསང་བའི་ཐུགས་མཉམ་པའི་ངང་གིས། ཀྱེ་ཀྱེ་སྙིང་པོ་དོན་གྱི་གཙོ། །བདེ་བར་གཤེགས་པ་ཀུན་གྱི་སྲས། །འཁོར་བ་ཡོངས་ཀྱི་དེད་དཔོན་པོ། །གཉིས་སུ་མེད་པའི་ཡུམ་དང་བཞུགས། །ཞེས་གླེངས་ཏེ་མི་གཡོ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ནས་ཡུམ་གྱིས་བསྐུལ་པ། ཀྱེ་ཀྱེ་བདེ་གཤེགས་ཀུན་གྱི་གཙོ། །མ་རིག་མུན་པ་འཇོམས་པའི་བདག །ཀུན་ཀྱང་འགྲོ་བའི་དོན་བྱའི་ཕྱིར། །དྲི་མེད་གསལ་བ་ཉི་ཟླའི་འོད། །ཆོས་ཉིད་མཉམ་པའི་ཀློང་ན་བཞུགས། །རིགས་ཀྱི་རིགས་ཏེ་རིགས་ཀྱི་གཙོ། །མུན་པ་འཇོམས་པའི་ཤེས་རབ་འོད། །འགྲོ་བ་སྒྲོལ་བའི་དེད་དཔོན་གཙོ། །འཁོར་བའི་དྲི་མ་འཁྲུད་པའི་ཆུ། །འགྲོ་བ་ཡོངས་ཀྱི་གཉེན་གཅིག་པོ། །གཉིས་མེད་བདེ་བའི་དབྱིངས་དཀྱིལ་དུ། །དགྱེས་པ་ཆེན་པོ་དབབ་ཏུ་གསོལ། །ཞེས་ཡུམ་གྱི་མཉམ་པའི་ངང་ལ་གནས་ནས་དེ་སྐད་ཅེས་གསུངས་སོ། །དེ་ནས་བཅོམ་ལྡན་འདས་དགྱེས་པ་ཆེན་པོ་དེས། རྒྱལ་པོ་དགའ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། རྡོ་རྗེའི་ཚིག་འདི་སྐད་གླེངས་སོ། །ཀྱེ་ཧོ་རྒྱལ་བ་འགྲོ་བའི་དོན་བྱའི་ཕྱིར། །རིགས་ཀྱི་
ཡུམ་དང་གཉིས་མེད་པར། །པདྨ་ཆེན་པོ་གདངས་སུ་གསོལ། །འཁོར་གྱི་རྣམ་པ་བསྐྱེད་དུ་གསོལ། །གཉིས་སུ་མེད་པར་བཞུགས་སུ་གསོལ། །དེ་ནས་ཡུམ་ཆེན་མོ་ཉིད་ཀྱི་བསམ་པ་གཡོས་པར་གྱུར་ཏོ། ཨེ་མ་ཧོ། སྟོན་པས་བསྟན་པ་འདི་བསྟན་ཕྱིར། །འཁོར་བ་འདུལ་བའི་དེད་དཔོན་གཙོ། །དགྱེས་པའི་རྡོ་རྗེ་དཔའ་བོ་ཡིས། །གཉིས་མེད་དགྱེས་པར་གྱུར་ནས་ནི། །གསང་བ་ཆེན་པོའི་ཆར་ཆེན་ཕོབ། །ཨ་ལ་ལ་ཧོ། ས་མ་ཡ་སྟྭཾ། ཨ་ནུ་རཱ་ག་ཧོ། ཛཿཧཱུཾ་བཾ་ཧོཿ། ཧཱུཾ་ཏྲཱཾ་ཧྲཱྀ་ཧཱཿ། དེ་ནས་ཡབ་ཡུམ་གཉིས་སུ་མེད་པ་ལས། བདེ་བར་གཤེགས་པ་ཡབ་ཡུམ་སྲས་དང་བཅས་པ་ཐོན་པར་གྱུར་ནས། རང་བཞིན་གཉིས་སུ་མེད་པ་མཉམ་པ་ཉིད་སྒྱུ་མ་ལྟ་བུའི་ཏིང་འཛིན་ལ་སྙོམས་པར་ཞུགས་སོ། །གླེང་སློང་བའི་ལེའུ་སྟེ་གཉིས་པའོ།། །།དེ་ནས་ཕྱོགས་བཅུའི་བདེ་བར་གཤེགས་པ་ཀུན་གྱིས། བཅོམ་ལྡན་འདས་དཔལ་ཀུན་ཏུ་བཟང་པོ་ལ་ཕྱག་བཙལ་ནས་འདི་སྐད་ཅེས་ཞུས་སོ། །ཀྱེ་ཀྱེ་བདེ་གཤེགས་ཆོས་ཀྱི་སྐུ། །རྟོག་པའི་དྲ་བ་གཞོམ་པའི་ཕྱིར། །བདེ་གཤེགས་རིགས་བརྒྱའི་སྒྲུབ་པའི་ཐབས། །ལེགས་པར་རྒྱས་པར་བསྟན་དུ་གསོལ། །ཞེས་ཞུས་པས། བཅོམ་ལྡན་འདས་དཔལ་ཀུན་ཏུ་བཟང་པོས་གསུངས་པ། ཉོན་ཅིག་འདུས་པའི་འཁོར་ཚོགས་རྣམས། །ཕྱོགས་བཅུའི་བདེ་གཤེགས་ཐམས་ཅད་ནི། །རིགས་བརྒྱར་འདུས་པ་ངས་བཤད་དོ། །ཕུན་སུམ་ཚོགས་པའི་གནས་དག་ཏུ། །འདུ་འཛི་སྤངས་པའི་རྣལ་འབྱོར་པས། །ས་ཡི་ཆོ་ག་ལེགས་བྱས་ལ། །མགོན་པོ་ཐུགས་དམ་ཅན་རྣམས་མཆོད། །བཀྲ་ཤིས་ས་ལ་མཎྜལ་བྱ། །འདོམ་གང་རྒྱ་ལ་ཆག་གང་དཔངས། །རྣམ་ལྔ་སྨན་གྱིས་ཆག་ཆག་གདབ། །སྟངས་སྟབས་ཁྲོ་བོས་མཚམས་བཅད་ལ། །དཀྱིལ་འཁོར་ཐིག་ནི་གདབ་པར་བྱ། །ཐིག་གཡོག་གྲོགས་དང་རབ་ལྡན་པས། །ཡེ་ཤེས་ལྔ་ལྡན་སྲད་བུ་ཡིས། །མཁས་པས་དཀྱིལ་འཁོར་ཐིག་གདབ་བོ། །སློབ་དཔོན་ནུབ་ལ་སློབ་མ་ཤར། །རྡོ་རྗེ་ཁུ་ཚུར་བྱིན་བརླབས་ལ། །ཕོ་བྲང་
དགུ་པའི་ཐིག་ཏུ་གདབ། །ཐིག་ནི་བཅུ་དྲུག་བཏབ་པ་ལ། །ཆ་ནི་བཞི་བཞིར་མཉམ་པར་དབྱེ། །རྩ་བ་དབུས་ཆ་གཉིས་ཏེ་མཐའ་གཉིས་དོར་བ་སྒོ། །རྒྱན་དང་ཆས་བྱ་དབུས་བརྒྱད་ཆ་ལས་སྒོ་འགྲམ་དང་། །ཡ་ཕུབས་ལོགས་ལ་སྒོ་ཁྱུད་ངོས་ལ་ཚོན་སྣ་ལྔས། །བསྐོར་བྱ་ཁྱམས་ཀྱི་ཆ་ལ་ལོངས་སྤྱོད་འགྲམ་གྱི་ཆ། །རིན་ཆེན་ཕ་གུ་ལོགས་རྒྱབ་ཆ་ལ་འགྲམ་དང་ཕྱེད། །ལོགས་རྒྱབ་ཆ་གཞན་ཀ་བ་ཆ་ལྔ་ཡ་ཕུབས་བཏེགས། །རྡོ་ར་རྣམ་བཞི་རྒྱན་གྱིས་རྣམ་མཛེས་རྟ་བབས་དགོད། །ཆོས་ཀྱི་འཁོར་ལོ་རྩེ་བྲན་གདུགས་མཛེས་རི་དྭགས་བཅས། །བ་དན་འཕན་དང་རིན་ཆེན་རྒྱལ་མཚན་མཛེས་པར་བྱ། །པད་ཕྲེང་མེ་འོད་རྡོ་རྗེའི་ཕྲེང་བས་མཛེས་པར་བསྐོར། །རྩ་བའི་དཀྱིལ་འཁོར་རང་གཞུང་ཅི་རིགས་མཛེས་པར་བསྐོར། །ས་ཚོན་སྣ་ལྔ་དཔའ་བོ་འབྲུ་ལྔ་ཡིས། །ཡེ་ཤེས་ལྔ་དང་ལྡན་པར་བྱིན་བརླབས་ལ། །དབུས་སུ་རིགས་སྦྱར་མུ་ཁྱུད་འོད་ཟེར་ལྡན། །རྩིབས་བཞི་རིགས་ཀྱིས་དབྱེ་ཞིང་གོང་ར་མཛེས་པའི་ཚོན། །མུ་ཁྱུད་རྡོ་རྗེའི་ར་བ་གྲུ་ཆད་ཁྱམས་ཚུལ་ཕྱོགས། །སྒོ་བཞི་རིགས་དང་སྦྱར་ལ་བརྩིག་པ་རིགས་ཀྱིས་དབྱེ། །འདོད་ཡོན་ཁྱམས་དམར་རིན་ཆེན་ཕ་གུ་སེར། །དྲྭ་བ་དྲྭ་ཕྱེད་སེར་ལ་ད་རུ་ཀ་ནི་ལྗང་། །དབུས་ཀྱི་དཀྱིལ་འཁོར་དགུ་ལ་སྒོ་རྒྱན་བཅས། །ཕྱི་ཁྱམས་ཕྱོགས་ཀྱིས་ཕྱེ་ལ་སྒོ་ཡང་དེ་དང་བསྟུན། །རྩིག་པ་དཀར་མཐིང་སེར་དམར་ལྗང་གིས་བསྐོར། །འདོད་ཡོན་ལ་སོགས་གོང་འདྲ་རྟ་བབས་ལ་སོགས་སྒོ་རྒྱན་བྱ། །མུ་ཁྱུད་པདྨའི་ཕྲེང་བ་རྡོ་རྗེ་ཕྲེང་བ་ལྡན། །ཕུར་པ་མདའ་དང་མེ་ལོང་རལ་གྲི་ལ་སོགས་དགོད། །དར་དང་རས་ཀྱི་ཡོལ་དྲེ་ཚོན་སྐུད་དྲ་བར་གཞུག །དེ་ནི་བསྙེན་བསྒྲུབ་གཉིས་ཀའི་དཀྱིལ་འཁོར་ཡིན། །ཞེས་གསུངས་སོ། །རྡུལ་ཚོན་གྱི་དཀྱིལ་འཁོར་བྲི་བའི་ལེའུ་སྟེ་གསུམ་པའོ།། །།དེ་ནས་ཕྱོགས་བཅུའི་བདེ་བར་གཤེགས་པའི་ལྷ་ཚོགས་རྣམས་ཀྱིས། བཅོམ་ལྡན་འདས་དཔལ་ཀུན་ཏུ་བཟང་པོ་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཏེ་བདེ་གཤེགས་གཙོ། །ཏིང་འཛིན་དཀྱིལ་འཁོར་བཤད་དུ་གསོལ། །བཅོམ་ལྡན་འདས་ཀྱིས་བཀའ་སྩལ་པ། །
དམ་པ་རིགས་བརྒྱའི་བསྒོམ་རིམ་ལ། །ཐོག་མར་བྱང་ཆུབ་སེམས་བསྐྱེད་དེ། །ཡན་ལག་བདུན་གྱིས་ཚོགས་བསགས་ལ། །དེ་བཞིན་ཉིད་ཀྱི་ཏིང་ངེ་འཛིན། །སྟོང་ཞིང་བདག་མེད་མ་བཅོས་བསྒོམ། །ཀུན་ཏུ་སྣང་བའི་ཏིང་འཛིན་ནི། །ཁྱབ་པའི་སྙིང་རྗེ་ཆེན་པོར་བསྒོམ། །དེ་ནས་རྒྱུ་ཡི་ཏིང་ངེ་འཛིན། །རང་སེམས་ཡི་གེ་ཨ་རུ་གསལ། །ཡི་གེ་ཨ་ཡི་བྱིན་རླབས་ལས། །ཨེ་ལས་ནམ་མཁའ་ཡཾ་ལས་རླུང་། །བཾ་ལས་ཆུ་དང་སུཾ་ལས་གསེར། །ལཾ་ལས་རི་རབ་རཾ་ལས་མེ། །བྷྲཱུཾ་ལས་རིན་ཆེན་གཞལ་ཡས་ཁང་། །དཀྱིལ་འཁོར་དགུ་ལ་དཀྱིལ་འཁོར་གཅིག །དབུས་ཀྱི་འཁོར་ལོ་རྩིབས་བཞི་ལ། །གྲུ་ཆད་སྒོ་བཞིར་བཅས་པ་ལ། །ཕྱི་ཁྱམས་རྒྱན་གྱིས་མཛེས་བྱས་པའི། །གཞལ་ཡས་གསལ་བར་གྲུབ་པར་བསྒོམ། །དེ་ནས་ཉི་ཟླ་པདྨའི་གདན། །ལྷ་རྣམས་ཀུན་གྱི་གནས་སུ་གདིང་། །དེ་ནས་རང་སེམས་ཡི་གེ་ཨ། །དཀྱིལ་འཁོར་དབུས་མའི་གདན་སྟེང་བབས། །སྤྲོ་བསྡུས་འོད་ཞུ་འཁོར་ལོར་གསལ། །རྣམ་པར་སྣང་མཛད་ཀུན་བཟང་མོ། །ཤར་དུ་མི་བསྐྱོད་སངས་རྒྱས་སྤྱན། །ལྷོ་རུ་འབྱུང་ལྡན་གོས་དཀར་མོ། །ནུབ་ཏུ་སྣང་མཐའ་མཱ་མ་ཀཱི། །བྱང་དུ་དོན་གྲུབ་དམ་ཚིག་སྒྲོལ། །ཤར་ཕྱོགས་དཀྱིལ་འཁོར་ཆེན་པོ་རུ། །དབུས་སུ་ཀུན་ཏུ་བཟང་པོ་དང་། །ཡུམ་གཅིག་རྡོ་རྗེ་དབྱིངས་ཕྱུག་མ། །ཤར་དུ་རྡོ་རྗེ་སེམས་དཔའ་ལ། །ལྷོ་རུ་རྡོ་རྗེ་རྒྱལ་པོའོ། །ནུབ་ཏུ་རྡོ་རྗེ་ཆགས་པ་ལ། །བྱང་དུ་རྡོ་རྗེ་ལེགས་པའོ། །ཤར་དུ་རྡོ་རྗེ་སྒེག་མོ་ལ། །ལྷོ་རུ་རྡོ་རྗེ་བདུག་པ་མོ། །ནུབ་ཏུ་རྡོ་རྗེ་ལྕགས་ཀྱུ་མ། །བྱང་དུ་རྡོ་རྗེ་མེ་སྒྲོན་མའོ། །ལྷོ་ཡི་ཕྱོགས་ཀྱི་དཀྱིལ་འཁོར་དུ། །གཙོ་བོ་འཇམ་དཔལ་གཞོན་ནུ་དང་། །ཡུམ་གཅིག་རིན་ཆེན་དབྱིངས་ཕྱུག་མ། །ཤར་དུ་རྡོ་རྗེ་རིན་ཆེན་ལ། །ལྷོ་རུ་རྡོ་རྗེ་གཟི་བརྗིད་ཆེ། །ནུབ་ཏུ་རྡོ་རྗེ་རྒྱལ་མཚན་ལ། །བྱང་དུ་རྡོ་རྗེ་བཞད་པའོ། །ཤར་དུ་རྡོ་རྗེ་ཕྲེང་བ་མ། །ལྷོ་རུ་རྡོ་རྗེ་བདུག་པ་མོ། །ནུབ་ཏུ་རྡོ་རྗེ་ཞགས་པ་མ། །བྱང་དུ་རྡོ་རྗེ་བདེ་བ་མོ། །ནུབ་ཀྱི་ཕྱོགས་ཀྱི་དཀྱིལ་འཁོར་དུ། །གཙོ་བོ་སྤྱན་རས་གཟིགས་དབང་ལ། །
ཡུམ་ཆེན་པདྨ་དབྱིངས་ཕྱུག་མ། །ཤར་དུ་རྡོ་རྗེ་ཆོས་དང་ནི། །ལྷོ་རུ་རྡོ་རྗེ་རྣོན་པོ་དང་། །ནུབ་ཏུ་རྡོ་རྗེ་སྨྲ་བ་སྟེ། །བྱང་དུ་རྡོ་རྗེ་འཁོར་ལོའོ། །ཤར་དུ་རྡོ་རྗེ་དབྱངས་ཅན་མ། །ལྷོ་རུ་རྡོ་རྗེ་མར་མེ་མ། །ནུབ་ཏུ་རྡོ་རྗེ་ལྕགས་སྒྲོག་མ། །བྱང་དུ་རྡོ་རྗེ་གསལ་བཀྲ་མའོ། །བྱང་གི་ཕྱོགས་ཀྱི་དཀྱིལ་འཁོར་དུ། །རྡོ་རྗེ་འཆང་ཆེན་སངས་རྒྱས་དང་། །ཡུམ་ཆེན་ལས་ཀྱི་དབྱིངས་ཕྱུག་མ། །ཤར་དུ་རྡོ་རྗེ་ལས་དང་ནི། །ལྷོ་རུ་རྡོ་རྗེ་སྲུང་བ་དང་། །ནུབ་ཏུ་རྡོ་རྗེ་གནོད་སྦྱིན་ཏེ། །བྱང་དུ་རྡོ་རྗེ་ཁུ་ཚུར་རོ། །ཤར་དུ་རྡོ་རྗེ་གར་བསྒྱུར་མ། །ལྷོ་རུ་རྡོ་རྗེ་བྱུག་པ་མོ། །ནུབ་ཏུ་རྡོ་རྗེ་དྲིལ་འཁྲོལ་མ། །བྱང་དུ་རྡོ་རྗེ་ཐོག་འབེབས་མའོ། །ཤར་ལྷོའི་མཚམས་ཀྱི་དཀྱིལ་འཁོར་དུ། །གཙོ་བོ་ས་ཡི་སྙིང་པོ་ལ། །ཡུམ་ཆེན་རྡོ་རྗེ་སེམས་མ་ནི། །ཤར་དུ་ཆོས་ཀྱི་རྒྱལ་མཚན་དང་། །ལྷོ་རུ་དབང་ཕྱུག་རྒྱལ་པོ་ལ། །ནུབ་ཏུ་བཀོད་པའི་རྒྱན་དང་ནི། །བྱང་དུ་རིན་ཆེན་འོད་འཕྲོའོ། །ཤར་དུ་བདེ་བ་རྒྱས་འདེབས་མ། །ལྷོ་རུ་བདེ་བ་རྨོངས་བྱེད་མ། །ནུབ་ཏུ་བདེ་བ་ཟ་བྱེད་མ། །བྱང་དུ་བདེ་བ་ཚེ་འཕེལ་མའོ། །ལྷོ་ནུབ་མཚམས་ཀྱི་དཀྱིལ་འཁོར་དུ། །གཙོ་བོ་ནམ་མཁའི་སྙིང་པོའོ། །ཡུམ་ཆེན་རིན་ཆེན་སེམས་མའོ། །ཤར་དུ་སྣང་བའི་མཆོག་དང་ནི། །ལྷོ་རུ་ཕྱག་རྒྱའི་རྒྱལ་པོའོ། །ནུབ་ཏུ་སྤོབས་པའི་རྒྱལ་པོ་དང་། །བྱང་དུ་སྤོབས་པ་བརྩེགས་པའོ། །ཤར་དུ་ཁྲུས་ཀྱི་ལྷ་མོ་ལ། །ལྷོ་རུ་རྒྱལ་མཚན་ལྷ་མོའོ། །ནུབ་ཏུ་བླ་རེའི་ལྷ་མོ་ལ། །བྱང་དུ་གདུགས་ཀྱི་ལྷ་མོའོ། །ནུབ་བྱང་མཚམས་ཀྱི་དཀྱིལ་འཁོར་དུ། །གཙོ་བོ་བྱམས་པ་ཆེན་པོ་ལ། །ཡུམ་ཆེན་པདྨའི་སེམས་མའོ། །ཤར་དུ་པདྨའི་རྒྱལ་པོ་ལ། །ལྷོ་རུ་པདྨ་དམ་པའོ། །ནུབ་ཏུ་རྡོ་རྗེ་མི་གཡོ་བ། །བྱང་དུ་རྡོ་རྗེ་ཐོགས་མེད་དང་། །ཤར་དུ་ལྷ་མོ་པདྨ་ཅན། །ལྷོ་རུ་ལྷ་མོ་འཛིན་བྱེད་མ། །ནུབ་ཏུ་ལྷ་མོ་སྐྱོན་བྲལ་མ། །བྱང་དུ་ལྷ་མོ་རྣམ་རྒྱལ་མའོ། །བྱང་ཤར་མཚམས་ཀྱི་དཀྱིལ་འཁོར་དུ། །གཙོ་བོ་སྒྲིབ་པ་རྣམ་སེལ་དང་། །ཡུམ་ཆེན་ལས་ཀྱི་སེམས་མ་ལ། །ཤར་དུ་རིན་ཆེན་དབང་ཕྱུག་མ། །ལྷོ་རུ་རྡོ་རྗེ་ཐུབ་པའི་ལས། །ནུབ་ཏུ་དག་པར་སྟོན་པ་དང་། །བྱང་
དུ་མི་གཡོ་བ་ཡི་མཐའ། །ཤར་དུ་ལྷ་མོ་དབྱངས་ཅན་མ། །ལྷོ་རུ་ལྷ་མོ་དྲི་མེད་མ། །ནུབ་ཏུ་ལྷ་མོ་སྒྲ་གཅན་མ། །བྱང་དུ་ལྷ་མོ་ཐོགས་མེད་མའོ། །དཀྱིལ་འཁོར་ཕྱི་ཡི་བར་ཁྱམས་ལ། །ཤར་སྟོད་མི་ཡི་ཐུབ་པ་ལ། །ཤར་སྨད་ལྷ་ཡི་ཐུབ་པའོ། །ལྷོ་སྟོད་ལྷ་མིན་ཐུབ་པ་ལ། །ལྷོ་སྨད་བྱོལ་སོང་ཐུབ་པའོ། །ནུབ་ཏུ་ཡི་དྭགས་ཐུབ་པ་སྟེ། །བྱང་དུ་དམྱལ་བའི་ཐུབ་པའོ། །ཤར་སྒོར་རྡོ་རྗེ་ལྕགས་ཀྱུ་མ། །ལྷོ་རུ་རྡོ་རྗེ་ཞགས་པ་མ། །ནུབ་ཏུ་རྡོ་རྗེ་ལྕགས་སྒྲོག་མ། །བྱང་དུ་རྡོ་རྗེ་དྲིལ་བུ་མའོ། །དེ་ལྟར་ལྷ་ཚོགས་བརྒྱ་པོ་རྣམས། །སྐུ་ནི་ཕྱག་རྒྱ་ཆེན་པོ་ལ། །གསུང་ནི་སྔགས་ཀྱི་དམ་ཚིག་སྟེ། །ཐུགས་ནི་ཕྱག་རྒྱ་ཆེན་པོར་ལྡན། །སྐུ་གསུང་ཐུགས་ཀྱི་ཕྱག་རྒྱར་གསལ། །སྣང་ལ་རང་བཞིན་མེད་པ་ནི། །མེ་ལོང་ནང་གི་གཟུགས་བརྙན་ནམ། །ཆུ་ཟླ་ནང་གི་གཟུགས་བརྙན་འདྲ། །ཞེས་གསུངས་སོ། །ཏིང་ངེ་འཛིན་གྱི་དཀྱིལ་འཁོར་བསྟན་པའི་ལེའུ་སྟེ་བཞི་པའོ།། །།དེ་ནས་ཡང་དག་ངེས་གསུངས་པ། །དམ་པ་རིགས་བརྒྱའི་ལྷ་ཚོགས་ཀྱི། །སྐྱེད་པ་རྩ་བའི་སྔགས་བཤད་པ། །དབུས་ཀྱི་ལྷ་ཚོགས་བསྐྱེད་པ་ནི། །ཨོཾ་བུཌྜྷ་བཻ་རོ་ཙ་ན་ཨོཾ། ཨོཾ་བཛྲ་དྭེ་ཥ་ར་ཏི་ཨོཾ། ཨོཾ་བཛྲ་ཨཀྵོ་བྷྱ་ཧཱུཾ། ཨོཾ་བཛྲ་བུཌྜྷ་ལོ་ཙ་ན་ཧཱུཾ། ཨོཾ་རཏྣ་སམྦྷ་བ་ཏྲཱཾ། ཨོཾ་བཛྲ་པཎྜ་ར་བ་ས་ནཱི་ཏྲཱཾ། ཨོཾ་བཛྲ་ཨ་མི་ཏ་བྷཱ་ཧྲཱྀཿ། ཨོཾ་བཛྲ་མཱ་མ་ཀཱི་ཧྲཱྀཿ། ཨོཾ་བཛྲ་ཨ་མོ་གྷ་སིདྡྷི་ཧཱ། ཨོཾ་བཛྲ་ས་མ་ཡ་ཏཱ་རཱ་ཧཱ།ཤར་གྱི་དཀྱིལ་འཁོར་རྣམས་ཀྱི་སྔགས། ཨོཾ་བཛྲ་ས་མཱནྟ་བྷ་དྲ་ཧཱུཾ། ཨོཾ་བཛྲ་དྷ་རཱ་ཧཱུཾ། ཨོཾ་བཛྲ་སཏྭ་ཧཱུཾ། ཨོཾ་བཛྲ་རཱ་ཛ་ཧཱུཾ། ཨོཾ་བཛྲ་རཱ་ག་ཧཱུཾ། ཨོཾ་བཛྲ་སཱ་དྷུ་ཧཱུཾ། ཨོཾ་བཛྲ་ལཱ་སྱེ་ཧཱུཾ། ཨོཾ་བཛྲ་དྷཱུ་པེ་ཧཱུཾ། ཨོཾ་བཛྲ་ཨངྐུ་ཤ་ཧཱུཾ། ཨོཾ་བཛྲ་དཱི་བི་ཤྭ་ར་ཏི་ཧཱུཾ། ལྷོ་ཕྱོགས་དཀྱིལ་འཁོར་ལྷ་ཚོགས་སྔགས། ཨོཾ་མཉྫུ་ཤྲཱི་ཀུ་མཱ་ར་མུ་ཡ་ཏྲཱཾ།ཨོཾ་བཛྲ་རཏྣ་དྷ་རཱ་ཧཱུཾ། ཨོཾ་བཛྲ་རཏྣ་ཧཱུཾ། ཨོཾ་བཛྲ་སཱུརྻ་ཏྲཱཾ། ཨོཾ་བཛྲ་ཀེ་ཏུ་ཧྲཱྀཿ།ཨོཾ་བཛྲ་ཧ་ས་ཧཱ། ཨོཾ་བཛྲ་མཱ་ལེ་ཧཱུཾ། ཨོཾ་བཛྲ་པུཥ྇་ཏྲཱཾ། ཨོཾ་བཛྲ་པཱ་ཤ་ཧྲཱྀཿ། ཨོཾ་
བཛྲ་སུ་ཁ་ཧཱ། ནུབ་ཕྱོགས་ལྷ་ཚོགས་དཀྱིལ་འཁོར་སྔགས། ཨོཾ་སརྦ་ཏ་ཐཱ་ག་ཏ་ཨ་བ་ལོ་ཀི་ཏི་ཀཱ་རུ་ཎ་མ་ཧཱ་རཱ་ཛ་ཧྲཱྀཿ། ཨོཾ་པདྨ་དྷ་རཱ་ཧྲཱྀཿ། ཨོཾ་བཛྲ་དྷརྨ་ཧཱུཾ། ཨོཾ་བཛྲ་ཏིཀྵྞ་ཏྲཱཾ། ཨོཾ་བཛྲ་བྷཱ་ཥཱ་ཧྲཱྀཿ། ཨོཾ་བཛྲ་ཙཀྲ་ཧཱ། ཨོཾ་གཱིརྟི་ཧཱུཾ། ཨོཾ་བཛྲ་ཨཱ་ལོ་ཀེ་ཏྲཱཾ། ཨོཾ་བཛྲ་སྥོ་ཊ་ཧྲཱྀ། ཨོཾ་བཛྲ་རཱ་ག་ར་ཏི་ཧཱ། བྱང་གི་དཀྱིལ་འཁོར་ལྷ་ཚོགས་སྔགས། ཨོཾ་བཛྲ་པཱ་ཎི་ས་མནྟ་ཧཱུཾ། ཨོཾ་བཛྲ་ཀརྨ་དྷ་རཱ་ཧཱུཾ། ཨོཾ་བཛྲ་ཀརྨ་ཧཱུཾ། ཨོཾ་རཀྵ་ཏྲཱཾ། ཨོཾ་བཛྲ་ཡཀྵ་ཧྲཱྀཿ། ཨོཾ་བཛྲ་སནྡྷི་ཧཱ། ཨོཾ་བཛྲ་ནྲྀ་ཏྱེ་ཧཱུཾ། ཨོཾ་བཛྲ་གནྡྷེ་ཏྲཱཾ། ཨོཾ་བཛྲ་གྷཎྜ་ཧྲཱྀཿ། ཨོཾ་བཛྲ་ཨཱ་བེ་ཤ་ཧཱ། ཤར་ལྷོ་མཚམས་ཀྱི་ལྷ་ཚོགས་སྔགས། ཨོཾ་ཀྵྀ་ཏི་གརྦྷ་རཏྣ་ཨོཾ། ཨོཾ་བཛྲ་ནིརྟི་ཧཱུཾ། ཨོཾ་དྷརྨ་ཀེ་ཏུ་ཧཱུཾ། ཨོཾ་ཀེ་ཏྭཱི་ཤྭ་ར་རཱ་ཛ་ཏྲཱཾ། ཨོཾ་བྷཱུ་ཧཱ་ལཾ་རཱ་ཛ་ཧྲཱྀཿ། ཨོཾ་རཏྣ་པྲ་བྷཱ་ཧཱ། ཨོཾ་བཛྲ་ཁ་ཊྭཱཾ་ཀ་པྲ་ཛྭ་ལ་ཡ་ཧཱུཾ། ཨོཾ་བཛྲ་ཨ་མོ་གྷ་ཤ་ར་ཡ་ཏྲཱཾ། ཨོཾ་བཛྲ་རཱ་ག་ས་མ་ཡ་ཧྲཱྀཿ། ཨོཾ་བཛྲ་གྷཎྜ་ཛ་ལ་ཡ་ཧཱ། ལྷོ་ནུབ་མཚམས་ཀྱི་ལྷ་ཚོགས་སྔགས། ཨོཾ་ཨཱ་ཀཱ་ཤ་གརྦྷ་སྭཱ་ཧཱ། ཨོཾ་རཏྣ་ནི་ཏྲེ་ཏྲཱཾ། ཨོཾ་ཨཱ་ལོ་ཀེ་ཨ་གྲ་པྲ་བེ་ཧོ་ཧཱུཾ། ཨོཾ་མུ་དྲ་རཱ་ཛ་པྲ་བྷ་ཏ་ཏྲཱཾ། ཨོཾ་པྲ་ཏི་བྷཱ་ན་རཱ་ཛ་ནེ་ཧྲཱྀཿ། ཨོཾ་པྲ་ཏི་བྷཱ་ན་ཀུ་ཊ་ཡེ་ཧཱ། ཨོཾ་བཛྲ་ཨཱ་མླཱ ་བཾ་ཧཱུཾ། ཨོཾ་བཛྲ་ཀེ་ཏུ་ཏྲཱཾ། ཨོཾ་བི་ཏཱ་ན་དྷཱ་ཧྲཱྀཿ། ཨོཾ་ཚ་ཧྲཱྀཿ། ནུབ་བྱང་དཀྱིལ་འཁོར་ལྷ་ཚོགས་སྔགས། ཨོཾ་ཧྲཱྀ་མ་ཧཱ་མཻ་ཏྲི་ཧཱུཾ། ཨོཾ་པདྨ་ནི་ཏི་ཨོཾ། ཨོཾ་ཀ་མ་ལ་རཱ་ཛ་མ་ཧཱ་རཱ་ཛ་ཧཱུཾ། ཨོཾ་པདྨོཏྟ་མ་པདྨ་དྷ་ར་ཏྲཱཾ། ཨོཾ་བཛྲ་ཨཀྵོ་བྷྱ་ཧྲཱྀཿ། ཨོཾ་ཨ་མོ་གྷ་རཱ་ཛ་ཡ་ཧཱུཾ། ཨོཾ་བི་མ་ལེ་ཀརྨ་མཉྫུ་ཥ་ཡ་ཧཱུཾ། ཨཱོཾ་ཛ་ལི་མི་ལི་ཧུ་བ་ཏྲེ་བ་ཏུ་ས་བ་ཏྲེ་ཏྲཱཾ།ཨོཾ་ཏ་ཀ་རུ་ན་ཛྭ་ལ་པུ་ཙ་པདྨེ་ཧྲཱྀཿ། ཨོཾ་ཏྲ་ས་ནི་བི་ཏྲ་ས་ནི་བ་ཏྲ་ས་ནི་ཧཱ། བྱང་ཤར་དཀྱིལ་འཁོར་ལྷ་ཚོགས་སྔགས། ཨོཾ་སརྦ་ཎི་བ་ར་ཎ་བི་ཤྭ་དྷ་ར་ཡ་བ་རེ་ཨོཾ།ཨོཾ་ཀརྨ་ནི་ཏེ་ཨོཾ། ཨོཾ་རཏྱཱུ་ཤྡ་ར་རཏྣ་དྷ་ར་ཧཱུཾ། ཨོཾ་ཀརྨ་སིདྡྷི་རཏྣ་དྷ་རཱ་ཡ་ཏྲཱཾ།ཨོཾ་ཨཱ་ར་ཧ་ཤཱ་དྷ་ར་ཡ་ཧྲཱྀཿ། ཨོཾ་ཨ་ཙ་ལ་ཨཀྵོ་བྷྱ་དྷ་རཱ་ཡ་ཧཱ། ཨོཾ་ཛ་ཡེ་ཛ་ཡེ་བ་ཧ་སརྦ་ཤ་ནི་ཧཱུཾ། ཨོཾ་ཛྭ་ལ་པྲ་ཛྭ་ལ་དཱ་ཧཱ་པ་ཙ་ཏྲཱཾ། ཨོཾ་གནྡྷེ་ཙུ་རུ་མ་ཧཱ་པ་ཤ་ར་ཨ་ཏི་ཏི་ཧྲཱྀཿ། ཨོཾ་ཧ་ཀ་ཧུ་རུན་པྲ་ཀ་རི་
ཧཱ། དཀྱིལ་འཁོར་འཁྱམས་ལ་ཐུབ་དྲུག་སྔགས། ཨོཾ་མུ་ནེ་ཀྲིཾ་སྭཱ་ཧཱ། ཨོཾ་མུ་ནེ་ཏྲཱཾ་ཧཱུཾ་སྭཱ་ཧཱ། ཨོཾ་མུ་ནེ་སྲུཾ་སྭཱ་ཧཱ། ཨོཾ་མུ་ནེ་པྲཾ་སྭཱ་ཧཱ། ཨོཾ་མུ་ནེ་ཀྵཾ་སྭཱ་ཧཱ། ཨོཾ་མུ་ནེ་ཡེ་སྭཱ་ཧཱ། དཀྱིལ་འཁོར་སྒོ་བཞིར་སྒོ་མའི་སྔགས། ཨོཾ་བཛྲ་ཨཾ་ཀུ་ཤ་ཛ། ཨོཾ་བཛྲ་པཱ་ཤ་ཧཱུཾ། ཨོཾ་བཛྲ་སྥོ་ཊ་བཾ། ཨོཾ་བཛྲ་གྷཎྜ་ཧོཿ། དམ་པ་རིགས་བརྒྱའི་རྩ་བའི་སྔགས། །སྐུ་བསྐྱེད་གསལ་གདབ་བསྙེན་སྔགས་ཡིན། །ཅེས་གསུངས་སོ། །དམ་པ་རིགས་བརྒྱའི་སྔགས་བསྟན་པའི་ལེའུ་སྟེ་ལྔ་པའོ།། །།དེ་ནས་ཡང་དག་ངེས་གསུངས་པ། །དབུས་ཀྱི་དཀྱིལ་འཁོར་ལྷ་ཚོགས་ཀྱི། །སྐུ་མདོག་ཕྱག་མཚན་བསྟན་པ་ནི། །དབུས་སུ་རྣམ་པར་སྣང་མཛད་དཀར། །གཡས་པ་ཡེ་ཤེས་འཁོར་ལོ་ལ། །གཡོན་པ་དངུལ་དཀར་དྲིལ་བུའོ། །ཞབས་ནི་མཉམ་པའི་སྐྱིལ་ཀྲུང་བཞུགས། །ཡུམ་ཆེན་ཀུན་བཟང་བདག་ཉིད་དཀར། །གཡས་པས་ཡབ་ཀྱི་མགུལ་ནས་འཁྱུད། །གཡོན་པས་དྲིལ་བུ་འདུད་པའི་ཚུལ། །ཤར་དུ་མི་འཁྲུགས་མཐིང་ག་ལ། །ཕྱག་ན་རྡོ་རྗེ་རྩེ་ལྔ་འཛིན། །ཡུམ་ཆེན་སངས་རྒྱས་སྤྱན་མ་ནི། །རྒྱན་དང་ཆ་ལུགས་ཡབ་དང་མཐུན། །ལྷོ་རུ་རིན་ཆེན་འབྱུང་ལྡན་སེར། །ཕྱག་ན་རིན་ཆེན་འབར་བ་བསྣམས། །ཡུམ་ཆེན་གོས་དཀར་ཡབ་དང་མཐུན། །ནུབ་ཏུ་སྣང་བ་མཐའ་ཡས་དམར། །ཕྱག་ན་པདྨ་བསྣམས་པའོ། །མཱ་མ་ཀཱི་ནི་ཡབ་དང་མཐུན། །བྱང་དུ་དོན་ཡོད་གྲུབ་པ་ལྗང་། །ཕྱག་ན་རལ་གྲི་བསྣམས་པའོ། །དམ་ཚིག་སྒྲོལ་མ་ཡབ་དང་མཐུན། །ཤར་གྱི་ཕྱོགས་ཀྱི་དཀྱིལ་འཁོར་དུ། །དབུས་སུ་ཀུན་ཏུ་བཟང་པོ་དཀར། །ཕྱག་ན་རྡོ་རྗེ་རྩེ་ལྔ་བསྣམས། །རྡོ་རྗེ་དབྱིངས་ཕྱུག་ཡབ་དང་མཐུན། །ཤར་དུ་རྡོ་རྗེ་སེམས་དཔའ་དཀར། །ཕྱག་ན་རྡོ་རྗེ་རྩེ་ལྔ་བསྣམས། །ལྷོ་རུ་རྡོ་རྗེ་རྒྱལ་པོ་སེར། །ཕྱག་ན་རྡོ་རྗེ་ལྕགས་ཀྱུ་བསྣམས། །ནུབ་ཏུ་རྡོ་རྗེ་ཆགས་པ་དམར། །ཕྱག་ན་མདའ་གཞུ་འགེངས་པའོ། །བྱང་དུ་རྡོ་རྗེ་ལེགས་པ་ལྗང་། །ཕྱག་ན་རྡོ་རྗེ་བསྣམས་པའོ། །ཤར་དུ་རྡོ་རྗེ་སྒེག་མོ་དཀར། །ཕྱག་ན་འགེངས་པའི་ཕྱག་རྒྱའོ། །ལྷོ་
རུ་རྡོ་རྗེ་བདུག་པ་སེར། །ཕྱག་ན་སྤོས་ཀྱི་སྤྲིན་སྤྲོ་བའོ། །ནུབ་ཏུ་རྡོ་རྗེ་ལྕགས་ཀྱུ་དམར། །ཕྱག་ན་ལྕགས་ཀྱུ་བསྣམས་པའོ། །བྱང་དུ་རྡོ་རྗེ་མེ་སྒྲོན་ལྗང་། །ཕྱག་ན་གསལ་བའི་སྒྲོན་མེའོ། །ལྷོ་ཡི་ཕྱོགས་ཀྱི་དཀྱིལ་འཁོར་དུ། །དབུས་སུ་འཇམ་དཔལ་གཞོན་ནུ་སེར། །ཕྱག་ན་རིན་ཆེན་རལ་གྲིའོ། །རིན་ཆེན་དབྱིངས་ཕྱུག་ཡབ་དང་མཐུན། །ཤར་དུ་རྡོ་རྗེ་རིན་ཆེན་དཀར། །ཕྱག་ན་རྡོ་རྗེ་རིན་ཆེན་བསྣམས། །ལྷོ་རུ་རྡོ་རྗེ་གཟི་བརྗིད་སེར། །ཕྱག་ན་ཉི་མའི་དཀྱིལ་འཁོར་བསྣམས། །ནུབ་ཏུ་རྡོ་རྗེ་རྒྱལ་མཚན་དམར། །ཕྱག་ན་རྒྱལ་མཚན་བསྣམས་པའོ། །བྱང་དུ་རྡོ་རྗེ་བཞད་པ་ལྗང་། །ཕྱག་ན་སོ་འཕྲེང་བསྣམས་པའོ། །ཤར་དུ་རྡོ་རྗེ་ཕྲེང་བ་དཀར། །ཕྱག་ན་རིན་ཆེན་ཕྲེང་བ་བསྣམས། །ལྷོ་རུ་རྡོ་རྗེ་མེ་ཏོག་སེར། །ཕྱག་ན་མེ་ཏོག་བསྣམས་པའོ། །ནུབ་ཏུ་རྡོ་རྗེ་ཞགས་པ་མ། །ཕྱག་ནི་འགུགས་པའི་ཕྱག་རྒྱའོ། །བྱང་དུ་རྡོ་རྗེ་བདེ་མ་ལྗང་། །ཕྱག་ན་བསིལ་ཡབ་བསྣམས་པའོ། །ནུབ་ཀྱི་ཕྱོགས་ཀྱི་དཀྱིལ་འཁོར་དུ། །གཙོ་བོ་སྤྱན་རས་གཟིགས་དབང་དམར། །ཕྱག་ན་པདྨ་བསྣམས་པའོ། །པདྨ་དབྱིངས་ཕྱུག་ཡབ་དང་མཐུན། །ཤར་དུ་རྡོ་རྗེ་ཆོས་ནི་དཀར། །ཕྱག་ན་པདྨ་བསྣམས་པའོ། །ལྷོ་རུ་རྡོ་རྗེ་རྣོན་པོ་སེར། །ཕྱག་ན་རལ་གྲི་བསྣམས་པའོ། །ནུབ་ཏུ་རྡོ་རྗེ་སྨྲ་བ་དམར། །ཕྱག་ན་རྡོ་རྗེ་བསྣམས་པའོ། །བྱང་དུ་རྡོ་རྗེ་འཁོར་ལོ་ལྗང་། །ཕྱག་ན་འཁོར་ལོ་བསྣམས་པའོ། །ཤར་དུ་རྡོ་རྗེ་དབྱངས་མཁན་དཀར། །ཕྱག་ན་པི་ཝཾ་བསྣམས་པའོ། །ལྷོ་རུ་རྡོ་རྗེ་མར་མེ་སེར། །ཕྱག་ན་མར་མེ་བསྣམས་པའོ། །ནུབ་ཏུ་རྡོ་རྗེ་ལྕགས་སྒྲོག་དམར། །ཕྱག་ན་པདྨ་བསྣམས་པའོ། །བྱང་དུ་རྡོ་རྗེ་གསལ་བཀྲ་ལྗང་། །ཕྱག་ན་རྨ་བྱ་བསྣམས་པའོ། །བྱང་གི་ཕྱོགས་ཀྱི་དཀྱིལ་འཁོར་དུ། །གཙོ་བོ་ཕྱག་ན་རྡོ་རྗེ་ལྗང་། །ཕྱག་ན་རྡོ་རྗེ་བསྣམས་པའོ། །ལས་ཀྱི་དབྱིངས་ཕྱུག་ཡབ་དང་མཐུན། །ཤར་དུ་རྡོ་རྗེ་ལས་ནི་དཀར། །ཕྱག་ན་རྡོ་རྗེ་རྒྱ་གྲམ་བསྣམས། །ལྷོ་རུ་རྡོ་རྗེ་སྲུང་བ་སེར། །ཕྱག་ན་གོ་ཆ་བསྣམས་པའོ། །ནུབ་ཏུ་རྡོ་རྗེ་གནོད་སྦྱིན་དམར། །ཕྱག་ན་མཆེ་བ་བསྣམས་པའོ། །བྱང་དུ་རྡོ་རྗེ་ཁུ་ཚུར་ལྗང་། །ཕྱག་ནི་ཕྱག་རྒྱ་ཁུ་ཚུར་མཛད། །ཤར་དུ་རྡོ་རྗེ་གར་བསྒྱུར་དཀར། །ཕྱག་རྒྱ་སྣ་ཚོགས་བསྒྱུར་བའོ། །ལྷོ་རུ་རྡོ་རྗེ་བྱུག་པ་སེར། །ཕྱག་ན་སྤོས་ཆུ་བསྣམས་པའོ། །ནུབ་ཏུ་རྡོ་རྗེ་དྲིལ་འཁྲོལ་དམར། །ཕྱག་ན་དྲིལ་བུ་འཁྲོལ་
བའོ། །བྱང་དུ་རྡོ་རྗེ་འབེབས་མ་ལྗང་། །ཕྱག་ན་བུམ་པའི་ཆུ་རྒྱུན་བསྣམས། །ཤར་ལྷོ་མཚམས་ཀྱི་དཀྱིལ་འཁོར་དུ། །གཙོ་བོ་ས་ཡི་སྙིང་པོ་དཀར། །ཕྱག་ན་རིན་ཆེན་སྙེ་མ་བསྣམས། །རྡོ་རྗེ་སེམས་མ་ཡབ་དང་མཐུན། །ཤར་དུ་རྡོ་རྗེ་རྒྱལ་མཚན་དཀར། །ཕྱག་ན་ཆུ་སྲིན་གསེར་མདོག་བསྣམས། །ལྷོ་རུ་དབང་ཕྱུག་རྒྱལ་པོ་སེར། །ཕྱག་ན་ལྕགས་ཀྱུ་བསྣམས་པའོ། །ནུབ་ཏུ་བཀོད་པའི་རྒྱན་ནི་དམར། །ཕྱག་ན་མེ་ཏོག་བསྣམས་པའོ། །བྱང་དུ་རིན་ཆེན་འོད་འཕྲོ་ལྗང་། །ཕྱག་ན་རིན་ཆེན་བསྣམས་པའོ། །ཤར་དུ་བདེ་བ་རྒྱས་འདེབས་དཀར། །ཕྱག་ན་ཁ་ཊྭཱཾ་བསྣམས་པའོ། །ལྷོ་རུ་བདེ་བ་ཟ་བྱེད་སེར། །ཕྱག་ན་མདའ་གཞུ་འགེངས་པའོ། །ནུབ་ཏུ་བདེ་བ་རྨོངས་བྱེད་དམར། །ཕྱག་རྒྱ་ཐུགས་ཀར་བསྣོལ་བའོ། །བྱང་དུ་བདེ་བ་ཟ་བྱེད་ལྗང་། །ཕྱག་ན་དྲིལ་བུ་བསྣམས་པའོ། །ལྷོ་ནུབ་མཚམས་ཀྱི་དཀྱིལ་འཁོར་དུ། །གཙོ་བོ་ནམ་མཁའི་སྙིང་པོ་དཀར། །ཕྱག་ན་རིན་ཆེན་ཟ་མ་ཏོག །རིན་ཆེན་དབྱིངས་ཕྱུག་ཡབ་དང་མཐུན། །ཤར་དུ་སྣང་བའི་མཆོག་ནི་དཀར། །ཕྱག་ན་རྡོ་རྗེ་བསྣམས་པའོ། །ལྷོ་རུ་ཕྱག་རྒྱའི་རྒྱལ་པོ་སེར། །ཕྱག་ན་མདའ་གཞུ་བསྣམས་པའོ། །ནུབ་ཏུ་སྤོས་ཀྱི་གླང་པོ་དམར། །ཕྱག་ན་འོད་ཀྱི་ཟ་མ་ཏོག །བྱང་དུ་སྤོབས་བརྩེགས་ཀུན་འདྲེན་ལྗང་། །ཕྱག་ན་གསེར་ཏོག་མདོག་ཡང་ལྕགས་ཀྱུ་བསྣམས། །ཤར་དུ་ཁྲུས་ཀྱི་ལྷ་མོ་དཀར། །ཕྱག་ན་ཁྲུས་བུམ་བསྣམས་པའོ། །ལྷོ་རུ་རྒྱལ་མཚན་ལྷ་མོ་སེར། །ཕྱག་ན་རྒྱལ་མཚན་བསྣམས་པའོ། །ནུབ་ཏུ་བླ་རེའི་ལྷ་མོ་དམར། །ཕྱག་ན་བླ་རེ་བསྣམས་པའོ། །བྱང་དུ་གདུགས་ཀྱི་ལྷ་མོ་ལྗང་། །ཕྱག་ན་གསེར་གདུགས་བསྣམས་པའོ། །ནུབ་བྱང་མཚམས་ཀྱི་དཀྱིལ་འཁོར་དུ། །དབུས་སུ་གཙོ་བོ་བྱམས་པ་
དམར། །ཕྱག་ན་ཀླུ་ཤིང་པདྨ་བསྣམས། །པདྨའི་སེམས་མ་ཡབ་དང་མཐུན། །ཤར་དུ་པདྨའི་རྒྱལ་པོ་དཀར། །ཕྱག་ན་པདྨ་བསྣམས་པའོ། །ལྷོ་རུ་པདྨ་དམ་པ་སེར། །ཕྱག་ན་པདྨ་ཁ་མ་བྱེ་བའོ། །ནུབ་ཏུ་རྡོ་རྗེ་མི་གཡོ་དམར། །ཕྱག་ན་བསམ་གཏན་པོ་ཏི་བསྣམས། །བྱང་དུ་ཐོགས་མེད་རྒྱལ་པོ་ལྗང་། །ཕྱག་ན་ལྕགས་ཀྱུ་གསེར་གཡུ་བསྣམས། །ཤར་དུ་ལྷ་མོ་པདྨ་དཀར། །ཕྱག་ན་དཔལ་བེའུ་བསྣམས་པའོ། །ལྷོ་རུ་ལྷ་མོ་འཇིགས་བྱེད་སེར། །ཕྱག་ན་འཁོར་ལོ་བསྣམས་པའོ། །ནུབ་ཏུ་ལྷ་མོ་སྐྱོན་བྲལ་དམར། །ཕྱག་ན་པདྨ་བསྣམས་པའོ། །བྱང་དུ་ལྷ་མོ་རྣམ་རྒྱལ་ལྗང་། །ཕྱག་ན་རྒྱལ་མཚན་བསྣམས་པའོ། །བྱང་ཤར་མཚམས་ཀྱི་དཀྱིལ་འཁོར་དུ། །གཙོ་བོ་སྒྲིབ་པ་རྣམ་སེལ་ལྗང་། །ཕྱག་ན་པོ་ཏི་བསྣམས་པའོ། །ལས་ཀྱི་སེམས་མ་ཡབ་དང་མཐུན། །ཤར་དུ་རིན་ཆེན་དབང་སྡུད་དཀར། །ཕྱག་ན་རིན་ཆེན་ཟུར་བརྒྱད་བསྣམས། །ལྷོ་རུ་གྲུབ་པའི་ལས་ནི་སེར། །ཕྱག་ན་རིན་ཆེན་རྒྱ་གྲམ་བསྣམས། །ནུབ་ཏུ་དགའ་བ་སྟོན་པ་དམར། །ཕྱག་ན་རྡོ་རྗེ་རྒྱ་གྲམ་བསྣམས། །བྱང་དུ་མི་གཡོ་མཐའ་ནི་ལྗང་། །ཕྱག་ན་རྒྱ་གྲམ་བསམ་གཏན་མཛད། །ཤར་དུ་ལྷ་མོ་སྐྱབས་ཅན་དཀར། །ཕྱག་ན་གདུ་བུ་བསྣམས་པའོ། །ལྷོ་རུ་ལྷ་མོ་དྲི་མེད་སེར། །ཕྱག་ན་བུམ་པ་བསྣམས་པའོ། །ནུབ་ཏུ་ལྷ་མོ་སྒྲ་སྒྲོགས་དམར། །ཕྱག་ན་འབུད་དུང་བསྣམས་པའོ། །བྱང་དུ་ལྷ་མོ་སྒྲ་སྒྲོགས་ལྗང་། །ཕྱག་ན་གསེར་གྱི་ཉ་བསྣམས་པའོ། །དཀྱིལ་འཁོར་ཕྱི་ཡི་བར་ཁྱམས་ལ། །ཤར་སྟོད་ལྷ་ཡི་ཐུབ་པ་དཀར། །ཕྱག་ན་པི་ཝང་བསྣམས་པའོ། །ཤར་དུ་ལྷ་མིན་ཐུབ་པ་སྔོ། །ཕྱག་ན་གོ་མཚོན་བསྣམས་པའོ། །ལྷོ་རུ་མི་ཡི་ཐུབ་པ་སེར། །ཕྱག་ན་གསེག་ཤང་པར་བུ་བསྣམས། །ནུབ་སྟོད་བྱོལ་སོང་ཐུབ་པ་ནག །ཕྱག་ན་པོ་ཏི་བསྣམས་པའོ། །ནུབ་སྨད་ཡི་དྭགས་ཐུབ་པ་དམར། །ཕྱག་ན་རིན་ཆེན་སྒྲོམ་བུ་བསྣམས། །བྱང་དུ་དམྱལ་བའི་ཐུབ་པ་ནག །ཕྱག་ན་མེ་ཆུ་བསྣམས་པའོ། །དེ་ནས་དཀྱིལ་འཁོར་སྒོ་བཞི་རུ། །ཤར་སྒོར་རྡོ་རྗེ་ལྕགས་ཀྱུ་མ། །ཕྱག་ན་
ལྕགས་ཀྱུ་བསྣམས་པའོ། །ལྷོ་སྒོར་རྡོ་རྗེ་ཞགས་པ་སེར། །ཕྱག་ན་ཞགས་པ་བསྣམས་པའོ། །ནུབ་ཏུ་རྡོ་རྗེ་ལྕགས་སྒྲོག་དམར། །ཕྱག་ན་ལྕགས་སྒྲོག་བསྣམས་པའོ། །བྱང་དུ་རྡོ་རྗེ་དྲིལ་བུ་ལྗང་། །ཕྱག་ན་དྲིལ་བུ་བསྣམས་པའོ། །དེ་ལྟར་ཕྱོགས་བཞི་མཚམས་བཞི་ཡི། །བདེ་གཤེགས་ཐམས་ཅད་དམ་པ་རིགས་བརྒྱར་འདུས། །རིགས་བརྒྱ་བསྡུས་པ་རྒྱལ་བ་རིགས་ལྔར་འདུས། །དེ་ཡང་ཆོས་སྐུ་ཐིག་ལེ་ཉག་གཅིག་ངང་དུ་འདུས། །ཞེས་གསུངས་སོ། །བདེ་གཤེགས་རིགས་བརྒྱའི་སྐུ་མདོག་ཕྱག་མཚན་བསྟན་པའི་ལེའུ་སྟེ་དྲུག་པའོ།། །།དེ་ནས་ཡང་དག་ངེས་གསུངས་པ། །བདེ་གཤེགས་རིགས་བརྒྱའི་ལྷ་ཚོགས་རྣམས། །རྒྱན་དང་ཆ་ལུགས་མཚན་དང་དཔེ་བྱད་ལྡན། །མཉམ་པར་མ་འདྲེས་འཇའ་ཚོན་རི་མོ་འདྲ། །སྣང་ལ་མི་རྟོག་མེ་ལོང་གཟུགས་བརྙན་འདྲ། །སྐུ་མདོག་རིགས་ཀྱི་ཕྱག་རྒྱ་སོ་སོར་གསལ། །གསུང་གི་ཕྱག་རྒྱ་ཨོཾ་ཧཱུཾ་ཏྲཱཾ་ཧྲཱྀཿཧཱ་ལྔ། །སོ་སོའི་རིགས་ཀྱི་ཡིག་འབྲུར་གསལ། །ཐུགས་ཀྱི་ཕྱག་རྒྱ་ཕྱག་མཚན་ནི། །གཡས་པ་སོ་སོའི་ཕྱག་མཚན་བསྣམས། །གཡོན་པ་ཐམས་ཅད་དྲིལ་བུ་བསྣམས། །དེ་ལྟར་རིགས་བརྒྱ་གསལ་བསྒོམས་ལ། །ཆོས་སྐུ་ཐིག་ལེ་གཅིག་ཏུ་བསྒོམ། །སྐུ་གསུང་ཐུགས་སུ་བྱིན་རློབ་ཅིང་། །ཡེ་ཤེས་ལྔ་ཡི་དབང་བསྐུར་བྱ། །ཨོཾ་སརྦ་ཏ་ཐཱ་ག་ཏ་ཀཱ་ཡ་བཛྲ་སྭ་བྷཱ་བ་ཨཱདྨ་ཀོ྅ཧཾ། ཨོཾ་སརྦ་ཏ་ཐཱ་ག་ཏ་ཝཱ་ཀ་བཛྲ་སྭ་བྷཱ་བ་ཨཱདྨ་ཀོ྅ཧཾ། ཨོཾ་སརྦ་ཏ་ཐཱ་ག་ཏ་ཙིཏྟ་བཛྲ་སྭ་བྷཱ་བ་ཨཱདྨ་ཀོ྅ཧཾ། ཨོཾ་མ་ཧཱ་ཤུ་ནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཱདྨ་ཀོ྅ཧཾ། ཨོཾ་མ་ཧཱ་ཨཱ་དཪྴ་ཛྙཱ་ན་བཛྲ་སྭ་བྷཱ་ཝ་ཨཱདྨ་ཀོ྅ཧཾ། ཨོཾ་མ་ཧཱ་ས་མ་ཏཱ་ཛྙཱ་ན་བཛྲ་སྭ་བྷཱ་ཝ་ཨཱདྨ་ཀོ྅ཧཾ། ཨོཾ་སརྦ་ཏ་ཐཱ་ག་ཏ་ཀྲྀ་ཏྱཱ་ནུཥྛཱ་ན་ཛྙཱ་ན་བཛྲ་སྭ་བྷཱ་ཝ་ཨཱདྨ་ཀོ྅ཧཾ། ཨོཾ་པྲ་ཏྱ་བེཀྵ་ཎ་ཛྙཱ་ན་བཛྲ་སྭ་བྷཱ་ཝ་ཨཱདྨ་ཀོ྅ཧཾ། དེ་ལྟར་བྱིན་བརླབས་དབང་བསྐུར་ནས། །ཕྱག་རྒྱ་ཆེན་པོ་བསྒྲུབ་པར་བྱ། །དམ་ཚིག་སེམས་དབང་བསྐྱེད་པའོ། །ཞེས་གསུངས་སོ། །དམ་ཚིག་གི་དཀྱིལ་འཁོར་བསྟན་པའི་ལེའུ་སྟེ་བདུན་པའོ།། །།དེ་ནས་རིགས་ལྔའི་སངས་རྒྱས་ཀྱིས་དཔལ་ཀུན་ཏུ་བཟང་པོ་ལ་གསོལ་པ། ཏིང་འཛིན་དཀྱིལ་འཁོར་དེ་ལགས་ན། །རང་བཞིན་དཀྱིལ་འཁོར་ཇི་
ལྟར་བསྒྲུབ། །དེ་སྐད་གསོལ་པ་གསན་ནས་ཀྱང་། །སྤྱི་དཔལ་ཆེན་པོས་བཀའ་སྩལ་པ། །རང་བཞིན་དཀྱིལ་འཁོར་དགུག་པ་ནི། །ཐུགས་ཀའི་ཧཱུཾ་གི་འོད་ཟེར་གྱིས། །སྤྲུལ་པའི་ལྷ་མོ་འཕྲོས་པ་ཡིས། །ཆོས་ཀྱི་དབྱིངས་ཀྱི་ཕོ་བྲང་ནས། །དམ་པ་རིགས་བརྒྱའི་ལྷ་ཚོགས་ལ། །སྙན་གསན་ཕབ་སྟེ་སྤྱན་དྲངས་ལ། །མདུན་གྱི་ནམ་མཁར་བཞུགས་པ་དེ། །འོད་ཀྱི་ནང་དུ་སྤྱན་དྲངས་ལ། །དམ་ཚིག་ལ་ནི་ཡེ་ཤེས་བསྡིམ། །གཉིས་སུ་མེད་པར་བརྟན་པར་གཞུག །གཞལ་ཡས་ཁང་གི་སྒོ་བཞི་ནས། །ཐུགས་ལས་སྤྲུལ་པའི་གསང་ཡུམ་བཞིས། །མཉེས་པའི་ཚུལ་གྱིས་ཕྱག་ཀྱང་བཙལ། །འདོད་ཡོན་ལྷ་མོ་སྣ་ཚོགས་ཀྱིས། །ཕྱི་ནང་གསང་བའི་མཆོད་པ་རྣམས། །མཉེས་པའི་ཚུལ་གྱིས་ཚིམ་པར་མཆོད། །མཆོད་ཅིང་བསྟོད་པ་དག་པར་འབུལ། །བཟླས་པའི་འཕྲོ་འདུ་བྱ་བ་ནི། །ཨོཾ་ཨཱ་ལི་ཀཱ་ལི་པཉྩ་ཛྙཱ་ན་སཏྭ་ཀྲོ་དྷ་མུ་ན་ཡེ་སྭཱ་ཧཱ། དམ་པ་རིགས་བརྒྱ་འདུས་པའི་སྔགས། །ལྷ་རྣམས་ཐུགས་ཀར་ཉི་མའི་སྟེང་། །ཡེ་ཤེས་སེམས་དཔའ་གསལ་བཀོད་ལ། །དེ་ཡི་ཐུགས་ཀར་ཟླ་བའི་སྟེང་། །སྔགས་ཀྱི་ཕྲེང་བ་གསལ་བཀོད་དེ། །འོད་ཟེར་འཕྲོ་འདུས་བསྙེན་པ་བྱ། །བདག་གཞན་དོན་གྱི་བཟླས་པ་རྣམས། །གང་འདོད་ཚད་དུ་ཕྱིན་པར་བཟླས། །དེ་ནས་ཏིང་འཛིན་གཏོང་འདོད་ན། །ལྷ་ཚོགས་རྣམས་ལ་བཤགས་པ་བྱ། །གཏོར་མ་བྱིན་གྱིས་བརླབས་ལ་གཏང་། །བཀྲ་ཤིས་བརྗོད་ཅིང་ཕྲིན་ལས་བཅོལ། །དེ་ལྟར་བསྒྲུབ་པའི་སྦྱོར་བ་ནི། །ཟླ་དྲུག་ཟླ་བ་བཅུ་གཉིས་སམ། །ལོ་གསུམ་ལོ་དྲུག་བཅུ་གཉིས་ཀྱིས། །རིག་འཛིན་ས་ལ་ངེས་པར་སྦྱོར། །ཞེས་གསུངས་སོ། །རང་བཞིན་གྱི་དཀྱིལ་འཁོར་བསྒྲུབ་པའི་ལེའུ་སྟེ་བརྒྱད་པའོ།། །།དེ་ནས་ཡང་དག་ངེས་གསུངས་པ། །རྟགས་ཐོན་བསྙེན་བསྒྲུབ་ཐོན་པ་དང་། །ཆོ་གའི་རིམ་པ་རབ་རྫོགས་ནས། །དེ་ནས་དཀྱིལ་འཁོར་བསྡུ་བྱས་ཏེ། །དམ་ཚིག་སེམས་དཔའི་ལྷ་ཚོགས་དང་། །ཡེ་ཤེས་སེམས་དཔའི་དཀྱིལ་འཁོར་ནི། །གཉིས་མེད་གཅིག་ལ་གཉིས་སུ་དབྱེ། །ཡེ་ཤེས་སེམས་དཔའ་གཤེགས་སུ་གསོལ། །ཨོཾ་ཨཱཿཧཱུཾ་མུཾ་གྱི་སྔགས་བརྗོད་པས། །བདག་ལ་ཞལ་བསྟན་དབྱིངས་
སུ་གཤེགས། །དམ་ཚིག་སེམས་དཔའི་དཀྱིལ་འཁོར་དེ། །སྒོ་བ་རིམ་གྱིས་བྱང་ནས་བསྡུ། །སྒོ་བ་ཐུབ་པ་དྲུག་ལ་བསྡུ། །ཐུབ་དྲུག་བྱང་ཤར་དཀྱིལ་འཁོར་ལ། །མཚམས་བཞིའི་དཀྱིལ་འཁོར་རིམ་གྱིས་བསྡུ། །ཕྱོགས་བཞི་བྱང་ནས་རིམ་པར་བསྡུ། །ཤར་ནས་དབུས་ཀྱི་དཀྱིལ་འཁོར་རོ། །མཚམས་བཞིའི་དཀྱིལ་འཁོར་རིམ་གྱིས་བསྡུ། །དབུས་ཀྱི་ལྷ་ཚོགས་བྱང་ནས་བསྡུ། །དབུས་ཀྱི་གཙོ་བོ་ཉིད་ལ་བསྡུ། །གཙོ་བོ་ཐུགས་ཀའི་ཡེ་ཤེས་སེམས་དཔའ་ལ། །དེ་ཡང་རྡོ་རྗེ་ནས་ཙམ་ལ། །དེ་ཡང་ཡི་གེ་ཧཱུཾ་ལ་བསྡུ། །ཧཱུཾ་ཡང་རིམ་གྱིས་ཐིག་ལེ་ལ། །ཐིག་ལེ་ཆོས་ཀྱི་དབྱིངས་སུ་བསྡུ། །དེ་ཡི་ངང་དུ་བློ་བཞག་ལ། །སླར་ཡང་ལྷ་ཡི་ཏིང་འཛིན་དུ། །སྐད་ཅིག་ལངས་ཏེ་སྤྱོད་ལམ་བྱ། །འདི་ལྟར་བསྐྱེད་རྫོགས་དོན་བསྒོམས་ན། །ངེས་པར་ལེགས་པའི་དོན་མཐོང་ནས། །རིག་འཛིན་ས་ལ་རྫོགས་པར་སྦྱོར། །ཞེས་གསུངས་སོ། །དམ་པ་རིགས་བརྒྱའི་སྒྲུབ་ཐབས་བསྟན་པའོ། །བདེ་གཤེགས་འདུས་པའི་རྒྱུད་ལས་མཇུག་རྫོགས་རིམ་གྱི་ལེའུ་སྟེ་དགུ་པའོ།། །།བདེ་གཤེགས་དམ་པ་རིགས་བརྒྱའི་སྒྲུབ་ཐབས་བསྟན་པའི་སྐབས་ཏེ་དང་པོའོ།།དེ་ནས་སྤྱི་དཔལ་ཆེན་པོ་ཀུན་ཏུ་བཟང་པོ་ལ། རིགས་ལྔའི་སངས་རྒྱས་རྣམས་ཀྱིས་ཞུས་པ། ཨེ་མ་ཧོ་སྤྱི་དཔལ་ཀུན་ཏུ་བཟང་། །འགྲོ་བའི་ལོག་རྟོག་གཞོམ་པའི་ཕྱིར། །སངས་རྒྱས་བཞི་བཅུ་རྩ་གཉིས་ཀྱི། །ཡེ་ཤེས་སྐྱེད་པའི་སྒྲུབ་ཐབས་གང་། །སྤྱི་དཔལ་ཡབ་ཀྱིས་བཀའ་སྩོལ་ཅིག །དེ་སྐད་གསོལ་པ་གསན་ནས་ཀྱང་། །སྤྱི་དཔལ་ཡབ་ཀྱིས་བཀའ་སྩལ་པ། །ཉོན་ཅིག་འདུས་པའི་འཁོར་ཚོགས་རྣམས། །མ་རྟོགས་པ་དང་ལོག་པར་རྟོག །ཕྱོགས་རྟོག་ཡང་དག་ཉིད་མ་རྟོགས། །འདུལ་བར་དགོངས་ནས་གསང་བ་དང་། །རང་བཞིན་གསང་བའི་དོན་རྣམས་ནི། །ཡི་གེ་སྒྲས་བཏགས་མིང་ཚོགས་ལ། །བརྟེན་པའི་ཚིག་གིས་རབ་མཚོན་ཏེ། །ཁོང་ནས་གསང་སྦས་དོན་འབྱིན་པ། །སྟོན་པ་རྡོ་རྗེའི་ཐུགས་ལ་གབ། །ཐོས་བསམ་བསྒོམ་ལ་རབ་སྦྱངས་ཏེ། །ཤེས་རབ་མིག་ལྡན་རྣམས་ཀྱིས་གཟུང་། །སྣོད་ལྡན་ངང་ཚུལ་བཟང་ལ་
