ལྷ་འདྲེ་སྟོང་གི་དྲ་བའི་རྒྱུད་ཆེན་པོ།
རྒྱ་གར་སྐད་དུ། དེ་བ་ཡ་ཏྲི་ས་ན་ཏྲི་ཤུ་པ་ཏི་བ་ཡ་དུ་ཡ་མ་ཧཱ་ཏནྟྲ། བོད་སྐད་དུ། ལྷ་འདྲེ་སྟོང་གི་དྲ་བའི་རྒྱུད་ཆེན་པོ། བཅོམ་ལྡན་འདས་གསང་བའི་བདག་པོ་འཁོར་དང་བཅས་པ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། འོག་མིན་གྱི་གནས་ན། བཅོམ་ལྡན་འདས་གསང་བའི་བདག་པོ་དེ་ལ། འཁོར་དཔག་ཏུ་མེད་པས་སྐོར་བའི་ཚུལ་གྱིས་བསྐོར་ཏེ་བཞུགས་སོ། །དེ་ནས་ལྷའི་དབང་པོ་བརྒྱ་བྱིན་གྱིས། བཅོམ་ལྡན་འདས་ལ་ལྷའི་མེ་ཏོག་མན་ད་ར་བ་ལ་སོགས་པ་དུ་མས་མཆོད་ཅིང་། བསྐོར་བ་ལན་གསུམ་བྱས་ནས། ཀྱེ་བཅོམ་ལྡན་འདས་ཐུགས་རྗེ་ཆེན་པོའི་མངའ་བདག །འཇིག་རྟེན་གྱི་ཁམས་འདི་ནི། རབ་ཏུ་སྙིང་རྗེ་སྟེ། ལྷ་མ་སྲིན་ནི་འཁྲུགས། ནད་དང་མུ་གེའི་བསྐལ་པ་མང་པོ་ནི་བཏང་། མཚོན་གྱི་ཆར་པ་ནི་ཕབ། འཇིག་རྟེན་གྱི་མི་རྣམས་ནི་ཤིན་ཏུ་ཉེན། ཤིན་ཏུ་སྡུག་བསྔལ་ཏེ། འདི་རྣམས་ལ་བཅོམ་ལྡན་འདས་ཀྱིས་ཐུགས་རྗེས་གཟུང་དུ་གསོལ། ཞེས་ཞུས་སོ། །དེ་ནས་བཅོམ་ལྡན་འདས་ཀྱིས་བཀའ་སྩལ་པ། བརྒྱ་བྱིན་ཉོན་ཅིག །ཡིད་ལ་ཟུང་ཞིག །ཁྱེད་ཀྱིས་ཞུ་བར་སྤོབས་པ་འདི་ལེགས་སོ། །ངས་གནང་བའི་སྐབས་དབྱེའོ། །ཞེས་གསུངས་སོ། །ལྷ་
འདྲེ་སྟོང་གི་དྲ་བའི་རྒྱུད་ཆེན་པོ་ལས། ཞུ་བ་སྤོབས་པ་དང་། གླེང་གཞིའི་ལེའུ་དང་པོའོ།། །།དེ་ནས་བཅོམ་ལྡན་འདས་ཀྱིས་ཐམས་ཅད་དབང་དུ་བསྡུ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །ཞུགས་མ་ཐག་ཏུ་དྲེགས་པ་ཅན་ཐམས་ཅད་བཅོམ་ལྡན་འདས་ཀྱི་སྤྱན་སྔར་འུབ་ཀྱིས་འདུས་ནས། ལ་ལ་ནི་བརྒྱལ། ལ་ལ་ནི་རང་སྐྲ་རང་འབལ། ལ་ལ་ནི་ཁྲག་ཏུ་སྐྱུགས། ལ་ལ་ནི་ཁ་བུབ། ལ་ལ་ནི་གན་རྐྱལ་དུ་འགྱེལ་ནས་འདུག་པ་ལས། དེ་ནས་ཡང་བཅོམ་ལྡན་འདས་ཀྱིས་ཐམས་ཅད་གསོ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་པས། ཞུགས་མ་ཐག་ཏུ་དྲེགས་པ་ཅན་ཐམས་ཅད་བརྒྱལ་བ་སངས་ནས། བཅོམ་ལྡན་འདས་ལ་བསྐོར་ཞིང་ཕྱག་བཙལ་ནས་རང་རང་གི་སྙིང་པོ་སྲོག་པ་རྩ་དང་བཅས་པ་ཕུལ་ནས། བདག་ཅག་རྣམས་ཀྱིས་བཅོམ་ལྡན་འདས་ཀྱི་བསྟན་པ་བསྲུང་བར་བགྱིའོ། །ཇི་ལྟར་བསྒོ་བ་བཞིན་དུ་ལས་བགྱིའོ། །ཞེས་སྨྲས་སོ། །དེ་ནས་བཅོམ་ལྡན་འདས་ཀྱིས་བཀའ་སྩལ་པ། ཁྱེད་རྣམས་ཀྱིས་ང་ཡི་བསྟན་པ་སྲུངས་ཤིག །དཀོན་མཆོག་གསུམ་དང་ཕྱི་རབས་པ་རྣམས་ཀྱི་འཁོར་ཡང་སྲུངས་ཤིག་ཅེས་བསྒོའོ། །དེ་ནས་དྲེགས་པ་ཅན་རྣམས་ཀྱིས་རང་རང་གི་སྲོག་སྙིང་སྤྱིར་དྲིལ་བ། ཡ་དུ་ཏྲི་གམ་བ་ནི་བ་ར་ཏི་བ་དགེ་ཙ་ཙ་བམ་ས་པ་རི་རག་ཤ་ཡག་ཤ་ཀྲོ་དྷི་རམ་པ་གྲམ་པི་དུ་ས་ད། ཅེས་པ་དེ་དག་ཕུལ་ལོ། །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། བཅོམ་ལྡན་འདས་ཀྱིས་སྤྱན་སྔར་དབང་དུ་བསྡུ་བ་དང་། དྲེགས་པ་རྣམས་ཀྱིས་དམ་བཅས་ཤིང་སྙིང་པོ་ཕུལ་བའི་ལེའུ་གཉིས་པའོ།། །།དེ་ནས་བཅོམ་ལྡན་འདས་ཀྱི་སྤྱན་སྔར་དྲེགས་པ་རྣམས་ཀྱི་གཙོ་བོ་བདུད་མེས་རྒྱལ་བ་རཱ་ཙ་དང་། སྐོས་ཀྱི་བདག་པོ་དང་། མང་གེ་ཆེད་པོ་དང་། གར་གྱི་བདག་པོ་དང་། བཙན་པ་ཏིང་རྗེ་དང་། སྲིད་པ་སྐོས་ཀྱི་ཨང་མི་སྟེར་དང་། ཁ་བཞི་མིག་བརྒྱད་དང་། འབྱུང་པོའི་བདག་པོ་དང་། དུ་ར་ཙེ་ཀུན་དང་། རྒྱལ་རྗེ་འོད་དཀར་དང་། སྐྱ་འདྲམ་ཆེན་པོ་དང་། རཱ་ཙ་ཨག་ཤ་དང་། སྲིད་པའི་བདག་པོ་སྲོག་
བདག་དཀར་པོ་དང་། དབང་ཕྱུག་ཆེན་པོ་དང་། མགོན་པོ་ཆེན་པོ་དང་། བདུད་མོ་རྒྱལ་བྱིན་དང་། ནག་པོ་ཁྲམ་ཐོགས་དང་། ཐེ་བྲང་ཧ་སྟང་དང་། ཀླུ་རྒྱལ་ཆེན་པོ་དང་། ས་བདག་བསེ་དང་། ཁྱབ་འཇུག་ཆེན་པོ་དང་། ཕུང་བྱེད་དབྱུག་བྱེད་ཇ་ལ་མའི་སྡེ་དང་། དེ་རྣམས་ཀྱིས་བཅོམ་ལྡན་འདས་ཀྱི་སྤྱན་སྔར་བསྐོར་ཞིང་ཕྱག་བཙལ་ནས་རང་རང་གི་གདུག་པའི་མཚོན་ཡོ་ཕུལ་ཏེ། རང་རང་གི་ལས་བསྟན་པ་གཉན་པོ་བསྲུང་བ་འདི་དག་སྨྲས་ཏེ། སྲོག་འདི་དག་ཕུལ་ལོ། །གསད་པ་དང་ནི་གསོ་བ་དང་། །འབོད་པ་དང་ནི་རྦད་པ་དང་། །དབབ་པ་དང་ནི་གཅད་པ་དང་། །གནན་པ་དང་ནི་གཟིར་བ་དང་། །དབུག་དང་ལྟས་ངན་གཏང་བ་དང་། །བསྐྲད་པ་དང་ནི་ཞི་བ་དང་། །ལས་ཀྱི་རིམ་པ་གསང་བའི་སྔགས་འདི་དག་སྨྲས་སོ། །ཨཱོཾ་ཡ་ཏྲི་ཀྲམ་ཡེར་ཡ་ཡག་ཤ་ཏྲེག་ཀ་ལ་རག་ཤ་དུན་ཡ་རག་ཤ་ས་མ་ཡ་ཏྲི་ཀྲོག་ཡ། ཡ་ཏྲི་སེན་ཡ་མ་འོག་ན་རག་ཤ་རྦད་ཤམ་ཡེར་ཡ། ཀྲི་རི་ཏི་སང་ཏེ་ཡཾ་རྗེ་ཡཾ་པ་རྦད། ཏྲིང་ཏྲིང་ལ་མ་ནི་བྱོ། ཏྲི་ཡེར་ཡ། ཡ་ཏྲི་ཀྲ་མ་ཏྲག་ཏུ་ཡེར་ཡ་ཁ་ལ་རུ་ཏྲི་ཐུཾ་པ་ནི་རྦད་ཡཾ། ཏྲི་ཁཾ་རུ་པ་ན་རྦད་བུ་འདར་ལིཾ་ཡ། ཀར་པ་འདྲི་ནེ་ཡཾ་ཏྲི་ཀུ་རུ་ཡཾ། ནག་པོ་ཁ་ལ་ཧར་ཧུར་ཤཾ་ཡ། ཏེ་ལེ་ཡཾ་ཏྲི་ག་རེ་དུ་ན་ཡཾ། ཨུ་པ་རིས་ད་ཡཾ། ནག་པོ་ཀཱ་ལ་འུར་ཆོམ་ལེ་རུང་ཡ་ཏྲི་ཡ། མ་མུ་ས་མ་ཡོ་ཏེ་བུ་རུ་ཏི་ཡ། མ་རེ་དུ་ཙེ་ཁྲཾ་ཡ་ཏིང་པི་ལི། མུ་ཏི་མ། ཀུན་ཏི་ཐུན། པྲི་ཏེ་མ། དྲིམ་ཀུ་རུ་ཡ། མ་ལ་ས་མ་བདེ་སད། བ་ལི་སི་ད་མ། ཀར་ནེ་ཡ། བྱ་ལེ་ཏུ་ལེ། ཧི་ལི་མི་ལི། མུ་ཧབ་ཧབ། ཧེབ་དུ་མ་ཡ། ས་དོ་ཡ། བེ་དོ་ཐུན་ཏི་མ་ཀུ་ལུ་མ། རུ་ཏྲི་མ། བ་ལེ་སཾ་པ་རི་ཡཾ། མུཾ་ཏི་ཡཾ་བ། དེར་ཤ་ཙིཏྟ་མ་ལ་ཏེ་ཀུན། ཕེ་ཕུ་སེ་ལ་ནཱ་ཀ་ཧུ་བི་ཡ། གཾ་པ་ན་གེ་དུང་སར་ཡ། དུང་ཕྱུར་ཡ་དུང་ཕྱུར་ཡ། ནཱ་ག་ཀེ་ནཱ་ག་ལེ། ཀ་ཏྲ་མ་མ་ནི་ཡ། རྒོ་ད་བ་ནི། ན་ར་ཏེ། སཾ་པ་རེ་ཡ། ནཱ་ག་རཱ་ཛ་པ་ལི་སམ་ཡ། ཕུ་ལིང་ཕུ་ཏི་ཡ། སི་པི་ས་པ་ལ་གུ་རུ་ཡ། ན་ག་ར་ནི་བ་རི་ཏེ་ལ་མམ། ནཱ་ག་ག་ཙེ་པ་ར་ཀུ་ར་ཏེ། ཀར་ཤ་ཡ་ཨ་ཏི་བུ་ལི་ཡ་ཡ། སིམ་པ་ཏོ་ཡ། སྀ་ཏ། ཨོཾ་ཀུ་ཏ་
ལ་ཤ་ཡ། པྲི་ཏྲི་ནི་ཡ། ཧོ་ན་བེ་ཏ་ལི། ཧུར་སིང་ཡ་བ་ཙ་བེ་ཏ་ཡ། ཏང་སཾ་བ་ཏང་ཡེར་ཡེར། རུ་ནེ་ཐུཾ་བ་རེ་བེ་ཡ། ཧོ་ནི་ས་ཏོ་ཡ། བེ་ཏ་སྣེ་ལ་ཡཾ། ཀིར་ཏ་པ་ལ་ཡ། ཧོར་མ་མེ་ཏ་ཤ །ར་ཤ་ནི་ར་ཤ་ནི། རྩེན་ཡཾ་ཏེ་ཡཾ། བི་ཀུ་ལས་མ་ཡ། སི་ལྀ་རུ་ཏྲི་ཡཾ་ཡཾ། མ་ཏེ་ཡེ་ཏ་ཏང་ལཾ་ཏེ་ཡཾ། མ་ལེ་སད་ཀུ་ནི་ཡ། གུར་ཏི་བལ་ཡག་ཤ་སི་དམ། བི་པ་ར་ཤ་ཡ། ཡག་ཤ་ཀཱ་ལ་རུམ་པ་ཡ་ཡ། མ་ར་ཙེ་མ་ར་དུ་ནེ་ཡ། གཾ་ཤཾ་པ་ནི། ར་ཡཾ་ཀ་དེར་རྗེ་རྦད་ཡཾ། སི་ལི་ཀཾ་ཏཾ་མེ་ལེ་ནི། ཡག་ཤ་སེ་ཏ་ཀ་ན་དེ་ཡང་། སི་བི་བ་རུ་ཙུ་རུ་ཧཱུཾ་ཕཊ། ཤོ་རེ་ཤ་ར་པ་ར་ཡ། ཤོ་བ་ཏི་ཀར་ཤ་ཡ་སི་བར་རྦད། ཤག་ཐུཾ་རི་ལི་ལི་ཡ། རཱ་ཧུ་ལ་ཡ་མ་ཏི་སྲོག་ལ་རྦད། བ་ཏོ་སོ་ཏྲག་རག་ཤ་ཁ་ལ་ཧུར་ཧུར། ས་མ་ཡ་བ་ར་བི་ཏ་ཡ། ཤཾ་པ་རི། ད་མ་བ་ནི་ཡ། ནམ་ཏིང་ཡ། ཀུར་ཏྲི་ཏྲཾ་བྷྱོ། ནིར་ཏི་ར་ཡ། བ་རུ་སི་ཡ། ས་མ་ཏྲཾ་ཡ། ཛཾ་བ་ལ་སི་བི་ར་ར་ཡ། ཨཱརྱ་ཛཾ་བྷ་ལ་ཛ་ལེན་དྲ་ཡེ་སྭཱ་ཧཱ། ཨཱརྱ་ཛཾ་བྷ་ལ་སིདྡྷི་ཀུ་ནི་ཛ། ཨཱརྱ་ཛཾ་བྷ་ལ་ནི་ཛ་བ་ཏེ་སཾ་ཡ། དེ་མོ་ཀ་ལི་རད་ན་ཛཾ་བ་ནི་ཛ། ནཱ་ག་ཏེ་ར་ཡ། ར་ཙ་བ་ལི་ཏྲཾ་ཡ་ཡ། ས་མ་ཏི་ཡེར་ཡ་གཾ་ཤཾ་ཏཾ་སཾ་ཡ། ཁུ་འཛེ་ཏ་ཡ། བྲ་ཏེ་མ་ཡཾ། སྲོག་བི་ནི་ཡཾ། ས་མ་ནི་ཡ། ཨེ་ཀ་ནི་ཛྭ་ཏི་རག་ཤ་ཡག་ཤ་མ་མ་རུ་རུ་རྦད་ཤག་ཡ། དིང་པི་ས་ར་བཤ་ཤ་ཡ། བི་བིར་ཏཾ་ཡཾ་ཤཾ་བ་རི། མུ་ནེ་ཀར་བེ་ཡག་ཤ་རྦད་ཡ། ཏི་རི་ཡཾ་ཏེ་ཤར། ས་མ་ཏི་ལཾ་པ་ནི་ཡ། ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། དྲེགས་པ་ཐམས་ཅད་ཀྱིས་རང་རང་གི་སྲོག་གི་སྙིང་པོ་ཕུལ་བའི་ལེའུ་གསུམ་པའོ།། །།དེ་ནས་བཅོམ་ལྡན་འདས་ཀྱི་སྤྱན་སྔར། དྲེགས་པ་འཁོར་དང་བཅས་པས་རང་རང་གི་བཅོས་ཀ་འདི་དག་སྨྲས་སོ། །བདག་ཅག་རྣམས་ནི་འཆོས་པ་ནི། །ལ་ལ་དེ་བ་ལྷ་ཡི་རིགས་ཏེ་སྲིད་པའི་ནོར་འཛིན་བྱེད། །ལ་ལ་ཞེ་སྡང་བདུད་ཀྱི་རིགས་ཏེ་གསོད་དང་གཅོད་ལ་དགའ། །ལ་ལ་ཕྲག་དོག་བཙན་གྱི་རིགས་ཏེ་སྲོག་གཅོད་ལས་ལ་དགའ། །ལ་ལ་རྒྱལ་པོ་ཆེན་པོའི་བུ་སྟེ་སྲོག་དང་དབུགས་ལ་
དགའ། །ལ་ལ་མ་ཡམས་བདུད་མོའི་བུ་སྟེ་ནད་དང་འཁྲུག་རིམས་གཏོང་། །ལ་ལ་ས་བདག་ཀླུ་ཡི་རིགས་ཏེ་གདུག་པ་ཆེ་ལ་ནད་རྣམས་གཏོང་། །ལ་ལ་ཐེའུ་བྲང་ཇ་ལ་མ་ཡི་རིགས་ཏེ་འཇིག་རྟེན་ཕུང་ཁྲོལ་བྱེད། །ལ་ལ་གནོད་སྦྱིན་བདུད་སྡེའི་རིགས་ཏེ་ཤ་དང་ཁྲག་ལ་དད། །དེ་ཕྱིར་སྤྱི་དང་བྱེ་བྲག་བཅོས། །སྔགས་བདག་ཏིང་འཛིན་ལྡན་པ་དེས། །འབྲུ་སྣ་བཅུ་གསུམ་དར་ཕྱེ་ལ། །རིན་ཆེན་ཕྱེ་མར་བྱིན་གྱིས་བརླབས། །དེ་ལ་རི་རབ་ཆེན་པོ་སྟེ། །ཁ་དོག་འདྲ་འབག་རིགས་དང་བསྟུན། །རྨྱུག་མ་ཚིགས་དགུ་བྱུང་རྒྱས་ལ། །ཁ་དོག་ཚང་བ་ནམ་མཁའི་གུར། །དར་གྱི་རྣམ་པས་བརྒྱན་པར་བྱ། །གནམ་ལ་འཕུར་དང་ས་ལ་འཛུལ། །གཟུགས་ནི་རིམ་པ་དེ་ཡིས་བསྐོར། །བཤོས་བུ་བཅུ་གསུམ་བྱང་ཤར་བཅས། །མདའ་བཀྲ་བཅུ་གསུམ་བཤོས་བུ་ལ། །ནམ་མཁའ་བཅུ་གསུམ་རི་རབ་ལ། །མོ་འཕང་བཅུ་གསུམ་འབྲང་རྒྱས་ལ། །གསོབ་དང་རྒྱལ་མཚན་དེ་བཞིན་བསག །ཕུད་དང་གསེར་ཁ་སྤྱན་གཟིགས་བཅས། །དེ་ལྟར་ཚོགས་ནས་བསྔོ་བར་བྱ། །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། དྲེགས་པ་སྤྱི་བཅོས་ཀྱི་ལེའུ་བཞི་པའོ།། །།བདུད་ཤམ་པ་ལི་ཁལ་སེད་རྦད་ཡཾ། ཀཾ་ཏཾ་ནི་ཡག་ཤ་སེན་ཏྲེ་དྲོ་ནི་ཡཾ་ཡུ་དྲིལ་ཁ་ལ་དྷཾ་ཆུམ་སེ་དེ་ཡཾ། གི་པི་དར་ཡ་ཡ་ཏྲེང་ཏྲེང་ཡ། བདུད་ཁ་ལ་དུན་ཙ་པྲ་མ་ནེ་ཡཾ། ཡ་མ་རག་ཤ་ཙིཏྟ་རྦུད་ལིང་ཡ། ཀྱི་མ་ནག་པོ་ཧུར་མ་དྷྲིམ་དུན་ཡ། ཁ་རུ་དྲི་ཏྲག་ཡེར་ཡ། ནག་པོ་སྙིང་རྩ་ཤལ་དུན་ཀར་ཡེར་ཡ། གཾ་པ་ནི་རུ་ཏྲི་ཏྲ་ཏྲེ་ཡ། ཉུང་མོ་ཕོར་སྙིང་མགོ་ཆོད་ཏྲ་ཡ་ས་མ་ཏྲི་ཤར། སེན་དུར་ཏུ་ཏྲིང་ཡ་མ་ཡ། མ་ཏྲ་དུན་ཙེ་ཏྲ་མ་ཡ། མུག་མུ་ཁ་ལ་རྦད་ཏོག་ཤ །ཏྲིང་མ་དྲེ་ཡཾ། ཡུ་ཏིང་ཡུ་ཏིང་དུན་དུན་བྷྱོ། ས་མ་ཡ་ཕྲིང་ལི་དཀར་རྩེ་ག་མ་རྦད་བྷྱོ། བདུད་རྗེ་ནག་པོ་དུན་ཡག་ཤ་རྦུ་ན་ཡ། ཏིང་གེ་མ་ཏྲཾ་ཡ། ཀར་ཤཾ་རྦད་དུན་ཡ། ཨཱོཾ་བཛྲ་ཀི་ལི་སང་། དུན་ན་བ་ར་ཐིམ་ན་ཧཱུཾ། སེ་ན་ཏ་པ་ར་ཙ་ཙ་ཡ། ཀི་ལ་སརྦ་ཡཾ་པ་ནི། བདུད་རག་ཤ་ས་མ་ཡཾ། ཨེ་ཏ་ར་ས་མ་ཐིམས་ཡ། མ་དུ་ཀེ་ལེ་ཐང་མུ་ལེ་རྦད་ཡ། ཡ་མ་རླག་ཤ་རུ་ལུ་ཡཾ།
