གཤིན་རྗེ་ནག་པོ་ཁ་ཐུན་གསང་བ་དེ་ཁོ་ན་ཉིད་ཕྱི་མའི་རྒྱུད་ཅེས་བྱ་བ།
རྒྱ་གར་སྐད་དུ། ཡ་མ་ཀྲྀཥྞ་ཁ་ཐུན་གུ་ཧྱ་ཏ་ཏྭོཏྟ་ར་ཏནྟྲ་ནཱ་མ།བོད་སྐད་དུ། གཤིན་རྗེ་ནག་པོ་ཁ་ཐུན་གསང་བ་དེ་ཁོ་ན་ཉིད་ཕྱི་མའི་རྒྱུད་ཅེས་བྱ་བ། བཅོམ་ལྡན་འདས་འཇམ་དཔལ་གཤིན་རྗེ་གཤེད་པོ་ཁྲོས་པ་ཉིད་ལ་ཕྱག་འཚལ་ལོ། །འདི་སྐད་བསྟན་པའི་དུས་གཅིག་ན།
བཅོམ་ལྡན་གཤིན་རྗེའི་གཤེད་པོ་ཉིད་རང་བཞིན་གྱི་གནས་ན་བཞུགས་པ་ལས། ཐུགས་མཆོག་ཡ་མ་རཱ་ཛས་གསོལ་པ། ཀྱེ་ཀྱེ། བཅོམ་ལྡན་འཇམ་དཔལ་ཁྲོས་པ་ཉིད། །ཁྱད་པར་ཐུན་གྱི་ཕྲིན་ལས་མ་ཡིན་པའི། །དྲག་པོའི་འཁོར་ལོ་བསྐོར་བ་གང་། །བདག་ལ་རིམ་པར་བཤད་དུ་གསོལ། །ཞེས་གསོལ་པས། འཇམ་དཔལ་ཁྲོ་བོས་བཀའ་སྩལ་པ། །སྤྱིར་ན་འཇམ་དཔལ་ནག་པོའི་ཡང་། །འཁོར་ལོ་བསྐོར་ཐབས་བསམ་མི་ཁྱབ། །ཕྱི་དང་ནང་དང་གསང་བ་དང་། །དེ་ལ་ཕྱེ་བས་དགུ་རུ་འགྱུར། །དབྱེ་བ་དགུག་པ་བསྐྲད་པ་དང་། །རུ་བཞི་རྡོ་རྗེ་རྒྱ་གྲམ་དང་། །དུག་གསུམ་ཨར་ལ་གཏད་པ་དང་། །བསམ་གྱིས་མི་ཁྱབ་གསུངས་གྱུར་ཏེ། །རྒྱུད་ཆེན་ཟླ་གསང་ལ་སོགས་པའི། །འདོད་པ་ཡིན་ཏེ་འདིར་མ་གསུངས། །དེ་ལྟར་མང་དུ་བསྐོར་གྱུར་ན། །སྔགས་པ་དག་ལ་རྐྱེན་ཡང་འབྱུང་། །རོ་ལངས་བསྐོར་བ་བཤད་གྱུར་ཀྱང་། །བསྐོར་ན་རང་ཉིད་བརླག་པ་ཡིན། །དེ་ཡང་འདིར་མ་སྨོས་པའོ། །གལ་ཏེ་འཁོར་ལོ་བསྐོར་གྱུར་ན། །འདིར་ནི་བསྐོར་ཐབས་རྣམ་པ་དྲུག །ཕྱི་དང་ནང་དང་གསང་བ་ལས། །ཕྱི་ཡི་ཕྱི་ལྟར་བསྐོར་བ་དང་། །ཕྱི་ཡི་གསང་ལྟར་བསྐོར་བ་དང་། །ནང་གི་ཕྱི་དང་ནང་གི་ནི། །གསང་བ་ཕྱི་ཡི་ཕྱི་དང་ཕྱིའི། །གསང་བར་བསྐོར་བ་དག་དང་དྲུག །དེ་དག་ཕྱི་ནི་དགུག་པ་ལ། །དེ་དག་གསང་བ་གསད་པའོ། །དེ་དག་ཕྱི་ནི་གཡོན་སྐོར་ཡིན། །ནང་གི་གཡས་སུ་བསྐོར་བའོ། །དེ་ལྟར་འཁོར་ལོ་བསྐོར་ཐབས་དྲུག །བསྐོར་བར་ཤིས་པ་ཕྱི་ཡི་ཕྱི། །མི་བསྐོར་བ་ནི་རྣམ་པ་ལྔ། །བསྙེན་པ་རྫོགས་པའི་རྣལ་འབྱོར་པའམ། །བསོད་ནམས་ལྡན་པའི་རྒྱལ་པོ་འམ། །དེ་ལྟ་བུ་ཡིས་བསྐོར་བ་ལས། །བསྐོར་ན་རང་ལ་གནོད་པར་འགྱུར། །ཞེས་གསུངས་སོ། །འཇམ་དཔལ་ཁ་ཐུན་ཕྱི་མའི་རྒྱུད་ལས། འཁོར་ལོའི་དབྱེ་བ་སྐྱོན་ཡོན་བསྡུ་ཐབས་བསྟན་པའི་ལེའུ་སྟེ་དང་པོའོ།། །།དེ་ནས་གཞན་ཡང་བཀའ་སྩལ་པ། །ཕྱི་
ཡི་ཕྱི་ལྟར་བསྐོར་བ་ནི། །ཡ་མ་རཱ་ཛ་ས་དོ་མེ་ཡ། ཆེ་གེ་མོ་ཞིག་པྲ་མ་ཡ་ཧཱུཾ་ཕཊ། ཉི་མ་དང་པོའོ། །ཡ་མེ་དོ་རུ་ཎ་ཡོ་ད་ཡ་ཆེ་གེ་མོ་ཞིག་མུར་ཙ་ཡ་ཧཱུཾ་ཕཊ། ཉི་མ་གཉིས་པའོ། །ཡ་ད་ཡོ་ནི་ར་ཡ་ཀྵེ་ཡ་ཆེ་གེ་མོ་ཞིག་རཀྟ་ཙ་ར་ཡ་ཧཱུཾ་ཕཊ། ཉི་མ་གསུམ་པའོ། །ཡ་ཀྵེ་ཡ་ཙྪ་ནི་རཱ་མ་ཡ་ཆེ་གེ་མོ་ཞིག་མཱ་ར་ཡ་ཧཱུཾ་ཕཊ། ཉི་མ་བཞི་པའོ། །དེ་ནས་ཕྱིའི་གསང་བ་ལྟར་བསྐོར་བ་ནི། ཡ་མ་ར་ནིཙྪ་ཡ་ཀྵེ་ཡ་ཆེ་གེ་མོ་པྲ་མ་ཡ་ཧཱུཾ་ཕཊ། ཉི་མ་དང་པོའོ། །ཡ་ཀྵེ་ཡ་ར་ནི་ཡོ་ད་ཡ་ཆེ་གེ་མོ་མུར་ཙ་ཡ་ཧཱུཾ་ཕཊ། ཉི་མ་གཉིས་པའོ། །ཡ་ད་ཡོ་ཎ་རུ་དོ་མེ་ཡ། ཆེ་གེ་མོ་རཀྟ་ཙ་ར་ཡ་ཧཱུཾ་ཕཊ། ཉི་མ་གསུམ་པའོ། །ཡ་མ་དོ་ས་ཛ་རཱ་མཱ་ར་ཡ་ཆེ་གེ་མོ་མཱ་ར་ཡ་ཧཱུཾ་ཕཊ། ཉི་མ་བཞི་པའོ། །ཞེས་གསུངས་སོ། །འཇམ་དཔལ་ཁ་ཐུན་ཕྱི་མའི་རྒྱུད་ལས། ཕྱིའི་ཕྱི་དང་ཕྱིའི་གསང་བ་ལྟར་བསྐོར་བའི་ལེའུ་སྟེ་གཉིས་པའོ།། །།དེ་ནས་ཡང་ནང་གི་ཕྱི་ལྟར་བསྐོར་བ་ནི། ཡ་མ་མེ་ད་ཀྵེ། ཆེ་གེ་མོ་པྲ་མ་ཡ་ཧཱུཾ་ཕཊ། ཉི་མ་དང་པོའོ། །རཱ་ཛ་ས་དོ་ཆེ་གེ་མོ་མུར་ཙ་ཡ་ཧཱུཾ་ཕཊ། ཉི་མ་གཉིས་པའོ། །རུ་ཎ་ཡོ་ནི། ཆེ་གེ་མོ་རཀྟ་ཙ་ར་ཡ་ཧཱུཾ་ཕཊ། ཉི་མ་གསུམ་པའོ། །ར་ཡ་ཙྪ་ནི་ཆེ་གེ་མོ་མ་རཱ་ཡ་ཧཱུཾ་ཕཊ། ཉི་མ་བཞི་པའོ། །ནང་གི་གསང་ལྟར་བསྐོར་བ་ནི། ཡ་མ་ཀྵེ་ད་མེ། ཆེ་གེ་མོ་པྲ་མ་ཡ་ཧཱུཾ་ཕཊ། ཉི་མ་དང་པོའོ། །རཱ་ནིཙྪ་ཡ། ཆེ་གེ་མོ་མུར་ཙ་ཡ་ཧཱུཾ་ཕཊ། ཉི་མ་གཉིས་པའོ། །ར་ནི་ཡོ་ཎ། ཆེ་གེ་མོ་རཀྟ་ཙ་ར་ཡ་ཧཱུཾ་ཕཊ། ཉི་མ་གསུམ་པའོ། །རུ་དོ་ས་ཙ། ཆེ་གེ་མོ་མཱ་ར་ཡ་ཧཱུཾ་ཕཊ། ཉི་མ་བཞི་པའོ། །ཞེས་གསུངས་སོ། །འཇམ་དཔལ་ཁ་ཐུན་ཕྱི་མའི་རྒྱུད་ལས། ནང་གི་ཕྱི་དང་ནང་གི་གསང་བ་ལྟར་བསྐོར་བའི་ལེའུ་སྟེ་གསུམ་པའོ།། །།དེ་ནས་གཞན་ཡང་བཤད་བྱ་བ། །གསང་བའི་ཕྱི་ལྟར་བསྐོར་བ་ནི། །ཡ་མ་རཱ་ཛ་ས་དོ་མེ་ཡ། མ་རཱ་ཛ་ས་དོ་མེ་ཡ། རཱ་ཛ་ས་དོ་མེ་ཡ་མ། ཛ་ས་དོ་མེ་ཡ་མ་རཱ། ས་དོ་མེ་ཡ་མ་རཱ་ཛ། དོ་མེ་ཡ་མ་རཱ་ཙ་ས་དོ། ཆེ་གེ་མོ་པྲ་མ་ཡ་ཧཱུཾ་ཕཊ། ཉི་མ་དང་པོའོ། །ཡ་མེ་དོ་རུ་ཎ་ཡོ་ད། མེ་དོ་རུ་ཎ་ཡོ་ད་ཡ། དོ་རུ་ཎ་ཡོ་ད་ཡ་མེ། རུ་ཎ་ཡོ་ད་ཡ་མེ་དོ། ཎ་ཡོ་ད་ཡ་མེ་དོ་རུ། ཡོ་ད་ཡ་མེ་དོ་རུ་ཎ། ད་ཡ་མེ་དོ་རུ་ཎ་