བསྟན། །ལུས་དང་ལོངས་སྤྱོད་གཏོང་ལ་སྦྱིན། །སློབ་དཔོན་མཉེས་པར་བྱ་བ་དང་། །སྒྱུ་འཕྲུལ་དྲ་བའི་དཀྱིལ་འཁོར་དུ། །དབང་རྣམས་རྫོགས་པར་བྱས་པ་ཡིས། །འདོད་ཡོན་གཡེང་བ་ཀུན་སྤངས་ཏེ། །དཀའ་ཐུབ་སྤྱོད་པས་མ་གདུངས་པར། །ཏིང་འཛིན་ཐུབ་པའི་ས་ཕྱོགས་སུ། །རབ་ཏུ་བདེ་བའི་སྟན་ལ་འདུག །བྱམས་དང་སྙིང་རྗེ་དགའ་བ་དང་། །བཏང་སྙོམས་བཞི་པོ་རབ་བསྒོམས་ནས། །སེམས་ཅན་རྣམས་ཀྱི་དོན་གྱི་ཕྱིར། །སྐུ་གསུང་ཐུགས་ནི་བསྒྲུབ་བྱ་ཞེས། །བདག་ནི་བསམ་པ་བརྟན་བྱས་ཏེ། །རང་སྙིང་ས་བོན་འོད་ཟེར་ལས། །སྤྲུལ་པའི་མཆོད་པའི་ཚོགས་སྤྲོས་ཏེ། །མདུན་གྱི་དཀྱིལ་འཁོར་ཚོགས་རྣམས་དང་། །བླ་མ་ལ་སོགས་རྣམས་མཆོད་དེ། །དེ་ནས་སྡིག་པ་བཤགས་པ་དང་། །སྐྱབས་གསོལ་ལ་སོགས་བྱས་ནས་ནི། །བགེགས་རྣམས་མ་ལུས་གཞོམ་པའི་ཕྱིར། །སྣ་ཚོགས་ཧཱུཾ་ལས་བསྐྱེད་པ་ཡི། །རྡོ་རྗེའི་ས་གཞི་བསམ་པར་བྱ། །རྣམ་རྟོག་འདུ་ཤེས་ཀུན་སྤངས་ན། །བགེགས་ཀྱི་སྦྱོར་བ་ཡོད་མི་འགྱུར། །དེ་བས་རྣམ་རྟོག་བགེགས་ཡིན་པས། །ཡང་དག་རིག་པ་ཉིད་ཀྱིས་བསྲུང་། །དང་པོ་སྟོང་ཉིད་བྱང་ཆུབ་སེམས། །སྐྱེ་འགག་མེད་པའི་དོན་གསལ་ནས། །སྙིང་རྗེའི་ཡུལ་གྱིས་བླངས་ནས་ནི། །ས་བོན་ཤིན་ཏུ་གསལ་བར་གྱུར། །རབ་ཏུ་བརྟན་གྱུར་ཨ་དཀར་ལས། །ཤིན་ཏུ་ཕྲ་བའི་ཨ་རྣམས་སྤྲོས། །ཕྱོགས་ཀུན་གང་བར་གསལ་གྱུར་ལ། །བསྡུས་ཀྱང་འཕེལ་འགྲིབ་མེད་པའོ། །དེ་ལས་མིང་ཚོགས་གསལ་བ་ཀུན། །སྤྲོ་ཞིང་བསྡུ་བ་དེ་བཞིན་ཏེ། །འདི་ནི་རྡོ་རྗེ་དངོས་གྲུབ་ཀྱི། །རྟེན་འབྱུང་ཡེ་ཤེས་རྒྱུ་ཡིན་ནོ། །དེ་ནས་མཐའ་དབུས་མེད་པ་ཡི། །འོག་མིན་ཆོས་འབྱུང་བསམ་པར་བྱ། །དེ་ནས་ཡཾ་ལས་བྱུང་བ་ཡི། །རླུང་གི་དཀྱིལ་འཁོར་བསམ་པར་བྱ། །དེ་སྟེང་ཡི་གེ་རཾ་ལས་ནི། །མེ་ཡི་དཀྱིལ་འཁོར་བསྐྱེད་པར་བྱ། །དེ་ཡི་སྟེང་དུ་བཾ་བསམས་ཏེ། །དེ་ལས་ཆུ་ཡི་དཀྱིལ་འཁོར་རོ། །ཆུ་ཡི་དཀྱིལ་འཁོར་སྟེང་དུ་ནི། །ལཾ་ལས་ཡེ་ཤེས་ས་གཞིར་བརྟགས། །རིན་ཆེན་འབར་བ་
རི་རབ་སྟེང་། །བྷྲཱུཾ་ལས་ཡེ་ཤེས་གཞལ་ཡས་ཁང་། །ཡེ་ཤེས་ཆེན་པོའི་རང་བཞིན་ནོ། །རྒྱ་རྣམས་ཡོངས་སུ་མ་ཆད་པ། །བསོད་ནམས་ཡེ་ཤེས་ཚོགས་རྒྱས་པས། །ཀུན་ཏུ་གྲུ་བཞིར་གནས་གྱུར་པ། །ཡེ་ཤེས་ལྷག་པའི་གློ་འབུར་མཛེས། །ཐམས་ཅད་ངོ་བོ་གཅིག་པའི་ཕྱིར། །རྩེ་མོ་ཀུན་ཏུ་འདུས་པ་ཡིན། །རིན་ཆེན་རྒྱན་སོགས་བྱེ་བྲག་གིས། །བསམ་མི་ཁྱབ་པར་སྤྲས་པར་གྱུར། །ཚད་མེད་བཞི་ཡི་སྒོ་ཁྱུད་ལ། །རྣམ་ཐར་བརྒྱད་ཀྱི་རྟ་བབས་ལྡན། །ཀུན་ནས་བསྐོར་བའི་ཁ་ཁྱེར་ལ། །རོལ་མོ་སྣ་ཚོགས་སྤྲིན་ཕུང་བཞིན། །ཕྱི་དང་ནང་མེད་ཀུན་ཏུ་སྣང་། །འཁོར་ལོ་རྩིབས་བཞི་མུ་ཁྱུད་དང་། །གྲུ་ཆད་བཞི་ལྡན་བར་ཁྱམས་དང་། །དཀྱིལ་འཁོར་བཞི་བཅུ་གཉིས་ཀྱིས་བརྒྱན། །དབུས་སུ་མི་འཇིགས་སེང་གེའི་ཁྲི། །བརྒྱ་བྱིན་འོད་གསལ་ཉི་ཟླ་དང་། །ཆགས་མེད་པདྨ་སོ་སོར་མཛེས། །གདན་ནི་སུམ་བརྩེགས་དག་ཏུ་གནས། །སེང་གེའི་གདན་གྱི་དབུས་སུ་ནི། །དམ་པའི་ཡི་གེའི་ས་བོན་ལས། །དེ་ལས་པདྨ་རྡོ་རྗེར་བཏགས། །སོ་སོའི་སྙིང་པོས་མཚོན་པར་བྱ། །དེ་ལས་སངས་རྒྱས་སྐུ་ནི་སྤྲོ། །ཕྱོགས་བཅུའི་འཇིག་རྟེན་ཁམས་རྣམས་ཀྱི། །སེམས་ཅན་དོན་ཀུན་རྫོགས་མཛད་ནས། །དེ་ཉིད་ལ་ནི་ཐིམ་པར་གྱུར། །ཕྱག་རྒྱ་ཡོངས་སུ་གྱུར་པ་ལས། །ཀུན་བཟང་ཡུམ་དང་ལྡན་པ་ནི། །ཟླ་བའི་འོད་ལྟར་དཀར་ཞིང་གསལ། །ཞལ་གཅིག་ཕྱག་གཉིས་རྒྱན་གྱིས་མཛེས། །སངས་རྒྱས་ལྔ་ཡི་དབུ་རྒྱན་ཅན། །འོད་ཟེར་རྣམ་པ་སྣ་ཚོགས་ལས། །སྤྲུལ་པས་སེམས་ཅན་དོན་རྣམས་མཛད། །ཀུན་ཏུ་བཟང་མོ་འཇོ་སྒེག་ཚུལ། །ཨིནྡྲ་ནཱི་ལའི་ཁ་དོག་འདྲ། །རྒྱན་དང་དབུ་རྒྱན་ཡབ་དང་མཐུན། །ཕྱག་གཡས་རྡོ་རྗེ་ཐུགས་ཀར་བརྟེན། །གཡོན་པས་དྲིལ་འཛིན་ཡུམ་ལ་འཁྲིལ། །ཡུམ་གྱིས་པདྨ་ཐུགས་ཀར་བརྟེན། །གཡོན་གྱིས་ཉི་མའི་ལས་སུ་འཁྲིལ། །དབུ་ནི་འབྱོ་ཞིང་འདུད་པའི་ཚུལ། །དེ་ལྟར་ཡོངས་སུ་བསྐྱེད་པ་ནི། །གཉིས་མེད་ཆགས་པའི་སྦྱོར་བས་དྲངས། །དེ་བཞིན་གཤེགས་པ་ཀུན་འདུས་ནས། །ཡབ་ལ་
དེ་བཞིན་གཤེགས་རྣམས་ཐིམ། །རྡོ་རྗེའི་ལམ་དུ་ཕྱུང་ནས་ནི། །ཡུམ་གྱི་པདྨའི་མཁའ་དཀྱིལ་དུ། །བྱང་ཆུབ་སེམས་ཀྱི་འཕྲོ་འདུ་ལས། །ཡེ་ཤེས་དཀྱིལ་འཁོར་རྫོགས་པར་སྤྲུལ། །དེ་ནས་སྙིང་རྗེའི་ཆགས་པ་ཡིས། །སེམས་ཅན་མ་ལུས་བསྡུས་བྱས་ནས། །དཀྱིལ་འཁོར་ཕྱི་རོལ་འཁོད་ནས་ནི། །དེ་དག་འཇུག་པར་གསོལ་བ་འདེབས། །གསོལ་བ་བཏབ་པའི་ཚིག་བརྗོད་ནས། །ཐམས་ཅད་དཀྱིལ་འཁོར་འཇུག་པར་འགྱུར། །བདུད་རྩིའི་འོད་ཀྱིས་རེག་པར་གྱུར། །ཐམས་ཅད་རང་བཞིན་སངས་རྒྱས་ཤེས། །དེ་ལྟར་རྒྱལ་པོའི་བྱིན་རླབས་ཀྱིས། །རང་ལུས་རྒྱལ་བའི་དཀྱིལ་འཁོར་ཆེ། །རྡོ་རྗེ་ཕུང་པོའི་ཡན་ལག་ནི། །རྫོགས་པའི་སངས་རྒྱས་ལྔ་རུ་གྲགས། །སྐྱེ་མཆེད་ཁམས་རྣམས་མང་པོ་ཀུན། །བྱང་ཆུབ་སེམས་དཔའི་དཀྱིལ་འཁོར་ཉིད། །ས་ཆུ་སྤྱན་དང་མཱ་མ་ཀི། །མེ་རླུང་གོས་དཀར་དམ་ཚིག་སྒྲོལ། །ནམ་མཁའ་དབྱིངས་ཀྱི་དབང་ཕྱུག་མ། །སྲིད་གསུམ་ཡེ་ནས་སངས་རྒྱས་ཤིང་། །ཐམས་ཅད་མ་ལུས་ཆོས་སོ་ཅོག །སངས་རྒྱས་ཉིད་ལས་གཞན་མ་ཡིན། །སངས་རྒྱས་ཉིད་ལས་གཞན་པའི་ཆོས། །སངས་རྒྱས་ཉིད་ཀྱིས་མི་བརྙེས་སོ། །དེ་ནས་རྒྱལ་བ་སངས་རྒྱས་རྣམས། །སོ་སོ་བཞིན་དུ་དགོད་པར་བྱའོ། །ཡོངས་སྦྱངས་གསུང་གི་ཡི་གེ་ནི། །ཡབ་ཀྱི་ཐུགས་ཀར་ཐིམ་གྱུར་ནས། །ཡུམ་གྱི་པདྨའི་ཆགས་རླན་གྱིས། །ཡབ་ཡུམ་གཉིས་མེད་ཐིག་ལེར་སྦྱོར། །དེ་ལྟར་རྒྱལ་བ་སྙོམས་ཞུགས་ནས། །བདེ་བའི་འབྲུ་ཚོགས་མངོན་འདྲ་སྟེ། །རྒྱུ་གཅིག་པ་དང་ཡིག་འབྲུ་དང་། །བྱིན་གྱིས་བརླབས་དང་མངོན་སུམ་པ། །རབ་ཏུ་རྟོག་པ་རྣམ་བཞི་ཡིས། །མངོན་རྫོགས་རྒྱལ་པོ་དེ་ཉིད་ངེས། །དེ་ལྟར་རྟོག་པ་རྣམ་བཞི་ཡིས། །རྒྱལ་བའི་སྐུ་ནི་མངོན་སྤྱོད་ལས། །པུ་ཤ་རཱ་གའི་ཁ་དོག་འདྲ། །ཞལ་གཅིག་པ་ལ་ཕྱག་གཉིས་ཏེ། །གཡས་པ་འཁོར་ལོ་ཐུགས་ཀར་བརྟེན། །གཡོན་པ་དྲིལ་བུ་ཡུམ་ལ་འཁྱུད། །ཐབས་དང་ཤེས་རབ་ཞབས་གཉིས་ནི། །མཉམ་པའི་བརྟུལ་ཞུགས་སྐྱིལ་ཀྲུང་བཞུགས། །མདུན་དང་རྒྱབ་མེད་ཀུན་
ཏུ་ཞལ། །མཚན་དང་དཔེ་བྱད་ཀུན་ཏུ་ལྡན། །འོད་ཟེར་འབར་བའི་ཚོགས་ཆེན་ལས། །ཐུབ་པའི་དཀྱིལ་འཁོར་སྣ་ཚོགས་སྤྲོ། །རྒྱལ་བ་རིགས་ལྔས་དབུ་བརྒྱན་ཅིང་། །སྣ་ཚོགས་རྒྱན་རྣམས་ཀུན་གྱིས་བརྒྱན། །བཙུན་མོ་སྣང་བའི་དབྱིངས་ཕྱུག་མ། །གཞོན་ཚུལ་འཁྲིལ་ལྡེམ་ཤིན་ཏུ་ཆགས། །ཆ་ལུགས་ལ་སོགས་ཡབ་དང་མཐུན། །གཡོན་པ་དྲིལ་བུ་ཡབ་ལ་བརྟེན། །གཡས་པ་ཉི་མ་ལས་སུ་འཁྲིལ། །ཕུང་པོ་དབང་པོ་རྣམ་ཤེས་ཀུན། །རྫོགས་པའི་སངས་རྒྱས་ཉིད་དུ་བསྒོམ། །སྐྱེ་མཆེད་ཁམས་རྣམས་བྱིན་གྱིས་བརླབས། །སྐུ་གསུང་ཐུགས་ཀྱི་འབྲུ་གསུམ་གྱིས། །འོད་ཟེར་རྣམ་པ་མང་པོ་སྤྲོས། །ཕྱོགས་བཅུའི་སྐུ་གསུང་ཐུགས་བསྡུས་ནས། །བདག་གི་སྐུ་གསུང་ཐུགས་ལ་ནི། །རྒྱལ་བའི་དཀྱིལ་འཁོར་བཞུགས་པར་བསམ། །ཨོཾ་སརྦ་ཏ་ཐཱ་ག་ཏ་མ་ཧཱ་ཀཱ་ཡ་བཛྲ་སྭ་བྷཱ་ཝ་ཨཱདྨ་ཀོ྅ཧཾ། ཨཱོཾ་སརྦ་ཏ་ཐཱ་ག་ཏ་མ་ཧཱ་ཝཱཀ་བཛྲ་སྭ་བྷཱ་ཝ་ཨཱདྨ་ཀོ྅ཧཾ། ཨོཾ་སརྦ་ཏ་ཐཱ་ག་ཏ་མ་ཧཱ་ཙིཏྟ་བཛྲ་སྭ་བྷཱ་ཝ་ཨཱདྨ་ཀོ྅ཧཾ། དེ་ལྟར་སྐུ་གསུང་ཐུགས་གསུམ་དུ། །ང་རྒྱལ་རབ་ཏུ་བསྐྱེད་ནས་ནི། །ཡུམ་གྱི་སྐུ་ཡི་དཀྱིལ་འཁོར་ལ། །ཡིག་འབྲུ་རྣམ་གསུམ་རྣམ་ཤེས་ལ། །ཡིག་འབྲུའི་བྱིན་བརླབ་ཚུལ་བཞིན་བྱ། །དེ་ནས་ཡུམ་ནི་བྱིན་བརླབ་བྱ། །ཨོཾ་ཨཱཿཧཱུཾ་སྭཱ་ཧཱ། གནས་ལྔ་དག་ཏུ་དགོད་པར་བྱ། །དེ་ལྟར་ཡབ་ཡུམ་སྐུ་རྫོགས་ནས། །དཀྱིལ་འཁོར་ཆེན་པོ་རྣམ་འཕྲུལ་ཕྱིར། །གཉིས་མེད་ཆགས་པའི་སྦྱོར་དོན་དུ། །རྡོ་རྗེ་པདྨ་བྱིན་གྱིས་བརླབ། །ཧཱུཾ་ལས་རྡོ་རྗེ་རབ་ཏུ་ཤེས། །ཨོཾ་ལས་བྱུང་བའི་ནོར་བུར་བསམ། །ཨོཾ་ལས་པདྨར་བསྐྱེད་པར་བྱ། །ཨོཾ་སརྦ་ཏ་ཐཱ་ག་ཏ་མ་ཧཱ་ཨ་ནུ་རཱ་ག་ཎ་བཛྲ་སྭ་བྷཱ་ཝ་ཨཱདྨ་ཀོ྅ཧཾ། བསྙེན་པ་དང་ནི་ཉེ་བའི་བསྙེན། །སྒྲུབ་པ་དང་ནི་སྒྲུབ་ཆེན་པོ། །ཡུམ་གྱི་པདྨའི་དཀྱིལ་འཁོར་དུ། །བདེ་བ་ཐུགས་ཀྱི་དཀྱིལ་འཁོར་དུ། །བྱང་ཆུབ་སེམས་ཀྱི་བྱིན་རླབས་ལས། །ཡིག་འབྲུ་རྣམས་ཀྱི་འཕྲོ་འདུ་ཡིས། །ས་བོན་མཚན་མ་སྐུ་རྣམས་རྫོགས། །སུམ་ཅུ་དྲུག་གི་དཀྱིལ་འཁོར་འགྱུར། །དེ་ལས་འགྲོ་བ་རྨོངས་པ་ལ། །བསྟན་
ཕྱིར་དཀྱིལ་འཁོར་བསྟན་པར་མཛད། །ཤར་ཕྱོགས་འཁོར་ལོའི་རྩིབས་སྟེང་དུ། །བཅོམ་ལྡན་རྡོ་རྗེ་མི་བསྐྱོད་དང་། །ཡུམ་ཆེན་ཀུན་ཏུ་བཟང་མོ་བསྒོམ། །ལྷོ་ཕྱོགས་འཁོར་ལོའི་རྩིབས་སྟེང་དུ། །བཅོམ་ལྡན་རིན་ཆེན་འབྱུང་ལྡན་དང་། །ཡུམ་ཆེན་ན་བཟའ་དཀར་མོ་བསྒོམ། །ནུབ་ཕྱོགས་འཁོར་ལོའི་རྩིབས་སྟེང་དུ། །བཅོམ་ལྡན་སྣང་བ་མཐའ་ཡས་དང་། །ཡུམ་ཆེན་མཱ་མ་ཀཱི་ཡང་བསྒོམ། །བྱང་ཕྱོགས་འཁོར་ལོའི་རྩིབས་སྟེང་དུ། །བཅོམ་ལྡན་དོན་ཡོད་གྲུབ་པ་དང་། །ཡུམ་ཆེན་དམ་ཚིག་སྒྲོལ་མ་བསྒོམ། །དེ་ཡི་ཕྱི་རིམ་རྩིབས་མཆན་ལ། །ཤར་ཕྱོགས་ས་ཡི་སྙིང་པོ་དང་། །ཡུམ་དུ་བཛྲ་ལཱ་སྱེ་བསྒོམ། །ལྷོ་རུ་ནམ་མཁའི་སྙིང་པོ་དང་། །ཡུམ་དུ་བཛྲ་མཱ་ལེ་བསྒོམ། །ནུབ་ཕྱོགས་སྤྱན་རས་གཟིགས་དབང་དང་། །ཡུམ་ནི་གིར་ཏི་བསྒོམ་པར་བྱ། །བྱང་དུ་ཕྱག་ན་རྡོ་རྗེ་དང་། །ཡུམ་དུ་བཛྲ་ནིར་ཏི་བསྒོམ། །དེ་ཡི་ཕྱི་རིམ་གྲུ་ཆད་ལ། །ཤར་དུ་སེམས་དཔའ་བྱམས་པ་དང་། །ཡུམ་དུ་བཛྲ་དྷཱུ་པེ་མའོ། །ལྷོ་རུ་ཀུན་ཏུ་བཟང་པོ་དང་། །ཡུམ་དུ་བཛྲ་པུཥ྇་མའོ། །ནུབ་ཏུ་སྒྲིབ་པ་རྣམ་སེལ་དང་། །ཡུམ་དུ་རྡོ་རྗེ་མར་མེ་མའོ། །བྱང་དུ་མཁྱེན་རབ་འཇམ་དཔལ་དང་། །ཡུམ་དུ་བཛྲ་གན་དྷི་མའོ། །སྒོ་བཞིར་སྒོ་བ་སྒོ་མ་ནི། །ཤར་སྒོར་ཁྲོ་བོ་རྣམ་པར་རྒྱལ། །ཡུམ་དུ་རྡོ་རྗེ་རོ་ལངས་མ། །ལྷོ་སྒོར་ཁྲོ་བོ་གཤིན་རྗེ་གཤེད། །ཡུམ་དུ་རྡོ་རྗེ་མི་ཕམ་མ། །ནུབ་སྒོར་ཁྲོ་བོ་རྟ་མཆོག་དཔལ། །ཡུམ་དུ་རྡོ་རྗེ་རལ་གཅིག་མའོ། །བྱང་སྒོར་ཁྲོ་བོ་བདུད་རྩི་འཁྱིལ། །ཡུམ་དུ་རྡོ་རྗེ་སྤྱན་གཅིག་མའོ། །མཐའ་དབུས་མེད་པར་ཁྱབ་པ་ཡི། །དཀྱིལ་འཁོར་བསམ་ཡས་ལྷུན་གྱིས་གྲུབ། །དཀྱིལ་འཁོར་ཡོངས་སུ་རྫོགས་པ་ལ། །རྒྱལ་བ་མཆོད་པས་མཉེས་པར་གྱུར། །མཉེས་ནས་སེམས་ཅན་དོན་བྱ་ཞེས། །དཀྱིལ་འཁོར་དམ་པ་བསྟན་གྱུར་ན། །སེམས་ཅན་མ་རིག་གིས་བསྒྲིབས་ནས། །དཀྱིལ་འཁོར་མཐོང་བའི་སྐལ་མེད་གྱུར། །དེ་ལས་བྱང་ཆུབ་སེམས་འཕྲོས་པས། །ཨོཾ་སོགས་ཡི་གེ་མངོན་པར་གྱུར། །ས་བོན་ལས་ནི་ཕྱག་མཚན་འབར། །དེ་ལས་ཐུབ་པའི་སྐུར་རྫོགས་ཏེ། །སོ་སོའི་སྙིང་པོ་བརྗོད་པ་ཡིས། །
མཁའ་དབྱིངས་སྐུ་གཟུགས་གནས་པ་ལས། །འཇིག་རྟེན་དྲུག་གི་ཕྱོགས་བཅུར་འཕྲོས། །འཇིག་རྟེན་དྲུག་གི་ཕྱོགས་བཅུར་ནི། །འདུལ་བ་རྣམ་བཞིས་འགྲོ་དོན་མཛད། །བལྟམས་དང་རབ་ཏུ་བྱུང་བ་དང་། །མངོན་པར་སངས་རྒྱས་བདུད་བཏུལ་དང་། །འཁོར་ལོ་བསྐོར་བའི་ཆོ་འཕྲུལ་བསྟན། །མྱ་ངན་འདའ་སོགས་ཐུབ་པ་ཡི། །སྤྱོད་པ་རྗེས་མཐུན་སྟོན་པར་མཛད། །མངོན་ཤེས་དྲུག་གི་ཆོ་འཕྲུལ་གྱིས། །ཐམས་ཅད་མཁྱེན་པ་ཉིད་དུ་སོན། །སྐུ་དང་གསུང་དང་ཐུགས་རྣམས་ཀྱི། །བྱེ་བྲག་སྣ་ཚོགས་སྟོན་མཛད་པས། །འགྲོ་བ་སོ་སོར་འདུལ་བ་བཞིན། །བྱིན་རླབས་འདུལ་བ་སྟོན་པར་མཛད། །སོ་སོའི་བསམ་པའི་བྱེ་བྲག་གིས། །ལྷ་དང་མི་ཡི་ཐེག་པ་སོགས། །ཐེག་པ་རྣམ་ལྔ་སོ་སོར་སྟོན། །རྗེས་སུ་བསྟན་པས་འགྲོ་བཏུལ་ནས། །འགྲོ་བ་སངས་རྒྱས་སར་བཞག་སྟེ། །སླར་བྱོན་ཁྱམས་ལ་ཐུབ་དྲུག་དགོད། །སྟེང་དུ་ལྷ་ཡི་ཐུབ་པ་ལ། །ཤར་ཕྱོགས་མི་ཡི་ཐུབ་པའོ། །ལྷོ་རུ་ལྷ་མིན་ཐུབ་པ་ལ། །ནུབ་ཏུ་ཡི་དྭགས་ཐུབ་པ་སྟེ། །བྱང་དུ་དམྱལ་བའི་ཐུབ་པའོ། །འོག་ཏུ་བྱོལ་སོང་ཐུབ་པའོ། །དེ་ལྟར་དཀྱིལ་འཁོར་གསལ་བསྟན་ནས། །ཁྱད་པར་ཀུན་ཏུ་བལྟས་ནས་ནི། །སྒྱུ་མ་བཞིན་དུ་དམིགས་ནས་ཀྱང་། །སོ་སོའི་ཡབ་ཡུམ་བྱེ་བྲག་ལ། །ལུས་ཀྱི་དཀྱིལ་འཁོར་རྫོགས་པར་དགོད། །ཕུང་པོ་དབང་པོ་རྣམ་ཤེས་ཀུན། །རྣམ་སྨིན་ཨོཾ་དུ་ཤེས་པར་བྱ། །སྤྱི་བོར་ཡི་གེ་ཨོཾ་བཀོད་དེ། །ལྕེ་ལ་ཨཱ་ནི་རབ་ཏུ་གནས། །སྙིང་དང་ལྟེ་བ་ཆུ་སོར་ནི། །ཧཱུཾ་དང་སྭཱ་ཧཱ་རིམ་པ་བཞིན། །མིག་དང་རྣ་བ་སྣ་དང་ལྕེ། །ཀྵྀ་ཏྲཾ་ཧྲཱྀཿཛ་རིམ་བཞིན་བསམ། །མཻ་ཐི་ཧཱུཾ་དང་མཱུཾ་དང་བཞི། །མིག་སོགས་ཕྱི་རོལ་རིམ་བཞིན་བསམ། །དེ་ལྟར་ཡི་གེའི་རྣམ་པ་ནི། །ཡབ་ཀྱི་སྐུ་ལ་རིམ་པར་བསམ། །ཡུམ་གྱི་སྐུ་ཡི་དཀྱིལ་འཁོར་དུ། །གཟུགས་སྒྲ་དྲི་རོ་རེག་བྱ་སོགས། །རྣམ་སྨིན་མཱུཾ་སོགས་ཤེས་པར་བྱ། །ཡུམ་གྱི་དཀྱིལ་འཁོར་ཉིད་དུ་བསྒོམ། །སྤྱི་བོ་མགྲིན་པ་གཉིས་སུ་ནི། །ལཱཾ་དང་མཱུཾ་གཉིས་རིམ་པར་བསམ། །སྙིང་ག་ལྟེ་བ་ཆུ་སོར་ནི། །པཱཾ་དང་ཏཱཾ་དང་མཱཾ་རྣམས་དགོད། །མིག་
དང་རྣ་བ་སྣ་ལྕེ་ལ། །ཧཱུཾ་དང་ཏྲཱཾ་ཧྲཱྀཿཨཱཾ་རིམ་བཞིན། །མིག་རྣ་སྣ་ལྕེའི་ཕྱི་རོལ་དུ། །ཛཿཧཱུཾ་བཾ་ཧོཿརིམ་བཞིན་བསམ། །སྐུ་གསུང་ཐུགས་སུ་དབང་བསྐུར་ཞིང་། །ཡེ་ཤེས་ཡོངས་སུ་རྫོགས་བྱའི་ཕྱིར། །རིགས་ལྔའི་དབུ་རྒྱན་ཀུན་ལ་བསམ། །ཐུབ་པ་ལུས་ཀྱི་དཀྱིལ་འཁོར་དང་། །བྱིན་རླབས་དབང་བསྐུར་མ་གསུངས་སོ། །ཞེས་གསུངས་སོ། །སྐུ་ཕྱག་རྒྱ་བསྐྱེད་པའི་ལེའུ་སྟེ་བཅུ་པའོ།། །།དེ་ནས་ཡང་དག་ངེས་གསུངས་པ། །སངས་རྒྱས་བཞི་བཅུ་རྩ་གཉིས་ཀྱི། །སྐུ་བསྐྱེད་གསལ་བརྟན་རྩ་བའི་སྔགས། །ཨོཾ་ཛི་ན་ཛིཀ །མུཾ་དྷཱ་ཏྭཱི་ཤྭ་རཱི། ཧཱུཾ་བཛྲ་དྷྲིཀ །སྭ་རཏྣ་དྷྲིཀ །ཨོཾ་ཨ་རོ་ལི་ཀ །ཧ་པྲཛྙཱ་དྷྲིཀ །ལཾ་དྭེ་ཥ་ར་ཏི། མཾ་མོ་ཧཱ་ར་ཏི། པཾ་རཱ་ག་ར་ཏི། ཏཾ་བཛྲ་ར་ཏི། ཀྵྀ་ཧེ་རཱ་ཛ་ཡ། ཏྲཾ་ཨཱ་གརྦྷ་ཡ།ཧྲི་པདྨ་པྲ་ད་མ། ཛིཾ་ཀུ་རུ་པཱ་ཎ་ཧྲཱྀཿ། ཧཱུཾ་ལཱ་སྱེ་ས་མ་ཡ་སྟྭཾ། ཏྲཾ་མཱ་ལྱེ་ས་མ་ཡ་སྟྭཾ། ཧྲཱྀ་གཱི་ར་ཏི་ར་ག་ཧཾ། ཨཾ་ནི་ར་ཏི་རཱ་ག་ཡཱ་མི། མཻ་དྷ་རཱ་ཡ་སྭཱ་ཧཱ། ་ནིསྶ་རཾ་བྷ་ཡ་སྭཱ་ཧཱ། ཧཱུཾ་སྭ་རཱ་ཛ་ཡ་སྭཱ་ཧཱ། མུཾ་ཤྲཱི་ཨ་རཱ་གཱ་ཡ་སྭཱ་ཧཱ། ཛ་དྷཱུ་པེ་པྲ་བེ་ཤ །ཧཱུཾ་པུཥ྇་ཨཱ་བེ་ཤ །བཾ་དཱི་པ་པུ་གི་ར། ཧོ་གྷན་དྷི་ཙིཏྟ་ཧོ། །ཨོཾ་མུ་ནེ་ཤྱུ ་སྭཱ་ཧཱ། ཨོཾ་མུ་ནེ་སྲུཾ་སྭཱ་ཧཱ། ཨོཾ་མུ་ནེ་ཧཱུཾ་ཏྲུཾ་སྭཱ་ཧཱ། ཨོཾ་མུ་ནེ་བྲཾ་སྭཱ་ཧཱ། ཨོཾ་མུ་ནེ་ཀྵཾ་སྭཱ་ཧཱ། ཨོཾ་མུ་ནེ་ཡེ་སྭཱ་ཧཱ། ཨོཾ་པྲཛྙཱ་ན་ཏ་ཀྲིཏ་ཕཊ། ཧཱུཾ་ཡ་མཱན་ཏ་ཀྲིཏ་ཕཊ། ཧཱུཾ་པདྨཱན་ཏ་ཀྲིཏ་ཕཊ། ཧཱུཾ་བིགྷྣཱན་ཏ་ཀྲིཏ་ཕཊ། ཧཱུཾ་བཛྲ་དྷ་ར་མ་ཧཱ་ཀྲོ་ཏཱི་ཤྭ་རཱི་ཛྭ་ལ་ནཱི་ཧཱུཾ་ཕཊ། ཧཱུཾ་རཏྣ་དྷ་ར་མ་ཧཱ་ཀྲོ་ཏི་ཤྭ་རཱི་ཛྭ་ལ་ནཱི་ཧཱུཾ་ཕཊ། ཧཱུཾ་པདྨ་དྷ་ར་མ་ཧཱ་ཀྲོ་ཏཱི་ཤྭ་རཱི་ཛྭ་ལ་ནཱི་ཧཱུཾ་ཕཊ། ཨོཾ་ཀརྨ་དྷ་ར་མ་ཧཱ་ཀྲོ་ཏཱི་ཤྭ་རཱི་ཛྭ་ལ་ནཱི་ཧཱུཾ་ཕཊ། ཧཱུཾ་ཧཱུཾ་ཧཱུཾ་བཛྲ་ཙིཏྟ་ཨོཾ། ཨ་ཨ་ཨ་བཛྲཱི་བྷ་དྲ་ས་མནྟ་ཨ། སྐུ་བསྐྱེད་གསལ་བརྟན་རྩ་བའི་སྔགས། །བཞི་བཅུ་རྩ་གཉིས་སྙིང་པོ་ཡིན། །ཞེས་གསུངས་སོ། །སངས་རྒྱས་བཞི་བཅུ་རྩ་གཉིས་སོ་སོའི་རྩ་བའི་སྔགས་བསྟན་པའི་ལེའུ་སྟེ་བཅུ་གཅིག་པའོ།། །།དེ་ནས་ཡང་དག་ངེས་གསུངས་པ། །བཞི་བཅུ་རྩ་གཉིས་བཞུགས་ཚུལ་ནི། །བརྒྱ་བྱིན་ལ་སོགས་ཕྱོགས་སུ་གནས། །མཐིང་ག་དཀར་པོ་སེར་ལེ་བརྒན། །ལྗང་གུའི་མདོག་ཏུ་འཚེར་བ་
ནི། །གཙོ་བོ་གདན་ལ་རྫོགས་པའི་ཚུལ། །འཁོར་རྣམས་སེམས་དཔའི་ཚུལ་དུ་བཞུགས། །སོ་སོའི་སྐུ་མདོག་ཡབ་དང་མཐུན། །འཁོར་ལོ་རྒྱལ་པོ་རྒྱལ་མོ་དང་། །གཡས་ན་མཐོང་ཐོས་སྣོམ་པ་དང་། །མྱོང་དང་བཙུན་མོའི་ཚོགས་སུ་བཅས། །གྲུ་ཆད་ལ་ནི་མཐོང་བྱེད་དང་། །ཐོས་བྱེད་སྣོམ་བྱེད་མྱོང་བྱེད་རྣམས། །བཙུན་མོའི་ཚོགས་དང་ལྡན་པར་བསམ། །མདུན་དང་རྒྱབ་ཏུ་བྱེད་པ་དང་། །བྱ་བ་དག་ནི་གནས་པར་བསྟན། །སྒོ་ཁྱུད་བཞི་ལ་འཇོམས་པ་ནི། །བཙུན་མོའི་ཚོགས་དང་ལྡན་པར་གནས། །ཡབ་ཡུམ་བཞུགས་ཚུལ་ཕྱག་མཚན་ནི། །རྣམ་སྣང་དཀར་པོ་འཁོར་ལོ་བསྐོར། །མི་བསྐྱོད་མཐིང་ག་རྡོ་རྗེ་བསྣམས། །འབྱུང་ལྡན་སེར་པོ་རིན་ཆེན་བསྣམས། །མཐའ་ཡས་དམར་པོ་པདྨ་བསྣམས། །དོན་གྲུབ་ལྗང་གུ་རྒྱ་གྲམ་བསྣམས། །ཀུན་ཏུ་བཟང་མོ་དྲིལ་བུ་བསྣམས། །སངས་རྒྱས་སྤྱན་ནི་ཐོར་ཚུགས་བསྣམས། །གོས་དཀར་མོ་ནི་རིན་ཆེན་བསྣམས། །མཱ་མ་ཀཱི་ནི་པདྨ་བསྣམས། །ས་སྙིང་དཀར་པོ་རིན་ཆེན་མྱུ་གུ་བསྣམས། །ནམ་མཁའི་སྙིང་པོ་དཀར་པོ་རལ་གྲི་བསྣམས། །སྤྱན་རས་གཟིགས་དབང་དཀར་པོ་པདྨ་བསྣམས། །ཕྱག་ན་རྡོ་རྗེ་ལྗང་གུ་དྲིལ་བུ་བསྣམས། །བྱམས་པ་དམར་སྐྱ་གར་གྱི་གུནྡྷེ་བསྣམས། །ཀུན་བཟང་དཀར་པོ་རིན་ཆེན་སྙེ་མ་བསྣམས། །སྒྲིབ་པ་རྣམ་སེལ་སྔོན་པོ་པོ་ཏི་བསྣམས། །འཇམ་དཔལ་དཀར་ལྗང་མེ་ཏོག་ཨུཏྤལ་བསྣམས། །མཱ་ལེ་སྔོན་མོ་རྒྱ་གྲམ་མེ་ལོང་བསྣམས། །ལཱ་སྱེ་སྔོན་མོ་རིན་ཆེན་འཕྲེང་བ་བསྣམས། །ཀཱིར་ཏི་དམར་མོ་པི་ཝང་རྒྱུད་འདྲེན་བསྣམས། །ནཱིར་ཏི་ལྗང་གུ་གར་གྱི་ཅོད་པན་བསྣམས། །བདུག་པའི་སྤྲིན་འཕྲོ་མ་ནི་སྤོས་མེ་བསྣམས། །དགའ་བའི་མདངས་ལྡན་མ་ནི་པདྨ་བསྣམས། །གསལ་བའི་འོད་ལྡན་མ་ནི་མར་མེ་བསྣམས། །གན་དྷི་ལྗང་གུ་དག་བྱེད་དྲི་ཆབ་བསྣམས། །དབུ་རྣམས་འབྱོ་ཞིང་འདུད་པའི་ཚུལ། །གཉིས་མེད་དབྱིངས་ཀྱི་ངང་དུ་འཁྲིལ། །མཉེན་ལྕུག་འཁྲིལ་ལྡེམ་གཞོན་ཚུལ་ཆེ། །གསལ་འཚེར་ལྷུན་སྡུག་
གཟི་བྱིན་འབར། །འོད་ཟེར་འཕྲོ་བའི་ཚོགས་ཆེན་པོ། །འབར་བའི་ཕྲེང་བ་འཁྲིགས་པའི་འོད། །སྒོ་བཞིར་སྒོ་སྐྱོང་ཡབ་ཡུམ་ནི། །གཤིན་རྗེ་གཤེད་པོ་དཀར་པོ་ཐོད་དབྱུག་བསྣམས། །སྟོབས་ཆེན་སྔོན་པོ་རྡོ་རྗེ་རྩེ་གསུམ་བསྣམས། །རྟ་མགྲིན་དམར་པོ་ཐོད་སྦྲུལ་པདྨ་བསྣམས། །བདུད་རྩི་འཁྱིལ་པ་ལྗང་གུ་རྒྱ་གྲམ་བསྣམས། །རོ་ལངས་དཀར་མོ་འགུགས་པའི་ལྕགས་ཀྱུ་བསྣམས། །མི་ཕམ་སྔོན་པོ་རྡོ་རྗེ་ཞགས་པ་བསྣམས། །རལ་གཅིག་དམར་མོ་རྡོ་རྗེ་ལྕགས་སྒྲོག་བསྣམས། །ཁྲོ་གཉེར་མ་ནི་ལྗང་གུ་དྲིལ་བུ་བསྣམས། །དཀྱིལ་འཁོར་འཁྱམས་ལ་ཐུབ་པ་དྲུག །ལྷ་ཡི་ཐུབ་པ་དཀར་པོ་པི་ཝང་བསྣམས། །ལྷ་མིན་ཐུབ་པ་སྔོན་པོ་གོ་ཆ་བསྣམས། །མི་ཡི་ཐུབ་པ་སེར་པོ་གསེག་ཤང་བསྣམས། །བྱོལ་སོང་ཐུབ་པ་ལྗང་གུ་པོ་ཏི་བསྣམས། །ཡི་དྭགས་ཐུབ་པ་དམར་པོ་སྒྲོམ་བུ་བསྣམས། །དམྱལ་བའི་ཐུབ་པ་ནག་པོ་མེ་ཆུ་བསྣམས། །དེ་ལྟར་སངས་རྒྱས་བཞི་བཅུ་རྩ་གཉིས་ཀྱི། །ཕྱག་རྒྱ་ཆེན་པོར་གསལ་བར་བསྐྱེད། །སྣང་སྟོང་དབྱེར་མེད་དཀྱིལ་འཁོར་ནི། །ཡེ་ནས་མ་བཅོས་ལྷུན་གྱིས་གྲུབ། །ཅེས་གསུངས་སོ། །དམ་ཚིག་གི་དཀྱིལ་འཁོར་བསྐྱེད་པའི་ལེའུ་སྟེ་བཅུ་གཉིས་པའོ།། །།དེ་ནས་ཡང་དག་ངེས་གསུངས་པ། །ཐུགས་ཀྱི་ས་བོན་འོད་ཟེར་ལས། །ཕྱོགས་བཅུའི་དཀྱིལ་འཁོར་སྤྱན་དྲངས་ཏེ། །ཕྱོགས་བཅུ་དུས་གསུམ་དཀྱིལ་འཁོར་ཚོགས། །མི་དམིགས་དབྱིངས་ཀྱི་དཀྱིལ་འཁོར་ནས། །བདེ་གཤེགས་ཐམས་ཅད་སྤྱན་དྲང་ངོ་། །ལྕགས་ཀྱུ་ལ་སོགས་ཕྱག་རྒྱ་བཞིས། །རང་རང་དབྱེར་མེད་དཀྱིལ་འཁོར་ལ། །འཇུག་པའི་མཚན་ཉིད་མཉམ་སྦྱོར་བས། །ཕྱོགས་དུས་ཀུན་ནས་གཤེགས་པ་ཡི། །བསྙེན་པའི་དཀྱིལ་འཁོར་རྫོགས་པ་དང་། །ཉེ་བར་གྱུར་པའི་དམ་ཚིག་མཆོག །དེ་ལྟར་ཡེ་ཤེས་དཀྱིལ་འཁོར་དང་། །དམ་ཚིག་དཀྱིལ་འཁོར་མཉམ་སྦྱོར་བྱ། །དཀྱིལ་འཁོར་ཀུན་ལ་མཉམ་བལྟས་ནས། །སྒྱུ་མ་མིག་ཡོར་ལྟ་བུར་བལྟ། །དེ་ནས་ལྷ་ལ་མཆོད་པའི་ཕྱིར། །ཆོས་ཀྱི་
དབྱིངས་དང་མཉམ་སྦྱོར་ཞིང་། །མཆོད་པའི་ཕྱག་རྒྱ་ཆེན་པོར་བསྒོམ། །བདག་གི་སྙིང་གའི་ས་བོན་ལས། །འོད་ཟེར་མང་པོའི་ཟེར་འཕྲོས་ཏེ། །ཕྱོགས་བཅུའི་སངས་རྒྱས་ཐམས་ཅད་ཀྱི། །མཆོད་པའི་ཚོགས་རྣམས་ཀུན་འདུས་ཏེ། །བདག་ཉིད་ཀྱིས་ནི་ཐུགས་ཀར་ཐིམ། །རྡོ་རྗེའི་ལམ་དུ་ཕྱུང་ནས་ནི། །བྱང་ཆུབ་སེམས་ཀྱི་མཁའ་དབྱིངས་ནས། །བྱང་ཆུབ་སེམས་ཀྱི་འོད་ཟེར་ལས། །མཆོད་པའི་ལྷ་མོའི་ཚོགས་སྤྲོས་ཏེ། །རྒྱལ་བའི་དཀྱིལ་འཁོར་མཆོད་པར་བྱེད། །དེ་ནས་ལྷ་མོའི་ཚོགས་རྣམས་ཀྱིས། །དེ་བཞིན་གཤེགས་པའི་དཀྱིལ་འཁོར་ལ། །དགྱེས་པའི་གླུ་བླང་བསྟོད་པར་བྱ། །དེ་ནས་བསྙེན་བསྒྲུབ་བཟླས་པ་ནི། །ལྷ་རྣམས་ཀུན་གྱི་ཐུགས་ཀ་རུ། །ཟླ་དཀྱིལ་སྟེང་དུ་རང་འདྲ་ཡི། །ཡེ་ཤེས་སེམས་དཔའ་གསལ་བསྒོམས་ལ། །དེ་ལ་བཟླས་པའི་སྔགས་ཀྱིས་བསྐོར། །ཨོཾ་བོ་དྷི་ཙིཏྟ་མ་ཧཱ་སུ་ཁ་ཛྙཱ་ན་དྷཱ་དྷུ་ཨ། ཡེ་ཤེས་ལྔ་ཡི་འོད་ཟེར་གྱིས། །ཕར་འཕྲོས་བདེ་གཤེགས་ཐམས་ཅད་མཆོད། །ཚུར་འདུས་དངོས་གྲུབ་རྣམ་གཉིས་བསྡུས། །སྤྲོ་བསྡུ་མགལ་མེ་ལྟ་བུར་བསྐོར། །དུས་དང་གྲངས་དང་མཚན་མ་ཡི། །བསྙེན་པའི་རིམ་པ་རྫོགས་པར་བྱ། །ཞེས་གསུངས་སོ། །ཡེ་ཤེས་རང་བཞིན་གྱི་དཀྱིལ་འཁོར་སྒྲུབ་པའི་ལེའུ་སྟེ་བཅུ་གསུམ་པའོ།། །།དེ་ནས་ཡང་དག་ངེས་གསུངས་པ། །དེ་ལྟར་རྒྱལ་བའི་དཀྱིལ་འཁོར་ནི། །བསྐྱེད་པ་ཡོངས་སུ་རྫོགས་བྱས་ཏེ། །སླར་ཡང་བདག་ཉིད་ཐུགས་ཀར་བསྡུ། །དེ་ནས་གསང་བའི་དཀྱིལ་འཁོར་བསྒོམ། །བདེ་བ་ཆེན་པོའི་དཀྱིལ་འཁོར་ནི། །སྟངས་དཔྱལ་གཉིས་སམ་ཡང་ན་ལྔ། །བྱས་ཏེ་དད་ལྡན་རབ་ཞུགས་ན། །འདོད་པ་ཡིད་འོང་མཉམ་པར་འགྱུར། །ཆོ་ག་ལྔ་ནི་རྫོགས་བྱས་ཤིང་། །ཡོ་བྱད་ལྔ་ནི་རྫོགས་པར་ལྡན། །སྔགས་ཀྱི་ཡན་ལག་ལྔ་རྫོགས་པས། །མ་ཉམས་འཇུག་ལ་རབ་བརྩོན་ན། །ཞག་ནི་སུམ་ཅུ་ཕྲག་དྲུག་གམ། །བཅུ་གཉིས་བཅུ་དྲུག་ཚུན་ཆད་ཀྱིས། །དབང་སྒྱུར་རིགས་ཀྱི་དམ་པ་འགྲུབ། །
དེ་ཚེ་བཅུ་དྲུག་ཚུན་ཆད་ཀྱིས། །སྐུ་ལྔ་ལྷུན་གྱིས་རྫོགས་པ་ནི། །ཡེ་ཤེས་ཐིག་ལེ་ཉིད་སྣང་བ། །བསམ་གྱིས་མི་ཁྱབ་མཐའ་ཡས་མཆོག །ཕྱོགས་བཅུ་དུས་གསུམ་རྫོགས་པ་ཡི། །ཞིང་ཁམས་བསམ་ཡས་རྣམ་དག་དང་། །རྒྱ་དང་བྲལ་བའི་གཞལ་ཡས་ཁང་། །འཁོར་ལོ་རྒྱན་དང་རོལ་མོའི་ཚོགས། །དཀྱིལ་འཁོར་མ་ལུས་བསམ་ཡས་ཀུན། །མཐོང་ན་ཉེ་བར་བསྙེན་པ་དང་། །རྒྱ་ཆེན་གསུངས་པའི་དོན་འབྱུང་བ། །མཐུན་པའི་ཡེ་ཤེས་སྣང་བའོ། །གཅིག་དང་དུ་མར་བྲལ་བ་ཡི། །མཐའ་དང་དབུས་མེད་དེ་བཞིན་ཉིད། །སངས་རྒྱས་ཀྱིས་ཀྱང་མི་གཟིགས་ཏེ། །རང་བྱུང་ཡེ་ཤེས་གནས་མེད་སྣང་། །ལོག་པར་རྟོག་པ་རྣམ་དག་ཅིང་། །ཡེ་ཤེས་དབྱིངས་ལས་མི་གཞན་ཕྱིར། །ཐུགས་རྗེ་ཆེན་པོས་འདྲེལ་པས་ནས། །འགྲོ་དྲུག་དུས་གནས་མ་ལུས་སྣང་། །དེ་ལྟར་རྒྱལ་མཆོག་དཔལ་ལྡན་པའི། །དཀྱིལ་འཁོར་གསང་བ་བསྒྲུབ་པའི་ཕྱིར། །དཀྱིལ་འཁོར་ལྡན་པའི་དཀྱིལ་འཁོར་གྱི། །དཀྱིལ་འཁོར་ལ་ནི་དཀྱིལ་འཁོར་བསྒོམ། །དཀྱིལ་འཁོར་དཀྱིལ་འཁོར་ལས་བྱུང་བ། །ཐུགས་ཀྱི་དཀྱིལ་འཁོར་དཀྱིལ་འཁོར་མཆོག །གསང་བའི་ཐིག་ལེ་དཀྱིལ་འཁོར་དབྱིངས། །འབྱུང་བའི་ཤེས་རབ་རིགས་ཀྱི་ཡུམ། །ཆེན་པོ་རིགས་ཀྱི་དེ་བཞིན་ཏེ། །བྱང་ཆུབ་སེམས་ནི་རྡོ་རྗེའི་ཚོགས། །དབང་པོ་ཡུལ་དུས་སྣང་བ་རྣམས། །ཀུན་ཏུ་བཟང་པོའི་དཀྱིལ་འཁོར་ལ། །བདག་ཉིད་ཆེན་པོ་ལྷག་པ་ཡི། །ཐུགས་ཀྱི་ཡེ་ཤེས་སྒྱུ་མར་སྣང་། །སྙིང་པོ་ཐིག་ལེ་མཉམ་སྦྱོར་བའི། །བདེ་བའི་ཡེ་ཤེས་རོལ་མོ་ཡིས། །ཡེ་ཤེས་དགྱེས་ལ་མཆོད་པར་འབུལ། །ཟག་པ་མེད་པའི་བསོད་ནམས་ཀྱིས། །ཡེ་ཤེས་སྒྱུ་མར་རབ་སྣང་བ། །རོལ་མོའི་དཀྱིལ་འཁོར་མཐའ་ཡས་མཆོག །གསང་བའི་ཐིག་ལེ་དེ་ཉིད་དབྱིངས། །དེ་ནི་སངས་རྒྱས་ཀུན་གྱི་དངོས། །ཕྱོགས་བཅུ་དུས་བཞི་མངོན་རྫོགས་པའི། །སྐུ་གསུང་ཡོན་ཏན་ཕྲིན་ལས་ཐུགས། །མ་ལུས་བདག་གིས་ཞལ་མཐོང་བའོ། །དབང་སྒྱུར་མཆོག་ཉིད་དམ་པ་ཡིན། །
དཀྱིལ་འཁོར་ལ་གནས་དཀྱིལ་འཁོར་ཉིད། །རྫོགས་པའི་དཀྱིལ་འཁོར་ལྷུན་གྱིས་གྲུབ། །རྒྱན་དུ་དཀྱིལ་འཁོར་མ་ལུས་རྫོགས། །རྫོགས་པའི་དཀྱིལ་འཁོར་མཉམ་སྦྱོར་བ། །ཐུགས་ཀྱི་དཀྱིལ་འཁོར་ཤུགས་ཀྱིས་འབྱུང་། །ཕྱོགས་དུས་དཀྱིལ་འཁོར་འདུས་པའི་མགོན། །སྒྱུ་མའི་དཀྱིལ་འཁོར་མཉམ་སྦྱོར་བ། །བྱ་བྱེད་མེད་པའི་དཀྱིལ་འཁོར་སྤྱོད། །ཡེ་ཤེས་རྫོགས་པའི་དཀྱིལ་འཁོར་ལ། །ཐོས་བསམ་བསྒོམ་ལ་མཉམ་སྦྱོར་གྱིས། །རང་བྱུང་ཀུན་དམ་ལྷུན་གྱིས་གྲུབ། །འདི་ནི་སངས་རྒྱས་ཐམས་ཅད་ཀྱིས། །འདའ་བར་མི་མཛད་དམ་ཚིག་མཆོག །གང་ཞིག་འདི་ལ་མོས་གྱུར་ན། །སངས་རྒྱས་དཀྱིལ་འཁོར་ཐམས་ཅད་ཀྱིས། །ཕྱོགས་དུས་ཀུན་ནས་ཐམས་ཅད་དུ། །དཀྱིལ་འཁོར་མ་ལུས་མཉེས་པ་ཡིས། །ཉེ་བའི་སྲས་སུ་དགོངས་པར་འགྱུར། །གསང་བའི་ཡེ་ཤེས་བསྒོམ་པའི་གནས། །མཁའ་དབྱིངས་དང་པོ་དབྱིངས་ཉི་ཟླ། །ཡེ་ཤེས་རྒྱལ་པོ་ཡབ་ཡུམ་བསྒོམ། །གང་ཞིག་གླང་ཆེན་མྱོས་འདྲའི་སེམས། །མཉམ་པར་བཞག་པས་བཏུལ་ནས་སུ། །སྔགས་དང་ཕྱག་རྒྱ་རབ་བརྟན་ན། །དངོས་གྲུབ་ཡ་མཚན་ཆེན་པོར་འགྱུར། །ཏིང་ངེ་འཛིན་ལས་ལངས་ནས་སུ། །སྤྱོད་ལམ་རྣམ་པར་དག་པར་གནས། །སྣང་བའི་དངོས་པོ་སོ་སོར་ནི། །ལྷ་ཡི་དཀྱིལ་འཁོར་ཤིན་ཏུ་བསྒོམ། །ཡང་ན་སྒྱུ་མ་ལ་སོགས་ཚུལ། །ཟས་ལ་སོགས་པ་བཟའ་བ་ནི། །རྒྱལ་བའི་བྱིན་རླབས་མངོན་སུམ་ནས། །བདུད་རྩི་ལྔར་ནི་བྱིན་བརླབས་ཏེ། །ལྕེ་ཡི་དབང་པོ་རབ་སྦྱངས་ནས། །ཡེ་ཤེས་དཀྱིལ་འཁོར་ཐུགས་ཀར་བཀོད། །རྒྱལ་བའི་ཚོགས་རྣམས་ཚིམས་པར་བྱས། །དམ་ཚིག་ཉམས་པ་ཚུལ་བཞིན་བཤགས། །ཡང་ན་རྒྱལ་བའི་དཀྱིལ་འཁོར་གྱིས། །བྱིན་རླབས་ཀྱི་ནི་རྣམ་པར་བྱ། །སེམས་ཅན་ཐམས་ཅད་མཐོང་བ་ན། །སྙིང་རྗེ་བྱམས་པའི་སེམས་བསྐྱེད་དེ། །སངས་རྒྱས་ཉིད་དུ་བྱའོ་ཞེས། །སྨོན་པའི་སེམས་ནི་ཁྱད་པར་ཅན། །བློ་ཅན་རྣམས་ཀྱིས་རྟག་ཏུ་བྱ། །དེ་ལྟར་དུས་བཞི་ཉིན་མཚན་དུ། །རྣལ་
འབྱོར་ཚུལ་ལ་གནས་པ་ཡིན། །ཞེས་གསུངས་སོ། །རྫོགས་རིམ་བསྟན་པའི་ལེའུ་སྟེ་བཅུ་བཞི་པའོ།། །།བུཌྜྷ་བཞི་བཅུ་རྩ་གཉིས་བསྒྲུབ་པའི་སྐབས་ཏེ་གཉིས་པའོ།། །།དེ་ནས་སྤྱི་དཔལ་ཀུན་ཏུ་བཟང་པོ་ལ། རིགས་ལྔའི་སངས་རྒྱས་ལ་སོགས་པ་རྣམས་ཀྱིས་འདི་སྐད་ཅེས་གསོལ་ཏོ། །ཨེ་མ་སྤྱི་དཔལ་ཀུན་ཏུ་བཟང་། །རིགས་ལྔའི་སྒྲུབ་ཐབས་བཤད་དུ་གསོལ། །དེ་སྐད་གསོལ་པ་གསན་ནས་ཀྱང་། །སྤྱི་དཔལ་ཆེན་པོས་བཀའ་སྩལ་པ། །ཉོན་ཅིག་འདུས་པའི་ཚོགས་ཆེན་རྣམས། །རིགས་ལྔའི་རིག་འཛིན་བསྒྲུབ་འདོད་ན། །དབེན་པར་མཎྜལ་བྱི་དོར་བྱ། །བདུད་རྩི་ལྔ་ཡིས་ཆག་ཆག་གདབ། །ཨོཾ་ཧཱུཾ་སྭཱ་ཨཱཾ་ཧཱ། དཔའ་བོ་འབྲུ་ལྔའི་དམིགས་རྟེན་དགོད། །ཡང་ན་རྡུལ་ཚོན་དཀྱིལ་འཁོར་བཞེངས། །འཁོར་ལོ་རྩིབས་བཞི་གྲུ་ཆད་དང་། །སྒོ་བཞི་སྒོ་ཁྱུད་རྒྱན་བཅས་བྲི། །དང་པོ་བྱང་ཆུབ་སེམས་བསྐྱེད་དེ། །བདག་དང་སེམས་ཅན་ཐམས་ཅད་ཀྱང་། །བྱང་ཆུབ་སྙིང་པོའི་རྒྱུ་ཡིན་ཡང་། །རྟོག་པས་བསྒྲིབས་པས་འཁོར་བར་འཁྱམས། །རིགས་ལྔའི་དངོས་གྲུབ་ཐོབ་བྱའི་ཕྱིར། །རྫོགས་པའི་བྱང་ཆུབ་སེམས་བསྐྱེད་དོ། །དེ་ནས་དེ་བཞིན་ཉིད་བསྒོམ་པ། །ཆོས་རྣམས་མི་དམིགས་གདོད་ནས་དག །སྟོང་ཞིང་བདག་མེད་བསྒོམ་པར་བྱ། །དེ་ནས་ཀུན་སྣང་ཏིང་ངེ་འཛིན། །གོང་གི་དོན་དེ་མ་རྟོགས་ལ། །ཁྱབ་པའི་སྙིང་རྗེ་ཆེན་པོ་བསྒོམ། །དེ་ནས་རྒྱུ་ཡི་ཏིང་ངེ་འཛིན། །རང་སེམས་དྲི་མེད་ཨ་དཀར་ལས། །ཨེ་ཡཾ་བཾ་སུཾ་ལཾ་རཾ་ལས། །འབྱུང་བ་ལྔ་ཡི་མཁའ་དཀྱིལ་དུ། །རིན་པོ་ཆེ་ཡི་རི་རབ་བརྩེག །དེ་སྟེང་བྷྲཱུཾ་ལས་འཕྲོ་འདུས་པས། །ཁ་དོག་སྣ་ལྔའི་འོད་ཕུང་ལས། །རིན་ཆེན་སྣ་ལྔའི་གཞལ་ཡས་ཁང་། །འབར་བའི་འཁོར་ལོ་རྩིབས་བཞི་མཛེས། །ཡེ་ཤེས་བཞི་ཡི་གྲུ་ཆད་ལ། །ཚད་མེད་བཞི་ཡི་སྒོ་ཡིས་མཛེས། །རྣམ་ཐར་བརྒྱད་ཀྱི་རྟ་བབས་ལ། །ཆོས་ཀྱི་དབྱིངས་ཀྱི་འཁོར་ཡུག་བྱས། །ཕྱི་ནང་མེད་པའི་གཞལ་ཡས་བསྒོམ། །དེ་དབུས་གླང་ཆེན་ཤར་སེང་གེ། །ལྷོ་རུ་རྟ་མཆོག་ནུབ་རྨ་བྱ། །བྱང་དུ་ཤང་ཤང་ཁྲི་བརྩེགས་སྟེང་། །ཉི་