ནག་པོ་སྙིང་ལ་ཐུན་ཅིག །ཡ་མ་ཏྲིག་སྣ་ཡ། ཤམ་རུ་སུ་ཏྲི་ཡ། གཾ་ཤཾ་ཡ་ཡེར་ཡར། ཏྲག་ལིངས་མ་ཡ། བེ་ཏེང་ཀུ་ལུ་ཡ། ཡ་མ་རཱ་ཛ་ནི་ཚ་འདུས། ཏིང་སྣ་མར་དུ་འདུས། ཚལ་པ་ཚལ་པ་པུ་ཏིང་ཡ། ས་མ་ཏི་ཡི་སད་ནི་ཡཾ། གརྦ་སད་ནི་ཡཾ། རྐུར་ཏི་རི་ཏི་རི་ཡཾ། རཀྵ་སྲོག་རྩ་ཏི་རུང་ཡ། ས་མ་ཡ་བཛྲ་གཾ་ལ་སྲེད་ཡ་བཙན། སྟཾ་པ་ཡ། དུ་ར་དུ་ར་ཙེ་བང་ཡཾ། ཟ་འགྲམ་ནི་མུ་འགྲམ་ཏྲི་ཡཾ། མེ་ལེས་མ་ཙ་ཙ་ཡཾ་ཡཾ། གཾ་པ་རི་གཾ་པ་རི་རྦད་ཏུབས་ཡ། མེ་ཙེན་ཏེ་ཡ་གྲ་ནི་སུཾ་བཾ་ཡཾ། མ་ར་ཏེ་ར་ཡ་སརྦ་ནི་ཀུཾ་ཀུཾ་ཡ། མར་ཡང་ཏི་སད་ཀ་དེ་ཡ། སེ་ཏིང་ཡེ་ནི་ར་ན་ཡ། བ་དེ་ཙ་ཙ་དེ་ཤད་ཤད། ཚུགས་ཏིང་ཀུ་རུ་ཡ། རག་ཤ་དུ་ནེ་རྦད་ཡ། མ་ར་ཙེ་ཙེ་ཡ། མ་རུ་དུ་མ་ར་ཙེ་ཙེ་ཡ་ས་འབུར་ཏི་གྲཾ་ཡེར་ཡེར་ཡ། སརྦ་ཏིང་ལང་བེ་ཏ་ཙ་ཤ་མ་ར་དུ། གི་བ་ར་སད་ནམ། ཡེར་ཡེར་ཡཾ་རྦད། མུ་ཀེ་ཀ་ནེ་སུམ་རྦད་ཡ། བཛྲ་བོང་ནི་བོང་ནི་ཡ། བཛྲ་ཞུང་ཏྲི་ས་མ་ཏེ་ཤང་རྦད། རག་ཤ་ཡག་དུན་དུན་རྩལ་དྲེང་། ཁྲོ་ནི་ཁྲོ་ནི་མ་ལཾ་བ་ནི། སུཾ་བ་ནི་རྦད། མ་ར་ཙེ་མ་ར་ཡཾ་ཏཾ་ཡ། གུར་ནི་ཚུ་ཡ། ཧར་ཧུར་མ་ཧཱ་ལི་རྦད་ཡ། བཛྲ་ཏི་རི་ཏི་རི་ཡ། བཙན་བསྟབ་པ་ཡ་ནི། གྲང་ཙེ་གྲང་ཙེ་ཏེ་སྟཾ་སྟ། ས་མ་ཡ་ཀར་ཤཾ་རྦད་ཡ། དུག་ནེ་ཚེ་སད་རྦད་ཡ། མ་བེ་དུ་ན་ཆུམ་སྐོར་སོད། ཆུམ་འདྲིལ་རྒྱུག་རྩལ་དྲེང་རྦད་ནི་ར་ཡཾ། ཆུབ་ནི་སད་ན་ཡཾ། མ་ཏིང་སཾ་བ་ཏེ་ན་ཡཾ་ཡཾ། ཀི་མ་ཙ་ཡ་མར་ཏིག་ཡ། ཙ་ཙ་ཤོ་ལེ་བཾ་པ་ནི་ས་མ་ཡ་རྦད་ཤར་ཤཾ། བཾ་རིལ་མུ་ས་ལ་ཐིབས་ཐིབས། ཀར་ནེ་སད་མུ་བུཾ་རུ་ལུ་ཡང་། ཏེ་ནི་ཡཾ་ཡཾ་རྦད་དུན་ལིང་། ས་ཏེར་ཀེར་ན་ཡ། ཡག་ཤ་འདེ་ཤཾ་རྦད་ཡ། ཁལ་མུ་ཧེལ་ཡཾ་ཡཾ། བྲི་གུ་ལུ་ས་མ་ཏིང་མེར་ཡ། རྒྱུག་ཙ་ལ་གྲེང་ཡང་། མ་ཏི་རི་ཡ། གཾ་པ་ནི། ཙ་ར་ཡ། སེ་ད་ཀུ་རུ་ཡང་། བེ་ཏེ་ས་ར་ཙ། ཨ་ཏི་ཡ། མར་ཏིང་ལིང་ཡ་ཡ་མ་རུ་མ། ས་མ་ཨ་ཏང་ཏི་རྦད་ཡ། བེ་བ་ཏི་ནི་གྲང་དུ་ན་ཐིམ། མ་ར་དུ་སེ་ཡ། ཨོཾ་པུ་རུ་ལུ་ས་མ་ཐིབས། མར་ཏིང་ཡ་ནི་སད་ཏུ། ཀྲི་ཡེར་ཡེར། ཨོཾ་ཏྲོ་ཏ་ནི་ཏྲོ་ཏ་ནི། བ་ཏྲ་བ་ཏྲ། ཤུ་
ལ་ཤུ་ལ། དྷ་ཤ་གྲི་བ། གིང་ཀ་རཱ་ཛ་ཨ་ཏི་ཨཾ་ཡང་། སེན་ཏེ་སེ་ཡ། ཀང་ཀ་ཤ་བ་ཡ། གྷྲ་ཧེ་གྷྲ་རེ་གྱི་ལ་ཡ། ཀྱི་ཀྲིད་རང་ཁྲིད་སྙིང་མགོ་ཆོད། ཁྲག་ལ་མུ་ཤ་རྦད་ཏིང་ཡ། ར་ཙ་རྦད་ནི། སྲོག་རྩ་ལ་ཐུན་ཡ། ཀ་ཀ་ཤ་ལ་ཡ་བཾ་ཁྲོ་ཏ་བཾ་ཁྲོ་ཏ་བཾ་ཤ །རྨུགས་ཙིཏྟ་བར་ལ་ཧོ་ཡང་། མ་ར་ཏན་ཙེ་ཡཾ་ཡཾ། བྲམ་པ་ཡེར་ཏིང་ཀུ་རུ་ཡ། ར་ཙ་ཏི་པ་གིང་ཀར་གླད་པ་ལ་ཕཊ་ཏེ་ཕོཊ་ཏེ། ཙིཏྟ་ཆོད་པ་སྤུ་དྲོངས་ཡིར་ཏེ་ཀེ་ཡ། མི་ལི་མི་ལི་མ་བེ་ཡཾ། བ་བ་རི་རྦད་ན་ཡཾ། བཛྲ་གིང་ཀ་ར་སྲོག་རྩ་ལ། དྲེང་དྲེང་ཡ། ས་མ་ཡ་ཏཾ་ཀ་ནི་ཐུཾ་ཡ། ར་ཙ་ཨ་ཏི་ཤག །ཨ་ཏི་རྦད་ཡ། རྒྱལ་པོ་ཆེན་པོ་བེ་པུར་ཤག་བྷྱོ། ཏི་པ་ནི་ཁྲཾ་བྷྱོ། སྟཾ་བྷྱོ་ནཾ་བྷྱོ། མ་ནི་བྷྱོ། བྲི་བྷྱོ། སྲིང་མོ་བྷྱོ། སྤུ་དྲི་བྷྱོ། དྷྲི་མུ་ཁ་ལ་བྷྱོ། མུ་ཏི་ཡ་བྷྱོ། གིང་ཀ་ར་གིང་ཀ་ར། པ་ཏྲ་པ་ཏྲ། ཏོ་ཏོ་ཤོ་ཏོ་ཏོ་ཤེ། མེས་མེས་སིལ་སིལ། བབ་རི་བབ་རི། ཤ་བ་རི་ཤ་བ་རི། ཡུ་ཏི་ཡུ་ཏི། སྙིང་ལ་ཛ། གིང་ཀ་རཱ་ཛ། རྒྱལ་པོ་ཆེན་པོ་རྦུད་བུ་ལིང་། དྲག་ལིང་། ཙན་དྷ་ལིང་། ཚལ་པ་ལིང་། ཀར་ཤ་མང་དུ་ཀཱི་ལ་ཡ། དུན་ཚལ་པི་ཀཱ་ལ་ཡ། ཡགྴ་སྟྭཾ་བྷ་ཀཱི་ལ་ཡ། རགྴ་སྟྭཾ་བྷ་ཀཱི་ལ་ཡ། ག་པ་རི་ཡ། ཛ་དུར་ཡ་མ་རེ་ཙ་ཡ། མར་དུན་ཚལ་པ་ཀཱི་ལ་ཡ། མར་ཙེ་མར་ཙེ་སྲོག་རྩལ་ཧར་ཧཱུར་གིང་ཀར་ཙི་ཙི་ཏལ་ཕཊ་ཏེ་ཕཊ་ཏེ། མ་སེཾ་བ་ནི་ཡཾ། ཡཾ་བ་ནི་སད་ད་ཡ། ཨོཾ་ར་ཙ་ཨ་ཏི་མུག་ཏི་མུ་ཧི་སྲོག་རྩ་ལ་ཤད་དེ། ཤད་དེ། ར་ཏེ། རྫ་ཏེ། ས་མ་ཡ་ནི་ར་ཟུང་། ཏདྱ་ཐཱ། རུ་བོ་བོ་དྲ་དྲག་ཡ། ནི་ལོ་རཱ་ཙ་སྙིང་རྩ་ལ་འདུས་འདུས། ཏེང་ཏེང་ས་མ་ཡ། སྲི་རུ་སྲོག་ཏ་ཤད་དེ་རྦད། ཙ་ཙ་དུ་ནི་སད་དེ་ཙ་ཙ་ར་ཛ་བཾ་པ་རཾ། ས་མ་ཡ་དང་སྟཾ་བ་ནི། མ་ཧཱ་ཀཱ་ལི་ཡཾ་ནི་ཡཾ་ཏི་ཏི་ས་མ་ཡཾ།མ་ར་ཡ་ཏེ་རྩེ་ཡ། བེ་ཤ་ཤ་ར། རྦད་ནམ། བེ་དུ་སྟཾ་ཀཾ་ས་མ་ཡ་ཐིབས། བེ་བ་སྡིས་སྟ་རྦད་ཏ་ཡཾ། ཏ་ཀ་བི་རི་མཱ་ར་ཡ། ཨོཾ་མ་མ་རུཾ་རུཾ་ས་མ་ཡ། རག་ཤ་མ་རུ་ལུ་བྷྱོ། རག་མོ་ཏཾང་ལཾ་ས་མ་ཡ། ཆུ་སྙིང་ཡཾ་དེ་ཙེ་ནི་རྦད་ཡ། དྲག་མོ་དྲང་བ་ནི་ས་པའི་ཡཾ། ཡཾ་རྦད། ཛ་ཏི་མུཾ་པ་ནི་གར་བུ་ཏི་ཡཾ་ཡཾ་མ་ནུ་རག་ཤ་དུ་ན་ཀཾ་པ་ནི་ཡ་ཏེ་མ། ཁྲིམ་ཡ་ཆུར་ཏི་ཡེ་ཡཾ། མེ་མ་ས་མ་ཡ་ཐིབས་ལིང་ཡ། རུ་རུ་པྲེ་ཏ་ནི་ཐང་ཐང་ཡ། རག་
ཤ་རུ་ལུ་རུ་ས་མ་ཡ། ནག་མོ་ཧར་ཧུར་ཏུར་རེ་རྩ་ཆོ། མུ་ཀ་ཡེ། བྱ་ཙ་ཡེ། ཏྲཾ་ཡེར་ཡ་རག་མོ་ཁ་ལིང་། སད་ནི་རྦད། མུ་སི་ཏི་ཡཾ། ཙམ་མོ་ཙམ་མོ། ཁྲག་ལ་རྨུགས། ཛ་ཡ་ཡ་རུ་ཏི་ལཾ་རུ་རུ་ས་མ་ཡ་བཱི་ཙ་ཤ་མ་ཡ་དུན་བྷྱོ། ཨོཾ་ཁྲི་མུན་ལན་ཤག་ཏིལ་རྦད། མུ་ནི་སད་ཀྲི་ལ་ཡ་ཀྲི་ནི་ཡཾ། དུ་ན་སར་ཐིམ་ཡ། ཨོཾ་བེ་ག་བན་སྨིན་ཤར་པེ་པ་ཏ་ཁྲིད་དེ་རུ་ལུ་ས་མ་ཡ། རག་མོ་ཙིཏྟ་ལ་རྦད་དེ་རྦོད་དེ་ཤཾ་ཡཾ་པ་ནི་རྦད། བེ་ཏ་རུ་ཏི་མ་རུ་ཡ་ཐུན་ཡ་རུ་རུ་ཏིང་ཡ་བེ་ཏ་ཏདྱ་སུ་ཏིང་བྱོ། ཤཾ་ཏིང་ནེམ་ལེ་ཏུཾ་ཤ་བཾ་བཾ་རིལ་ཡ། ཨོཾ་དི་པ་ར་སི་བི་ནི་ཤད་ཤད་ཡ། ཀ་མ་ལ། རུ་ཏི་རཾ་ཡ་ཏིང་བཛྲ་མ་ཡཾ་པ་ནི། ཏིང་ཀུ་ལེ་བེ་ཏི་སྡི་རྦད། ས་མ་ཏེང་ཁ་ལེ་ཡེར་རུ་ཏྲི་རུ་ཏྲི་བཛྲ་ལིང་། བཛྲ་ཡ་མ་ཏིག་ནན་ཡ། ས་ལེ་ཀུན་ཏ་ཙ་ཡཾ། མ་ར་ཙེན་འདུས་པྲི་ཀུ་རུ། ཡག་མོ་ཀ་པ་རུ་པ་ཞུང་ཡ། མ་ཏེང་ལཾ་ཡ། ཏང་ཏིང་ཀེ་ཏ་ཡཾ། ས་མ་ཏིང་དུང་ཀ་དུང་དུང་། ཁྲི་མ་འདུ་ཡོ་མུ་ཏྲོ་ཐ་འདུ་ཏིང་རི་རག་མོ་ལ་ལ་འདུས་ཡ། ཆུ་ཏི་ནག་མོ་རྦད། ཤཾ་ཡ་རུ་རུ་ཏིང་ལ་དུན་བྷྱོ། རོ་རུ་རོ་རུ་ས་མ་ཡ། ཁང་བྷྱོ་སང་པ་རི་སང་། ཏིང་ཡེར་མུཾ་མ་ཐུཾ། དྲག་མོ་དྲ་པྲ་མ། ནིག་ནིག་ཐིག་ཐིག་ནིག་ཐིག །གཅིག་མེད། གཉིས་དྲག །བརྒྱད་བཅད། གནམ་མཐོངས་ཕྱེ། ལྕགས་སྒྲོག་ཁྲོལ། ཀ་ཏེ་རེ་རྫ་དེའུབ་ཞུབ་ཐུན་ཡ་དམ། ར་ཙེ་ཤ་ཡ། ས་མ་ཡ། དུམ་ལིང་ཙེ་ཡ། ས་མ་ཡ། ཨིན་ཏྲཱ་ཡ། རྦི་པུ་ཤག་ཀུ་ནེ་ཡཾ། ཏེང་སང་ཡ་ཏེ་རེས་མ་ཏི་ཀང་། ཙེམ་ཙེམ་ཙེ་ལེམ་ན་ཡཾ། གང་གོ་ལོ། ཨི་པ་ཏཾ་ཡེར་ཡེར་ལ་ཡ་ལེམ། ཤར་ཐམ་པ་ར་ཤག་ཐུན། ཨ་ཏི་པ་ཏ་ཨིནྟ་ཡ་ཞུང་ཞུང་། རྦན་རྦན་རྦུ་ནེ་ཡ། ཏི་རི་སཾ་པ་ཡ་ནཾ་ཡཾ། མ་པུ་སིད་ལིང་ཏུ་རེ་ཏུ་ཡང་ཡང་ག་ལེ་མ་ཏེང་ལཾ། གུང་བིང་སད་རྦད། རུཾ་རུཾ་མིན་པ་ཡ། བ་ལ་འུར་འུར་ཡཾ་ཡ། ཤ་བ་རེ་ཤཾ་ཤཾ་ཡ། མུ་ཏི་ཡེར་ཡ། ཨོཾ་ཏིང་ཡཾ་ས་དེ་རྦད་ན་ཧཱུཾ། བ་བ་དེ་སད་བི་ད་ཡཾ། ཏཾ་ལེ་སད་ཡ་ཏྲི་ཡཾ། གྲཾ་ཏེ་ཡཾ། ཏྲི་མུ་ཏྲ་དྲ་མ་ཡ། ཞུང་ཞུང་ཝར་ནི་ཡ། ཧུ་པ་ཙ་ལ་ཞུང་ཞུང་། མུ་ཏཾ་པ་ནི་དྲེང་དྲེང་། ཏི་མུཾ་ལ་ཏེ་སད། མ་
ར་པིས་ཤར་ཤམ་དེ་པ་གར་པི་ཡཾ། སརྦ་སྟོང་སཾ་ཡ། མི་ལི་ཀཾ་ཏེ་ཡཾ། པི་ཏིང་ཀུ་རུ་ཡ། མ་མ་དན་ཏྲི་མ་ཏིང་ཡ། ཀེཾ་དྲེ་སད་པ་རི་ཡང་། མི་རུ་རུ་བི་ཏ་སཾ། བི་ར་སད་ན་ལ་སེ་ཡཾ། མི་ཀུ་ལུ་ཐིབས། པྲི་པུ་རུ་ལུ་ཡ། ག་མ་ཏང་སམ་ཡ། ཨོཾ་པྲི་ཀུ་ཏེ་ཡ། ཇུ་ཏེ་ཡ། ཇུ་ཏེ་མཐུན། ས་མ་ཏི་མ། ཀ་ལ་དུམ་ཏིང་། ཛ་ས་མ་རུ་ཡ། མར་དུན་ཆེ་ཡ། ལང་ཏེ་ཤར། ལུང་ཏི་མ་ཡ། ཏེང་ཀེ་ལེ་སད། འུ་ནི་ལམ་བ་ཡ། འགར་དྲི་པ་ཧཱུཾ། ཆེ་ཡང་བདུད་ཀྱིས་བསད་ལ་ཆུང་ཡང་བདུད་ཀྱིས་བསད། །བདུད་ཀྱི་བུ་ལ་སྙིང་རྗེ་མི་མངའ་སྟེ། །ཞེ་སྡང་བདུད་ཀྱི་བུ་སྟེ་སྲོག་གཅོད་ལས་རྣམས་བྱེད། །བདུད་ཀྱི་མེས་པོ་ཆེན་པོ་ནི། །སྤྱི་མེས་རཱ་ཙ་རྒྱལ་བས་བྱ། །དེ་ཡི་བུ་ནི་གནམ་གྱི་དིག་པ་ཆེན་པོས་བྱ། །བདུད་ཀྱི་ཕྱི་མོས་ཆུ་མེར་བས་བྱ། །དེ་ཡི་བུ་མོ་མེར་མེར་ལྕམ་གཅིག་མ། །དེ་གཉིས་ཐུགས་ཀྱི་སྲས་ཆེན་པོ། །སྲས་ནི་ཡ་བདུད་བཅུ་གསུམ་བྱུང་། །སྤྱི་མེས་རཱ་ཙ་རྒྱལ་བ་དེ། །བདུད་ཐོད་པའི་ཕྲེང་བ་ཅན་ཞེས་བྱ་བ་སྟེ། ཡུལ་ནི་བདུད་ཡུལ་ནག་པོ་ན། །བདུད་མཁར་ནི་ལྡེམས་སེ་ལྡེམ། །རྩ་བ་གསེར་ལ་རྩེ་མོ་བྲག །རྩེ་དགུ་གནམ་དུ་ཟངས་སེ་ཟང་། །རྩེ་ནི་མི་ལྤགས་རློན་པས་གཡོགས། །ནང་ན་མི་ཁོག་བྲུངས་སུ་གཙེར། །ནང་ན་རྟ་ཁོག་རྩིག་པར་བརྩིགས། །རྩ་ནས་ཁྲག་དང་ཆུ་སེར་འཛག །ཐོད་པ་སྐམ་རློན་མཁར་དུ་བརྩིགས། །མཁར་གྱི་རྩ་བ་ན། །བདུད་སྤྱང་སྔོན་པོ་འུར་དང་ཡམས་སེ་ཡམ། །བདུད་བྱ་སྐྱུང་ཀ་དི་རི་རི། །བདུད་ཀྱི་ཁྱི་མོ་འཁང་དང་དི་རི་རི། །དེ་ཡི་ནང་ན་བདུད་ཆེན་མེས་པོ་བཞུགས། །མི་ཤ་མ་ལགས་གཞན་མི་ཟ། །རྟ་ཁྲག་མ་ལགས་གཞན་མི་འཐུང་། །ཕོ་ཉ་མང་པོ་ཤ་ལ་འགྱེད། །མགོ་བརྙན་མང་པོ་སྤྲུལ་པར་འགྱེད། །བདུད་མེས་ཡབ་ཡུམ་མདོས་ལ་སྤྱོན། །ཡ་བདུད་བཅུ་གསུམ་དེ། །ནག་པོ་བཀྲག་མེད་དེ། །བདུད་རྟ་ནག་པོ་ཆིབས། །ཟངས་ནག་བེར་ཆེན་གསོལ། །བདུད་ཞགས་ནག་པོ་མདའ་ལྟར་འཕེན། །བདུད་རེ་ལྡེ་མགོ་ཡག་དེ། །བདུད་ཀྱི་རྟ་ནག་ཞོན་ནས་སྐྱེས་པ་ཁྲོམ་ལ་འདེབས། །ཁམས་གསུམ་
རྡུལ་དུ་རློག་པའི་མ་ལེ་གེ་ཤག་དེ། །སྐྱེ་འགྲོ་ཁྲམ་ལ་འདེབས་པའི་བདུད་རྗེ་མང་ཀུག་དང་། །སྐྱེ་འགྲོ་ཚེ་ལ་དབང་བསྒྱུར་སྙལ་སྙོམས་ཀྱང་ལྡེ་ངག་བཙན་དང་། །བདུད་ཀྱི་གུང་བློན་མཆེད་བཞི་སྟེ། །སྟག་ཞུ་མཆེད་བཞི་བསད་པའི་ལས་ལ་བརྩོན། །ཁྱབ་པ་ལག་རིང་སྐྱེ་ཤི་རྩ་བ་གཅོད། །བདུད་ཆེན་འོད་དེ་འབར་བ་དང་། །འོད་དེ་ལྐུགས་པ་དང་། །འོད་དེ་ཐོམ་པོ་དང་། །ལྐུགས་པ་འཛུམ་མུལ་མི་ཡི་བླ་རྣམས་འཆང་། །རལ་པ་སྤྱི་བཅིངས་སྲི་སྐྱེ་འགྲོ་སྲིད་པའི་རྒྱུ་འགྲུལ་བྱེད། །གར་བུ་ཤན་ཐོགས་བདུད་ཀྱི་བང་ཆེན་བྱེད། །འཁོར་ལོ་བཅུ་གཉིས་སྲིད་པ་ཆམ་ལ་འབེབས། །བདུད་ཆེན་རྒྱལ་བ་དབུགས་ཆེན་ལེན་པ་སྟེ། །ཐོམ་པོ་ཐོམ་ཆུང་མི་ལ་ཆད་པས་གཅོད། །བདུད་རྗེ་འོལ་པོའི་ཚོགས་ནི་མི་བུ་དག་ལ་ཕྱགས་མས་འདེབས་ཤིང་འཛིན། །ཕྱག་བརྙན་བཞི་ནི་མི་བུ་འཛིན་པར་བྱེད། །བདུད་སིལ་མ་སྟོང་ནི་མི་ལ་ལྟས་ངན་སྣ་ཚོགས་འབེབས། །བདུད་རྗེ་བདུད་སྡེ་འཁོར་བཅས་ཀྱང་། །སྲིད་པའི་མདོས་བཞེས་ཤིག །ཧཱུཾ་སྤྱི་བཙན་ནི་ཆེན་པོ་སྟེ། །ཤ་ཁྲག་བདུད་ལ་རྒོལ། །མཐུ་ཆེ་ནི་ཕྱ་ལ་རྐུ། །མི་ཡི་ལུས་པོ་ལ། །སྤྲུལ་པ་ཕྱོགས་བཞིར་འགྱེད། །ཡུལ་བཙན་ཡུལ་པོ་ཕུ་གསུམ་ན། །བཙན་མཁར་དམར་པོ་ལྡེམ་པ་ན། །བཙན་མི་ལུས་གཡག་གི་མགོ་བོ་ཅན་དུ་བྱུང་། །དཔྲལ་ན་ཁ་གཅིག་མིག་གཉིས་ལ། །ལྟག་ན་ཁ་གཅིག་མིག་གཉིས་བྱུང་། །གཡས་ན་ཁ་གཅིག་མིག་གཉིས་པ། །གཡོན་ན་ཁ་གཅིག་མིག་གཉིས་པ། །བསེ་རྟ་དམར་པོ་ལ། །རྨིག་པ་བརྒྱད་པར་བྱུང་། །མི་བུ་རིམས་ཀྱིས་གསོད། །ཤ་ལ་གཅོད་སྦྱིན་ཀྱང་སྦྱོང་བྱེད། །སྤྱི་བཙན་ཆེན་པོ་བྱ། །རི་རབ་འབྱུང་བའི་ཤར་ཕྱོགས་ན། །དུང་གི་མི་དཀར་ལྡེམ་པ་གཅིག །རི་རབ་ལྷོ་ཕྱོགས་ན། །གསེར་གྱི་མི་སེར་ལྡེམ་པ་གཅིག །རི་རབ་ནུབ་ཕྱོགས་ན། །ཟངས་ཀྱི་མི་དམར་གཅིག །རི་རབ་བྱང་ཕྱོགས་ན། །གཡུ་ཡི་མི་སྔོན་གཅིག །དབུས་ན་མཆོང་གི་མི་ཕོ་གཅིག །འབྱུང་བ་ལྔ་ལ་དབང་བྱེད་ཅིང་། །སྲིད་པ་གསུམ་ལ་དབང་བསྒྱུར་བ། །
དེ་ནི་འབྱུང་བའི་བཙན་ལྔ་སྟེ། །སྲིད་པའི་མདོས་བཞེས་ཤིག །གནམ་བཙན་དིང་བ་དང་། །ས་བཙན་ཡུ་བུ་དང་། །གངས་བཙན་དེ་སེ་དང་། །གཡའ་བཙན་མི་རོམ་དང་། །བྲག་བཙན་རོམ་བུ་དང་། །ཆུ་བཙན་སྔོན་པོ་ཞུང་བུ་རྗེ། །ཀླུ་བཙན་ཐོར་བ་དང་། །བཙན་ཕྲན་སྟོང་ཚོགས་ཀྱང་། །སྲིད་པའི་མདོས་བཞེས་ཤིག །ཧཱུཾ་སྲོག་བདག་ཆེན་པོ་སྟེ། །གནམ་གྱི་དིབ་པ་ཆེན་པོ་བྱ། །མི་དཀར་པོ་ལྡེམ་པ་གཅིག །རྟ་དཀར་གཡུ་ཡི་རྔོག་མ་ཅན་ལ་ཆིབས། །གློ་ལ་ཤེལ་གྱི་གྲི་ཆུང་བཙུགས། །བཞུགས་པ་གནམ་གྱི་དཀྱིལ་ན་བཞུགས། །སྤྲུལ་པ་འཛམ་བུ་གླིང་བཞིར་འགྱེད། །མི་དཀར་ལྡེམ་པ་ལ། །དབུ་ལ་རལ་གྲི་ཤ་ར་ར། །དཔྲལ་ན་མིག་གཅིག་ལྷངས་སེ་ལྷང་། །ཞལ་ནས་མཆེ་གཙིགས་ཐམས་སེ་ཐམ། །ཕྱག་ན་སྐྱོགས་དཀར་ཏ་ལ་ལ། །གནམ་རལ་ཕྱེད་ཀྱི་བདག་པོ་ཡིན། །ས་ཆུ་ཕྱེད་ཀྱི་བདག་པོ་ཡིན། །སྐྱེས་པ་བརྒྱ་ཡི་སྲོག་གི་བདག་པོ་ཡིན། །མདོས་བདག་མདོས་བཞེས་ཤིག །ཡ་ཆོ་དཀར་པོ་དང་། །ཡམ་ཤུད་དམར་པོ་དང་། །ཁུ་ལེ་ལག་དགུ་དང་། །སྲིད་པའི་མདོས་བཞེས་ཤིག །དཀར་པོ་ནི་དེ་སེ་དང་། །ཤོར་བ་སྐྱ་དགུ་དང་། །རྒྱལ་སྡེ་ཆེན་པོ་ཉི་པང་སྲད། །ཁྱུང་བ་སད། །སེ་པང་སབ། །སྤྲུལ་པ་སད། །སྲིད་པའི་མདོས་བཞེས་ཤིག །རྒྱལ་ཕྲན་བཅུ་གཉིས། །རྒྱལ་སིལ་མ་སྟོང་སྡེ། །རྒྱལ་པོ་ཆེན་པོ་སྡེ་བཞི། །དེ་རིང་སྲིད་པའི་མདོས་བཞེས་ཤིག །ཡུལ་སྦས་ཀྱི་མ་དེ་ན། སྟོད་མ་བདུད་ཆེན་མོ་བཞུགས་མཁར་ཟོ་བ་གཞོགས་རལ་གྱི་ནང་ན། ཡུལ་ཁྲི་འདུ་སྟོང་འདུ་བྱ་བ་ན། །བདུད་མོ་རྒྱལ་བྱིན་བྱ་བ་དེས། །དྲེའུ་ནག་རྐང་གསུམ་ཆིབས་ནས། །སྐུ་ལ་དར་ནག་གོ་ཟུ་གསོལ། །ཕྱག་ན་བ་དན་རྩེ་གསུམ་འཕྱར། །སྤྱུགས་པའི་གླུ་རུ་ལེན་ཅིང་མ་ཡམས་འདུན་མར་སྡུད། །ཞིང་ལྤགས་གཡབ་ཆུང་འདོར་ཞིང་བགེགས་རྣམས་གཡོབ་པར་བྱེད། །ཁྲག་མིག་མདངས་སུ་ཕྱུང་ནས་རྒྱལ་པོ་དཀར་ཆེན་དག་ལ་བརྡེག །མི་བུ་བསད་བཅད་ལྷ་འདྲེ་དམ་ལ་སྡུད། །ཤ་ལ་རལ་གྲིས་གཏུབ་ཅིང་ཁྲག་ནི་བྷནྡྷ་སྟོང་སྟོང་འཐུང་། །བདུད་མོའི་མདུན་མ་གཅོད་
ཅིང་དྲེགས་པ་ཕོ་རྣམས་དགྱེས་པ་སྐོང་། །ཕོ་བདུད་གཡས་ཀྱི་ཕོ་བདུད་རུ་འདྲེན་མོ་བདུད་གཡོན་གྱི་རུ་སྣ་འདྲེན། །སྲིད་པའི་གཡུལ་ངོ་ཟློག་ཅིང་བསད་དང་གཅོད་ལ་དགའ། །མ་བདུད་ནི་བཅུ་གསུམ་ཡང་། །ལ་ལ་མཛོ་མོ་རུ་རིང་ཞོན་ནས་རྒྱུག །ལ་ལ་རྔ་མོ་རྐེ་རིང་ཞོན་ནས་རྒྱུག །ལ་ལ་རྟོལ་བུ་ཁ་དཀར་ཞོན་ནས་རྒྱུག །ལ་ལ་བདུད་བོང་གྭ་དམར་ཞོན་ནས་རྒྱུག །ལ་ལ་གསལ་ལེ་གྲུས་མོ་ཞོན་ནས་རྒྱུག །ལ་ལ་བོང་བུ་ནག་པོ་ཞོན་ནས་རྒྱུག །ཁྲག་གི་གྲུ་ཆར་འབེབས་ཤིང་མི་ནད་ཕྱུགས་ནད་གཏོང་། །དེ་རིང་སྲིད་པའི་མདོས་བཞེས་ཤིག །ཐེའུ་རང་སྟོང་སྡེ་ཡང་། །གནམ་ལ་གནས་པའི་སྤུན་གསུམ་དང་། །བར་ལ་གནས་པའི་སྤུན་གསུམ་དང་། །ས་ལ་གནས་པའི་སྤུན་གསུམ་དང་། །ཐེ་སེ་ཀུག་སེ་མཆུ་རིང་གསུམ། །དྲི་སེ་བ་ནི་མུ་དྲི་གསུམ། །གནམ་ལྷ་བྱང་ཆུབ་གནམ་རྟེན་སེ་རྟ་དང་། །གནམ་ཐེའུ་དཀར་དང་གསུམ། །བ་ཏི་ལག་གེ་ཏེ་ནེ་གསུམ། །དར་དཀར་དམར་དང་སེར་པོ་གསོལ། །སྲིད་པའི་ཐེའུ་རང་སྟོང་སྡེ་ཡང་། །དེ་རིང་སྲིད་པའི་མདོས་བཞེས་ཤིག །ཇ་ལ་སུམ་བརྒྱ་དྲུག་ཅུ་ཡང་། །ཉུལ་བྱེད་ཁྱབ་བྱེད་མདོས་བཞེས་ཤིག །ས་བདག་རྒྱལ་པོ་ཧོ་པ་དང་། །བེ་སྣ་ལག་ཆེན་ཙང་ཀུན་ཆེན་པོ་དང་། །གཙང་བཙན་ད་ལ་འཁོར་བ་དང་། །ཧོ་བ་ཏེ་ཏེ་སེ་པ་དང་། །ཕ་ནི་ཤི་ས་ཏ་ཡིན། །མ་ནི་རུ་ཟན་དེ་མོ་ཡིན། །འབྱུང་བ་ས་ལ་དབང་བསྒྱུར་ཏེ། །ལ་ལ་ཤིང་ལོ་གོས་སུ་གྱོན། །ལ་ལ་ས་དང་རྡོ་ལ་གནས། །ལ་ལ་ཆུ་དང་ཤིང་ལ་གནས། །བྱོལ་སོང་མི་སྡུག་མགོ་བོ་ཅན། །ལ་ལ་རི་རབ་དེ་ལ་གནས། །ས་བདག་སིལ་མ་སྟོང་ཚོགས་ཀྱང་། །དེ་རིང་སྲིད་པའི་མདོས་ལ་སྤྱོན། །ཀླུ་རྒྱལ་ནི་ཆེན་པོ་སྟེ། །རི་དང་མཚོ་ལ་གནས་པ་སྟེ། །དགའ་བོ་དང་ནི་འཇོག་པོ་དང་། །མཐའ་ཡས་དང་ནི་དུང་སྐྱོང་དང་། །པདྨ་དང་ནི་ཆུ་ལྷ་དང་། །ཀར་ཀོ་ཏ་དང་བ་རུ་ཎ། །སྦྲུལ་མགོ་བདུན་དང་ལྔ་པ་དང་། །གསུམ་པ་དང་ནི་རིགས་བཞི་དང་། །དེ་རིང་སྲིད་པའི་མདོས་ལ་སྤྱོན། །ཀླུ་གཟུགས་སྣ་ཚོགས་དག་ཏུ་སྟོན། །ལ་ལ་གཟུགས་
མེད་སྒོ་ང་འདྲ། །ལ་ལ་ནམ་མཁའི་འཇའ་ཚོན་འདྲ། །ལ་ལ་འདོད་ཆགས་བྱ་ཡི་གཟུགས། །ལ་ལ་ང་རྒྱལ་རྩངས་པའི་གཟུགས། །ལ་ལ་ནོར་བུའི་ཚུལ་དུ་གནས། །ལ་ལ་སྟ་རི་ཁ་ཡི་གཟུགས། །ལ་ལ་གླང་དང་བེ་ལུག་གཟུགས། །རིགས་ནི་བཞི་ལ་སྡེ་ནི་སྟོང་། །སྲིད་པ་ཀུན་ལ་དབང་སྒྱུར་བྱེད། །འབྱུང་བ་ས་ལ་དབང་སྒྱུར་བ། །དེ་རིང་མདོས་བདག་མདོས་བཞེས་དང་། །དང་པོ་སྲིད་པ་ཆགས་པའི་དཔེ། །དེ་ནས་འཇིག་རྟེན་ནོར་དང་བདུན། །འབྱུང་བ་བསྐྱེད་པའི་དཔག་བསམ་ཤིང་བྱུང་བས། །བསྐྱེད་པའི་འབྲུ་སྣ་བཅུ་གསུམ་དང་། །སྐྱེམས་དང་བཅས་པའི་གསེར་གྱིས་མཆོད། །རིན་ཆེན་ཁ་དོག་སྣ་ལྔར་གྲུབ་པའི་ནམ་མཁའ་འདི། །ནམ་མཁའ་འདི་ནི་ཡུལ་དུ་འབུལ། །མདའ་བཀྲ་འདི་ནི་མཁར་དུ་འབུལ། །གཟུགས་བརྙན་འདི་ནི་དཀོན་དུ་འབུལ། །སྒྲ་སྙན་གསུང་གི་གླུད་དུ་འབུལ། །མེ་མར་སེམས་ཀྱི་གླུད་དུ་འབུལ། །ཟང་ཟིང་ལོངས་སྤྱོད་གླུད་དུ་འབུལ། །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། དྲེགས་པ་སྤྱི་བཅོས་ཀྱི་ལེའུ་ལྔ་པའོ།། །།དེ་ནས་ཡང་བཅོམ་ལྡན་འདས་ཀྱི་སྤྱན་སྔར་དམུ་ལྕམ་མཆེད་བཞི་དང་། བདུད་མོ་ཉིས་བརྒྱ་ལྔ་བཅུ་དང་། བདུད་ཉིང་ལ་ཉིང་བབས་ཏེ། བདུད་མོ་རྣམས་ལ་མིང་པོ་བཅུ་གསུམ་དང་། བཙན་བདུད་ཡོར་པོ་དང་། བདུད་ཆེན་རྣམས་བབས་ནས། བདུད་མོ་རྣམས་བསྙུན་གྱིས་ཟིན་ནས། བཅོས་ཐབས་འདི་སྐད་སྨྲས་སོ། །ལྕགས་ཀོང་གཅིག་ནི་མར་གྱིས་བཀང་། །དེ་ཡི་ནང་ན་ཞུན་མར་བཅུ་གསུམ་གཏང་ནས་ནི། །ཕུད་ནི་གཙང་མ་རིན་ཆེན་སྐྱོགས་གང་ལ། །རིན་ཆེན་བརྡར་ལ་བྱིན་གྱིས་བརླབས། །མདའ་དང་དར་སྒྲ་སྙན་དང་བཅས། །པི་ཝང་རྫ་རྔའམ་ཆ་ལང་དྲིལ་བུའི་སྒྲ་བརྡུང་ཞིང་བསྔོ་བར་བྱ། ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། བདུད་ཉིང་བཅས་ཀྱི་བསགས་པའི་ལེའུ་དྲུག་པའོ།། །།ཧཱུཾ། མི་ལ་བདུད་བབས་སྲིད་པས་བསྐོས་པ་སྟེ། །བདུད་ལ་བདུད་བབས་སྲིད་དེ་ན། །བདག་ཅག་རྣམས་ནི་བདུད་མོ་ཀུན་
དགའ་སྟེ། །འཇིག་རྟེན་ལེགས་དང་ཉེས་པའི་སྟང་འཛིན་ཅིང་། །སངས་རྒྱས་བསྟན་པ་བསྲུང་བ་དང་། །བདུད་ལ་བདུད་བབ་ཆོ་རེ་འཕྲུལ། །མིང་པོ་བདུད་ཆེན་རྣམས་ནི་ཚུར་ཉོན་དང་། །ཁྱེད་ནི་ཞེ་སྡང་བདུད་ཀྱི་བུ་ཡིན་ཏེ། །ཞེ་སྡང་ཉིད་ཀྱང་སེམས་ཉིད་དོ། །སེམས་ནི་ཡེ་ནས་སངས་རྒྱས་ཏེ། །གཉིས་མེད་དོན་གྱི་ལུང་ལ་ཉོན། །བདུད་ལ་བདུད་བབས་མིང་པོ་བདུད་ཆེན་རྣམས་ལ་སྡིག །ཉེས་ལེགས་སྟང་འཛིན་སྟོང་གི་སྡེ་དཔོན་ཁྱོད་ཀྱིས་ཟུང་། །གསལ་བའི་ཞུན་མར་འདི་ནི་སེམས་ཀྱི་གླུད། །འདི་ལ་ཁ་དོག་ལྔ་མཆིས་ཏེ། །ཕུང་པོ་ལྔ་ཡི་གླུད་དུ་འབུལ། །འདི་ལ་དུ་བ་སྤུ་རིས་མ། །དང་བ་སེམས་ཀྱི་གླུད་དུ་འབུལ། །འདི་ལ་འོད་ཟེར་ལྔ་མཆིས་ཏེ། །འབྱུང་བ་ལྔ་ཡི་གླུད་དུ་འབུལ། །འཕྲོ་བ་སེམས་དབུགས་སེམས་ཀྱི་གླུད་དུ་འབུལ། །བདུད་ཀྱི་ཞེ་སྡང་ད་ཁྲོལ་དང་། །ཞེ་སྡང་སྤངས་ན་སེམས་སངས་རྒྱས། །སྲོག་གཅོད་ལས་འདི་སྤང་བར་གྱིས། །སྟོང་གི་སྡེ་དཔོན་གྱིས་ནི་གསུངས་པ་བཞིན། །སངས་རྒྱས་བསྟན་པ་སྲུངས་ལ་ལས་རྣམས་ཀྱིས། །དེ་ལས་འདས་ན་བདུད་ཆེན་རྣམས་ལ་སྡིག །ཅེས་བསྔོའོ། །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། བདུད་བཅོས་པའི་ལེའུ་བདུན་པའོ།། །།དེ་ནས་བཅོམ་ལྡན་འདས་ཀྱི་སྤྱན་སྔར། དྲེགས་པ་ཅན་ཐམས་ཅད་ཀྱིས་རང་རང་གི་སྣང་གསལ་འོད་ཀྱི་མདོས་འདི་དག་སྨྲས་སོ། །པར་བུའམ་ཀོང་བུ་དགུ་རུ། གསལ་བའི་ཞུན་མར་དགུ་བལྟམས་ལ། རིན་པོ་ཆེ་ཡི་སྐྱོགས་གཅིག་གི་ནང་དུ། ཕུད་གཅིག་གསེར་ལ་སོགས་པའི་རིན་པོ་ཆེ་སྣ་ལྔ་བརྡར་ལ། དེའི་རྩར་མདའ་བྱ་རྒོད་མ་གཅིག །དར་དམར་སིང་ངེ་བ་གཅིག་བཏགས་ལ། བདག་དབང་གི་རྒྱལ་པོའི་ཏིང་ངེ་འཛིན་གསལ་ཏེ་རྫས་རྣམས་བྱིན་གྱིས་བརླབ་ལ་བསྔོ་བར་བྱ། ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས་བདུད་ཉིང་བཅོས་ཀྱི་ལེའུ་བརྒྱད་པའོ།། །།ཧཱུཾ་སྣང་བ་གསལ་བ་འོད་ཀྱི་མདོས། །སྣང་གསལ་ཆེན་པོ་འདི་ལ་ཀུན་གསོན་ཅིག །ཞེ་སྡང་ཆེན་པོ་བདུད་ཀྱི་བུ། །ང་རྒྱལ་བཙན་གྱི་བུ། །ཕྲག་