ཡོ། ཆེ་གེ་མོ་མུར་ཙ་ཡ་ཧཱུཾ་ཕཊ། ཉི་མ་གཉིས་པའོ། །ཡ་ད་ཡོ་ནི་ར་ཡ་ཀྵེ། ད་ཡོ་ནི་ར་ཡ་ཀྵེ་ཡ། ཡོ་ནི་ར་ཡ་ཀྵེ་ཡ་ད། ནི་ར་ཡ་ཀྵེ་ཡ་ད་ཡོ། ར་ཡ་ཀྵེ་ཡ་ད་ཡོ་ནི། ཡ་ཀྵེ་ཡ་ད་ཡོ་ནི་ར། ཀྵེ་ཡ་ད་ཡོ་ནི་རེ་ཡ། ཆེ་གེ་མོ་རཀྟ་ཙ་ར་ཡ་ཧཱུཾ་ཕཊ། ཉི་མ་གསུམ་པའོ། །ཡ་ཀྵེ་ཡ་ཙྪ་ནི་རཱ་མ། ཀྵེ་ཡ་ཙྪ་ནི་རཱ་མ་ཡ། ཡ་ཙྪ་ནི་རཱ་མ་ཡ་ཀྵེ། ཙྪ་ནི་རཱ་མ་ཡ་ཀྵེ་ཡ། ནི་རཱ་མ་ཡ་ཀྵེ་ཡ་ཙྪ། རཱ་མ་ཡ་ཀྵེ་ཡ་ཙྪ་ནི། མ་ཡ་ཀྵེ་ཡ་ཙྪ་ནི་རཱ། ཆེ་གེ་མོ་མཱ་ར་ཡ་ཧཱུཾ་ཕཊ། ཉི་མ་བཞི་པའོ། །གསང་བའི་གསང་བ་ལྟར་བསྐོར་བ་ནི། ཀྵེ་ཡ་ཙ་ནི་རཱ་མ་ཡ། ཞེས་པ་ལ་སོགས་སྔ་མ་སྟེ། །གཡས་སུ་བསྐོར་བ་གསང་བའི་གསང་། །གོང་མས་སྦྱར་ལ་ཤེས་པར་བྱ། །ཞེས་གསུངས་སོ། །འཇམ་དཔལ་ཁ་ཐུན་ཕྱི་མའི་རྒྱུད་ལས། འཁོར་ལོ་གསང་བའི་ཕྱི་དང་། གསང་བའི་གསང་བ་ལྟར་བསྐོར་བའི་ལེའུ་སྟེ་བཞི་པའོ།། །།དེ་ནས་གཞན་ཡང་བཀའ་སྩལ་པ། །དེ་ལྟར་འཁོར་ལོ་བསྐོར་བ་ཡང་། །དང་པོ་བསྙེན་པ་རྫོགས་པར་བྱ། །དེ་ནས་མདུན་རོགས་བུད་མེད་བསྟེན། །དེ་ནས་སུམ་ཅུ་རྩ་གཉིས་པ། །དྲིལ་ལམ་ཡང་ན་བཅུ་བདུན་དྲིལ། །དེ་བཟླས་ཉི་ཤུ་དྲུག་དག་ལ། །འཁོར་ལོ་རྩིབས་ནི་བཅུ་གཉིས་པ། །སྦྱར་རྩི་ལྡུམ་བུ་དུག་ཁྲག་གིས། །ཕོ་རོག་སྒྲོ་རྩས་དཔེ་ཆུང་བཞིན། །བྲིས་ལ་བདེན་པ་གྲུབ་པ་ཡི། །སྨོན་ལམ་བཏབ་སྟེ་ཉི་ཤུ་བདུན། །དེ་ཚེ་ཉི་མ་དང་པོར་བསྐོར། །མཚན་མོ་དྲིལ་ལ་ཐུན་གྱིས་བྲབ། །ཉི་ཤུ་བརྒྱད་ལ་གཉིས་པ་བསྐོར། །ཉི་ཤུ་དགུ་ལ་གསུམ་པ་བསྐོར། །གནམ་སྟོང་ཉི་མ་བཞི་པ་བསྐོར། །ཚེས་གཅིག་ཐུན་བྱ་དགོང་ཀ་ནི། །དུར་ཁྲོད་དག་ཏུ་གནན་པ་བྱ། །ལན་གསུམ་བར་དུ་སྤོགས་ཤིང་བྱ། །དེ་ལ་ཟླ་སྟོད་ཡར་ངོ་ལ། །ས་མ་ཡ་དང་སུམ་ཅུ་རྩ་གཉིས་དྲིལ། །ཟླ་སྨད་འཁོར་ལོ་བསྐོར་ལ་གནན། །ཕྱི་ཡི་ཕྱི་ནང་གསང་བ་ཟབ། །ནང་དང་གསང་བ་བསྐོར་བར་དཀའ། །བསྙེན་རྫོགས་གྲུབ་པ་ཐོབ་ནས་བསྐོར། །དེས་ནི་གང་ཡང་བརླག་པར་འགྱུར། །ཞེས་བཀའ་སྩལ་པ་དང་། སྲས་མཆོག་ཡ་མ་རཱ་ཛས་གསོལ་པ།བཅོམ་
ལྡན་འདས་རྒྱུད་འདི་ཇི་ལྟར་བདག་གིས་གཟུང་བར་བགྱི། ཞེས་གསོལ་པས། བཅོམ་ལྡན་འདས་ཀྱིས་བཀའ་སྩལ་པ། རྒྱུད་འདི་ནི་གཤིན་རྗེ་ནག་པོ་ཁ་ཐུན་དེ་ཁོ་ན་ཉིད་ཀྱི་རྒྱུད་ཕྱི་མ་ཞེས་བྱ་བར་བཟུང་ཞིང་། སངས་རྒྱས་ཀྱི་བསྟན་པ་བསྲུང་བའི་ཕྱིར་བཅང་ཞིང་སྦ་བར་བྱ། བསྒྲུབ་པར་བྱའོ་ཞེས་གསུངས་སོ། །གཤིན་རྗེ་ནག་པོ་ཁ་ཐུན་དེ་ཁོ་ན་ཉིད་ཀྱི་རྒྱུད་ཕྱི་མ་ལས། སྒྲུབ་པའི་མན་ངག་དང་། རྒྱུད་བཟུང་ཞིང་བཅངས་པའི་ལེའུ་སྟེ་ལྔ་པའོ།། །།གཤིན་རྗེ་ནག་པོ་ཁ་ཐུན་གྱི་རྒྱུད་དེ་ཁོ་ན་ཉིད་ཕྱི་མ་ཞེས་བྱ་བ་རྫོགས་སོ།། །།གུ་རུ་བ་སུ་དྷ་རས་གནུབས་སངས་རྒྱས་ཡེ་ཤེས་རིན་པོ་ཆེ་ལ། བྷ་ས་ཡའི་དགོན་པར་གནང་བའོ། །རྒྱ་རྒྱ་རྒྱ། ཊྟྲྀ། བདག་འདྲ་སངས་རྒྱས་ཡེ་ཤེས་ཀྱིས། །གུ་རུ་བ་སུ་དྷ་ར་ལ། །ཞུས་ཏེ་གཏན་ལ་ལེགས་པར་ཕབ། །སུ་ལ་མ་བྱིན་བླ་མའི་བཀའ། །ཡང་དབེན་ལོགས་ལ་སྦས་པ་ཡིན། །ལས་འཕྲོ་ཅན་དང་འཕྲད་ནས་ཀྱང་། །དམ་ལ་གནས་པས་སྤྱོད་པར་ཤོག། །།