ཟླ་པདྨའི་གདན་སྟེང་ལ། །དབུས་ཀྱི་གདན་སྟེང་ཨ་དཀར་བསམ། །འཕྲོ་འདུས་དོན་བྱས་འཁོར་ལོར་གྱུར། །དེ་ལས་རྣམ་པར་སྣང་མཛད་བསྐྱེད། །ཡུམ་དུ་སངས་རྒྱས་སྤྱན་མ་བསྒོམ། །ཡབ་ཡུམ་གཉིས་ཀ་སྐུ་མདོག་དཀར། །ཕྱག་ན་འཁོར་ལོ་འཛིན་པ་ལ། །ཞབས་གཉིས་མཉམ་པའི་སྐྱིལ་ཀྲུང་བཞུགས། །རྒྱན་དང་ཆས་ཀྱིས་སྐུ་ལ་བརྒྱན། །ཡབ་ཡུམ་གཉིས་སུ་མེད་པར་བསྒོམ། །ཡབ་ཡུམ་གཉིས་ཀྱི་ཐུགས་ཀ་ནས། །རིགས་བཞིའི་སངས་རྒྱས་བསྐྱེད་པ་ནི། །ཤར་དུ་སེང་གེའི་ཁྲི་སྟེང་དུ། །ཡབ་ཀྱི་ཐུགས་ནས་ཧཱུཾ་འཕྲོས་པས། །དོན་གཉིས་བྱས་ནས་རྡོ་རྗེར་གྱུར། །དེ་ལས་རྡོ་རྗེ་སེམས་དཔའ་ནི། །སྐུ་མདོག་མཐིང་ག་འབར་བ་ལ། །ཞལ་གཅིག་ཕྱག་གཉིས་ཞབས་གཉིས་བཞུགས། །གཡས་པ་རྡོ་རྗེ་ཐུགས་ཀར་འཛིན། །གཡོན་པ་དྲིལ་བུ་དཀུར་བརྟེན་པའོ། །ཡུམ་གྱི་ཐུགས་ནས་མཱུཾ་འཕྲོས་པས། །ཀུན་ཏུ་བཟང་མོ་ཡབ་དང་མཐུན། །ལྷོ་ཕྱོགས་རྟ་ཡི་ཁྲི་སྟེང་དུ། །ཡབ་ཀྱི་ཐུགས་ནས་སྭཱ་འཕྲོས་པས། །དོན་གཉིས་བྱས་ནས་རིན་ཆེན་འབར། །དེ་ལས་རིན་ཆེན་འབྱུང་ལྡན་ནི། །སྐུ་མདོག་སེར་པོ་འབར་བ་ལ། །ཞལ་གཅིག་ཕྱག་གཉིས་ཞབས་གཉིས་བཞུགས། །ཕྱག་གཡས་རིན་ཆེན་ཐུགས་ཀར་འཛིན། །གཡོན་པ་དྲིལ་བུ་དཀུར་བརྟེན་པའོ། །ཡུམ་གྱི་ཐུགས་ལས་ལཱཾ་འཕྲོས་པས། །གོས་དཀར་མོ་ནི་ཡབ་དང་མཐུན། །ནུབ་ཕྱོགས་རྨ་བྱའི་ཁྲི་སྟེང་དུ། །ཡབ་ཀྱི་ཐུགས་ནས་ཨཱཾ་འཕྲོས་པས། །དོན་གཉིས་བྱས་ནས་པདྨར་གྱུར། །དེ་ལས་སྣང་བ་མཐའ་ཡས་ནི། །ཞལ་གཅིག་ཕྱག་གཉིས་སྐུ་མདོག་དམར། །ཞབས་གཉིས་མཉམ་པའི་སྐྱིལ་ཀྲུང་བཞུགས། །གཡས་པས་པདྨ་ཐུགས་ཀར་འཛིན། །གཡོན་པ་དྲིལ་བུ་དཀུ་ལ་བརྟེན། །ཡུམ་གྱི་ཐུགས་ནས་པཱཾ་འཕྲོས་པས། །མཱ་མ་ཀཱི་ནི་ཡབ་དང་མཐུན། །བྱང་ཕྱོགས་ཤང་ཤང་ཁྲི་སྟེང་དུ། །ཡབ་ཀྱི་ཐུགས་ནས་ཧཱ་འཕྲོས་པས། །དེ་ལས་དོན་ཡོད་གྲུབ་པ་ནི། །ཞལ་གཅིག་ཕྱག་གཉིས་སྐུ་མདོག་ལྗང་། །ཞབས་གཉིས་མཉམ་པའི་སྐྱིལ་ཀྲུང་བཞུགས། །གཡས་པས་
རལ་གྲི་ཐུགས་ཀར་འཛིན། །གཡོན་པ་དྲིལ་བུ་དཀུ་ལ་བརྟེན། །ཡུམ་གྱི་ཐུགས་ནས་ཏཱཾ་འཕྲོས་པས། །དམ་ཚིག་སྒྲོལ་མ་ཡབ་དང་མཐུན། །དེ་ལྟར་རིགས་ལྔ་ཡབ་ཡུམ་ནི། །མཉེན་ལྕུག་འཁྲིལ་ལྡེམ་གཞོན་ཚུལ་ཆེ། །གསལ་འཚེར་ལྷུན་སྡུག་གཟི་བྱིན་འབར། །དབུ་རྒྱན་ཕྱག་རྒྱན་ཞབས་རྒྱན་ལྡན། །སྣང་ལ་རང་བཞིན་མེད་པ་ནི། །མེ་ལོང་ནང་གི་གཟུགས་བརྙན་ནམ། །ནམ་མཁའི་འཇའ་ཚོན་ཇི་བཞིན་ནོ། །དེ་ལྟར་དམ་ཚིག་བསྐྱེད་བྱས་ནས། །ཡེ་ཤེས་དཀྱིལ་འཁོར་སྤྱན་དྲང་ངོ་། །གཉིས་སུ་མེད་པར་བསྡིམ་བྱས་ནས། །མཉེས་པའི་ཚུལ་གྱིས་ཕྱག་འཚལ་ལ། །ཕྱི་ནང་གསང་བའི་མཆོད་པས་མཆོད། །བསྟོད་ཅིང་དངོས་གྲུབ་གསོལ་བ་བཏབ། །གཉིས་སུ་མེད་པའི་བསྙེན་པ་དབུལ། །ཨོཾ་ཧཱུཾ་སྭཱ་ཨཱཾ་ཧཱ། ལཱཾ་མཱུཾ་པཱཾ་མཱཾ་ཏཱཾ། རིགས་ལྔ་སོ་སོའི་ཐུགས་ཀ་རུ། །ཉི་ཟླ་གའུ་ཁ་སྦྱར་ཏེ། །སོ་སོའི་ཡིག་འབྲུ་གསལ་བྱས་བཟླས། །ཕྱོགས་བཅུའི་བདེ་གཤེགས་སྐུ་གསུང་ཐུགས། །ཡོན་ཏན་ཕྲིན་ལས་དཀྱིལ་འཁོར་མཉེས། །ཁམས་གསུམ་སེམས་ཅན་ཐམས་ཅད་ཀྱི། །དུག་ལྔ་སྦྱངས་ནས་རིགས་ལྔར་གྱུར། །འགྲོ་དྲུག་ལམ་ལྔའི་སྡུག་བསྔལ་སྦྱང་། །སྐུ་ལྔ་ཡེ་ཤེས་ཐོབ་པར་བསྒོམ། །ཞེས་གསུངས་སོ། །དེ་ཉིད་རིགས་ལྔ་ཕྱི་ལྟར་སྒྲུབ་པའི་ལེའུ་སྟེ་བཅོ་ལྔ་པའོ།། །།དེ་ནས་ཡང་དག་ངེས་གསུངས་པ། །དེ་ཉིད་རིགས་ལྔའི་ནང་སྒྲུབ་ནི། །བདེ་གཤེགས་ཐམས་ཅད་རིགས་ལྔར་འདུས། །རིགས་ལྔ་བདག་ཉིད་ཕུང་པོ་ཡི། །ཁམས་དང་སྐྱེ་མཆེད་འབྱུང་ལྔ་ལས། །ལོགས་ནས་བཙལ་ཞིང་བསྒྲུབ་ཏུ་མེད། །རང་ཉིད་ཡེ་ནས་རིགས་ལྔ་ཡིན། །གཟུགས་ཀྱི་ཕུང་པོ་དེ་བཞིན་རིགས། །རྣམ་ཤེས་ཕུང་པོ་རྡོ་རྗེའི་རིགས། །ཚོར་བའི་ཕུང་པོ་རིན་ཆེན་རིགས། །འདུ་ཤེས་ཕུང་པོ་པདྨའི་རིགས། །འདུ་བྱེད་ཕུང་པོ་ལས་ཀྱི་རིགས། །ཤ་ནི་དེ་བཞིན་གཤེགས་པའི་རིགས། །རུས་པ་རྡོ་རྗེའི་རིགས་ཡིན་ཏེ། །དྲོད་ནི་རིན་པོ་ཆེ་ཡི་རིགས། །ཁྲག་ནི་པདྨ་རིགས་ཀྱི་ཡུམ། །དབུགས་ནི་ལས་ཀྱི་རིགས་ཀྱི་ཡུམ། །ཁ་དོག་དཀར་པོ་དེ་བཞིན་རིགས། །ཁ་དོག་སྔོན་པོ་རྡོ་རྗེའི་རིགས། །ཁ་
དོག་སེར་པོ་རིན་ཆེན་རིགས། །ཁ་དོག་དམར་པོ་པདྨའི་རིགས། །ཁ་དོག་ལྗང་གུ་ལས་ཀྱི་རིགས། །ས་ནི་དེ་བཞིན་རིགས་ཀྱི་ཡུམ། །ནམ་མཁའ་རྡོ་རྗེ་རིགས་ཀྱི་ཡུམ། །མེ་ནི་རིན་ཆེན་རིགས་ཀྱི་ཡུམ། །ཆུ་ནི་པདྨ་རིགས་ཀྱི་ཡུམ། །རླུང་ནི་ལས་ཀྱི་རིགས་ཀྱི་ཡུམ། །ལུས་ཀྱི་རྣམ་ཤེས་དེ་བཞིན་རིགས། །ཡིད་ཀྱི་རྣམ་ཤེས་རྡོ་རྗེའི་རིགས། །མིག་གི་རྣམ་ཤེས་རིན་ཆེན་རིགས། །སྣ་ཡི་རྣམ་ཤེས་པདྨའི་རིགས། །རྣ་བའི་རྣམ་ཤེས་ལས་ཀྱི་རིགས། །ལུས་ཀྱི་དབང་པོ་དེ་བཞིན་རིགས་ཀྱི་ཡུམ། །ཡིད་ཀྱི་དབང་པོ་རྡོ་རྗེ་རིགས་ཀྱི་ཡུམ། །མིག་གི་དབང་པོ་རིན་ཆེན་རིགས་ཀྱི་ཡུམ། །སྣ་ཡི་དབང་པོ་པདྨ་རིགས་ཀྱི་ཡུམ། །རྣ་བའི་དབང་པོ་ལས་ཀྱི་རིགས་ཀྱི་ཡུམ། །གཏི་མུག་དེ་བཞིན་གཤེགས་པའི་རིགས། །ཞེ་སྡང་རྡོ་རྗེའི་རིགས་སུ་བཤད། །ང་རྒྱལ་རིན་པོ་ཆེ་ཡི་རིགས། །འདོད་ཆགས་པདྨའི་རིགས་ཡིན་ནོ། །ཕྲག་དོག་ལས་ཀྱི་རིགས་ཡིན་ནོ། །ཞེ་སྡང་ཡུལ་ནི་རྡོ་རྗེའི་ཡུམ། །གཏི་མུག་ཡུལ་ནི་དེ་བཞིན་ཡུམ། །ང་རྒྱལ་ཡུལ་ནི་རིན་ཆེན་ཡུམ། །འདོད་ཆགས་ཡུལ་ནི་པདྨའི་ཡུམ། །ཕྲག་དོག་ཡུལ་ནི་ལས་ཀྱི་ཡུམ། །ཕུང་པོ་ལྔ་དང་འབྱུང་བ་ཆེན་པོ་ལྔ། །ཁ་དོག་ལྔ་དང་ཡུལ་ལྔ་དབང་པོ་ལྔ། །རྣམ་ཤེས་ལྔ་དང་དུག་ལྔ་ཡེ་ཤེས་ལྔ། །གཏི་མུག་རྣམ་དག་ཆོས་དབྱིངས་ཡེ་ཤེས་ཡིན། །དེ་བཞིན་རིགས་ཀྱི་ངང་དུ་སངས་རྒྱས་སོ། །ཞེ་སྡང་རྣམ་དག་མེ་ལོང་ཡེ་ཤེས་ཡིན། །རྡོ་རྗེའི་རིགས་ཀྱི་ངང་དུ་སངས་རྒྱས་སོ། །ང་རྒྱལ་རྣམ་དག་མཉམ་ཉིད་ཡེ་ཤེས་ཡིན། །རིན་ཆེན་རིགས་ཀྱི་ངང་དུ་སངས་རྒྱས་སོ། །འདོད་ཆགས་རྣམ་དག་ཀུན་རྟོག་ཡེ་ཤེས་ཡིན། །པདྨའི་རིགས་ཀྱི་ངང་དུ་སངས་རྒྱས་སོ། །ཕྲག་དོག་མ་སྤངས་ནན་ཏན་ཡེ་ཤེས་ཡིན། །ལས་ཀྱི་རིགས་ཀྱི་ངང་དུ་སངས་རྒྱས་སོ། །ཞེས་གསུངས་སོ། །རིགས་ལྔ་ནང་སྒྲུབ་ཀྱི་ལེའུ་སྟེ་བཅུ་དྲུག་པའོ།། །།དེ་ནས་ཡང་དག་ངེས་གསུངས་པ། །གསང་སྔགས་ཟབ་མོའི་མན་ངག་འདི། །ཐབས་ལམ་ཟབ་མོའི་སྒོ་
ནས་བསྒྲུབ། །ཉོན་མོངས་དུག་ལྔ་ལམ་དུ་སློང་། །གཏི་མུག་དེ་བཞིན་གཤེགས་པའི་རིགས། །ཆོས་ཀྱི་དབྱིངས་ཀྱི་ཡེ་ཤེས་ཡིན། །ཞེ་སྡང་རྡོ་རྗེའི་རིགས་ཡིན་ཏེ། །མེ་ལོང་ལྟ་བུའི་ཡེ་ཤེས་ཡིན། །ང་རྒྱལ་རིན་ཆེན་རིགས་ཡིན་ཏེ། །མཉམ་པ་ཉིད་ཀྱི་ཡེ་ཤེས་སོ། །འདོད་ཆགས་པདྨའི་རིགས་ཡིན་ཏེ། །སོ་སོར་རྟོགས་པའི་ཡེ་ཤེས་སོ། །ཕྲག་དོག་ལས་ཀྱི་རིགས་ཡིན་ཏེ། །བྱ་བ་ནན་ཏན་ཡེ་ཤེས་སོ། །གཏི་མུག་ཕྲ་རགས་ཅི་སྐྱེས་ཀྱང་། །གཏི་མུག་མཚན་ཉིད་བཙལ་བར་བྱ། །གཏི་མུག་མཚན་ཉིད་མ་གྲུབ་པས། །གཏི་མུག་སྐྱེ་བའི་ཡུལ་བཙལ་བས། །ཡུལ་ཡང་མ་གྲུབ་སྟོང་པར་འདུག །དེ་ལྟར་རྟོགས་ཤིང་ཤེས་ཙམ་ན། །གཏི་མུག་མ་སྤངས་དེ་བཞིན་རིགས། །ཆོས་དབྱིངས་ཡེ་ཤེས་ཐོབ་པའོ། །ཞེ་སྡང་ཕྲ་རགས་ཅི་སྐྱེས་ཀྱང་། །ཞེ་སྡང་རང་བཞིན་བཙལ་བར་བྱ། །ཞེ་སྡང་རང་བཞིན་མ་གྲུབ་སྟེ། །ཞེ་སྡང་སྐྱེས་པའི་ཡུལ་བཙལ་བས། །ཡུལ་ཡང་མ་གྲུབ་སྟོང་པར་འདུག །དེ་ལྟར་རྟོགས་ཤིང་ཤེས་ཙམ་ན། །ཞེ་སྡང་མ་སྤངས་རྡོ་རྗེའི་རིགས། །མེ་ལོང་ཡེ་ཤེས་ཐོབ་པའོ། །ང་རྒྱལ་ཕྲ་རགས་ཅི་སྐྱེས་ཀྱང་། །ང་རྒྱལ་རང་བཞིན་བཙལ་བར་བྱ། །ང་རྒྱལ་རང་བཞིན་མ་གྲུབ་སྟེ། །ང་རྒྱལ་སྐྱེ་བའི་ཡུལ་བཙལ་བས། །ཡུལ་ཡང་མ་གྲུབ་སྟོང་པར་འདུག །དེ་ལྟར་རྟོགས་ཤིང་ཤེས་ཙམ་ན། །ང་རྒྱལ་མ་སྤངས་རིན་ཆེན་རིགས། །མཉམ་ཉིད་ཡེ་ཤེས་ཐོབ་པའོ། །འདོད་ཆགས་ཕྲ་རགས་སྐྱེས་ཙམ་ན། །འདོད་ཆགས་རང་བཞིན་བཙལ་བར་བྱ། །འདོད་ཆགས་རང་བཞིན་མ་གྲུབ་སྟེ། །འདོད་ཆགས་ཡུལ་ཡང་སྟོང་པར་འདུག །དེ་ལྟར་ཤེས་ཤིང་རྟོགས་ཙམ་ན། །འདོད་ཆགས་མ་སྤངས་པདྨའི་རིགས། །ཀུན་རྟོགས་ཡེ་ཤེས་ཐོབ་པའོ། །ཕྲག་དོག་ཕྲ་རགས་ཅི་སྐྱེས་ཀྱང་། །ཕྲག་དོག་རང་བཞིན་བཙལ་བར་བྱ། །ཕྲག་དོག་རང་བཞིན་མ་གྲུབ་པས། །ཕྲག་དོག་ཡུལ་ཡང་སྟོང་པར་འདུག །དེ་ལྟར་རྟོགས་ཤིང་བརྟན་ཙམ་ན། །ཕྲག་དོག་མ་སྤངས་ལས་ཀྱི་རིགས། །བྱ་བ་ནན་ཏན་ཡེ་ཤེས་ཐོབ། །གཏི་མུག་སྤངས་ན་དེ་བཞིན་རིགས་མཆོག་
སྤང་། །དེ་བཞིན་རིགས་སྤངས་ཆོས་དབྱིངས་ཡེ་ཤེས་མེད། །ཞེ་སྡང་སྤངས་ན་རྡོ་རྗེ་རིགས་མཆོག་སྤང་། །རྡོ་རྗེ་རིགས་སྤངས་མེ་ལོང་ཡེ་ཤེས་མེད། །ང་རྒྱལ་སྤངས་ན་རིན་ཆེན་རིགས་མཆོག་སྤང་། །རིན་ཆེན་རིགས་སྤངས་མཉམ་ཉིད་ཡེ་ཤེས་མེད། །འདོད་ཆགས་སྤངས་ན་པདྨ་རིགས་མཆོག་སྤང་། །པདྨ་རིགས་སྤངས་ཀུན་རྟོག་ཡེ་ཤེས་མེད། །ཕྲག་དོག་སྤངས་ན་ལས་ཀྱི་རིགས་མཆོག་སྤང་། །ལས་ཀྱི་རིགས་སྤངས་ནན་ཏན་ཡེ་ཤེས་མེད། །དུག་ལྔ་སྤངས་ན་རིགས་ལྔའི་སྐུ་ལྔ་མེད། །རིགས་ཀྱི་སྐུ་ལྔ་སྤངས་པས་སངས་རྒྱས་གདུང་རྒྱུད་བཅད། །གྲུབ་པར་མི་འགྱུར་དུབ་པའི་སྐལ་བར་འགྱུར། །དུག་ལྔ་བསྒྲུབ་ན་འབྲས་བུ་ཡེ་ཤེས་ལྔ། །གཏི་མུག་མ་བཀག་ཡེ་ཤེས་ཀློང་གི་ལམ། །ཞེ་སྡང་མ་སྤངས་ཡེ་ཤེས་རྟོགས་པའི་ལམ། །ང་རྒྱལ་མ་བཀག་མ་ནོར་རང་གི་ལམ། །འདོད་ཆགས་མ་བཀག་ཆོས་ཀྱི་དབྱིངས་ཀྱི་ལམ། །ཕྲག་དོག་མ་སྤངས་གཉིས་སུ་མེད་པའི་ངང་། །ཉོན་མོངས་དུག་ལྔ་ཡེ་ཤེས་ལྔ་ཡི་ལམ། །དེ་ཡང་སྟོང་པ་བདེ་བ་ཆེན་པོ་ལྔ། །འབྲས་བུ་སྐྱེ་མེད་ངང་དུ་མ་སྤངས་ལྷུན་གྱིས་གྲུབ། །དུག་ལྔ་རིན་ཆེན་དགོས་འདོད་འབྱུང་བ་ཡིན། །ཞེས་གསུངས་སོ། །རིགས་ལྔའི་གསང་བསྒྲུབ་ཀྱི་ལེའུ་སྟེ་བཅུ་བདུན་པའོ།། །།དེ་ཉིད་རིགས་ལྔ་བསྒྲུབ་པའི་སྐབས་ཏེ་གསུམ་པའོ། །དེ་ནས་སྤྱི་དཔལ་ཀུན་ཏུ་བཟང་པོ་ལ། །རིགས་ལྔའི་སངས་རྒྱས་ལ་སོགས་པས་ཞུས་པ། །ཨེ་མ་སྤྱི་དཔལ་ཀུན་ཏུ་བཟང་། །གསང་ཆེན་རིགས་གཅིག་ཇི་ལྟར་བསྒྲུབ། །དེ་སྐད་གསོལ་པ་གསན་ནས་ཀྱང་། །སྤྱི་དཔལ་ཆེན་པོས་བཀའ་སྩལ་པ། །ཉོན་ཅིག་འདུས་པའི་ཚོགས་ཆེན་རྣམས། །སྐུ་གསུང་ཐུགས་ཀྱི་སྒྲུབ་ཐབས་འདི། །ཁྱད་པར་མི་མཐུན་བྱེ་བྲག་རྣམས། །རང་བཞིན་གཅིག་ལ་གསུམ་ཚང་བ། །རྡོ་རྗེ་སེམས་དཔའ་ཉིད་དུ་འདུས། །རྡོ་རྗེ་སེམས་དཔའ་བསྒྲུབ་འདོད་ན། །དབེན་ཞིང་ཉམས་དགའི་གནས་དག་ཏུ། །མཎྜལ་བྱི་དོར་བྱས་ནས་ནི། །
ཤེལ་ལྟར་གསལ་བའི་ཧཱུཾ་བྲིས་ལ། །དམིགས་པའི་རྟེན་དུ་གཞག་པར་བྱ། །དང་པོ་དེ་བཞིན་ཉིད་ཏིང་འཛིན། །ཅིར་ཡང་མི་རྟོག་མི་སེམས་བསྒོམ། །དེ་ནས་ཀུན་སྣང་ཏིང་ངེ་འཛིན། །ཡོངས་ལ་ཁྱབ་པའི་སྙིང་རྗེ་བསྒོམ། །དེ་ནས་རྒྱུ་ཡི་ཏིང་ངེ་འཛིན། །རང་སེམས་ཧཱུཾ་དུ་གསལ་བར་བསྒོམ། །དེ་ལས་འོད་འཕྲོས་བདེ་གཤེགས་མཆོད། །སྐུ་གསུང་ཐུགས་ལ་མཆོད་པ་ཕུལ། །ཁམས་གསུམ་སེམས་ཅན་རྟོག་སྒྲིབ་སྦྱངས། །ཚུར་འདུས་འོད་དུ་ཞུ་བ་ལས། །དངུལ་དཀར་རྡོ་རྗེ་རྩེ་དགུར་གྱུར། །དེ་ལ་འོད་འཕྲོས་ཞུ་བ་ལས། །བདག་ཉིད་རྡོ་རྗེ་སེམས་དཔར་གྱུར། །སྐུ་མདོག་དངུལ་དཀར་ལྟ་བུ་ལ། །ཞལ་གཅིག་པ་ལ་ཕྱག་གཉིས་པ། །གཡས་པ་རྡོ་རྗེ་ཐུགས་ཀར་འཛིན། །གཡོན་པ་དྲིལ་བུ་དཀུ་ལ་བརྟེན། །གླང་ཆེན་བསྣོལ་བའི་ཁྲི་སྟེང་ན། །ཉི་ཟླ་པདྨའི་གདན་སྟེང་ན། །རྒྱན་རྣམས་ཀུན་གྱིས་བརྒྱན་པར་བསྒོམ། །མཉེན་ལྕུག་འཁྲིལ་ལྡེམ་གཞོན་ཚུལ་ཆེ། །གསལ་འཚེར་ལྷུན་སྡུག་གཟི་བརྗིད་འབར། །དེ་ལྟ་བུ་ཡི་སྐུར་བསྒོམས་ཏེ། །སྤྱི་བོར་འཁོར་ལོའི་རྩིབས་སྟེང་དུ། །ཨོཾ་དཀར་ཤེལ་ལྟར་འཚེར་བ་བསྒོམ། །མགྲིན་པར་པདྨ་འདབ་བཞིའི་སྟེང་། །ཨཱཿདམར་དམར་ལ་དྭངས་པར་བསྒོམ། །སྙིང་གར་རྡོ་རྗེ་རྒྱ་གྲམ་སྟེང་། །མཐིང་ནག་ཧཱུཾ་གཅིག་བསམ་པར་བྱ། །དེ་ལྟ་བུ་ཡི་སྐུ་དེ་ནི། །འདོད་ཆགས་ཅན་གྱི་འཇུག་སྒོ་སྟེ། །ཞི་བའི་སྒོ་ནས་འཇུག་པའོ། །ཁྲོ་བོའི་སྒོ་ནས་འཇུག་པ་ནི། །སྐུ་མདོག་མཐིང་ནག་འབར་བ་ལ། །ཞལ་གཅིག་ཕྱག་གཉིས་ཞབས་གཉིས་བགྲད། །གཡས་པ་རྡོ་རྗེ་ཐུགས་ཀར་འཛིན། །གཡོན་པ་དྲིལ་བུ་དཀུ་ལ་བརྟེན། །སྟག་གི་ཤམ་ཐབས་སྦྲུལ་གྱིས་བརྒྱན། །གླང་ཆེན་ཀོ་རློན་ཞིང་ལྤགས་གསོལ། །མིང་ནི་བཛྲ་ཧེ་རུ་ཀ །རྡོ་རྗེ་ཁྲོ་བོ་ཞེས་ཀྱང་བྱ། །རྡོ་རྗེ་དགྱེས་པ་ཞེས་ཀྱང་བྱ། །ཁྲོ་རྔམས་གཤེ་གཏུམ་འབར་བའི་གཟུགས། །བསྐལ་པའི་མེ་དཔུང་ཀློང་ན་བཞུགས། །དུས་མཐའི་མེ་ལྟར་བཟོད་པར་དཀའ། །འོད་ཟེར་ཉི་མ་འབུམ་གྱི་གཟི། །ཁྲོ་གཉེར་གློག་སྟོང་འགྱུ་བ་བརྗིད། །ཐུག་ཆོམས་རི་རབ་འབུམ་སྙིལ་སྐད། །སྤྱུགས་
པའི་འཐོར་རླུང་གཡེང་བ་ཆེ། །དེ་ལྟ་བུ་ཡི་ཁྲོ་བོ་ལ། །སྐུ་གསུང་ཐུགས་ཀྱི་ཡི་གེ་དགོད། །ཞེ་སྡང་ཅན་གྱི་འཇུག་སྒོ་སྟེ། །ཁྲོ་ཚུལ་ཅན་གྱི་སྐུ་རུ་བསྒོམ། །སངས་རྒྱས་ཐམས་ཅད་རིགས་བརྒྱར་འདུས། །རིགས་བརྒྱ་བསྡུས་པས་རིགས་ལྔར་འདུས། །རིགས་ལྔ་རྡོ་རྗེའི་རིགས་སུ་འདུས། །རྒྱལ་བ་རིགས་ལྔ་ལ་སོགས་པ། །ཐབས་ཀྱི་ཕྱག་རྒྱ་མ་ལུས་ཀུན། །ཆོས་སྐུ་རྡོ་རྗེར་རོ་གཅིག་པས། །ཇི་ལྟར་སྣང་བ་དེ་ལྟར་ཡིན། །དེ་ལྟར་རྒྱལ་བ་གཅིག་བསྒོམས་པས། །གཅིག་ཉིད་མེད་ལ་ཀུན་གྱི་ངང་། །རྣལ་འབྱོར་རིག་པ་འདི་ལྡན་ན། །བདེ་གཤེགས་མ་བསྒོམས་གང་ཡང་མེད། །ཅེས་གསུངས་སོ། །གསང་ཆེན་རིགས་གཅིག་བསྒྲུབ་པའི་ལེའུ་སྟེ་བཅོ་བརྒྱད་པའོ།། །།དེ་ནས་ཡང་དག་ངེས་གསུངས་པ། །སྐུ་གསུང་ཐུགས་ཀྱི་སྒྲུབ་ཐབས་འདི། །ཁྱད་པར་མི་མཐུན་བྱེ་བྲག་རྣམས། །རང་བཞིན་གཅིག་ལ་གསུམ་ཚང་བ། །རྡོ་རྗེ་སེམས་དཔའ་ཉིད་དུ་འདུས། །སྐྱེ་མེད་ཤེས་རབ་དབྱིངས་ཀྱི་ངང་། །མི་འགྱུར་མི་ཤིགས་རྡོ་རྗེའི་དོན། །འགྲོ་དོན་རྡོ་རྗེ་སེམས་དཔར་བཤད། །ཆོས་རྣམས་ཐམས་ཅད་འགྲོ་བ་མཐའ་དག་ནི། །སྐྱེ་མེད་དོན་དམ་དབྱིངས་སུ་རོ་གཅིག་པས། །དེ་ཉིད་དུས་གསུམ་རྒྱལ་བའི་ཆོས་ཉིད་དེ། །ཀུན་ཏུ་བཟང་པོ་རྡོ་རྗེ་སེམས་དཔའི་ངང་། །དེ་ལྟ་བུ་ཡི་ལྷ་དེ་ནི། །རང་རིག་ཡེ་ཤེས་འདུ་འབྲལ་མེད། །རྡོ་རྗེ་སེམས་དཔའི་རང་བཞིན་ཡིན། །ཞེས་གསུངས་སོ། །རྡོ་རྗེ་སེམས་དཔའི་རང་བཞིན་བསྟན་པའི་ལེའུ་སྟེ་བཅུ་དགུ་པའོ།། །།དེ་ནས་ཡང་དག་ངེས་གསུངས་པ། །ཨོཾ་ནི་བདེ་གཤེགས་ཀུན་གྱི་སྐུ། །ཨཱཾ་ནི་བདེ་གཤེགས་ཀུན་གྱི་གསུང་། །ཧཱུཾ་ནི་བདེ་གཤེགས་ཀུན་གྱི་ཐུགས། །ཨོཾ་ནི་ཁམས་གསུམ་སེམས་ཅན་ལུས། །ཨཱཾ་ནི་ཁམས་གསུམ་སེམས་ཅན་ངག །ཧཱུཾ་ནི་ཁམས་གསུམ་སེམས་ཅན་ཡིད། །ཨོཾ་གྱིས་ལུས་ཀྱི་སྒྲིབ་པ་སྦྱང་། །ཨཱཾ་གིས་ངག་གི་སྒྲིབ་པ་སྦྱང་། །ཧཱུཾ་གིས་ཡིད་ཀྱི་སྒྲིབ་པ་སྦྱང་། །ཨོཾ་གྱིས་སྐུ་ཡི་དངོས་གྲུབ་ཐོབ། །ཨཱཾ་གིས་གསུང་གི་དངོས་གྲུབ་ཐོབ། །ཧཱུཾ་གིས་ཐུགས་ཀྱི་
དངོས་གྲུབ་ཐོབ། །ཅེས་གསུངས་སོ། །གསང་ཆེན་རིགས་གཅིག་ཡིག་འབྲུ་གསུམ་གྱི་ལེའུ་སྟེ་ཉི་ཤུ་པའོ།། །།གསང་ཆེན་རིགས་གཅིག་བསྒྲུབ་པའི་སྐབས་ཏེ་གསུམ་པའོ།། །།དེ་ནས་བདེ་བར་གཤེགས་པ་ཐམས་ཅད་ཐུགས་ཞི་བ་མཉམ་པ་ཉིད་ལ་གནས་པ་ལས། དེའི་ཚེ་དེའི་དུས་ན་བདུད་མ་ཏྲཾ་ཀ་རུ་ཏྲ་ཞེས་བྱ་བ་དེ་བདག་ཏུ་རྨོངས་པ་དང་། རྟག་པ་ལ་མངོན་པར་ཞེན་པའི་དབང་གིས། ཡང་དག་པའི་ལམ་དང་བྲལ་ནས། གབ་པའི་གསང་བ་དག་མ་རྟོགས་པར། སྦས་པའི་གསང་བ་ལ་མངོན་པར་འཆེལ་ནས། རྒྱུ་དང་འབྲས་བུ་ལ་རྨོངས་ཏེ། སྲིད་པའི་ས་བོན་རྩུབ་མོར་གྱུར་ནས། རབ་ཏུ་ཚ་བའི་དམྱལ་བར་སྐྱེས་སོ། །ཚ་བའི་སྡུག་བསྔལ་གྱིས་གདུངས་ནས། ཤིན་ཏུ་གྲང་བའི་དམྱལ་བར་སྐྱེས་སོ། །ཚ་བ་དང་གྲང་བའི་འཇིག་རྟེན་གྱི་ཁམས་བརྒྱུད་ཅིང་། བསྐལ་པ་སྟོང་ཕྲག་བཅུ་གཉིས་སུ་ཉམས་སུ་མྱོང་ངོ་། །དེ་ནས་བདུད་མ་ཏྲཾ་ཀ་རུ་ཏྲ་དེས། ཡན་ལག་སྣ་ཚོགས་པ་དང་།གདུག་པའི་ལག་ཆ་སྣ་ཚོགས་པ་དང་། ནད་བཞི་བརྒྱ་རྩ་བཞིས་འདེབས་པར་བྱེད་པའི་ལྷའི་རིགས་དང་། ལྷ་མ་ཡིན། ཚངས་པ་དང་། འབྲས་བུ་ཆེ་བ་མན་ཆད་དབང་དུ་བསྡུས་སོ། །དེ་ལྟ་བུའི་གདུག་པ་ཅན་དེ། བདེ་བར་གཤེགས་པ་ཐམས་ཅད་ཀྱིས་མཁྱེན་པས་གཟིགས་ནས། ཐུགས་རྗེའི་བྱིན་རླབས་སམ། བདེ་བར་གཤེགས་པ་ཐམས་ཅད་ཀྱི་དགོངས་པའི་བྱིན་རླབས་ཀྱིས།བཅོམ་ལྡན་འདས་དཔལ་ཆེ་མཆོག་ཧེ་རུ་ཀ །སྐུ་སྨུག་ནག་འབར་བ་ལ། དབུ་ཉི་ཤུ་རྩ་གཅིག །ཕྱག་བཞི་བཅུ་རྩ་གཉིས་ན་ཞི་བ་བཞི་བཅུ་རྩ་གཉིས་བསྣམས་པ། དུར་ཁྲོད་ཀྱི་རྒྱན་གྱིས་འཇིགས་པར་བརྒྱན་ནས། སྐུ་ཤིན་ཏུ་འཇིགས་པའི་ཆ་ལུགས་སུ་བསྟན་ནས། ཡུམ་ཁྲོ་མོ་གནམ་ཞལ་མ་ཞེས་བྱ་བ། དབུ་དགུ་ཕྱག་བཅོ་བརྒྱད་པ། གཡས་དང་པོ་རྡོ་རྗེ། འོག་མ་ན་གཽ་རཱི་མ་བརྒྱད། གཡོན་དང་པོ་བྷནྡྷ་དམར་གྱིས་བཀང་བ། འོག་མ་ན་ཕྲ་མེན་མ་བརྒྱད། དུར་ཁྲོད་ཀྱི་ཆས་ཀྱིས་བརྒྱན་པ། ཤིན་ཏུ་གཙོ་ལ་འདུད་པར་གྱུར་ཏེ། ཡབ་ཡུམ་གཉིས་སུ་མེད་པའི་སྦྱོར་བ་ལས། ཁྲོ་བོ་འཆོལ་པ་སྣ་ཚོགས་སྤྲོས་ཏེ། སྟོང་ཁམས་ཁྲོ་བོས་
བཀང་ནས། བདུད་མ་ཏྲཾ་ཀ་རུ་ཏྲ་ལ་སོགས་པའི་དྲེགས་པ་ཐམས་ཅད་བཏུལ་ཞིང་བསྒྲལ་ཏེ། ཁོག་པ་དུར་ཁྲོད་ཀྱི་གཞལ་ཡས་ཁང་དུ་གྱུར་ཏོ། །དཀྱིལ་འཁོར་དགུ་པ་འཁོར་ལོ་རྩིབས་བཞི། བར་ཁྱམས་གྲུ་ཆད་སྒོ་བཞི། ལྕགས་རིར་བཅས་པ། ཕྱོགས་བཞི་མཚམས་བཞི། དབུས་དང་བཅས་པ། གཞལ་ཡས་ཁང་དུ་གྲུབ་པའོ། །དཀྱིལ་འཁོར་བཞིའི་ཕྱི་རོལ་ཡང་། ཕྱི་ཁྱམས་སྒོ་བཞི་སྒོ་རྒྱན་དང་བཅས་པར་གྱུར་ཏོ། །དེའི་ཕྱི་རིམ་རཀྟ་ཁྲག་གི་རྒྱ་མཚོ་འཁོར་ཡུག་གི་ཕྱི་ལ་རྡོ་རྗེའི་ར་བ་དང་། མེ་རི་མེ་དཔུང་གི་འཁོར་ཡུག་དང་ལྡན་པར་གྱུར་ཏོ། །དེ་ལྟ་བུའི་གཞལ་ཡས་ཁང་དེ་ཡང་ཕྱི་ཐོད་པ་རྣམ་གསུམ་གྱི་བརྩིག་པ། ནང་དུར་ཁྲོད་ཀྱི་རྒྱན་སྣ་ཚོགས་ཀྱིས་བརྒྱན་པ་ཕྱི་རོལ་ན་དུར་ཁྲོད་ཀྱི་གནས་བརྒྱད་ཡོད་པ། དེ་ལྟ་བུའི་དུར་ཁྲོད་ཀྱི་གཞལ་ཡས་ཁང་དེའི་དབུས་སུ་ཡབ་ཆེ་མཆོག་ཧེ་རུ་ཀ་དང་། ཡུམ་ཁྲོ་མོ་གནམ་ཞལ་མ་གཉིས་གནས་པ་ལས་ཡབ་ཡུམ་གཉིས་ཀྱི་སྐུ་གསུང་ཐུགས་ཡོན་ཏན་ཕྲིན་ལས་ཀྱི་སྤྲུལ་པ་ལས། ཤར་དུ་ཐུགས་ཀྱི་སྤྲུལ་པ་བཛྲ་ཧེ་རུ་ཀ་དང་།ལྷོར་སྐུའི་སྤྲུལ་པ་གཤིན་རྗེ་གཤེད་པོ་དང་། ནུབ་ཏུ་གསུང་གི་སྤྲུལ་པ་པདྨ་དབང་གི་རྒྱལ་པོ་དང་། བྱང་དུ་ཕྲིན་ལས་ཀྱི་སྤྲུལ་པ་རྡོ་རྗེ་གཞོན་ནུ་དང་། ཤར་ལྷོར་ཡོན་ཏན་གྱི་སྤྲུལ་པ་བླ་མེད་ཧེ་རུ་ཀ་དང་། ནུབ་བྱང་དུ་འཇིགས་པའི་སྟོབས་ལས་སྤྲུལ་པ་དྲེགས་པ་ཀུན་འདུལ་དང་། བྱང་ཤར་དུ་བརྗིད་པའི་སྟོབས་ཀྱི་སྤྲུལ་པ་སྟོབས་ལྡན་ནག་པོ་དང་། ལྷོ་ནུབ་ཏུ་རིག་འཛིན་རྡོ་རྗེའི་ཚོགས་བསམ་གྱིས་མི་ཁྱབ་པ་རྣམས་ཀྱང་དུས་གཅིག་ཏུ་ལྷགས་སོ། །དེ་དག་ཐམས་ཅད་ཀྱང་སོ་སོའི་བཙུན་མོའི་འཁོར་དུ་བཅས་པས་འཁོད་དེ། རང་གི་འཁོར་རྣམས་དང་ལྷན་ཅིག་ཏུ་གནས་སོ། །དེ་ལྟར་ཁྲོ་བོའི་དཀྱིལ་འཁོར་བསམ་གྱིས་མི་ཁྱབ་པར་སྤྲུལ་ཏོ། །ཁྲོ་བོ་མངོན་བྱུང་གི་ལེའུ་སྟེ་ཉི་ཤུ་རྩ་གཅིག་པའོ།། །།དེ་ནས་ཁྲོ་བོའི་འཁོར་ཚོགས་རྣམས་ཀྱིས། དཔལ་ཆེན་པོ་ལ་ཕྱག་དང་བསྐོར་བ་བྱས་ཏེ་ཞུས་པ། ཨེ་མ་སྤྱི་དཔལ་ཧེ་རུ་ཀ །ཁྲོ་ཚོགས་
ཀུན་གྱི་རྗེ་བཙན་པོ། །ཤིན་ཏུ་ཁྲོ་ཞིང་གཏུམ་པ་ཡི། །གདུག་བྱེད་ལོག་ལྟའི་རུ་ཏྲ་རྣམས། །ཞི་བས་ཕན་པར་མི་འགྱུར་ཏེ། །སངས་རྒྱས་ཐུགས་རྗེ་ཁྲོས་པ་ཡིས། །འཁོར་བའི་གནས་ནས་ཇི་ལྟར་འདུལ། །དེ་སྐད་གསོལ་པ་གསན་ནས་ཀྱང་། །སྤྱི་དཔལ་ཆེན་པོས་བཀའ་སྩལ་པ། །ཉོན་ཅིག་འདུས་པའི་ཚོགས་ཆེན་རྣམས། །དྲེགས་པས་ཁེངས་པའི་རུ་དྲ་རྣམས། །ཞི་བས་ཐུལ་བར་མ་གྱུར་པས། །སངས་རྒྱས་ཐུགས་རྗེ་ཁྲོས་པ་ནི། །ཐམས་ཅད་འཇིགས་པའི་མཆོག་ཡིན་ཏེ། །འཇིགས་བྱེད་ཆེན་པོའི་དཀྱིལ་འཁོར་དུ། །བཀའ་བཞིན་བསྐྱེད་ལ་བསྒྲུབ་བྱའོ། །དང་པོ་ཁྲོ་བོ་བསྒྲུབ་པའི་གནས། །དུར་ཁྲོད་ཆེན་པོ་རབ་འཇིགས་ལ། །གདུག་པའི་ལྷ་སྲིན་འདུ་བའམ། །གཅན་གཟན་འདབ་ཆགས་ཁྲོས་པའི་ས། །གནམ་ས་གྲུ་གསུམ་སར་གནས་པ། །རབ་ཏུ་འཇིགས་པའི་གནས་ཆེན་དེར། །གནས་ཀྱི་བདག་པོ་མཆོད་པའི་ཕྱིར། །གཏོར་མ་གཏང་ཞིང་གླུད་ཀྱང་སྦྱིན། །བདེན་པ་བདར་ཞིང་བཀའ་ཡང་བསྒོ། །ས་སྦྱངས་བཀའ་སྒྲོགས་བསོད་ནམས་བསགས། །ཕྱི་མཚམས་གཅད་ཅིང་དམ་སྲི་མནན། །སྒོ་བྱང་གདགས་ཤིང་དཀྱིལ་འཁོར་བརྩིག །བདུད་རྩི་ལྔ་ཡི་ཆག་ཆག་གདབ། །བ་སུ་ཏ་ཡི་ཐག་པ་ཡིས། །དཀྱིལ་འཁོར་དགུ་ཡི་ཐིག་ཏུ་གདབ། །ཀུན་ཀྱང་འཁོར་ལོ་རྩིབས་བཞི་ལ། །གྲུ་ཆད་བར་ཁྱམས་སྒོ་བཞི་ལྡན། །ཀུན་ཀྱང་ལྕགས་རི་ལྡན་པ་བྲི། །དེ་རྣམས་ཕྱི་ཁྱམས་དཀྱིལ་འཁོར་ལ། །སྒོ་བཞི་སྒོ་རྒྱན་རྟ་བབས་ལྡན། །འདོད་ཡོན་རིན་ཆེན་ཕ་གུ་དང་། །དྲ་བ་དྲ་ཕྱེད་འཁོར་ཡུག་དང་། །འབར་ཕྲེང་རྡོར་ཕྲེང་ལྡན་པར་བྲི། །དེ་ཡང་དུར་ཁྲོད་ཚོན་རྩིའམ། །ཡང་ན་ས་ཚོན་ལྔ་ལ་བྱ། །དབུས་རྣམས་མཐིང་ནག་གྲུ་གསུམ་ལ། །ཟླ་གམ་དམར་པོ་གསུམ་གྱིས་མཛེས། །ཕྱི་རིམ་ལྗང་ལ་འོད་ཟེར་འཕྲོ། །འཁོར་ལོ་རྩིབས་བཞི་ཕྱོགས་ཀྱིས་དབྱེ། །ཤར་དཀར་ལྷོ་སེར་ནུབ་དམར་བྱང་ལྗང་མུ་ཁྱུད་ཐོད་ཕྲེང་དཀར་པོར་བྱ། །གྲུ་ཆད་ལྗང་ལ་བར་འཁྱམས་ཕྱོགས། །སྒོ་བཞི་རིགས་ལ་བརྩིག་པ་ལྔ། །ཕྱི་ཡི་ལྕགས་རི་ནག་པོའོ། །
དཀྱིལ་འཁོར་དགུ་ཀ་དེ་བཞིན་བྲི། །ཕྱི་ཁྱམས་ཕྱོགས་ལ་སྒོ་བཞི་རིགས། །བརྩིག་པ་མཐིང་དཀར་སེར་དམར་ལྗང་། །འདོད་ཡོན་ཁྱམས་དམར་ཕ་གུ་སེར། །དྲ་བ་དྲ་ཕྱེད་མཐིང་ལ་མདའ་ཡབ་ལྗང་། །སྒོ་ཁྱུད་རྟ་བབས་མཛེས་པའི་ཚོན། །ཕྱི་རོལ་རཀྟའི་རྒྱ་མཚོ་དམར། །རྡོ་རྗེའི་ར་བ་མཐིང་ནག་ལ། །མེ་རིའི་ཕྲེང་བ་དམར་སེར་རོ། །དེ་ལྟར་དཀྱིལ་འཁོར་བྲིས་ནས་ནི། །ཞིང་ཆེན་བླ་རེའི་གུར་ཡང་དབུབ། །བ་སུ་ཏ་ཡི་ཕྲེང་བས་བསྐོར། །མདའ་བཞི་མེ་ལོང་དར་སྣ་བཞི། །རལ་གྲི་བཞི་དང་ཕུར་པ་བཞི། །དཀྱིལ་འཁོར་རྒྱན་དུ་དགྲམ་པར་བྱ། །བྷནྡྷ་དགུ་དང་མར་མེ་དགུ། །ཕུར་པ་དགུ་ལ་སོགས་པ་དགྲམ། །འཇིགས་བྱེད་ཆེན་པོའི་དཀྱིལ་འཁོར་ཡིན། །ཞེས་གསུངས་སོ། །ཁྲོ་བོ་རོལ་པའི་སྒྲུབ་ཐབས་ཀྱི་རྡུལ་ཚོན་གྱི་དཀྱིལ་འཁོར་གྱི་ལེའུ་སྟེ་ཉི་ཤུ་རྩ་གཉིས་པའོ།། །།དེ་ནས་ཡང་དག་ངེས་གསུངས་པ། །ཕྲིན་ལས་ཉམས་སུ་བླང་བ་ནི། །དང་པོ་མཚམས་བཅད་བགེགས་བསྐྲད་ལ། །ཕྱོགས་མཚམས་འཇིག་རྟེན་ལྷ་རུ་གསལ། །བརྡའ་སྒོ་དབྱེ་ཞིང་བརྡའ་ཕྱག་འཚལ། །དམ་བཅའ་བྱིན་དབབ་བཤགས་པ་བྱ། །མཆོད་རྫས་བྱིན་གྱིས་བརླབས་ཤིང་དབུལ། །དེ་ནས་ཏིང་འཛིན་རིམ་པ་བཞིན། །དང་པོ་དེ་བཞིན་ཉིད་བསྒོམ་པ། །ཆོས་རྣམས་སེམས་ཀྱི་རང་བཞིན་ཏེ། །གདོད་ནས་མ་སྐྱེས་སྟོང་པར་བསྒོམ། །ཀུན་ཏུ་སྣང་བའི་ཏིང་ངེ་འཛིན། །ཁྱབ་པའི་སྙིང་རྗེ་སེམས་ཅན་དོན། །ཡོངས་ལ་ཁྱབ་པར་བསྒོམ་པར་བྱ། །དེ་ནས་རྒྱུ་ཡི་ཏིང་ངེ་འཛིན། །ཡེ་ཤེས་སེམས་དཔའ་ཚོན་གང་བ། །ཐུགས་ཀར་ཧཱུཾ་དང་ལྡན་པར་བསྒོམ། །དེ་ལས་རཾ་ཡཾ་ཁཾ་གསུམ་གྱིས། །དངོས་དང་མཚན་མ་བསྲེག་གཏོར་བཀྲུས། །མཐིང་ནག་ཨེ་ཡི་ནམ་མཁའ་ལ། །རྒྱ་གྲམ་རླུང་གི་འཁོར་ལོ་ཆགས། །རཀྟ་ཁྲག་གི་རྒྱ་མཚོར་འཁྱིལ། །ཞིང་ཆེན་འབར་བའི་ས་གཞིར་ཆགས། །འབྱུང་བ་དྲོད་སྙོམས་མེ་དཔུང་འབར། །ཀེང་རུས་ཆེན་པོའི་རི་རབ་
བརྩིག །སྨུག་ནག་བྷྲཱུཾ་གྱི་འཕྲོ་འདུ་ལས། །དུར་ཁྲོད་ཆེན་པོའི་གཞལ་ཡས་ཁང་། །ཕོ་བྲང་དཀྱིལ་འཁོར་དགུ་པ་ལ། །ཀུན་ཀྱང་འཁོར་ལོ་རྩིབས་བཞིར་མཛེས། །གྲུ་ཆད་ཁྱམས་དང་སྒོ་བཞིར་ལྡན། །ཕྱི་ཁྱམས་སྒོ་དང་སྒོ་ཁྱུད་དང་། །མུ་ཁྱུད་རྡོ་རྗེ་འབར་ཕྲེང་དང་། །དུར་ཁྲོད་རྒྱན་དང་ཆས་ཀྱིས་བརྒྱན། །ཕྱི་ནང་མེད་པར་གསལ་བ་ཡི། །ཡེ་ཤེས་ལྷུན་གྲུབ་གཞལ་ཡས་བསྒོམ། །དེ་དབུས་བྱོལ་སོང་གཙོ་བརྒྱད་ཁྲིར། །ཡེ་ཤེས་སེམས་དཔའ་བབས་པ་ལས། །སྤྲོ་བསྡུའི་ཆོ་ག་གསུམ་སྦྱོར་བས། །ཆེ་མཆོག་ཧེ་རུའི་སྐུར་གསལ་བསྐྱེད། །སྐུ་མདོག་སྨུག་ནག་འབར་བ་ལ། །དབུ་ནི་ཉི་ཤུ་རྩ་གཅིག་ལ། །ཕྱག་ནི་བཞི་བཅུ་རྩ་གཉིས་གདེངས། །ཕྱག་ན་བུཌྜྷ་བཞི་བཅུ་གཉིས། །ཞབས་བརྒྱད་བགྲད་པས་གདན་བརྒྱད་གནོན། །དུར་ཁྲོད་འཇིགས་པའི་ཆས་བརྒྱད་གསོལ། །རྔོམ་བརྗིད་ཆེན་པོའི་སྐུ་རུ་བསྒོམ། །གཡོན་ཕྱོགས་མཱུཾ་གྱི་འཕྲོ་འདུ་ལས། །ཁྲོ་མོ་གནམ་ཞལ་དབྱིངས་ཕྱུག་མ། །དབུ་དགུ་ཕྱག་ཀྱང་བཅོ་བརྒྱད་དེ། །ཁམས་ཆེན་བཅོ་བརྒྱད་རྩད་བཅད་ནས། །སྟོང་པ་བཅོ་བརྒྱད་དབྱིངས་ལ་སྦྱོར། །གཡས་པ་ཐབས་མཆོག་གཙོ་ལ་འཁྱུད། །གཡོན་པ་དུང་དམར་གཙོ་ལ་སྟོབ། །ཡབ་ཡུམ་གཉིས་མེད་སྦྱོར་བྱས་ཏེ། །ཡབ་ཀྱི་གསང་བའི་རྡོ་རྗེ་ལ། །ཨོཾ་ལས་རྩེ་ལྔ་ཕཊ་ཀྱིས་མཚན། །ཡུམ་གྱི་གསང་བའི་པདྨ་ལ། །པཾ་ལས་འདབ་བཞི་ཨཱཾ་གིས་མཚན། །གཉིས་མེད་རོལ་པའི་བརྡས་བསྐུལ་ཏེ། །ཕྱག་རྒྱ་བཞི་ཡི་སྦྱོར་བ་བྱ། །བྱང་ཆུབ་སེམས་ཀྱི་སྤྲིན་སྤྲོས་པས། །མཁའ་ལས་ཁྲོ་བོ་འཆོལ་པ་སྤྲོས། །ཧཱུཾ་ཧཱུཾ་ཧཱུཾ་ཧཱུཾ། བཻ་ཤྭ་ཀྲོ་དྷ་ཛྭ་ལ་མཎྜལ་ཧ་ལ་ཧ་ལ་ཕཊ་ཕཊ། འཇིག་རྟེན་དྲུག་གི་ཕྱོགས་མཚམས་ནས། །བདུད་དང་དྲེགས་པ་རཱུ་ཏྲ་རྣམས། །ཐུགས་རྗེ་ཚད་མེད་ཀྱིས་བསྒྲལ་ནས། །མ་སྲིང་ཆུང་མ་མཛའ་མོ་རྣམས། །བྲན་དུ་བསྡུས་ནས་བཀའ་ཉན་གྱུར། །འཁོར་བཅས་མ་ལུས་དབང་དུ་བསྡུས། །དེ་ནས་ཁྲོ་བོའི་སྤྲིན་བསྡུས་ནས། །ཕྱོགས་བཞི་མཚམས་བཞིར་འདུས་པ་ལས། །སོ་སོའི་རིགས་ཀྱི་གཙོ་བོར་གསལ། །བཙུན་མོ་ཁྲག་འཐུང་ཡུམ་རྣམས་ཀྱང་། །སོ་སོའི་སྐུ་ལ་འཁྲིལ་
བར་བསྒོམ། །དེ་ནས་དབུས་ཀྱི་གཙོ་བོ་ནི། །ཆེ་མཆོག་ཡབ་ཡུམ་ཐུགས་ཀ་ནས། །ཡི་གེ་ཧཱུཾ་གི་འཕྲོ་འདུ་ལས། །ཤར་དུ་རཀྴ་ཧེ་རུ་ཀ །རཀྴ་ཀྲོ་དྷཱི་ཤྭ་རཱི་ཡུམ། །ལྷོ་རུ་གུ་ཧྱ་ཧེ་རུ་ཀ །གུ་ཧྱ་ཀྲོ་དྷཱི་ཤྭ་རཱི་ཡུམ། །ནུབ་ཏུ་བི་ཤྭ་ཧེ་རུ་ཀ །བི་ཤྭ་ཀྲོ་དྷཱི་ཤྭ་རཱི་ཡུམ། །བྱང་དུ་ཡཀྴ་ཧེ་རུ་ཀ །ཡཀྴ་ཀྲོ་དྷཱི་ཤྭ་རཱི་ཡུམ། །དཀྱིལ་འཁོར་བར་ཁྱམས་ཕྱོགས་མཚམས་སུ། །ཤར་དུ་དྲི་ཟ་འདུལ་བྱེད་ལྷ། །ལྷོ་རུ་གཤིན་རྗེ་འདུལ་བྱེད་དོ། །ནུབ་ཏུ་ཀླུ་གདོན་འདུལ་བྱེད་ལ། །བྱང་དུ་གནོད་སྦྱིན་འདུལ་བྱེད་དོ། །ཤར་ལྷོར་མེ་ལྷ་འདུལ་བྱེད་ལ། །ལྷོ་ནུབ་སྲིན་པོ་འདུལ་བྱེད་དོ། །ནུབ་བྱང་རླུང་ལྷ་འདུལ་བྱེད་ལ། །བྱང་ཤར་དབང་ལྡན་འདུལ་བྱེད་དོ། །སྟེང་ཕྱོགས་ལྷ་གདོན་འདུལ་བྱེད་ལ། །འོག་ཕྱོགས་ས་བདག་འདུལ་བྱེད་དོ། །སྒོ་བཞིར་མཐར་བྱེད་སྒོ་བ་བཞི། །ཤར་དུ་པྲཛྙཱནྟ་ཀྲྀཏ་ལ། །ལྷོ་རུ་ཡ་མཱནྟ་ཀྲྀཏ་དོ། །ནུབ་ཏུ་པདྨཱནྟ་ཀྲིཏ་ལ། །བྱང་དུ་བིགྷྣཱནྟ་ཀྲྀཏ་དོ། །ཕྱི་རིམ་ལྕགས་རི་ནག་པོ་ལ། །བཀའ་སྲུང་ཅེ་སྤྱང་མ་བརྒྱད་དེ། །ཆེ་མཆོག་ལྷ་ཚོགས་ཉི་ཤུ་བཞི། །གཙོ་འཁོར་བཀའ་སྲུང་བཅས་པ་བསྒོམ། །ཤར་གྱི་དཀྱིལ་འཁོར་ཆེན་པོ་རུ། །གཙོ་བོ་བཛྲ་ཧེ་རུ་ཀ །བཛྲ་ཀྲོ་དྷཱི་ཤྭ་རཱི་ཡུམ། །ཡབ་ཡུམ་གཉིས་ཀྱི་ཐུགས་ཀ་ནས། །ཡི་གེ་ཧཱུཾ་གི་འཕྲོ་འདུ་ལས། །ཤར་དུ་བུཌྜྷ་ཧེ་རུ་ཀ །བུཌྜྷ་ཀྲོ་དྷཱི་ཤྭ་རཱི་ཡུམ། །ལྷོ་རུ་རཏྣ་ཧེ་རུ་ཀ །རཏྣ་ཀྲོ་དྷཱི་ཤྭ་རཱི་ཡུམ། །ནུབ་ཏུ་པདྨ་ཧེ་རུ་ཀ །པདྨ་ཀྲོ་དྷཱི་ཤྭ་རཱི་ཡུམ། །བྱང་དུ་ཀརྨ་ཧེ་རུ་ཀ །ཀརྨ་ཀྲོ་དྷཱི་ཤྭ་རཱི་ཡུམ། །དཀྱིལ་འཁོར་བར་ཁྱམས་ཕྱོགས་མཚམས་སུ། །ཤར་དུ་གཽ་རཱི་སིངྷ་གཉིས། །ལྷོ་རུ་ཙཽ་རཱི་བྱཱ་གྷྲྀ་གཉིས། །ནུབ་ཏུ་པྲ་མོ་སྲཱི་ལ་གཉིས། །བྱང་དུ་བཻ་ཏཱ་ཤྭ་ན་གཉིས། །ཤར་ལྷོར་པུཀྐ་གྲྀ་ཌྷ་གཉིས། །ལྷོ་ནུབ་གྷསྨ་ཀངྈ་གཉིས། །ནུབ་བྱང་སྨ་ཤ་ཀཱ་ཀ་གཉིས། །བྱང་ཤར་ཙཎྜ་ཨུ་ལཱུ་གཉིས། །དཀྱིལ་འཁོར་སྒོ་བཞིར་གདོང་མོ་བཞི། །ཤར་དུ་རྟ་གདོང་ལྕགས་ཀྱུ་མ། །ལྷོ་སྒོར་ཕག་གདོང་ཞགས་པ་མ། །ནུབ་ཏུ་སྦྲུལ་གདོང་ལྕགས་སྒྲོག་མ། །བྱང་དུ་སྤྱང་གདོང་ཐལ་བྱེད་མ། །
ཕྱི་རིམ་ལྕགས་རི་ནག་པོ་ལ། །བཀའ་སྲུང་སྲིན་མོ་ཉི་ཤུ་བརྒྱད། །གཙོ་འཁོར་བཀའ་སྲུང་བཅས་པར་བསྒོམ། །ལྷོ་ཕྱོགས་དཀྱིལ་འཁོར་ཆེན་པོ་རུ། །གཙོ་བོ་འཇམ་དཔལ་གཤིན་རྗེ་གཤེད། །སྦྱོར་ཡུམ་ཟ་བྱེད་བེ་ཏཱ་ལཱི། །སྒྲོལ་ཡུམ་ཨེ་ཀ་ཙ་ཏཱི་མ། །ཡབ་ཡུམ་གཉིས་མེད་བྱིན་རླབས་ལས། །འཁོར་ལོའི་རྩིབས་ལ་གཤེད་ཆེན་བཞི། །ཤར་དུ་ཡ་མ་རཱ་ཛ་དང་། །སྦྱོར་ཡུམ་གཡུ་ཡི་རལ་གཅིག་མ། །སྒྲོལ་ཡུམ་ནམ་གྲུ་རེ་མ་ཏི། །ལྷོ་རུ་མྱོས་བྱེད་འབར་བ་དང་། །སྦྱོར་ཡུམ་གཏུམ་མོ་སེར་ནག་མ། །སྒྲོལ་ཡུམ་ཁྲག་གི་མངའ་བདག་མོ། །ནུབ་ཏུ་གཤེད་ཆེན་མ་རུ་ཙེ། །སྦྱོར་ཡུམ་ལྷ་མོ་འོད་ཟེར་མ། །སྒྲོལ་ཡུམ་གླིང་བཞི་ཀུན་འབྱམས་མ། །བྱང་དུ་རལ་པ་ཚར་དགུ་མ། །སྦྱོར་ཡུམ་ནག་མོ་རེ་མ་ཏི། །སྒྲོལ་ཡུམ་སྲིན་མོ་མགོ་འཕྱངས་མ། །དཀྱིལ་འཁོར་བར་ཁྱམས་ཕྱོགས་མཚམས་སུ། །ཤར་དུ་ཀོང་རྩེ་བྲག་འཇོམས་དང་། །ཡུམ་དུ་རྡོ་རྗེ་རལ་གཅིག་མ། །ལྷོ་རུ་གཤིན་རྗེ་ཡ་བ་ཏི། །ཡུམ་དུ་དྲེད་ཀྱི་ཨབ་ཤམ་མོ། །ནུབ་ཏུ་གཤིན་རྗེ་རྨིག་པ་དང་། །ཡུམ་དུ་སྒེག་མོ་པུས་འགྲོ་མ། །བྱང་དུ་ལྷ་མཆོག་དུད་ཀ་ལ། །ཡུམ་དུ་སྨུག་ནག་རལ་གཅིག་མ། །ཤར་ལྷོར་ཨ་བ་གླང་མགོ་དང་། །ཡུམ་དུ་དྲང་སྲོང་དཀར་སྐྱ་མ། །ལྷོ་ནུབ་གཤིན་རྗེ་མིག་དམར་ལ། །ཡུམ་དུ་ཁྲག་གི་རལ་གཅིག་མ། །ནུབ་བྱང་གཤིན་རྗེ་ཏེལ་པ་དང་། །ཡུམ་དུ་རླུང་ལྷ་སྤྱན་གཅིག་ཡང་གསུམ་མ། །བྱང་ཤར་ཆོས་ཀྱི་རྒྱལ་པོ་དང་། །ཡུམ་ནི་སྤྱན་གསུམ་མཆེ་གཙིགས་མའོ། །སྟེང་དུ་གཤིན་རྗེ་ནག་འཇོམས་དང་། །ཡུམ་དུ་ཤེལ་གྱི་གདོང་དགུ་མའོ། །སྟེང་དུ་གཤིན་རྗེ་ཕྱ་སང་ལ། །ཡུམ་དུ་ཤེལ་མིག་ཁྲོ་མོའོ། །འོག་ཏུ་གཤིན་རྗེ་དམར་པོ་སྟེ། །ཡུམ་དུ་ནག་མོ་རལ་གཅིག་མའོ། །འོག་ཏུ་གཤིན་རྗེ་ཐོད་དབྱུག་དང་། །ཡུམ་དུ་དམར་མོ་མགོ་དགུ་མ། །སྒོ་བཞིར་གཤིན་རྗེའི་སྒོ་བ་བཞི། །ཤར་དུ་དུང་གི་བྱ་རྒོད་མགོ། །ལྷོ་རུ་ནག་པོ་སྟག་གི་མགོ། །ནུབ་ཏུ་བསེ་ཡི་ཀང་ཀའི་མགོ། །བྱང་དུ་ལྕགས་ཀྱི་སྤྱང་ཀའི་མགོ། །ཕྱི་ཡི་