དོག་རྒྱལ་པོའི་བུ། །འདོད་ཆགས་གནོད་སྦྱིན་མ་ཡི་བུ། །གཏི་མུག་ས་བདག་ཀླུ་ཡི་བུ། །སེར་སྣ་ཡི་དྭགས་འདྲེ་བཀྲེན་བུ། །ཐེའུ་རང་ཇ་ལ་ལ་སོགས་ཀུན། །སྟོན་པས་གསུངས་པའི་ལུང་ལ་ཉོན། །ཁྱོད་ནི་འདྲེ་བཀྲེན་ཡི་དྭགས་ཏེ། །ལོག་ལྟའི་སེམས་དང་ལྡན་པ་ཡིས། །ལས་ངན་དག་གིས་ལུས་ངན་བླངས་པ་སྟེ། །མི་ཡི་འཇིག་རྟེན་དག་ན་ཁྱེད་གནས་ཏེ། །ཚེ་སྲོག་དབུགས་ལ་དབང་བྱས་པས། །མནར་མེད་པ་ཡི་དམྱལ་ཆེན་ཡིན། །ད་ནི་དག་པའི་སེམས་སྐྱེད་དང་། །སེམས་ལས་མ་གཏོགས་སངས་རྒྱས་མེད། །དུག་ལྔ་ཉིད་ཀྱང་སེམས་ཤེས་ན། །དེ་ནི་སངས་རྒྱས་སེམས་ཆེན་ནོ། །མ་བགྲོད་ས་ལ་དགོད་པ་ཡིན། །ལུང་ཉིད་ཉོན་ལ་གདུག་པ་ཞི་བར་གྱིས། །སྣང་བ་གསལ་བ་གླུད་དུ་བསྔོ། །དང་པོ་སེམས་ཀྱི་གླུད་དེ་བཞེས། །ཁ་དོག་ཕུང་པོ་ཁམས་ཀྱི་གླུད། །དུ་བ་དབུགས་ཀྱི་གླུད་ལ་གསལ་བ་ཡུལ་གྱི་གླུད། །བདུད་དང་བཙན་དང་རྒྱལ་པོ་དང་། །མ་བདུད་མ་ཡམས་དང་། །ཐེའུ་རང་ཇ་ལ་དང་། །ས་བདག་ཀླུ་ཚོགས་གཉན་པོ་ཀུན། །སྣང་གསལ་གླུད་འདི་བཞེས་ལ་ཞེ་སྡང་ཁྲོལ་བར་གྱིས། །དེ་ལྟར་བསྒོ་ཚིགས་བཏབ། ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། སྣང་གསལ་གྱི་ལེའུ་དགུ་པའོ།། །།དེ་ནས་བཅོམ་ལྡན་འདས་ཀྱི་སྤྱན་སྔར། དྲེགས་པ་འཁོར་དང་བཅས་པས་བསྐོར་ཞིང་ཕྱག་བཙལ་ནས། རང་རང་གི་གཏད་པ་དང་ཁྲམ་གྱི་ལས་འདི་དག་སྨྲས་སོ། །ཀྱེ་བཅོམ་ལྡན་འདས། བདག་ཅག་རྣམས་ཀྱིས་བསྟན་པ་བསྲུང་བའི་ལས་འདི་ལྟར་བགྱི་སྟེ། གཏད་པ་དག་ནི་འཆོར་མི་སྲིད། །གང་ལ་དམིགས་པ་རླག་པར་བགྱིའོ། །ཇི་ལྟར་བསྒོ་བ་བཞིན་དུ་བགྱིའོ། །ཞེས་སྨྲས་སོ། །དེ་ནས་བདུད་ཀྱི་སྤྱི་མེས་རཱ་ཛ་རྒྱལ་བས། རང་གི་གཏད་པའི་ལས་འདི་གསུངས་སོ། །བསྟན་པ་གཉན་པོ་བསྲུང་བ་ནི། །མོན་པ་ནག་པོའི་ཐོད་པ་རུ། །ཁྱི་ནག་ཁྲག་གིས་འཁོར་ལོ་རྩིབས་དྲུག་བྲི། །དབུས་སུ་དམིགས་བྱའི་ཡན་ལག་རྫོགས་པར་བྲི། །མཐའ་མའི་འཁོར་ལོ་དྲུག་པོ་ལ། །
གཡོན་གྱི་ཕྱོགས་ནས་བདུད་ཀྱི་སྔགས་ཀྱིས་བསྐོར། །གཟས་པ་དུ་ཡོད་མིང་རུས་ཚང་བ་སྟེ། །དཔྲལ་བར་རུས་ལ་སྙིང་གར་མིང་། །མ་བཏང་སོད་ནི་མཐའ་མ་བསྐོར། །མ་ཉེས་པ་ཡི་དཔང་ཡང་གཟུག །ཐོད་པའི་ཁ་ནི་དར་གྱིས་དགབ། །ཨོཾ་ནཾ་པ་ར་ཏི་སད་ཏྲི་ཡ། ཏྲི་ཁྲཾ་སྟཾ་ཞེས་པ་བྲིས་ལ། དུར་ཆེན་པོའམ། རིའི་སྤྱི་ལ་མནན་ལ། སྟེང་ནས་འདག་པས་འཐས་པར་བྱ། དེས་དམིགས་བྱ་རླག་པར་འགྱུར། །དེ་ནས་བདུད་མགོ་གཡག་གིས་གཏད་པའི་ལས་འདི་དག་སྨྲས་སོ། །ཁྱི་ནག་གསེར་མིག་ཐོད་པ་རུ། །དེ་རུ་དམིགས་པའི་མིང་དང་རུས། །དུར་ཁྲོད་རས་མ་དག་ལ་ནི། །དམིགས་པའི་གཟུགས་བྲིས་མིང་དང་རུས། །མཐའ་མ་བདུད་སྔགས་འདི་ཡིས་བསྐོར། །བདུད་ཡཾ་པ་ནིར་སད་པྲཾ་ཡེར་ཁྲཾ་ཏྲི། དེ་ནི་ཁྱི་ཡི་ཐོད་པའི་ནང་དུ་གཞུག །མ་ཉེས་པ་དང་འདིས་ཉེས་བྱ། །བདུད་ཀྱི་བྱ་ར་ས་རུ་མནན། །དེས་ནི་སྐྱུགས་པའི་ནད་ཀྱིས་འཆི། །དེ་ནས་བདུད་ནག་པོ་བཀྲག་མེད་ཀྱིས་རང་གི་གཏད་པའི་ལས་འདི་དག་སྨྲས་སོ། །གྲོ་ག་རས་སམ་ཤོག་བུ་ལ། །དམིགས་པ་དུ་ཡོད་གཟུགས་བྲིས་ལ། །སྙིང་གར་མིང་དང་དཔྲལ་བར་རུས། །འདི་ཡིས་ཉེས་ཀྱིས་འདི་མ་བཏང་ཞིག་བྱ། །མཐའ་མ་དམེ་ཁྲག་རྣམ་གསུམ་གྱིས། །བདུད་སྔགས་བྲིས་ལ་མཐའ་མ་བསྐོར། །ནག་པོ་དུ་ན་ཙེ་ཡཾ་སཾ་ཁྲཾ་ཡཾ། དེ་ལྟར་བྲིས་ལ་གླང་ནག་པོའི་རྭ་ཡི་ནང་དུ་བཅུག་ལ། དུར་རམ་ཡ་ཁ་ཅན་དུ་སྦས་ན། དམིགས་པ་གླང་ཐབས་ནད་ཀྱིས་འཆི། དེ་ནས་བདུད་མོ་ལེ་གེ་ཤག་གིས་རང་གི་གཏད་པའི་ལས་འདི་དག་སྨྲས་སོ། །གྲོ་ག་ཤོག་བུ་དག་ལ་ནི། །དེ་ལ་དམིགས་པའི་གཟུགས་བྲིས་ལ། །མིང་དང་རུས་ནི་བཅས་པ་ལ། །མཐའ་མ་བདུད་ཀྱི་སྔགས་རྣམས་བསྐོར། །བཛྲ་ཏད་ས་སེ་ཡ་མ་ཏ་ཁྲཾ་ཏི། སྤྱང་ཀི་སྔོན་པོའི་ཐོད་པ་རུ། །རི་གསུམ་རྩེ་འམ་ལུང་གསུམ་མདོ། །དེ་རུ་མནན་ན་དམིགས་པ་གྲི་རྣམས་གསུམ་གྱིས་འཆི། །བདུད་རོལ་པོ་བཅུ་གཉིས་ཀྱིས་རང་གི་གཏད་པའི་ལས་
འདི་དག་སྨྲས་སོ། །རྟ་ཡི་རྒྱུ་ཤུན་དག་ལ་དམིགས་པའི་གཟུགས་ནི་བྲིས་ནས་སུ། །མིང་རུས་བདུད་སྔགས་སྤེལ་བྲིས་ནས། །འཕར་བ་དམར་པོའི་ཐོད་པར་གཞུག །དེ་ནས་དུར་གྱི་འགབ་ཏུ་སྦ། །ཏཾ་ཏཾ་ལཾ་ལཾ་ཡཀྵ་ཏྲག །ཡཀྵ་རྦད་ན་ཧཱུཾ། དེ་ལྟར་བྱས་ལ་མ་ཉེས་པའི་དཔང་གཟུག །དེ་ནས་བདུད་རྗེ་མང་ཁུག་གིས། །བཅོམ་ལྡན་འདས་ཀྱི་སྤྱན་སྔར་རང་གི་ལས་འདི་སྨྲས་ཏེ། རབས་ཆད་ནག་པོའི་ཐོད་པ་རུ། །གྲོ་ག་ཤོག་བུ་དག་ལ་ནི། །དམིགས་པ་དུ་ཡོད་གཟུགས་བྲིས་ལ། །མིང་རུས་ཚང་བར་བྱས་ནས་སུ། །ཐ་མ་བདུད་ཀྱི་སྔགས་ཀྱིས་བསྐོར། །ཨོཾ་ཏ་རུ་རག་ཏུ་རྦད་ལ་ཡག་ཏེ་ཁྲཾ་ཏཾ། ཐོད་པ་དེ་ཡི་ནང་བཅུག་ལ། །ཁ་ནི་དུར་ཁྲོད་གཡམ་པས་བཅད། །དུར་ཁྲོད་སྦས་ནས་མ་ཉེས་དཔང་། །དེ་ཡིས་དམིགས་པ་སྨྱོ་འབོག་དག་གིས་འཆི་བར་འགྱུར། །དེ་ནས་ཡང་བཅོམ་ལྡན་འདས་ཀྱི་སྤྱན་སྔར། བདུད་སྟག་བཞི་མཆེད་བཞིས་འདི་དག་སྨྲས་སོ། །བདུད་བྱ་ནག་པོའི་ཐོད་པ་རུ། །དེ་ཡི་ནང་དུ་དམིགས་པའི་གཟུགས། །ཐ་མ་བདུད་ཀྱི་སྔགས་ཀྱིས་བསྐོར། །ཁ་ནི་མཐིང་ནག་དར་གྱིས་བཅད། །རྨུ་ཏྲི་ཧྲིམ་ཡཾ་སྟྭཾ་པ་ནི་ཁྲམ། བདུད་བྲག་ནག་པོའི་རྩ་རུ་སྦ། །དེས་ནི་ལས་རྣམས་འགྲུབ་པར་འགྱུར། །དེ་ནས་ཡང་བཅོམ་ལྡན་འདས་ཀྱི་སྤྱན་སྔར། ཡ་བདུད་བཅུ་གསུམ་གྱིས་རང་རང་གི་གཏད་པའི་ལས་འདི་དག་སྨྲས་སོ། །དུར་ཁྲོད་རས་མ་དག་ལ་ནི། །མི་རྟ་ཁྱི་དང་གསུམ་གྱི་ཁྲག་གིས་ནི། །འཁོར་ལོ་རྩིབས་ནི་བཅུ་གཉིས་ཀྱི། །དབུས་སུ་དམིགས་པ་དུ་ཡོད་གཟུགས་དང་བདུད་ཀྱི་གཙོ་བོའི་སྔགས། །མིང་དང་རུས་སུ་ལྡན་པར་བྱ། །འཁོར་ལོའི་རྩིབས་ལ་བྲི་བའི་སྔགས། །ཨོཾ་ཏི་ལི་རྦད་ཡ། ཏེ་པི་པི་སུ་རུ་པི་པི་དེ། མུ་དུ་ཤ་ནི། མུང་ཧ་བ་ནི། རྦད་ཙི་པི་དང་། མུ་དྷཾ་བི་བར། རུ་ཡ་ཏ་ཀྲཾ་ཡ། དུང་ཀྲཾ་ཡ། མུ་དྷི་པ་ཡ། སྤྲེ་ཏ་ཁྲཾ་ཡ། དེ་ལྟར་འཁོར་ལོ་དག་ལ་གཡོན་བསྐོར་བྲི། །རབས་ཆད་ནག་པོའི་ཐོད་པར་གཞུག །ཁ་ནི་ཡུགས་སའི་སྐྲ་ཡིས་བཅད། །དུར་རམ་དུར་ཁྲོད་ཆེན་པོར་སྦ། །མ་ཉེས་པ་ཡི་དཔང་གཟུག་གོ། །དེས་
ནི་དམིགས་པ་གཏན་ནས་ལེན། །དེ་ནས་ཡང་བཅོམ་ལྡན་འདས་ཀྱི་སྤྱན་སྔར། བདུད་སིལ་མ་སྟོང་གིས་རང་རང་གི་གཏད་པའི་ལས་འདི་དག་སྨྲས་སོ། །གྲོ་གའམ་ཤོག་བུ་དག་ལ་ནི། །འཁོར་ལོ་རྩིབས་ནི་བརྒྱད་པ་ལ། །དབུས་སུ་དམིགས་པའི་གཟུགས་ནི་ཡན་ལག་རྫོགས་པར་བྱ། །མིང་རུས་དག་དང་ལྡན་པར་བྱ། །མཐའ་མ་བདུད་ཀྱི་སྔགས་ཀྱིས་བསྐོར། །ཨོཾ་ཡགྴ་གྲི་པ་རཾ་པ་རི་མ་དུ་ཏྲཾ་སེར་ཡཾ་ཡཾ་ཀྱང་ཁྲཾ་ཏེ་བང་པ་ཏེ་ཡང་མང་། སང་ནི་སུཾ་རྡི་མ་ཁྲོ་འདུས་ཁྲམ་ཏྲི། འཁོར་ལོ་དྲིལ་ལ་ཕག་པའི་ཐོད་པར་གཞུག །དུར་དུ་སྦས་ལ་འདག་པས་འཐས་པར་བརྫི། །མ་ཉེས་པ་དང་འདིས་ཉེས་བྱས། །དེས་ནི་བདུན་རྒྱུད་རླག་པར་འགྱུར། །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། བདུད་ལ་གཏད་པའི་ལེའུ་བཅུ་པའོ།། །།དེ་ནས་ཡང་བཅོམ་ལྡན་འདས་ཀྱི་སྤྱན་སྔར། སྤྱི་བཙན་ཆེན་པོས་རང་གི་གཏད་པའི་ལས་འདི་དག་སྨྲས་སོ། །གྲོ་ག་དག་ལ་གཟུགས་བྲིས་ཏེ། །འཁོར་ལོ་རྩིབས་ནི་བརྒྱད་པ་ལ། །དབུས་སུ་དམིགས་པ་དུ་ཡོད་པའི་མིང་རུས་བཅས། །འཁོར་ལོ་བརྒྱད་པར་བཙན་གྱི་སྔགས། །ཙ་ཙ་ར་ཏེ་ཐུམ། ཤུ་ལ་ཐེན་པོ་རི་ཤ་ཀ་ཡ་བ་ཏེ་ཁྲཾ་བྲི་ཡ་དུ་ཡ་ཁྲཾ། གླང་དམར་དག་གི་རྭ་རུ་གཞུག །ཁ་རུ་འཛམ་བུ་གླིང་བཞིའི་གཟུགས་ཀྱིས་མནན། །འཐས་པར་བརྫིས་ལ་བྲག་དམར་པོའི་ཐེམ་པ་ལ་མནན་ནོ། །དེས་ནི་གཟེར་ནད་དག་གིས་འཆི་བར་འགྱུར། །དེ་ནས་ཡང་བཅོམ་ལྡན་འདས་ཀྱི་སྤྱན་སྔར། འབྱུང་པོ་བཙན་གྱིས་རང་རང་གི་གཏད་པའི་ལས་འདི་དག་སྨྲས་སོ། །ཤོག་བུ་གཙང་མ་དག་ལ་ནི། །འཁོར་ལོ་རྩིབས་ནི་ལྔ་པ་བྲིས། །དབུས་སུ་དམིགས་པའི་མིང་དང་རུས། །མཐའ་མ་བཙན་གྱི་སྔགས་ནི་འཁོར་ལོ་ལ། །རཱ་ཛ་ཤོ་ལ་ཁྲཾ། མུ་ཏྲི་ཁྲཾ་གཟེར། རྦད་དུ་ན་སི་རི་ཁྲཾ། པྲི་དུ་ཁྲམ་ཡཾ་ན་རྦད། དེ་ལྟར་བྲིས་ལ་འཁོར་ལོ་གྲིལ། །འཕར་བ་དམར་པོའི་ཐོད་པ་རུ། །འབྱུང་བ་བྲག་གི་ཐེམ་ལ་མནན། །དེས་ནི་བརྒྱལ་ཐབས་དག་གིས་འཆི། །དེ་ནས་བྲག་བཙན་
དམར་པོས་རང་རང་གི་གཏད་པའི་ལས་འདི་དག་སྨྲས་སོ། །སྡང་བྱ་འུག་པའི་ཐོད་པ་རུ། །དམིགས་པ་ཀུན་གྱི་མིང་དང་རུས། །བྲག་བཙན་སྔགས་ཀྱིས་བསྐོར་ལ་བཞག །ཙ་ཙ་བཾ་རིས་ད་དེ་ལཾ་བ་བ་དེང་ལ་ཁྲམ་གཟེར་རྒྱུག །བྲང་སྐོར་ཆོད་ཆུམ་དྲིལ་རྨུགས་སྟོབས་ཡང་ཁྲཾ་ཏི། དེ་ལྟར་བྲིས་ལ་འཁོར་ལོ་གྲིལ། །ཐོད་པ་དེ་ཡི་ནང་དུ་གཞུག །དམར་པོ་དར་གྱིས་ཁ་བཀབ་པ། །བྲག་དམར་དེ་ཡི་ཐེམ་ལ་གནན། །དེས་ནི་སྐེམས་ཤིང་རིད་ནས་འཆི། །དེ་ནས་སྐྱེས་བུ་ལུང་བཙན་གྱིས་རང་གི་གཏད་པའི་ལས་འདི་དག་སྨྲས་སོ། །དམིགས་པ་དུ་ཡོད་མིང་དང་གཟུགས། །གྲོ་ག་དག་ལ་བྲིས་བྱས་ལ། །རྭ་ཡི་ཐོད་པར་དྲིལ་ལ་ཁ་ཡང་བཙེམ། །དེ་ནི་དར་གྱིས་གྲིལ་ནས་སུ། །མིང་བྱང་མཐའ་མར་བཙན་གྱི་སྔགས། །ཨོཾ་ཐེན་འུ་ཀེ་རུ་ཏྲཾ་ཡེར་ག་ཏི་རྦད། དེ་ལྟར་བྱས་ལ་ལུང་གསུམ་མདོ་རུ་མནན་བྱས་ལ། །དེས་ནི་དམིགས་པ་མྱལ་ཐག་གཅོད། །དེ་ནས་ཡང་བཙན་སིལ་མ་སྟོང་སྡེས་རང་རང་གི་གཏད་པའི་ལས་འདི་དག་སྨྲས་སོ། །རས་དཀར་དག་ལ་འཁོར་ལོ་སྟེ། །རྩིབས་ནི་བརྒྱད་པར་བྲིས་བྱས་ལ། །དེ་ལ་བཙན་གྱི་སྔགས་ཀྱིས་བསྐོར། །དབུས་སུ་དམིགས་པའི་མིང་རུས་བཅས། །འཁོར་ལོ་ར་ཡི་ཐོད་པར་གཞུག །ཨོ་ཏ་ཙེ་གུར་བི་ལང་ལིང་མུ་ཁྲཾ། ཡེར་ཞུང་ཙ་ཙ་ཏ་ལེ་པད་ཡ་ཁྲཾ་ཏི། ཞེས་བྱ་བ་བྲིས་ལ་ཁ་དར་དམར་པོས་བཅད་ལ། གོང་གསུམ་དུ་སྦས་ན་དམིགས་བྱ་འཆོར་མི་སྲིད་དོ། །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས་བཙན་ལ་གཏད་པའི་ལེའུ་བཅུ་གཅིག་པའོ།། །།དེ་ནས་བཅོམ་ལྡན་འདས་ཀྱི་སྤྱན་སྔར། རྒྱལ་པོ་ཆེན་པོ་སྲོག་བདག་མཆེད་བཞིས་རང་རང་གི་གཏད་པའི་ལས་འདི་དག་སྨྲས་སོ། །རས་དཀར་དག་ལ་འཁོར་ལོ་རྩིབས་བཞི་བྲི། །དབུས་སུ་དམིགས་པའི་ཡན་ལག་རྫོགས་བྲིས་ལ། །མིང་རུས་དེ་རུ་བྲི་བར་བྱ། །མཐའ་མར། འདིས་སངས་རྒྱས་ཀྱི་བསྟན་པ་བཤིགས་པས་འདི་ཁྱེད་ལ་གཏད་དོ། །བཞེས་ཤིག་ཅེས་བྱའོ། །འཁོར་ལོའི་རྩིབས་ལ་བྲི་བའི་སྔགས། །ཨོཾ་རཱ་ཙ་ཨ་ཏི་རྦད་ཤད། ཏི་མུཾ་