ལྕགས་རི་ནག་པོ་ལ། །གིང་བདུད་མ་མོ་ཤན་པ་གནས། །གཙོ་དང་འཁོར་དུ་བཅས་པ་བསྒོམ། །ནུབ་ཀྱི་ཕྱོགས་ཀྱི་དཀྱིལ་འཁོར་དུ། །དབུས་སུ་ཁྲོ་རྒྱལ་དབང་ཆེན་པོ། །ཡུམ་དུ་སྒེག་མོ་རལ་གཅིག་མ། །གཡས་སུ་ལས་ཀྱི་རྒྱལ་པོ་ལ། །གཡོན་དུ་ལས་ཀྱི་རྒྱལ་མོའོ། །དཀྱིལ་འཁོར་འཁོར་ལོའི་རྩིབས་བཞི་ལ། །ཤར་དུ་ཡེ་ཤེས་ཟིལ་གནོན་ལ། །ཡུམ་དུ་ཁྲོ་མོ་མི་ཕམ་མའོ། །ལྷོ་རུ་ལས་ཀྱི་ཁྲོ་བོ་ཟིལ་གནོན་ལ། །ཡུམ་དུ་རྡོ་རྗེ་ཁྲོ་གཉེར་མའོ། །ནུབ་ཏུ་ཡེ་ཤེས་མ་མོ་ཟིལ་གནོན་དང་། །ཡུམ་དུ་རྡོ་རྗེ་སྤྱན་གཅིག་མའོ། །བྱང་དུ་ཁྱུང་ཆེན་ཟིལ་གནོན་དང་། །ཡུམ་དུ་རྡོ་རྗེ་རོ་ལངས་མའོ། །དཀྱིལ་འཁོར་ཕྱི་ཁྱམས་ཕྱོགས་བཞི་རུ། །ཤར་དུ་ཕོ་རྒྱུད་ཟིལ་གནོན་དང་། །ཡུམ་དུ་རྡོ་རྗེ་ལས་བྱེད་མའོ། །ལྷོ་རུ་མོ་རྒྱུད་ཟིལ་གནོན་དང་། །ཡུམ་དུ་གཤིན་རྗེ་ལས་བྱེད་མའོ། །ནུབ་ཏུ་ཀླུ་རྣམས་ཟིལ་གནོན་དང་། །ཡུམ་དུ་ཀླུ་མོ་ལས་བྱེད་མའོ། །བྱང་དུ་གཟའ་རྣམས་ཟིལ་གནོན་དང་། །ཡུམ་དུ་གནོད་སྦྱིན་ལས་བྱེད་མའོ། །ཕྱོགས་བཞི་སྒོ་བཞིར་སྒོ་མ་བཞི། །ཤར་སྒོར་རྡོ་རྗེ་ལྕགས་ཀྱུ་མ། །ལྷོ་སྒོར་རྡོ་རྗེ་ཞགས་པ་མ། །ནུབ་སྒོར་རྡོ་རྗེ་ལྕགས་སྒྲོག་མ། །བྱང་སྒོར་རྡོ་རྗེ་དྲིལ་བུ་མ། །ཕྱི་ཡི་ལྕགས་རི་ནག་པོ་ལ། །ཁམ་བརྒྱ་དམུས་ལོང་ཁྱི་སྤྱང་དང་། །ཕོ་ཉ་ལ་སོགས་བཀའ་སྲུང་དགོད། །པདྨ་གསུང་གི་ལྷ་ཚོགས་རྣམས། །གཙོ་དང་འཁོར་དུ་བཅས་པ་བསྒོམ། །བྱང་ཕྱོགས་དཀྱིལ་འཁོར་ཆེན་པོ་རུ། །དཔལ་ཆེན་རྡོ་རྗེ་གཞོན་ནུ་དང་། །ཡུམ་མཆོག་འཁོར་ལོ་རྒྱས་འདེབས་མ། །ཡབ་ཡུམ་གཉིས་ཀྱི་བྱིན་རླབས་ལས། །དཀྱིལ་འཁོར་འཁོར་ལོའི་རྩིབས་བཞི་ལ། །ཤར་དུ་བུཌྜྷ་ཀཱི་ལ་ཡ། །ལྷོ་རུ་རཏྣ་ཀཱི་ལ་ཡ། །ནུབ་ཏུ་པདྨ་ཀཱི་ལ་ཡ། །བྱང་དུ་ཀརྨ་ཀཱི་ལ་ཡ། །དཀྱིལ་འཁོར་བར་མཚམས་ཕྱོགས་མཚམས་སུ། །ཤར་དུ་རྣམ་པར་རྒྱལ་བ་དང་། །ཡུམ་དུ་རྡོ་རྗེ་སྙེམ་མའོ། །ཕྲ་མེན་སྟག་དང་བྱ་རྒོད་མགོ། །ལྷོ་རུ་གཤིན་རྗེ་གཤེད་པོ་དང་། །ཡུམ་དུ་དུར་ཁྲོད་བདག་མོའོ། །སྤྲུལ་པ་ཤ་
བ་འུག་པའི་མགོ། །ནུབ་ཏུ་ཁྲོ་བོ་རྟ་མགྲིན་དང་། །ཡུམ་དུ་རྡོ་རྗེ་གཏུམ་མའོ། །སྤྲུལ་པ་བྱི་ལ་པུ་ཤུད་མགོ། །བྱང་དུ་བདུད་རྩི་འཁྱིལ་པ་དང་། །ཡུམ་དུ་རྡོ་རྗེ་རླུང་འབྱིན་མའོ། །སྤྲུལ་པ་སེང་གེ་ཕ་ཝང་མགོ། །ཤར་ལྷོར་དབྱུག་པ་སྔོན་པོ་དང་། །ཡུམ་དུ་རྡོ་རྗེ་སྡེར་མོའོ། །སྤྲུལ་པ་གཡག་དང་བྱ་རོག་མགོ། །ལྷོ་ནུབ་མི་གཡོ་མགོན་པོ་དང་། །ཡུམ་དུ་རྡོ་རྗེ་གཏུན་ཁུང་མ། །སྤྲུལ་པ་གཟིག་དང་ཁྭ་ཡི་མགོ། །ནུབ་བྱང་གཞན་གྱིས་མི་ཐུབ་དང་། །ཡུམ་དུ་རྡོ་རྗེ་མདའ་སྙེམ་མ། །སྤྲུལ་པ་སྤྱང་ཀི་ཁྲ་ཡི་མགོ། །བྱང་ཤར་ཁམས་གསུམ་རྣམ་རྒྱལ་དང་། །ཡུམ་དུ་རྡོ་རྗེ་སྐྱོད་བྱེད་མ། །སྤྲུལ་པ་དོམ་དང་སྲེ་མོའི་མགོ། །སྟེང་ཕྱོགས་ཁྲོ་བོ་ཧཱུཾ་ཀཱ་ར། །ཡུམ་དུ་རྡོ་རྗེ་སྒྲ་འབྱིན་མ། །སྤྲུལ་པ་ཕག་དང་སྨྲིག་བུའི་མགོ། །འོག་ཕྱོགས་ཁྲོ་བོ་སྟོབས་པོ་ཆེ། །ཡུམ་དུ་རྡོ་རྗེ་གསོད་བྱེད་མ། །སྤྲུལ་པ་དྲེད་དང་བྱི་ལའི་མགོ། །དཀྱིལ་འཁོར་ཕྱོགས་བཞིར་སྒོ་བ་བཞི། །ཤར་སྒོར་པུ་ཤུད་མགོ་ཅན་ལ། །ལྷོ་རུ་སྐྱ་ཀའི་མགོ་ཅན་ནོ། །ནུབ་ཏུ་སྲིན་བྱའི་མགོ་ཅན་དང་། །བྱང་དུ་ཁྲ་ཡི་མགོ་བོ་ཅན། །ཕྱི་ཡི་ལྕགས་རི་ནག་པོ་ལ། །བསེ་མོ་བཞི་དང་རེ་ཏི་བཞི། །ཤྭ་ན་བཞི་དང་གིང་བདུད་བཞི། །ཤན་པ་བཞི་ལ་སོགས་པ་དགོད། །ཕུར་པ་ཕྲིན་ལས་ལྷ་ཚོགས་ཀྱི། །གཙོ་དང་འཁོར་དུ་བཅས་པ་བསྐྱེད། །ཤར་ལྷོ་མཚམས་ཀྱི་དཀྱིལ་འཁོར་དུ། །གཙོ་བོ་བླ་མེད་ཧེ་རུ་ཀ །ཡུམ་དུ་ཉི་བཞི་བདེ་མཆོག་མ། །དཀྱིལ་འཁོར་འཁོར་ལོའི་རྩིབས་བཞི་ལ། །ཤར་དུ་རྟག་པའི་རྒྱལ་མོ་རྣམ་སྣང་གསལ། །ལྷོ་རུ་རྟག་པའི་རྒྱལ་མོ་འོད་གསལ་འབར། །ནུབ་ཏུ་རྟག་པའི་རྒྱལ་མོ་གཉེན་གསལ་འབར། །བྱང་དུ་རྟག་པའི་རྒྱལ་མོ་ཡང་གསལ་གཡོས། །གཡས་སུ་རྟག་པའི་རྒྱལ་མོ་བཀྲག་གསལ་མ། །གཡོན་དུ་སྲིད་པ་བདེ་འགྲོ་མ། །མདུན་དུ་ཉི་ཟླ་ཐོད་ཕྲེང་མ། །ཟླ་གམ་བཞི་ལ་ཁྲོས་མ་བཞི། །ཤར་དུ་ཉི་མ་ཁྲོས་པ་ལ། །ལྷོ་རུ་ཁྲག་འཐུང་ཁྲོས་པའོ། །ནུབ་ཏུ་བདུད་རྩི་ཁྲོས་པ་ལ། །བྱང་དུ་སྲིད་གསུམ་ཁྲོས་པའོ། །མཚམས་སུ་དགྱེས་སྡེ་ཆེན་མོ་བཞི། །
ཤར་དུ་དཀར་མོ་མིག་གཅིག་མ། །ལྷོ་རུ་ནག་མོ་མཆེ་བ་ཅན། །ནུབ་ཏུ་དམར་མོ་དབང་སྡུད་མ། །བྱང་དུ་སེར་མོ་ཚེ་འཕེལ་མའོ། །གྲུ་ཆད་བཞི་ལ་མ་བཞིའོ། །ཤར་ལྷོར་རྒྱན་གྱི་རྒྱལ་མོ་དང་། །ལྷོ་ནུབ་དབྱིངས་ཕྱུག་ཆེན་མོ་ལ། །ནུབ་བྱང་བདག་ཉིད་ཆེན་མོ་སྟེ། །བྱང་ཤར་གཅིག་པུ་ཆེན་མོའོ། །ཁྱམས་ལ་སྨན་མོ་བསྐྱེད་པར་བྱ། །བྱང་དུ་སྲིད་པ་ཆགས་བྱེད་མ། །ནུབ་ཏུ་སྲིད་པ་ཆ་སྙོམས་མ། །ལྷོ་རུ་འདོད་ཁམས་གཙོ་མོ་སྟེ། །ཤར་དུ་ཨེ་ཀ་ཛ་ཊཱི་མ། །ཤར་དུ་གླིང་བཞི་སྤྱི་ཕུད་མ། །ལྷོ་རུ་རིན་ཆེན་སྲིད་འདེགས་མ། །ནུབ་ཏུ་པདྨ་གར་དབང་མ། །བྱང་དུ་རྡོ་རྗེ་གར་དབང་ངོ་། །ཤར་ལྷོར་ཧར་ཏིང་དཀར་མོ་ལ། །ལྷོ་ནུབ་དུན་ཏིང་ནག་མོའོ། །ནུབ་བྱང་ཤན་ཏིང་དམར་མོ་ལ། །བྱང་ཤར་གྲུབ་ཏིང་སེར་མོའོ། །ཤར་དུ་དཀར་མོ་མཆེ་གཙིགས་མ། །ལྷོ་རུ་ནག་མོ་ཁ་འབྱམས་མ། །ནུབ་ཏུ་དམར་མོ་མཆུ་འཇིབ་མ། །བྱང་དུ་སེར་མོ་རྐང་ལྡག་མ། །ཤར་དུ་སྲིན་མོ་སྐམ་པ་མོ། །ཤར་དུ་སྲིན་མོ་དྲི་སྣོམ་མ། །ལྷོ་རུ་སྲིན་མོ་ཕོར་ཐོགས་མ། །ལྷོ་རུ་སྲིན་མོ་སྐོམ་བྱེད་མ། །ནུབ་ཏུ་སྲིན་མོ་གཡང་གཞི་མ། །ནུབ་དུ་སྲིན་མོ་ཟ་བ་མོ། །བྱང་དུ་སྲིན་མོ་གསོད་བྱེད་མ། །བྱང་དུ་སྲིན་མོ་ཟ་བྱེད་མའོ། །དཀྱིལ་འཁོར་ཕྱོགས་བཞིར་སྒོ་མ་བཞི། །ཤར་དུ་ལྷ་ཡི་སྲིང་མོ་ལ། །ལྷོ་སྒོར་གཤིན་རྗེའི་སྲིང་མོའོ། །ནུབ་སྒོར་ཀླུ་ཡི་སྲིང་མོ་སྟེ། །བྱང་སྒོར་གནོད་སྦྱིན་སྲིང་མོའོ། །ཕྱི་ཡི་ལྕགས་རི་ནག་པོ་ལ། །ཡང་གབ་བཞི་དང་སྦས་མ་བཞི། །གདོང་མོ་བཞི་དང་ཕུང་གསུམ་མ། །གསང་བའི་མ་གསུམ་ཕོ་ཉ་གསུམ། །རོ་ཁ་མ་གསུམ་བསྒོམ་པར་བྱ། །མ་མོ་རྦོད་གཏོང་ལྷ་ཚོགས་ཀྱི། །གཙོ་དང་འཁོར་དུ་བཅས་པ་བསྒོམ། །ནུབ་བྱང་མཚམས་ཀྱི་དཀྱིལ་འཁོར་དུ། །གཙོ་བོ་དྲེགས་པ་ཀུན་འདུལ་དང་། །ཡུམ་དུ་ཁམས་གསུམ་སྤྱི་འདུལ་མ། །ཡབ་ཡུམ་ཐུགས་ཀྱི་སྤྲུལ་པ་ལས། །
གཡས་སུ་དབང་ཕྱུག་ཆེན་པོ་ལ། །གཡོན་དུ་ཨུ་མ་དེ་བཱིའོ། །རྩིབས་བཞི་དབང་ཆེན་ཡབ་ཡུམ་བཞི། །ཤར་དུ་ཡ་མ་རཱ་ཛ་དང་། །ཡུམ་དུ་ཟ་བྱེད་ནག་མོའོ། །ལྷོ་རུ་གཤིན་རྗེ་བྲང་དཀར་དང་། །ཡུམ་དུ་ནག་མོ་རེ་མ་ཏི། །ནུབ་ཏུ་སྲིན་པོ་གློག་ཕྲེང་ཅན། །སྲིན་མོ་སྦལ་མགོ་ཁྲག་མིག་མའོ། །བྱང་དུ་ཡཀྴ་ནག་པོ་དང་། །གནོད་སྦྱིན་མོན་མོ་ནག་མོའོ། །སྟེང་དུ་གཟའ་བདུད་རཱ་ཧུ་ལ། །གནམ་སྨན་ཐོག་གི་བུ་ཡུག་མའོ། །འོག་ཏུ་ཀླུ་བདུད་མགོ་དགུ་དང་། །ཀླུ་མོ་ཡཀྴ་ནག་མོའོ། །དཀྱིལ་འཁོར་བར་ཁྱམས་ཕྱོགས་མཚམས་སུ། །ཤར་སྟོད་ནོར་བུ་བཟང་པོ་ལ། །ཤར་དབུས་གནམ་ཐེ་དཀར་པོའོ། །ཤར་སྨད་སྤྱི་བདུད་གུ་རུམ་ཙེ། །ལྷོ་སྟོད་སྲིད་པའི་རྒྱལ་མོ་ལ། །ལྷོ་དབུས་ཨེ་ཀ་ཛ་ཊཱི་མ། །ལྷོ་སྨད་ནག་མོ་མགྱོགས་བྱེད་མའོ། །ནུབ་སྟོད་བན་ཆེན་བདུད་འདུལ་ལ། །ནུབ་དབུས་སྲོག་ཟན་དམར་པོའོ། །ནུབ་སྨད་བཙན་འགོང་དམར་པོའོ། །བྱང་སྟོད་བི་ནཱ་ཡ་ཀ་ལ། །བྱང་དབུས་ཀཱ་ལ་ནག་པོ་དང་། །བྱང་སྨད་ནག་པོ་བཀྲག་མེད་དོ། །སྒོ་བཞི་དབང་ཆེན་སྡེ་བཞི་སྟེ། །ཤར་སྒོར་སྲོག་བདག་ཚངས་པ་ལ། །ལྷོ་སྒོར་རྒྱལ་པོ་པེ་དཀར་རོ། །ནུབ་སྒོར་སྐུ་ལྷ་གསང་བ་ལ། །བྱང་སྒོར་མགོན་པོ་ནག་པོ་བསྒོམ། །ཕྱི་ཡི་ལྕགས་རི་ནག་པོ་ལ། །ལྷ་སྲིན་སྡེ་བརྒྱད་དམག་ཚོགས་བསྒོམ། །བྱང་ཤར་དཀྱིལ་འཁོར་ཆེན་པོ་རུ། །དབུས་སུ་སྟོབས་ལྡན་ནག་པོ་ལ། །ཡུམ་དུ་འབྱུང་ལྔའི་བདག་མོའོ། །ཡབ་ཡུམ་ཐུགས་ཀྱི་སྤྲུལ་པ་ལས། །དཀྱིལ་འཁོར་རྩིབས་བཞིའི་ཕྱོགས་བཞི་རུ། །ཤར་དུ་འཆི་བདག་ནག་པོ་དང་། །ཡུམ་དུ་འཆི་བདག་ནག་མོའོ། །ལྷོ་རུ་མེ་ཡི་ཁ་རླངས་ཅན། །ཡུམ་དུ་ནག་མོ་ཁྲག་འཛག་མ། །ནུབ་ཏུ་སྲིན་པོ་གསོད་བྱེད་དང་། །ཡུམ་དུ་སྲིན་མོ་གསོད་བྱེད་མ། །བྱང་དུ་གང་བ་བཟང་པོ་དང་། །ཡུམ་དུ་ཤ་ཟ་རལ་གཅིག་མའོ། །དཀྱིལ་འཁོར་བར་ཁྱམས་ཕྱོགས་མཚམས་སུ། །ཤར་དུ་མ་ཧཱ་དེ་བ་ལ། །ལྷོ་རུ་
ཐར་པ་ནག་པོའོ། །ནུབ་ཏུ་རྨུ་རྗེ་བཙན་པོ་ལ། །བྱང་དུ་ཀཱ་ལ་ནག་པོའོ། །སྟེང་དུ་གཟའ་བདུད་ནག་པོ་རཱ་ཧུ་ལ། །འོག་ཏུ་ཀླུ་རྒྱལ་སོག་མ་མེད། །དཀྱིལ་འཁོར་སྒོ་བཞིར་བཀའ་ཉན་བཞི། །ཤར་སྒོར་ལི་བྱིན་ཧར་ལེགས་ལ། །ལྷོ་སྒོར་ཁུ་ལེ་ལག་དགུའོ། །ནུབ་སྒོར་རྡོ་རྗེ་ལེགས་པ་ལ། །བྱང་དུ་ཡམ་ཤུད་དམར་པོའོ། །ལྷོ་ནུབ་མཚམས་ཀྱི་དཀྱིལ་འཁོར་དུ། །རིག་འཛིན་དཀྱིལ་འཁོར་བསྒོམ་པ་ནི། །དབུས་སུ་ཆེ་མཆོག་རིག་འཛིན་ལ། །ཤར་དུ་ཡང་དག་རིག་འཛིན་ནོ། །ལྷོ་རུ་འཇམ་དཔལ་རིག་འཛིན་ལ། །ནུབ་ཏུ་པདྨ་རིག་འཛིན་ལ། །བྱང་དུ་ཕུར་པའི་རིག་འཛིན་ནོ། །དཀྱིལ་འཁོར་བར་ཁྱམས་ཕྱོགས་བཞི་རུ། །ཤར་དུ་ལྷུན་གྲུབ་རིག་འཛིན་ལ། །ལྷོ་རུ་ཕྱག་རྒྱའི་རིག་འཛིན་ནོ། །ནུབ་ཏུ་ཚེ་ཡི་རིག་འཛིན་ལ། །བྱང་དུ་རིགས་ཀྱི་རིག་འཛིན་ནོ། །སྒོ་བཞིར་རྡོ་རྗེ་སློབ་དཔོན་བཞི། །ཤར་དུ་དམ་ཚིག་དབང་གི་སློབ་དཔོན་ལ། །ལྷོ་རུ་མན་ངག་ལུང་གི་སློབ་དཔོན་ལ། །ནུབ་ཏུ་ཤེས་རབ་རྒྱུད་ཀྱི་སློབ་དཔོན་ཏེ། །བྱང་དུ་ཉམས་ཆག་སྐོང་བའི་སློབ་དཔོན་ནོ། །ཕྱི་ཡི་ལྕགས་རི་ནག་པོ་ལ། །དཔའ་བོ་དཔའ་མོ་མཁའ་འགྲོ་རྣམས། །བཀའ་སྲུང་དག་ཏུ་འཁོད་པའོ། །དཀྱིལ་འཁོར་ཕྱི་ཡི་བར་ཁྱམས་ལ། །དབང་ཕྱུག་ཉི་ཤུ་རྩ་བརྒྱད་དགོད། །ཤར་དུ་མི་སྲིང་ཚངས་མ་དང་། །འཁྲུག་མོ་དམར་མོ་ཞེས་བྱ་དང་། །འཇུག་སྲེད་གཞོན་ནུ་མ་རྣམས་སོ། །ལྷོ་རུ་དམར་མོ་དབང་སྡུད་མ། །ཞི་བ་བེ་ཅོན་སྲིན་མོ་དང་། །ཟ་བ་མོ་རྣམས་བསྐྱེད་པར་བྱེད། །ནུབ་ཏུ་དགའ་མ་ང་རོ་མ། །གཅིག་པུ་མ་དང་ཡིད་འཕྲོག་མ། །གྲུབ་པ་མོ་དང་རླུང་མོའོ། །བྱང་དུ་གསོད་བྱེད་མེ་མོ་དང་། །ཕག་མོ་དང་ནི་རྒན་བྱེད་མ། །སྣ་ཆེན་མོ་དང་ཆུ་ལྷ་མོ། །སྒོ་བཞིར་དབང་ཕྱུག་སྒོ་མ་བཞི། །ཤར་སྒོར་ནག་མོ་ལྕགས་ཀྱུ་མ། །ལྷོ་སྒོར་ར་རུ་ཞགས་པ་མ། །ནུབ་སྒོར་བུམ་སྣ་ལྕགས་སྒྲོག་མ། །བྱང་སྒོར་གསུས་འཛིན་དྲིལ་བུ་མའོ། །ཕྱི་ཡི་
འཁོར་ཡུག་རྒྱ་མཚོ་ལ། །མཁའ་འགྲོ་ཆེན་མོ་སུམ་ཅུ་རྩ་གཉིས་དང་། །ས་བདག་སུམ་ཅུ་རྩ་གཉིས་དང་། །གིང་ཆེན་བཅོ་བརྒྱད་ལང་ཀ་དང་། །མ་བདུན་སྲིང་བཞི་འབར་མ་བརྒྱད། །ཕོ་ཉ་དྲུག་ཅུ་རྩ་བཞི་དང་། །འབུམ་ཕྲག་ཡངས་པའི་མཁའ་འགྲོ་མའོ། །དེ་ལྟར་ལྷ་ཚོགས་ཐམས་ཅད་ནི། །སྐུ་མདོག་ཕྱག་མཚན་ལྡན་པར་བསྒོམ། །བསྐྱེད་དང་མཐར་ཕྱིན་བྱ་བའི་ཕྱིར། །སོ་སོའི་རྩ་བའི་སྔགས་ལས་བསྐྱེད། །ཅེས་གསུངས་སོ། །ཏིང་ངེ་འཛིན་གྱི་དཀྱིལ་འཁོར་བསྟན་པའི་ལེའུ་སྟེ་ཉི་ཤུ་རྩ་གསུམ་པའོ།། །།དེ་ནས་ཡང་དག་ངེས་གསུངས་པ། །རང་བཞིན་དཀྱིལ་འཁོར་བསྒྲུབ་པ་ནི། །འོག་མིན་ཆོས་དབྱིངས་ཕོ་བྲང་ནས། །ཕོ་བྲང་ཡེ་ཤེས་དགུར་གནས་པ། །དམ་ཚིག་དཀྱིལ་འཁོར་ཆེན་པོ་རུ། །རང་བཞིན་གནས་ནས་སྤྱན་དྲངས་ཏེ། །ཆོས་སྐུ་དམིགས་མེད་ངང་ལས་ནི། །ལོངས་སྤྱོད་རྫོགས་པའི་སྐུར་གནས་ནས། །དམ་ཚིག་དཀྱིལ་འཁོར་གནས་ཆེན་དུ། །གཉིས་སུ་མེད་པར་བརྟན་བཞུགས་ལ། །དམ་ཚིག་ཡེ་ཤེས་གཉིས་མེད་བསྡིམ། །མི་གཡོ་བརྟན་པར་བཞུགས་སུ་གསོལ། །ཡེ་ཤེས་དཀྱིལ་འཁོར་བརྟན་པར་བྱ། །གཉིས་སུ་མེད་པའི་ཚུལ་གྱིས་ནི། །གཞལ་ཡས་སོ་སོའི་སྒོ་བཞི་བྱ་ཡང་ནས། །གཉིས་མེད་དབྱིངས་སུ་ཕྱག་ཀྱང་འཚལ། །དེ་ནས་མཆོད་པའི་རིམ་པ་ནི། །ཕྱག་རྒྱ་གར་གྱི་མཆོད་པ་དང་། །འདོད་ཡོན་ཕྱི་ཡི་མཆོད་པ་དང་། །དམ་རྫས་ནང་གི་མཆོད་པ་དང་། །བདུད་རྩི་སྨན་གྱི་མཆོད་པ་དང་། །རཀྟ་དམར་གྱི་མཆོད་པ་དང་། །རྨད་བྱུང་གཏོར་མའི་མཆོད་པ་དང་། །ཟབ་མོ་སྦྱོར་སྒྲོལ་མཆོད་པ་རྣམས། །དཀྱིལ་འཁོར་དགུ་ཡི་ལྷ་ལ་མཆོད། །བཤགས་པ་བྱ་ཞིང་བསྟོད་པ་བྱ། །གཉིས་སུ་མེད་པའི་བཟླས་པ་བྱ། །ཨོཾ་བཛྲ་ཀྲོ་དྷ་མ་ཧཱ་ཤྲཱི་ཧེ་རུ་ཀ་ཧཱུཾ་ཕཊ། ཨོཾ་རུ་ལུ་རུ་ལུ་ཧཱུཾ་བྷྱོ་ཧཱུཾ་ཕཊ། ཨོཾ་ཨ་ཀྲོ་ཏེ་ཀ་ཡ་མཱནྟ་ཀ་ཧ་ན་མ་ཐ་བྷཉྫ་ཧཱུཾ་ཕཊ། ཨོཾ་པདྨནྟ་ཀྲྀཏ་བཛྲ་ཀྲོ་དྷ་ཧ་ཡ་གྲཱི་བ་ཧཱུཾ་ཕཊ། ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཾ་བཾ་ཧཱུཾ་ཕཊ། ཨོཾ་གུ་ཧྱ་ཛྙཱ་ན་ཤྲཱི་ཧེ་རུ་ཀ་གུ་ཧྱ་ཛྙཱ་ན་ཀྲོ་དྷཱི་ཤྭ་རཱི་
སྟྭཾ་མ་མ་ཡོ་གི་ནཱི་རུ་ལུ་རུ་ལུ་བྷྱོ་ཧཱུཾ་ཕཊ། ཨོཾ་ཀཱ་ལ་རཱུ་པ་ཧཱུཾ་ཕཊ། ཨོཾ་བཛྲ་ཙཎྜ་སརྦ་དུཥྚཱན་ཧཱུཾ་ཕཊ། ཨོཾ་བཛྲ་སརྦ་དུཥྚཱན་ཧཱུཾ་ཕཊ། ཨོཾ་བཛྲ་གུ་རུ་སརྦ་སིདྡྷི་ཧཱུཾ་ཕཊ། དབུས་སུ་སྤྲོ་བསྡུ་བྱེད་པའི་ཚེ། །ཆེ་མཆོག་ལྷ་ཚོགས་ཐུགས་ཀ་ནས། །སྔགས་ཀྱི་འོད་ཟེར་སྤྲོ་བསྡུ་བྱ། །ཤར་དུ་སྤྲོ་བསྡུ་བྱེད་པའི་ཚེ། །ཡང་དག་ལྷ་ཚོགས་ཐུགས་ཀ་ནས། །སྔགས་ཀྱི་འོད་ཟེར་སྤྲོ་བསྡུ་བྱ། །ལྷོ་རུ་སྤྲོ་བསྡུ་བྱེད་པའི་ཚེ། །གཤིན་རྗེའི་ལྷ་ཚོགས་ཐུགས་ཀ་ནས། །སྔགས་ཀྱི་འོད་ཟེར་སྤྲོ་བསྡུ་བྱ། །ནུབ་ཏུ་སྤྲོ་བསྡུ་བྱེད་པའི་ཚེ། །དབང་ཆེན་ལྷ་ཚོགས་ཐུགས་ཀར་བྱ། །བྱང་དུ་སྤྲོ་བསྡུ་བྱེད་པའི་ཚེ། །ཕུར་པའི་ལྷ་ཚོགས་ཐུགས་ཀར་བྱ། །ཤར་ལྷོར་སྤྲོ་བསྡུ་བྱེད་པའི་ཚེ། །མ་མོའི་ལྷ་ཚོགས་ཐུགས་ཀར་བྱ། །ལྷོ་ནུབ་སྤྲོ་བསྡུ་བྱེད་པའི་ཚེ། །རིག་འཛིན་ལྷ་ཚོགས་ཐུགས་ཀར་བྱ། །ནུབ་བྱང་སྤྲོ་བསྡུ་བྱེད་པའི་ཚེ། །དྲེགས་འདུལ་ལྷ་ཚོགས་ཐུགས་ཀར་བྱ། །བྱང་ཤར་སྤྲོ་བསྡུ་བྱེད་པའི་ཚེ། །སྟོབས་ལྡན་ནག་པོ་ཡབ་ཡུམ་གྱི། །ཐུགས་ཀར་སྔགས་ཀྱི་སྤྲོ་བསྡུ་བྱ། །བསྙེན་བསྒྲུབ་ལོ་ཟླ་ཞག་སོགས་བསྒྲུབ། །རྟགས་དང་མཚན་མ་བྱུང་བ་དང་། །དངོས་གྲུབ་རིམ་གྱིས་བླང་བར་བྱ། །དུས་བཞིར་ཚོགས་དང་གཏོར་མ་གཏོང་། །ལྷག་མ་གཏོང་ཞིང་བརྟན་མ་བསྐྱོང་། །དཀྱིལ་འཁོར་བསྡུ་ཞིང་སྨོན་ལམ་གདབ། །ཕྲིན་ལས་ལས་ཀྱི་ཁ་ཚར་རྣམས། །གང་འདོད་བྱ་བ་བསྒྲུབ་པར་གསུངས། །ཞེས་གསུངས་སོ། །རང་བཞིན་གྱི་དཀྱིལ་འཁོར་སྒྲུབ་པའི་ལེའུ་སྟེ་ཉི་ཤུ་རྩ་བཞི་པའོ།། །།ཁྲོ་བོའི་དཀྱིལ་འཁོར་གསུམ་གྱི་སྐབས་ཏེ་བཞི་པའོ།། །།དེ་ནས་སྤྱི་དཔལ་ཀུན་བཟང་ཧེ་རུ་ཀ་ལ། འཁོར་གྱི་རིག་འཛིན་རྣམས་ཀྱིས་ཞུས་པ། ཨེ་མ་ཧོ་སྤྱི་དཔལ་ཧེ་རུ་ཀ །གསང་སྔགས་ཞི་ཁྲོ་རྒྱ་མཚོ་ཡི། །སྔགས་ཀྱི་བྱེ་བྲག་བཤད་དུ་གསོལ། །དེ་སྐད་གསོལ་པ་གསན་ནས་ཀྱང་། །སྤྱི་དཔལ་ཆེན་པོས་བཀའ་སྩལ་པ། །ཉོན་ཅིག་འདུས་པའི་འཁོར་ཚོགས་རྣམས། །རྡོ་རྗེ་དབྱིངས་ཀྱི་ལྷ་ཚོགས་
ཀྱི། །སྔགས་ཀྱི་རིམ་པ་བསྟན་པ་ནི། །ཧཱུཾ་ཧཱུཾ་ཧཱུཾ་བཛྲ་ཙིཏྟ་ཨོཾ། ཨ་ཨ་ཨ། བཛྲཱི་བྷ་དྲ་ས་མནྟ་ཨོཾ། ཀུན་བཟང་ཡབ་ཡུམ་རྩ་བའི་སྔགས། ཨོཾ་ཛི་ན་ཛིཀ་ཧཱུཾ་བཛྲ་དྷྲིཀ །ས་རཏྣ་དྷྲིཀ །ཨཾ་ཨ་རོ་ལིཀ །ཧ་པྲཛྙཱ་དྷྲིཀ །རིགས་ལྔ་ཡབ་ཀྱི་རྩ་བའི་སྔགས། ལཾ་ཏེ་ཤྭ་ར་ཏཱི། མཱཾ་དྷཱ་ཏྟཱི་ཤྭ་ར་ཏཱི། མཾ་མོ་ཧ་ར་ཏི། པཾ་རཱ་ག་ཏི། ཏཾ་བཛྲ་ར་ཏི། རིགས་ལྔའི་ཡུམ་ལྔའི་རྩ་བའི་སྔགས་སོ། །ཀྵྀ་ཧི་རཱ་ཛ་ཡ། ཏྲཾ་ཨཱ་གར་བྷ་བ་ཡ། ཧྲི་པདྨ་པྲ་ད་མ། ཧྜི ་ཀུ་རུ་པཱ་ཎི་ཧྲིཾ།མཻ་དྷ་རཱ་ཡ་སྭཱ་ཧཱ། ་ནིསྶ་རམ་བྷཱ་ཡ་སྭཱ་ཧཱ། ཧཱུཾ་སྭ་རཱ་ཛ་ཡ་སྭཱ་ཧཱ། མུཾ་ཤྲཱི་ཨཾ་རཱ་གཱ་ཡ་སྭཱ་ཧཱ། སེམས་དཔའ་བརྒྱད་ཀྱི་རྩ་བའི་སྔགས། ཧཱུཾ་ལཱ་སྱ་ས་མ་ཡ་སྟྭཾ། ཏྲཾ་མཱ་ལྱེ་ས་མ་ས་སྟྭཾ། ཧྲི་གཱིར་ཏི་ར་གོ་ཧ། ཨ་ནིར་ཏི་རཱ་ག་ས་མ་ཡཱ་མི། ཛཿདྷཱུ་པེ་པྲ་བེ་ཤ །ཧཱུཾ་པུཥ྇་ཨཱ་བེ་ཤ །བཾ་དཱི་པ་སུ་གི་རི། ཧོཿགྷནྡྷེ་ཙིཏྟ། སེམས་མ་བརྒྱད་ཀྱི་རྩ་བའི་སྔགས། ཨོཾ་མུ་ནེ་ཀྲིཾ་སྭཱ་ཧཱ། ཨོཾ་མུ་ནེ་སྲུཾ་སྭཱ་ཧཱ། ཨོཾ་མུ་ནི་ཧཱུཾ་ཏྲུཾ་སྭཱ་ཧཱ། ཨོཾ་སུ་ནེ་བྲཾ་སྭཱ་ཧཱ། ཨོཾ་མུ་ནེ་ཀྵཾ་སྭཱ་ཧཱ། ཨོཾ་མུ་ནེ་ཡེ་སྭཱ་ཧཱ། ཐུབ་པ་དྲུག་གི་རྩ་བའི་སྔགས་སོ། །ཨོཾ་ཡ་མན་ཏ་ཀྲྀཏ་ཕཊ། ཨོཾ་པྲཛྙཱནྟ་ཀྲྀཏ་ཕཊ།ཨོཾ་པདྨཱནྟ་ཀྲྀཏ་ཕཊ། ཨོཾ་བིགྷྣཱཾནྟ་ཀྲྀཏ་ཕཊ། ཨོཾ་མ་ཧཱ་བཛྲ་དྷ་ར་མ་ཧཱ་ཀྲོ་ཏཱི་ཤྭ་རཱི་ཛྭ་ལ་ནཱི་ཧཱུཾ་ཕཊ། ཨོཾ་མ་ཧཱ་པདྨ་དྷ་ར་མ་ཧཱ་ཀྲོ་ཏཱི་ཤྭ་རཱི་ཛྭ་ལ་ནཱི་ཧཱུཾ་ཕཊ། ཨོཾ་པདྨ་དྷ་ར་མ་ཧཱ་ཀྲོ་ཏཱི་ཤྭ་རཱི་ཛྭ་ལ་ནཱི་ཧཱུཾ་ཕཊ། ཨོཾ་མ་ཧཱ་ཀརྨ་དྷ་ར་མ་ཧཱ་ཀྲོ་ཏཱི་ཤྭ་རཱི་ཛྭ་ལ་ནཱི་ཧཱུཾ་ཕཊ། སྒོ་བ་ཡབ་ཡུམ་སྔགས་སོ། །རྡོ་རྗེ་དབྱིངས་ཀྱི་སྔགས་ཀྱི་ལེའུ་སྟེ་ཉི་ཤུ་རྩ་ལྔ་པའོ།། །།ཆེ་མཆོག་ཡོན་ཏན་གྱི་ལྷ་ཚོགས་ཀྱི་སྔགས་བཤད་པ། ཨོཾ་ཤྲཱི་མ་ཧཱ་ཀྲོ་དྷ་ཧཱུཾ་ཕཊ། ཨོཾ་མ་ཧཱ་ཀྲོ་ཏཱི་ཤྭ་རཱི་ཧཱུཾ་ཕཊ། ཆེ་མཆོག་ཧེ་རུ་ཀ་ཡབ་ཡུམ་རྩ་བའི་སྔགས་སོ། །ཨོཾ་ཤྲཱི་མ་ཧཱ་རཀྴ་ཧེ་རུ་ཀ་ཧཱུཾ་ཕཊ། ཨོཾ་ཤྲཱི་མ་ཧཱ་གྷུ་ཧྱ་ཧེ་རུ་ཀ་ཧཱུཾ་ཕཊ། ཨོཾ་ཤྲཱི་མ་ཧཱ་བི་ཤྭ་ཧེ་རུ་ཀ་ཧཱུཾ་ཕཊ། ཨོཾ་ཤྲཱི་མ་ཧཱ་ཡག་ཤ་ཧེ་རུ་ཀ་ཧཱུཾ་ཕཊ།
རིགས་བཞི་ཡབ་ཀྱི་རྩ་བའི་སྔགས་སོ། །ཨོཾ་རཀྴ་ཀྲོ་དྷཱི་ཤྭ་རཱི་ཧཱུཾ་ཕཊ། ཨོཾ་གྷུ་ཧྱ་ཀྲོ་དྷཱི་ཤྭ་རཱི་ཧཱུཾ་ཕཊ། ཨོཾ་བི་ཤྭ་ཀྲོ་དྷཱི་ཤྭ་རཱི་ཧཱུཾ་ཕཊ། ཨོཾ་ཡཀ་ཤ་ཀྲོ་དྷཱི་ཤྭ་རཱི་ཧཱུཾ་ཕཊ། རིགས་བཞི་ཡུམ་གྱི་རྩ་བའི་སྔགས་སོ། །ཨོཾ་མ་ཧཱ་ཀྲོ་དྷ་གར་ཛ་གར་ཛ་ཧཱུཾ་ཕཊ། ཨོཾ་མ་ཧཱ་ཀྲོ་དྷ་ཧ་ན་ཧ་ན་ཧཱུཾ་ཕཊ། ཨོཾ་མ་ཧཱ་ཀྲོ་དྷ་ད་ཧ་ད་ཧ་ཧཱུཾ་ཕཊ། ཨོཾ་མ་ཧཱ་ཀྲོ་དྷ་པ་ཙ་པ་ཙ་ཧཱུཾ་ཕཊ། ཨོཾ་མ་ཧཱ་ཀྲོ་དྷ་བནྡྷ་བནྡྷ་ཧཱུཾ་ཕཊ། ཨོཾ་མ་ཧཱ་ཀྲོ་དྷ་ཧུ་ལུ་ཧུ་ལུ་ཧཱུཾ་ཕཊ། ཨོཾ་མ་ཧཱ་ཀྲོ་དྷ་ཏིཥྛ་ཏིཥྛ་ཧཱུཾ་ཕཊ། ཨོཾ་མ་ཧཱ་ཀྲོ་དྷ་ཚིནྡ་ཚིནྡ་ཧཱུཾ་ཕཊ། ཨོཾ་མ་ཧཱ་ཀྲོ་དྷ་བྷིནྡ་བྷིནྡ་ཧཱུཾ་ཕཊ། ཨོཾ་མ་ཧཱ་ཀྲོ་དྷ་སྥོ་ཊ་སྥོ་ཊ་ཧཱུཾ་ཕཊ། དྲེགས་པ་འདུལ་བ་ཁྲོ་བོ་བཅུའི་རྩ་བའི་སྔགས་སོ། །ཨོཾ་མ་ཧཱ་ཀྲོ་དྷ་ཡ་མཱན་ཏ་ཀྲྀཏ་ཧཱུཾ་ཕཊ།ཨོཾ་མ་ཧཱ་ཀྲོ་དྷ་པྲཛྙཱནྟ་ཀྲྀཏ་ཧཱུཾ་ཕཊ། ཨོཾ་མ་ཧཱ་ཀྲོ་དྷ་པདྨནྟ་ཀྲྀཏ་ཧཱུཾ་ཕཊ། ཨོཾ་བིགྷྣཱནྟ་ཀྲྀཏ་ཧཱུཾ་ཕཊ། ཏ་ཀྲྀཏ་སྒོ་བ་བཞིའི་རྩ་བའི་སྔགས་སོ། །ཆེ་མཆོག་ཡོན་ཏན་གྱི་ལྷ་ཚོགས་ཀྱི་རྩ་སྔགས་ཀྱི་ལེའུ་སྟེ་ཉི་ཤུ་རྩ་དྲུག་པའོ།། །།ཡང་དག་ཐུགས་ཀྱི་ལྷ་ཚོགས་ཀྱི་རྩ་སྔགས་བཤད་པ་ནི། ཨོཾ་བཛྲ་ཤྲཱི་ཧེ་རུ་ཀ་ཧཱུཾ་ཕཊ། ཨོཾ་བཛྲ་ཀྲོ་དྷཱི་ཤྭ་རཱི་ཧཱུཾ་ཕཊ། བཛྲ་ཧེ་རུ་ཀ་ཡབ་ཡུམ་རྩ་བའི་སྔགས་སོ། །ཨོཾ་བུདྡྷཱ་ཤྲཱི་ཧེ་རུ་ཀ་ཧཱུཾ་ཕཊ། ཨོཾ་རཏྣ་ཤྲཱི་ཧེ་རུ་ཀ་ཧཱུཾ་ཕཊ། ཨོཾ་པདྨ་ཤྲཱི་ཧེ་རུ་ཀ་ཧཱུཾ་ཕཊ། ཨོཾ་ཀརྨཱ་ཤྲཱི་ཧེ་རུ་ཀ་ཧཱུཾ་ཕཊ། རིགས་བཞི་ཁྲག་འཐུང་རྩ་བའི་སྔགས་སོ། །ཨོཾ་བུཌྜྷ་ཀྲོ་དྷཱི་ཤྭ་རཱི་ཧཱུཾ་ཕཊ། ཨོཾ་རཏྣ་ཀྲོ་དྷཱི་ཤྭ་རཱི་ཧཱུཾ་ཕཊ། ཨོཾ་པདྨ་ཀྲོ་དྷཱི་ཤྭ་རཱི་ཧཱུཾ་ཕཊ། ཨོཾ་ཀརྨ་ཀྲོ་དྷཱི་ཤྭ་རཱི་ཧཱུཾ་ཕཊ། ཁྲག་འཐུང་ཡུམ་བཞི་རྩ་བའི་སྔགས་སོ། །ཨོཾ་བཛྲ་གཽ་རཱི་ཧཱུཾ་ཕཊ། ཨོཾ་བཛྲ་ཙཽ་རཱི་ཧཱུཾ་ཕཊ། ཨོཾ་བཛྲ་པྲ་མོ་ཧཱ་ཧཱུཾ་ཕཊ། ཨོཾ་བཛྲ་བཻ་ཏ་ལཱི་ཧཱུཾ་ཕཊ། ཨོཾ་བཛྲ་པུཀྐ་སཱི་ཧཱུཾ་ཕཊ། ཨོཾ་བཛྲ་གྷས་མ་རཱི་ཧཱུཾ་ཕཊ།ཨོཾ་བཛྲ་སྨ་ཤ་ནཱི་ཧཱུཾ་ཕཊ། ཨོཾ་བཛྲ་ཙནྜ་ལཱི་ཧཱུཾ་ཕཊ། གཽ་རཱི་བརྒྱད་ཀྱི་རྩ་བའི་སྔགས་སོ། །ཨོཾ་བཛྲ་སེང་ཧ་མུ་ཁཱི་ཧཱུཾ་ཕཊ། ཨོཾ་བཛྲ་བྱཱ་གྷྲ་མུ་ཁཱི་ཧཱུཾ་ཕཊ། ཨོཾ་བཛྲ་ཤྲཱི་གཱ་ལ་མུ་ཁཱི་ཧཱུཾ་ཕཊ། ཨོཾ་བཛྲ་ཤྭ་ནཱ་མུ་ཁཱི་ཧཱུཾ་ཕཊ། ཨོཾ་བཛྲ་གྲྀཌྜྷ་མུ་ཁཱི་ཧཱུཾ་ཕཊ། ཨོཾ་བཛྲ་ཀང་ཀ་མུ་ཁཱི་ཧཱུཾ་ཕཊ། ཨོཾ་བཛྲ་ཀཱ་ཀ་མུ་ཁཱི་ཧཱུཾ་ཕཊ། ཨོཾ་བཛྲ་ཨུ་ལཱུ་ཀ་མུ་ཁཱི་ཧཱུཾ་ཕཊ། ཕྲ་མེན་བརྒྱད་ཀྱི་རྩ་བའི་སྔགས་སོ། །ཨོཾ་བཛྲ་ཨཱརྱ་ཏེ་ཛ་ཏིང་ཛཿ། ཨོཾ་བཛྲ་ཨ་མུ་ཁེ་ཧཱུཾ། ཨོཾ་བཛྲ་ལོ་ཀ་བཾ། ཨོཾ་བཛྲ་བྷསྨི་ན་པ་ལ་ཡ་བ་ཏུ་ཧོ། སྒོ་བ་བཞིའི་རྩ་བའི་སྔགས་སོ། །
ཡང་དག་ཐུགས་ཀྱི་རྩ་བའི་སྔགས་ཀྱི་ལེའུ་སྟེ་ཉི་ཤུ་རྩ་བདུན་པའོ།། །།དེ་ནས་འཇམ་དཔལ་སྐུའི་ལྷ་ཚོགས་ཀྱི་སྔགས་བཤད་པ། ཨོཾ་ཨ་ཀྲོ་ཏེ་ཀ་ཧཱུཾ་ཕཊ། ཨོཾ་བེ་ཏ་ལཱི་རཀྴ་མཉྫུ་ཧཱུཾ་བྷྱོ་ཧཱུཾ། ཨོཾ་ཨེ་ཀ་ཛ་ཊཱི་ཏྲག་རག་ཤ་མུ་ཏྲ། སྙིང་ཁ་རཀ །རུ་ལུ་རུ་ལུ་བྷྱོ། འཇམ་དཔལ་གཤིན་རྗེ་གཤེད་པོ་ཡབ་ཡུམ་རྩ་བའི་སྔགས་སོ། །ཨོཾ་ཡ་མ་རཱ་ཛ་ཏི་ཐ་ལི་ཧཱུཾ་ཕཊ། ཨོཾ་ཡ་མ་རཱ་ཛ་པྲེ་ཏ་བྱི་ཏྲི་ཏི་བཾ་མ་ར་ཏ་ཀ་ཧཱུཾ་ཕཊ། ཨོཾ་ཡ་མ་རཱ་ཛ་པྲེ་ཏེ་ཛྭ་ལ་ཧཱུཾ་ཕཊ། ཨོཾ་ཡ་མ་རཱ་ཛ་ཀ་མ་ཀྴེ་པྲེ་ཏོ་ཀ་ཧཱུཾ་ཕཊ། གཤེད་བཞི་ཡབ་ཀྱི་རྩ་བའི་སྔགས་སོ། །ཨོཾ་རག་མོ་རག་མོ་སྙིང་རྩ་ཤ་ལ་མ་བྷྱོ། ཨོཾ་རག་མོ་རག་མོ་ཁྲག་ལ་མུ་ཤ་མ་བྷྱོ། ཨོཾ་རག་མོ་རག་མོ་ཏིང་ལཾ་མ་བྷྱོ། ཨོཾ་རག་མོ་རག་མོ་ཏིང་ཏིང་ཀ་ལ་མ་བྷྱོ། གཤེད་བཞི་སྦྱོར་བ་ཡུམ་གྱི་སྔགས་སོ། །ཨོཾ་ཏེ་ན་ཏེ་བྱིང་ཧཱུཾ། ཨོཾ་ཡ་མ་ན་དེ་བྱི་ཧཱུཾ། ཨོཾ་ཡ་མ་ན་ག་ཏེ་བྱི་ཧཱུཾ།ཨོཾ་ཁ་རག་དི་བྱི་ཧཱུཾ། གཤེད་བཞི་སྒྲོལ་པ་ཡུམ་གྱི་སྔགས་སོ། །ཨོཾ་ཡ་མ་བཛྲ་ཀྲོ་ཏ་རག་ཤ་ཧཱུཾ་ཕཊ། ཨོཾ་ཡ་མ་ཤྲཱི་ཏི་ཧཱུཾ་ཕཊ། ཨོཾ་ཡ་མ་མ་ཧཱ་པ་ཏ་ཧཱུཾ་ཕཊ། ཨོཾ་ཡ་མ་ཧྲི་ཀུ་རུ་ཧཱུཾ་ཕཊ། ཨོཾ་ཡ་མ་པ་ཏི་ཧཱུཾ་ཕཊ། ཨོཾ་ཡ་མ་ཨཱརྱ་ད་ར་ཧཱུཾ་ཕཊ། ཨོཾ་ཡ་མ་རག་ཤ་ཧཱུཾ་ཕཊ། ཨོཾ་ཡ་མ་སརྦ་པ་ཏ་ཧཱུཾ་ཕཊ། ཨོཾ་ཡ་མ་ཨ་སྨྲི་རམ་ཧཱུཾ་ཕཊ། ཨོཾ་མ་དན་རི་ཙ་ཧཱུཾ་ཕཊ། ཨོཾ་ཡ་མ་དེ་བ་རཾ་ཧཱུཾ་ཕཊ། ཨོཾ་ཡ་མ་ཧྲི་དི་བཾ་ཧཱུཾ་ཕཊ།ཕྱོགས་སྐྱོང་བཅུ་གཉིས་རྩ་བའི་སྔགས་སོ། །ཨོཾ་མ་མ་རུ་ལུ་རུ་ལུ་བྷྱོ། ཨོཾ་རག་མོ་རག་ཤ་རུ་ལུ་བྷྱོ། ཨོཾ་ཡག་མོ་རུ་ལུ་བྷྱོ། ཨོཾ་ཡ་མ་རག་ཤ་ཧྲི་ཏི་སྙིང་རུ་ལུ་བྷྱོ། ཨོཾ་མ་མ་རག་ཤ་རུ་ལུ་བྷྱོ། ཨོཾ་རག་མོ་ཏ་ན་རུ་ལུ་བྷྱོ། ཨོཾ་མ་མ་ནཱ་ག་རུ་ལུ་བྷྱོ། ཨོཾ་བ་ཡ་དེ་བ་རུ་ལུ་བྷྱོ། ཨོཾ་ཡག་མོ་རུ་ལུ་རུ་ལུ་བྷྱོ། ཨོཾ་མ་མ་བཛྲ་རུ་ལུ་བྷྱོ། ཨོཾ་ཨེ་ཀ་རག་མོ་རུ་ལུ་བྷྱོ། ཨོཾ་ཀ་ལཱི་རཀ་མོ་རུ་ལུ་བྷྱོ། ཕྱོགས་སྐྱོང་ཡབ་ཡུམ་རྩ་བའི་སྔགས་སོ། །ཨོཾ་ཡ་མ་ཨ་ཀུ་ཤ་ཛཿ། ཨོཾ་ཡ་མ་པཱ་ཤ་ཧཱུཾ། ཨོཾ་ཡ་མ་སྥོ་ཊ་བཾ། ཨོཾ་ཡ་མ་གྷཎྜ་ཧོཿ། གཤིན་རྗེ་སྒོ་བ་བཞིའི་སྔགས་སོ། །འཇམ་དཔལ་སྐུའི་ལྷ་ཚོགས་ཀྱི་རྩ་བའི་སྔགས་
བསྟན་པའི་ལེའུ་སྟེ་ཉི་ཤུ་རྩ་བརྒྱད་པའོ།། །།པདྨ་གསུང་གི་ལྷ་ཚོགས་ཀྱི་སྔགས་བསྟན་པ། ཨོཾ་བཛྲ་མ་ཧཱ་ཀྲོ་དྷ་ཧ་ཡ་གྲཱི་ཝ་ཧུ་ལུ་ཧུ་ལུ་ཧཱུཾ་ཕཊ། ཨོཾ་ཨེ་ཀ་ཛ་ཊཱི། གུ་ཧྱ་ཡ་སིདྡྷི་ས་མ་ཡ་བྷྱོཿཛ། ཨོཾ་བཛྲ་ཀྲོ་དྷ་པ་ཙ་ལ་མུ་ཁ་ཧཱུཾ་ཛ། ཨོཾ་བཛྲ་པག་ཤུ་ཏ་མུ་ཁ་ཧཱུཾ་ཛ། པདྨ་དབང་ཆེན་ཡབ་ཡུམ་སྲས་དང་ལྷ་བཞིའི་སྔགས། ཨོཾ་པདྨ་ཀྲོ་ཏ་ཧ་ན་ཧ་ན་ཧཱུཾ་ཕཊ། ཨོཾ་བཛྲ་མ་ཧཱ་ཀྲོ་ཏ་ད་ཧ་ད་ཧ་ཧཱུཾ་ཕཊ། ཨོཾ་པདྨ་ཀྲོ་ཏ་པ་ཙ་པ་ཙ་ཧཱུཾ་ཕཊ། ཨོཾ་པདྨ་ཀྲོ་ཏ་བྷིནྡ་བྷིནྡ་ཧཱུཾ་ཕཊ། ཨོཾ་པདྨ་ཀྲོ་ཏ་བནྡྷ་བནྡྷ་ཧཱུཾ་ཕཊ། ཨོཾ་པདྨ་ཀྲོ་ཏ་ཚིནྡ་ཚིནྡ་ཧཱུཾ་ཕཊ། ཨོཾ་པདྨ་ཀྲོ་ཏ་གརྫ་གརྫ་ཧཱུཾ་ཕཊ། ཨོཾ་པདྨ་ཀྲོ་ཏ་སྥོ་ཊ་སྥོ་ཊ་ཧཱུཾ་ཕཊ། ཟིལ་གནོན་ཁྲོ་བོ་བརྒྱད་ཀྱི་སྔགས་སོ། །ཨོཾ་གུ་ཧྱ་ཀྲོ་དྷཱི་ཧཱུཾ། ཨོཾ་ཛྙཱ་ན་ཀྲོ་དྷཱི་ཧཱུཾ། ཨོཾ་རཱ་ག་ཀྲོ་དྷཱི་ཧཱུཾ། ཨོཾ་ཙི་ཏ་ཀྲོ་དྷཱི་ཧཱུཾ། ཨོཾ་བཛྲ་ཀྲོ་དྷཱི་ཧཱུཾ། ཨོཾ་ཡ་མ་ཀྲོ་དྷཱི་ཧཱུཾ། ཨོཾ་ནཱ་ག་ཀྲོ་དྷཱི་ཧཱུཾ། ཨོཾ་ཡག་མོ་ཀྲོ་དྷཱི་ཧཱུཾ། ཟིལ་གནོན་ཁྲོ་མོ་བརྒྱད་ཀྱི་སྔགས་སོ། །ཤྲཱི་བཛྲ་ཨཾ་ཀུ་ཤ་ཛཿ། ཧྲཱྀཿབཛྲ་པཱ་ཤ་ཧཱུཾ། ཧྲཱྀཿབཛྲ་སྥོ་ཊ་བཾ། ཧྲཱྀཿབཛྲ་གྷཎྜ་ཧོཿ།) དབང་ཆེན་སྒོ་བ་བཞིའི་སྔགས་སོ། །དབང་ཆེན་ལྷ་ཚོགས་རྩ་སྔགས་བསྟན་པའི་ལེའུ་སྟེ་ཉི་ཤུ་རྩ་དགུ་པའོ།། །།ཕུར་པ་ཕྲིན་ལས་ཀྱི་སྔགས་བཤད་པ། ཨོཾ་བཛྲ་ཀཱི་ལི་ཀཱི་ལཱ་ཡ་ཤྲཱི་ཀུ་མཱ་ར་ཧཱུཾ་ཕཊ། ཨོཾ་ཏིཔྟ་ཙཀྲ་རུ་ལུ་རུ་ལུ་བྷྱོ། རྡོ་རྗེ་གཞོན་ནུ་ཡབ་ཡུམ་རྩ་བའི་སྔགས་སོ། །ཨོཾ་བུཌྜྷ་ཀཱི་ལ་ཡ་ཧཱུཾ་ཕཊ། ཨོཾ་རཏྣ་ཀཱི་ལ་ཡ་ཧཱུཾ་ཕཊ། ཨོཾ་པདྨ་ཀཱི་ལ་ཡ་ཧཱུཾ་ཕཊ།ཨོཾ་ཀརྨ་ཀཱི་ལ་ཡ་ཧཱུཾ་ཕཊ། སྲས་མཆོག་རིགས་བཞི་རྩ་བའི་སྔགས་སོ། །ཨོཾ་བཛྲ་ཀྲོ་དྷ་ཧཱུཾ་ཀཱ་ར་ཧཱུཾ་ཕཊ། ཨོཾ་བཛྲ་ཀྲོ་དྷ་བི་ཛ་ཡ་ཧཱུཾ་ཕཊ། ཨོཾ་བཛྲ་ཀྲོ་དྷ་ནཱི་ལ་དཎྜ་ཧཱུཾ་ཕཊ། ཨོཾ་བཛྲ་ཀྲོ་དྷ་ཡ་མཱན་ཏ་ཀ་ཧཱུཾ་ཕཊ། ཨོཾ་བཛྲ་ཀྲོ་དྷ་ཨཱརྱ་ཨ་ཙ་ལ་ཧཱུཾ་ཕཊ།ཨོཾ་བཛྲ་ཀྲོ་དྷ་ཧ་ཡ་གྲཱི་ཝ་ཧཱུཾ་ཕཊ། ཨོཾ་བཛྲ་ཀྲོ་དྷ་ཨ་པ་ར་ཛི་ཏ་ཧཱུཾ་ཕཊ། ཨོཾ་བཛྲ་ཀྲོ་དྷ་ཨ་མྲྀ་ཏ་ཀུཎྜ་ལི་ཧཱུཾ་ཕཊ། ཨོཾ་བཛྲ་ཀྲོ་དྷ་ཏྲཻ་ལོཀྱ་བི་ཛ་ཡ་ཧཱུཾ་ཕཊ། ཨོཾ་བཛྲ་ཀྲོ་དྷ་མ་ཧཱ་བ་ལ་ཧཱུཾ་ཕཊ། ཁྲོ་བོ་ཡབ་བཅུའི་རྩ་བའི་སྔགས་སོ། །ཨོཾ་བཛྲ་ཀྲོ་དྷཱི་ར་བ་
ཡ་ཏཱི་ཧཱུཾ། ཨོཾ་བཛྲ་ཀྲོ་དྷཱི་ལཱ་སེ་ཀི་ཧཱུཾ། ཨོཾ་བཛྲ་ཀྲོ་དྷཱི་ཎ་ན་པ་ཏཱ་ཏཱ་ཡང་ཏཱི་ཧཱུཾ། ཨཱོཾ་བཛྲ་ཀྲོ་དྷཱི་ཤྨ་ཤ་ན་བ ཨྟ་ཧཱུཾ། ཨོཾ་བཛྲ་ཀྲོ་དྷཱི་མུ་ས་ལ་ཧཱུཾ། ཨོཾ་བཛྲ་ཀྲོ་དྷཱི་ཙཎྜ་ལི་ཧཱུཾ། ཨོཾ་བཛྲ་ཀྲོ་དྷཱི་ས་བྱཱ་ཏི་ཧཱུཾ། ཨོཾ་བཛྲ་ཀྲོ་དྷཱི་ས་བྱཱ་མི་ཏ་ཧཱུཾ། ཨོཾ་བཛྲ་ཀྲོ་དྷཱི་མཱ་ར་ཎ་ཧཱུཾ། ཨོཾ་བཛྲ་ཀྲོ་དྷཱི་ཙུནྡ་ཡ་ཏཱི་ཧཱུཾ། ཁྲོ་མོ་བཅུའི་རྩ་སྔགས་སོ། །ཨོཾ་བཛྲ་སཱུ་ཀ་ར་མུ་ཁ་ཧཱུཾ། ཨོཾ་བཛྲ་བྱཱ་གྷྲ་མུ་ཁ་ཧཱུཾ། ཨོཾ་བཛྲ་ཙ་མ་ར་མུ་ཁ་ཧཱུཾ། ཨོཾ་བཛྲ་ཧ་རི་ཎ་མུ་ཁ་ཧཱུཾ། ཨོཾ་བཛྲ་དི་པཱི་མུ་ཁ་ཧཱུཾ། ཨོཾ་བཛྲ་པག་ཤུ་མུ་ཁ་ཧཱུཾ། ཨོཾ་བཛྲ་ཤྭ་ན་མུ་ཁ་ཧཱུཾ། ཨོཾ་བཛྲ་སེངྷ་མུ་ཁ་ཧཱུཾ། ཨོཾ་བཛྲ་ཏ་རཀྵུ་མུ་ཁ་ཧཱུཾ། ཨོཾ་བཛྲ་རཀྵ་མུ་ཁ་ཧཱུཾ། ཟ་བྱེད་ཕ་བཅུའི་སྔགས་སོ། །ཨོཾ་ཨུ་སི་ཀ་ཨི་ཥུ་བ་ཡང་མུ་ཁཱི་ཧཱུཾ། ཨོཾ་བཛྲ་གྲྀཌྷ་མུ་ཁཱི་ཧཱུཾ། ཨོཾ་བཛྲ་ཀཱ་ཀ་མུ་ཁཱི་ཧཱུཾ། ཨོཾ་བཛྲ་ཨུ་ལཱུ་ཀ་མུ་ཁཱི་ཧཱུཾ། ཨོཾ་བཛྲ་བཱ་ཡ་ས་མུ་ཁཱི་ཧཱུཾ། ཨོཾ་བཛྲ་པཀྵ་ཏི་མུ་ཁཱི་ཧཱུཾ། ཨོཾ་བཛྲ་པ་ཏྲཱི་མུ་ཁཱི་ཧཱུཾ། ཨོཾ་བཛྲ་ཏི་ཏཱི་ལ་མུ་ཁཱི་ཧཱུཾ། ཨོཾ་བཛྲ་ན་ཀུ་ལ་མུ་ཁཱི་ཧཱུཾ། ཨོཾ་བཛྲ་མཱུ་ཥི་ཀ་མུ་ཁཱི་ཧཱུཾ། གསོད་བྱེད་མ་བཅུའི་རྩ་བའི་སྔགས་སོ། །ཨོཾ་བཛྲ་ཡག་ཤ་ཏ་ཧཱུཾ། ཨོཾ་བཛྲ་པ་ཡ་བེ་ཧཱུཾ། ཨོཾ་བཛྲ་བ་ཡ་ཏ་ཧཱུཾ། ཨོཾ་བཛྲ་མ་ར་ཎ་ཧཱུཾ། སྒོ་བ་བཞིའི་རྩ་སྔགས་སོ། །ཕུར་པ་ཕྲིན་ལས་ཀྱི་སྔགས་ཀྱི་ལེའུ་སྟེ་སུམ་ཅུ་པའོ།། །།མ་མོ་རྦོད་གཏོང་གི་ལྷ་ཚོགས་ཀྱི་སྔགས་བཤད་པ། ཧཱུཾ་བཛྲ་ཤྲཱི་ཧེ་རུ་ཀ་ཧཱུཾ་ཨ་ཨ། ཨོཾ་ཉི་བཞི་མུ་ཁ་ལེ་ཀྲོ་དྷཱི་ཤྭ་རཱི་བྷ་ག་པདྨ་རྒྱ། བདེ་ཀློང་འདུས་འདུས་ན་སྙིང་ཟ་ཤ་ཡུ་ཏི་ནི་ཧཱུཾ་བྷྱོ་ཛཿཛཿ། བླ་མེད་ཧེ་རུ་ཀ་ཡབ་ཡུམ་རྩ་བའི་སྔགས་སོ། །འགྲི་པ་མུ་ཧཱུཾ་ཧཱ། ཛྭ་ལ་རམ་པ་ཧ། བྷི་ཤ་སན་ཏི་ཧ། བྷི་ཡང་ཡང་ཏེ་ཧ། མ་ཧཱ་ལི་ཏེ་ཧ། རྟག་པའི་རྒྱལ་མོ་ལྔའི་རྩ་སྔགས་སོ། །ཨོཾ་བཛྲ་ཀྲོ་དྷཱི་ཤྭ་རཱི་བྷ་ག་པདྨ་རྒྱ་ཧཱུཾ་ཧཱུཾ། ཨོཾ་བཛྲ་ཤན་ཏི་པདྨ་ག་རུ་ཏི་བྷྱོ། ཨོཾ་མུ་ཏྲི་ཎི་བྷྱོ། ཨོཾ་ཤན་ཏྲི་ཎི་བྷྱོ།བ་ག་དུན་ཏྲི་ཎི་བྷྱོ། ཁ་མུན་དན་ཏྲི་ཎི་བྷྱོ། ཨོཾ་བཛྲ་སཱུརྻ་བི་ཏོ་ཨ་ཏོ་ཡེ། ཨོཾ་པདྨ་བི་ཏོ་ཨ་ཏོ་ཡེ། ཨོཾ་བཛྲ་ཁ་རག་བི་ཏོ་ཨ་ཏོ་ཡེ། ཨོཾ་བཛྲ་སྲིང་འགྲོ་བི་ཏོ་ཨ་ཏོ་ཡེ། ཨོཾ་བཛྲ་ཨ་ཀེ་མ་ཨ་ཀེ་བྷྱོ། ཨོཾ་བཛྲ་
ཏ་ཀེ་མ་ཏ་ཀེ་བྷྱོ། ཨོཾ་བཛྲ་ནི་ལ་ནི་ལ་བྷྱོ། ཨོཾ་བཛྲ་ལན་ཏ་ལན་ཏ་བྷྱོ། ཡེ་ཤེས་ཀྱི་རྗེ་མོ་བཅུ་བཞིའི་རྩ་བའི་སྔགས་སོ། །ཨོཾ་བཛྲ་ཟངས་འདྲ་མུ་ར་ཤྭ། བཛྲ་ཁ་རག་སྙིང་ཁ་རག་བྷྱོ། ཏྲག་རག་ཤ་བྷྱོ།ཏྲག་རག་ཤ་མུནྟྲ་བན་ཁ་མུན་ཏྲ་བ་རག་ཤ་བྷྱོ། པྲ་ག་ར་ཏི་ཏ་བྷྱོ། པྲ་གྷི་ཝིང་གི་ཤ་བྷྱོ། བྷྱོ་ཧཱུཾ་ཀ་རི་ཀ །བ་རོ་དད་རོ་ད་ནི་ལ་ཆུ་མཾ་ཏ། ཁ་ཏིང་ཁ། ད་ལ་ཙ་ལ། པདྨ་ཙན་ད། མ་བུར་རག་ཏོ། དིང་པཾ་དིང་པཾ། ཨེ་ཨཱ་རལླི། ནུ་བྱི་རུ་ལུ་རུ་ལུ་བྷྱོ། ཏྲག་རག་ཤ་ཏྲག་ཤ་བྷྱོ། ཨ་ཏི་བྷྱོ། བྱི་ཏིཾ་བྷྱོ། བུ་ཏིང་བྷྱོ། མུ་ཏིང་བྷྱོ། ཤན་ཏིང་བྷྱོ། དུན་ཏིང་བྷྱོ། ཧར་ཏིང་བྷྱོ། གྲུབ་ཏིང་བྷྱོ། ཏི་པ་བྷྱོ། ཨ་པ་ར་ཏ་ལ་བྷྱོ། དལ་དུ་ལ་བྷྱོ། དི་ལ་མ་མ་ཡམས་བྷྱོ། སྲིད་པ་སྨན་མོའི་རྩ་སྔགས་སོ། །མ་མོ་རྦོད་གཏོང་གི་ལྷ་ཚོགས་ཀྱི་སྔགས་ཀྱི་ལེའུ་སྟེ་སུམ་ཅུ་སོ་གཅིག་པའོ།། །།དེ་ནས་སློབ་དཔོན་རིག་འཛིན་གྱི་སྔགས་བཤད་པ། ཨོཾ་བཛྲ་གུ་རུ་ཧཱུཾ། ཨོཾ་རཏྣ་གུ་རུ་ཧཱུཾ། ཨོཾ་པདྨ་གུ་རུ་ཧཱུཾ། ཨོཾ་ཀརྨ་གུ་རུ་ཧཱུཾ། ཨོཾ་བཛྲ་ཡོ་གི་ནཱི་ཧཱུཾ། ཨོཾ་རཏྣ་ཡོ་གི་ནཱི་ཧཱུཾ། ཨོཾ་པདྨ་ཡོ་གི་ནཱི་ཧཱུཾ། ཨོཾ་ཀརྨ་ཡོ་གི་ནཱི་ཧཱུཾ། རིག་འཛིན་བརྒྱད་ཀྱི་རྩ་བའི་སྔགས་སོ། །རིག་འཛིན་རྩ་སྔགས་ཀྱི་ལེའུ་སྟེ་སུམ་ཅུ་རྩ་གཉིས་པའོ།། །།དེ་ནས་འཇིག་རྟེན་གྱི་ལྷ་ཚོགས་ཀྱི་སྔགས་བཤད་པ། ཨོཾ་བཛྲ་ཙཎྜ་སརྦ་དུཥྚཱན་ཧཱུཾ་ཕཊ། དྲེགས་པ་ཀུན་འདུལ་ཡབ་ཡུམ་གྱི་རྩ་སྔགས་སོ། །ཨོཾ་མ་ཧཱ་དེ་བ་ཨེ་ཛཿབྷྱོ། ཨུ་མ་དེ་བ་ཨེ་ཛཿབྷྱོ། ཡ་མ་ཡ་ཛཿབྷྱོ། ཡ་མན་དན་ཏི་ཡ་ཛཿབྷྱོ།དུ་ཁྲག་དུ་ཛཿབྷྱོ། དུན་ཏིང་དུ་ཛཿབྷྱོ། རཀྴ་རཱ་ཛཿབྷྱོ། རཀྨོ་ར་ཛཿབྷྱོ། ཡཀྵ་ཀྵ་ཛཿབྷྱོ། ཡག་མོ་ཀྵ་ཛཿབྷྱོ། རཱ་ཧུ་ལ་པ་ཙ་བྷྱོ། ཨ་སེ་ལ་ཨ་ཛཿབྷྱོ། ནཱ་ག་ཕུ་ཛཿབྷྱོ། ནཱ་ག་ཀྲོ་ཏཱི་ཤྭ་རཱི་ཕུ་ཛཿབྷྱོ། དེ་བ་ཨ་ཛཿབྷྱོ། ཏྲི་པ་ཤ་ལི་ཏྲི་ཛཿབྷྱོ།ཏིག་སྣ་འདྲེ་རུ་མ་རྩམ་ཛཿབྷྱོ། མ་མ་རུ་ལུ་མ་ཛཿབྷྱོ། ཨེ་ཀ་ཛ་ཏི་ཏྲག་ཛཿབྷྱོ།) དྷ་ཀི་ནི་ལ་མ་བ་བྷྱོ། རུ་ཏྲ་ནྲྀ་ཛཿབྷྱོ། ཨ་བི་ཤུ་ཀྵུ་ཛཿབྷྱོ། ཧཾ་ཤི་ཏྲི་ཛཿབྷྱོ། བི་ནཱ་ཡ་ག་ཨུ་ཛཿ
བྷྱོ། ཏིར་ཐི་ཀ་ཐ་ཛཿབྷྱོ། མུན་མུན་པ་ཛཿབྷྱོ། གིང་ཀ་ར་ཏྲི་ཛཿབྷྱོ། རཱ་ཙ་ཙ་ཛཿབྷྱོ། བཛྲ་སཱ་དྷུ་ཏྲི་ཛཿབྷྱོ། མ་ཧཱ་ཀཱ་ལ་ཤྲཱི་ཛཿབྷྱོ། འཇིག་རྟེན་མཆོད་བསྟོད་ཀྱི་ལྷ་ཚོགས་ཀྱི་སྔགས་ཀྱི་ལེའུ་སྟེ་སོ་གསུམ་པའོ།། །།དེ་ནས་དམོད་པ་དྲགས་སྔགས་ཀྱི་ལྷ་ཚོགས་ཀྱི་སྔགས་བཤད་པ། ཨོཾ་བཛྲ་སརྦ་དུགྒཾན་ཧཱུཾ་ཕཊ། སྟོབས་ལྡན་ནག་པོ་ཡབ་ཡུམ་རྩ་སྔགས་སོ། །ས་མ་ཡ་ཙིཏྟ་ཧྲིཾ་ཧྲིཾ་ཛ། དུ་ཕྲག་ཏུ་ཙིཏྟ་ཧྲིཾ་ཧྲིཾ་ཛ། དུན་ཏིང་དུ་ཙིཏྟ་ཧྲིཾ་ཧྲིཾ་ཛ། རཀྴ་ཙིཏྟ་ཧྲིཾ་ཧྲིཾ་ཛ། རཀྨོ་ར་ཙིཏྟ་ཧྲིཾ་ཧྲིཾ་ཛ། ཡག་ཤ་ཀྵ་ཙིཏྟ་ཧྲིཾ་ཧྲིཾ་ཛ། ཡག་མོ་ཀྵ་ཙིཏྟ་ཧྲིཾ་ཧྲིཾ་ཛ། དེ་བ་ཨ་ཙིཏྟ་ཧྲིཾ་ཧྲིཾ་ཛ། རུ་ཏྲ་ནི་ཙིཏྟ་ཧྲིཾ་ཧྲིཾ་ཛ། མུན་པ་མུན་པ་ཙིཏྟ་ཧྲིཾ་ཧྲིཾ་ཛ། ཏི་ར་ཐི་ཀ་ཐ་ཙིཏྟ་ཧྲིཾ་ཛ་ཧྲིཾ་ཛ། རཱ་ཧུ་ལ་པ་ཙིཏྟ་ཧྲིཾ་ཧྲིཾ་ཛ། ནཱ་ག་ཕུ་ཙིཏྟ་ཧྲིཾ་ཧྲིཾ་ཛ། རཱ་ཛ་ཙ་ཙ་ཙིཏྟ་ཧྲིཾ་ཧྲིཾ་ཛ། ཧཾ་ཤ་མ་ཏྲི་ཙིཏྟ་ཧྲིཾ་ཧྲིཾ་ཛ། བཛྲ་སཱ་དྷུ་ཙིཏྟ་ཧྲིཾ་ཧྲིཾ་ཛ། ཡ་མ་ཏྲི་ཤུ་ཙིཏྟ་ཧྲིཾ་ཧྲིཾ་ཛ། དམོད་པ་དྲག་སྔགས་ཀྱི་སྔགས་ཀྱི་ལེའུ་སྟེ་སུམ་ཅུ་སོ་བཞི་པའོ།། །།དེ་ནས་དཔལ་གྱི་བཀའ་སྡོད་ཀྱི་ལྷ་ཚོགས་རྣམས་ཀྱི་རྩ་སྔགས་ལ། མ་ནུ་རཀྵ་སཱི་བྷྱོ། བྲཧྨ་ཎཱི་བྷྱོ། རོའུ་ཧྲཱྀ་བྷྱོ། པེ་ཥྞ་བེ་བྷྱོ། ཀུ་མཱ་རཱི་མ་རི་བྷྱོ། ཨིནྡྲ་ཎཱི་བྷྱོ། པིཾ་ག་ལཾ་བྷྱོ། ཨ་མྲྀ་ཏ་བྷྱོ། སོའུ་མུ་བྷྱོ། དནྜ་དཾ་བྷྱོ། རཀྵ་སཱི་བྷྱོ། བཀྵ་སཱི་བྷྱོ། ར་ཏི་བཛྲ་བྷྱོ། རུ་དྷི་རེ་མ་ཏྟཱ་བྷྱོ། ཨེ་ཀ་ཙ་རཱི་ཎཱི་བྷྱོ། མ་ནོ་ཧ་རཾ་བྷྱོ། སིདྡྷི་ཀཾ་བྷྱོ། བཱ་ཡ་བཱི་བྷྱོ། མ་ཧཱ་མཱ་ར་ཎཱ་བཛྲ་བྷྱོ། ཨ་བྷྱོ། བ་ར་ཧཱི་བྷྱོ། ཙ་མུཎྜཱི་བྷྱོ། པུ་ཏ་ནཾ་བྷྱོ། བ་རུ་ཎཾ་བྷྱོ། མ་ཧཱ་ཀཱ་ལཱི་བྷྱོ། ཙ་ཀཱ་ལ་བྷྱོ། ཀུམྦྷ་ཀརྞ་བྷྱོ།ལམྦོ་ད་ར་བྷྱོ། དབང་ཕྱུག་ཉི་ཤུ་རྩ་བརྒྱད་ཀྱི་སྔགས་སོ། །བཛྲ་ཌཱ་ཀི་ནཱི་བྷྱོ།རཏྣ་ཌཱ་ཀི་ནཱི་བྷྱོ། པདྨ་ཌཱ་ཀི་ནཱི་བྷྱོ། ཀརྨ་ཌཱ་ཀི་ནཱི་བྷྱོ། མཁའ་འགྲོ་མ་སུམ་ཅུ་རྩ་གཉིས་ཀྱི་སྔགས་སོ། །བཛྲ་ཀིངྈ་ར་བྷྱོ། རཏྣ་ཀིངྈ་ར་བྷྱོ། པདྨ་ཀིངྈ་ར་བྷྱོ།ཀརྨ་ཀིངྈ་ར་བྷྱོ། གིང་ཕོ་བཅོ་བརྒྱད་ཀྱི་སྔགས་སོ། །ཛྭ་ལ་འདི་མན་མ་ཕྱི་སོར་བཞག སཱུརྱུ་བྷྱོ། ཛྭ་ལ་ཨ་བྷྱོ། ཛྭ་ལ་ཡ་མཱ་བྷྱོ། ཛྭ་ལ་ཀྲོ་དྷཱི་བྷྱོ། ཛྭ་ལ་བྷ་རཱ་བྷྱོ། ཛྭ་ལ་ཡ་མ་ཏི་ཙྲོ་བྷྱོ། ཛྭ་ལ་ཡཀྵ་ག་རུ་ཌ་མ་བྷྱོ། ཛྭ་ལ་ཡཀྴ་བཱ་རུ་ཎཱ་བྷྱོ། འབར་མ་བརྒྱད་ཀྱི་
སྔགས་སོ། །མ་མ་བྷྱོ། རོད་རོད་བྷྱོ། མ་མ་ནི་ལ་ཆུ་མི་ཏ་བྷྱོ། མ་མ་ཁ་ཊྭཱྃ་ག་བྷྱོ། མ་མ་དྷ་ལ་ཙ་ལ་བྷྱོ། མ་མ་པདྨ་ཙན་དྷ་བྷྱོ། མ་མ་བུ་ར་ག་ཏ་བྷྱོ། མ་མ་དེང་སཾ་དེང་སཾ་བྷྱོ། མ་མ་བདུན་གྱི་སྔགས་སོ། །མ་མ་བྷྱོ། མ་མ་བྷྱོ། མ་མ་བྷྱོ། མ་མ་བྷྱོ། སྲིང་མོ་བཞིའི་སྔགས་སོ། །བཛྲ་རཀྑ་སཱི་བྷྱོ། རཏྣ་རཀྑ་སཱི་བྷྱོ། པདྨ་རཀྑ་སཱི་བྷྱོ། ཀརྨ་རཀྑ་སཱི་བྷྱོ། ལང་ཀ་གྲུབ་པ་བཅོ་བརྒྱད་ཀྱི་སྔགས་སོ། །བཛྲ་ལས་ལ་བྷྱོ། རཏྣ་ལས་ལ་བྷྱོ། པདྨ་ལས་ལ་བྷྱོ། ཀརྨ་ལས་ལ་བྷྱོ།ཕོ་ཉ་དྲུག་ཅུ་རྩ་བཞིའི་སྔགས་སོ། །ཨིནྡྲ་མ་མ་བྷྱོ། ཨགྣི་མ་མ་བྷྱོ། ཡ་མ་མ་བྷྱོ། རག་ཤ་མ་མ་བྷྱོ། ནཱ་ག་མ་མ་བྷྱོ། བ་ཡ་བེ་མ་མ་བྷྱོ། ཡག་ཤ་མ་མ་བྷྱོ། ཨཱིཾ་ཤ་མ་མ་བྷྱོ། དེ་བ་མ་མ་བྷྱོ། ནཱ་ག་མ་མ་བྷྱོ། མུ་ལ་མ་མ་བྷྱོ། མ་ས་མ་མ་བྷྱོ།དུན་ཏིང་མ་མ་བྷྱོ། ཀང་ཀ་མ་མ་བྷྱོ། པེ་རུ་མ་མ་བྷྱོ། སོ་ན་མ་མ་བྷྱོ། རག་མ་མ་བྷྱོ། ཀཱ་ལ་མ་མ་བྷྱོ། ན་མ་མ་བྷྱོ། སརྦ་མ་མ་བྷྱོ། འབུམ་ཕྲག་ཡངས་པའི་མཁའ་འགྲོ་མའི་སྔགས་སོ། །དཔལ་གྱི་བཀའ་ཉན་གྱི་སྔགས་ཀྱི་ལེའུ་སྟེ་སུམ་ཅུ་སོ་ལྔ་པའོ།། །།དེ་ནས་འཁོར་གྱི་བཀའ་སྲུང་གིས་སྲོག་གི་སྙིང་པོ་ཕུལ་བ། བཛྲ་ཤྭོ་ན་ཤོ་རྩེ་བྷྱོ། བཛྲ་ཨ་རྩུ་ས་མ་བྷྱོ། བཛྲ་དིཔྟ་བཛྲ་བྷྱོ། བཛྲ་མ་ཀ་ར་ཡ་ལ་བྷྱོ། བཛྲ་བྱི་དྷི་བཛྲ་ནི་ཀ་བྷྱོ། བཛྲ་ཀྲོ་ཏ་ནི་ཀ་བྷྱོ། ཀ་ནི་ཀ་རུ་ཏེ་བཛྲ་བྷྱོ། བཛྲ་ཀྲོ་ཏི་སྡི་པ་སྟ་བྷྱོ། ཆེ་མཆོག་ཡོན་ཏན་གྱི་བཀའ་སྲུང་ཅེ་སྤྱང་མ་བརྒྱད་ཀྱི་སྲོག་སྙིང་གི་ལེའུ་སྟེ་སོ་དྲུག་པའོ།། །།དེ་ནས་ཡང་དག་ཐུགས་ཀྱི་བཀའ་སྲུང་སྲིན་མོ་ཉི་ཤུ་རྩ་བརྒྱད་ཀྱིས་སྲོག་གི་སྙིང་པོ་ཕུལ་བ། ཙམ་ར་མུ་ཁཱི་བྷྱོ། ནཱ་ག་སི་ར་མུ་ཁཱི་བྷྱོ། བྱཱ་གྷྲ་མུ་ཁཱི་བྷྱོ། ན་ཀུ་ལ་མུ་ཁཱི་བྷྱོ། ཏི་ཏཱི་ལ་མུ་ཁཱི་བྷྱོ། རཀྵ་མུ་ཁཱི་བྷྱོ། ཏ་རཀྵུ་མུ་ཁཱི་བྷྱོ། མ་ག་ར་མུ་ཁཱི་བྷྱོ། བིཙྪ་མུ་ཁཱི་བྷྱོ། པ་ཏྲཱི་མུ་ཁཱི་བྷྱོ། ཤྲཱི་གཱ་ལ་མུ་ཁཱི་བྷྱོ། བྱཱ་གྷྲ་མུ་ཁཱི་བྷྱོ། གྲཾཌྜྷ་མུ་ཁཱི་བྷྱོ། ཧ་ཡ་མུ་ཁཱི་བྷྱོ། མཱུ་ཥི་ཀ་མུ་ཁཱི་བྷྱོ། ཀུ་ཀུ་མུ་ཁཱི་བྷྱོ། པིཀྵ་ཏི་མུ་ཁཱི་བྷྱོ། ཧ་ཎི་མུ་ཁཱི་བྷྱོ། ཙ་ཏི་མུ་ཁཱི་བྷྱོ། བཱ་ཡ་པ་མུ་ཁཱི་
བྷྱོ། སཱུ་ཀ་མུ་ཁཱི་བྷྱོ། ཀ་ཏ་མུ་ཁཱི་བྷྱོ། ཧ་སྡི་མུ་ཁཱི་བྷྱོ། ཀྲཽ་ཀི་ལཱ་མུ་ཁཱི་བྷྱོ། ཚ་ག་ལ་མུ་ཁཱི་བྷྱོ། བཱི་ན་ར་མུ་ཁཱི་བྷྱོ། ཤྭ་ན་མུ་ཁཱི་བྷྱོ། སྲིན་མོ་ཉི་ཤུ་རྩ་བརྒྱད་ཀྱི་སྲོག་གི་ལེའུ་སྟེ་སོ་བདུན་པའོ།། །།དེ་ནས་འཇམ་དཔལ་སྐུའི་བཀའ་སྲུང་རྣམས་ཀྱིས་སྲོག་གི་སྙིང་པོ་ཕུལ་བ། གིང་ཀ་ར་གིང་ཀ་ར། ཀརྨ་རཀྴ་སི་ཀརྨ་རཀྴ་ཧྲཱྀཿ། ཏྲི་ཀུ་རུ་ཁ་རག་ཁམ། དྷ་ཤ་རུ་ཏྲ་མ་ར་ཡ། རུ་ཏྲ་ཐུན་ཡ། རག་ཤ་ཐུན་ཡ། གྲི་ཐོགས་གིང་བཞིས་ཕུལ་བའོ། །བདུན་ཏྲི་ནི་ར་ཟུང་། ཡ་ཏྲི་ནི་ར་ཟུང་། ཏྲི་ཙ་པ་ལ་ནི་ར་ཟུང་། སྡྱ ་ཤིག་ཡཾ་ཏྲི་ནི་ར་ཟུང་། དུན་ཏྲི། པ་ཏྲི། དན་ཏྲི། ཤོ་མ་ཏྲི། དུན་ཛཿ། མ་ར་ཡ་ཏྲི་ཛཿཛཿ། ཡ་ཡ། ཐིང་ཐིང་། ཁྲམ་ཐོགས་བདུད་བཞིའི་སྲོག་སྔགས་སོ། །ཏྲོ་ཏ་ནི་ཏྲོ་ཏ་ནི་ཧཱུཾ་ཕཊ། པ་ཏྲ་པ་ཏྲ་ཧཱུཾ་ཕཊ། ཤུ་ལ་ཤུ་ལ་ཧཱུཾ་ཕཊ། དྷ་ཤ་གྷྲི་བ་དྷ་ཤ་གྷྲི་བ་ཧཱུཾ་ཕཊ། ཤོ་ཐོགས་རྩིས་པའི་སྲོག་སྔགས་སོ། །ཨོཾ་བཛྲ་དྷ་ར་ལཾ། བཛྲ་སྙིང་གོ་ཆོད། ཁ་ལ་མུ་ཟན་ད་ལོཾ་དུན་ཏིང་དྷ་རཱ་ཡ་རྦད། ཨོཾ་བཛྲ་ཁྲག་ཏི་ཏིག་རྣར་རྦད། ཨོཾ་བཛྲ་ཙཀྲ་རུ་ཏྲི་ད་ར་མ་རྦད། ཨོཾ་བཛྲ་ཤུ་ཏྲི་ད་ར་ཏྲི་ཡ་བཛྲ་ཧཱུཾ་ཕཊ། རྦད་སུ་རྦད་སུ། རྦད་དུ་རྦད་དུ། ད་ར་ཀ་ཤ །ཤཱ་པ་མ་མ། ནད་གཏོང་མ་མོའི་ཤན་པ། དྲག་པོ་གཟའི་ཤན་པ། གླེན་པ་ཀླུའི་ཤན་པ།མྱོས་པ་བཙན་གྱི་ཤན་པ་བཞིའི་སྲོག་སྔགས་སོ། །འཇམ་དཔལ་སྐུའི་བཀའ་སྲུང་གི་སྲོག་སྙིང་གི་ལེའུ་སྟེ་སུམ་ཅུ་སོ་བརྒྱད་པའོ།། །།དེ་ནས་པདྨ་གསུང་གི་བཀའ་སྲུང་རྣམས་ཀྱིས་སྲོག་སྙིང་ཕུལ་བ། བུཌྜྷ་བཛྲ་ཨོཾ། སརྦ་བཛྲ་ཧཱུཾ། རཏྣ་བཛྲ་ཏྲཱཾ། དྷར་མ་བཛྲ་ཧྲཱྀཿ། ཀརྨ་བཛྲ་ཧ། གྷ་ཧྱ་བཛྲ་ཕཊ། ཁམ་རྒྱ་མ་དྲུག་གི་སྲོག་སྔགས་སོ། །ཨོཾ་ཤོ་རི་ཁཱ་ཧི་ཤོ་རི་ཁ་ཧཱི་ཧཱུཾ་ཕཊ། དམུས་ལོང་བཅུ་དྲུག་གི་སྔགས་སོ། །དཱིཔྟ་ཙཀྲ་ཤྭ་ན་མུ་ཁ་ཁ་ལོང་ཁ། ཀུ་ཀུ་རཱ་ཙ་རག་ཤ་ཁ་ལོང་ཀ་ཧཱུཾ་ཕཊ། ཁྱི་བརྒྱད་སྤྱང་བརྒྱད་ཀྱི་སྔགས་སོ། །ཧཱུཾ་ཧཱུཾ།ཕཊ་ཕཊ། ཏྲི་ཧཱུཾ་ཕཊ། ཧྲཱྀ་ཧཱུཾ་ཕཊ། ཧ་ཧཱུཾ་ཕཊ། ཕོ་ཉ་བཞིའི་སྲོག་སྔགས་སོ། །ཛི་ན་ལ་ཏེ་ཙེ་རམ། ཡཀྴ་ཀུ་པ་ན་ཛ་ཧཱུཾ་ཕཊ། མེ་འབྲུག་རླུང་འབྲུག་
སྲོག་སྔགས་སོ། །པདྨ་གསུང་གི་བཀའ་སྲུང་གི་སྲོག་སྔགས་ཀྱི་ལེའུ་སྟེ་སུམ་ཅུ་སོ་དགུ་པའོ།། །།ཕུར་པ་ཕྲིན་ལས་ལྷ་ཚོགས་ཀྱི་བཀའ་སྲུང་གི་སྲོག་གི་སྙིང་པོ་ཕུལ་བ། ཨོཾ་པྲ་མུན་ཏ་དྷ་ཏི་རཱ་ཛ་ཛ་ཧཱུཾ། ཨོཾ་བཛྲ་ཙ་མུ་ནད་རི་ཛ་ཛ་ཧཱུཾ། ཨོཾ་ཤུ་ལ་ད་རི་ཛ་ཛ་ཧཱུཾ། ཨོཾ་ཀ་མུན་ད་རི་ཛ་ཛ་ཧཱུཾ། མ་མོ་བཞིའི་སྲོག་སྔགས་སོ། །ཨོཾ་ཤྭ་ན་མུ་ཁ་ཛ་ཛ་ཧཱུཾ། ཨོཾ་བ་ག་མུ་ཁ་ཛ་ཛ་ཧཱུཾ། ཨོཾ་བྲྀ་ཀ་མུ་ཁ་ཛ་ཛ་ཧཱུཾ། ཨོཾ་སྲཱི་གཱ་ལ་མུ་ཁ་ཛ་ཛ་ཧཱུཾ།ཤྭ་ན་བཞིའི་སྲོག་སྔགས་སོ། །ཨོཾ་ཏདྱ་ཐཱ། ཏྲག་རགྴ། རུ་པི་རུ་པི་ནན་མུག་ཏི་བཾ་མ་རུ་ལུ་རུ་ལུ་བྷྱོ། ཨོཾ་པདྨ་ད་རི་རུ་མ་ཏི་བྷྱོ། ཙིཏྟ་ཙིཏྟ་དགྲ་བོ་སྙིང་ལ་བྷྱོ།ཨོཾ་རུ་ལུ་ཀོའུ་མེ་སེན་མེ་ནན་ཛ་ཛཿ། ཨོཾ་ཡུག་ཏེ་རུ་རུ་ཙ་བ་ལ་མེ་ཛ་ཛཿ། རེ་མ་ཏི་མཆེད་བཞིའི་སྲོག་སྔགས་སོ། །སྲོག་རྩ་ལ་ཡམ་ཡམ། སྙིང་རྩ་ལ་སྤྲིལ་སྤྲིལ།སྲོག་རྩ་ལ་ཆུམ་ཆུམ། ཙིཏྟ་སྲོག་ལ་ཏུང་ཏུང་། སྙིང་ཁྲག་ཤད་ཐུམ་རི་ལི་ལི་རྩེགས་རྩེགས། འུར་འུར། ཤིག་ཤིག །གུལ་གུལ། མྱག་མྱག །སོད་སོད། དྷ་ཏི་མ་མ་ཤཱི་གྷྲཾ་ཀརྨ་ཀཱ་ར་ཡ། མཱ་ར་སིན་པྲ་མརྡ་ནི་ཧཱུཾ་ཕཊ། བསེའི་སྐྱེས་བུ་བཞི་བདུད་བཞི་གིང་བཞིའི་སྲོག་སྔགས་སོ། །གཅིག་ཏུ་དྲིལ་བའོ། །ཕུར་པ་ཕྲིན་ལས་ཀྱི་བཀའ་སྲུང་རྣམས་ཀྱི་སྲོག་སྔགས་ཀྱི་ལེའུ་སྟེ་བཞི་བཅུ་པའོ།། །།དེ་ནས་མ་མོ་རྦོད་གཏོང་གི་བཀའ་སྲུང་རྣམས་ཀྱིས་སྲོག་སྙིང་ཕུལ་བ། སྤྱི་ཏིང་ཁ་ལ་མ། སྙིང་ཁ་རག་ཛ་ཛཿ། རག་ཤ་མ། སྙིང་ཁ་རག་ཛ་ཛ། རག་མོ་རག་ཤ་སྙིང་ཁ་རག་ཛ་ཛ། ཡང་གབ་མ་བཞིའི་སྲོག་སྔགས་སོ། །རུ་ལུ་སྙིང་ཁྲག་ཁ་རག་ཁ་ལ་རག་ཤ་ནི་རྦད་ཐུམ་རི་ལི་ལི། སྙིང་ལ་རག་ཤ་ན། ཤ་ཏི་རྦད་ཐུམ་རི་ལི་ལི། ནྲྀ་ཤ་ཀུ་རུ་རག་ཤ་ཁ་རམ་ནི། ཀུ་རུ་ནི་ཀུ་རུ་ཁ་ཐམ། ཏྲག་རག་ཤ་ཁ་མུནྟྲ། སྙིང་ཁ་རག་བྷྱོ། ཕུང་བྱེད་སྦས་པའི་མ་བཞིའི་སྲོག་སྔགས་སོ། །མ་མ་རག་མོ་སྙིང་རྩ་ལ་མ་བྷྱོ། རག་མོ་རག་མོ་རུ་རུ་རོ་རུ་ཙ་པ་ལ་དགྲ་བོ་སྙིང་ལ་རག་མོ་བྷྱོ། རག་མོ་རག་མོ་ཙམ་ཙམ་མ་བྷྱོ།
རག་མོ་རག་མོ་ཁྲག་ལ་མུ་ཤ་མ་བྷྱོ། ཟོར་ཐོགས་གདོང་མོ་བཞིའི་སྲོག་སྔགས་སོ། །ཏྲག་རག་ཤ་མུ་ཏྲ་བྷྱོ། རུ་ལུ་རུ་ལུ་མ་རག་མོ། སྙིང་ཁ་རག་བྷྱོ། རུ་ལུ་རུ་ལུ་མ་མ་སྙིང་གཟེར་ཏྲག་རག་ཤ་ཐུན་བྷྱོ། མ་མ་ཏྲག་ཤ་སྲོག་གཟེར་ཐུན་རྦད་བྷྱོ། མ་མ་ཏྲག་རག་ཤ་སྙིང་སྲོག་རྩ་ལ་ཐུམ་ཐུམ་བྷྱོ། ཟླ་གམ་དབང་གི་བདག་མོ་རོ་ཁ་མ་བཞིའི་སྲོག་སྔགས་སོ། །རུ་ནི་དུན་ཏི་རུ་ལ་ཡ་ཛ། དུ་རུ་ཛྭ་ལ་ནི་ཧ་ན་ཛ། རུ་མ་ར་མ་ཧ་ཏེ་ཛ་བྷྱོ་ཛ། འབྲུབ་ཁུང་ལས་ཀྱི་བདག་མོ་ལས་ཀྱི་འབར་མ་རྩིས་ཀྱི་མ་མོ་ནག་མོ་ཕུང་གསུམ་མའི་སྲོག་སྔགས་སོ། །ཀུ་མ་རག་ཤ་ན་ཏྲི་རྦད། སྲི་མ་ར་དུ་རྦད་ཡ། རུ་རུ་མ་ཏི་རྦད་ཡ། བ་ཡ་རུ་རུ་རྦད་ཡ། ཆུམ་ཆུམ་ནི་མ་ཙ་རྦད་ཡ། ཤ་བ་རུ་པ་ཡ། ཆེམ་ཆེམ་རྦད་ཡ། རྦད་པུ་རྦད་པུ་ཤག་པ་རྦད་ཡ། རག་ཤ་ཐུམ་རྨུགས་རྦད་ཡ། རུ་རུ་ར་ཏི་རྦད་ཡ། བླ་སྲོག་སྙིང་གི་བདག་མོ་གསང་བའི་མ་གསུམ། གསང་བའི་ཕོ་ཉ་གསུམ་གྱི་སྲོག་སྔགས་སོ། །མ་མོ་རྦོད་གཏོང་གི་སྲོག་སྔགས་ཀྱི་ལེའུ་སྟེ་བཞི་བཅུ་ཞེ་གཅིག་པའོ།། །།དེ་ནས་སློབ་དཔོན་གྱི་བཀའ་སྲུང་གི་སྲོག་སྔགས་ཕུལ་བ། ཨོཾ་བཛྲ་ཌཱ་ཀི་ནཱི་བྷྱོ། ཨོཾ་རཏྣ་ཌཱ་ཀི་ནཱི་བྷྱོ། ཨོཾ་པདྨ་ཌཱ་ཀི་ནཱི་བྷྱོ། ཨོཾ་ཀརྨ་ཌཱ་ཀི་ནཱི་བྷྱོ། མཁའ་འགྲོ་སྡེ་བཞིའི་སྲོག་སྔགས་སོ། །ཨོཾ་བཛྲ་ཀིང་ཀ་ར་རཱ་ཙ་བྷྱོ། ཨོཾ་བཛྲ་རཏྣ་ཀིང་ཀ་ར་རཱ་ཙ་བྷྱོ། ཨོཾ་པདྨ་ཀིང་ཀ་ར་རཱ་ཙ་བྷྱོ། ཨོཾ་ཀརྨ་ཀིང་ཀ་ར་རཱ་ཙ་བྷྱོ། དཔའ་བོ་སྡེ་བཞིའི་སྲོག་སྔགས་སོ། །རིག་འཛིན་བཀའ་སྲུང་གི་སྲོག་སྔགས་ཀྱི་ལེའུ་སྟེ་བཞི་བཅུ་ཞེ་གཉིས་པའོ།། །།འཇིག་རྟེན་འདས་པ་དང་འཇིག་རྟེན་པའི་བཀའ་སྲུང་གི་སྔགས་བསྟན་པའི་སྐབས་ཏེ་ལྔ་པའོ།། །།དེ་ནས་སྤྱི་དཔལ་ཆེན་པོ་ཧེ་རུ་ཀ་ལ། ཕྱོགས་བཅུའི་རིག་འཛིན་རྣམས་ཀྱིས་ཞུས་པ། ཨེ་མ་སྤྱི་དཔལ་ཧེ་རུ་ཀ །བདེ་གཤེགས་བསྒྲུབ་པ་བཀའ་བརྒྱད་ཀྱི། །ལྷ་ཚོགས་ཞི་ཁྲོ་ཐམས་ཅད་ཀྱི། །སྐུ་མདོག་ཕྱག་མཚན་བསྟན་དུ་གསོལ། །དེ་སྐད་གསོལ་པ་གསན་ནས་ཀྱང་། །སྤྱི་དཔལ་ཆེན་པོས་བཀའ་སྩལ་པ། །ཉོན་ཅིག་འདུས་པའི་ཚོགས་ཆེན་རྣམས། །ཆེ་མཆོག་ཡོན་ཏན་འདུས་པའི་ལྷ་ཚོགས་
ལ། །གཙོ་བོ་དཔལ་ཆེན་ཆེ་མཆོག་ཧེ་རུ་ཀ །འཇིགས་པའི་དབུ་ནི་ཉི་ཤུ་རྩ་གཅིག་ལ། །སྤྲུལ་པའི་ཕྱག་ནི་བཞི་བཅུ་རྩ་གཉིས་ཏེ། །ཞབས་ཀྱང་དོར་ཐབས་རྣམ་པ་བརྒྱད་དུ་བགྲད། །སྐུ་ནི་སྨུག་ནག་འབར་བ་ཤིན་ཏུ་བརྗིད། །རྩ་བའི་ཞལ་ནི་སྐུ་ཡི་མདོག་དང་མཚུངས། །དབུས་ཀྱི་དབུ་དྲུག་མཐིང་ལ་རྔམས། །གཡས་ཀྱི་རྩ་ཞལ་དཀར་ལ་འཚེར། །གཡོན་གྱི་རྩ་ཞལ་དམར་ལ་གདངས། །གཡས་ཀྱི་གཉིས་པ་སྔོ་ལ་གཙིགས། །གཡོན་གྱི་གཉིས་པ་ལྗང་ལ་རྔམས། །གཡས་ཀྱི་གསུམ་པ་དཀར་ལ་གདངས། །གཡོན་གྱི་གསུམ་པ་དམར་ལ་འདྲིལ། །གཡས་ཀྱི་བཞི་པ་ནག་ལ་གཙིགས། །གཡོན་གྱི་བཞི་པ་ལྗང་ལ་འཚེར། །གཡས་ཀྱི་ལྔ་པ་དཀར་ལ་བཞད། །གཡོན་གྱི་ལྔ་པ་དམར་ལ་གཤེ། །གཡས་ཀྱི་དྲུག་པ་སྔོ་ལ་གཙིགས། །གཡོན་གྱི་དྲུག་པ་ལྗང་ལ་འདྲིལ། །གཡས་ཀྱི་བདུན་པ་ཟུར་མིག་གཟིགས། །གཡོན་གྱི་བདུན་པ་ཐུར་མིག་གཟིགས། །ཕྱག་ནི་བཞི་བཅུ་རྩ་གཉིས་ན། །ཞི་བ་བཞི་བཅུ་རྩ་གཉིས་བསྣམས། །གཡས་ཀྱི་ཕྱག་ན་ཡབ་རྣམས་བསྣམས། །གཡོན་གྱི་ཕྱག་ན་ཡུམ་རྣམས་བསྣམས། །ཐུབ་དྲུག་སྤེལ་མར་བསྣམས་པའོ། །བཞི་བཅུ་རྩ་གཉིས་གཡས་ཀྱི་དང་པོ་ན། །བྱེད་པ་ཡིད་ནི་རྡོ་རྗེ་ཀུན་བཟང་བསྣམས། །བཞི་བཅུ་རྩ་གཉིས་གཡོན་གྱི་དང་པོ་ན། །བྱ་བ་ཆོས་ནི་ཀུན་བཟང་མཉམ་གཞག་འཕྲོ། །བཞི་བཅུ་རྩ་གཉིས་གཡས་ཀྱི་གཉིས་པ་ན། །རྣམ་པར་སྣང་མཛད་ཆོས་ཀྱི་འཁོར་ལོ་བསྐོར། །བཞི་བཅུ་རྩ་གཉིས་གཡོན་གྱི་གཉིས་པ་ན། །ཀུན་ཏུ་ཁྱབ་པ་དབྱིངས་ཕྱུག་དྲིལ་བུ་བསྣམས། །བཞི་བཅུ་རྩ་གཉིས་གཡས་ཀྱི་གསུམ་པ་ན། །རྡོ་རྗེ་སེམས་དཔའ་མི་བསྐྱོད་རྡོ་རྗེ་བསྣམས། །བཞི་བཅུ་རྩ་གཉིས་གཡོན་གྱི་གསུམ་པ་ན། །བསྐྱེད་མཛད་སངས་རྒྱས་སྤྱན་ཡང་ཐོར་ཚུགས་བསྣམས། །བཞི་བཅུ་རྩ་གཉིས་གཡས་ཀྱི་བཞི་པ་ན། །རིན་ཆེན་འབྱུང་ལྡན་སེར་པོ་མཆོད་སྦྱིན་རེ་སྐོང་བསྣམས། །བཞི་བཅུ་རྩ་གཉིས་གཡོན་གྱི་བཞི་པ་ན། །སྡུད་བྱེད་
མཱ་མ་ཀཱི་ཡང་ཐོར་ཚུགས་བསྣམས། །བཞི་བཅུ་རྩ་གཉིས་གཡས་ཀྱི་ལྔ་པ་ན། །སྣང་བ་མཐའ་ཡས་འཇོམས་བྱེད་པདྨ་བསྣམས། །བཞི་བཅུ་རྩ་གཉིས་གཡོན་གྱི་ལྔ་པ་ན། །བསྲེག་མཛད་གོས་དཀར་མོ་ནི་པདྨ་བསྣམས། །བཞི་བཅུ་རྩ་གཉིས་གཡས་ཀྱི་དྲུག་པ་ན། །དོན་ཡོད་གྲུབ་པ་མཐར་ཕྱིན་རྒྱ་གྲམ་བསྣམས། །བཞི་བཅུ་རྩ་གཉིས་གཡོན་གྱི་དྲུག་པ་ན། །སྐྱོད་བྱེད་དམ་ཚིག་སྒྲོལ་མ་ཨུཏྤལ་བསྣམས། །བཞི་བཅུ་རྩ་གཉིས་གཡས་ཀྱི་བདུན་པ་ན། །ས་སྙིང་དཀར་པོ་རིན་ཆེན་མྱུ་གུ་བསྣམས། །བཞི་བཅུ་རྩ་གཉིས་གཡོན་གྱི་བདུན་པ་ན། །ལཱ་སྱཻ་དཀར་མོ་མེ་ལོང་རྒྱ་གྲམ་བསྣམས། །བཞི་བཅུ་རྩ་གཉིས་གཡས་ཀྱི་བརྒྱད་པ་ན། །ནམ་མཁའི་སྙིང་པོ་གཅོད་བྱེད་རལ་གྲི་བསྣམས། །བཞི་བཅུ་རྩ་གཉིས་གཡོན་གྱི་བརྒྱད་པ་ན། །མཱ་ལེ་སྔོན་མོ་རིན་ཆེན་ཕྲེང་བ་བསྣམས། །བཞི་བཅུ་རྩ་གཉིས་གཡས་ཀྱི་དགུ་པ་ན། །སྤྱན་རས་གཟིགས་དབང་ཕྱག་ན་པདྨ་བསྣམས། །བཞི་བཅུ་རྩ་གཉིས་གཡོན་གྱི་དགུ་པ་ན། །གཱིར་ཏི་དམར་མོ་པི་ཝང་རྒྱུད་འདྲེན་བསྣམས། །བཞི་བཅུ་རྩ་གཉིས་གཡས་ཀྱི་བཅུ་པ་ན། །ཕྱག་ན་རྡོ་རྗེ་འཇོམས་བྱེད་རྡོ་རྗེ་བསྣམས། །བཞི་བཅུ་རྩ་གཉིས་གཡོན་གྱི་བཅུ་པ་ན། །ནཱིར་ཏི་ལྗང་གུ་གར་གྱི་ཅོད་པན་བསྣམས། །བཞི་བཅུ་རྩ་གཉིས་གཡས་ཀྱི་བཅུ་གཅིག་ན། །རྒྱལ་བ་བྱམས་པ་དམར་སྐྱ་གུནྡྷེ་བསྣམས། །བཞི་བཅུ་རྩ་གཉིས་གཡོན་གྱི་བཅུ་གཅིག་ན། །བདུག་པའི་སྤྲིན་འཕྲོ་མ་ནི་སྤོས་མེ་བསྣམས། །བཞི་བཅུ་རྩ་གཉིས་གཡས་ཀྱི་བཅུ་གཉིས་ན། །ཀུན་ཏུ་བཟང་པོ་རིན་ཆེན་སྙེ་མ་བསྣམས། །བཞི་བཅུ་རྩ་གཉིས་གཡོན་གྱི་བཅུ་གཉིས་ན། །དག་པའི་མདངས་ལྡན་མ་ནི་མེ་ཏོག་བསྣམས། །བཞི་བཅུ་རྩ་གཉིས་གཡས་ཀྱི་བཅུ་གསུམ་ན། །སྒྲིབ་པ་རྣམ་སེལ་ཀླུ་ཤིང་ལོ་མ་བསྣམས། །བཞི་བཅུ་རྩ་གཉིས་གཡོན་གྱི་བཅུ་གསུམ་ན། །གསལ་བའི་འོད་ལྡན་མ་ནི་མར་མེ་བསྣམས། །བཞི་བཅུ་རྩ་གཉིས་གཡས་ཀྱི་བཅུ་བཞི་ན། །འཕགས་པ་འཇམ་དཔལ་ཨུཏྤལ་མཐིང་ག་བསྣམས། །བཞི་བཅུ་རྩ་གཉིས་གཡོན་གྱི་བཅུ་བཞི་ན། །གན་དྷི་ལྗང་ཁུ་དག་བྱེད་དྲི་ཆབ་
བསྣམས། །བཞི་བཅུ་རྩ་གཉིས་གཡས་ཀྱི་བཅོ་ལྔ་ན། །བིགྷྣཱཾ་ཏ་ཀྲྀཏ་བེ་ཅོན་ཐོ་བ་བསྣམས། །བཞི་བཅུ་རྩ་གཉིས་གཡོན་གྱི་བཅོ་ལྔ་ན། །ཐུགས་དམ་སྐུལ་མཛད་མ་ནི་ལྕགས་ཀྱུ་བསྣམས། །བཞི་བཅུ་རྩ་གཉིས་གཡས་ཀྱི་བཅུ་དྲུག་ན། །ཡ་མཱན་ཏ་ཀྲྀཏ་འཇོམས་བྱེད་ཐོད་དབྱུག་བསྣམས། །བཞི་བཅུ་རྩ་གཉིས་གཡོན་གྱི་བཅུ་དྲུག་ན། །གནས་ནས་སྤྱན་འདྲེན་མ་ནི་ཞགས་པ་བསྣམས། །བཞི་བཅུ་རྩ་གཉིས་གཡས་ཀྱི་བཅུ་བདུན་ན། །པདྨ་ཏ་ཀྲྀཏ་དྲལ་བྱེད་དགྲ་སྟྭ་བསྣམས། །བཞི་བཅུ་རྩ་གཉིས་གཡོན་གྱི་བཅུ་བདུན་ན། །བརྟན་པར་བཞུགས་མཛད་མ་ནི་ལྕགས་སྒྲོག་བསྣམས། །བཞི་བཅུ་རྩ་གཉིས་གཡས་ཀྱི་བཅོ་བརྒྱད་ན། །པྲཛྙཱནྟ་ཀྲྀཏ་གཅོད་བྱེད་རལ་གྲི་བསྣམས། །བཞི་བཅུ་རྩ་གཉིས་གཡོན་གྱི་བཅོ་བརྒྱད་ན། །རྟོག་བྲལ་འགྱེད་མཛད་མ་ནི་གྷཎྜ་བསྣམས། །བཞི་བཅུ་རྩ་གཉིས་གཡས་ཀྱི་བཅུ་དགུ་ན། །ལྷ་ཡི་ཐུབ་པ་པི་ཝང་རྒྱུད་མངས་བསྣམས། །བཞི་བཅུ་རྩ་གཉིས་གཡོན་གྱི་བཅུ་དགུ་ན། །བྱོལ་སོང་ཐུབ་པ་ཆོས་འཆད་པུ་སྡི་བསྣམས། །བཞི་བཅུ་རྩ་གཉིས་གཡས་ཀྱི་ཉི་ཤུ་ན། །ལྷ་མིན་ཐུབ་པ་ཐགས་བཟང་གོ་ཆ་བསྣམས། །བཞི་བཅུ་རྩ་གཉིས་གཡོན་གྱི་ཉི་ཤུ་ན། །ཡི་དྭགས་ཐུབ་པ་རིན་ཆེན་སྒྲོམ་བུ་བསྣམས། །བཞི་བཅུ་རྩ་གཉིས་གཡས་ཀྱི་ཐ་མ་ན། །མི་ཡི་ཐུབ་པ་ཤཱཀྱ་གསེག་ཤང་བསྣམས། །བཞི་བཅུ་རྩ་གཉིས་གཡོན་གྱི་ཐ་མ་ན། །དམྱལ་བའི་ཐུབ་པ་མེ་ཆུ་བསིལ་དྲོད་བསྣམས། །ཞབས་བརྒྱད་བྱོལ་སོང་གཙོ་བོ་བརྒྱད་ཀྱང་བརྫིས། །སྟག་གཟིག་སེང་གེ་དོམ་རྣམས་ནི། །གཡས་ཀྱི་ཞབས་བཞིའི་འོག་ཏུ་མནན། །གླང་ཆེན་མ་ཧེ་ཆུ་སྲིན་སྦྲུལ། །གཡོན་གྱི་ཞབས་བཞིའི་འོག་ཏུ་མནན། །ལྷ་བརྒྱད་གཡས་ཀྱི་ཞབས་ཀྱིས་མནན། །ཀླུ་བརྒྱད་གཡོན་གྱི་ཞབས་འོག་མནན། །ཉི་ཟླ་པདྨའི་སྟེང་ན་བགྲད། །ཡུམ་ཆེན་གནམ་ཞལ་དབྱིངས་ཕྱུག་མ། །སྐུ་མདོག་དུད་ཀ་ཅིར་ཡང་སྟོན། །དབུ་དགུ་རོལ་པའི་ཡེ་ཤེས་དགུ། །སྟོང་པ་བཅོ་བརྒྱད་ཕྱག་ཏུ་གདེངས། །གཡས་ཀྱི་དང་པོ་རྡོ་རྗེ་བསྣམས། །གཡོན་གྱི་དང་པོ་བྷན་དམར་དཀྲུག །གཡས་བརྒྱད་
གཽ་རཱི་བུམ་ཐོགས་བརྒྱད། །གཡོན་བརྒྱད་སེངྷ་ཁྲག་ཐོགས་བརྒྱད། །ཞབས་བཞི་བརྐྱངས་བསྐུམས་ཡབ་དང་མཐུན། །ཡབ་ཡུམ་རྒྱན་ནི་དུར་ཁྲོད་ཆས། །རྒྱ་བྱིའུ་ལྕགས་ཆས་འདུལ་བྱེད་བསེ་ཁྲབ་ཆས། །གཅན་གཟན་གཟིག་ཆས་སྤྲུལ་པ་རྡོ་རྗེའི་ཆས། །རིན་ཆེན་སྤྲུལ་ཆས་དཔའ་བོ་སྟག་གོ་ཆས། །གཟི་མདངས་མི་ལྤགས་ཆས་དང་དམར་གསལ་ཁྲག་གི་ཆས། །རྩལ་ཆེན་སེང་གེའི་ཆས་དང་གདུག་པ་དོམ་གྱི་ཆས། །འཇིགས་པའི་རྒྱན་ཆས་རབ་ཏུ་བརྒྱན་པའོ། །བཅོམ་ལྡན་དཔལ་ཆེན་རཀྴ་ཧེ་རུ་ཀ །དབུ་གསུམ་སྨུག་ནག་དཀར་དང་དམར་བའི་ཞལ། །གཡས་གཡོན་དང་པོ་འཁོར་ལོ་པདྨ་བསྣམས། །བར་མ་གཉིས་ནི་ཏི་ར་རྒྱུ་ཞགས་འདྲེན། །ཐ་མ་གཉིས་ན་ཁྱུང་ཆེན་བ་སུ་འདྲེན། །རཀྴ་ཀྲོ་དྷཱི་ཤྭ་རཱི་སྐུ་ལ་འཁྲིལ། །གཡས་པ་འཁོར་ལོ་གཡོན་པ་དུང་དམར་སྟོབ། །བཅོམ་ལྡན་དཔལ་ཆེན་གུ་ཧྱ་ཧེ་རུ་ཀ །དབུ་གསུམ་སེར་ནག་མཐིང་དཀར་དམར་བའི་ཞལ། །གཡས་གཡོན་དང་པོ་རིན་ཆེན་ཐོད་ཁྲག་བསྣམས། །བར་མ་གཉིས་ན་དགྲ་སྟྭ་རྒྱུ་ཞགས་འདེབས། །ཐ་མ་གཉིས་ན་སྟོང་གི་འཇིག་རྟེན་བསྣམས། །གུ་ཧྱ་ཀྲོ་དྷཱི་ཤྭ་རཱི་སྐུ་ལ་འཁྲིལ། །གཡས་ན་རིན་ཆེན་གཡོན་པ་དུང་དམར་སྟོབ། །བཅོམ་ལྡན་དཔལ་ཆེན་བི་ཤྭ་ཧེ་རུ་ཀ །དབུ་གསུམ་དམར་ནག་མཐིང་ག་དཀར་པོའི་ཞལ། །གཡས་གཡོན་དང་པོ་པདྨ་བྷན་དམར་བསྐྱིལ། །གཡས་གཡོན་བར་མ་སྟོང་གི་འཇིག་རྟེན་བསྣམས། །ཐ་མ་གཉིས་ན་དགྲ་སྟྭ་གཤོལ་ཡང་འཛིན། །ཡུམ་ཆེན་བི་ཤྭ་ཀྲོ་དྷཱི་ཤྭ་རཱི་ནི། །གཡས་པ་པདྨ་གཡོན་པ་དུང་ཁྲག་སྟོབ། །བཅོམ་ལྡན་དཔལ་ཆེན་ཡཀྴ་ཧེ་རུ་ཀ །དབུ་གསུམ་ལྗང་ནག་དཀར་དང་དམར་བའི་ཞལ། །གཡས་གཡོན་དང་པོ་རྒྱ་གྲམ་བྷན་དམར་དཀྲུག །བར་པ་གཉིས་ན་རལ་གྲི་ཞགས་པ་འཛིན། །ཐ་མ་གཉིས་ན་དགྲ་སྟྭ་ཐོང་གཤོལ་འཛིན། །ཞབས་བཞི་ཐབས་དང་ཤེས་རབ་བརྐྱངས་བསྐུམས་བགྲད། །ཡག་ཤ་ཀྲོ་དྷཱི་ཤྭ་རཱི་སྐུ་ལ་འཁྲིལ། །གཡས་པ་རྒྱ་གྲམ་གཡོན་པ་དུང་ཁྲག་སྟོབ། །དྲི་ཟ་འདུལ་བྱེད་ཁྲོ་བོ་དཀར་
པོ་ལ། །ཞལ་གཅིག་ཕྱག་གཉིས་འཁོར་ལོ་ཏྲི་ཤཱུལ་བསྣམས། །མེ་ལྷ་འདུལ་བྱེད་དམར་སེར་མེ་དབལ་དབྱུག་ཏོ་བསྣམས། །གཤིན་རྗེ་འདུལ་བྱེད་མཐིང་ནག་དགྲ་སྟྭ་ཐོད་དབྱུག་བསྣམས། །སྲིན་པོ་འདུལ་བྱེད་སྨུག་ནག་རལ་གྲི་ཞགས་པ་བསྣམས། །ཀླུ་རྣམས་འདུལ་བྱེད་དམར་པོ་སྤུ་གྲི་ཞགས་པ་བསྣམས། །རླུང་ལྷ་འདུལ་བྱེད་དམར་སྐྱ་བྷནྡ་རྔ་ཡབ་བསྣམས། །གནོད་སྦྱིན་འདུལ་བྱེད་ལྗང་གུ་རྒྱ་གྲམ་དྲིལ་བུ་བསྣམས། །བགེགས་རྣམས་འདུལ་བྱེད་མཐིང་ག་དགྲ་སྟྭ་རྩེ་གསུམ་བསྣམས། །ལྷ་གདོན་འདུལ་བྱེད་སྔོ་སྐྱ་མདའ་གཞུ་འགེངས། །ས་བདག་འདུལ་བྱེད་དུད་ཀ་ཐོ་བ་ཞགས་པ་ཐོགས། །ཡ་མཱནྟ་ཀྲིཏ་དཀར་པོ་ལྕགས་ཀྱུ་བསྣམས། །པྲཛྙཱནྟ་ཀྲྀཏ་སེར་པོ་ཞགས་པ་བསྣམས། །པདྨཱནྟ་ཀྲྀཏ་དམར་པོ་ལྕགས་སྒྲོག་ཐོགས། །བིགྷྣཱནྟ་ཀྲྀཏ་ལྗང་གུ་དྲིལ་བུ་བསྣམས། །ཆེ་མཆོག་ཡོན་ཏན་ལྷ་ཚོགས་ཀྱི། །སྐུ་མདོག་ཕྱག་མཚན་བསྟན་པའི་ལེའུ་སྟེ་བཞི་བཅུ་རྩ་གསུམ་པའོ།། །།ཡང་དག་ཐུགས་ཀྱི་ལྷ་ཚོགས་ཀྱི། །སྐུ་མདོག་ཕྱག་མཚན་བསྟན་པ་ནི། །བཅོམ་ལྡན་དཔལ་ཆེན་བཛྲ་ཧེ་རུ་ཀ །དབུ་གསུམ་མཐིང་ནག་དཀར་དང་དམར་བའི་ཞལ། །ཕྱག་དྲུག་རྡོ་རྗེ་ཁ་ཊྭཱཾ་རྔེའུ་ཆུང་གཡས། །ཏི་རིའི་དབྱུག་པ་དུང་དམར་རྒྱུ་ཞགས་གཡོན། །ཞབས་བཞི་ཐབས་དང་ཤེས་རབ་བརྐྱངས་བསྐུམས་བགྲད། །ཡུམ་ཆེན་བཛྲ་ཀྲོ་དྷཱི་ཤྭ་རཱི་སྐུ་ལ་འཁྲིལ། །གཡས་པ་ཁ་ཊྭཱཾ་གཡོན་པ་དུང་ཁྲག་སྟོབ། །བཅོམ་ལྡན་ཁྲག་འཐུང་བུཌྜྷ་ཧེ་རུ་ཀ །དབུ་གསུམ་སྨུག་ནག་མཐིང་ཀ་དམར་བའི་ཞལ། །ཏི་རའི་དབྱུག་པ་རྡོ་རྗེ་ཁྱུང་ཆེན་གཡས། །རྒྱུ་ཞགས་བྷན་དམར་ཏི་རའི་བ་སུ་གཡོན། །ཞབས་བཞི་ཐབས་དང་ཤེས་རབ་བརྐྱངས་བསྐུམས་བགྲད། །ཡུམ་ཆེན་བུཌྜྷ་ཀྲོ་དྷཱི་ཤྭ་རཱི་སྐུ་ལ་འཁྲིལ། །གཡས་པ་ཡབ་འཁྱུད་གཡོན་པ་དུང་དམར་སྟོབ། །བཅོམ་ལྡན་དཔལ་ཆེན་རཏྣ་ཧེ་རུ་ཀ །དབུ་གསུམ་སེར་ནག་མཐིང་ག་དམར་བའི་ཞལ། །ཕྱག་དྲུག་རིན་ཆེན་བྱིས་དབྱུག་དགྲ་སྟྭ་གཡས། །སྟོང་གི་འཇིག་རྟེན་བྷན་དམར་
གཤོལ་རྒྱུ་ཞགས་ཀྱང་ནི་གཡོན། །ཞབས་བཞི་ཐབས་དང་ཤེས་རབ་བརྐྱངས་བསྐུམས་བགྲད། །རཏྣ་ཀྲོ་དྷཱི་ཤྭ་རཱི་སྐུ་ལ་འཁྲིལ། །གཡས་པ་ཡབ་འཁྱུད་གཡོན་པ་དུང་ཁྲག་སྟོབ། །བཅོམ་ལྡན་ཁྲག་འཐུང་པདྨ་ཧེ་རུ་ཀ །དབུ་གསུམ་དམར་ནག་མཐིང་ག་དཀར་བའི་ཞལ། །ཕྱག་དྲུག་པདྨ་བེ་ཅོན་དགྲ་སྟྭ་གཡས། །སྟོང་གི་འཇིག་རྟེན་བྷན་དམར་གཤོལ་ནི་གཡོན། །ཞབས་བཞི་ཐབས་དང་ཤེས་རབ་བརྐྱངས་བསྐུམས་བགྲད། །པདྨ་ཀྲོ་དྷཱི་ཤྭ་རཱི་སྐུ་ལ་འཁྲིལ། །གཡས་པ་ཡབ་འཁྱུད་གཡོན་པ་དུང་དམར་སྟོབ། །བཅོམ་ལྡན་ཁྲག་འཐུང་ཀརྨ་ཧེ་རུ་ཀ །དབུ་གསུམ་ལྗང་ནག་དཀར་དང་དམར་བའི་ཞལ། །ཕྱག་དྲུག་རྒྱ་གྲམ་རལ་གྲི་དགྲ་སྟྭ་གཡས། །སྟོང་གི་འཇིག་རྟེན་བྷན་དམར་གཤོལ་ནི་གཡོན། །ཞབས་བཞི་ཐབས་དང་ཤེས་རབ་བརྐྱངས་བསྐུམས་བགྲད། །ཡུམ་ཆེན་ཀརྨ་ཀྲོ་དྷཱི་ཤྭ་རཱི་སྐུ་ལ་འཁྲིལ། །གཡས་པ་ཡབ་འཁྱུད་གཡོན་པ་དུང་དམར་སྟོབ། །གཽ་རཱི་བྷན་དམར་བྱིས་དབྱུག་གཡོན། །ཙཽ་རཱི་མདའ་གཞུ་འགེངས་མ་སེར། །པྲ་མོ་ཆུ་སྲིན་རྒྱལ་མཚན་དམར། །བེ་ཏ་བྱི་ཟ་རྡོ་འཕྱར་ནག །པུཀྐ་དམར་སེར་བྱིས་རྒྱུ་འདྲེན། །གྷསྨ་དུང་དམར་ཁྲག་འཐུང་ལྗང་། །སྨེ་ཤ་མཐིང་ནག་བྱིས་སྙིང་ཟ། །ཙཎྜ་སེར་སྐྱ་བྱི་ལུས་འབྲལ། །སེངྷ་སེར་མོ་ཞིང་ཟ་སེང་། །བྱ་གྷྲ་དམར་མོ་ལག་བསྣོལ་སྟག །སྲྀ་གཱ་ནག་མོ་བྱིས་ལྡག་ཝ། །ཤྭ་ན་མཐིང་ག་ཤ་འདྲད་སྤྱང་། །གྲྀཌྜྷ་དམར་མོ་དུང་གྲི་རྒོད། །ཀཱཾ་ཀ་དམར་སྨུག་ཞིང་ཆུང་དུར། །ཀཱཾ་ཀ་ནག་མོ་བྷན་གྲི་བྱ། །ཨུ་ལཱུ་མཐིང་ག་ལྕགས་ཀྱུ་འུག །རྟ་གདོང་དཀར་མོ་ལྕགས་ཀྱུ་འདྲེན། །ཕག་གདོང་སྔོན་མོ་མཆེ་ཞགས་སྡོམ། །དམར་མོ་སྤྲེའུ་གདོང་ལྕགས་སྒྲོག་སྡོམ། །ཐལ་བྱེད་ལྗང་གུ་དྲིལ་འཁྲོལ་སྦྱང་། །ཡང་དག་ཐུགས་ཀྱི་ལྷ་ཚོགས་སྐུ་མདོག་ཕྱག་མཚན་བསྟན་པའི་ལེའུ་སྟེ་བཞི་བཅུ་ཞེ་བཞི་པའོ།། །།འཇམ་དཔལ་སྐུ་ཡི་ལྷ་ཚོགས་ཀྱི། །སྐུ་མདོག་ཕྱག་མཚན་བསྟན་པ་ནི། །བཅོམ་ལྡན་འཇམ་དཔལ་གཤིན་རྗེ་གཤེད། །དབུ་གསུམ་ཕྱག་དྲུག་
ཞབས་བཞི་བགྲད། །གཡས་དཀར་གཡོན་དམར་དབུས་ནག་ཞལ། །རྡོ་རྗེ་བེ་ཅོན་ཡང་རལ་གྲི་དགྲ་སྟྭ་གཡས། །སྡིགས་མཛུབ་མདུང་ཐུང་བྷན་དམར་གཡོན། །དུར་ཁྲོད་ཆས་བརྒྱད་སྐུ་ལ་བརྒྱན། །ཞབས་བཞི་གྱད་ཀྱི་དོར་སྟབས་ཀྱིས། །ཡི་དྭགས་མ་ཧེའི་སྟེང་ན་བགྲད། །བེ་ཏ་ནག་མོ་སྐུ་ལ་འཁྲིལ། །དགྲ་སྟྭ་འཕྱར་ཞིང་དུང་དམར་སྟོབ། །སྒྲོལ་བྱེད་ཨེ་ཀ་ཛ་ཊཱི་ནི། །བཻ་ཌཱུར་མདོག་སྔོན་གསལ་འཚེར་ལ། །ཏྲི་ཤཱུལ་གཡང་གཞི་གཡས་ན་འཕྱར། །ཐོད་རློན་ཙིཏྟ་གཡོན་ན་སྟོབ། །ཡ་མ་རཱ་ཛ་གཤིན་རྗེ་གཤེད། །གཡས་དཀར་གཡོན་དམར་དབུས་མཐིང་ཞལ། །འཁོར་ལོ་ཏྲི་ཤཱུལ་ལྕགས་ཀྱུ་གཡས། །ཁ་ཊྭཱཾ་དགྲ་སྟྭ་རྒྱུ་ཞགས་གཡོན། །ཞབས་བཞི་གྱད་ཀྱི་དོར་སྟབས་བགྲད། །གཡུ་ཡི་རལ་གཅིག་གཡོན་ནས་འཁྲིལ། །གཙོ་ལ་འཁྱུད་ཅིང་དུང་དམར་སྟོབ། །སྒྲོལ་ཡུམ་ནག་མོ་རེ་མ་ཏི། །རལ་གྲི་ནེའུ་ལེའི་རྐྱལ་པ་ཐོགས། །མྱོས་བྱེད་འབར་བ་གཤིན་རྗེ་གཤེད། །གཡས་དཀར་གཡོན་སྔོ་དབུས་སེར་ནག །བེ་ཅོན་རལ་གྲི་དགྲ་སྟྭ་གཡས། །བྷན་དམར་འཁོར་ལོ་ལྕགས་ཀྱུ་གཡོན། །ཞབས་བཞི་གྱད་ཀྱི་དོར་སྟབས་བགྲད། །གཏུམ་མོ་སེར་ནག་གཡོན་ནས་འཁྲིལ། །གཙོ་ལ་འཁྱུད་ཅིང་དུང་དམར་སྟོབ། །གཡས་ན་སྒྲོལ་ཡུམ་སེར་ནག་ལ། །ཆགས་གཞི་ཁྲག་གི་བདག་མོ་ནི། །གཡས་པ་སྤུ་གྲི་ཙིཏྟ་ཞགས་པ་གཡོན། །གཤིན་རྗེ་གཤེད་པོ་མ་རུ་ཙེ། །གཡས་དཀར་གཡོན་སྔོ་དབུས་དམར་ཞལ། །བེ་ཅོན་དབྱུག་ཏོ་ཁ་ཊྭཱཾ་གཡས། །བྷན་དམར་ཁ་ཊྭཱཾ་རྒྱུ་ཞགས་གཡོན། །ཞབས་བཞི་གྱད་ཀྱི་དོར་སྟབས་བགྲད། །གཡོན་ན་ལྷ་མོ་འོད་ཟེར་ནི། །གཙོ་ལ་འཁྱུད་ཅིང་བྷན་དམར་སྟོབ། །གཡས་ན་གླིང་བཞི་གཙུག་འབྱམས་མ། །གཡས་པ་མི་སྙིང་ཆངས་པར་བཅུག །གཡོན་པ་དུང་དམར་བྷནྡ་འཕྱར། །རལ་པ་ཚར་དགུ་གཤིན་རྗེ་གཤེད། །གཡས་དཀར་གཡོན་དམར་དབུས་ལྗང་ཞལ། །བེ་ཅོན་གཏུན་ཤིང་རྒྱ་གྲམ་གཡས། །བྷན་དམར་རྒྱུ་ཞགས་འཁོར་ལོ་གཡོན། །གཡོན་ན་ལྗང་
ནག་མགོ་འཕྱངས་མ། །གཡས་པ་དགྲ་སྟྭ་གཡོན་དུང་ཁྲག །གཤིན་རྗེ་ནག་འཇོམས་མཐིང་ནག་ཞལ། །རྡོ་རྗེ་རྩེ་ལྔ་གཡས་པ་ན། །དགྲ་སྟྭ་འབར་བ་གཡོན་ན་ཐོགས། །ཞབས་གཉིས་གྱད་ཀྱི་དོར་སྟབས་བགྲད། །ནག་མོ་རལ་གཅིག་གཡོན་ནས་འཁྲིལ། །གཡས་པ་ཡབ་འཁྱུད་གཡོན་པ་དུང་དམར་སྟོབ། །གཤིན་རྗེ་ཕྱ་སངས་དཀར་འཚེར་ཞལ། །གཡས་པ་ཚེ་ཡི་བུམ་པ་འཛིན། །གཡོན་པ་རྡོ་རྗེའི་གཤོལ་ཡང་བསྣམས། །ཞབས་གཉིས་གྱད་ཀྱི་དོར་སྟབས་བགྲད། །ཤེལ་གྱི་གདོང་དགུ་གཡོན་ནས་འཁྲིལ། །ཤེལ་གྱི་གྲི་ཐོགས་ཡབ་ལ་འཁྱུད། །གཡོན་པ་དུང་དམར་གཙོ་ལ་སྟོབ། །ཀོང་ཙེ་བྲག་འཇོམས་དཀར་སེར་ཞལ། །རྡོ་རྗེ་བྲག་ནག་གཡས་པ་ན། །མེ་ཡི་འཁོར་ལོ་གཡོན་ན་ཐོགས། །ཞབས་གཉིས་གྱད་ཀྱི་དོར་སྟབས་བགྲད། །ཤེལ་མིག་ཁྲོ་མོ་གཡོན་ན་འཁྲིལ། །གཡས་པ་ལྕགས་ཀྱུ་ཡབ་ལ་འཁྱུད། །གཡོན་པ་བྷན་དམར་གཙོ་ལ་སྟོབ། །ཨ་བ་གླང་མགོ་སྨུག་ནག་ཞལ། །གཡས་པ་ཁ་ཊྭཱཾ་ལྕགས་ཀྱུ་གཡོན། །ཞབས་གཉིས་གྱད་ཀྱི་དོར་སྟབས་བགྲད། །དཀར་སྐྱ་མཆེ་གཙིགས་གཡོན་ནས་འཁྲིལ། །གཡས་པ་སྐར་མདའ་ཐོགས་ནས་འཁྱུད། །གཡོན་པ་བྷན་དམར་གཙོ་ལ་སྟོབ། །ཡ་བ་ཏི་ནི་སྔོ་ནག་ཞལ། །གཡས་ན་རལ་གྲི་གཡོན་ལྕགས་ཀྱུ། །ཞབས་གཉིས་གྱད་ཀྱི་དོར་སྟབས་བགྲད། །གཡོན་དུ་དྲེད་ཀྱི་ཨབ་ཤམ་འཁྲིལ། །གཡས་པ་ཁྲམ་ཤིང་ཐོགས་ནས་འཁྱུད། །གཡོན་པ་བྷན་དམར་གཙོ་ལ་སྟོབ། །གཤིན་རྗེ་མིག་དམར་སྨུག་ནག་ཞལ། །གཅོད་བྱེད་རལ་གྲི་གཡས་པ་ན། །ཏི་རའི་དབྱུག་པ་གཡོན་ན་ཐོགས། །ཁྲག་གི་རལ་གཅིག་གཡོན་ནས་འཁྲིལ། །གཡས་པ་ཡབ་འཁྱུད་གཡོན་པ་དུང་དམར་སྟོབ། །གཤིན་རྗེ་རྨིག་པ་དུད་ཀའི་ཞལ། །ཐོད་པའི་ཕྲེང་བ་གཡས་པ་ན། །གཡོན་པ་ལྕགས་སྒྲོག་དམར་པོ་སྡོམ། །ཞབས་གཉིས་གྱད་ཀྱི་དོར་སྟབས་བགྲད། །ནག་མོ་པུས་འགྲོ་གཡོན་ནས་འཁྲིལ། །གཡས་པ་ཡབ་ཀྱི་མགུལ་དུ་འཁྱུད། །གཡོན་པ་དུང་དམར་གཙོ་ལ་སྟོབ། །གཤིན་རྗེ་