ཡེར་བ་ཨ་ཏི་པ་ཡ། ཨ་ཛ་ཁྲཾ་ཏི་ཡ། མ་ཏ་ཏཾ་ཏི་ཡ་རྦད། ཨོཾ་བི་བུ་ལ་གང་ལོ་སད་ཨིནྟྲ་ཡ་ཞུང་། ཞེས་པ་བྲིས་ལ་རྟ་དཀར་པོའི་ཐོད་པར་གཞུག །དཔྲལ་བར་མཁར་ཚུལ་དཔྲལ་རིས་མཛོད། །མིག་གཉིས་སྣ་གཉིས་ཁ་དང་ཨག་ཙེ་གཉིས་ཏེ་བརྒྱད། དཔྲལ་བར་ཕུག་པ་དང་། དགུ་རུ་ཚང་བཤོས་དགུ་གཞུག །དེ་ནས་སྐོར་ཁང་ངམ་མཆོད་རྟེན་འོག་ཏུ་སྦས་ན། དམིགས་པ་གཏན་ལ་ཕེབས་པར་ཐེ་ཚོམ་མེད། དེ་ནས་ཡང་རྒྱལ་པོ་ཆེན་པོ་བཞིས་གཏད་པའི་ལས་འདི་དག་སྨྲས་སོ། །སྟག་གཟིག་གི་ཐོད་པར་མིང་དང་རུས་བཅུག་ལ། རྒྱལ་པོའི་སྔགས་ཀྱིས་བསྐོར། ཨོཾ་བེ་པ་ཏ་ཀ་རུ་བ་ཏྲི་ཁྲཾ། ཨོཾ་བི་རུ་བཾ་རཾ་སད་ཁྲཾ། ཨོཾ་བེ་རུ་ཡི་པ་ན་ཁྲཾ། ཨོཾ་བེ་ཏ་གཾ་ཏཾ་ཁྲཾ་ཏི། ཞེས་བྱ་བའི་སྔགས་ཀྱིས་བསྐོར་ལ། སྐོར་ཁང་དག་ཏུ་གནན་པར་བྱའོ། །དེས་ནི་དམིགས་པ་འཆོར་མི་སྲིད། དེ་ནས་རྒྱལ་པོ་སིལ་མ་སྟོང་གིས་རང་རང་གི་ལས་འདི་དག་སྨྲས་སོ། །ལྐུགས་པ་ལུག་གི་ཐོད་པ་རུ། །དེ་རུ་མིང་དང་རུས་བཅུག་ལ། །རྒྱལ་པོ་དག་གི་སྔགས་ཀྱིས་བསྐོར། །ཨ་ཏིང་སད་ཁང་བ་རུ་ན་བྲི་ཤུ་ཤག་ཁྲཾ་སྟ་ཡོ་ག་དབ་པ་ནི་སིང་། དེ་ཡིས་བསྐོར་ལ་ཁ་བཅད། མཆོད་རྟེན་འོག་ཏུ་མནན། དེས་ནི་ལས་རྣམས་འགྲུབ་པར་བཤད། །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། རྒྱལ་པོ་ལ་གཏད་པའི་ལེའུ་བཅུ་གཉིས་པའོ།། །།དེ་ནས་ཡང་བཅོམ་ལྡན་འདས་ཀྱི་སྤྱན་སྔར། མ་བདུད་བཅུ་གསུམ་གྱིས་རང་རང་གི་གཏད་པའི་ལས་འདི་དག་སྨྲས་སོ། །དུར་ཁྲོད་རས་མ་དག་ལ་ནི། །འཁོར་ལོ་རྩིབས་ནི་བཅུ་གསུམ་སྟེ། །དབུས་སུ་གྲུ་གསུམ་དམིགས་པ་དུ་ཡོད་གཟུགས། །ཡན་ལག་ཉིང་ལག་རྫོགས་པར་བྲི། །འཁོར་ལོ་རྣམས་ལ་བདུད་མོའི་སྔགས། །གཡོན་བསྐོར་དུ་ནི་ཁྲག་གིས་བྲི། །རུ་རུ་རཀྴ་ཙ་ལ་ཁྲཾ་ཡ་མ་ཏྲཾ་པ་ལི། བྲ་ཏོག་ཁ་ལ་ཧུར་ཡ། མ་མ་རཀྴ་རུ་ལུ། ས་མ་ཡ་ཐིབས། ཐུཾ་ཐུཾ་རྩལ་དྲེང་དྲེང་ཡ་ཏྲི་སད་མུ་ཏིང་ཡ། བྷྱོ་རག་མོ་ཙ་ལ་འདུས། ཏིག་སྣ་ཁ་ལི་མ་དུང་
ཅོན་ཡང་། ཁྲཾ་ཏི་ཛ་ཧུར་སྙིང་ལ་ལཾ། ས་མ་ཡ་ཐིབས། ས་མ་ཡ་རུ་བ་ཞུང་ཐུན་ཡ། བྲི་མ་ཤག་ལཾ་སད་སྲོག་ལ་ནི་མྱུར་ཡ། དེ་ལྟར་འཁོར་ལོ་དྲིལ་ལ་རབས་ཆད་ནག་པོའི་ཐོད་པར་གཞུག །དེ་ནས་དུར་ཁྲོད་དུ་སྦ། དེས་ན་རིམས་ནད་མང་པོས་འཆི། །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། བདུད་མོ་ལ་གཏད་པའི་ལེའུ་བཅུ་གསུམ་པའོ།། །།དེ་ནས་ཡང་བཅོམ་ལྡན་འདས་ཀྱི་སྤྱན་སྔར། གནོད་སྦྱིན་རྣམས་ཀྱིས་རང་རང་གི་གཏད་པའི་ལས་འདི་དག་སྨྲས་སོ། །རིགས་བྱེ་དམར་པོའི་ཐོད་པ་རུ། །དམིགས་པའི་མིང་དང་རུས་བཅས་ནས། །ཨོཾ་ཡགྴ་རུཾ་ཏིང་ཁྲམ་གཟེར་ཡ། ཁ་ཡང་དུག་གིས་གཅད་པར་བྱ། །ལུང་གསུམ་མདོ་རུ་མནན་སྔས་ན། །ཁྲག་སྐྱུགས་ནད་ཀྱིས་འཆི་བར་འགྱུར། །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། གནོད་སྦྱིན་ལ་གཏད་པའི་ལེའུ་བཅུ་བཞི་པའོ།། །།དེ་ནས་ཡང་བཅོམ་ལྡན་འདས་ཀྱི་སྤྱན་སྔར། ཐེའུ་རང་སྟོང་རྩ་གཅིག་གིས་རང་རང་གི་གཏད་པའི་ལས་འདི་དག་སྨྲས་སོ། །བོང་བུ་རྣ་རིང་ཐོད་པ་རུ། །གྲོ་ག་ཤོག་བུ་དག་ལ་ནི། །དམིགས་པའི་མིང་དང་གཟུགས་རུས་གཞུག །ཐེ་འབང་སྟོང་གི་སྔགས་ཀྱིས་མཐའ་ཡང་བསྐོར། །ཨོཾ་ལེཾ་ལེཾ་གཾ་གཾ་ཏྲི་ནི་ཨིནྡྲ་གཾ་བ་རོང་ཏེ་ས་མ་ཡ་རྦད་གཏུབས་སོད་ཡ། པྲ་ཀུ་རུ་སོད། དེ་ཡིས་བསྐོར་ལ་ཐད་པའི་ནང་དུ་གཞུག །ཐོད་པ་ཤིང་རྐང་གཅིག་གམ་ཡལ་ག་ཅན་དུ་སྦ། །དེས་ནི་བརྡབ་སྣོལ་བཟུང་གདུག་དག་དང་ནི། །སྨྱོ་འབོག་ནད་ཀྱིས་འཆི་བར་འགྱུར། །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། ཐེའུ་རང་ལ་གཏད་པའི་ལེའུ་བཅོ་ལྔ་པའོ།། །།དེ་ནས་ཡང་ཇ་ལ་མ་རྣམས་ཀྱིས་གཏད་པའི་ལས་འདི་དག་སྨྲས་སོ། །སྣེལ་དྲི་མོ་ཡི་ཐོད་པ་རུ། །འཁོར་ལོ་རྩིབས་ནི་སུམ་ཅུ་གཉིས། །འཁོར་ལོའི་རྩིབས་ལ་བྲི་བའི་སྔགས། །རམ་པ་ནི་གུར་ན་སད་ཏི་གཾ་དུཾ་ལཾ་ཤད་སེར། སད་ཁྲམ་ཡུ་ཏོ་མུ་མ་ལམ་པ་ནི། །ཞེས་པ་དེ་དག་བྲིས་ནས་སུ། །དབུས་སུ་དམིགས་པའི་མིང་རུས་བཅས་པར་བྱ། །ལུང་གསུམ་མདོ་
འམ་རྒྱ་གྲམ་ལམ། །མནན་པས་ལས་རྣམས་འགྲུབ་པར་འགྱུར། །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། ཇ་ལ་མ་ལ་གཏད་པའི་ལེའུ་བཅུ་དྲུག་པའོ།། །།དེ་ནས་ཡང་བཅོམ་ལྡན་འདས་ཀྱི་སྤྱན་སྔར། ས་བདག་འཁོར་དང་བཅས་པས། རང་རང་གི་གཏད་པའི་ལས་འདི་དག་སྨྲས་སོ། །ར་རོག་པོའི་ཐོད་པའམ་གླང་རུའི་ནང་དུ། དམིགས་པ་དུ་ཡོད་པའི་མིང་བྱང་བཅུག་ནས་སུ། མིང་རུས་མཐའ་མ་ས་བདག་སྔགས། ཐེ་སེ་ལཾ་བ་གུཾ་ན་ཡཾ། མ་ལི་ཏ་བ་ལ་ཏཾ་པ་ན། དེ་ནས་རྭ་དེ་སྦ་བ་ནི། ས་བདག་གནས་པའི་གནས་གཡས་སུ་སྦ། དེས་ནི་ཞ་གྲུམ་སྐམ་པས་འཆི་བར་འགྱུར། ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། ས་བདག་ལ་གཏད་པའི་ལེའུ་བཅུ་བདུན་པའོ།། །།དེ་ནས་ཡང་ཀླུ་རྣམས་ཀྱིས་རང་རང་གི་གཏད་པའི་ལས་འདི་དག་སྨྲས་སོ། །རས་དཀར་གཙང་མ་དག་ལ་ནི། །འཁོར་ལོ་རྩིབས་བརྒྱད་བྲིས་ནས་སུ། །དབུས་སུ་དམིགས་པའི་ཡན་ལག་ཉིང་ལག་རྫོགས་པར་བྲི། །འཁོར་ལོ་རྣམས་ལ་ཀླུ་ཡི་སྔགས། །ནཱ་ག་ལེ་དུམ་པ་ལེ། སུམ་པ་ལེ་ཧུ་ཡ་ཁྲཾ་ཏི་ཡ། དུང་ཡ་དུང་དུང་ཡ། པྲ་ཏད་ཀར་ནེ་ཡེ། ཕྱི་ཕུ་ལུ་ས་མ་ཏི་མ་ཏི་ནཱ་ག་ར་ཙ་ཀྱི་ལོང་ཡཱ། དེ་ནི་འཁོར་ལོ་དག་ལ་གཡོན་བསྐོར་བྲི། །འདིས་ཉེས་འདི་ལ་བཀའ་ཆད་ཕོབ། །ཀླུ་རྣམས་ཀྱི་སྐུ་ལ་འདི་ཡིས་བསྡོས་པ་ཡིན་པས། འདི་ཁྱེད་ལ་གཏང་ངོ་བྱའོ། །ཆུ་མིག་མགོ་ཟླུམ་འོག་ཏུ་མནན། །དེས་ནི་མཛེ་དང་ཕོལ་མིག་དང་། །ནད་སྣ་མང་པོས་དམིགས་བྱ་འཆོར་མི་སྲིད། །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། ཀླུ་ལ་གཏད་པའི་ལེའུ་བཅོ་བརྒྱད་པའོ།། །།དེ་ནས་ཀླུ་བཙན་མཆེད་གསུམ་གྱིས། རང་རང་གི་གཏད་པའི་ལས་འདི་དག་སྨྲས་སོ། །མིང་བྱང་གཞུག་པ་གོང་བཞིན་ཏེ། །གླང་རུའི་ནང་དུ་བསག །ཀླུ་བཙན་སྔགས་ནི་འདི་ཡིན་ཏེ། །ཙ་ཙ་ར་ཙ་ནཱ་ག་དུམ་པ་ལེ་ཡ་ཁྲཾ་ཏི་ཡ། དེ་ནི་ཀླུ་ཡི་མིག་ཏུ་མནན། །དེས་ནི་ལས་རྣམས་འགྲུབ་པར་
འགྱུར། །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། ཀླུ་བཙན་ལ་གཏད་པའི་ལེའུ་བཅུ་དགུ་པའོ།། །།དེ་ནས་བཅོམ་ལྡན་འདས་ཀྱི་སྤྱན་སྔར། ཐེའུ་རང་སྟོང་རྩ་གཅིག་གིས་བསྐོར་ཞིང་ཕྱག་བཙལ་ནས་རང་རང་གི་ལས་འདི་དག་ཚིགས་སུ་བཅད་པ་སྨྲས་སོ། །བདག་ཅག་རྣམས་ནི་འཆོས་པ་ན། །གཙང་མའི་གནས་ནི་བཙལ་ནས་སུ། །གཙང་མའི་རིས་ཀྱི་གཞི་བཏིང་ལ། །འབྲུ་སྣ་རིན་ཆེན་རྫས་རྣམས་བསག །གསང་བདག་ཏིང་འཛིན་ལྡན་པ་དེས། །འབྲུ་སྣ་བཅུ་གསུམ་ངར་ཕྱེ་ལ། །རིན་ཆེན་ཕྱེ་མར་བྱིན་གྱིས་བརླབ། །རི་རབ་ལྡེམ་པ་བརྩིགས་ནས་སུ། །ཁ་དོག་འགྲམ་བག་རིགས་དང་བསྟུན། །རྨྱུག་མ་གཙང་མ་ནམ་མཁའ་ཚོན་རྫོགས་གུར། །རི་རབ་དེ་ལ་གཟུག་པར་བྱ། །རྒྱལ་མཚན་འཕན་གདུགས་གཟུག་པར་བྱ། །ནམ་མཁའ་ཚོན་རྫོགས་སྟོང་རྩ་གཅིག །མདའ་བཀྲ་དེ་བཞིན་སྟོང་རྩ་གཅིག །གོང་ཐུམ་སྟོང་རྩ་གཅིག །ངར་བུ་སྟོང་རྩ་གཅིག །བྱ་སྟོང་རྩ་གཅིག །འབྲང་རྒྱས་སྟོང་རྩ་གཅིག །ཆང་བཤོས་སྟོང་རྩ་གཅིག །གསོབ་སྟོང་རྩ་གཅིག །ཤར་དུ་བཤོས་བུ་སྟོང་རྩ་གཅིག་ལ། མདའ་བཀྲ་སྟོང་རྩ་གཅིག་དགོད། ལྷོ་རུ་ངར་བུ་སྟོང་ལ། ནམ་མཁའ་སྟོང་རྩ་གཅིག །བྱ་སྟོང་རྩ་གཅིག་ལ། ཕོད་སྟོང་རྩ་གཅིག །ཆང་བཤོས་སྟོང་རྩ་གཅིག་ལ། གོང་ཐུམ་སྟོང་རྩ་གཅིག་གཟུག །གླང་དང་སྟག་དང་སེང་གེ་ལ་སོགས་པའི་གཟུགས་ཤར་དུ་བསག །ལུག་དང་བྱ་ནི་ནུབ་ཏུ་བསག །ར་དང་སྤྱང་འཕར་རི་དྭགས་བྱང་དུ་བསག །དོམ་དྲེད་སྤྱང་ཀི་རྔ་མོ་བོང་བུ་དང་། །མཛོ་རྟོལ་དྭེའུའི་གཟུགས་ནི་མཐའ་མ་བསྐོར། །ཤར་དུ་རྟ་ཐོད་སྟོང་རྩ་གཅིག །ལྷོ་རུ་སྟག་གཟིག་གི་ཐོད་པ་སྟོང་རྩ་གཅིག །ནུབ་ཏུ་མཛོ་རྟོལ་ཐོད་པ་སྟོང་རྩ་གཅིག །བྱང་དུ་བོང་བུ་དྲེའུ་དང་ཤ་ཟན་གྱི་ཐོད་པ་སྟོང་རྩ་གཅིག །ཕུད་དང་རིན་ཆེན་དར་གྱི་ཡོལ། །ལྕགས་སུ་ལྕགས་ཟངས་གསེར་དངུལ་ཕྱེ། །དུང་དང་བསེ་དང་སྤོས་ཆང་དང་། །སྤྱན་གཟིགས་དཀོར་ཆ་དེ་བཞིན་བསོགས། །
ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། ཐེའུ་རང་སྟོང་རྩ་གཅིག་གི་བསོགས་པའི་ལེའུ་ཉི་ཤུ་པའོ།། །།ཧཱུཾ། བདག་ཅག་རྣམས་ནི་ཐེའུ་རང་སྟོང་རྩ་གཅིག་སྟེ། །ལ་ལ་དེ་བ་ལྷ་ཡི་རིགས་ཏེ་སྲིད་པའི་ནོར་འཛིན་བྱེད། །ལ་ལ་འཆི་བདག་བདུད་ཀྱི་བུ་སྟེ་བསད་བཅད་ལས་ལ་དགའ། །ལ་ལ་ང་རྒྱལ་བཙན་གྱི་བུ་སྟེ་ཤ་ལ་གཅོད་སྦྱོང་བྱེད། །ལ་ལ་སྲིད་པ་རྒྱལ་ཆེན་རིགས་ཏེ་སྲོག་གི་གིང་པ་མཛད། །ལ་ལ་གནོད་སྦྱིན་སྡེ་ཡི་རིགས་ཏེ་ཤ་དང་ཁྲག་ལ་དགའ། །ལ་ལ་མ་མོ་བྱད་མའི་རིགས་ཏེ་སྟོང་གསུམ་རྒྱུག་འགྲོ་བྱེད། །ལ་ལ་ཀླུ་ཡི་རྒྱལ་པོའི་སྡེ་སྟེ་ཞེ་སྡང་གདུག་པ་ཆེ། །ལ་ལ་འཇིག་རྟེན་བྱད་མ་བྱེད་ཅིང་ལ་ལ་ཚེ་ལེན་དབུགས་ལེན་བྱེད། །སྟོང་གསུམ་རྒྱུག་འགྲོ་བྱེད་པ་སྟོང་གི་རྩ་གཅིག་སྟེ། །ཕ་ནི་འབྱུང་བ་ནམ་མཁའ་ནས། །འོད་ཀྱི་མིང་ལ་ཡ་མཚན་ཅན། །དཀར་པོ་མིག་གཅིག་ཡིན་པར་ངེས། །མ་ནི་འབྱུང་བ་ནམ་མཁའ་ནས། །སྲིད་པའི་བདག་མོ་ཡིན་པར་ངེས། །བུ་ནི་ཐེའུ་རང་སྟོང་དང་རྩ་གཅིག་ཡིན། །ཞེ་སྡང་སེམས་དང་གཏི་མུག་སེམས། །ང་རྒྱལ་སེམས་དང་འདོད་ཆགས་སེམས། །དེ་ལས་དྲེགས་པའི་ཐེའུ་རང་སྟོང་རྩ་གཅིག །ཕ་ནི་སྲིད་པ་དཀར་པོ་ཡིན། །མ་ནི་ས་ཡི་སྲིད་པའི་བདག །བུ་ནི་ཐེའུ་རང་སྟོང་རྩ་གཅིག །སྲིད་པ་ཀུན་གྱི་བུ་ཡིན་ཏེ། །སྲིད་པ་གསུམ་ལ་དབང་ཡང་བྱེད། །སྟོང་གསུམ་དྲེགས་པ་ཐམས་ཅད་ཀྱང་། །ལ་ལ་བདག་ཅག་རྣམས་ཀྱི་ཕ། །ལ་ལ་བདག་ཅག་རྣམས་ཀྱི་མ། །ལ་ལ་བདག་ཅག་རྣམས་ཀྱི་བུ། །ལ་ལ་བདག་ཅག་རྣམས་ཀྱི་སྡེ། །བདག་ཅག་རྣམས་ལ་མ་གཏོགས་གང་ཡང་མེད། །བདག་ཅག་རྣམས་ཀྱི་སྲིད་པའི་རྒྱུད་འགྲོ་བྱེད། །ཚེ་དང་སྲོག་ནི་བླང་བ་ལ། །ཐང་གཅིག་ཡུད་ལ་ཐེ་ཚོམ་མེད། །ལྟོས་པ་ཀུན་གྱི་ཚེ་ཡང་བསྲིང་། །བསྟན་པ་བཤིག་པ་རྣམས་ནི་བསྒྲལ་བར་བྱ། །ལ་ལ་བྱང་ཆུབ་སེམས་དཔའི་སྡེ། །ས་ལ་གནས་པའི་ཚུལ་ཁྲིམས་བསྲུང་ཞིང་དགེ་བ་བྱེད། །སེམས་ལ་ཞེ་སྡང་མི་