ཏིལ་པ་སྔོ་ནག་ཞལ། །གཡས་པ་སྤུ་གྲི་འབར་བ་ཐོགས། །གཡོན་པ་བྷན་དྷ་རཀྟས་བཀང་། །ཞབས་གཉིས་གྱད་ཀྱི་དོར་སྟབས་བགྲད། །གཡོན་ནས་སྤྱན་གསུམ་མཆེ་གཙིགས་འཁྲིལ། །གཡས་པ་ཡབ་ཀྱི་མགུལ་ནས་འཁྱུད། །གཡོན་པ་དུང་དམར་གཙོ་ལ་སྟོབ། །གཤིན་རྗེ་བདུད་འཇོམས་སྨུག་ནག་ཞལ། །རྡུང་བྱེད་ཐོ་བ་གཡས་པ་ན། །རཀྟ་བྷན་དམར་གཡོན་ན་བསྣམས། །སྨུག་ནག་རལ་གཅིག་གཡོན་ནས་འཁྲིལ། །གཡས་པ་ཡབ་ཀྱི་མགུལ་ནས་འཁྱུད། །གཡོན་པ་དུང་དམར་གཙོ་ལ་སྟོབ། །ཆོས་ཀྱི་རྒྱལ་པོ་དཀར་སེར་ཞལ། །རྡོ་རྗེ་རྩེ་གསུམ་གཡས་པ་ན། །གཡོན་པ་བདུད་ཀྱི་ཁྲམ་ཤིང་ཐོགས། །ཞབས་གཉིས་གྱད་ཀྱི་དོར་སྟབས་བགྲད། །རྡོ་རྗེ་རལ་གཅིག་གཡོན་ནས་འཁྲིལ། །གཡས་པ་ཉི་ཟེར་ཞགས་པ་འཛིན། །གཡོན་པ་དུང་དམར་ཡབ་ལ་སྟོབ། །གཤིན་རྗེ་འབར་བ་དམར་པོའི་ཞལ། །སྐྱེ་འགྲོའི་རྩིས་བྱང་གཡས་པ་ན། །གཡོན་པ་གཏུན་ཤིང་འབར་བ་ཐོགས། །ཞབས་གཉིས་གྱད་ཀྱི་དོར་སྟབས་བགྲད། །དམར་མོ་མགོ་དགུ་གཡས་ནས་འཁྲིལ། །གཡས་པ་ཡབ་འཁྱུད་ཏྲི་ཤཱུལ་འཛིན། །གཡོན་པ་བྷན་དམར་གཙོ་ལ་སྟོབ། །གཤིན་རྗེ་ཐོད་དབྱུག་མཐིང་ནག་ཞལ། །ཏི་རའི་དབྱུག་པ་གཡས་པ་ན། །བདུད་ཀྱི་ཤོ་དྷི་གཡོན་ན་ཐོགས། །ཞབས་གཉིས་གྱད་ཀྱི་དོར་སྟབས་བགྲད། །ནག་མོ་ཕག་མགོ་གཡོན་ནས་འཁྲིལ། །གཡས་པ་ཡབ་ཀྱི་མགུལ་ནས་འཁྱུད། །གཡོན་པ་དུང་དམར་གཙོ་ལ་སྟོབ། །དཀར་ཞིང་འཚེར་བ་བྱ་རྒོད་མགོ། །རྡོ་རྗེ་རྩེ་ལྔ་གཡས་པ་ན། །ལྕགས་ཀྱུ་འབར་བ་གཡོན་ན་ཐོགས། །མཐིང་ནག་འབར་བ་སྟག་གི་མགོ། །རིན་ཆེན་དབྱུག་པ་གཡས་པ་ན། །རྒྱུ་ཞགས་འབར་བ་གཡོན་ན་ཐོགས། །ལེ་བརྒན་འབར་བ་ཀང་ཀའི་མགོ། །མེ་ཡི་པདྨ་གཡས་པ་ན། །ལྕགས་སྒྲོག་འབར་བ་གཡོན་ན་ཐོགས། །ལྗང་ནག་འབར་བ་སྤྱང་ཀིའི་མགོ། །རྒྱ་གྲམ་འབར་བ་གཡས་པ་ན། །ཤེལ་གྱི་དྲིལ་བུ་གཡོན་ན་ཐོགས། །འཇམ་དཔལ་སྐུའི་
ལྷ་ཚོགས་ཀྱི་སྐུ་མདོག་ཕྱག་མཚན་བསྟན་པའི་ལེའུ་སྟེ་བཞི་བཅུ་ཞེ་ལྔ་པའོ།། །།པདྨ་གསུང་གི་ལྷ་ཚོགས་ཀྱི། །སྐུ་མདོག་ཕྱག་མཚན་བསྟན་པ་ནི། །བཅོམ་ལྡན་དཔལ་ཆེན་རྟ་མགྲིན་རྒྱལ་པོ་ནི། །སྐུ་མདོག་དམར་པོ་བསྐལ་པའི་མེ་ལྟར་འབར། །དབུ་གསུམ་གཡས་དཀར་གཡོན་སྔོ་དབུས་དམར་ཞལ། །ཕྱག་དྲུག་ཁ་ཊྭཱཾ་རྡོ་རྗེ་སྦྲུལ་ཞགས་གཡས། །དྲིལ་བུ་བྷན་དམར་ལྕགས་སྒྲོག་གཡོན་ན་བསྣམས། །དབུ་གཙུག་རྟ་མགོ་ལྗང་གུ་རྟ་སྐད་འཚེར། །ཞབས་བཞི་བརྐྱངས་བསྐུམས་གདུག་པའི་ཀླུ་རྣམས་འདུལ། །ཡུམ་ཆེན་ཨེ་ཀ་ཙ་ཏི་སྐུ་ལ་འཁྲིལ། །སྐུ་མདོག་དམར་ནག་སྤྱན་གསུམ་སྡང་མིག་བགྲད། །གཡས་པ་ཁ་ཊྭཱཾ་བསྣམས་ནས་ཡབ་ལ་འཁྱུད། །གཡོན་པ་དུང་དམར་གཙོ་ལ་སྟོབ་པར་བྱེད། །སྤྲུལ་པའི་ཕྲ་མེན་བྱི་ལ་པུ་ཤུད་མགོ། །སྐུ་མདོག་དམར་ནག་བསྐལ་པའི་མེ་རི་འདྲ། །གཡས་པ་ལྕགས་ཀྱུ་གཡོན་པ་ཕུར་བུ་འདེབས། །ཡེ་ཤེས་ཟིལ་གནོན་ཁྲོ་བོའི་རྒྱལ་པོ་ནི། །སྐུ་མདོག་དམར་ནག་སེར་པོ་ཡང་ཞལ་གསུམ་ཕྱག་དྲུག་པ། །དབུ་གསུམ་གཡས་དཀར་གཡོན་སྔོ་ལྗང་ཡང་དབུས་དམར་ཞལ། །གཡས་པ་འཁོར་ལོ་རྡོ་རྗེ་རིན་པོ་ཆེ། །གཡོན་པ་པདྨ་རལ་གྲི་དྲིལ་བུ་བསྣམས། །ཞབས་བཞི་བརྐྱངས་བསྐུམས་ཟིལ་གནོན་ཚུལ་དུ་བགྲད། །དབུ་གཙུག་རྟ་མགོ་ལྗང་གུ་རྟ་སྐད་འཚེར། །ཡུམ་ཆེན་མི་ཕམ་ཁྲོ་མོ་སྐུ་ལ་འཁྲིལ། །གཡས་པ་ཡབ་འཁྱུད་གཡོན་པ་དུང་དམར་སྟོབ། །ལས་ཀྱི་ཁྲོ་བོ་ཟིལ་གནོན་ཁྲོ་བོ་ནི། །དབུ་གསུམ་གཡས་དཀར་གཡོན་སྔོ་དབུས་དམར་ཞལ། །ཕྱག་དྲུག་པདྨ་དབྱུག་ཏོ་སྤུ་གྲི་གཡས། །ཁ་ཊྭཱཾ་དགྲ་སྟྭ་རྒྱ་གྲམ་གཡོན་ན་བསྣམས། །ཞབས་བཞི་བརྐྱངས་བསྐུམས་ཟིལ་གནོན་ཚུལ་དུ་བགྲད། །དབུ་གཙུག་རྟ་མགོ་ལྗང་གུ་རྟ་སྐད་འཚེར། །ཡུམ་ཆེན་ཁྲོ་གཉེར་དམར་མོ་སྐུ་ལ་འཁྲིལ། །གཡས་པ་ཡབ་འཁྱུད་གཡོན་པ་དུང་དམར་སྟོབ། །ཡེ་ཤེས་མ་མོ་ཟིལ་གནོན་ཁྲོ་བོ་ནི། །དབུ་གསུམ་གཡས་དཀར་གཡོན་ལྗང་དབུས་དམར་ཞལ། །ཕྱག་དྲུག་སྡིགས་མཛུབ་ལྕགས་ཀྱུ་སྦྲུལ་ཞགས་གཡས། །ལྕགས་སྒྲོག་
ཁ་ཊྭཱཾ་རྔེའུ་ཆུང་གཡོན་ན་བསྣམས། །ཞབས་བཞི་བརྐྱངས་བསྐུམས་ཟིལ་གནོན་ཚུལ་དུ་བགྲད། །དབུ་གཙུག་རྟ་མགོ་ལྗང་གུ་རྟ་སྐད་འཚེར། །ཡུམ་ཆེན་རོ་ལངས་དམར་མོ་སྐུ་ལ་འཁྲིལ། །གཡས་པ་ཡབ་འཁྱུད་གཡོན་པ་དུང་དམར་སྟོབ། །ཡེ་ཤེས་བྱ་ཁྱུང་ཟིལ་གནོན་ཁྲོ་བོ་ནི། །དབུ་གསུམ་གཡས་དཀར་གཡོན་སྔོ་དབུས་དམར་ཞལ། །ཕྱག་དྲུག་རྡོ་རྗེ་ས་དང་མེ་ཁྱུང་གཡས། །ནམ་མཁའ་ཆུ་རླུང་བྱ་ཁྱུང་གཡོན་ན་བསྣམས། །ཞབས་བཞི་བརྐྱངས་བསྐུམས་ཟིལ་གནོན་ཚུལ་དུ་བགྲད། །དབུ་གཙུག་རྟ་མགོ་ལྗང་གུ་རྟ་སྐད་འཚེར། །ཡུམ་གཅིག་སྤྱན་གཅིག་དམར་མོ་སྐུ་ལ་འཁྲིལ། །གཡས་པ་ཡབ་འཁྱུད་གཡོན་པ་དུང་དམར་སྟོབ། །ཕོ་རྒྱུད་ཟིལ་གྱིས་གནོན་པའི་ཁྲོ་བོ་ནི། །དབུ་གསུམ་གཡས་དཀར་གཡོན་སྔོ་དབུས་དམར་ཞལ། །ཕྱག་དྲུག་རྡོ་རྗེ་ཐོད་སྐམ་རྒྱུ་ཞགས་གཡས། །དུང་ཁྲག་ཐོད་རློན་ཞིང་དབྱུག་གཡོན་ན་བསྣམས། །ཞབས་བཞི་བརྐྱངས་བསྐུམས་ཟིལ་གནོན་ཚུལ་དུ་བགྲད། །དབུ་གཙུག་རྟ་མགོ་ལྗང་གུ་རྟ་སྐད་འཚེར། །ཡུམ་ཆེན་རྡོ་རྗེ་ལས་བྱེད་སྐུ་ལ་འཁྲིལ། །གཡས་པ་ཡབ་འཁྱུད་གཡོན་པ་དུང་ཁྲག་སྟོབ། །མོ་རྒྱུད་ཟིལ་གྱིས་གནོན་པའི་ཁྲོ་བོ་ནི། །དབུ་གསུམ་གཡས་དཀར་གཡོན་ལྗང་དབུས་དམར་ཞལ། །ཕྱག་དྲུག་རྡོ་རྗེ་རལ་གྲི་མདའ་ནི་གཡས། །ཞགས་པ་སྡིགས་མཛུབ་གཞུ་ནི་གཡོན་ན་བསྣམས། །ཞབས་བཞི་བརྐྱངས་བསྐུམས་ཟིལ་གནོན་ཚུལ་དུ་བགྲད། །དབུ་གཙུག་རྟ་མགོ་ལྗང་གུ་རྟ་སྐད་འཚེར། །ཡུམ་ཆེན་གཤིན་རྗེ་ལས་བྱེད་སྐུ་ལ་འཁྲིལ། །གཡས་པ་ཡབ་འཁྱུད་གཡོན་པ་དུང་དམར་སྟོབ། །ཀླུ་རྣམས་ཟིལ་གྱིས་གནོན་པའི་ཁྲོ་བོ་ནི། །དབུ་གསུམ་གཡས་དཀར་གཡོན་ལྗང་དབུས་དམར་ཞལ། །ཕྱག་དྲུག་སྦྲུལ་དཀར་སྦྲུལ་སེར་སྦྲུལ་དམར་གཡས། །སྦྲུལ་ཁྲ་སྦྲུལ་སྔོ་སྦྲུལ་ནག་གཡོན་ན་བསྣམས། །ཞབས་བཞི་བརྐྱངས་བསྐུམས་ཟིལ་གནོན་ཚུལ་དུ་བགྲད། །དབུ་གཙུག་རྟ་མགོ་ལྗང་གུ་རྟ་སྐད་འཚེར། །ཀླུ་མོ་ལས་བྱེད་དམར་མོ་སྐུ་ལ་འཁྲིལ། །གཡས་པ་ཡབ་འཁྱུད་གཡོན་
པ་དུང་དམར་སྟོབ། །གཟའ་རྣམས་ཟིལ་གྱིས་གནོན་པའི་ཁྲོ་བོ་ནི། །དབུ་གསུམ་གཡས་དཀར་གཡོན་ལྗང་དབུས་དམར་ཞལ། །ཕྱག་དྲུག་རྡོ་རྗེ་རལ་གྲི་ཞགས་པ་གཡས། །དུང་ཁྲག་སེང་ལྡེང་དབྱུག་པ་ཁྱུང་ཆེན་གཡོན། །ཞབས་བཞི་བརྐྱངས་བསྐུམས་ཟིལ་གནོན་ཚུལ་དུ་བགྲད། །དབུ་གཙུག་རྟ་མགོ་ལྗང་གུ་རྟ་སྐད་འཚེར། །ཡུམ་ཆེན་གནོད་སྦྱིན་ལས་བྱེད་སྐུ་ལ་འཁྲིལ། །གཡས་པ་ཡབ་འཁྱུད་གཡོན་པ་དུང་དམར་སྟོབ། །སྒོ་བ་དཀར་པོ་ལྕགས་ཀྱུ་ཐོགས། །སྒོ་བ་སེར་པོ་ཞགས་པ་བསྣམས། །སྒོ་བ་དམར་པོ་ལྕགས་སྒྲོག་ཐོགས། །སྒོ་བ་ལྗང་གུ་དྲིལ་བུ་ཐོགས། །པདྨ་གསུང་གི་ལྷ་ཚོགས་ཀྱི་སྐུ་མདོག་ཕྱག་མཚན་བསྟན་པའི་ལེའུ་སྟེ་བཞི་བཅུ་ཞེ་དྲུག་པའོ།། །།ཕུར་པ་ཕྲིན་ལས་ལྷ་ཚོགས་ཀྱི། །སྐུ་མདོག་ཕྱག་མཚན་བསྟན་པ་ནི། །བཅོམ་ལྡན་དཔལ་ཆེན་རྡོ་རྗེ་གཞོན་ནུ་ནི། །དབུ་གསུམ་ཕྱག་དྲུག་ཞབས་བཞི་སྐུ་མདོག་མཐིང་། །གཡས་དཀར་གཡོན་དམར་དབུས་ནི་མཐིང་ནག་ཞལ། །གཡས་གཉིས་རྡོ་རྗེ་རྩེ་དགུ་རྩེ་ལྔ་བསྣམས། །གཡོན་གྱི་གཉིས་ན་ཁ་ཊྭཱཾ་མེ་དཔུང་བསྣམས། །ཐ་མ་གཉིས་ན་རི་རབ་ཕུར་བུ་འདྲིལ། །དུར་ཁྲོད་འཇིགས་པའི་ཆས་བརྒྱད་སྐུ་ལ་བརྒྱན། །འཁོར་ལོ་རྒྱས་འདེབས་མཐིང་ནག་སྐུ་ལ་འཁྲིལ། །གཡས་པ་ཁ་ཊྭཱཾ་ཐོགས་ནས་ཡབ་ལ་འཁྱུད། །གཡོན་པ་དུང་ཁྲག་གཙོ་ལ་སྟོབ་པར་བྱེད། །ཐུགས་ཀྱི་སྲས་མཆོག་བུཌྜྷ་ཀཱི་ལ་ཡ། །དབུ་གསུམ་གཡས་དཀར་གཡོན་དམར་དབུས་མཐིང་ཞལ། །ཕྱག་དྲུག་གཡས་གཡོན་དང་པོ་རྡོ་རྗེ་དགྲ་སྟྭ་བསྣམས། །བར་མ་གཉིས་ན་རྒྱུ་ཞགས་རལ་གྲི་བསྣམས། །ཐ་མ་གཉིས་ན་རི་རབ་ཕུར་བུ་འདྲིལ། །སྐུ་སྨད་དངུལ་ཕུར་ཟླུམ་པོ་ཨེ་ཡི་གདན་ལ་བཞུགས། །ལྷོ་ཕྱོགས་སྲས་མཆོག་རཏྣ་ཀཱི་ལ་ཡ། །དབུ་གསུམ་གཡས་དཀར་གཡོན་དམར་དབུས་སེར་ཞལ། །གཡས་གཡོན་དང་པོ་མེ་དང་དགྲ་སྟྭ་བསྣམས། །བར་མ་གཉིས་ན་རལ་གྲི་བེ་ཅོན་བསྣམས། །ཐ་མ་གཉིས་ན་རི་རབ་ཕུར་བུ་འདྲིལ། །སྐུ་སྨད་གསེར་ཕུར་གྲུ་
བཞི་ཨེ་ཡི་གདན་ལ་བཞུགས། །ནུབ་ཀྱི་སྲས་མཆོག་པདྨ་ཀཱི་ལ་ཡ། །དབུ་གསུམ་གཡས་དཀར་གཡོན་སེར་དབུས་དམར་ཞལ། །གཡས་གཡོན་དང་པོ་རལ་གྲི་མདུང་ཐུང་བསྣམས། །བར་མ་གཉིས་ན་མདའ་གཞུ་འགེངས་ཤིང་འཕེན། །ཐ་མ་གཉིས་ན་རི་རབ་ཕུར་བུ་འདྲིལ། །སྐུ་སྨད་ཟངས་ཕུར་ཟླ་གམ་ཨེ་ཡི་གདན་ལ་བཞུགས། །བྱང་གི་སྲས་མཆོག་ཀརྨ་ཀཱི་ལ་ཡ། །དབུ་གསུམ་གཡས་དཀར་གཡོན་དམར་དབུས་ལྗང་ཞལ། །གཡས་གཡོན་དང་པོ་མདུང་དང་གྲི་གུག་བསྣམས། །བར་མ་གཉིས་ན་ལྕགས་ཀྱུ་རལ་གྲི་བསྣམས། །ཐ་མ་གཉིས་ན་རི་རབ་ཕུར་བུ་འདྲིལ། །སྐུ་སྨད་ལྕགས་ཕུར་ཟུར་གསུམ་ཨེ་ཡི་གདན་ལ་བཞུགས། །ཧཱུཾ་ཆེན་སྔོ་སྐྱ་སེར་དང་དམར་བའི་ཞལ། །གཡས་གཡོན་དང་པོ་རྡོ་རྗེས་དུང་ཁྲག་དཀྲུགས། །བར་མ་གཉིས་ན་མདའ་གཞུ་འགེངས་ཤིང་འཕེན། །ཐ་མ་གཉིས་ན་རི་རབ་ཕུར་བུ་འདྲིལ། །རྡོ་རྗེའི་གཤོག་པ་ནམ་མཁའི་མཐའ་མཉམ་གདེངས། །ཞབས་བཞི་བརྐྱངས་བསྐུམས་ཚངས་པའི་གདན་ལ་བཞུགས། །ཡུམ་ཆེན་རྡོ་རྗེ་སྒྲ་འབྱིན་སྐུ་ལ་འཁྲིལ། །གཡས་པ་བེ་ཅོན་གཡོན་པ་ཐོད་ཁྲག་སྟོབ། །ཡབ་ཀྱི་སྤྲུལ་པ་ཕག་གི་མགོ་བོ་ཅན། །གཡས་པ་ཐོ་བ་གཡོན་པ་ཕུར་པ་འདྲིལ། །ཡུམ་གྱི་སྤྲུལ་པ་སྨིག་བུའི་མགོ་བོ་ཅན། །གཡས་པ་ཉི་ཟླ་གཡོན་པ་ཕུར་བུ་འདྲིལ། །རྣམ་རྒྱལ་དཀར་པོ་སྔོ་དང་ལྗང་སེར་ཞལ། །གཡས་གཡོན་དང་པོ་རྡོ་རྗེས་དུང་ཁྲག་དཀྲུགས། །བར་མ་གཉིས་ན་འཁོར་ལོ་ཏྲི་ཤཱུ་ལ། །ཐ་མ་གཉིས་ན་རི་རབ་ཕུར་བུ་འདྲིལ། །རྡོ་རྗེའི་གཤོག་པ་ནམ་མཁའི་མཐའ་མཉམ་གདེངས། །ཞབས་བཞི་བརྐྱངས་བསྐུམས་བརྒྱ་བྱིན་གདན་ལ་བཞུགས། །ཡུམ་ཆེན་རྡོ་རྗེ་སྙེམས་མ་སྐུ་ལ་འཁྲིལ། །གཡས་པ་རལ་གྲི་གཡོན་པ་ཐོད་ཁྲག་སྟོབས། །ཡབ་ཀྱི་སྤྲུལ་པ་སྟག་གི་མགོ་བོ་ཅན། །གཡས་པ་རྡོ་རྗེ་གཡོན་པ་ཕུར་པ་འདྲིལ། །ཡུམ་གྱི་སྤྲུལ་པ་བྱ་རྒོད་མགོ་བོ་ཅན། །གཡས་པ་ལྕགས་ཀྱུ་གཡོན་པ་ཕུར་བུ་འདྲིལ། །ཁྲོ་རྒྱལ་དབྱུག་སྔོན་དཀར་དང་དམར་བའི་ཞལ། །
གཡས་གཡོན་དང་པོ་རྡོ་རྗེས་དུང་ཁྲག་དཀྲུགས། །བར་མ་གཉིས་ན་མེ་དབལ་དབྱུག་ཏོ་བསྣམས། །ཐ་མ་གཉིས་ན་རི་རབ་ཕུར་བུ་འདྲིལ། །རྡོ་རྗེའི་གཤོག་པ་ནམ་མཁའི་མཐའ་མཉམ་གདེངས། །ཞབས་བཞི་བརྐྱངས་བསྐུམས་དྲང་སྲོང་གདན་ལ་བཞུགས། །ཡུམ་ཆེན་རྡོ་རྗེ་སྡེར་མོ་སྐུ་ལ་འཁྲིལ། །གཡས་པ་ལྕགས་ཀྱུ་གཡོན་པ་ཐོད་ཁྲག་སྟོབས། །ཡབ་ཀྱི་སྤྲུལ་པ་གཡག་གི་མགོ་བོ་ཅན། །གཡས་པ་དབྱུག་ཏོ་གཡོན་པ་ཕུར་པ་འདྲིལ། །ཡུམ་གྱི་སྤྲུལ་པ་བྱ་རོག་མགོ་བོ་ཅན། །གཡས་པ་མེ་དབལ་གཡོན་པ་ཕུར་བུ་འདྲིལ། །ཁྲོ་རྒྱལ་གཤིན་རྗེ་སྔོ་སྐྱ་ལྗང་སྔོན་ཞལ། །གཡས་གཡོན་དང་པོ་རྡོ་རྗེས་དུང་ཁྲག་དཀྲུགས། །བར་མ་གཉིས་ན་ཐོད་དབྱུག་དགྲ་སྟྭ་བསྣམས། །ཐ་མ་གཉིས་ན་རི་རབ་ཕུར་བུ་འདྲིལ། །རྡོ་རྗེའི་གཤོག་པ་ནམ་མཁའི་མཐའ་མཉམ་གདེངས། །ཞབས་བཞི་བརྐྱངས་བསྐུམས་གྲུལ་བུམ་གདན་ལ་བཞུགས། །ཡུམ་ཆེན་དུར་ཁྲོད་བདག་མོ་སྐུ་ལ་འཁྲིལ། །གཡས་པ་ཐོད་དབྱུག་གཡོན་པ་ཐོད་ཁྲག་སྟོབས། །ཡབ་ཀྱི་སྤྲུལ་པ་ཤ་བའི་མགོ་བོ་ཅན། །གཡས་པ་དགྲ་སྟྭ་གཡོན་པ་ཕུར་པ་འདྲིལ། །ཡུམ་གྱི་སྤྲུལ་པ་འུག་པའི་མགོ་བོ་ཅན། །གཡས་པ་ཞགས་པ་གཡོན་པ་ཕུར་བུ་འདྲིལ། །མི་གཡོ་མགོན་པོ་ལྗང་སྔོན་སྨུག་ནག་ཞལ། །གཡས་གཡོན་དང་པོ་རྡོ་རྗེས་དུང་ཁྲག་དཀྲུགས། །བར་མ་གཉིས་ན་རལ་གྲི་ཞགས་པ་བསྣམས། །ཐ་མ་གཉིས་ན་རི་རབ་ཕུར་བུ་འདྲིལ། །རྡོ་རྗེའི་གཤོག་པ་ནམ་མཁའི་མཐའ་མཉམ་གདེངས། །ཞབས་བཞི་བརྐྱངས་བསྐུམས་བདེན་བྲལ་གདན་ལ་བཞུགས། །ཡུམ་ཆེན་རྡོ་རྗེ་གཏུན་ཁུང་སྐུ་ལ་འཁྲིལ། །གཡས་པ་ཐོ་བ་གཡོན་པ་ཐོད་ཁྲག་སྟོབས། །ཡབ་ཀྱི་སྤྲུལ་པ་གཟིག་གི་མགོ་བོ་ཅན། །གཡས་པ་རལ་གྲི་གཡོན་པ་ཕུར་པ་འདྲིལ། །ཡུམ་གྱི་སྤྲུལ་པ་ཁྭ་ཏའི་མགོ་བོ་ཅན། །གཡས་པ་ལྕགས་ཀྱུ་གཡོན་པ་ཕུར་བུ་འདྲིལ། །རྟ་མགྲིན་དམར་པོ་དཀར་དང་སྔོ་བའི་ཞལ། །གཡས་གཡོན་དང་པོ་རྡོ་རྗེས་དུང་ཁྲག་དཀྲུགས། །བར་མ་གཉིས་
ན་སྤུ་གྲི་ཞགས་པ་བསྣམས། །ཐ་མ་གཉིས་ན་རི་རབ་ཕུར་བུ་འདྲིལ། །རྡོ་རྗེའི་གཤོག་པ་ནམ་མཁའི་མཐའ་མཉམ་གདེངས། །ཞབས་བཞི་བརྐྱངས་བསྐུམས་ཆུ་ལྷའི་གདན་ལ་བཞུགས། །ཡུམ་ཆེན་རྡོ་རྗེ་གཏུམ་མོ་སྐུ་ལ་འཁྲིལ། །གཡས་པ་སྤུ་གྲི་གཡོན་པ་དུང་ཁྲག་སྟོབ། །ཡབ་ཀྱི་སྤྲུལ་པ་བྱི་ལའི་མགོ་བོ་ཅན། །གཡས་པ་ཞགས་པ་གཡོན་པ་ཕུར་པ་འདྲིལ། །ཡུམ་གྱི་སྤྲུལ་པ་པུ་ཤུད་མགོ་བོ་ཅན། །གཡས་པ་སྤུ་གྲི་གཡོན་པ་ཕུར་བུ་འདྲིལ། །འདོད་རྒྱལ་དམར་སྐྱ་སེར་དང་ལྗང་གུའི་ཞལ། །གཡས་གཡོན་དང་པོ་རྡོ་རྗེས་དུང་ཁྲག་དཀྲུགས། །བར་མ་གཉིས་ན་བ་དན་རྔ་ཡབ་བསྣམས། །ཐ་མ་གཉིས་ན་རི་རབ་ཕུར་བུ་འདྲིལ། །རྡོ་རྗེའི་གཤོག་པ་ནམ་མཁའི་མཐའ་མཉམ་གདེངས། །ཞབས་བཞི་བརྐྱངས་བསྐུམས་རླུང་ལྷའི་གདན་ལ་བཞུགས། །ཡུམ་ཆེན་རྡོ་རྗེ་མདའ་སྙེམས་སྐུ་ལ་འཁྲིལ། །གཡས་པ་ཐོ་བ་གཡོན་པ་དུང་ཁྲག་སྟོབ། །ཡབ་ཀྱི་སྤྲུལ་པ་སྤྱང་ཀིའི་མགོ་བོ་ཅན། །གཡས་པ་བ་དན་གཡོན་པ་ཕུར་པ་འདྲིལ། །ཡུམ་གྱི་སྤྲུལ་པ་ཁྲ་ཡི་མགོ་བོ་ཅན། །གཡས་པ་རྔ་ཡབ་གཡོན་པ་ཕུར་བུ་འདྲིལ། །བདུད་རྩི་འཁྱིལ་པ་ལྗང་ནག་དཀར་དམར་ཞལ། །གཡས་གཡོན་དང་པོ་རྡོ་རྗེས་དུང་ཁྲག་དཀྲུགས། །བར་མ་གཉིས་ན་རྒྱ་གྲམ་དྲིལ་བུ་བསྣམས། །ཐ་མ་གཉིས་ན་རི་རབ་ཕུར་བུ་འདྲིལ། །རྡོ་རྗེའི་གཤོག་པ་ནམ་མཁའི་མཐའ་མཉམ་གདེངས། །ཞབས་བཞི་བརྐྱངས་བསྐུམས་གནོད་སྦྱིན་གདན་ལ་བཞུགས། །ཡུམ་ཆེན་རྡོ་རྗེ་རླུང་འབྱིན་སྐུ་ལ་འཁྲིལ། །གཡས་པ་དགྲ་སྟྭ་གཡོན་པ་དུང་ཁྲག་སྟོབ། །ཡབ་ཀྱི་སྤྲུལ་པ་སེང་གེའི་མགོ་བོ་ཅན། །གཡས་པ་རྡོ་རྗེ་གཡོན་པ་ཕུར་པ་འདྲིལ། །ཡུམ་གྱི་སྤྲུལ་པ་ཕ་ཝང་མགོ་བོ་ཅན། །གཡས་པ་མེ་སྒྲོན་གཡོན་པ་ཕུར་བུ་འདྲིལ། །ཁམས་གསུམ་རྣམ་རྒྱལ་དཀར་དང་དམར་བའི་ཞལ། །གཡས་གཡོན་དང་པོ་རྡོ་རྗེས་དུང་ཁྲག་དཀྲུགས། །བར་མ་གཉིས་ན་རྡོ་རྗེ་སྦྲུལ་ཞགས་བསྣམས། །ཐ་མ་གཉིས་ན་རི་རབ་
ཕུར་བུ་འདྲིལ། །རྡོ་རྗེའི་གཤོག་པ་ནམ་མཁའི་མཐའ་མཉམ་གདེངས། །ཞབས་བཞི་བརྐྱངས་བསྐུམས་བགེགས་ཀྱི་གདན་ལ་བཞུགས། །ཡུམ་ཆེན་རྡོ་རྗེ་གསོད་བྱེད་སྐུ་ལ་འཁྲིལ། །གཡས་པ་གྲི་གུག་གཡོན་པ་དུང་ཁྲག་སྟོབ། །ཡབ་ཀྱི་སྤྲུལ་པ་དོམ་གྱི་མགོ་བོ་ཅན། །གཡས་པ་དྲིལ་བུ་གཡོན་པ་ཕུར་པ་འདྲིལ། །ཡུམ་གྱི་སྤྲུལ་པ་སྲེ་མོའི་མགོ་བོ་ཅན། །གཡས་པ་ལྕགས་ཀྱུ་གཡོན་པ་ཕུར་བུ་འདྲིལ། །སྟོབས་ཆེན་དུད་ཀ་ནག་དང་ལྗང་གུའི་ཞལ། །གཡས་གཡོན་དང་པོ་རྡོ་རྗེས་དུང་ཁྲག་དཀྲུགས། །བར་མ་གཉིས་ན་ཐོ་བ་ཞགས་པ་བསྣམས། །ཐ་མ་གཉིས་ན་རི་རབ་ཕུར་བུ་འདྲིལ། །རྡོ་རྗེའི་གཤོག་པ་ནམ་མཁའི་མཐའ་མཉམ་གདེངས། །ཞབས་བཞི་བརྐྱངས་བསྐུམས་ས་བདག་གདན་ལ་བཞུགས། །ཡུམ་ཆེན་རྡོ་རྗེ་སྐུལ་བྱེད་སྐུ་ལ་འཁྲིལ། །གཡས་པ་རྩེ་གསུམ་གཡོན་པ་དུང་ཁྲག་སྟོབ། །ཡབ་ཀྱི་སྤྲུལ་པ་དྲེད་ཀྱི་མགོ་བོ་ཅན། །གཡས་པ་རྡོ་རྗེ་གཡོན་པ་ཕུར་པ་འདྲིལ། །ཡུམ་གྱི་སྤྲུལ་པ་བྱི་བའི་མགོ་བོ་ཅན། །གཡས་པ་སོག་ལེ་གཡོན་པ་ཕུར་བུ་འདྲིལ། །སྒོ་བ་དཀར་པོ་ལྕགས་ཀྱུ་པུ་ཤུད་མགོ། །སྒོ་བ་སེར་པོ་ཞགས་པ་སྐྱ་ཀའི་མགོ། །སྒོ་བ་དམར་པོ་ལྕགས་སྒྲོག་སྲིན་བྱའི་མགོ། །སྒོ་བ་ལྗང་གུ་དྲིལ་བུ་ཁྲ་ཡི་མགོ། །) ཕུར་པ་ཕྲིན་ལས་ཀྱི་ལྷ་ཚོགས་ཀྱི་སྐུ་མདོག་ཕྱག་མཚན་བསྟན་པའི་ལེའུ་སྟེ་བཞི་བཅུ་ཞེ་བདུན་པའོ།། །།མ་མོ་རྦོད་གཏོང་ལྷ་ཚོགས་ཀྱི། །སྐུ་མདོག་ཕྱག་མཚན་བསྟན་པ་ནི། །བཅོམ་ལྡན་བླ་མེད་ཧེ་རུ་ཀ །སྐུ་ནི་མཐིང་ནག་འཇིགས་ཚུལ་ཅན། །གཡས་དཀར་གཡོན་དམར་དབུས་མཐིང་ཞལ། །རྡོ་རྗེ་སྦྲུལ་ཁྱུང་སྦྲུལ་ཞགས་གཡས། །བྷནྡ་ཞིང་གཡབ་གའུ་གཡོན། །དུར་ཁྲོད་འཇིགས་པའི་ཆས་ཀྱིས་བརྒྱན། །ཞབས་བཞི་བགྲད་པས་མ་མོ་གཟིར། །ཡུམ་ཆེན་ཀུན་ཏུ་བཟང་མོ་ནི། །བཞི་ཟུར་ཞབས་བརྒྱད་ཕྱོགས་མཚམས་གནོན། །མཁའ་བཞི་བདེ་ཀློང་གཅིག་ཏུ་འཁྱིལ། །དབུ་གཅིག་ཞལ་ལྔ་སྲིད་པ་གསལ། །ཕ་རོལ་ཕྱིན་དྲུག་ཕྱག་རྒྱ་ལ། །དང་པོ་རྡོ་རྗེ་དྲིལ་བུ་འབར། །བར་མ་དྲིལ་ཞགས་
བྷནྡ་ལྡན། །ཐ་མ་བདུད་རྩི་གཡང་གཞིར་ལྡན། །སྣ་ཚོགས་བསྒྱུར་བའི་སྐུ་མདོག་ལ། །ན་བཟའ་སྣ་ཚོགས་ཤིན་ཏུ་འབར། །ཤར་གྱི་མཁའ་འགྲོ་སེང་གེའི་གདོང་། །རྟག་པའི་རྒྱལ་མོ་རྣམ་སྣང་གསལ། །སྐུ་མདོག་དཀར་མོ་འབར་བ་ལ། །ན་བཟའ་དཀར་པོ་ཤེལ་ལྟར་དག །དབུ་གསུམ་ཕྱག་དྲུག་ཞབས་བཞི་བགྲད། །དང་པོ་རྡོ་རྗེ་བྷནྡ་འབར། །བར་མ་དགྲ་སྟྭ་གཏུན་ཤིང་བརྡེག །ཐ་མ་སེང་གེ་མཆོག་ཆེན་སྙོད། །ལྷ་ཡི་མཁའ་འགྲོ་བན་གླང་གདོང་། །རྟག་པའི་རྒྱལ་མོ་འོད་གསལ་འབར། །སྐུ་མདོག་སྔོན་མོ་འབར་བ་ལ། །ན་བཟའ་སྔོན་པོ་བཻ་ཌཱུརྱ། །དབུ་གསུམ་ཕྱག་དྲུག་ཞབས་བཞི་བགྲད། །དང་པོ་རིན་ཆེན་བྷནྡ་འབར། །བར་མ་མེ་དབལ་དབྱུག་ཏོ་ལ། །ཐ་མ་སྟག་མོ་ཞིང་ཆུང་སྙོད། །ནུབ་ཀྱི་མཁའ་འགྲོ་ཕུད་ཀའི་གདོང་། །རྟག་པའི་རྒྱལ་མོ་སྙན་མཉེན་ཡང་གསལ་འབར། །སྐུ་མདོག་དམར་མོ་འབར་བ་ལ། །ན་བཟའ་དམར་མོ་དབང་གིས་མཛེས། །དང་པོ་པདྨ་བྷནྡ་འབར། །བར་མ་ཞགས་པ་ཏྲི་ཤཱུ་ལ། །ཐ་མ་ཅེ་སྤྱང་ཞིང་ཆུང་སྙོད། །ཞབས་བཞི་ཆུ་བདག་སྟེང་དུ་བགྲད། །བྱང་གི་མཁའ་འགྲོ་རྡོ་རྗེའི་མཆུ། །རྟག་པའི་རྒྱལ་མོ་ཡང་གསལ་གཡོས། །སྐུ་མདོག་ལྗང་གུ་འབར་བ་ལ། །ན་བཟའ་ལྗང་གུ་བཻ་ཌཱུརྻ། །དབུ་གསུམ་ཕྱག་དྲུག་ཞབས་བཞི་བགྲད། །དང་པོ་རྒྱ་གྲམ་བྷནྡ་དམར། །བར་མ་དབྱུག་ཏོ་རྒྱུ་ཕྲེང་འཛིན། །ཐ་མ་སྤྱང་མོ་ཞིང་ཆུང་སྙོད། །ཞབས་བཞི་གནོད་སྦྱིན་སྟེང་དུ་བགྲད། །ནམ་མཁའི་མཁའ་འགྲོ་རྡོ་རྗེ་མཆུ། །རྟག་པའི་རྒྱལ་མོ་བཀྲག་གསལ་འབར། །སྐུ་མདོག་སེར་མོ་འབར་བ་ལ། །ན་བཟའ་སེར་པོ་བཙོ་མ་གསེར། །དབུ་གསུམ་ཕྱག་དྲུག་ཞབས་བཞི་བགྲད། །དང་པོ་འཁོར་ལོ་བྷནྡ་འབར། །བར་མ་རྒྱལ་མཚན་སྤུ་གྲི་འཛིན། །ཐ་མ་འུག་པ་ཞིང་ཆུང་སྙོད། །ཞབས་བཞིར་ཡ་བདུད་སྟེང་ན་བགྲད། །སྲིད་པ་བདེ་འགྲོ་ཁམས་གསུམ་ཡུམ། །སྐུ་མདོག་མཐིང་
ནག་འབར་བ་ལ། །དབུ་གསུམ་ཕྱག་དྲུག་ཞབས་བཞི་བགྲད། །གཡས་ཀྱི་དང་པོ་འཁོར་ལོ་བསྐོར། །གཡོན་གྱི་དང་པོ་རིན་པོ་ཆེ། །གཡས་ཀྱི་བར་མ་གཡང་གཞི་བརྡེབ། །གཡོན་གྱི་བྷནྡ་དམར་གྱིས་བཀང་། །གཡས་ཀྱི་ཐ་མ་ཚེ་འཛིན་ཅིང་། །གཡོན་གྱི་ཐ་མ་ལྕགས་ཀྱུ་ཐོགས། །ཞབས་དྲུག་རྒྱུད་དྲུག་སྒོ་ཡང་གཅོད། །དཀར་མོ་ཉི་མའི་ཐོད་ཕྲེང་ཅན། །ན་བཟའ་སྤྲིན་དཀར་བརྩེགས་པ་ལ། །འཇའ་ཚོན་འབར་བའི་མཐའ་ཆག་ཅན། །ཉི་ཟླ་སྟོང་གི་ཐོད་ཕྲེང་ཅན། །ཕྱག་ན་ཟངས་ལྕགས་དཀར་ནག་ལ། །སྙིང་བརྒྱུས་པ་ཡི་ཞགས་པ་འཕེན། །ཉི་མ་ཁྲོས་པའི་དབང་མོ་ཆེ། །སྐུ་མདོག་དཀར་མོ་འབར་བ་ལ། །སྐུ་ལ་ཤེལ་གྱི་གོ་ཟུ་མནབས། །ཕྱག་ན་ཤེལ་གྱི་སྤུ་གྲི་བསྣམས། །ཁྲག་འཐུང་ཁྲོས་པའི་དབང་མོ་ཆེ། །སྐུ་མདོག་སྔོན་མོ་འབར་བ་ལ། །ན་བཟའ་གཡུ་ཡི་གོ་ཟུ་གསོལ། །ལག་ན་ཐོད་པ་ཁྲག་བཀང་བསྣམས། །བདུད་རྩི་ཁྲོས་པའི་དབང་མོ་ཆེ། །སྐུ་མདོག་དམར་མོ་འབར་བ་ལ། །ན་བཟའ་ལེ་བརྒན་གོ་ཟུ་མནབས། །ལག་ན་བདུད་རྩིའི་བུམ་པ་བསྣམས། །སྲིད་གསུམ་ཁྲོས་པའི་དབང་མོ་ཆེ། །སྐུ་མདོག་ལྗང་ནག་འབར་བ་ལ། །ན་བཟའ་ལྗང་གུ་བཻ་ཌཱུརྻ། །ལག་ན་ཞིང་ལྤགས་རྒྱལ་མཚན་ཐོགས། །དཀར་མོ་སྲིད་པའི་རྒྱན་བྱེད་མ། །ལག་ན་སྐྲ་ཡི་ཞགས་པ་ཐོགས། །སྔོན་མོ་དབྱིངས་ཕྱུག་རྒྱལ་མོ་ནི། །ལག་ན་ཞིང་གི་དབྱུག་པ་ཐོགས། །དམར་མོ་བདག་ཉིད་ཆེན་མོ་ནི། །ལག་ན་ཞིང་གི་རྒྱུ་ཞགས་འཛིན། །སེར་མོ་ཆེན་མོ་གཅིག་པུ་མ། །ལག་ན་མི་ཡི་གཡང་གཞི་བརྡེབ། །དཀར་མོ་ཆེན་མོ་མིག་གཅིག་མ། །ལག་ན་བྷནྡ་ཟླུམ་པོ་ཐོགས། །མཐིང་ནག་ཆེན་མོ་མཆེ་བ་ཅན། །ལག་ན་བྷནྡ་སུལ་མང་ཐོགས། །དམར་མོ་དབང་གི་རྒྱལ་མོ་ནི། །ལག་ན་བྷནྡ་ལྕང་ལོ་ཐོགས། །སེར་མོ་ཆེན་མོ་ལས་ཀྱི་གཙོ། །ལག་ན་བྷནྡ་རྒྱ་གྲམ་ཐོགས། །སྲིད་པའི་མ་མོ་ཆགས་བྱེད་མོ། །སྐུ་མདོག་མཐིང་ནག་འབར་བ་ལ། །གོས་སུ་མི་ལྤགས་རློན་པ་གོན། །ལག་ན་མི་སྙིང་རློན་པ་ཐོགས། །སྲིད་པ་
ཆ་སྙོམས་ཆེན་མོ་ནི། །སྐུ་མདོག་དམར་མོ་ཆེན་མོ་སྟེ། །སྟག་ལྤགས་རློན་པའི་གོ་ཟུ་ལ། །མི་ལྤགས་རློན་པའི་ན་བཟའ་བཀླུབས། །ལག་ན་ཐོད་པ་ཁྲག་གིས་བཀང་། །འདོད་ཁམས་གཙོ་མོ་ཆེན་མོ་ནི། །སྐུ་མདོག་སྔོན་མོ་ཆེན་མོ་ལ། །སྐུ་སྟོད་སྟག་གི་པགས་པ་ལ། །སྐུ་སྨད་ཟངས་ཀྱི་ཞབས་མས་གཡོགས། །ལག་ན་ཁྲམ་ཤིང་ནག་པོ་ཐོགས། །ཨེ་ཀ་ཙ་ཏི་རལ་གཅིག་མ། །སྐུ་མདོག་དམར་མོ་འབར་བ་ལ། །གོས་སུ་སྤྲིན་དཀར་གོ་ཟུ་ཡི། །མཐའ་མ་འཇའ་ཚོན་འབར་བས་འཁྲིགས། །ལག་ན་ཁ་ཊྭཱཾ་མི་རོ་ཐོགས། །གླིང་བཞི་སྤྱི་ཕུད་ཆེན་མོ་ནི། །དཀར་མོ་སྒེག་པའི་ཆ་བྱད་མ། །ཤེལ་གྱི་གོ་ཟུ་སྐུ་ལ་གསོལ། །ལག་ན་ལྕགས་ཀྱི་འོད་ཕྲེང་ཐོགས། །རིན་ཆེན་སྲིད་འདེགས་ཆེན་མོ་ནི། །ཆ་བྱད་སྔོན་མོ་ཆེན་མོ་ལ། །མུ་ཏིག་ཁུ་འཕང་གོ་ཟུ་ཅན། །ལག་ན་གཡུ་ཡི་གའུ་ཐོགས། །པདྨ་གར་གྱི་དབང་ཕྱུག་མ། །སྐུ་ཡི་ཆ་བྱད་དམར་མོ་ལ། །ལེ་བརྒན་འབར་བའི་གོ་ཟུ་ཅན། །ལག་ན་ཐོད་པ་ཁྲག་བཀང་ཐོགས། །རྡོ་རྗེ་གར་གྱི་དབང་ཕྱུག་མ། །སྐུ་མདོག་སེར་མོ་འབར་བ་ལ། །ན་བཟའ་གསེར་གྱི་གོ་ཟུ་ཅན། །ལག་ན་བྷནྡ་ཁྲག་བཀང་ཐོགས། །ཧར་ཏིང་དཀར་མོ་ཆེན་མོ་ནི། །སྐུ་ལ་ཤེལ་གྱི་གོ་ཟུ་གསོལ། །ལག་ན་མེ་ཡི་དཀྱིལ་འཁོར་ཐོགས། །དུན་ཏིང་ནག་མོ་ཆེན་མོ་ནི། །སྐུ་ལ་གཡུ་ཡི་གོ་ཟུ་གསོལ། །ལག་ན་ས་ཡི་འཁོར་ལོ་ཐོགས། །ཤན་ཏིང་དམར་མོ་ཆེན་མོ་ནི། །སྐུ་ལ་བྱི་རུའི་གོ་ཟུ་གསོལ། །ལག་ན་ཆུ་ཡི་དཀྱིལ་འཁོར་ཐོགས། །གྲུབ་ཏིང་སེར་མོ་ཆེན་མོ་ནི། །ན་བཟའ་སེར་པོའི་གོ་ཟུ་གསོལ། །ལག་ན་རླུང་གི་འཁོར་ལོ་ཐོགས། །སྲིན་མོ་ཆེན་མོ་སྐམས་པ་མོ། །སྐུ་མདོག་དཀར་མོ་གོ་ཟུ་ཅན། །ལག་ན་ཤེལ་ཕུར་བྷནྡ་ཐོགས། །སྲིན་མོ་ཆེན་མོ་ཕོར་ཐོགས་མ། །སྐུ་མདོག་སྔོན་མོ་གོ་ཟུ་སྔོ། །ལག་ན་བྷནྡ་ཁྲག་བཀང་ཐོགས། །སྲིན་མོ་ཆེན་མོ་གཡང་གཞི་མོ། །སྐུ་མདོག་དམར་པོ་གོ་ཟུ་དམར། །ལག་ན་བྷནྡ་ཐོད་
སྦྲམ་ཐོགས། །སྲིན་མོ་ཆེན་མོ་ཟ་བ་མོ། །སྐུ་མདོག་དམར་མོ་གོ་ཟུ་དམར། །ལག་ན་བྷནྡ་ལྤགས་རློན་ཐོགས། །སྲིན་མོ་ཆེན་མོ་གསོད་བྱེད་མ། །སྐུ་མདོག་སེར་མོ་གོ་ཟུ་སེར། །ལག་ན་བྷནྡ་གྲི་སྣོད་ཐོགས། །སྲིན་མོ་ཆེན་མོ་ཟ་བྱེད་མ། །སྐུ་མདོག་སེར་མོ་གོ་ཟུ་སེར། །ལག་ན་བྷནྡ་ལྕགས་ཀྱུ་ཐོགས། །སྲིན་མོ་དྲི་མ་སྣོམ་བྱེད་མ། །སྐུ་མདོག་དཀར་མོ་གོ་ཟུ་ཅན། །ལག་ན་བྷནྡ་རློན་པ་ཐོགས། །ཤར་གྱི་དཀར་མོ་མཆེ་གཙིགས་མ། །ལག་ན་བྷནྡ་དཀར་པོ་ཐོགས། །ལྷོ་ཡི་ནག་མོ་ཁ་འབྱམས་མ། །ལག་ན་བྷནྡ་སྔོན་པོ་ཐོགས། །ནུབ་ཀྱི་དམར་མོ་མཆུ་འཇིབས་མ། །ལག་ན་བྷནྡ་དམར་པོ་ཐོགས། །བྱང་གི་སེར་མོ་རྐང་ལྡག་མ། །ལག་ན་བྷནྡ་སེར་པོ་ཐོགས། །གླིང་བཞི་མགྱོགས་མ་ལྷ་ཡི་སྲིང་། །དཀར་མོ་རྡོ་རྗེ་རྩེ་གསུམ་ཐོགས། །མཁའ་ལ་ཁྱུང་ལྡིང་གཤིན་རྗེའི་སྲིང་། །སྔོན་མོ་མི་མགོ་ཐོད་དབྱུག་ཐོགས། །དམར་མོ་གཡག་ཐོད་ཀླུ་ཡི་སྲིང་། །དམར་མོ་སྦྲུལ་ནག་ཞགས་པ་ཐོགས། །ནག་མོ་སྡེར་ཆེན་གནོད་སྦྱིན་སྲིང་། །སེར་མོ་ནེ་ལེའི་རྐྱལ་པ་ཐོགས། །མ་མོ་རྦོད་གཏོང་ལྷ་ཚོགས་ཀྱི་སྐུ་མདོག་ཕྱག་མཚན་བསྟན་པའི་ལེའུ་སྟེ་བཞི་བཅུ་ཞེ་བརྒྱད་པའོ།། །།འཇིག་རྟེན་མཆོད་བསྟོད་ལྷ་ཚོགས་ཀྱི། །སྐུ་མདོག་ཕྱག་མཚན་བསྟན་པ་ནི། །དཔལ་ཆེན་དྲེགས་པ་ཀུན་འདུལ་ནི། །དབུ་གསུམ་ཕྱག་ཀྱང་དྲུག་པ་སྟེ། །དབུ་གསུམ་ཁམ་ནག་སྨུག་ནག་མཐིང་། །གཡས་གཡོན་དང་པོ་རྡོ་རྗེས་དུང་ཁྲག་དཀྲུགས། །གཡས་ཀྱི་གཉིས་པ་ལྷ་བརྒྱད་མགོ། །གཡོན་གྱི་གཉིས་པ་ཀླུ་བརྒྱད་མགོ། །ཞབས་བཞི་དྲེགས་པའི་སྙིང་གར་བརྫིས། །ཡུམ་ཆེན་ཁམས་གསུམ་སྤྱི་འདུལ་མ། །གཡས་པ་རྡོ་རྗེ་ཡབ་ལ་འཁྱུད། །གཡོན་པ་དུང་ཁྲག་གཙོ་ལ་སྟོབ། །ལྷ་སྲིན་སྡེ་བརྒྱད་གཙོ་བོ་སྟེ། །དབང་ཕྱུག་མ་ཧཱ་དེ་བ་ནི། །སྐུ་མདོག་མཐིང་ནག་འབར་བ་ལ། །ན་བཟའ་མཐིང་ནག་བེར་ཆེན་གསོལ། །གྲི་གུག་གཡས་ལ་ཙིཏྟ་གཡོན། །ཆིབས་སུ་རྩལ་ཆེན་
སེང་གེ་བཅིབས། །བཙུན་མོ་ཨུ་མ་དེ་བཱི་ནི། །སྐུ་མདོག་མཐིང་ནག་འབར་བ་ལ། །ན་བཟའ་ལྗང་ནག་བེར་ཆེན་གསོལ། །རྩེ་གསུམ་གཡས་ལ་ཐོད་ཁྲག་གཡོན། །ཆིབས་སུ་འདེགས་པའི་གླང་ཆེན་བཅིབས། །འཆི་བདག་གཤིན་རྗེ་ནག་པོ་ནི། །སྐུ་མདོག་ནག་པོ་འབར་བ་ལ། །གཅན་གཟན་གདུག་པའི་ལྤགས་རློན་གསོལ། །བེ་ཅོན་གཡས་ལ་ཐོད་དབྱུག་གཡོན། །ཆིབས་སུ་མ་ཧེ་སྔོ་ནག་བཅིབས། །གཤིན་རྗེ་གསོད་བྱེད་ནག་མོ་ནི། །སྐུ་མདོག་ནག་མོ་འབར་བ་ལ། །ན་བཟའ་དར་ནག་གོ་ཟུ་གསོལ། །ཕྱག་ན་སྲིད་པའི་འཁོར་ལོ་བསྐོར། །བདུད་པོ་སྐོས་རྗེ་དྲང་དཀར་ནི། །སྐུ་མདོག་ནག་པོ་འབར་བ་ལ། །ན་བཟའ་དར་ནག་བེར་ཆེན་གསོལ། །ཁྲམ་ཤིང་གཡས་ལ་དགྲ་སྟྭ་གཡོན། །ཆིབས་སུ་བདུད་རྟ་ནག་པོ་བཅིབས། །བདུད་མོ་ནག་མོ་རེ་མ་ཏི། །སྐུ་མདོག་ནག་མོ་འབར་བ་ལ། །ན་བཟའ་དར་ནག་གོ་ཟུ་གསོལ། །ཁྲམ་བམ་གཡས་ལ་ནད་རྐྱལ་གཡོན། །ཆིབས་སུ་བོང་བུ་གྭ་པ་བཅིབས། །སྲིན་པོ་ནག་པོ་གློག་ཕྲེང་ཅན། །སྐུ་མདོག་ནག་པོ་འབར་བ་ལ། །ལུས་ལ་གློག་གི་ཕྲེང་བ་ཅན། །ཐོག་ཆེན་གཡས་ལ་གློག་ཆེན་གཡོན། །ཆིབས་སུ་འབྲུག་དང་གློག་ལ་བཅིབས། །སྲིན་མོ་སྦལ་མགོ་ཁྲག་མིག་མ། །སྐུ་མདོག་དམར་ནག་འབར་བ་ལ། །ན་བཟའ་ཁྲག་གི་ལབ་ནག་གསོལ། །ཁྲག་ཕུར་གཡས་ལ་ཁྲག་ཕོར་གཡོན། །གནོད་སྦྱིན་ཡཀྴ་མེ་དབལ་ནི། །སྐུ་མདོག་མཐིང་ནག་འབར་བ་ལ། །ན་བཟའ་དར་ནག་གོ་ཟུ་གསོལ། །རིན་ཆེན་གཡས་ལ་མཚོན་ཆ་གཡོན། །ཆིབས་སུ་སྟག་མོ་རྔམས་པ་བཅིབས། །གནོད་སྦྱིན་མོན་མོ་ནག་མོ་ནི། །སྐུ་མདོག་ནག་མོ་འབར་བ་ལ། །ན་བཟའ་དར་ནག་གོ་ཟུ་གསོལ། །སྤུ་གྲི་གཡས་ལ་སྤྱང་མོ་གཡོན། །ཆིབས་སུ་ལྕགས་ཀྱི་སྤྱང་མོ་བཅིབས། །གཟའ་བདུད་ཆེན་པོ་རཱ་ཧུ་ལ། །སྐུ་མདོག་དུད་ཀ་མགོ་དགུ་པ། །སྐུ་སྟོད་མི་ལ་སྐུ་སྨད་སྦྲུལ། །མདའ་གཞུ་གཡས་ལ་སྦྲུལ་ཞགས་གཡོན། །ཆིབས་སུ་
འབྲུག་ཆེན་ཁ་གདངས་བཅིབས། །གནམ་སྨན་ཐོག་གི་བུ་ཡུག་མ། །སྐུ་མདོག་དམར་སྐྱ་འབར་བ་ལ། །ན་བཟའ་གསེར་གྱི་གོ་ཟུ་གསོལ། །ཐོག་ཆེན་གཡས་ལ་སེར་ཆེན་གཡོན། །ཆིབས་སུ་འབྲུག་མོ་ཡིད་མགྱོགས་བཅིབས། །ཀླུ་བདུད་ནག་པོ་མགོ་དགུ་པ། །སྐུ་མདོག་ནག་པོ་དུད་ཁ་ལ། །སྐུ་སྟོད་མི་ལ་སྐུ་སྨད་སྦྲུལ། །སྦྲུལ་ཞགས་གཡས་ལ་ནད་རྐྱལ་གཡོན། །ཆིབས་སུ་ཆུ་སྲིན་ནག་པོ་བཅིབས། །ཀླུ་མོ་ཡཀྴ་སྔོན་མོ་ནི། །སྐུ་སྟོད་དུད་ཁ་ནག་པོ་ལ། །སྐུ་སྨད་གདུག་པ་སྦྲུལ་དུ་འཁྱིལ། །སྦྲུལ་ཞགས་གཡས་ལ་ནད་རྐྱལ་གཡོན། །ཆིབས་སུ་རུས་སྦལ་ནག་པོ་བཅིབས། །སྲིད་པའི་ལྷ་རབ་ཤམ་པོ་ནི། །སྐུ་མདོག་དཀར་གསལ་གངས་རི་འདྲ། །སྐུ་ལ་དར་དཀར་རལ་ག་གསོལ། །དར་མདུང་གཡས་ལ་ཤེལ་གྲི་གཡོན། །ཆིབས་སུ་ལྷ་གཡག་དཀར་པོ་བཅིབས། །སྐྱེས་བུ་གནམ་ཐེའུ་དཀར་པོ་ནི། །སྐུ་མདོག་དཀར་གསལ་འབར་བ་ལ། །ན་བཟའ་ཟ་འོག་བེར་ཆེན་གསོལ། །དར་མདུང་གཡས་ལ་རལ་གྲི་གཡོན། །ཆིབས་སུ་རྟ་དཀར་ཕྲུམ་དམར་བཅིབས། །ཤར་དུ་སྤྱི་བདུད་གུ་རུམ་རྩེ། །སྐུ་མདོག་དཀར་གསལ་འབར་བ་ལ། །ན་བཟའ་རྒྱ་བྱེས་དཀར་པོ་གསོལ། །རུ་མཚོན་གཡས་ལ་རལ་གྲི་གཡོན། །ཆིབས་སུ་རྡོ་རྟ་གྲོ་བོ་བཅིབས། །མ་མོ་སྲིད་པའི་རྒྱལ་མོ་ནི། །སྐུ་མདོག་དཀར་གསལ་འབར་བ་ལ། །ན་བཟའ་དར་དཀར་གོ་ཟུ་གསོལ། །འཁོར་ལོ་གཡས་ལ་མེ་ལོང་གཡོན། །ཆིབས་སུ་འབྲུག་མོ་རལ་ཆེན་བཅིབས། །སྔགས་སྲུང་ཨེ་ཀ་ཛ་ཊཱི་ནི། །སྐུ་མདོག་མཐིང་ནག་འབར་བ་ལ། །ན་བཟའ་དར་ནག་བེར་ཆེན་གསོལ། །ཙིཏྟ་གཡས་ལ་སྤྱང་མོ་གཡོན། །ཆིབས་སུ་དྲེལ་རྟ་ནག་པོ་བཅིབས། །དཔལ་ལྡན་ནག་མོ་མགྱོགས་བྱེད་མ། །སྐུ་མདོག་ནག་མོ་འབར་བ་ལ། །ན་བཟའ་དར་ནག་གོ་ཟུ་གསོལ། །ཚོན་དྲུབ་གཡས་ལ་ནད་རྐྱལ་གཡོན། །ཆིབས་སུ་སོ་བྱ་རོག་པོ་བཅིབས། །བན་ཆེན་རྡོ་རྗེ་བདུད་འདུལ་ནི། །སྐུ་མདོག་དམར་ནག་འབར་བ་
ལ། །ན་བཟའ་མཐིང་ནག་བེར་ཆེན་གསོལ། །ཁྲག་ཐུན་གཡས་ལ་ཉུང་ཐུན་གཡོན། །ཆིབས་སུ་དྲེའུ་རྟ་ཁམ་ནག་ཆིབས། །བྲག་བཙན་སྲོག་ཟན་དམར་པོ་ནི། །སྐུ་མདོག་དམར་པོ་འབར་བ་ལ། །ན་བཟའ་དར་དམར་རལ་ག་གསོལ། །བསེ་མདུང་གཡས་ལ་མདའ་གཞུ་གཡོན། །ཆིབས་སུ་བཙན་རྟ་དམར་པོ་བཅིབས། །བཙན་འགོང་ཡམ་ཤུད་དམར་པོ་ནི། །སྐུ་མདོག་དམར་པོ་འབར་བ་ལ། །ན་བཟའ་དར་དམར་སློག་པ་གསོལ། །ཤང་ལང་གཡས་ལ་ཟངས་ཞགས་གཡོན། །ཆིབས་སུ་ཟངས་རྟ་དམར་པོ་བཅིབས། །བགེགས་རྒྱལ་བི་ན་ཡ་ཀ་ནི། །སྐུ་མདོག་མཐིང་ནག་འབར་བ་ལ། །ན་བཟའ་དར་ནག་བེར་ཆེན་གསོལ། །ཁ་ཊྭཱཾ་གཡས་ལ་ཐོད་ཁྲག་གཡོན། །ཆིབས་སུ་རྟ་ནག་རྟིང་དཀར་བཅིབས། །མུ་སྟེགས་ཀཱ་ལ་ནག་པོ་ནི། །སྐུ་མདོག་ནག་པོ་འབར་བ་ལ། །ན་བཟའ་དར་ནག་བེར་ཆེན་གསོལ། །རྩེ་གསུམ་གཡས་ལ་ཐོད་ཁྲག་གཡོན། །ཆིབས་སུ་རྩལ་གྱི་སེང་གེ་བཅིབས། །རྨུ་བདུད་ནག་པོ་བཀྲག་མེད་ནི། །སྐུ་མདོག་མཐིང་ནག་འབར་བ་ལ། །ན་བཟའ་དར་ནག་རལ་ག་གསོལ། །ཤང་ལང་གཡས་ལ་མདའ་གཞུ་གཡོན། །ཆིབས་སུ་རྨུ་རྟ་མཆོང་རྒོད་ཆིབས། །སྲོག་བདག་ཚངས་པ་དཀར་པོ་ནི། །སྐུ་མདོག་དཀར་གསལ་འབར་བ་ལ། །སྐུ་ལ་བྱ་རྒོད་ཐུལ་པ་གསོལ། །སྤུ་གྲི་གཡས་ལ་ཉི་ཟེར་གཡོན། །ཆིབས་སུ་སེང་གེ་དཀར་པོ་བཅིབས། །རྒྱལ་པོ་ཆེན་པོ་བེ་ཧར་ནི། །སྐུ་མདོག་དཀར་གསལ་འབར་བ་ལ། །སྐུ་ལ་དོམ་གྱི་སློག་པ་གསོལ། །བདུད་ཞགས་གཡས་ལ་སྤུ་གྲི་གཡོན། །ཆིབས་སུ་བན་གླང་སྣ་རིང་བཅིབས། །སྐྱེས་བུ་སྐུ་ལྷ་གསང་བ་ནི། །སྐུ་མདོག་དཀར་པོ་འབར་བ་ལ། །སྐྱིན་དཀར་སྟོད་ཀྱི་སློག་པ་གསོལ། །རྡོ་རྗེ་གཡས་ལ་རུ་མཚོན་གཡོན། །ཆིབས་སུ་ར་སྐྱེས་དཀར་པོ་ཆིབས། །མགོན་པོ་མ་ཧཱ་ཀཱ་ལ་ནི། །སྐུ་མདོག་མཐིང་ནག་འབར་བ་ལ། །ན་བཟའ་ལྗང་ནག་བེར་ཆེན་གསོལ། །གྲི་གུག་གཡས་ལ་བིང་ཆེན་གཡོན། །ཆིབས་
སུ་བདུད་རྟ་ནག་པོ་བཅིབས། །རེ་རེ་ལ་ཡང་འཁོར་གཡོག་ནི། །འབུམ་ཕྲག་གཉིས་གཉིས་འཁོར་དང་ལྡན། །སྤྲུལ་པ་ཡང་སྤྲུལ་བསམ་མི་ཁྱབ། །ཅེས་གསུངས་སོ། །འཇིག་རྟེན་མཆོད་བསྟོད་ཀྱི་ལྷ་ཚོགས་ཀྱི་སྐུ་མདོག་ཕྱག་མཚན་བསྟན་པའི་ལེའུ་སྟེ་བཞི་བཅུ་ཞེ་དགུ་པའོ།། །།དམོད་པ་དྲག་སྔགས་ལྷ་ཚོགས་ཀྱི། །སྐུ་མདོག་ཕྱག་མཚན་བསྟན་པ་ནི། །ལྷ་མཆོག་སྟོབས་ལྡན་ནག་པོ་ནི། །དབུ་གསུམ་ཕྱག་དྲུག་ཞབས་བཞི་བགྲད། །དབུ་གསུམ་མཐིང་ནག་དྲག་པོའི་ཞལ། །ཕྱག་དྲུག་གཡས་གཡོན་དང་པོ་རྡོ་རྗེས་དུང་ཁྲག་དཀྲུགས། །གཡས་ཀྱི་གཉིས་ན་ལྷ་བརྒྱད་ཙིཏྟ་བསྣམས། །གཡོན་གྱི་གཉིས་ན་ཀླུ་བརྒྱད་ཙིཏྟ་བསྣམས། །ཞབས་བཞིས་དྲེགས་པ་ཕོ་མོ་གཟིར། །འབྱུང་བ་ལྔ་ཡི་བདག་མོ་ནི། །ཞལ་གཅིག་ཕྱག་གཉིས་སྐུ་མདོག་མཐིང་། །གཡས་ཀྱི་ཕྱག་གིས་ནམ་མཁའ་འདེགས། །གཡོན་གྱི་ཕྱག་གིས་ས་གཞི་གནོན། །ཞལ་ནས་འབྱུང་བ་ལྔ་ཡང་འཆར། །འཆི་བདག་གཤིན་རྗེ་ནག་པོ་ནི། །ཞལ་གཅིག་ཕྱག་གཉིས་སྐུ་མདོག་ནག །ཐོད་པ་གཡས་ལ་གྲི་གུག་གཡོན། །ཞིང་ལྤགས་རློན་པའི་ན་བཟའ་གསོལ། །ཞབས་གཉིས་དམ་ཉམས་དགྲ་བགེགས་གཟིར། །འཆི་བདག་ནག་མོ་བཙུན་མོ་ནི། །ཞལ་གཅིག་ཕྱག་གཉིས་སྐུ་མདོག་ནག །ཐོད་པ་གཡས་ལ་གྲི་གུག་གཡོན། །ཞིང་ལྤགས་རློན་པའི་ན་བཟའ་གསོལ། །ཞབས་གཉིས་དམ་ཉམས་དགྲ་བགེགས་གཟིར། །བདུད་པོ་མེ་ཡི་ཁ་རླངས་ཅན། །ཞལ་གཅིག་ཕྱག་གཉིས་སྐུ་མདོག་ནག །ཁྲམ་ཤིང་གཡས་ལ་བདུད་ཞགས་གཡོན། །ཞིང་ལྤགས་རློན་པའི་ན་བཟའ་གསོལ། །ཞབས་གཉིས་དམ་ཉམས་དགྲ་བགེགས་གཟིར། །བདུད་མོ་ནག་མོ་ཁྲག་འཛག་མ། །ཞལ་གཅིག་ཕྱག་གཉིས་སྐུ་མདོག་ནག །ཁྲམ་ཤིང་གཡས་ལ་ཐོད་རློན་གཡོན། །ཞིང་ལྤགས་རློན་པའི་ན་བཟའ་གསོལ། །ཞབས་གཉིས་དམ་ཉམས་དགྲ་བགེགས་གཟིར། །སྲིན་མོ་ནག་པོ་གསོད་བྱེད་ནི། །ཞལ་གཅིག་
ཕྱག་གཉིས་སྐུ་མདོག་ནག །རལ་གྲི་གཡས་ལ་ཐོད་ཁྲག་གཡོན། །ཞིང་ལྤགས་རློན་པའི་ན་བཟའ་གསོལ། །ཞབས་གཉིས་དམ་ཉམས་དགྲ་བགེགས་གཟིར། །སྲིན་མོ་ནག་མོ་གསོད་བྱེད་མ། །ཞལ་གཅིག་ཕྱག་གཉིས་སྐུ་མདོག་ནག །གྲི་གུག་གཡས་ལ་མི་མགོ་གཡོན། །ཞིང་ལྤགས་རློན་པའི་ན་བཟའ་གསོལ། །ཞབས་གཉིས་དམ་ཉམས་དགྲ་བགེགས་གཟིར། །གནོད་སྦྱིན་གང་བ་བཟང་པོ་ནི། །ཞལ་གཅིག་ཕྱག་གཉིས་སྐུ་མདོག་སྔོ། །རལ་གྲི་གཡས་ལ་དར་ནག་གཡོན། །ཞིང་ལྤགས་རློན་པའི་ན་བཟའ་གསོལ། །ཞབས་གཉིས་དམ་ཉམས་དགྲ་བགེགས་གཟིར། །གནོད་སྦྱིན་ཤ་ཟ་རལ་གཅིག་མ། །ཞལ་གཅིག་ཕྱག་གཉིས་སྐུ་མདོག་སྔོ། །དར་ནག་གཡས་ལ་ཞིང་ལྤགས་གཡོན། །ཞིང་ལྤགས་རློན་པའི་ན་བཟའ་གསོལ། །ཞབས་གཉིས་དམ་ཉམས་དགྲ་བགེགས་གཟིར། །ལྷ་ཆེན་མ་ཧཱ་དེ་བ་ནི། །ཞལ་གཅིག་ཕྱག་གཉིས་སྐུ་མདོག་དཀར། །བ་དན་གཡས་ལ་ཤེལ་གྲི་གཡོན། །ཞིང་ལྤགས་རློན་པའི་ན་བཟའ་གསོལ། །ཞབས་གཉིས་དམ་ཉམས་དགྲ་བགེགས་གཟིར། །རཱུ་ཏྲ་ཐར་པ་ནག་པོ་ནི། །ཞལ་གཅིག་ཕྱག་གཉིས་སྐུ་མདོག་ནག །མཆོད་གཏོར་གཡས་ལ་ཐུན་གཏོར་གཡོན། །ཞིང་ལྤགས་རློན་པའི་ན་བཟའ་གསོལ། །ཞབས་གཉིས་དམ་ཉམས་དགྲ་བགེགས་གཟིར། །རྨུ་རྗེ་བཙན་པོ་མཐུ་བོ་ཆེ། །ཞལ་གཅིག་ཕྱག་གཉིས་སྐུ་མདོག་ནག །དར་ནག་གཡས་ལ་ཞགས་པ་གཡོན། །ཞིང་ལྤགས་རློན་པའི་ན་བཟའ་གསོལ། །ཞབས་གཉིས་དམ་ཉམས་དགྲ་བགེགས་གཟིར། །མུ་སྟེགས་ཀཱ་ལ་ནག་པོ་ནི། །ཞལ་གཅིག་ཕྱག་གཉིས་སྐུ་མདོག་ནག །ཁ་ཊྭཱཾ་གཡས་ལ་ཏྲི་ཤཱུལ་གཡོན། །ཞིང་ལྤགས་རློན་པའི་ན་བཟའ་གསོལ། །ཞབས་གཉིས་དམ་ཉམས་དགྲ་བགེགས་གཟིར། །ཁྱབ་འཇུག་ཆེན་པོ་རཱ་ཧུ་ལ། །ཞལ་གཅིག་ཕྱག་གཉིས་སྐུ་མདོག་མཐིང་། །ཁྲམ་ཤིང་གཡས་ལ་དགྲ་སྟྭ་གཡོན། །ཞིང་ལྤགས་རློན་པའི་ན་བཟའ་གསོལ། །ཞབས་གཉིས་དམ་ཉམས་དགྲ་བགེགས་གཟིར། །ཀླུ་རྒྱལ་སོག་མ་མེད་པ་ནི། །ཞལ་གཅིག་ཕྱག་གཉིས་སྐུ་མདོག་སེར། །བུམ་པ་གཡས་ལ་རུས་སྦལ་གཡོན། །སྦྲུལ་
ལྤགས་རློན་པའི་ན་བཟའ་གསོལ། །ཞབས་གཉིས་དམ་ཉམས་དགྲ་བགེགས་གཟིར། །རྒྱལ་པོ་ལི་བྱིན་ཧར་ལེགས་ནི། །ཞལ་གཅིག་ཕྱག་གཉིས་སྐུ་མདོག་དཀར། །ཤེལ་གྲི་གཡས་ལ་དར་དཀར་གཡོན། །ཞིང་ལྤགས་རློན་པའི་ན་བཟའ་གསོལ། །ཞབས་གཉིས་དམ་ཉམས་དགྲ་བགེགས་གཟིར། །འགོང་པོ་ཁུ་ལེ་ལག་དགུ་ནི། །ཞལ་གཅིག་ཕྱག་གཉིས་སྐུ་མདོག་སེར། །སྤྲུལ་པའི་ལག་པ་དགུ་ཡང་འགྱེད། །ཞིང་ལྤགས་རློན་པའི་ན་བཟའ་གསོལ། །ཞབས་གཉིས་དམ་ཉམས་དགྲ་བགེགས་གཟིར། །ཐེའུ་རང་རྡོ་རྗེ་ལེགས་པ་ནི། །ཞལ་གཅིག་ཕྱག་གཉིས་སྐུ་མདོག་དཀར། །དར་དཀར་གཡས་ལ་དར་དམར་གཡོན། །ཞིང་ལྤགས་རློན་པའི་ན་བཟའ་གསོལ། །ཞབས་གཉིས་དམ་ཉམས་དགྲ་བགེགས་གཟིར། །བཙན་རྒོད་ཡམ་ཤུད་དམར་པོ་ནི། །ཞལ་གཅིག་ཕྱག་གཉིས་སྐུ་མདོག་དམར། །བཙན་མདུང་གཡས་ལ་བཙན་གྲི་གཡོན། །ཞིང་ལྤགས་རློན་པའི་ན་བཟའ་གསོལ། །ཞབས་གཉིས་དམ་ཉམས་དགྲ་བགེགས་གཟིར། །རེ་རེ་ལ་ཡང་འཁོར་གཡོག་ནི། །འབུམ་ཕྲག་གཉིས་གཉིས་ལྡན་པ་ལ། །སྤྲུལ་པ་ཡང་སྤྲུལ་བསམ་མི་ཁྱབ། །དམོད་པ་དྲག་སྔགས་ཀྱི་ལྷ་ཚོགས་ཀྱི་སྐུ་མདོག་ཕྱག་མཚན་བསྟན་པའི་ལེའུ་སྟེ་ལྔ་བཅུ་ཐམ་པའོ།། །།ཆེ་མཆོག་ཡོན་ཏན་རིག་འཛིན་དང་། །ཡང་དག་ཐུགས་ཀྱི་རིག་འཛིན་དང་། །འཇམ་དཔལ་སྐུ་ཡི་རིག་འཛིན་དང་། །པདྨ་གསུང་གི་རིག་འཛིན་དང་། །ཕུར་པ་ཕྲིན་ལས་རིག་འཛིན་དང་། །མ་མོ་རྦོད་གཏོང་རིག་འཛིན་དང་། །ལྷུན་གྱིས་གྲུབ་པའི་རིག་འཛིན་དང་། །ཕྱག་རྒྱ་ཆེན་པོའི་རིག་འཛིན་དང་། །ཚེ་ལ་དབང་བའི་རིག་འཛིན་དང་། །ས་ལ་གནས་པའི་རིག་འཛིན་དང་། །ས་ཐོབ་པ་ཡི་རིག་འཛིན་ཚོགས། །དུར་ཁྲོད་རུས་པའི་རྒྱན་ཆ་ཡིས། །དབུ་རྒྱན་ཕྱག་གདུབ་ཞབས་གདུབ་དང་། །དཔུང་རྒྱན་སྟོད་གཡོགས་སྨད་གཡོགས་དང་། །རྒྱན་དང་ཆས་ཀྱིས་བརྒྱན་པའོ། །དབང་གི་ཐོར་ཚུགས་ཤིགས་སེ་ཤིག །གཡས་པ་ཐམས་ཅད་
རྡོ་རྗེ་འཛིན། །གཡོན་པ་དྲིལ་བུ་དཀུ་ལ་བརྟེན། །སྐུ་བཞེངས་འགྱིངས་བག་སྤྱོད་པ་མཛད། །རིག་འཛིན་གྱི་སྐུ་མདོག་ཕྱག་མཚན་བསྟན་པའི་ལེའུ་སྟེ་ལྔ་བཅུ་གཅིག་པའོ།། །།ཆེ་མཆོག་ཡོན་ཏན་བཀའ་སྲུང་ནི། །ཅེ་སྤྱང་དྲེགས་པ་མ་བརྒྱད་ནི། །ཤར་གྱི་ཕྱོགས་ཀྱི་ཅེ་སྤྱང་ནི། །དབུ་ནི་སེང་གེའི་མགོ་བོ་ལ། །ཤེལ་གྱི་རལ་པ་ཤེལ་ཕུར་ཅན། །ཅེ་སྤྱང་རྒྱུག་ཚུལ་འགྱིངས་བག་ཅན། །ལག་ན་ཤེལ་གྱི་རྔེའུ་ཆུང་བརྡུང་། །ལྷོ་ཡི་ཕྱོགས་ཀྱི་ཅེ་སྤྱང་ནི། །དབུ་ནི་སྟག་གི་མགོ་བོ་ལ། །གསེར་གྱི་རལ་པ་གསེར་ཕུར་ཅན། །ཅེ་སྤྱང་རྒྱུག་ཚུལ་འགྱིངས་བག་ཅན། །ལག་ན་གསེར་གྱི་རྔེའུ་ཆུང་བརྡུང་། །ནུབ་ཀྱི་ཕྱོགས་ཀྱི་ཅེ་སྤྱང་ནི། །དབུ་ནི་གཟིག་གི་མགོ་བོ་ཅན། །བྱུ་རུའི་རལ་པ་ཕུར་བུ་ཅན། །ཅེ་སྤྱང་རྒྱུག་ཚུལ་འགྱིངས་བག་ཅན། །ལག་ན་བྱུ་རུའི་རྔེའུ་ཆུང་བརྡུང་། །བྱང་གི་ཕྱོགས་ཀྱི་ཅེ་སྤྱང་ནི། །དབུ་ནི་དོམ་གྱི་མགོ་བོ་ལ། །གཡུ་ཡི་རལ་པ་ཕུར་བུ་ཅན། །ཅེ་སྤྱང་རྒྱུག་ཚུལ་འགྱིངས་བག་ཅན། །ལག་ན་གཡུ་ཡི་རྔེའུ་ཆུང་བརྡུང་། །ཤར་ལྷོ་མཚམས་ཀྱི་ཅེ་སྤྱང་ནི། །དབུ་ནི་སྤྱང་མོའི་མགོ་བོ་ལ། །གཡུ་ཡི་རལ་པ་ཕུར་བུ་ཅན། །ཅེ་སྤྱང་རྒྱུག་ཚུལ་འགྱིངས་བག་ཅན། །ལག་ན་གཡུ་ཡི་རྔེའུ་ཆུང་བརྡུང་། །ལྷོ་ནུབ་མཚམས་ཀྱི་ཅེ་སྤྱང་ནི། །དབུ་ནི་བསེ་ཡི་ཀཱངྈའི་མགོ། །བསེ་ཡི་རལ་པ་ཕུར་བུ་ཅན། །ཅེ་སྤྱང་རྒྱུག་ཚུལ་འགྱིངས་བག་ཅན། །ལག་ན་བསེ་ཡི་རྔེའུ་ཆུང་བརྡུང་། །ནུབ་བྱང་མཚམས་ཀྱི་ཅེ་སྤྱང་ནི། །དབུ་ནི་དུར་བྱ་ཀཱ་ཀའི་མགོ། །ལྕགས་ཀྱི་རལ་པ་ཕུར་བུ་ཅན། །ཅེ་སྤྱང་རྒྱུག་ཚུལ་འགྱིངས་བག་ཅན། །ལག་ན་ལྕགས་ཀྱི་རྔེའུ་ཆུང་བརྡུང་། །བྱང་ཤར་མཚམས་ཀྱི་ཅེ་སྤྱང་ནི། །དབུ་ནི་བསེ་ཡི་དྲེད་མོ་མགོ། །ཟངས་ཀྱི་རལ་པ་ཕུར་བུ་ཅན། །ཅེ་སྤྱང་རྒྱུག་ཚུལ་ཞུངས་སེ་ཞུང་། །ལག་ན་ཟངས་ཀྱི་རྔེའུ་ཆུང་བརྡུང་། །ཆེ་མཆོག་ཡོན་ཏན་གྱི་བཀའ་སྲུང་ཅེ་སྤྱང་མ་བརྒྱད་ཀྱི་སྐུ་མདོག་ཕྱག་མཚན་བསྟན་པའི་ལེའུ་སྟེ་ལྔ་བཅུ་ང་གཉིས་
པའོ།། །།ཡང་དག་ཐུགས་ཀྱི་བཀའ་སྲུང་ནི། །སྲིན་མོ་ཉི་ཤུ་རྩ་བརྒྱད་དེ། །སྐུ་མདོག་ཕྱག་མཚན་བསྟན་པ་ནི། །ཤར་གྱི་ཕྱོགས་ཀྱི་སྲིན་མོ་དྲུག །སྨུག་ནག་གཡག་གི་མགོ་བོ་ཅན། །ཞིང་དབྱུག་གཡས་ལ་བྷན་དམར་གཡོན། །དམར་སེར་སྦྲུལ་གྱི་མགོ་བོ་ཅན། །རྩེ་ལྔ་གཡས་ལ་བྷནྡ་གཡོན། །སེར་ནག་གཟིག་གི་མགོ་བོ་ཅན། །སྤུ་གྲི་གཡས་ལ་བྷན་དམར་གཡོན། །དཀར་དམར་སྲེ་མོའི་མགོ་བོ་ཅན། །དུང་ཆེན་གཡས་ལ་བྷནྡ་གཡོན། །སེར་ནག་ཕ་ཝང་མགོ་བོ་ཅན། །འཁོར་ལོ་གཡས་ལ་བྷན་དམར་གཡོན། །དམར་སེར་དྲེད་ཀྱི་མགོ་བོ་ཅན། །ཞིང་དབྱུག་གཡས་ལ་བྷན་དམར་གཡོན། །ལྷོ་ཡི་ཕྱོགས་ཀྱི་སྲིན་མོ་དྲུག །དམར་ནག་དོམ་གྱི་མགོ་བོ་ཅན། །ཞིང་དབྱུག་གཡས་ལ་བྷན་དམར་གཡོན། །སྔོ་ནག་ཆུ་སྲིན་མགོ་བོ་ཅན། །ཞིང་ཆེན་གཡས་ལ་བྷན་དམར་གཡོན། །སྔོ་ནག་སྡིག་པའི་མགོ་བོ་ཅན། །གློ་སྙིང་གཡས་ལ་བྷནྡ་གཡོན། །སེར་ནག་ཁྲ་ཡི་མགོ་བོ་ཅན། །རྔེའུ་ཆུང་གཡས་ལ་བྷན་དམར་གཡོན། །སྲིན་མོ་དམར་མོ་ཝ་ཡི་མགོ། །རྡོ་རྗེ་གཡས་ལ་ཐོད་ཁྲག་གཡོན། །མཐིང་ནག་སྟག་གི་མགོ་བོ་ཅན། །ཞིང་དབྱུག་གཡས་ལ་བྷན་དམར་གཡོན། །ནུབ་ཀྱི་ཕྱོགས་ཀྱི་སྲིན་མོ་དྲུག །དམར་ནག་བྱ་རྒོད་མགོ་བོ་ཅན། །ལྕགས་སྒྲོག་གཡས་ལ་བྷན་དམར་གཡོན། །དམར་ནག་རྟ་ཡི་མགོ་བོ་ཅན། །རྡོ་དབྱུག་གཡས་ལ་བྷན་དམར་གཡོན། །དམར་སེར་བྱི་བའི་མགོ་བོ་ཅན། །རྡོ་རྗེ་གཡས་ལ་བྷན་དམར་གཡོན། །དམར་ནག་ཁྱི་ཡི་མགོ་བོ་ཅན། །ཞིང་དབྱུག་གཡས་ལ་བྷན་དམར་གཡོན། །དཀར་དམར་པུ་ཤུད་མགོ་བོ་ཅན། །པདྨ་གཡས་ལ་བྷནྡ་གཡོན། །ལྗང་སེར་ཤ་བའི་མགོ་བོ་ཅན། །ཞིང་ཆེན་གཡས་ལ་བྷན་དམར་གཡོན། །བྱང་གི་ཕྱོགས་ཀྱི་སྲིན་མོ་དྲུག །དམར་ནག་ཁྲ་ཡང་ཁྭའི་མགོ་བོ་ཅན། །རྔེའུ་ཆུང་གཡས་ལ་བྷན་དམར་གཡོན། །ལྗང་ནག་སྐྱིན་གྱི་མགོ་བོ་ཅན། །རྒྱུ་ཞགས་གཡས་ལ་བྷན་དམར་གཡོན། །དམར་སེར་
ཕག་གི་མགོ་བོ་ཅན། །རྩེ་ལྔ་གཡས་ལ་བྷན་དམར་གཡོན། །དམར་ནག་སྐྱ་ཀའི་མགོ་བོ་ཅན། །རྒྱུ་ཞགས་གཡས་ལ་བྷན་དམར་གཡོན། །ལྗང་ནག་བ་གླང་མགོ་བོ་ཅན། །ཞིང་གི་བུམ་རིལ་གཡས་ན་བསྣམས། །གཡོན་ན་ཐོད་པ་ཁྲག་གིས་བཀང་། །སྔོ་སྐྱ་བྱ་རོག་མགོ་བོ་ཅན། །ཟངས་གྲི་གཡས་ལ་བྷན་དམར་གཡོན། །སྲིན་མོ་ཕྱོགས་ཀྱི་སྒོ་མ་བཞི། །ནག་མོ་ཁུ་བྱུག་མགོ་བོ་ཅན། །ལྕགས་ཀྱུ་གཡས་ལ་བྷན་དམར་གཡོན། །སྔོན་མོ་ར་ཡི་མགོ་བོ་ཅན། །ཞགས་པ་གཡས་ལ་བྷན་དམར་གཡོན། །དམར་མོ་སྤྲེའུའི་མགོ་བོ་ཅན། །ལྕགས་སྒྲོག་གཡས་ལ་བྷན་དམར་གཡོན། །ལྗང་ནག་སྤྱང་མོའི་མགོ་བོ་ཅན། །དྲིལ་བུ་གཡས་ལ་བྷནྡ་གཡོན། །ཡང་དག་ཐུགས་ཀྱི་ལྷ་ཚོགས་སྲིན་མོ་ཉི་ཤུ་རྩ་བརྒྱད་ཀྱི་སྐུ་མདོག་ཕྱག་མཚན་བསྟན་པའི་ལེའུ་སྟེ་ལྔ་བཅུ་རྩ་གསུམ་པའོ།། །།འཇམ་དཔལ་སྐུ་ཡི་བཀའ་སྲུང་གི། །སྐུ་མདོག་ཕྱག་མཚན་བསྟན་པ་ནི། །གྲི་ཐོགས་གིང་གི་བཀའ་སྲུང་ནི། །ཤར་ཕྱོགས་གིང་ཆེན་དཀར་པོ་ནི། །སྐུ་ལ་དུང་ཁྲབ་དཀར་པོ་གསོལ། །ཕྱག་ན་དུང་གི་རལ་གྲི་བསྣམས། །ལྷོ་ཕྱོགས་གིང་ཆེན་སེར་པོ་ནི། །སྐུ་ལ་གསེར་ཁྲབ་སེར་པོ་གསོལ། །ཕྱག་ན་གསེར་གྱི་རལ་གྲི་བསྣམས། །ནུབ་ཕྱོགས་གིང་ཆེན་དམར་པོ་ནི། །སྐུ་ལ་བསེ་ཁྲབ་དམར་པོ་གསོལ། །ཕྱག་ན་བསེ་ཡི་གྲི་ཡང་བསྣམས། །བྱང་ཕྱོགས་གིང་ཆེན་སྔོན་པོ་ནི། །སྐུ་ལ་གཡུ་ཁྲབ་སྔོན་པོ་གསོལ། །ཕྱག་ན་གཡུ་ཡི་རལ་གྲི་བསྣམས། །ཁྲམ་ཐོགས་བདུད་ཀྱི་བཀའ་སྲུང་ནི། །ཤར་བདུད་རོལ་པོ་རལ་པ་ཅན། །ཕྱག་ན་བདུད་ཀྱི་ཁྲམ་ཤིང་བསྣམས། །ཁྲམ་བདག་སྲོག་བདུད་མཆེ་བ་ཅན། །ཕྱག་ན་བདུད་ཀྱི་ཁྲམ་ཤིང་བསྣམས། །ཟླ་བདུད་ཡོར་པོ་ཞགས་པ་ཅན། །ཕྱག་ན་བདུད་ཀྱི་ཁྲམ་ཤིང་བསྣམས། །སྲོག་བདུད་གསེར་གྱི་སྟ་རེ་ཅན། །
ཕྱག་ན་བདུད་ཀྱི་ཁྲམ་ཤིང་བསྣམས། །ཤོ་ཐོགས་རྩིས་པའི་བཀའ་སྲུང་ནི། །ཉི་མ་དང་པོའི་རྩིས་བྱེད་གིང་། །དཀར་པོ་ལག་ན་ཤོ་རྡེ་ཐོགས། །ཉི་མ་གཉིས་པའི་རྩིས་བྱེད་གིང་། །སེར་པོ་ལག་ན་ཤོ་རྡེ་ཐོགས། །ཉི་མ་གསུམ་པའི་རྩིས་བྱེད་གིང་། །དམར་པོ་ལག་ན་ཤོ་རྡེ་ཐོགས། །ཉི་མ་བཞི་པའི་རྩིས་བྱེད་གིང་། །སྔོན་པོ་ལག་ན་ཤོ་རྡེ་ཐོགས། །སྲོག་གཅོད་ཤན་པའི་བཀའ་སྲུང་ནི། །ནད་གཏོང་མ་མོའི་ཤན་པ་ནི། །ནག་མོ་ཆེན་མོ་ཁ་གདངས་མ། །ལག་ན་ཐུན་དང་རལ་གྲི་ཐོགས། །མྱོས་པ་བཙན་གྱི་ཤན་པ་ནི། །དམར་པོ་འཇིགས་བྱེད་ཁྲོ་གཏུམ་ཅན། །ལག་ན་བཙན་གྲི་དམར་པོ་ཐོགས། །གླེན་པ་ཀླུ་ཡི་ཤན་པ་ནི། །སྐུ་མདོག་མཐིང་ནག་སྦྲུལ་ལྤགས་གསོལ། །ལག་ན་སྦྲུལ་གྱི་ཞགས་པ་ཐོགས། །གདུག་རྩུབ་གཟའ་ཡི་ཤན་པ་ནི། །སྐུ་མདོག་ནག་པོ་འཇིགས་པའི་ཚུལ། །གཡས་ན་མདུང་ནག་དར་ནག་འཕྱར། །གཡོན་ན་སྙིང་དང་ཞགས་པ་ཐོགས། །འཇམ་དཔལ་སྐུའི་བཀའ་སྲུང་གི་སྐུ་མདོག་ཕྱག་མཚན་བསྟན་པའི་ལེའུ་སྟེ་ལྔ་བཅུ་རྩ་བཞི་པའོ།། །།པདྨ་གསུང་གི་བཀའ་སྲུང་གི། །སྐུ་མདོག་ཕྱག་མཚན་བསྟན་པ་ནི། །སྐུ་ལས་སྤྲུལ་པའི་ཁམ་རྒྱ་མོ། །དུང་གི་དྲེད་མོ་མགོ་གསུམ་ཞོན། །གསུང་ལས་སྤྲུལ་པའི་ཁམ་རྒྱ་མོ། །ཟངས་ཀྱི་འཕར་བ་མགོ་བརྒྱད་ཞོན། །ཐུགས་ལས་སྤྲུལ་པའི་ཁམ་རྒྱ་མོ། །ལྕགས་ཀྱི་སྤྱང་མོ་མགོ་དགུ་ཞོན། །ཡོན་ཏན་སྤྲུལ་པའི་ཁམ་རྒྱ་མོ། །གཡུ་ཡི་སྤྱང་མོ་རྐང་གསུམ་ཞོན། །ཕྲིན་ལས་སྤྲུལ་པའི་ཁམ་རྒྱ་མོ། །གསེར་གྱི་སེང་གེ་རྔམ་ཁྲི་ཞོན། །གཉིས་མེད་སྤྲུལ་པའི་ཁམ་རྒྱ་མོ། །དུང་གི་སེང་གེ་མགོ་དགུ་ཞོན། །ཤར་ཕྱོགས་ལོང་བ་རྒྱབ་སྦྲེལ་ནི། །འབྲུག་ཆེན་སྔོན་པོ་ཆིབས་སུ་ཆིབས། །ན་བཟའ་ལེ་བརྒན་དཔུང་འབར་བ་ཡང་ཐུང་གསོལ། །ལག་ན་ལྕགས་ཀྱུ་དགྲ་སྟྭ་ཐོགས། །ལྷོ་ཕྱོགས་ལོང་བ་རྒྱབ་སྦྲེལ་ནི། །ལྕགས་ཀྱི་སྡིག་པ་ཆིབས་སུ་ཆིབས། །ཕྱག་ན་ལྕགས་ཀྱི་ཁྱུང་
ཆེན་བསྣམས། །ན་བཟའ་ས་ཡི་རས་མ་གསོལ། །ནུབ་ཕྱོགས་ལོང་བ་རྒྱབ་སྦྲེལ་ནི། །བན་གླང་དཀར་པོ་ཆིབས་སུ་ཆིབས། །ན་བཟའ་ཀླུ་འབྲུག་པགས་པ་གསོལ། །ལག་ན་སྦྲུལ་གྱི་ཞགས་པ་ཐོགས། །བྱང་ཕྱོགས་དམུས་ལོང་རྒྱབ་སྦྲེལ་ནི། །ལྕགས་ཀྱི་སྤྱང་མོ་རྐང་གསུམ་ཞོན། །ན་བཟའ་ཞིང་གི་གཡང་གཞི་གོན། །ལག་པ་སྦྲེལ་ནས་གར་སྟབས་བྱེད། །ཤར་གྱི་ཕྱོགས་ནས་རྒྱུག་པའི་ཁྱི། །དུང་གི་ཁྱི་མོ་རལ་པ་ཅན། །ལྷོ་ཡི་ཕྱོགས་ནས་རྒྱུག་པའི་ཁྱི། །གསེར་གྱི་ཁྱི་མོ་རལ་པ་ཅན། །ནུབ་ཀྱི་ཕྱོགས་ནས་རྒྱུག་པའི་ཁྱི། །ཟངས་ཀྱི་ཁྱི་མོ་རལ་པ་ཅན། །བྱང་གི་ཕྱོགས་ནས་རྒྱུག་པའི་ཁྱི། །གཡུ་ཡི་ཁྱི་མོ་རལ་པ་ཅན། །ཤར་ལྷོ་མཚམས་ནས་རྒྱུག་པའི་ཁྱི། །བྱུ་རུའི་ཁྱི་མོ་རལ་པ་ཅན། །ལྷོ་ནུབ་མཚམས་ནས་རྒྱུག་པའི་ཁྱི། །མཆོང་གི་ཁྱི་མོ་རལ་པ་ཅན། །ནུབ་བྱང་མཚམས་ནས་རྒྱུག་པའི་ཁྱི། །བསེ་ཡི་ཁྱི་མོ་རལ་པ་ཅན། །བྱང་ཤར་མཚམས་ནས་རྒྱུག་པའི་ཁྱི། །ཤེལ་གྱི་ཁྱི་མོ་རལ་པ་ཅན། །ཤར་གྱི་ཕྱོགས་ནས་རྒྱུག་པ་ནི། །དུང་གི་སྤྱང་མོ་རལ་པ་ཅན། །ལྷོ་ཡི་ཕྱོགས་ནས་རྒྱུག་པ་ནི། །གསེར་གྱི་སྤྱང་མོ་རལ་པ་ཅན། །ནུབ་ཀྱི་ཕྱོགས་ནས་རྒྱུག་པ་ནི། །ཟངས་ཀྱི་སྤྱང་མོ་རལ་པ་ཅན། །བྱང་གི་ཕྱོགས་ནས་རྒྱུག་པ་ནི། །གཡུ་ཡི་སྤྱང་མོ་རལ་པ་ཅན། །ཤར་ལྷོ་མཚམས་ནས་རྒྱུག་པ་ནི། །མཐིང་ཤུན་སྤྱང་མོ་རལ་པ་ཅན། །ལྷོ་ནུབ་མཚམས་ནས་རྒྱུག་པ་ནི། །མུ་མེན་སྤྱང་མོ་རལ་པ་ཅན། །ནུབ་བྱང་མཚམས་ནས་རྒྱུག་པ་ནི། །མཆོང་གི་སྤྱང་མོ་རལ་པ་ཅན། །བྱང་ཤར་མཚམས་ནས་རྒྱུག་པ་ནི། །རག་ན་སྤྱང་མོ་རལ་པ་ཅན། །ཤར་གྱི་ཕྱོགས་ཀྱི་ཕོ་ཉ་ནི། །དཀར་མོ་ཟླ་འདབ་འཇིགས་པའི་གཟུགས། །ལྷོ་ཡི་ཕྱོགས་ཀྱི་ཕོ་ཉ་ནི། །སེར་མོ་ཉི་འདབ་འཇིགས་པའི་གཟུགས། །ནུབ་ཀྱི་ཕྱོགས་ཀྱི་ཕོ་ཉ་ནི། །དམར་པོ་མེ་འདབ་འཇིགས་པའི་གཟུགས། །བྱང་གི་ཕྱོགས་ཀྱི་ཕོ་ཉ་ནི། །
སྔོན་མོ་ཆུ་འདབ་འཇིགས་པའི་གཟུགས། །རླུང་འབྲུག་སྔོན་མོ་གཡུ་ཡི་འདབ་གཤོག་ཅན། །མེ་འབྲུག་དམར་མོ་མེ་ཡི་འདབ་གཤོག་ཅན། །ཀླུ་འབྲུག་སྔོན་མོ་སྦྲུལ་གྱི་གཤོག་པ་ཅན། །ཆུ་འབྲུག་དཀར་མོ་སྤྲིན་གྱི་འདབ་གཤོག་ཅན། །སྣ་ཚོགས་གཟུགས་ཅན་རྡོ་རྗེའི་འདབ་གཤོག་ཅན། །པདྨ་གསུང་གི་བཀའ་སྲུང་གི་སྐུ་མདོག་ཕྱག་མཚན་བསྟན་པའི་ལེའུ་སྟེ་ལྔ་བཅུ་རྩ་ལྔ་པའོ།། །།ཕུར་པ་ཕྲིན་ལས་བཀའ་སྲུང་གི། །སྐུ་མདོག་ཕྱག་མཚན་བསྟན་པ་ནི། །ཤྭ་ན་མུ་ཁ་ཞེས་བྱ་བ། །ལྕགས་ཀྱི་སྤྱང་མོ་མགོ་དགུ་པ། །མི་མོ་ལྕགས་ཀྱི་རལ་ཅན་ཞོན། །ལག་ན་ལྕགས་ཀྱི་ཕུར་པ་འདྲིལ། །སྲྀ་ཀ་མུ་ཁ་ཞེས་བྱ་བ། །གསེར་གྱི་འཕར་བ་ལྕེ་བརྒྱད་ལ། །མི་མོ་གསེར་གྱི་རལ་ཅན་ཞོན། །ལག་ན་གསེར་གྱི་ཕུར་པ་འདྲིལ། །སྲཱི་གཱལ་མུ་ཁ་ཞེས་བྱ་བ། །ཟངས་ཀྱི་ཝ་མོ་རྐང་གསུམ་ལ། །ཟངས་ཀྱི་མི་མོ་རལ་ཅན་ཞོན། །ལག་ན་ཟངས་ཀྱི་ཕུར་བུ་འདྲིལ། །ཤྭ་ན་མུ་ཁ་ཞེས་བྱ་བ། །ལྕགས་ཀྱི་ཁྱི་མོ་རལ་པ་ཅན། །མི་མོ་ལྕགས་ཀྱི་རལ་ཅན་ཞོན། །ལག་ན་དུང་གི་ཕུར་པ་འདྲིལ། །རེ་མ་ཏི་ཞེས་བྱ་བ་ནི། །ནག་མོ་རལ་པས་སྟོང་ཁམས་ཁྱབ། །གཡས་ན་མཆོག་གི་ཕུར་པ་འདྲིལ། །ཆིབས་སུ་དྲེལ་རྟ་རྐང་གསུམ་བཅིབས། །རེ་མ་ཛ་ཞེས་བྱ་བ་ནི། །སེར་ནག་རྨ་བྱའི་ཐུལ་པ་གསོལ། །ཕྱག་ན་མཆོག་གི་ཕུར་པ་བསྣམས། །ཆིབས་སུ་དྲིལ་རྟ་རྐང་གསུམ་བཅིབས། །རེ་མ་ཛི་ཞེས་བྱ་བ་ནི། །དམར་ནག་རེ་ལྡེ་ནག་པོ་གསོལ། །ཕྱག་ན་མཆོག་གི་ཕུར་པ་བསྣམས། །ཆིབས་སུ་དྲེལ་རྟ་རྐང་གསུམ་བཅིབས། །རེ་མ་ཛུ་ཞེས་བྱ་བ་ནི། །ལྗང་ནག་དར་ནག་གོ་ཟུ་གསོལ། །ཕྱག་ན་མཆོག་གི་ཕུར་པ་བསྣམས། །ཆིབས་སུ་དྲེལ་རྟ་རྐང་གསུམ་བཅིབས། །རྡོ་རྗེ་ཡ་བྱིན་ཞེས་བྱ་བ། །མཐིང་ནག་ལྕགས་ཕུར་རལ་པ་ཅན། །ཆིབས་སུ་བདུད་རྟ་ནག་པོ་བཅིབས། །རྡོ་རྗེ་དེ་བྱིན་ཞེས་བྱ་བ། །སེར་པོ་གསེར་ཕུར་རལ་པ་ཅན། །ལག་ན་
གསེར་གྱི་ཕུར་པ་འདྲིལ། །ཆིབས་སུ་གཟའ་རྟ་སེར་པོ་བཅིབས། །རྡོ་རྗེ་བསེ་བྱིན་ཞེས་བྱ་བ། །དམར་མོ་བསེ་ཕུར་རལ་པ་ཅན། །ལག་ན་བསེ་ཡི་ཕུར་བུ་འདྲིལ། །ཆིབས་སུ་བཙན་རྟ་དམར་པོ་ཆིབས། །རྡོ་རྗེ་ཕག་བྱིན་ཞེས་བྱ་བ། །ལྗང་མོ་གཡུ་ཕུར་རལ་པ་ཅན། །ལག་ན་གཡུ་ཡི་ཕུར་པ་འདྲིལ། །ཆིབས་སུ་ཀླུ་རྟ་སྔོན་པོ་ཆིབས། །ཤར་ཕྱོགས་སྲིན་པོའི་སྐྱེས་བུ་ནི། །སྲིན་པོ་བྱད་ཅན་ཕུར་པའི་ལྷ། །དཀར་པོ་ལག་ན་ཕུར་པ་འགྲིལ། །ལྷོ་ཕྱོགས་གཤིན་རྗེའི་སྐྱེས་བུ་ནི། །གཤིན་རྗེ་ནག་པོ་ཕུར་པའི་ལྷ། །ནག་པོ་ལག་ན་ཕུར་པ་འདྲིལ། །ནུབ་ཕྱོགས་ཡ་བདུད་སྐྱེས་བུ་ནི། །སོག་པོ་མིག་རིང་ཕུར་པའི་ལྷ། །དམར་པོ་ལག་ན་ཕུར་པ་འདྲིལ། །བྱང་ཕྱོགས་གནོད་སྦྱིན་སྐྱེས་བུ་ནི། །མོན་པ་གདོང་རིང་ཕུར་པ་འདྲིལ། །ཤར་བདུད་དཀར་པོ་མཆེ་བ་ཅན། །ལག་ན་དུང་གི་ཕུར་པ་འདྲིལ། །ལྷོ་བདུད་སྔོན་མོ་རལ་པ་ཅན། །ཕྱག་ན་གཡུ་ཡི་ཕུར་པ་འདྲིལ། །ནུབ་བདུད་དམར་པོ་ཞགས་པ་ཅན། །ཕྱག་ན་ཞགས་པ་ཕུར་པ་འདྲིལ། །བྱང་བདུད་ལྗང་ནག་རལ་གྲི་ཅན། །ཕྱག་ན་རལ་གྲི་ཕུར་པ་འདྲིལ། །ཤར་གྱི་ཕྱོགས་ཀྱི་དམག་དཔོན་ནི། །པྲ་མ་རཱ་ཛ་སྲིན་པོའི་གཙོ། །དཀར་པོ་ལག་ན་ཕུར་པ་འདྲིལ། །ལྷོ་ཡི་ཕྱོགས་ཀྱི་དམག་དཔོན་ནི། །ཡ་མ་རཱ་ཛ་གཤིན་རྗེའི་གཙོ། །སྔོན་པོ་ལག་ན་ཕུར་པ་འདྲིལ། །ནུབ་ཀྱི་ཕྱོགས་ཀྱི་དམག་དཔོན་ནི། །དྷ་ཤ་གྷྲཱི་བ་བདུད་ཀྱི་གིང་། །ནག་པོ་ལག་ན་ཕུར་པ་འདྲིལ། །བྱང་གི་ཕྱོགས་ཀྱི་དམག་དཔོན་ནི། །ཡཀྴ་གྲཱི་བ་གནོད་སྦྱིན་གིང་། །སེར་པོ་ལག་ན་གྲི་ཡང་ཐོགས། །ཕུར་པ་ཕྲིན་ལས་ཀྱི་བཀའ་སྲུང་གི་ལེའུ་སྟེ་ལྔ་བཅུ་དྲུག་པའོ།། །།མ་མོ་རྦོད་གཏོང་བཀའ་སྲུང་གི། །སྐུ་མདོག་ཕྱག་མཚན་བསྟན་པ་ནི། །མཚོ་སྨན་རྒྱལ་མོ་དཔལ་མོ་ལྡན། །སྐུ་མདོག་སྔོན་མོ་མེ་ལོང་ཐོགས། །དཀར་མོ་ཆེན་མོ་དབུ་གསུམ་མ། །ལག་ན་བྷནྡ་སྐམ་པོ་
ཐོགས། །སྲིད་པའི་བུ་མོ་དམ་ཚིག་ཅན། །སེར་མོ་བྷནྡ་སྐམ་པོ་ཐོགས། །སྨུག་ནག་ཆེན་མོ་དབུ་ལྔ་མ། །ལག་ན་བྷནྡ་རློན་པ་ཐོགས། །ཁྲམ་ཁ་སྟོང་གི་དབང་མོ་ཆེ། །དཀར་མོ་ལག་ན་བྷནྡ་ཐོགས། །རི་རབ་གླིང་བཞིའི་དབང་མོ་ཆེ། །སེར་མོ་ལག་ན་བྷནྡ་ཐོགས། །ཐེག་ཆེན་ས་གཞིའི་དབང་མོ་ཆེ། །སྨུག་མོ་ལག་ན་བྷནྡ་ཐོགས། །རྒྱ་མཚོའི་གླིང་གི་དབང་མོ་ཆེ། །ལག་ན་བྷནྡ་སྔོན་པོ་ཐོགས། །གནམ་གྱི་ཡེ་དྷར་ཆེན་མོ་ནི། །ནག་མོ་མུན་པའི་གོ་ཟུ་ཅན། །ལག་ན་བྷནྡ་ཁྲག་བཀང་ཐོགས། །བར་གྱི་གློག་མ་སྲིན་མོ་ཡང་། །ཁྲག་གི་བུད་མེད་དམར་ནག་ལ། །ལག་ན་བྷནྡ་ཁྲག་བཀང་ཐོགས། །ས་ཡི་ཕུང་བྱེད་ནག་མོ་ནི། །མུན་པའི་བུད་མེད་ཆེན་མོ་ལ། །ལག་ན་བྷནྡ་ཁྲག་བཀང་ཐོགས། །གསང་བའི་མ་མོ་རྦོད་བྱེད་མ། །ནག་མོ་ཆེན་མོ་ལྕགས་ཀྱུ་ཐོགས། །ཕོ་ཉ་ལྕགས་ཀྱི་ཁྱི་མོ་ཁྲིད། །གསང་བའི་མ་མོ་འཁྲུགས་བྱེད་མ། །ལག་ན་ཁྲག་གི་ལྕགས་ཀྱུ་ཐོགས། །ཕོ་ཉ་ཟངས་ཀྱི་ཁྱི་མོ་ཁྲིད། །གསང་བའི་མ་མོ་སྒྲོལ་བྱེད་ཀྱང་། །ལག་ན་འགུགས་པའི་ལྕགས་ཀྱུ་ཐོགས། །ཕོ་ཉ་དུང་གི་ཁྱི་མོ་ཁྲིད། །མ་མོ་ཆེན་མོ་རོ་ཁ་མ། །ནག་མོ་ཐོད་པ་ཁྲག་བཀང་ཐོགས། །མ་མོ་ཆེན་མོ་ཙ་མུཎྜི། །སྨུག་མོ་ཐོད་པ་ཁྲག་བཀང་ཐོགས། །མ་མོ་ཆེན་མོ་ནམ་གྲུ་མ། །ནག་མོ་ཐོད་པ་ཁྲག་བཀང་ཐོགས། །ཤར་གྱི་སྟག་སྲིན་ཟོར་བ་གདོང་། །དཀར་མོ་ལག་ན་ཟོར་བ་ཐོགས། །ལྷོ་ཡི་བམ་སྲིན་དྲེད་མོའི་གདོང་། །སེར་ནག་ལག་ན་ཟོར་བ་ཐོགས། །ནུབ་ཀྱི་ཀོང་སྲིན་བན་གླང་གདོང་། །དམར་པོ་ལག་ན་ཟོར་བ་ཐོགས། །བྱང་གི་འབྲོག་སྲིན་ཆུ་སྲིན་གདོང་། །སྔོན་མོ་ལག་ན་ཟོར་བ་ཐོགས། །མ་མོ་རྦོད་གཏོང་གི་བཀའ་སྲུང་གི་སྐུ་མདོག་ཕྱག་མཚན་བསྟན་པའི་ལེའུ་སྟེ་ལྔ་བཅུ་བདུན་པའོ།། །།རིག་འཛིན་རྣམས་ཀྱི་བཀའ་སྲུང་ནི། །རྡོ་རྗེ་རིགས་ཀྱི་མཁའ་འགྲོ་མ། །དཀར་མོ་རྡོ་རྗེ་ཐོད་པ་ཐོགས། །རིན་ཆེན་རིགས་ཀྱི་མཁའ་འགྲོ་མ། །སེར་མོ་རིན་ཆེན་ཐོད་པ་ཐོགས། །པདྨ་རིགས་ཀྱི་
མཁའ་འགྲོ་མ། །དམར་མོ་པདྨ་ཐོད་པ་ཐོགས། །ལས་ཀྱི་རིགས་ཀྱི་མཁའ་འགྲོ་མ། །སྔོན་མོ་རྒྱ་གྲམ་ཐོད་པ་ཐོགས། །འཇིག་རྟེན་ལས་ཀྱི་མཁའ་འགྲོ་མ། །སྣ་ཚོགས་གྲི་གུག་ཐོད་པ་ཐོགས། །རྡོ་རྗེ་རིགས་ཀྱི་དཔའ་བོ་ནི། །སྔོན་པོ་རྡོ་རྗེ་ཐོད་པ་ཐོགས། །རིན་ཆེན་རིགས་ཀྱི་དཔའ་བོ་ནི། །སེར་པོ་རིན་ཆེན་ཐོད་པ་ཐོགས། །པདྨ་རིགས་ཀྱི་དཔའ་བོ་ནི། །དམར་པོ་པདྨ་ཐོད་པ་ཐོགས། །ལས་ཀྱི་རིགས་ཀྱི་དཔའ་བོ་ནི། །ལྗང་གུ་རྒྱ་གྲམ་ཐོད་པ་ཐོགས། །འཇིག་རྟེན་ལས་ཀྱི་དཔའ་བོ་ནི། །སྣ་ཚོགས་གྲི་དང་ཐོད་པ་བསྣམས། །རིག་འཛིན་རྣམས་ཀྱི་བཀའ་སྲུང་གི་སྐུ་མདོག་ཕྱག་མཚན་བསྟན་པའི་ལེའུ་སྟེ་ལྔ་བཅུ་བརྒྱད་པའོ།། །།དཔལ་གྱི་བཀའ་སྡོད་ཀྱི་སྐུ་མདོག་ཕྱག་མཚན་བསྟན་པ། དཀྱིལ་འཁོར་ཕྱོགས་མཚམས་སྐྱོང་བ་ཡི། །དབང་ཕྱུག་ཉི་ཤུ་རྩ་བརྒྱད་ནི། །སྲིན་མོ་སྨུག་ནག་ཐོད་རློན་འཆང་། །ཚངས་པ་དམར་སེར་པདྨ་འཛིན། །ལྷ་ཆེན་དཀར་ལྗང་ཏྲི་ཤུལ་འཛིན། །གཏོགས་འདོད་སྔོན་མོ་འཁོར་ལོ་འཛིན། །གཞོན་ནུ་དམར་མོ་མདུང་ཐུང་འཛིན། །བརྒྱ་བྱིན་དཀར་མོ་ཨིནྡྲ་གདེངས། །རྡོ་རྗེ་སེར་མོ་ཙན་དན་འཐུང་། །བདུད་རྩི་དམར་མོ་པདྨ་འཛིན། །ཟླ་བ་དཀར་མོ་པུཎྜ་རི། །བེ་ཅོན་ལྗང་ནག་དབྱུག་ཏོ་འཕྱར། །སྲིན་མོ་སྔོ་ནག་ཐོད་ཁྲག་འཐུང་། །ཟ་བ་སེར་ནག་བ་སུ་འདྲེན། །དགའ་བ་དམར་མོ་ཀ་ཏར་འཆང་། །སྟོབས་ཆེན་དཀར་མོ་གཤོལ་འཛིན་མ། །རྡོ་རྗེ་སེར་མོ་སྤུ་གྲི་གཅོད། །འདོད་པ་དམར་མོ་མདའ་གཞུ་འགེངས། །ནོར་སྲུང་དཀར་མོ་བུམ་པ་འཛིན། །རླུང་ལྷ་སྔོན་མོ་བ་དན་འཛིན། །གསོད་བྱེད་དམར་མོ་རལ་གྲིའོ། །མེ་མོ་དམར་སེར་གསལ་ཤིང་འཛིན། །ཕག་མོ་ནག་མོ་མཆེ་ཞགས་ཐོགས། །རྒན་བྱེད་དམར་མོ་ཞིང་ཟ་བ། །སྣ་ཆེན་ལྗང་ནག་ཐོད་ཁྲག་འཐུང་། །ཆུ་ལྷ་སྔོན་མོ་སྦྲུལ་ཞགས་འཛིན། །རྡོ་རྗེ་ནག་མོ་ལྕགས་ཀྱུ་འཛིན། །རྡོ་རྗེ་སེར་མོ་ཞགས་པ་འཛིན། །རྡོ་རྗེ་དམར་མོ་
ལྕགས་སྒྲོག་སྡོམ། །རྡོ་རྗེ་ལྗང་ནག་དྲིལ་འཁྲོལ་དགྱེས། །མཁའ་འགྲོ་སུམ་ཅུ་རྩ་གཉིས་ནི། །རྡོ་རྗེ་རིགས་ཀྱི་མཁའ་འགྲོ་བརྒྱད། །དཀར་པོ་རྡོ་རྗེ་ལྕགས་ཀྱུ་ཐོགས། །རིན་ཆེན་རིགས་ཀྱི་མཁའ་འགྲོ་བརྒྱད། །སེར་པོ་རྡོ་རྗེ་ཞགས་པ་ཐོགས། །པདྨ་རིགས་ཀྱི་མཁའ་འགྲོ་བརྒྱད། །དམར་པོ་རྡོ་རྗེ་ལྕགས་སྒྲོག་ཐོགས། །ལས་ཀྱི་རིགས་ཀྱི་མཁའ་འགྲོ་བརྒྱད། །སྔོན་པོ་རྡོ་རྗེ་དྲིལ་བུ་ཐོགས། །རྡོ་རྗེ་གིང་ཆེན་བཅོ་བརྒྱད་ནི། །རྡོ་རྗེ་རིགས་ཀྱི་གིང་ཆེན་བཞི། །དཀར་པོ་ལག་ན་ཤེལ་གྲི་ཐོགས། །རིན་ཆེན་རིགས་ཀྱི་གིང་ཆེན་བཞི། །སེར་པོ་ལག་ན་གྲི་ཡང་ཐོགས། །པདྨ་རིགས་ཀྱི་གིང་ཆེན་བཞི། །དམར་པོ་ལག་ན་གྲི་ཡང་ཐོགས། །ལས་ཀྱི་རིགས་ཀྱི་གིང་ཆེན་བཞི། །སྔོན་པོ་ལག་ན་གྲི་ཡང་ཐོགས། །སྟེང་འོག་གིང་ཆེན་རྣམ་པ་གཉིས། །སྐུ་མདོག་དཀར་ནག་འོད་ཟེར་འཕྲོ། །ལག་ན་རལ་གྲི་ཐོགས་པའོ། །རྡོ་རྗེ་ལང་ཀ་བཅོ་བརྒྱད་ནི། །རྡོ་རྗེ་རིགས་ཀྱི་ལང་ཀ་བཞི། །ལག་ན་རྡོ་རྗེ་ཏྲི་ཤཱུལ་ཐོགས། །རིན་ཆེན་རིགས་ཀྱི་ལང་ཀ་བཞི། །ལག་ན་རིན་ཆེན་ཏྲི་ཤཱུལ་ཐོགས། །པདྨ་རིགས་ཀྱི་ལང་ཀ་བཞི། །ལག་ན་པདྨ་ཏྲི་ཤཱུལ་ཐོགས། །ལས་ཀྱི་རིགས་ཀྱི་ལང་ཀ་བཞི། །ལག་ན་རྒྱ་གྲམ་ཏྲི་ཤཱུལ་ཐོགས། །སྟེང་འོག་གཉིས་ཀྱི་ལང་ཀ་ནི། །ལག་ན་སྣ་ཚོགས་ཏྲི་ཤཱུལ་ཐོགས། །གནོད་སྦྱིན་སྙིང་ནས་འདྲེན་པའི་འབར་མ་བརྒྱད། །འབར་མ་ཉི་མའི་ཞགས་པ་ཅན། །འབར་མ་མེ་འབར་གློག་ཕྲེང་འཛིན། །འབར་མ་གཤིན་རྗེ་སྐར་མདའ་གཏོང་། །འབར་མ་སྲིན་མོ་མདུང་ཐུང་འཕེན། །འབར་མ་ཆེན་མོ་ལྕེ་འབེབས་མ། །འབར་མ་ཆེན་མོ་ཁྱུང་ཐོགས་མ། །འབར་མ་རླུང་བདག་རལ་གྲི་སྣ། །འབར་མ་འཇིགས་བྱེད་བན་གླང་སྣ། །ས་བདག་ཆེན་མོ་སུམ་ཅུ་གཉིས། །ས་བདག་བདུད་འདུལ་ཆེན་མོ་བརྒྱད། །སྐུ་མདོག་དཀར་གསལ་འབར་བ་ལ། །ལག་ན་ལྕགས་ཀྱུ་ཐོ་བ་ཐོགས། །གཟའ་བདག་གཟའ་འདུལ་ཆེན་མོ་བརྒྱད། །སྐུ་མདོག་སེར་མོ་འབར་བ་ལ། །ལག་ན་
ཞགས་པ་ཕུར་བུ་ཐོགས། །ས་བདག་ཀླུ་འདུལ་ཆེན་མོ་བརྒྱད། །སྐུ་མདོག་དམར་མོ་འབར་བ་ལ། །ཕྱག་ན་ལྕགས་སྒྲོག་ཕུར་བུ་ཐོགས། །ས་བདག་བཙན་འདུལ་ཆེན་མོ་བརྒྱད། །སྐུ་མདོག་དམར་མོ་འབར་བ་ལ། །ལག་ན་ཏྲི་ཤཱུལ་ཕུར་བུ་ཐོགས། །ཕྱི་ནང་ལས་བྱེད་ཕོ་ཉ་ནི། །དྲུག་ཅུ་རྩ་བཞི་བསྟན་པ་ནི། །རྡོ་རྗེ་རིགས་ཀྱི་ཕོ་ཉ་བཅུ་དྲུག་ཀྱང་། །ལག་ན་རྡོ་རྗེ་ཕུར་བུ་ཐོགས། །རིན་ཆེན་རིགས་ཀྱི་ཕོ་ཉ་བཅུ་དྲུག་ཀྱང་། །ལག་ན་རིན་ཆེན་ཕུར་བུ་ཐོགས། །པདྨ་རིགས་ཀྱི་ཕོ་ཉ་བཅུ་དྲུག་ཀྱང་། །ལག་ན་པདྨ་ཕུར་བུ་ཐོགས། །ལས་ཀྱི་རིགས་ཀྱི་ཕོ་ཉ་བཅུ་དྲུག་ཀྱང་། །ལག་ན་རྒྱ་གྲམ་ཕུར་བུ་ཐོགས། །མ་མོ་བདུན་དང་སྲིང་མོ་བཞི། །མ་མོ་ཆེན་མོ་རྣམ་པ་བདུན། །མ་མོ་ཡེ་ཤེས་མཁའ་འགྲོ་མ། །ཕྱག་ན་གྲི་གུག་ཐོད་ཁྲག་བསྣམས། །མ་མོ་ཡེ་ཤེས་ཤུགས་འགྲོ་མ། །ཕྱག་ན་གྲི་གུག་བྷན་དམར་ཐོགས། །མ་མོ་ཡེ་ཤེས་རྟག་འགྲོ་མ། །ཕྱག་ན་ཞིང་གི་དབྱུག་པ་བསྣམས། །མ་མོ་ཡེ་ཤེས་ཟ་བྱེད་མ། །ནག་མོ་ཞིང་ཆེན་ཟ་བའི་ཚུལ། །མ་མོ་ཡེ་ཤེས་ཁ་འབར་མ། །ནག་མོ་མེ་ཡི་ཁ་རླངས་འབར། །མ་མོ་ཆེན་མོ་རེ་མ་ཏི། །ནག་མོ་ཕྱག་ན་ནད་རྐྱལ་བསྣམས། །མ་མོ་ཡེ་ཤེས་མཁའ་འགྲོ་མ། །སྔོན་མོ་ཕྱག་ན་ཁྲམ་བམ་བསྣམས། །སྲིང་མོ་ཆེན་མོ་རྣམ་པ་བཞི། །སྲིང་མོ་བྱིས་པའི་དུར་བྱེད་མ། །གླིང་བཞི་མགྱོགས་མ་ལྷ་ཡི་སྲིང་། །སྲིང་མོ་ཆེན་མོ་འཚོ་བྱེད་མ། །མཁའ་ལ་ཁྱུང་ལྡིང་གཤིན་རྗེའི་སྲིང་། །སྲིང་མོ་ཆེན་མོ་སྡོམ་བྱེད་མ། །དམར་མོ་གཡག་ཐོད་ཀླུ་ཡི་སྲིང་། །སྲིང་མོ་ཆེན་མོ་རླུང་འབྱིན་མ། །ནག་མོ་སྡེར་ཆེན་གནོད་སྦྱིན་སྲིང་། །ཀུན་ཀྱང་ཕྱག་ན་ཐོད་ཁྲག་བསྣམས། །འབུམ་ཕྲག་ཡངས་པའི་མཁའ་འགྲོ་མ། །ཚངས་པའི་ལྷ་མོ་འབུམ་ཕྲག་གཅིག །དྲི་ཟ་ཆེན་མོ་འབུམ་ཕྲག་གཅིག །དྲང་སྲོང་ཆེན་མོ་འབུམ་ཕྲག་གཅིག །གྲུལ་བུམ་ཆེན་མོ་འབུམ་ཕྲག་གཅིག །སྲིན་མོ་ཆེན་མོ་འབུམ་ཕྲག་གཅིག །ཀླུ་མོ་ཆེན་མོ་འབུམ་
ཕྲག་གཅིག །རླུང་བདག་ཆེན་མོ་འབུམ་ཕྲག་གཅིག །གནོད་སྦྱིན་ཆེན་མོ་འབུམ་ཕྲག་གཅིག །དབང་ལྡན་ཆེན་མོ་འབུམ་ཕྲག་གཅིག །ས་བདག་ཆེན་མོ་འབུམ་ཕྲག་གཅིག །སྨན་བྲན་ཆེན་མོ་འབུམ་ཕྲག་གཅིག །ཤ་ཟ་ཆེན་མོ་འབུམ་ཕྲག་གཅིག །བདུད་མོ་ཆེན་མོ་འབུམ་ཕྲག་གཅིག །དཀར་མོ་ཆེན་མོ་འབུམ་ཕྲག་གཅིག །སེར་མོ་ཆེན་མོ་འབུམ་ཕྲག་གཅིག །དམར་མོ་ཆེན་མོ་འབུམ་ཕྲག་གཅིག །སྔོན་མོ་ཆེན་མོ་འབུམ་ཕྲག་གཅིག །སྨུག་མོ་ཆེན་མོ་འབུམ་ཕྲག་གཅིག །མཐིང་ནག་ཆེན་མོ་འབུམ་ཕྲག་གཅིག །ནག་མོ་ཆེན་མོ་འབུམ་ཕྲག་གཅིག །ལ་ལ་གསེར་གྱི་རི་ལ་གནས། །ལ་ལ་རྒྱ་མཚོའི་གཏིང་ལ་གནས། །ལ་ལ་གླིང་ཆེན་བཞི་ལ་གནས། །ལ་ལ་གླིང་ཆུང་བརྒྱད་ལ་གནས། །ལ་ལ་གངས་དཀར་རྩེ་ལ་གནས། །ལ་ལ་ས་ཡི་འོག་ན་གནས། །ལ་ལ་ནམ་མཁའི་མཐོངས་ན་གནས། །ལ་ལ་དཔག་བསམ་ཤིང་ལ་གནས། །ལ་ལ་བར་སྣང་ཁམས་ལ་གནས། །ལ་ལ་གཅན་གཟན་སྡེར་ཆགས་ཞོན། །ལ་ལ་རྨིག་པ་ཁ་བྲག་ཞོན། །ལ་ལ་རྨིག་པ་ཟླུམ་པོ་ཞོན། །ལ་ལ་གདོང་པ་ཅན་ལ་ཞོན། །ལ་ལ་འདབ་ཆགས་བྱ་ལ་ཞོན། །ལ་ལ་རླུང་དང་སེར་བུ་ཞོན། །ལ་ལ་གློག་གི་རྐང་ལ་ཞོན། །ལ་ལ་དགུ་ཚིགས་གཞུང་ལ་ཞོན། །ལ་ལ་དུས་བཞིའི་གུང་ལ་རྒྱུག །ལ་ལ་ནམ་གྱི་གུང་ལ་རྒྱུག །ལ་ལ་ཉི་མའི་གུང་ལ་རྒྱུག །ལ་ལ་ཟླ་བའི་ཟེར་ལ་རྒྱུག །ལ་ལ་མུན་པའི་སྨག་ལ་རྒྱུག །ལ་ལ་གྲིབ་སོ་རྟ་རུ་ཞོན། །ལ་ལ་ནམ་མཁའི་མདངས་ལ་ཞོན། །ལ་ལ་སྐྱ་རེངས་མདངས་ལ་ཞོན། །ལ་ལ་ཆུ་བོའི་གཞུང་ལ་ཞོན། །ལ་ལ་གསལ་བའི་མེ་ལོང་ཐོགས། །ལ་ལ་དར་དཀར་གཡབ་མོ་ཐོགས། །ལ་ལ་ལྕགས་ཀྱུ་འབར་བ་ཐོགས། །ལ་ལ་ཞགས་པ་ནག་པོ་ཐོགས། །ལ་ལ་བེ་ཅོན་ནག་པོ་ཐོགས། །ལ་ལ་གཅོད་པའི་སྤུ་གྲི་ཐོགས། །ལ་ལ་མི་མགོའི་ཕོར་བ་ཐོགས། །ལ་ལ་མི་སྙིང་རློན་པ་ཐོགས། །ལ་ལ་མི་ལྤགས་རློན་པ་ཐོགས། །ལ་ལ་རུ་མཚོན་ནག་པོ་ཐོགས། །ལ་ལ་བདུད་ཀྱི་ཁྲམ་