མངའ་སྟེ། །འཁོར་བ་སྲོག་གཅད་ཐེའུ་རང་གནས། །དེ་རིང་སྲིད་པའི་མདོས་ལ་སྤྱོན། །སྲིད་པའི་དཀར་པོ་སྤྱན་གཅིག་ཀྱང་། །འོད་ཀྱི་མི་དཀར་ལྡེམ་པ་ལ། །གཞའ་ཚོན་སྣ་ལྔའི་ན་བཟའ་གསོལ། །ཆིབས་སུ་ཟེར་གསུམ་དག་ལ་ཆིབས། །གཡས་ན་གསེར་གྱི་ཉི་མ་དགུ། །གཡོན་ན་ཤེལ་གྱི་ཟླ་བ་དགུ། །བར་ན་གཟའ་བརྒྱད་རྒྱུ་སྐར་ཉི་ཤུ་བརྒྱད། །འཇའ་ཡི་ཐོད་ལ་དུང་གི་རལ་པ་ཅན། །ཁྱོད་ནི་སྐྱེས་ཆེན་མི་བོ་ཆེ། །དེ་རིང་སྲིད་པའི་མདོས་ལ་སྤྱོན། །ལན་ཅིག་སྤྲུལ་ཅིང་འོང་བའི་ཚེ། །གཡུ་ཡི་མི་སྔོན་ལྡེམ་པ་གཅིག །ཆིབས་སུ་གཡུ་རྟ་བྱ་གདེངས་ཆིབས། །དབུ་ལ་འཇའ་ཡི་ཐོད་དུ་བཅིངས། །སྐུ་ལ་རྨ་བྱའི་ཐུལ་པ་གསོལ། །ཤེལ་གྱི་བུ་ཆུང་སྐུ་གཟུགས་འབར། །དབུ་ལ་འཇའ་ཐོད་མ་ལགས་ཏེ། །ནད་ཀྱི་དབུ་རྒྱན་ཅན། །རྨ་བྱའི་ཐུལ་པ་མ་ལགས་ཏེ། །དུག་གི་རི་མོ་ཅན། །བུ་ཆུང་མ་ལགས་ཏེ། །སྒྲོལ་གིང་ཆེན་པོར་འདུག །ཁྱོད་ནི་སྲིད་པ་ཀུན་གྱི་བདག་པོ་སྟེ། །ཐེའུ་རང་སྟོང་གི་སྤྲུལ་པ་འགྱེད། །དེ་རིང་སྲིད་པའི་མདོས་ལ་སྤྱོན། །ཐེའུ་རང་ནི་སྟོང་རྩ་གཅིག །བརྒྱ་ནི་བྱང་ཆུབ་སེམས་དཔའི་རིགས། །བརྒྱ་ནི་དེ་བ་ལྷ་ཡི་རིགས། །ཆིབས་སུ་ཤ་བ་ཡུ་མོ་ཆིབས། །ལུས་ནི་གསེར་མདོག་སེར་པོ་ལ། །གཡས་པ་བརྒྱ་ན་ལྕགས་ཀྱུ་འཛིན། །གཡོན་པ་བརྒྱ་ན་གའུ་བསྣམས། །སྲིད་པ་གསུམ་གྱི་ལོངས་སྤྱོད་རྐུ་ཞིང་བསོགས། །གསེར་མཁར་སེར་པོ་སྒོ་གཅིག་ནང་ན་གནས། །བསམ་པའི་ནོར་དགུ་དང་ནི་བྲབ་པའི་ལྕགས་དགུ་དང་། །ཡིད་བཞིན་ནོར་བུ་འཛིན་པར་བྱེད། །རིན་ཆེན་སྣ་ལྔ་དག་ལ་དབང་མཛད་ཅིང་། །ལྷ་ཡི་བུ་མོ་བརྒྱ་དང་རོལ། །ནོར་དང་ལོངས་སྤྱོད་བསམ་མི་ཁྱབ། །ལ་ལ་དག་ལ་ཕན་པར་བྱེད། །ལ་ལ་དག་ལ་གནོད་པར་བྱེད། །དེ་རིང་སྲིད་པའི་མདོས་ལ་སྤྱོན། །བརྒྱ་ནི་ཞེ་སྡང་བདུད་ཀྱི་བུ་ཡིན་ཏེ། །ཤ་དང་ཁྲག་ལ་ལོངས་སྤྱོད་ཅིང་། །སྟོང་གསུམ་རྒྱུག་འགྲོ་བྱེད་པའོ། །ལྕགས་ཀྱི་མི་ཆེན་ལྡེམ་པ་བརྒྱ། །མགོ་ལ་ས་ཏི་ཡུག་རེ་བཅིངས། །ལག་ན་
གདུག་པའི་མཚོན་ཆ་ཐོགས། །ལྕགས་མཁར་སྒོ་གཅིག་ནང་ན་གནས། །འཆི་བདག་བདུད་ཀྱི་ཕོ་ཉ་སྟེ། །བཅུ་ནི་ལྕགས་སྤྱང་སྔོན་པོ་ཞོན་ནས་རྒྱུག །གཡས་ན་ལྕགས་ཀྱི་ཁྲམ་བམ་བསྣམས། །གཡོན་ན་ཟངས་ཀྱི་སོག་ལེ་བསྣམས། །སྐྱེ་འགྲོ་ལིངས་སུ་འདེབས་ཤིང་ཤ་ཁྲག་རློན་པ་ཟ། །ཤ་ལ་འདྲེང་བརྒྱ་རྩེ་གཅིག་གཅོད་སྦྱོང་བྱེད། །ཁྲག་ལ་ཧུབས་ཀྱིས་འདེབས་ཤིང་སྤྱུགས་པའི་གད་མོ་བགད། །དེ་རིང་སྲིད་པའི་མདོས་ལ་སྤྱོན། །དྲུག་ཅུ་སྟག་དགུ་ར་ཁྲ་ཞོན་ཏེ་རྒྱུག །སྐྱེས་པ་རྣམས་ཀྱི་བླ་ཡང་ལེན། །ན་ཆུང་རྣམས་ཀྱི་སྲིད་ཀྱང་འཕྲོག །གཡས་པ་ལྕགས་ཀྱི་སྟྭ་རེ་ཐོགས། །གཡོན་པ་ལྕགས་ཀྱི་དྲ་བ་ཐོགས། །སྟོང་གསུམ་ཁྱབ་པར་བྱེད་པའོ། །དེ་རིང་སྲིད་པའི་མདོས་ལ་སྤྱོན། །བཅུ་ནི་དོམ་བུ་ནག་གུ་ཞོན་ནས་རྒྱུག །སྟོང་གསུམ་ཁྱབ་པར་ཉུལ་བྱེད་པ། །གཡས་པ་བརྒྱ་ནི་འུག་པ་ཁྲ་རུ་ཐོགས། །ལྟས་ངན་སྣ་ཚོགས་འབེབས་པར་བྱེད། །སྐྱེ་འགྲོ་མ་ལུས་གསོད་དོ་ཟེར། །དེ་རིང་སྲིད་པའི་མདོས་ལ་སྤྱོན། །བརྒྱ་ནི་བཙན་གྱི་བང་ཆེན་ནི། །ཟངས་མཁར་དམར་པོའི་ནང་ན་གནས། །ཟངས་མཁར་བསེ་ཡི་སྒོ་གཅིག་མ། །ང་རྒྱལ་བཙན་གྱི་བུ་སྟེ་སྲིད་གསུམ་རྒྱུག་འགྲོ་བྱེད། །སྤྱུགས་པའི་གླུ་རུ་དི་རི་རི། །བཙན་སྟན་སྟོང་གི་ཁ་ལོ་བྱེད། །དྲུག་ཅུ་རྩ་གཅིག་ཟངས་ཀྱི་འཕར་བ་དམར་པོ་རེ་རེ་ཞོན་ནས་རྒྱུག །ཤ་ཡི་བརྡལ་དུ་བྱེད་ཅིང་རྣག་ཁྲག་མཚོ་ལྟར་འཁྱིལ། །དེ་རིང་སྲིད་པའི་མདོས་ལ་སྤྱོན། །སུམ་ཅུ་ཟངས་ཀྱི་མི་རེང་ཁྲེས་ཁུར་ཅན། །ཟངས་ཀྱི་ཝ་བ་ཁུར་ཙམ་རེ། །ལག་ན་ཟངས་འཁར་དམར་པོ་ཐོགས། །ཁ་ནི་དཀར་གྱི་ཐོག་ཉབ་པོ། །སྐྱུར་གྱི་དྲུངས་འབྱིན་ནོ། །ཕྱུགས་ལ་ཤན་དམར་བྱེད། དེ་རིང་སྲིད་པའི་མདོས་ལ་སྤྱོན། །དགུ་ནི་ཟངས་ཀྱི་བྱ་དམར་དགུ་ལ་ཞོན། །མགོ་ལ་དར་དམར་ཐོད་དུ་བཅིངས། །ཟངས་ཞགས་དམར་པོ་མདའ་ལྟར་འཕེན། །དེ་རིང་སྲིད་པའི་མདོས་ལ་སྤྱོན། །སུམ་བརྒྱ་རྒྱལ་པོའི་བཀའ་ཉན་དེ། །དུང་གི་མི་ཆེན་རེ་རེས་རྟ་དཀར་ཕྲུམ་དམར་ཞོན་
ནས་རྒྱུག །ལ་ལ་བན་གླང་དཀར་པོ་ཞོན་ནས་རྒྱུག །ལ་ལ་ཁྱི་དཀར་ཞོན་ནས་སྲིད་པ་ཀུན་ལ་དབང་བྱེད་པ། །མི་དཀར་ལྡེམ་པ་གཅིག །ཕྱག་ན་ལྤགས་དཀར་རྒྱལ་མཚན་འཕྱར། །རལ་པའི་ལྤགས་དཀར་ལྡེ་ཚོན་གཡབ་པའི་ཚེ། །སྲིད་པའི་ཐེའུ་རང་སྟོང་སྡེ་འདར་ཞིང་རྒྱུག །དེ་རིང་སྲིད་པའི་མདོས་བཞེས་ཤིག །དུང་གི་མི་དཀར་ལྡེམ་པ་བརྒྱ། །ལུས་ལ་དར་དཀར་རལ་ག་གསོལ། །དབུ་ལ་ནོར་བུའི་རྒྱན་སྤྲས་པ། །ཕྱག་ན་ཤེལ་གྱི་མཁར་བ་བསྣམས། །སྲིད་པ་ཀུན་ལ་དབང་བྱེད་པ། །སྟོང་གསུམ་རྒྱུག་འགྲོ་བྱེད་ཅིང་རྒྱལ་པོའི་དམག་ཚོགས་གཡོབ། །བདུད་དང་མ་ཡམས་གཡོབ་ཅིང་རིམས་ནད་མང་པོ་གཏོང་། །ལྕགས་གྲི་ལག་ན་ཐོགས་ནས་རྒྱལ་པོའི་གིང་པ་མཛད། །མི་ལ་ནད་དུ་གཏོང་ཞིང་ཕྱུགས་ལ་གོད་བདག་མཛད། །སྲིད་པ་ཀུན་ཏུ་རྒྱུག་ཅིང་ཕུང་ཁྲོལ་ལས་བྱེད་པ། །དེ་རིང་སྲིད་པའི་མདོས་བཞེས་དང་། །ཟངས་ཀྱི་མི་ཆེན་མཆེ་བ་རྒྱ་ཟོར་འདྲ། །མགོ་ལ་ཟངས་ཀྱི་འོབ་ལོག་ཅན། །བ་སྐྱ་ཡུ་མོ་ཞོན་ནས་རྒྱུག །མནའ་དང་གཟུ་ཡི་དཔང་པོ་མཛད། །ལྷ་འདྲེ་ཀུན་གྱི་སྣ་འདྲེན་པའོ། །གཅིག་ནི་བསེ་ཡི་མི་ཆེན་ལ། །ལུས་ལ་སླེས་ཁྲ་གོས་སུ་གོན། །མགོ་ལ་འཕྱིང་སེར་ཡིབ་ཞུ་ཅན། །ལག་ན་འོམ་མཁར་དམར་པོ་ཐོགས། །ཁྲེས་ཆེན་ཁུར་ཞིང་སྐྱི་སེར་མཆན་ན་སྡོད། །སྲིད་དང་ཁ་རྗེ་ཁ་རུ་འཇུག །མདོས་བདག་མདོས་བཞེས་དང་། །གཅིག་ནི་སྐྱ་རལ་ཐུལ་པ་ཅན། །ལག་ན་ཟངས་ནག་ཐོགས་བྱེད་ཅིང་། །དཀར་དང་དམར་དང་སྔོ་ཐབ་གསུམ། །ཐབ་སྣ་གསུམ་གྱི་སྣ་ཡང་དྲངས། །བདུད་བཙན་རྒྱལ་པོ་མ་ཡམས་དང་། །ས་བདག་ཀླུ་གཉན་གཡོབ་འདྲེན་བྱེད། །དེ་ཡང་སྲིད་པའི་མདོས་བཞེས་དང་། །གཅིག་ནི་བོང་བུ་དམར་ཁྲ་ཞོན་ནས་རྒྱུག །བ་དན་རྩེ་གསུམ་ཕྱག་ན་བསྣམས། །འཇིག་རྟེན་དྲེགས་པ་དབང་དུ་སྡུད་ཅིང་གུམ་གཅོད་ལས་ལ་དགའ། །དེ་རིང་སྲིད་པའི་མདོས་ལ་སྤྱོན། །ཉི་ཤུ་རྩ་གཅིག་གཡུ་ཡི་མི་སྔོན་ལ། །དར་གྱི་གོས་
ལ་འཇའ་ཡི་ཐོད། །སྐེ་ན་དུང་གི་ཝ་བ་ཁུར་ཙམ་སྐྱེས། །དེ་སྲིད་དྲ་བ་ཞོན་ཞིང་རྒྱུག །ལྟས་ངན་སྣ་ཚོགས་འབེབས་བྱེད་ཅིང་། །སྲིད་གསུམ་སྐྱེ་འགྲོ་མ་ལུས་ཀུན། །བསད་དེ་བཅད་དོ་ཟེར་ཞིང་རྒྱུག །དཀར་པོ་སྤྱན་གཅིག་གིང་པ་མཛད། །དེ་རིང་སྲིད་པའི་མདོས་བཞེས་དང་། །སྤྲུལ་པ་བརྒྱ་ནི་འཛམ་བུའི་གླིང་དུ་འགྱེད། །བརྒྱད་ཅུ་སྲིད་པའི་གཟུ་དཔང་མཛད། །ལེགས་ཉེས་ཞལ་ལྕེ་གཅོད་ཅིང་བཀའ་ཡི་བང་ཆེན་མཛོད། །སུམ་ཅུ་རྩ་གཉིས་དཔལ་གྱི་ལྷག་མ་སྡུད་ཅིང་འཇིག་རྟེན་བྱོལ་ཟློག་བྱེད། །སྲིད་པའི་ཐེའུ་རང་རྒྱལ་གྱི་ཚོགས། །དེ་རིང་སྲིད་པའི་མདོས་བཞེས་ཤིག །བརྒྱ་ནི་འཇིག་རྟེན་ཕུང་ཁྲོལ་བྱེད་ཅིང་སྲིད་པ་ཆེན་པོའི་སྐོས། །ལ་ལ་རྔམ་པ་སྟག་གི་མགོ་སྟེ་གང་ལ་བབས་པ་ལེན་པར་བྱེད། །ལ་ལ་ལྐུགས་པ་ལུག་གི་དབུ་སྟེ་གང་ལ་བབས་པ་མྱོས་པར་བྱེད། །ལ་ལ་སྨྱོན་པ་དོམ་གྱི་མགོ་སྟེ་སྨྱོ་འབོག་ནད་རྣམས་གཏོང་། །ལ་ལ་མི་ལུས་དྲེད་ཀྱི་མགོ་སྟེ་ཐམས་ཅད་བརྒྱལ་བར་བྱེད་ཅིང་དངངས་པར་བྱེད། །ལ་ལ་སྤྱི་རིང་ཡིབ་ཞུ་ཅན། །ལ་ལ་འགྲེང་ཁུར་མི་རེང་པོ། །ལ་ལ་དུད་འགྲོ་སྣ་ཚོགས་ཞོན། །ལ་ལ་གློག་དང་འོད་ལ་ཆིབས། །ལ་ལ་འབོག་དང་བརྒྱལ་ཐབས་གཏོང་། །ལ་ལ་སྲིད་པའི་བང་ཕྱིན་བྱེད། །ལ་ལ་ཚེ་ལེན་དབུགས་ལེན་བྱེད། །ལ་ལ་སྟབས་བསྣོལ་ཟུངས་རྨུགས་གཏོང་། །ལ་ལ་ཡོད་པ་མེད་པར་བྱེད། །ལ་ལ་གང་བ་སྟོངས་པར་བྱེད། །ལ་ལ་དག་ལ་ཕན་པར་བྱེད། །ལོངས་སྤྱོད་མ་ལུས་འཕེལ་བར་བྱེད། །དེ་རིང་སྲིད་པའི་མདོས་བཞེས་དང་། །ཉིས་བརྒྱ་འཛམ་གླིང་ཚེ་སྲོག་དབུགས་ཀྱི་བང་ཆེན་པ། །མང་བ་ཚེས་ཐོ་རེ། །སྤྱི་རིང་ལེན་ཏོ་རེ། །འདུས་པ་སེ་ཏོ་རེ། །མཁར་གསུམ་དག་ལ་གནས་ཀྱང་བཅས། །བསེ་མཁར་སྒོ་གཅིག་དུང་མཁར་སྒོ་གཅིག་དང་། །ལྕགས་མཁར་སྒོ་གཅིག་ནང་ན་གནས། །འཁོར་ཡང་ཐེའུ་རང་སྟོང་སྡེ་འགྱེད། །ལྷ་ཡི་བུ་མོ་ཆུང་མ་ཡིན། །ཡིད་བཞིན་ནོར་བུ་འཚོ་བར་བྱེད། །ལྷ་ལ་ཕུང་ཁྲོལ་མང་བས་གསང་བདག་ཐུགས་
ཁྲོས་པས། །དེས་ཀྱང་དམ་ལ་བཏགས་པ་དེ་རིང་སྲིད་པའི་མདོས་བཞེས་དང་། །ཐེའུ་རང་ལ་སོགས་ལ་ལ་རི་རབ་རྩེ་སྐོར་བྱེད། །ལ་ལ་འབྱུང་བ་དབང་བསྒྱུར་བ། །ས་ཐེའུ་སེར་པོ་དང་། །ཆུ་ཐེའུ་སྔོན་པོ་དང་། །བར་ཐེའུ་ཁྲ་ཆེན་དང་། །ཐེའུ་རང་འབྱུང་ལྔ་ལ། །དེ་རིང་སྲིད་པའི་མདོས་འབུལ་ལོ། །ལ་ལ་མི་ནི་ཨིནྡྲ་ཞེས་བྱ་སྟེ། །རྒྱལ་འགོང་ཆེན་པོ་དྲུག་ཅུ་གཅིག །ངན་འགོང་ནི་སུམ་ཅུ་ལྔ། །བྱུར་འགོང་ཉི་ཤུ་གཅིག །མི་ལུས་སྤྲེའུ་མགོ་ཅན། །ཁ་སེར་སོ་སེར་ལྕེ་སེར་གསུམ། །ཉིན་བཞིན་གྲོགས་པོ་ཕུག་རྡུག་ཉལ། །མཚན་ཞིང་གྲོང་ཁྱེར་ཁྱབ་པར་ཉུལ། །བྱུར་འགོང་ལྦ་བ་ཅན། །མི་རང་འགྲེང་ཁུར་ཅན། །འཁར་སྐྱ་ཟོ་སྐྱ་ལག་ན་ཐོགས། །ཕུང་འགོང་ར་སླག་ཅན། །ཟངས་ཀྱི་ལྦ་བ་ཁུར་ཙམ་སྐྱེས། །བརྒྱད་ཅུས་བདག་ཀླུ་གཉན་དག་དང་བསྡོངས། །སྐྲངས་དང་འབུར་གྱི་ནད་དུ་བྱེད། །དེ་རིང་སྲིད་པའི་མདོས་བཞེས་ཤིག །རྩ་གཅིག་འདུས་ཀྱི་འདེབས་བྱེད་མ། །ལྷ་འདྲེ་ཀུན་གྱི་སྣ་འདྲེན་མོ། །རྩ་གཅིག་ནི་ཐེ་རང་ལ། །བཅུ་གཅིག་སྲིད་པའི་ནོར་དང་ལོངས་སྤྱོད་དང་། །དཀོར་ཁང་གཉན་པོ་སྲུང་བར་བྱེད། །ནོར་དང་ལོངས་སྤྱོད་བསྲུང་མ་སྟེ། །དེ་རིང་སྲིད་པའི་མདོས་བཞེས་དང་། །དགུ་ནི་སྲིད་པའི་འགོང་པོ་སྟེ། །གནམ་ལ་གནས་པ་སྤུན་གསུམ་བྱུང་། །གནམ་ཐེའུ་དཀར་པོ་དང་། །གནམ་ལྷ་བྱང་ཆུབ་དང་། །གནམ་ལྷ་དཀར་པོ་གསུམ། །དར་དཀར་སེང་དཀར་ལྤགས་དཀར་གོན། །དུང་མཁར་ཤེལ་མཁར་སྤ་མཁར་གསུམ། །རྒྱལ་མཚན་གསུམ་ནི་ཕྱག་ན་བསྣམས། །བྱ་རྒོད་སེང་གེ་ཁྱི་དཀར་གསུམ་ལ་བཅིབས། །གནམ་ཁྱི་དཀར་པོ་མཆེད་གསུམ་ཡང་། །དེ་རིང་སྲིད་པའི་མདོས་བཞེས་དང་། །བར་ན་གནས་པའི་སྤུན་གསུམ་ལ། །དྲི་བསེ་བབ་སེ་ལག་བསེ་གསུམ། །ཁྲི་གཅིག་དྲེ་སི་པ་ཏིའི་ཐོད། །ལྕགས་མཁར་འོད་འབར་བསྣམས། །སྟག་དང་གཟིག་དང་བྱ་རྒོད་རྒྱལ་མཚན་བསྣམས། །ས་ལ་གནས་པའི་ཐེ་རང་སྤུན་གསུམ་ཡང་། །ཐེ་སེ་མཆུ་རིང་གསུམ། །ཆུ་དང་མེ་