ཤིང་ཐོགས། །ལ་ལ་ཤོ་ཡི་རྡེའུ་ཐོགས། །ལ་ལ་ནད་ཀྱི་རྐྱལ་པ་ཐོགས། །ལ་ལ་མཚོན་གྱི་དྲུ་གུ་ཐོགས། །ལ་ལ་བྱང་དམར་བམ་པོ་ཐོགས། །ལ་ལ་ཏྲི་ཤཱུལ་རྣོན་པོ་ཐོགས། །ལ་ལ་དཔལ་རྩེ་འབར་བ་ཐོགས། །ཀུན་ཀྱང་གདུག་པའི་ལག་ཆ་ཐོགས། །ཀུན་ཀྱང་དབུགས་དང་སྲོག་ལ་དགའ། །ཀུན་ཀྱང་ཤ་ཟ་ཁྲག་འཐུང་མ། །ཀུན་ཀྱང་མདངས་འཕྲོག་བཅུད་ལེན་མ། །རྒྱལ་པོ་བློན་མོ་ཡང་གཡོག་བཅས། །འབུམ་ཕྲག་ཡངས་པའི་མཁའ་འགྲོ་མ། །ཕྱི་ཡི་དུར་ཁྲོད་གནས་ན་གནས། །ཞེས་གསུངས་སོ། །དཔལ་གྱི་བཀའ་སྡོད་ཀྱི་སྲུང་མའི་སྐུ་མདོག་ཕྱག་མཚན་བསྟན་པའི་ལེའུ་སྟེ་ལྔ་བཅུ་དགུ་པའོ།། །།བསྒྲུབ་པ་བཀའ་བརྒྱད་རིག་འཛིན་དཀྱིལ་འཁོར་དང་བཅས་པའི་འཇིག་རྟེན་ལས་འདས་པའི་རྩ་བའི་ལྷ་དང་། འཇིག་རྟེན་པའི་བཀའ་སྲུང་དང་བཅས་པའོ། །ལྷའི་སྐུ་མདོག་ཕྱག་མཚན་བྱུང་གནས་གདབ་པའི་སྐབས་ཏེ་དྲུག་པའོ།། །།དེ་ནས་སྤྱི་དཔལ་ཀུན་ཏུ་བཟང་པོ་ལ། འཁོར་གྱི་རིག་འཛིན་རྣམས་ཀྱིས་ཞུས་པ། ཨེ་མ་སྤྱི་དཔལ་ཧེ་རུ་ཀ །བློ་ལྡན་རྣལ་འབྱོར་གང་ཞིག་གིས། །བསྒྲུབ་པ་བཀའ་བརྒྱད་དཀྱིལ་འཁོར་ལྷ། །ཉམས་སུ་ལེན་པར་འདོད་པ་ལ། །བསྐྱེད་རྫོགས་འབྲིང་པོ་བཤད་དུ་གསོལ། །དེ་སྐད་གསོལ་པ་གསན་ནས་ཀྱང་། །སྤྱི་དཔལ་ཆེན་པོས་བཀའ་སྩལ་པ། །ཉོན་ཅིག་འདུས་པའི་འཁོར་ཚོགས་རྣམས། །རྣལ་འབྱོར་བསྡུས་ལ་དགའ་བ་ལ། །བསྐྱེད་རྫོགས་ཕྲིན་ལས་བསྡུས་ཏེ་བསྟན། །དབེན་ཞིང་དགོན་པའི་གནས་དག་ཏུ། །བསྒྲུབ་པའི་དཀྱིལ་འཁོར་ཞལ་ཕྱེས་ལ། །ཕྱི་མཚམས་བཅད་ལ་ནང་མཚམས་བསྡམས། །གསང་བའི་མཚམས་བཅད་བཤགས་དང་བརླབས། །སྔོན་དུ་འགྲོ་བའི་ལས་རྣམས་བྱ། །དེ་ནས་བསྐྱེད་རིམ་དོན་ལ་འཇུག །དེ་བཞིན་ཀུན་སྣང་རྒྱུ་ལས་ནི། །འབྱུང་བ་ལྔ་ཡི་རིམ་པ་བརྩིགས། །བྷྲཱུཾ་ལས་ཡེ་ཤེས་གཞལ་ཡས་ཁང་། །
དཀྱིལ་འཁོར་དགུ་ཡི་གཞལ་ཡས་ནི། །ཀུན་ཀྱང་འཁོར་ལོ་བཞི་པས་མཛེས། །ཁྱམས་དང་སྒོ་བཞི་ལྕགས་རིར་བཅས། །ཕྱི་ཁྱམས་སྒོ་བཞི་རྒྱན་དང་ལྡན། །ལྕགས་རི་ཟླུམ་པོ་རྡོ་རྗེའི་ར། །ཕྱི་རིམ་བསྐལ་པའི་མེ་འབར་བསྐྱེད། །དེ་ནང་གདན་ཁྲི་བསྐྱེད་པ་ནི། །དྲེགས་པ་འགྲོ་དྲུག་བྱོལ་སོང་གདན། །དཀྱིལ་འཁོར་ཀུན་གྱི་དབུས་སུ་གདིང་། །དཀྱིལ་འཁོར་དབུས་མའི་གདན་སྟེང་དུ། །རྒྱུ་ཡི་ཡེ་ཤེས་སེམས་དཔའ་བབས། །ཆོ་ག་གསུམ་གྱི་སྦྱོར་བ་ཡིས། །ཆེ་མཆོག་ཧེ་རུའི་སྐུར་བསྐྱེད་ལ། །དབུ་དགུ་ཕྱག་ཀྱང་བཅོ་བརྒྱད་ལ། །ཞབས་ཀྱང་རྣམ་པ་བརྒྱད་དུ་བགྲད། །དབུས་ཀྱི་དབུ་གསུམ་མཐིང་ལ་རྔམས། །གཡས་གཅིག་དཀར་ལ་གཡོན་གཅིག་དམར། །གཡས་གཅིག་དམར་ལ་གཡོན་གཅིག་ལྗང་། །གཡས་གཅིག་དཀར་ལ་གཡོན་གཅིག་དམར། །གཡས་ཀྱི་དང་པོ་རྡོ་རྗེ་བསྣམས། །གཉིས་པ་ཁ་ཊྭཱཾ་རྩེ་གསུམ་བསྣམས། །གསུམ་པ་གསང་བའི་རྔེའུ་ཆུང་བསྣམས། །བཞི་པ་འཁོར་ལོ་རྩིབས་བརྒྱད་བསྣམས། །ལྔ་པ་རིན་ཆེན་འབར་བ་བསྣམས། །དྲུག་པ་པདྨ་འདབ་བརྒྱད་བསྣམས། །བདུན་པ་རལ་གྲི་རྣོན་པོ་བསྣམས། །བརྒྱད་པ་དགྲ་སྟྭ་ཁ་ལེབ་བསྣམས། །དགུ་པ་འདྲེན་པའི་ཞགས་པ་བསྣམས། །གཡོན་གྱི་དང་པོས་བྷན་དམར་བསྣམས། །གཉིས་པ་ཞིང་གི་དབྱུག་པ་བསྣམས། །གསུམ་པ་གསེར་གྱི་ཐོང་གཤོལ་བསྣམས། །བཞི་པ་མེ་ཤེལ་ཉི་མ་བསྣམས། །ལྔ་པ་ཆུ་ཤེལ་ཟླ་བ་བསྣམས། །དྲུག་པ་རིན་ཆེན་རི་རབ་བསྣམས། །བདུན་པ་ཆུ་ཡི་དཀྱིལ་འཁོར་བསྣམས། །བརྒྱད་པ་མེ་ཡི་དཀྱིལ་འཁོར་བསྣམས། །དགུ་པ་རླུང་གི་དཀྱིལ་འཁོར་བསྣམས། །ཞབས་བརྒྱད་གླང་ཆེན་དྲེགས་པ་བརྫིས། །གླང་ཆེན་ཀོ་རློན་ཡ་བ་སྐོར། །ཞིང་ཆེན་གཡང་གཞིའི་སྟོད་གཡོགས་ལ། །དཔའ་གཏུམ་སྟག་གི་ཤམ་ཐབས་ཅན། །གདུག་པ་སྦྲུལ་གྱིས་སྐུ་རྒྱན་བྱས། །ཐལ་ཆེན་
ཁྲག་ཞག་མཚན་མར་བཏབ། །དབུ་ལ་རིགས་ལྔའི་སངས་རྒྱས་དང་། །རྡོ་རྗེ་དབྱིངས་ཀྱི་དཀྱིལ་འཁོར་རྫོགས། །ཐོད་པའི་ཕྲེང་བས་དབུ་རྒྱན་བྱས། །བསྐལ་པའི་མེ་དཔུང་ཀློང་ན་བཞུགས། །འབར་བའི་གར་དགུ་ལྡན་པར་བསྒོམ། །ཡབ་ཀྱི་གཡོན་ནས་གྲིབ་མའི་ཚུལ། །ཡུམ་ཆེན་ཁྲོ་མོ་གནམ་ཞལ་མ། །ཞལ་གཅིག་ཕྱག་གཉིས་ཡབ་དང་མཐུན། །གཡས་པ་ཁ་ཊྭཱཾ་ཡབ་ལ་འཁྱུད། །གཡོན་པ་བྷན་དམར་གཙོ་ལ་སྟོབ། །གཉིས་སུ་མེད་པར་འཁྲིལ་བར་བསྒོམ། །ཡབ་ཡུམ་མཁའ་གསང་བྱིན་བརླབས་ལས། །མཁའ་ལས་ཁྲོ་བོ་འཆོལ་བ་སྤྲོས། །ཕྱོགས་བཅུའི་དྲེགས་པ་བསྒྲལ་ནས་ནི། །སླར་འདུས་དཀྱིལ་འཁོར་བརྒྱད་ལ་དགོད། །དཀྱིལ་འཁོར་བརྒྱད་ཀྱི་གཙོ་བོར་གསལ། །ཤར་དུ་བཛྲ་ཧེ་རུ་ཀ །ལྷོ་རུ་འཇམ་དཔལ་གཤིན་རྗེ་གཤེད། །ནུབ་ཏུ་རྟ་མགྲིན་རྒྱལ་པོ་ལ། །བྱང་དུ་རྡོ་རྗེ་གཞོན་ནུའོ། །ཤར་ལྷོར་བླ་མེད་ཧེ་རུ་ཀ །ནུབ་བྱང་དྲེགས་པ་ཀུན་འདུལ་ལ། །བྱང་ཤར་སྟོབས་ལྡན་ནག་པོའོ། །སོ་སོའི་ཡུམ་བཅས་རྫོགས་པར་བསྐྱེད། །ལྷོ་ནུབ་རིག་འཛིན་སློབ་དཔོན་ཡིན། །དེ་ནས་གཙོ་བོ་ཡབ་ཡུམ་གྱི། །བྱང་ཆུབ་སེམས་ཀྱི་འོད་ཟེར་དང་། །རྩ་བའི་སྔགས་རྣམས་བརྗོད་པ་ཡིས། །སོ་སོའི་འཁོར་ཚོགས་རྫོགས་པར་བསྐྱེད། །ཆེ་མཆོག་ཡབ་ཡུམ་སྤྲུལ་པ་ནི། །ཆེ་མཆོག་རིགས་བཞི་ཡབ་ཡུམ་བཞི། །དྲེགས་པ་ཕྱོགས་སྐྱོང་འདུལ་བྱེད་བཅུ། །ཏ་ཀྲྀཏ་སྒོ་སྲུང་ཁྲོ་བོ་བཞི། །བཀའ་སྲུང་ཅེ་སྤྱང་མ་བརྒྱད་བསྒོམ། །བཛྲ་ཧེ་རུ་ཡབ་ཡུམ་ལས། །རིགས་བཞིའི་ཁྲག་འཐུང་ཡབ་ཡུམ་བཞི། །གཽ་རཱི་བརྒྱད་དང་ཕྲ་མེན་བརྒྱད། །གདོང་མོ་སྒོ་མ་བཞི་དང་ནི། །བཀའ་སྲུང་ཁྲོ་མོ་ཉི་ཤུ་བརྒྱད། །འཇམ་དཔལ་གཤིན་རྗེ་ཡབ་ཡུམ་ལས། །གཤེད་བཞི་སྦྱོར་ཡུམ་སྒྲོལ་ཡུམ་བཅས། །ཕྱོགས་སྐྱོང་བཅུ་གཉིས་ཡུམ་དང་བཅས། །མགོ་བརྙན་
སྒོ་སྐྱོང་གཤིན་རྗེ་བཞི། །བཀའ་སྲུང་གིང་བདུད་རྩིས་པ་དང་། །སྲོག་གི་ཤན་པར་བཅས་པ་བསྒོམ། །པདྨ་དབང་ཆེན་ཡབ་ཡུམ་ལས། །ལས་ཀྱི་སྲས་མཆོག་ཡབ་ཡུམ་གཉིས། །ཟིལ་གནོན་ཁྲོ་རྒྱལ་ཡབ་ཡུམ་དང་། །སྒོ་སྐྱོང་ཕོ་ཉ་སྒོ་བ་བཞི། །བཀའ་སྲུང་ཁམ་བརྒྱ་མ་དྲུག་དང་། །སྤྲུལ་སྐུ་དམུས་ལོང་བཅུ་དྲུག་དང་། །ཟ་བྱེད་དཔལ་གྱི་ཁྱི་སྤྱང་དང་། །ཕོ་ཉ་འབར་བའི་གཤོག་པ་བཞི། །དུར་མོ་འབྲུག་མོ་ཆེན་མོ་བཞི། །རྡོ་རྗེ་གཞོན་ནུ་ཡབ་ཡུམ་ལས། །སྲས་མཆོག་རིགས་བཞི་ཀཱི་ལ་ཡ། །ཁྲོ་བོ་བཅུ་དང་ཁྲོ་མོ་བཅུ། །ཟ་བྱེད་བཅུ་དང་གསོད་བྱེད་བཅུ། །མགོ་བརྙན་སྒོ་སྲུང་ཆེན་མོ་བཞི། །བཀའ་སྲུང་ཤོ་ན་བསེ་མོ་བཞི། །རེ་ཏི་མཆེད་བཞི་བཅུ་གཉིས་སོ། །གིང་བཞི་བདུད་བཞི་ཤན་པ་བཞི། །བླ་མེད་ཧེ་རུ་ཡབ་ཡུམ་ལས། །རྟག་པའི་རྒྱལ་མོ་རྣམ་པ་ལྔ། །ཡེ་ཤེས་རྗེ་མོ་བཅུ་བཞི་དང་། །སྨན་མོ་ཉི་ཤུ་རྩ་བརྒྱད་དང་། །སྒོ་སྐྱོང་སྲིང་མོ་ཆེན་མོ་བཞི། །བཀའ་སྲུང་ཡང་གབ་མ་བཞི་དང་། །སྦས་པའི་མ་བཞི་གདོང་མོ་བཞི། །ཕུང་བྱེད་མ་གསུམ་རོ་ཁ་མ་གསུམ་དང་། །གསང་བའི་མ་གསུམ་ཕོ་ཉ་གསུམ། །དྲེགས་པ་ཀུན་འདུལ་ཡབ་ཡུམ་ལ། །དྲེགས་པ་ཉི་ཤུ་རྩ་དྲུག་བསྐོར། །སྒོ་སྐྱོང་དབང་ཆེན་དྲེགས་པ་བཞི། །སྟོབས་ལྡན་ནག་པོ་ཡབ་ཡུམ་ལ། །དྲེགས་པ་ཅན་ནི་བཅོ་ལྔས་བསྐོར། །སྒོ་བ་བཀའ་ཉན་རྣམ་པ་བཞི། །བཀའ་སྲུང་སོ་སོའི་འཁོར་གཡོག་ལྡན། །རིག་འཛིན་རྡོ་རྗེ་ཐོད་པ་རྩལ། །རིགས་ཀྱི་རིག་འཛིན་དྲུག་དང་ནི། །གྲུབ་པའི་རིག་འཛིན་རྣམ་པ་བཞི། །སྒོ་བཞིར་རྩ་བའི་སློབ་དཔོན་བཞི། །བཀའ་སྲུང་དཔའ་བོ་དཔའ་མོ་དང་། །མཁའ་འགྲོ་སྡེ་བཞིར་བཅས་པའོ། །ཕྱི་ཁྱམས་དབང་ཕྱུག་ཉི་ཤུ་བཞི། །སྒོ་བཞིར་དབང་ཕྱུག་སྒོ་མ་བཞི། །ཕྱི་ཡི་ལྕགས་རི་འཁོར་ཡུག་ལ། །མཁའ་འགྲོ་གིང་དང་ལང་ཀ་དང་། །མ་སྲིང་འབར་མ་ཕོ་ཉ་དང་། །མཁའ་འགྲོ་འབུམ་ཕྲག་ཡངས་པ་རྣམས། །རང་བཞིན་དཔལ་གྱི་བཀའ་
སྡོད་པའོ། །དེ་ལྟར་ལྷ་རྣམས་གསལ་བསྐྱེད་ལ། །སྐུ་གསུང་ཐུགས་སུ་བྱིན་བརླབ་ཅིང་། །ཡེ་ཤེས་ལྔ་ཡི་དབང་ཡང་བསྐུར། །རང་བཞིན་གནས་ནས་སྤྱན་དྲངས་ཤིང་། །གཉིས་སུ་མེད་པར་བཞུགས་སུ་གསོལ། །དགྱེས་པའི་ཚུལ་གྱིས་ཕྱག་བྱས་ལ། །མཆོད་པ་དབུལ་ཞིང་དགྱེས་པར་བསྟོད། །སོ་སོའི་སྙིང་པོ་བཟླས་བརྗོད་འབད། །ཕྲིན་ལས་བཅོལ་ཞིང་བཤགས་པ་བྱ། །ཚོགས་དང་ལྷག་མའི་ལས་རྫོགས་ནས། །གཏོར་མ་གཏོང་ལ་དཀྱིལ་འཁོར་བསྡུ། །སྤྱོད་ལམ་བཞིར་ཡང་ལྷ་བསྒོམ་བྱ། །ཡང་ན་རྫོགས་པའི་རིམ་པ་ལ། །མ་བཅོས་རང་གསལ་རང་སར་བཞག །ཅེས་གསུངས་སོ། །བསྐྱེད་རྫོགས་འབྲིང་པོའི་ལེའུ་སྟེ་དྲུག་ཅུ་ཐམ་པའོ།། །།དེ་ནས་སྤྱི་དཔལ་ཀུན་བཟང་ཧེ་རུ་ཀ་ལ། འཁོར་གྱི་རིག་འཛིན་རྣམས་ཀྱིས་ཞུས་པ། ཨེ་མ་སྤྱི་དཔལ་ཧེ་རུ་ཀ །རྣལ་འབྱོར་བློ་དམན་གང་ཟག་ལ། །བསྡུས་པའི་བསྐྱེད་རྫོགས་བཤད་དུ་གསོལ། །དེ་སྐད་གསོལ་པ་གསན་ནས་ཀྱང་། །སྤྱི་དཔལ་ཆེན་པོས་བཀའ་སྩལ་པ། །ཉོན་ཅིག་འདུས་པའི་ཚོགས་ཆེན་རྣམས། །རྣལ་འབྱོར་ཤིན་ཏུ་བསྡུས་དགའ་ལ། །བསྐྱེད་རྫོགས་ཤིན་ཏུ་བསྡུས་ཏེ་བསྟན། །ཕུན་སུམ་ཚོགས་པའི་གནས་དག་ཏུ། །འདུ་འཛི་སྤངས་པའི་རྣལ་འབྱོར་པས། །ལྷ་ཡི་དཀྱིལ་འཁོར་བསྒོམ་འདོད་ནས། །སྔོན་དུ་འགྲོ་བའི་ལས་བྱས་ནས། །དེ་བཞིན་ཉིད་ཀྱི་ཏིང་ངེ་འཛིན། །རང་བཞིན་དངོས་མེད་སྤྲོས་པ་མེད། །ཀུན་སྣང་ཀུན་ཁྱབ་སྙིང་རྗེའི་ངང་། །རྒྱུ་ཉིད་མཐིང་ནག་ཡི་གེ་ཧཱུཾ། །འབྱུང་བ་ཡུམ་ལྔའི་དཀྱིལ་འཁོར་བརྩེགས། །ཀེང་རུས་རི་རབ་རྩེ་བརྒྱད་སྟེང་། །དུར་ཁྲོད་འབར་བའི་གཞལ་ཡས་ཁང་། །ཚོམ་བུ་དགུ་ཡི་དཀྱིལ་འཁོར་བསྐྱེད། །དྲེགས་པ་ཉི་ཟླ་པདྨའི་གདན། །ཀུན་ལ་གདན་དུ་གདིང་བར་བྱ། །གདན་སྟེང་རྒྱུ་ཡི་ཡི་གེ་ལས། །དཔལ་ཆེན་ཁྲག་འཐུང་ཆེན་པོའི་སྐུར། །ཆོ་
ག་གསུམ་གྱིས་གསལ་བར་བསྐྱེད། །བདག་ཉིད་ཆེ་མཆོག་ཧེ་རུ་ཀ །མཐིང་ནག་དབུ་གསུམ་ཕྱག་དྲུག་པ། །ཞབས་བཞི་གྱད་ཀྱི་དོར་སྟབས་བགྲད། །དབུ་གསུམ་གཡས་དཀར་གཡོན་དམར་བ། །དབུས་ནི་མཐིང་ནག་སྐུ་དང་མཐུན། །ཕྱག་དྲུག་གཡས་ཀྱི་དང་པོ་ན། །རྡོ་རྗེ་རྩེ་དགུ་བསྣམས་པའོ། །བར་མ་རྡོ་རྗེ་རྩེ་ལྔ་པ། །ཐ་མ་རྡོ་རྗེ་རྩེ་གསུམ་མོ། །གཡོན་གྱི་དང་པོ་བྷནྡ་ནི། །ལྕང་ལོ་ཁྲག་བཀང་གསོལ་བའོ། །བར་མ་ཐོད་རློན་དམར་གྱིས་བཀང་། །ཐ་མ་ཐོད་སྐམ་དམར་བཀང་བའོ། །ཞབས་བཞི་ཡིན་ནམ་གཉིས་གྱད་ཀྱི་དོར་སྟབས་སོ། །སྐུ་སྟོད་གླང་ཆེན་ཀོ་རློན་གསོལ། །སྐུ་སྨད་སྟག་གི་ཤམ་ཐབས་ཅན། །ཞིང་ཆེན་གཡང་གཞིའི་ན་བཟར་གསོལ། །ཐོད་པ་ཚར་གསུམ་ཕྲེང་བས་བརྒྱན། །རྡོ་རྗེའི་གཤོག་པ་ཁྱབ་པར་གདེངས། །ཁྲག་ཞག་ཐིག་ལེའི་མཚན་མས་བརྒྱན། །ཐུགས་ཀར་ཡེ་ཤེས་སེམས་དཔའ་ལ། །སྔགས་ཀྱི་ཕྲེང་བས་བསྐོར་བའོ། །ཡུམ་ནི་ཞལ་གཅིག་ཕྱག་གཉིས་མ། །གཡས་པ་གྲི་གུག་ཡབ་ལ་འཁྱུད། །གཡོན་པ་དུང་ཁྲག་གཙོ་ལ་སྟོབ། །སྐུ་མདོག་རིགས་དང་མཐུན་པ་ལ། །སྐུ་སྨད་གཟིག་གི་ཤམ་ཐབས་ཅན། །ཡབ་ཡུམ་གཉིས་སུ་མེད་པར་འཁྲིལ། །བསྐལ་པའི་མེ་དཔུང་ཀློང་ན་བཞུགས། །འབར་བའི་ཆ་ལུགས་འཇིགས་པར་བསྒོམ། །ཡབ་ཡུམ་གཉིས་ཀྱི་ཐུགས་ཀ་ནས། །ཕྱོགས་བཞིའི་མཚམས་བཞིའི་དཀྱིལ་འཁོར་དུ། །མཐིང་ནག་ཧཱུཾ་གི་འཕྲོ་འདུ་ལས། །ཤར་དུ་བཛྲ་ཧེ་རུ་ཀ །ལྷོ་རུ་འཇམ་དཔལ་གཤིན་རྗེ་གཤེད། །ནུབ་ཏུ་པདྨ་དབང་ཆེན་ནི། །བྱང་དུ་རྡོ་རྗེ་གཞོན་ནུ་སྟེ། །ཤར་ལྷོར་བླ་མེད་ཧེ་རུ་ཀ །ལྷོ་ནུབ་རིག་འཛིན་ཐོད་པ་རྩལ། །ནུབ་བྱང་དྲེགས་པ་ཀུན་འདུལ་བ། །བྱང་ཤར་སྟོབས་ལྡན་ནག་པོའོ། །ཡུམ་རྣམས་ཡབ་དང་ཆིག་རྫོགས་བསྐྱེད། །སོ་སོའི་འཁོར་ཚོགས་རྒྱ་མཚོ་རྣམས། །རང་བཞིན་དག་གིས་གནས་པ་ལས། །སྐུ་མདོག་ཕྱག་མཚན་གསལ་མི་དགོས། །སྐད་ཅིག་རྫོགས་པའི་ཚུལ་གྱིས་བསྐྱེད། །
སྐུ་གསུང་ཐུགས་སུ་བྱིན་བརླབས་ཤིང་། །ཡེ་ཤེས་ལྔ་ཡི་དབང་བསྐུར་བྱ། །རང་བཞིན་དཀྱིལ་འཁོར་སྤྱན་དྲངས་ཤིང་། །གཉིས་སུ་མེད་པར་བཞུགས་སུ་གསོལ། །གཉིས་མེད་ངང་དུ་ཕྱག་ཀྱང་བཙལ། །བདུད་རྩི་སྨན་གྱི་མཆོད་པ་དང་། །གཏོར་མ་རཀྟ་བདུད་རྩིས་མཆོད། །བསྟོད་ཅིང་ཕྲིན་ལས་བཤགས་པ་བྱ། །བཟླས་པ་བྱ་ཞིང་སྤྲོ་བསྡུ་བྱ། །ཨོཾ་མ་ཧཱ་ཀྲོ་དྷ་ཧཱུཾ་ཕཊ། ཨོཾ་བཛྲ་ཀྲོ་དྷ་ཧཱུཾ་ཕཊ། ཨོཾ་ཨ་ཀྲོ་ཏེ་ཀ་ཧཱུཾ་ཕཊ། ཨོཾ་ཧ་ཡ་གྲཱི་ཝ་ཧཱུཾ་ཕཊ། ཨོཾ་བཛྲ་ཀཱི་ལི་ཀཱི་ལ་ཡ་ཧཱུཾ་ཕཊ། ཨོཾ་བཛྲ་མ་ཧཱ་ཀྲོ་དྷ་ཧཱུཾ་ཕཊ། ཨོཾ་ཀཱ་ལ་རཱུ་པ་ཧཱུཾ་ཕཊ། ཨོཾ་བཛྲ་ཙཎྜ་སརྦ་དུཥྚཱན་ཧཱུཾ་ཕཊ། ཨོཾ་བཛྲ་སརྦ་དུཥྚཱན་ཧཱུཾ་ཕཊ། གསང་བ་སྔགས་ཀྱི་བསྙེན་པ་བྱ། །ཚོགས་དང་ལྷག་མའི་ཆོ་ག་ཡང་། །རིམ་པ་བཞིན་དུ་དབུལ་བར་བྱ། །གཏོར་མ་གཏོང་ཞིང་གཏོར་གཞུང་མནན། །ཡེ་ཤེས་སེམས་དཔའ་གཤེགས་སུ་གསོལ། །དམ་ཚིག་སེམས་དཔའ་རང་ལ་བསྡུ། །སྐད་ཅིག་ལྷར་བསྐྱེད་སྤྱོད་ལམ་བྱ། །ཞེས་གསུངས་སོ། །བསྐྱེད་རྫོགས་ཤིན་ཏུ་བསྡུས་པའི་ལེའུ་སྟེ་དྲུག་ཅུ་རྩ་གཅིག་པའོ།། །།དེ་ནས་སྤྱི་དཔལ་ཧེ་རུ་ཀ་ལ། འཁོར་གྱི་རིག་འཛིན་རྣམས་ཀྱིས་ཞུས་པ།ཨེ་མ་སྤྱི་དཔལ་ཧེ་རུ་ཀ །རྣལ་འབྱོར་རྒྱུན་དུ་བསྒོམ་པ་ལ། །རྒྱུན་གྱི་ཡི་དམ་བཤད་དུ་གསོལ། །དེ་སྐད་གསོལ་པ་གསན་ནས་ཀྱང་། །སྤྱི་དཔལ་ཆེན་པོས་བཀའ་སྩལ་པ། །ཉོན་ཅིག་འདུས་པའི་འཁོར་ཚོགས་རྣམས། །སེམས་ཅན་ཡེ་ཤེས་བསྐྱེད་པ་དང་། །རྣལ་འབྱོར་རིག་འཛིན་བསྒྲུབ་པའི་ཕྱིར། །བདེ་བའི་སྟན་ལ་རབ་འདུག་ནས། །ཧཱུཾ་ལས་འོད་ཟེར་འཕྲོས་པ་ལས། །ཕྱི་ནང་གསང་བའི་འོད་ཟེར་འཕྲོས། །བླ་མ་དང་ནི་ཡི་དམ་ལྷ། །བདེ་གཤེགས་ཐམས་ཅད་སྤྱན་དྲངས་ལ། །ཕྱག་འཚལ་མཆོད་ཅིང་བཤགས་པ་དང་། །རྗེས་སུ་ཡི་རང་གསོལ་བསྐུལ་གདབ། །སྐྱབས་གསོལ་ལུས་དབུལ་དགེ་རྩ་བསྔོ། །ཚད་མེད་བཞི་ཡང་བསྒོམ་པར་བྱ། །དེ་ནས་སྟོང་པའི་ཏིང་འཛིན་
བསྒོམ། །འོད་ཕུང་ཚུར་འདུས་བདག་རང་ཉིད། །དེ་ཡི་ནང་དུ་ཧཱུཾ་གནས་པ། །དེ་ལས་ཙ་འཕྲོས་འཁོར་ལོར་གྱུར། །ལྟོ་བར་ཉི་བསམ་ཧཱུཾ་དེ་ཉིད། །དེ་ལས་གནོད་མཛེས་རྒྱལ་པོར་གྱུར། །དེ་ཐུགས་ཧཱུཾ་གི་འཕྲོ་འདུ་ལས། །ཁྲོ་བོ་ཆེན་པོ་བཅུ་རུ་གྱུར། །ཧཱུཾ་བཞིའི་གསང་སྔགས་བརྗོད་པ་ཡིས། །ཁྲོ་བཅུའི་སྤྲུལ་པས་གདུག་པ་དགུག །སྐུ་གསུང་ཐུགས་ཀྱི་ཕུར་བུས་གདབ། །བཏུལ་ཞིང་སྦྱངས་ནས་ནམ་མཁར་གྱུར། །དེ་ལས་ཧཱུཾ་གི་འཕྲོ་འདུ་ལས། །རྡོ་རྗེའི་གུར་དང་ར་བ་དང་། །དྲྭ་བ་ཉིད་དུ་གྱུར་པའོ། །ཧཱུཾ་གི་འཕྲོ་འདུས་སླར་ལ་བཞུ། །སྟོང་པ་ཉིད་ལས་འོད་ཕུང་བྱུང་། །དེ་ལས་ཉི་ཟླ་ཁ་སྦྱར་གྱུར། །དེ་སྟེང་རང་སེམས་ཡི་གེ་ཧཱུཾ། །འཕྲོ་འདུས་འོད་དུ་ཞུ་བ་ལས། །རྡོ་རྗེ་དང་ནི་དྲིལ་བུར་གྱུར། །དེ་ལས་བདེ་གཤེགས་འདུས་པའི་སྐུ། །རྡོ་རྗེ་ཁྲོ་བོ་ཧེ་རུ་ཀ །སྐུ་མདོག་མཐིང་ནག་ཞལ་གཅིག་པ། །ཕྱག་གཉིས་རྡོ་རྗེ་བྷན་དམར་བསྣམས། །ཞབས་གཉིས་བརྐྱང་བསྐུམ་དོར་སྟབས་ཀྱིས། །པདྨ་ཉི་ཟླའི་སྟེང་ན་བགྲད། །ཡུམ་ཡང་ཡབ་དང་མཐུན་པར་བསྐྱེད། །སྐུ་གསུང་ཐུགས་སུ་བྱིན་བརླབས་ཤིང་། །ཡེ་ཤེས་སེམས་དཔའ་སྤྱན་དྲངས་ལ། །ཕྱི་ནང་བདུད་རྩིའི་མཆོད་པ་འབུལ། །དེ་ལྟར་བསྒོམ་ལ་བཟླས་པ་བྱ། །ཉི་སྟེང་ཡེ་ཤེས་སེམས་དཔའ་ཡི། །མཚན་མ་ལ་སོགས་གསལ་བསྒོམས་ནས། །འོད་ཟེར་ལ་ནི་ཡིག་འབྲུ་བསྐྱེད། །མ་གསལ་བར་དུ་བཟླས་པ་བྱ། །ཨོཾ་ཨཱཿཧཱུཾ་ཞེས་བཟླས་པ་བྱ། །དེ་ནས་རྫོགས་པའི་རིམ་པ་བསྒོམ་པ་ནི། །ལྷ་ཉིད་སེམས་སུ་ཤེས་པར་བྱ། །རང་ཉིད་ལྷ་ལ་ལྷ་ཉིད་རང་། །བསྐྱེད་རྫོགས་གསུམ་གྱི་ས་ལམ་སྦྱང་། །ཞེས་གསུངས་སོ། །རྒྱུན་གྱི་རྣལ་འབྱོར་གྱི་བསྡུས་དོན། ཁྲོ་བོ་ཕྱག་རྒྱ་རྐྱང་པའི་སྒྲུབ་ལུགས་ཀྱི་ལེའུ་སྟེ་དྲུག་ཅུ་རྩ་གཉིས་པའོ།། །།བསྡུས་དང་ཤིན་ཏུ་བསྡུས་པ་ཕྱག་རྒྱ་རྐྱང་པའི་ལུགས་ཀྱི་སྐབས་ཏེ་བདུན་པའོ།། །།དེ་ནས་སྤྱི་དཔལ་ཀུན་བཟང་ཧེ་རུ་ཀ་ལ་ཞུས་པ། ཨེ་
མ་སྤྱི་དཔལ་ཧེ་རུ་ཀ །ཕྱི་སྒྲུབ་རྡུལ་ཚོན་དཀྱིལ་འཁོར་ལ། །བརྟེན་ནས་སྒྲུབ་པ་ཇི་ལྟར་ལགས། །སྤྱི་དཔལ་ཆེན་པོས་བཀའ་སྩལ་པ། །ཉོན་ཅིག་འདུས་པའི་ཚོགས་ཆེན་རྣམས། །བདེ་གཤེགས་བསྒྲུབ་པ་བཀའ་བརྒྱད་ལྷ། །ཕྱི་ལྟར་བསྒྲུབ་ན་ཇི་ལྟར་བསྒྲུབ། །ཕྱི་མཚམས་ནང་མཚམས་སྔོན་འགྲོ་རྣམས། །མཆོད་རྫས་བྱིན་བརླབ་ལ་སོགས་བྱ། །དེ་ནས་ཏིང་འཛིན་རྣམ་གསུམ་དང་། །འབྱུང་བ་རིམ་བརྩེགས་གཞལ་ཡས་ཁང་། །གདན་དང་བཅས་པ་བསྐྱེད་ནས་ནི། །རྒྱུ་ཡི་ཡེ་ཤེས་སེམས་དཔའ་ལས། །གཙོ་བོ་ཆེ་མཆོག་ཧེ་རུ་ཀ །སྐུ་མདོག་ཕྱག་མཚན་ཆ་ལུགས་ནི། །རྒྱས་འབྲིང་བསྡུས་པའི་རིམ་པ་དག །ཤར་དུ་ཡང་དག་ལྷ་ཚོགས་ལ། །ལྷོ་རུ་གཤིན་རྗེའི་ལྷ་ཚོགས་ལ། །ནུབ་ཏུ་པདྨའི་ལྷ་ཚོགས་སོ། །བྱང་དུ་ཕུར་པའི་ལྷ་ཚོགས་སོ། །ཤར་ལྷོ་མ་མོའི་ལྷ་ཚོགས་སོ། །ལྷོ་ནུབ་རིག་འཛིན་སློབ་དཔོན་ཏེ། །ནུབ་བྱང་དྲེགས་པ་ཀུན་འདུལ་ལ། །བྱང་ཤར་སྟོབས་ལྡན་ནག་པོའོ། །ཕྱི་ཁྱམས་དབང་ཕྱུག་ཉི་ཤུ་བརྒྱད། །འཁོར་ཡུག་དཔལ་གྱི་བཀའ་སྡོད་དོ། །དེ་ལྟར་བསྐྱེད་ཅིང་གསལ་བརྟན་བྱ། །སྐུ་གསུང་ཐུགས་སུ་བྱིན་བརླབས་ཤིང་། །ཡེ་ཤེས་ལྔ་ཡི་དབང་བསྐུར་བྱ། །སྤྱན་དྲང་བཞུགས་གསོལ་ཕྱག་འཚལ་མཆོད། །བསྟོད་ཅིང་བཤགས་པ་དག་པར་དབུལ། །སོ་སོའི་རྩ་སྔགས་བསྙེན་པར་དབུལ། །འོད་དང་འོད་ཟེར་སྤྲོ་བསྡུ་བྱ། །བསྐུལ་ཞིང་ཕྲིན་ལས་བཅོལ་བར་བྱ། །ཚོགས་དང་ལྷག་མའི་ཆོ་ག་རྣམས། །རིམ་པ་བཞིན་དུ་དབུལ་བར་བྱ། །གཏོར་མ་གཏོང་ཞིང་གཏོར་གཞོང་མནན། །ཡེ་ཤེས་སེམས་དཔའ་གཤེགས་སུ་གསོལ། །དམ་ཚིག་སེམས་དཔའ་རང་ལ་བསྡུ། །སྐད་ཅིག་ལྟར་བསྐྱེད་སྤྱོད་ལམ་བྱ། །མ་བཅོས་སྤྲོས་བྲལ་ངང་ལ་གནས། །དེ་ནི་རྫོགས་པའི་རིམ་པའོ། །ཞེས་གསུངས་སོ། །ཕྱི་རྡུལ་ཚོན་གྱི་དཀྱིལ་འཁོར་ལ་བརྟེན་ནས་བསྒྲུབ་པའི་རིམ་པ་སྟེ་ལེའུ་དྲུག་ཅུ་རྩ་གསུམ་པའོ།། །།དེ་ནས་ཡང་དག་ངེས་གསུངས་པ། །ནང་བསྒྲུབ་ལུས་ཀྱི་དཀྱིལ་
འཁོར་ལ། །བརྟེན་ནས་བསྒྲུབ་པ་བཤད་པ་ནི། །བདེ་བའི་སྟན་ལ་འདུག་ནས་ནི། །སྐད་ཅིག་མ་ཡི་ཏིང་འཛིན་ལས། །ཆེ་མཆོག་ཧེ་རུའི་སྐུར་བསྐྱེད་ལ། །སྤྱི་བོར་རིག་འཛིན་སློབ་དཔོན་བསྒོམ། །དཔྲལ་བར་འཇམ་དཔལ་གཤིན་རྗེ་གཤེད། །མགྲིན་པར་པདྨ་དབང་ཆེན་ནོ། །ཐུགས་ཀར་བཛྲ་ཧེ་རུ་ཀ །ལྟེ་བར་རྡོ་རྗེ་གཞོན་ནུའོ། །གསང་བར་བླ་མེད་ཧེ་རུ་ཀ །རྐང་གཡས་དྲེགས་པ་ཀུན་འདུལ་ལ། །རྐང་པ་གཡོན་ལ་སྟོབས་ལྡན་ནོ། །དེ་རྣམས་ཡུམ་དང་འཁོར་དུ་བཅས། །རང་བཞིན་འཁོར་དུ་གནས་པར་བསྒོམ། །དེ་རྣམས་ཐུགས་ཀར་ཟླ་དཀྱིལ་སྟེང་། །ཡི་གེ་ཧཱུཾ་གི་འཕྲོ་འདུ་ཡིས། །ཧཱུཾ་རིང་ཧཱུཾ་ཐུང་སྒྲ་ལས་དྲངས། །དྲེགས་པ་ཀུན་འདུལ་སྟོབས་ལྡན་ནས། །ཧཱུཾ་གི་འོད་ཟེར་འཕྲོས་པ་ཡིས། །རྩའོ་ཆེ་ཡི་ནང་ནས་ཞུགས། །བླ་མེད་ཧེ་རུའི་ཐུགས་ཀར་འཕྲོས། །དེ་ལས་རྡོ་རྗེ་གཞོན་ནུ་ལ། །དེ་ལས་བཛྲ་ཧེ་རུ་ལས། །དེ་ལས་པདྨ་དབང་ཆེན་ལས། །དེ་ལས་འཇམ་དཔལ་གཤིན་རྗེ་གཤེད། །དེ་ལས་བླ་མའི་ཐུགས་ཀར་རོ། །དེ་ལས་འོད་ཟེར་འཕྲོས་པ་ཡིས། །ལུས་ཀྱི་མགོ་མཇུག་ཁྱབ་པ་ཡི། །ཉོན་མོངས་དུག་ལྔ་དུག་གསུམ་དང་། །བག་ཆགས་སྒྲིབ་པ་རྩད་ནས་བཅད། །ཆོས་ཀྱི་དབྱིངས་སུ་སངས་རྒྱས་པའོ། །དེ་ནི་བསྙེན་པ་ཞེས་བྱའོ། །དེ་ནས་བསྒྲུབ་པའི་དུས་སུ་ནི། །བླ་མའི་ཐུགས་ནས་འོད་འཕྲོས་པས། །འཇམ་དཔལ་གཤིན་རྗེའི་ཐུགས་ཀར་སྤྲོས། །དེ་ལས་པདྨ་དབང་ཆེན་ནོ། །དེ་ལས་བཛྲ་ཧེ་རུ་ཀ །དེ་ལས་རྡོ་རྗེ་གཞོན་ནུའོ། །དེ་ལས་བླ་མེད་ཧེ་རུ་ཀ །དེ་ལས་རྩ་ཆེན་གཡས་ཞུགས་པས། །དྲེགས་པ་ཀུན་འདུལ་ཐུགས་ཀར་སྤྲོས། །དེ་ལས་རྩ་ཆེན་གཡོན་ཞུགས་པས། །སྟོབས་ལྡན་ནག་པོའི་ཐུགས་ཀར་འཕྲོས། །དེ་ལས་གིང་བདུད་གཤིན་རྗེ་སོགས། །ཕྱག་ན་མཚོན་ཆ་ཐོགས་པ་འཕྲོས། །གཟས་པའི་དགྲ་བགེགས་རྩད་བཅད་ནས། །སླར་འདུས་དྲེགས་འདུལ་སྟོབས་ལྡན་གྱི། །ཐུགས་ཀར་འདུས་ཏེ་འཁོར་བ་ནི། །སྒྲུབ་པ་
ལས་སྦྱོར་ཞེས་སུ་བཤད། །དེ་ལས་འོད་དེ་ཡང་འཕྲོས་པས། །རིམ་པ་བཞིན་དུ་འོད་འཕྲོས་ནས། །སྤྱི་བོ་འཁོར་ལོའི་གཤིན་རྗེ་དང་། །བླ་མའི་ཐུགས་ཀར་འཕྲོས་ནས་ནི། །རྣལ་འབྱོར་པ་ཡི་ཡེ་ཤེས་དེ། །ཟླ་བ་ཚེས་པ་ལྟ་བུར་རྒྱས། །སྒྲུབ་པ་ཆེན་པོ་ཞེས་བྱའོ། །བདག་ཉིད་གདོད་ནས་མ་གྲུབ་པ། །རྫོགས་པ་ཆེན་པོ་རལ་བཟླས་པས། །སངས་རྒྱས་ཞེས་ཀྱང་དེ་ལ་བྱའོ། །དེ་ལྟར་ཡང་ཡང་སྤྲོ་བ་ནི། །དམ་ཚིག་སེམས་དཔའ་ཞེས་ཀྱང་བྱ། །མར་ལ་སྤྲོ་བར་བྱེད་པ་ནི། །ལས་ཀྱི་སེམས་དཔའ་ཞེས་ཀྱང་བྱ། །དེ་ནས་ཡར་ལ་བསྡུ་བ་ནི། །ཡེ་ཤེས་སེམས་དཔའ་ཞེས་བྱའོ། །དེ་ལྟར་འོད་ཟེར་སྤྲོ་བསྡུ་ཡིས། །བག་ཆགས་སྒྲིབ་པ་ཁད་ཀྱིས་འབྲི། །ཡེ་ཤེས་ཟླ་བ་ཚེས་ལྟར་སྐྱེ། །དེ་ནི་རྫོགས་ཆེན་རྣལ་འབྱོར་རོ། །བར་འདིར་ཚིག་ཆད་འདྲ་སོང་ངམ་དཔྱད་སྦྱོར་དུས་ཡབ་ཡུམ་གཉིས་ཀ་ལས། །ལྷ་བཀོད་འོད་ཟེར་སྤྲོ་བསྡུ་དང་། །ཡུལ་གསུམ་གསལ་བར་གྱུར་པ་དང་། །འཇིགས་པའི་བདུད་བཞི་གཞོམ་པ་དང་། །གསང་བའི་དགྲ་གསུམ་གསོད་པ་དང་། །འགྲོ་དྲུག་གཡང་ས་བཅད་པར་བྱའོ། །ཞེས་གསུངས་སོ། །ནང་ལུས་ཀྱི་དཀྱིལ་འཁོར་ལ་བརྟེན་ཏེ་སྒྲུབ་པའི་ལེའུ་སྟེ་དྲུག་ཅུ་རྩ་བཞི་པའོ།། །།དེ་ནས་ཡང་དག་ངེས་གསུངས་པ། །གསང་བའི་སྒྲུབ་པ་བསྟན་པ་ནི། །རིག་པ་ཡེ་ཤེས་དཀྱིལ་འཁོར་ལ། །བརྟེན་ནས་ཨ་ཏི་ཡོ་གར་བསྒྲུབ། །མ་ནོར་མ་བཅོས་ཆོས་ཉིད་ནི། །བཙལ་བའི་བསམ་པ་ཀུན་ལས་འདས། །ཐམས་ཅད་དབྱེར་མེད་མཉམ་པའི་ངང་། །དེ་བཞིན་ཉིད་ལས་ཁྱད་པར་འཕགས། །ཨ་ཏིའི་དེ་བཞིན་ཉིད་ཅེས་བྱ། །སྣང་བ་མེད་པའི་ཆོས་ཉིད་ལ། །ཁྱབ་དང་མ་ཁྱབ་གཉིས་མེད་དེ། །ཀུན་ཏུ་སྣང་ལས་ཁྱད་པར་འཕགས། །ཨ་ཏིའི་ཀུན་ཏུ་སྣང་ཞེས་བྱ། །བཙལ་བ་མེད་པའི་ཆོས་ཉིད་ལས། །མ་བསྐྱེད་པར་ནི་ཐམས་ཅད་འབྱུང་། །རྒྱུ་ཉིད་ལས་ནི་ཁྱད་པར་འཕགས། །ཨ་ཏིའི་རྒྱུ་ཡི་ཏིང་འཛིན་ནོ། །བཙལ་བ་མེད་པའི་ཆོས་ཉིད་ལས། །བསྒྲུབ་ཏུ་མེད་པའི་འབྲས་བུ་ཤར། །འབྱུང་བ་ལྔ་ལས་ཁྱད་པར་འཕགས། །
ཨ་ཏིའི་འབྱུང་བ་རིམ་བརྩེག་ཡིན། །འགྱུར་བ་མེད་པའི་ཆོས་ཉིད་ལས། །ཕྱོགས་དང་རིས་ལ་མི་གནས་ཤིང་། །མཐའ་དང་དབུས་ལ་མི་དམིགས་པས། །སེམས་ཉིད་ཡེ་ནས་འགྱུར་བ་མེད། །གཞལ་ཡས་ཁང་ལས་ཁྱད་པར་འཕགས། །ཨ་ཏིའི་གཞལ་ཡས་ཁང་ཞེས་བྱ། །མི་དམིགས་བསམ་གཏན་དབྱེར་མེད་པས། །མ་བཅོས་སྤྲོས་པ་མེད་པའི་དཀྱིལ། །སྐྱེ་མེད་ཡོངས་ལ་ཁྱབ་པའི་འཁོར། །འགྱུར་མེད་དོན་རྟགས་མཉམ་པའི་ངང་། །མཚན་མའི་དཀྱིལ་འཁོར་ལས་ཁྱད་འཕགས། །ཨ་ཏིའི་དཀྱིལ་འཁོར་བསྐྱེད་ཅེས་བྱ། །དབྱེ་རུ་མེད་པའི་སེམས་ཉིད་ཀྱི། །ཕུང་པོ་ཁམས་དང་སྐྱེ་མཆེད་རྣམས། །ཡེ་ནས་དབྱེར་མེད་རྫོགས་སངས་རྒྱས། །ལྷ་ཚོགས་བསྐྱེད་ལས་ཁྱད་པར་འཕགས། །ཨ་ཏིའི་ལྷ་ཚོགས་བསྐྱེད་ཅེས་བྱ། །དངོས་མེད་སེམས་ཀྱི་ཡེ་ཤེས་ཀྱིས། །མཚན་མའི་སྣང་བ་དབྱིངས་སུ་བསྐྱོད། །ཨ་ཏིའི་དབང་བསྐུར་བྱིན་བརླབ་བྱའོ། །རང་བྱུང་རིག་པའི་ཡེ་ཤེས་ནི། །བཙལ་ཞིང་བསམ་པས་མི་བསྐྱོད་དེ། །ཆོས་ཀྱི་དབྱིངས་སུ་གཤེགས་པ་ནི། །སྤྱན་དྲངས་དོན་ལས་ཁྱད་པར་འཕགས། །ཨ་ཏིའི་ལྷ་ཚོགས་སྤྱན་དྲངས་ཡིན། །སྤྲོས་པ་མེད་པའི་ཆོས་ཉིད་ངང་། །བཙལ་དུ་མེད་པའི་སེམས་ཉིད་ནི། །མཉམ་པའི་ངང་དུ་རྟོགས་པས་ན། །བཞུགས་སུ་གསོལ་ལས་ཁྱད་པར་འཕགས། །ཨ་ཏིའི་བཞུགས་སུ་གསོལ་ཞེས་བྱ། །ཐམས་ཅད་དབྱེར་མེད་མཉམ་པའི་དབྱིངས། །འདུ་འབྲལ་མེད་པར་གནས་པས་ན། །ཕྱག་བཙལ་བ་ལས་ཁྱད་པར་འཕགས། །ཨ་ཏིའི་ཕྱག་བཙལ་དེ་ལ་བྱ། །ཆོས་ཉིད་བཙལ་དུ་མེད་པ་ལས། །ཆོས་ཅན་མཆོད་པའི་རྐྱེན་དུ་སྣང་། །སེམས་ཉིད་བཙལ་དུ་མེད་པ་ལས། །སྐྱེ་མཆེད་ཁམས་རྣམས་མཆོད་པར་སྣང་། །ནམ་མཁའ་དམིགས་སུ་མེད་པ་ལས། །འབྱུང་བ་སྣ་ཚོགས་མཆོད་པར་སྣང་། །ཐམས་ཅད་ཆོས་ཉིད་རྒྱན་དུ་གསུངས། །མཆོད་པ་ཕུལ་ལས་ཁྱད་པར་འཕགས། །ཨ་ཏིའི་མཆོད་པ་ཕུལ་ཞེས་བྱ། །ཐམས་ཅད་མི་དམིགས་མཉམ་པའི་ངང་། །དམིགས་མེད་བསམ་འདས་བརྗོད་དུ་མེད། །བསྙེན་པ་
ཕུལ་ལས་ཁྱད་པར་འཕགས། །ཨ་ཏིའི་བསྙེན་པ་ཕུལ་ཞེས་བྱ། །གཉིས་སུ་མེད་པའི་སེམས་ཉིད་ཀྱིས། །ཐམས་ཅད་བླ་མེད་འགྱུར་སྟོན་པས། །ཕོ་ཉ་བཀྱེ་ལས་ཁྱད་པར་འཕགས། །ཨ་ཏིའི་ཕོ་ཉ་བཀྱེ་ཞེས་བྱ། །ཁམས་གསུམ་སེམས་ཅན་ཐམས་ཅད་དང་། །དུས་གསུམ་གནས་པའི་སངས་རྒྱས་ཀྱང་། །ཐམས་ཅད་དབྱེར་མེད་དབྱིངས་སུ་བསྒྲལ། །དགྲ་བགེགས་བསྒྲལ་ལས་ཁྱད་པར་འཕགས། །ཨ་ཏིའི་དགྲ་བགེགས་བསྒྲལ་ཞེས་བྱ། །སྣང་བའི་ཡུལ་ནི་ཆོས་ཉིད་ལ། །སྟོང་པའི་སེམས་ནི་ཡེ་ཤེས་ཆེ། །གཉིས་སུ་མེད་པར་རྟོགས་པས་ན། །ཕུར་པ་གདབ་ལས་ཁྱད་པར་འཕགས། །ཨ་ཏིའི་ཕུར་པ་གདབ་ཅེས་བྱ། །འཁོར་བ་ཐམས་ཅད་དོང་ནས་སྤྲུག །སྐྱེ་ཤི་རྩད་ནས་བཅད་པས་ན། །ཚོགས་མཆོད་ཕུལ་ལས་ཁྱད་པར་འཕགས། །ཨ་ཏིའི་ཚོགས་མཆོད་ཕུལ་ཞེས་བྱ། །ཐམས་ཅད་དབྱིངས་ལ་བཀོད་པས་ན། །ལྷག་མའི་མཆོད་པ་ཁྱད་པར་འཕགས། །ཨ་ཏིའི་ལྷག་མས་མཆོད་ཅེས་བྱ། །མ་སྐྱེས་པ་ཡི་ཆོས་ཉིད་ཀྱིས། །སྐྱེས་པའི་ཕུང་པོ་སྐྱེ་རྒྱུན་བཅད། །མི་དམིགས་པ་ཡི་ནམ་མཁའ་ཡིས། །དམིགས་པའི་འབྱུང་བ་ཟིལ་གྱིས་མནན། །ཐམས་ཅད་སྐྱེ་ཤིའི་རྩ་བ་བཅད། །གཟིར་མནན་བྱས་ལས་ཁྱད་པར་འཕགས། །ཨ་ཏིའི་གཟིར་མནན་ཞེས་ཀྱང་བྱ། །འཁོར་བའི་རྒྱུ་ཉིད་ཡང་དག་བྱང་ཆུབ་ལམ། །ཐམས་ཅད་མྱ་ངན་འདས་ལས་ཁྱད་པར་འཕགས། །སྐྱེ་མེད་རྡོ་རྗེ་ལྟ་བུའི་ངང་ཉིད་ལས། །སྐྱེ་ཤི་འཕོ་འགྱུར་མེད་པས་ཁྱད་པར་འཕགས། །དེ་ལྟ་བུ་ཡི་དོན་ལ་གནས་པ་ཡིས། །རྟོགས་པའི་བློ་ལྡན་རྣལ་འབྱོར་གང་གནས་པ། །དེ་ཡི་དོན་ལ་འདྲིས་ན་སངས་རྒྱས་ཡིན། །བཙལ་དུ་མེད་པའི་དོན་རྟོགས་བསྒོམ་པ་ཡིན། །ཨ་ཏིའི་ཡོ་གའི་དོན་རྟོགས་ངོ་མཚར་ཆེ། །ཞེས་གསུངས་སོ། །གསང་བ་རིག་པ་སེམས་ཀྱི་དཀྱིལ་འཁོར་ལ་བརྟེན་ཏེ་སྒྲུབ་པའི་ལེའུ་སྟེ་དྲུག་ཅུ་རྩ་ལྔ་པའོ།། །།ཕྱི་བསྒྲུབ་དང་ནང་བསྒྲུབ་དང་གསང་བསྒྲུབ་བསྟན་པའི་སྐབས་ཏེ་བརྒྱད་པའོ།། །།དེ་ནས་སྤྱི་དཔལ་ཆེན་པོས་ཏིང་ངེ་འཛིན་དེ་ལས་བཞེངས་ཏེ། འདུས་པའི་འཁོར་ཚོགས་རྣམས་ལ་བཀའ་སྩལ་པ། ཉོན་ཅིག་འདུས་པའི་འཁོར་ཚོགས་རྣམས། །བདེ་གཤེགས་ཞི་བའི་སྒྲུབ་པ་
སྟེ། །དེ་ཡང་རྒྱུད་འདིའི་ནང་དུ་འདུས། །འཇམ་དཔལ་སྐུ་ཡི་སྒྲུབ་པ་སྟེ། །དེ་ཡང་རྒྱུད་འདིའི་ནང་དུ་འདུས། །པདྨ་གསུང་གི་སྒྲུབ་པ་སྟེ། །དེ་ཡང་རྒྱུད་འདིའི་ནང་དུ་འདུས། །ཡང་དག་ཐུགས་ཀྱི་སྒྲུབ་པ་སྟེ། །དེ་ཡང་རྒྱུད་འདིའི་ནང་དུ་འདུས། །ཆེ་མཆོག་ཡོན་ཏན་སྒྲུབ་པ་སྟེ། །དེ་ཡང་རྒྱུད་འདིའི་ནང་དུ་འདུས། །ཕུར་བུ་ཕྲིན་ལས་སྒྲུབ་པ་སྟེ། །དེ་ཡང་རྒྱུད་འདིའི་ནང་དུ་འདུས། །མ་མོ་རྦོད་གཏོང་སྒྲུབ་པ་སྟེ། །དེ་ཡང་རྒྱུད་འདིའི་ནང་དུ་འདུས། །རིག་འཛིན་སློབ་དཔོན་སྒྲུབ་པ་སྟེ། །དེ་ཡང་རྒྱུད་འདིའི་ནང་དུ་འདུས། །འཇིག་རྟེན་མཆོད་བསྟོད་སྒྲུབ་པ་སྟེ། །དེ་ཡང་རྒྱུད་འདིའི་ནང་དུ་འདུས། །དམོད་པ་དྲག་སྔགས་སྒྲུབ་པ་སྟེ། །དེ་ཡང་རྒྱུད་འདིའི་ནང་དུ་འདུས། །དེ་ཕྱིར་བསྒྲུབ་པ་བཀའ་བརྒྱད་འདུས། །བཀའ་བརྒྱད་འདུས་པའི་རྒྱུད་ཅེས་བྱ། །ཞི་བ་ཁྲོ་བོ་ཐམས་ཅད་འདུས། །ཞི་ཁྲོ་འདུས་པའི་རྒྱུད་ཅེས་བྱ། །བདེ་གཤེགས་ཐམས་ཅད་འདུས་པས་ན། །བདེ་གཤེགས་འདུས་པའི་རྒྱུད་ཅེས་བྱ། །རྒྱུད་འདིས་དངོས་གྲུབ་སྟེར་བས་ན། །མི་ཟད་དངོས་གྲུབ་གཏེར་གྱི་རྒྱུད། །གཏད་དོ་འཁོར་ཚོགས་འདུས་པ་རྣམས། །ཆོང་ཞིག་རིག་འཛིན་ས་ཐོབ་རྣམས། །ཁྱེད་ཀྱིས་ཡོངས་སུ་གཟུང་བར་གྱིས། །ཞེས་གསུངས་ནས་སྤྱི་དཔལ་ཀུན་ཏུ་བཟང་པོ་ཆོས་ཀྱི་དབྱིངས་སུ་ཐིམ་མོ། །རྒྱུད་ཡོངས་སུ་གཏད་པའི་ལེའུ་སྟེ་དྲུག་ཅུ་རྩ་དྲུག་པའོ།། །།ལྟ་བ་ཐམས་ཅད་ཀྱི་ཡང་རྩེ། མན་ངག་ཐམས་ཅད་ཀྱི་སྡེབ་ས། བསྟན་པ་ཐམས་ཅད་ཀྱི་སྲོག་ཤིང་། སྒྲུབ་པ་ཐམས་ཅད་ཀྱི་བཅུད། ཕྲིན་ལས་ཐམས་ཅད་ཀྱི་རྩ་བ། བསྒྲུབ་པ་བཀའ་བརྒྱད་འདུས་པའི་རྒྱུད་ཅེས་ཀྱང་བྱ། ཁྲོ་བོ་འདུས་པའི་རྒྱུད་ཅེས་ཀྱང་བྱ། བདེ་གཤེགས་འདུས་པའི་རྒྱུད་ཅེས་ཀྱང་བྱ། དངོས་གྲུབ་གཏེར་གྱི་རྒྱུད་ཅེས་ཀྱང་བྱ། སྤྱི་དཔལ་ཀུན་ཏུ་བཟང་པོའི་དགོངས་པ་བཀོད་པའི་མདོ་ཞེས་ཀྱང་བྱ། འབྱེད་པར་བྱེད་ལ་ལྡེ་མིག་གི་རྒྱུད་ཅེས་ཀྱང་བྱའོ། །རྒྱུད་ཀྱི་མཚན་བསྟན་པའི་ལེའུ་སྟེ་དྲུག་ཅུ་རྩ་བདུན་པའོ།། །།རྒྱུད་ཀྱི་མཇུག་བསྡུ་བའི་སྐབས་ཏེ་དགུ་པའོ། །རྫོགས་སོ།། །།རྒྱལ་པོ་ཁྲི་སྲོང་ལྡེའུ་བཙན་གྱི་ཕྱག་དཔེ། རྒྱས་བཏབ་ནས་རིན་པོ་ཆེའི་གཏེར་དུ་སྦས་པའོ། །གཏེར་རྒྱ། སྦས་རྒྱ། གཏད་རྒྱ།། །།