དར་ས་དར་གོན། །རྒྱལ་མཚན་གསུམ་ནི་ལག་ན་ཐོགས། །ཟོ་སྐྱ་འཁར་སྐྱ་རྒྱལ་མཚན་འཛིན། །སྲིད་པའི་ཐེ་རང་སྤུན་གསུམ་ཡང་། །དེ་རིང་སྲིད་པའི་མདོས་བཞེས་དང་། །ཐེ་རང་སྟོང་དང་རྩ་གཅིག་ཀྱང་། །ཞེ་སྡང་དག་ནི་ད་ཁྲོལ་ལ། །དང་བའི་སེམས་ཀྱིས་གླུད་འདི་ལོངས། །སྟོང་གི་སྡེ་དཔོན་གྱིས་གསུངས་བཞིན། །བཀའ་ལས་མ་འདའ་གླུད་འདི་བཞེས། །འབྱུང་བ་རི་རབ་བརྟེན་པའི་གླུད། །ནམ་མཁའ་འདི་རྣམས་ཡུལ་དུ་འབུལ། །རིན་ཆེན་ནམ་མཁའ་གཞལ་ཡས་ཁང་། །མདའ་བཀྲ་འདི་རྣམས་མཁར་དུ་འབུལ། །རིན་ཆེན་རྒྱུ་ལས་གྲུབ་པའི་མཁར། །རིན་ཆེན་འདི་རྣམས་གཏེར་དུ་བསྔོ། །ཟད་མེད་གཏེར་ལ་ལོངས་སྤྱོད་ཅིང་། །གཟུགས་བརྙན་འདི་རྣམས་གཏེར་དུ་བསྔོ། །དཀོར་གྱི་ལོངས་སྤྱོད་ཆེན་པོར་བསྔོ། །སྒྲ་སྙན་འདི་ནི་གསུང་གི་གླུད། །གཟུགས་བརྙན་འདི་ནི་སྐུ་ཡི་གླུད། །སྣང་གསལ་འདི་ནི་སེམས་ཀྱི་གླུད། །དང་པོ་སྲིད་པའི་དཔེ། །དེ་ནས་འཇིག་རྟེན་ནོར་བདུན་དང་། །སྤྱན་གཟིགས་དཀོར་ཆ་ཟས་སུ་བསྔོ། །ཐེ་བྲང་སྡེ་སྡེ་མང་པོ་དང་། །སྔོན་གྱི་ལན་ཆགས་དེད་པ་འམ། །ཟས་ནོར་འདོད་ཕྱིར་རྒྱུ་བ་ཡང་། །མཐུན་པའི་ཡས་སུ་བཤམས། །ཤ་ཆང་རྒྱུ་རུ་འདོན། །བདེན་པའི་ཚིག་གིས་བཀྲོལ། །མདོག་བཟང་དག་པར་བྱིན་གྱིས་བརླབ། །ཇི་ལྟར་འདོད་པ་བཞིན་དུ་མཆོད། །ད་ནི་ཐེ་རང་སྟོང་ཕྲག་བརྒྱད། །ལྟོས་པ་རྣམས་ལ་གྲོགས་ཀྱང་མཛད། །ཞེ་སྡང་ངན་པ་ཞི་བར་གྱིས། །ད་ནི་གཤེགས་སོ་གནས་སུ་གཤེགས། །དང་པོ་བྱུང་བའི་གནས་སུ་གཤེགས། །རིགས་དང་སྡེ་ནི་སྙོག་ནས་གཤེགས། །རི་རབ་ཁ་ལ་གཤེགས། །སྟོང་ཕྲག་དག་ནི་གནས་སུ་གཤེགས། །རིན་ཆེན་སྣ་ལྔའི་ འཁོར་དུ་གཤེགས། །གདུག་པ་ཐམས་ཅད་ཞི་བར་གྱིས། །ཞེས་བསྔོའོ། །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། ཐེ་རང་སྟོང་རྩ་གཅིག་བཅོས་པའི་ལེའུ་ཉི་ཤུ་
གཅིག་པའོ།། །།དེ་ནས་ཡང་བཅོམ་ལྡན་འདས་ཀྱི་སྤྱན་སྔར། རྒྱལ་པོ་སྲོག་བདག་མཆེད་བཞིས། རང་རང་གི་བཅོས་པའི་ཐབས་ཚིགས་སུ་བཅད་པ་འདི་དག་སྨྲས་སོ། །གྲ་ཕྱིང་གཙང་མའི་གཞི་སྟེང་དུ། །འབྲུ་སྣ་ཚང་བའི་ངར་ཕྱེ་ལ། །དབང་གི་ཏིང་འཛིན་ལྡན་པ་དེས། །རིན་ཆེན་ཕྱེ་མར་བྱིན་གྱིས་བརླབ། །དེ་ལ་རི་རབ་ཆེན་པོ་བརྩིག་པར་བྱ། །ཁ་དོག་ནི་རིགས་དང་བསྟུན། །རྨྱུག་མ་གཙང་མ་ནམ་མཁའི་གུར། །དར་དང་མེ་ལོང་དག་གིས་བརྒྱན། །རྟ་ཐོད་དང་ནི་བོང་ཐོད་དང་། །བ་དན་དང་ནི་འཕན་གྱིས་བརྒྱན། །རིན་ཆེན་ཁྲི་ནི་མཛེས་པ་རུ། །བཤོས་བུ་ལྡེམ་པ་བཞི་ནི་བཞག །དཀར་པོ་གཉིས་དང་རྩ་དམར་དང་། །ཕྲག་པ་ཅན་དང་བཞི་པོ་ལ། །མདའ་མཁར་ཐབས་མ་དང་ཆུ་རིས་མིག །རྨོག་མགོ་མཁར་ཐབས་ཆུ་འབབས་བཞི་ནི་དེ་ལ་གཟུག་པར་བྱ། །ནམ་མཁའ་དཀར་པོ་དང་ནི་དམར་པོ་དང་། །རིན་ཆེན་ཚང་དང་བརྒྱན་པ་བཞི། །བཤོས་བུ་དག་ལ་གཟུག་པར་བྱ། །བྱ་དང་ཁྱི་དང་རྟ་ཡི་གཟུགས། །གཡག་དང་ར་དང་ལུག་གི་གཟུགས། །སྤྲེའུ་དང་ནི་གླང་གི་གཟུགས། །བསེ་ཕོར་མཚན་ལྡན་ནང་དུ་ནི། །ཕུད་དང་སྤྱན་གཟིགས་བཤམ་པར་བྱ། །སྲིད་པའི་འགོང་པོ་ལ་བཤོས་བུ་དགུ་བརྒྱ་དང་། །མདའ་བཀྲ་ལྤགས་བུའི་ཕོད་ཀྱིས་བརྒྱན་པ་བསོག །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། རྒྱལ་པོ་སྤྱི་བཅོས་བསོགས་ཀྱི་ལེའུ་ཉི་ཤུ་གཉིས་པའོ།། །།ཧཱུཾ། ཕྱོགས་ཕྱོགས་དག་ཀྱང་ཕ་གི་ན། །ཉི་མ་ཤར་ཕྱོགས་ཕ་གི་ན། །ཤེལ་ཡུལ་དཀར་པོ་ཕ་གི་ན། །ཤེལ་མཁར་དཀར་པོ་གནམ་དུ་ཟངས་སེ་ཟང་། །དུང་གི་སྒོ་མོ་ཐབས་སེ་ཐབ། །དེ་ཡི་ནང་ཤེད་ན། །ཡ་ཆོ་དཀར་པོ་བཞུགས། །མི་གཅིག་པོ་ལ་མིང་གསུམ་པོ། །རྒྱ་གར་ཆོས་ཀྱི་སྐད་དུ་ནི། །ཤར་ལྷ་ཆེན་པོ་ཞེས་ཀྱང་བྱ། །ཡི་དྭགས་གཡུང་དྲུང་ཡིན་ནམ་བོན་གྱི་སྐད་དུ་ནི། །བཙན་འགོང་རྒྱལ་པོ་ཞེས་ཀྱང་བྱ། །དམ་པ་ཆོས་ཀྱི་སྐད་དུ་
ནི། །རྡོ་རྗེ་ལེགས་མཆོག་ཞེས་ཀྱང་བྱ། །ཁྱོད་ཀྱི་ཕ་སྨོས་པ། ཡར་ལྷ་བཤོས་ཀྱི་སྐྱེས་གཅིག་པ་ཞེས་ཀྱང་བྱ། ཡང་ཡར་ལྷ་ཤོད་ཀྱི་སྐྱེས་ཏོ་རེ་ཞེས་ཀྱང་བྱ། མ་ནི་སྲིད་པའི་བདག་མོ་ཡིན། །དེ་ཉིད་ཐུགས་ཀྱི་སྤྲུལ་པ་ལས། །སྲས་ནི་ལྕམ་དྲལ་གཉིས་བྱུང་སྟེ། །མིང་པོ་ཡ་ཆོ་དཀར་པོ་ཡིན། །སྲིང་མོ་མ་བཙུན་ཨུ་ཆོས་གཡར་མོ་སིལ། །མིང་པོ་བཅོས་སུ་གསོལ། །ཡ་ཆོ་དཀར་པོ་དེ། །མི་དཀར་བླ་ན་འཕྱོ། །རྟ་དཀར་འོག་ན་འཕྱོ། །སྐྱོགས་དཀར་ཏ་ལ་ལ། །དང་པོ་ལིའི་ཡུལ་ནས་བབས་པས། །ལི་ཡི་ཕྱག་ཏུ་གླུད་ཕུལ་བས། །ལི་པ་སད་ཀྱི་རྒྱལ་པོར་བཏགས། །དེ་ནས་ཡང་ལེ་ཤོད་དུ་བྱོན། །ཡང་ལེའུ་ཕྱག་ཏུ་གླུད་ཕུལ་བས། །ཡང་པ་སད་ཀྱི་རྒྱལ་པོར་བཏགས། །དེ་ནས་མི་ཉག་ཡུལ་དུ་བབས། །མི་ཉག་གི་ཕྱག་ཏུ་གླུད་ཕུལ་བས། །ལྟེང་རོ་སད་ཀྱི་རྒྱལ་པོར་བྱ། །དེ་ནས་ཞང་ཞུང་ཡུལ་དུ་བབས། །ཞང་ཞུང་གི་ཕྱག་ཏུ་གླུད་ཕུལ་བས། །སྤྱན་མིག་གཡས་པ་ཤེལ་དུ་འདུག་པས་ཤེལ་དཀར་བཏགས། །སྐུ་ལ་དར་དཀར་མཛེས་པའི་ན་བཟའ་གསོལ། །སེང་གེ་དཀར་མོའི་ཐོད་པ་ཅན། །ཕྱག་ན་གདུག་པའི་མཚོན་ཆ་ཐོགས། །འགོང་པོ་རྣམས་ཀྱི་བདག་པོ་བྱེད། །གླུད་ལ་རྣམ་པ་གསུམ་བྱུང་སྟེ། །དང་པོ་གཡག་དཀར་དང་མཛོ་དཀར་དང་། ར་དཀར་གཉའ་ནག་དང་གསུམ་ཞིག་བྱུང་། བར་ཡར་སེ་དང་ལུག་སེ་དད་བྱས་དང་གསུམ་ཞིག་བྱུང་། ཐ་མ་བཤས་བུ་ཆག་གང་དང་། སྐྱེམས་འཕང་རྨྱུག་མ་ཚིགས་དགུའི་བདག་པོ་ལགས། མདོས་བདག་མདོས་བཞེས་ཤིག །གནམ་རིམ་པ་བཅུ་གསུམ་ཡར་སྟེང་ན། །མཁར་ཉེ་བརྩེགས་པའི་ཡང་སྟེང་ན། །སྲོག་བདག་དཀར་པོ་སྤྱན་གཅིག་བཞུགས། །ཁྱོད་ཀྱི་ཕ་སྨོས་པ། །རྒྱ་མཚོ་ཆེན་པོའི་གཏིང་ཤེད་ན། །ཆུ་སྲིན་ཆེན་པོ་མ་ཏང་ག །ཁྱོད་ཀྱི་མ་སྨོས་པ། །སྲིད་པའི་རྒྱལ་མོ་ཡིན། །གནས་པ་བར་སྣང་དག་ལ་གནས། །དེ་ཉིད་ཐུགས་ཀྱི་སྤྲུལ་པ་ལས། །
མིང་པོ་དཀར་པོ་སྤྱན་གཅིག་ཡིན། །སྲིང་མོ་ཨེ་ཀ་རལ་གཅིག་མ། །མིང་པོ་དེ་ནི་བཅོས་སུ་གསོལ། །སྲོག་བདག་དཀར་པོ་དེ་སྤྱན་གཅིག་པ། །དབུ་ལ་རལ་གཅིག་ཤ་ར་ར། །དཔྲལ་ནས་མིག་གཅིག་ལྷངས་སེ་ལྷང་། །ཞལ་ནས་ཚེམས་གཅིག་ཐབས་སེ་ཐབ། །གཟི་མིག་ཁྲ་བོ་ཆི་ལི་ལི། །སྨ་ར་ནག་པོ་ཕྱ་ར་ར། །ཕྱག་སོར་ནག་པོ་ཤད་དེ་ཤད། །འབར་བའི་རྔ་ཆུང་གློ་ལ་བཏགས། །ཁང་པ་ཀུན་ཀྱང་འོད་ཀྱིས་ཁེངས། །སྲོག་བདག་དཀར་པོ་འོད་པོ་ཆེ། །གནམ་རལ་ཕྱེད་ཀྱི་བདག་པོ་ལགས། །ས་ཆུ་ཕྱེད་ཀྱི་བདག་པོ་ལགས། །མི་དཀར་བླ་ན་ལྡེམ། །རྟ་དཀར་འོག་ན་འཕྱོ། །ཕྱག་ན་སྦ་དཀར་ཏ་ལ་ལ། །སྐྱེས་པ་ཕོ་བརྒྱུའི་སྲོག་གི་བདག་པོ་ཡིན། །སྐུ་ལ་ཞིང་ལྤགས་གཡང་གཞི་གསོལ། །ཕྱག་ན་ལྕགས་གྲི་རྣོན་པོ་བསྣམས། །གླུད་ཀྱི་དང་པོ་ནི། །གཡག་དཀར་ལུག་དཀར་དང་། །མཛོ་དཀར་རུ་དམར་དང་། །རྟ་དཀར་ཕྲུམ་དམར་གྱི་བདག་པོ་ལགས། །བར་པ་ལུག་དཀར་པོ་བྱ་ནག་དང་། །ཁྱི་དཀར་སྣ་དམར་དང་། །བྱ་དཀར་ཟེ་དམར་གྱི་བདག་པོ་ཡིན། །ཐ་མ་བཤོས་བུ་ལྡེམ་པ་དང་། །སྐྱེམས་འཕང་དར་འཕན་དང་། །རྨྱུག་མ་ཚིགས་དགུའི་བདག་པོ་ཡིན། །གླུད་བདག་གླུད་བཞེས་དང་། །བྱང་ཕྱོགས་ཕ་གི་ན། །ཡམ་ཤུད་དམར་པོ་བཞུགས། །བྱང་རི་དམར་པོའི་ཁ་ལ་བཞུགས། །རྩེ་ལ་གནོད་སྦྱིན་སྟོབས་ཆེན་གནས། །ཟུར་ལ་ཡམ་ཤུད་དམར་པོ་བཞུགས། །རྩ་ན་བཙན་བཙུན་ཕྱག་བརྙན་འཁྲོལ། །ཟངས་མཁར་དམར་པོ་ལྡེམས་སེ་ལྡེམ། །ཟངས་མཁར་དམར་པོ་ལྡེམ་པ་ལ། །ལོགས་རིམ་བསེ་ཡི་སྒོ་མོ་གསལ། །མཐིང་ཤུན་སྔོན་པོའི་རི་བཞི་ལ། །བྱུ་རུ་དམར་པོའི་གཡག་ཤིང་ལ། །ཟངས་ཁྲི་དམར་པོའི་གདན་སྟེང་ན། །ཡམ་ཤུད་དམར་པོ་བཞུགས། །པ་ལྕགས་ཞུལ་ཁུག་གསོལ། །ཕྱག་ན་ཟངས་ཀྱི་ཞགས་པ་འདོམ་དགུ་བརྒྱ་དགུ་བཅུ་བསྣམས། །ཟ་མ་མོ་བརྒྱའི་སྲོག་གི་བདག་པོ་ཡིན། །སྐུ་ལ་ཟངས་ཁྲབ་དམར་
པོ་གསོལ། །གླུད་ཀྱི་དང་པོ་བ་དམར་གླང་གི་བདག་པོ་ཡིན། །བར་པ་བྱ་དམར་གྲོ་དང་ལྤགས་བུ་གྲོ་སེའི་བདག་པོ་ཡིན། །ཐ་མ་རྨྱུག་མ་ཚིགས་དགུ་དང་། །བཤོས་མཆོག་སྐྱེམས་འཕང་བདག་པོ་ལགས། །མདོས་བདག་མདོས་བཞེས་ཤིག །ཡུལ་ཁུ་ལེ་ཁུ་སྟོད་ན། །ཤར་ལྷོ་མཚམས་ཤེད་ན། །བློན་པོ་ཁུ་ལེ་ལག་དགུ་བཞུགས། །ཁྱོད་ཀྱི་ཕ་སྨོས་པ། །ལྕགས་ཀྱི་སྡིག་པ་ཁ་དགུ་ཡིན། །གནས་པ་རི་རབ་ཟོམ་ལ་གནས། །ཁྱོད་ཀྱི་མ་སྨོས་པ། །གསེར་གྱི་གྲོག་མ་ཁ་མེད་གཅིག །དེ་གཉིས་སྤྲུལ་པའི་སྲས། །མི་གཅིག་པོ་ལ་ལག་དགུ་བྱུང་། །ལག་གཅིག་སྟེ་འཛོམ་གནམ་དུ་ཉབ། །ལག་གཅིག་སྟེ་འཛོམས་ལ་ཉབ། །ལག་གཅིག་བདུད་ཀྱི་གནས་སུ་གཏོང་། །ལག་གཅིག་བཙན་གྱི་ནང་དུ་གཏོང་། །ལག་གཅིག་སྟོན་གྱི་ལོ་ཐོག་ཉབ། །ལག་གཅིག་ན་ཆུང་སྲིད་ལ་ཉབ། །ལག་གཅིག་དཀར་དང་སྐྱུར་གྱི་ཐོག་ཀྱང་འབབ། །སྐུ་ལ་གསེར་ཁྲབ་སེར་པོ་གསོལ། །རྒོད་མ་རྟེའུ་མེད་འབྲི་གཡག་ཤམ་གྱི་བདག །ཆུང་སྲིད་ཐམས་ཅད་ཀྱི་བདག་པོ་ཡིན། །བཤོས་བུ་ཕྲག་པ་ཅན་དང་། །མདའ་བཀྲ་སྤྱན་གཟིགས་ཀྱིས་མཆོད། །ཕྱག་བརྙན་ཐེ་རང་ཆེན་པོ་སྟེ། །དེ་རིང་གླུད་བཞེས་ཤིག །མདོས་བདག་ནི་ མདོས་བཞེས་ཤིག །དང་པོ་སྲིད་པ་ཆགས་པའི་དཔེས། །རི་རབ་དཔག་བསམ་བཅས་པའོ། །ནམ་མཁའ་ཡུལ་དུ་འབུལ་ལོ། །མདའ་ནི་མཁར་དུ་འབུལ་ལོ། །སེམས་ཅན་གཟུགས་བརྙན་དཀོར་དུ་འབུལ། །སྤྱན་གཟིགས་དཀོར་ཆ་སྐྱེམས་ཁ་གསེར། །སྤུ་རོན་ཁུངས་དང་ཤ་ཆང་རྒྱུས་སུ་འདོན། །ད་ནི་གནས་སུ་གཤེགས། །མཁར་ཆེན་བཞི་ནི་སླེབས་ཏེ་གཤེགས། །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། རྒྱལ་པོ་མཆེད་བཞི་བཅོས་པའི་ལེའུ་ཉི་ཤུ་གསུམ་པའོ།། །།དེ་ནས་བཅོམ་ལྡན་འདས་ཀྱི་སྤྱན་སྔར། བཙན་ཐམས་ཅད་ཀྱིས་རང་རང་གི་བཅོས་པའི་ཚིགས་སུ་བཅད་པ་འདི་དག་སྨྲས་སོ། །ས་གཙང་དབེན་པའི་
གནས་སུ་བཙལ་ནས་སུ། །གསང་བདག་ཏིང་འཛིན་ལྡན་པ་དེས། །འབྲུ་སྣ་ཚང་བའི་གསང་ཕྱེ་ལ། །བྱིན་གྱིས་བརླབ་པ་ཚུལ་བཞིན་བྱ། །རི་རབ་དེ་ནི་བརྩིག་པར་བྱ། །ཁ་དོག་རིགས་དང་རྨྱུག་མ་ནམ་མཁའི་གུར། །ནམ་མཁའི་ཁ་དོག་རིགས་དང་སྦྱར། །དཀར་པོ་དྲུག་དང་སེར་པོ་ལྔ། །སྔོན་པོ་ལྔ་དང་དམར་པོ་ལྔ། །ཉི་ཤུ་རྩ་གཅིག་བྱ། །དར་དང་སྤྱན་གཟིགས་དཀོར་ཆ་བྱ། །ཕུད་དང་རིན་ཆེན་དེ་དག་བསོག །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། བཙན་གྱི་བཅོས་ཀྱི་ལེའུ་ཉི་ཤུ་བཞི་པའོ།། །།ཧཱུཾ། ཡུལ་དང་བཙན་ཡུལ་ཕ་གི་ན། །བཙན་ཡུལ་ཕོ་གསུམ་ཕ་གི་ན། །བཙན་མཁར་དམར་པོ་གནམ་དུ་ཐོངས་པ་ཕ་གི་ན། །བསེ་ཡི་བྱན་ལག་ལིངས་སེ་ལིང་། །བསེ་ཡི་ཁྱི་མོ་ཀངས་སེ་ཀང་། །བསེ་རྟ་དམར་པོ་ཙེ་རེ་རེ། །དེ་ན་བཙན་གྱི་རྒྱལ་པོ་བཞུགས། །ཁ་དྲག་བདུད་ལ་རྒོལ། །མཐུ་ཆེ་ཕྱ་ལ་འཁུ། །འགྲན་ཚོལ་རྒྱལ་ལ་ཚོལ། །མི་ལུས་གཡག་གི་མགོ། །དཔྲལ་ན་ཁ་གཅིག་མིག་གཉིས་པོ། །ལྟག་ན་ཁ་གཅིག་མིག་གཉིས་པོ། །གཡས་ན་ཁ་གཅིག་མིག་གཉིས་པོ། །གཡོན་ན་ཁ་གཅིག་མིག་གཉིས་པོ། །ཁ་བཞི་མིག་བརྒྱད་བྱུང་། །རྟ་གཅིག་ལུས་པོ་ལ། །རྨིག་པ་བརྒྱད་པར་བྱུང་། །ལག་རྨིག་བཞི་དང་རྐང་རྨིག་བཞི། །མགྱོགས་པ་སྡེ་བརྒྱད་ཡིན། །ལག་ན་བསེ་ཡི་གཞུ་མོ་དང་། །བསེ་མདའ་དམར་པོ་ཐོགས། །སྐུ་ལ་བསེ་ཁྲབ་ཞུལ་ཁུག་གསོལ། །དབུ་ནི་སྲིད་པའི་ཁམས་སུ་གསིག །དེ་རིང་སྲིད་པའི་མདོས་ལ་བྱོན། །འབྱུང་བ་ནི་ལྔ་ཡི་བཙན། །ཤར་ཕྱོགས་ཕ་གི་ན། །ས་བདག་དངུལ་གྱི་བུ། །དུང་མཁར་སྐྱ་མོ་ལ། །གཡུ་ཡི་ཁ་བད་ཅན། །མཐིང་གི་རེ་བཞི་ལ། །གཡུ་ཡི་སྒོ་མོ་ཅན། །དེ་ཡི་ནང་ཤེད་ན། །མི་དཀར་ལྡེམ་པ་གཅིག །རྟ་དཀར་ཕྲུམ་དམར་གཅིག །དུང་ཕུབ་སྐུ་ལ་གསོལ། །བཙན་མདའ་བཙན་གཞུ་བསྣམས། །དྲི་ཟ་སྟོང་ལ་དབང་བསྒྱུར་བ། །མདོས་བདག་མདོས་བཞེས་ཤིག །ལྷོ་ཕྱོགས་ཕ་གི་ན། །འབྱུང་བ་ཆུ་ཡི་བུ། །མི་སྔོ་རྟ་སྔོ་སྟེ། །ལྕགས་མཁར་སྔོན་པོའི་ནང་ན་གནས། །བཙན་མདའ་བཙན་
གཞུ་ཕྱག་ན་བསྣམས། །མདོས་བདག་མདོས་བཞེས་ཤིག །ནུབ་ཕྱོགས་ཕ་གི་ན། །ཟངས་མཁར་དམར་པོའི་ནང་ཤེད་ན། །མེ་དང་དྲོད་ཀྱི་བུ། །མི་དམར་རྟ་རུ་དམར། །བཙན་མདའ་བཙན་གཞུ་བསྣམས། །མདོས་བདག་མདོས་བཞེས་དང་། །ཉི་མ་བྱང་གི་བཙན། །རླུང་དང་ངད་ཀྱི་བུ། །མི་སེར་རྟ་རུ་སེར། །གསེར་མཁར་སེར་པོའི་ནང་ན་གནས། །བཙན་མདའ་བཙན་གཞུ་ཕྱག་ན་བསྣམས། །བྱང་བཙན་སྟོང་ལ་དབང་སྒྱུར་ཅིང་། །མདོས་བདག་མདོས་བཞེས་ཤིག །དབུས་བཙན་མི་སྨུག་རྟ་རུ་སྨུག །མཆོང་མཁར་སྨུག་པོའི་ནང་ན་གནས། །དབུས་བཙན་སྟོང་ལ་དབང་སྒྱུར་བ། །མདོས་བདག་མདོས་བཞེས་ཤིག །གནམ་བཙན་དིང་བ་དེ། །འབྱུང་བ་ནམ་མཁའི་དབང་སྒྱུར་བྱེད། །གཡས་དཀར་ལྡོང་རུམ་ནི། །མི་དཀར་རྟ་དཀར་བཙན། །གངས་བཙན་སྟོང་ལ་དབང་སྒྱུར་བྱེད། །གཡའ་བཙན་མི་སྔོན་དེ། །གཡའ་བཙན་སྟོང་ལ་དབང་སྒྱུར་བྱེད། །སྤང་བཙན་མི་སེར་རྟ་སེར་བ། །སྤང་བཙན་ཀུན་ལ་དབང་སྒྱུར་བྱེད། །ནགས་བཙན་མི་ནག་རྟ་ནག་དེ། །ནགས་བཙན་སྟེང་ལ་དབང་སྒྱུར་བ། །གཡའ་བཙན་མི་བཀྲ་རྟ་བཀྲ་བཙན། །དེ་རིང་སྲིད་པའི་མདོས་བཞེས་ཤིག །བྲག་བཙན་མི་དམར་རྟ་དམར་དེ། །བྲག་གི་ཐབས་ལ་གནས། །མི་དམར་མདུང་ཙམ་མོ། །དབུ་ལ་རལ་པ་མེ་ལྟར་འབར། །ཕྱག་ན་མདུང་གི་སྲིན་མོའི་རྐང་། །མིག་ནས་སྐར་ཆེན་ཆར་ལྟར་འབེབས། །ཆིབས་སུ་བྲག་གི་རྩངས་པ་ཆིབས། །རོལ་དུ་སྲིན་བྱའི་བུ་མོ་རོལ། །བྲག་གི་ཝ་མོ་ཁ་ནག་ཞོན། །བྲག་བྱ་འུག་པ་ཁྲ་རུ་ཐོགས། །གོས་སུ་བྲག་གི་དྲེག་པ་གོན། །ཟས་སུ་བྲག་རྒྱ་ཧ་འོ་ཟ། །སྐེམ་དུ་བྲག་ཆུའི་ཐིགས་པ་འཐུང་། །བྲག་བཙན་འབུམ་གྱི་ཁ་ལོ་སྒྱུར། །དེ་རིང་སྲིད་པའི་མདོས་འདི་བཞེས། །བཙན་ཡུལ་ཕ་གི་ན། །བཙན་མཁར་ལྡེམ་པ་ཕ་གི་ན། །སྐྱི་མ་ལུང་གསུམ་ཡ་གི་ན། །སྐྱེས་བུ་ལུང་བཙན་བཞུགས། །སྐྱེས་བུའི་ལུས་ལ་ཅི་གསོལ་ན། །དམར་པོ་དར་གྱི་རལ་ག་གསོལ། །ཆིབས་སུ་བཙན་རྟ་སེར་པོ་
ཆིབས། །སྟག་རལ་གཡས་ལ་གཟིག་ཤུབ་གཡོན། །ལན་འགའ་ཞགས་པ་མདའ་ལྟར་འཕེན། །བཙན་གྱི་རལ་གྲི་སྐྱ་འབྱམ་བཏགས། །བསེ་ཞུ་དམར་པོ་ལ། །ཕོད་དཀར་ལྡེམས་སེ་ལྡེམ། །ཁ་དྲག་བདུད་ལ་རྒོལ། །བདུད་ལ་དོ་ཡང་བསྔོ། །ཆོ་ལོང་འཐབ་གསུམ་བཏབ། །འཐབ་ཀྱིས་ཕམ་མ་མྱོང་། །ལུང་བཙན་སྟོང་གིས་ཁ་ལོ་སྒྱུར། །མདོས་བདག་མདོས་བཞེས་ཤིག །གླུད་བདག་གླུད་བཞེས་ཤིག །ཡུལ་དང་བཙན་ཡུལ་ཕ་གི་ན། །མི་ལུས་གླང་གི་མགོ་བོ་ཅན། །ལག་ན་ཤིང་རིས་རྒྱན་མཁར་ཐོགས། །ཁ་ནས་ཁྲག་གཟེར་མདའ་ལྟར་འཕེན། །མི་ལ་གཟེར་བའི་ནད་དུ་མཛད། །བཙན་མི་ཡི་ལུས་ལ་རྟ་ཡི་མགོ་བོ་ཅན། །ལག་ན་བསེ་ཕོར་དམར་པོ་ཐོགས། །མིག་ནས་མེ་དང་འོད་དུ་གཏོང་། །ཁ་ནས་གདུག་པའི་ནད་དུ་གཏོང་། །སྣ་ནས་རླུང་དང་བུ་ཡུག་གཏོང་། །ལག་ན་བཙན་ཞགས་མདའ་ལྟར་འཕེན། །མི་ལ་བདུད་དུ་བྱེད་ཅིང་ཕྱུགས་ལ་ཤ་བདལ་གཏོང་། །མདོས་བདག་མདོས་བཞེས་ཤིག །གླུད་བདག་གླུད་བཞེས་ཤིག །བཙན་མི་ལུས་ཤ་བའི་མགོ་བོ་ཅན། །ལག་ན་གདུག་པའི་མཚོན་ཐོགས་ལ། །ཁ་ནས་གདུག་པའི་སྐྱུགས་པ་གཏོང་། །ཤོ་རྡེའུ་དམར་པོ་མི་ལ་འདེབས། །མདོས་བདག་མདོས་བཞེས་ཤིག །བཙན་ནི་ཡ་བ་རྒྱ་བདུན་ཏེ། །བཙན་རྟ་དམར་པོ་ཞོན་ནས་བཙན་ཞགས་མདའ་ལྟར་འཕེན། །སྐྱེས་པའི་བདུད་གཅོད་ན་ཆུང་སྲིད་ཀྱང་རྐུ། །ཡ་མ་སྐྱ་ལྔ་དང་ནི་སྐྱ་གསུམ་དང་། །ཡ་མ་སྐྱ་གཅིག་འཁོར་དང་བཅས། །བཙན་རྟ་དམར་པོ་ཞོན་ནས་བཙན་ཞགས་མདའ་ལྟར་འཕེན། །གང་ལ་བབ་པ་བརྒྱལ་བར་བྱེད། །མདོས་བདག་མདོས་བཞེས་ཤིག །བཙན་ཕྲན་སྟོང་སྡེ་ཡང་། །ལ་ལ་བྲག་དང་ཆུ་ལ་གནས། །བྲག་བུ་སྐྱ་རེ་ལ། །བཙན་བྲན་སྐྱ་རེ་གནས། །ལ་ལ་ཤིང་དང་རྡོ་ལ་གནས། །ལ་ལ་མཚོ་དང་རྟེན་ལ་གནས། །ལ་ལ་མཁར་དང་རྫོང་ལ་གནས། །བྲག་བཙན་སྟོང་སྡེ་ཡང་། །བཙན་རྟ་ནི་རེ་རེ་ཆིབས། །ལ་ལ་རྒྱན་གྱིས་མཛེས་པ་སྟེ། །ནད་དུ་གཟེར་ནད་གཏོང་། །
མདོས་བདག་མདོས་བཞེས་ཤིག །དུར་བཙན་ནི་མི་སྨུག་ཏེ། །རྟ་སྨུག་ཙེ་རེ་རེ། །སེ་བཙན་ནི་མི་ནག་སྟེ། །རྟ་ནག་ནི་ཙེ་རེ་རེ། །སྐྱེ་བཙན་ནི་ཆེན་པོ་ལ། །མི་དཀར་རྟ་དཀར་བཙན། །ཀླུ་བཙན་མཆེད་དེ་གསུམ། །མཆེད་པོ་ཀླུ་བཙན་ནག་པོ་ལགས། །ཆིབས་སུ་སྦལ་པ་ནག་པོ་ཆིབས། །ཉ་ནག་སྦྲུལ་ནག་ཐུལ་པ་གསོལ། །སེ་བདུད་སེ་བཙན་སྤྲུལ་པར་གཏོང་། །ཆུ་མིག་ནག་པོ་དག་ལ་གནས། །ཀླུ་བཙན་སེར་པོ་སྟེ། །སྦལ་པ་སེར་པོ་ཆིབས། །ཉ་ཆེན་རྩེ་མོའི་ཐུལ་པ་གསོལ། །བྲག་བཙན་འབུམ་དང་བཅས། །ཀླུ་བཙན་དམར་པོ་སྟེ། །གླང་དམར་རུ་དཀར་ཆིབས། །སྐུ་ལ་སྤྱང་མོའི་ཐུལ་པ་གསོལ། །བྲག་བཙན་ནི་སྤྲུལ་པར་གཏོང་། །མདོས་བདག་མདོས་བཞེས་དང་། །དྲི་བཙན་ཁྲན་དང་རྗེ། །མདོས་བདག་མདོས་བཞེས་ཤིག །འཇིག་རྟེན་དཔེ་མཆིས་སོ། །བདེན་པའི་ཚིག་མཆིས་སོ། །ནོར་དང་དཀོར་མཆིས་སོ། །གསོལ་བའི་ཟས་མཆིས་སོ། །མདོས་བདག་མདོས་བཞེས་ཤིག །མདའ་ནི་ནམ་མཁའ་ལ། །ནམ་མཁའ་ཡུལ་དུ་འབུལ། །ཟས་ཀྱིས་མཆོད་ལ་ནོར་གྱི་གཏེར། །བཙན་པོ་གཉན་མཆོད་ན། །མདོས་བདག་མདོས་བཞེས་ཤིག །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། བཙན་བཅོས་ པའི་ལེའུ་ཉི་ཤུ་ལྔ་པའོ།། །།དེ་ནས་ཡང་བཅོམ་ལྡན་འདས་ཀྱི་སྤྱན་སྔར། ཡ་བདུད་བཅུ་གསུམ་ཕྱག་བརྙན་དང་བཅས་པས་རང་རང་གི་ལས་འདི་དག་སྨྲས་སོ། །འབྲུ་སྣ་ཚང་བའི་ངར་ཕྱེ་ལ། །དར་ནག་རྒྱན་དང་བཅས་པ་གཉིས། །དར་ནག་གཅིག་ལ་མདའ་བཅུ་གསུམ། །ཁ་དོག་རིགས་དང་བསྟུན་པར་བྱ། །བཤོས་བུ་བཅུ་གསུམ་རྩེ་ནག་བྱ། །ལུག་ནག་བྱ་ནག་དེ་བཞིན་བསག །ཕུད་དང་མདའ་དང་རིན་ཆེན་བསག །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། ཡ་བདུད་བཅུ་གསུམ་ལ་ཡས་བསག་པའི་ལེའུ་ཉི་ཤུ་དྲུག་པའོ།། །།ཡུལ་དེ་བདུད་ཡུལ་ནག་པོ་ཕ་གི་ན། །ལྕགས་མཁར་གནམ་
དུ་ཟངས་སེ་ཟང་། །རྩ་བ་གསེར་ལ་རྩེ་མོ་གཡུ། །རྩེ་དགུ་གནམ་དུ་ཟངས་སེ་ཟང་། །དེ་ན་བདུད་ཀྱི་རྒྱལ་པོ་བཞུགས། །གནམ་བདུད་ཐོད་པའི་ཕྲེང་བ་ཅན། །མི་ནི་ས་ཆུ་མེ་དང་སྤྲུལ། །ཡ་བདུད་བཅུ་གསུམ་བྱུང་། །སྲིང་མོ་བཅུ་གསུམ་བྱུང་། །ཆེ་ཡང་བདུད་ཀྱིས་བསད། །ཆུང་ཡང་བདུད་ཀྱིས་བསད། །བདུད་ལས་གཉན་མ་མཆིས། །བདུད་ཀྱི་རྒྱལ་པོ་བ། །རེ་སྟེ་མགོ་ཡག་དེ། །རྟ་ནག་རི་ཙམ་ཆིབས། །ཞགས་ནག་མདའ་ལྟར་འཕེན། །མི་བུ་ཟས་སུ་ཟ། །དུད་འགྲོ་བཤས་སུ་བཤའ། །དེ་རིང་སྲིད་པའི་མདོས་བཞེས་ཤིག །བདུད་ནག་པོ་བཀྲག་མེད་དེ། །རྟ་ནག་རི་ཙམ་ཆིབས། །ཞགས་པ་མདའ་ལྟར་འཕེན། །ཁ་རླངས་ནག་ཕོ་ཐུ་ལུ་ལུ། །སྨ་ར་ནག་པོ་ཕྱ་ར་ར། །ཕྱག་སོར་ནག་པོ་ཤད་དེ་ཤད། །བདུད་སྡེ་དང་བཙན་དེ། །གསེར་གྱི་མདོ་བོ་ཆིབས། །གསེར་ཞགས་མདའ་ལྟར་འཕེན། །མཆེ་བ་རྒྱ་ཟོར་བཀུག་པ་འདྲ། །ལག་པ་གཡས་ན་ཁྲམ་བམ་བསྣམས། །ལག་པ་གཡོན་ན་ཤོ་རྡེ་འགྲེམ། །བདུད་ཕྲན་འབུམ་ནི་སྤྲུལ་པར་འགྱེད། །མི་བུ་རྣམས་ཀྱི་བདུད་གཅོད་པ། །མདོས་བདག་མདོས་བཞེས་དང་། །གླུད་བདག་གླུད་བཞེས་དང་། །བདུད་ཡ་ལེ་གེ་ཤག་དེ། །སྐུ་ལ་དུང་ཁྲབ་དཀར་པོ་གསོལ། །ཆིབས་སུ་ལྐུགས་པ་ལུག་ལ་ཆིབས། །ལག་ན་ལྕགས་ཀྱི་སོག་ལེ་བསྣམས། །མིའུ་རིས་སུ་གསོད། །དུད་འགྲོ་བཤས་སུ་བྱེད། །མདོས་བདག་མདོས་བཞེས་ཤིག །བདུད་མ་ལེ་གེ་ཤག་ནི། །ཆིབས་སུ་སྟག་གུ་རིས་བཀྲ་ཆིབས། །སྐུ་ལ་ཟངས་ཁྲབ་དམར་པོ་གསོལ། །ཕྱག་ན་ཟངས་ཀྱི་སོག་ལེ་ཐོགས། །མདོས་བདག་མདོས་བཞེས་ཤིག །བདུད་སྐོས་ཀྱི་བདག་པོ་དྲང་དཀར་དེ། །གནས་པ་དཔག་བསམ་ཤིང་གི་སྟེང་པ་དག་ལ་གནས། །སྐུ་ལ་མཛེས་པའི་ན་བཟའ་གསོལ། །སྐྱེ་འགྲོ་ཀུན་གྱི་ཚེ་ལེན་བྱེད། །མདོས་བདག་མདོས་བཞེས་ཤིག །བདུད་པདྨ་གར་གྱི་དབང་ཕྱུག་དེ། །ཆིབས་སུ་ཆུ་གླང་ནག་པོ་ཆིབས། །སྐུ་ལ་ཆུ་དར་རལ་ག་གསོལ། །ཕྱག་ན་བདུད་ཀྱི་ཞགས་
པ་ཐོགས། །བདུད་ཕྲན་འབུམ་ནི་ཕོ་ཉར་འགྱེད། །སྲིད་པ་གསུམ་ལ་དབང་སྒྱུར་བྱེད། །ཚེ་ལེན་དབུགས་ལེན་བདག་པོ་ཡིན། །མདོས་བདག་མདོས་བཞེས་ཤིག །བདུད་རྗེ་མང་ཁུག་དེ། །ཆིབས་སུ་གཟིག་རིས་ས་ལེ་ཆིབས། །ལུས་ལ་ཟངས་ནག་བེར་ཆེན་གསོལ། །གཡས་པ་ལྕགས་ཀྱི་སྟྭ་རེ་ཐོགས། །གཡོན་པ་ལྕགས་ཀྱི་གཏན་པ་ཐོགས། །མི་བདུད་འཕྲང་ཁར་གཅོད་པར་བྱེད། །བྱ་བདུད་ཤིང་ཁར་གཅོད། །རྟ་བདུད་སྲབ་དཀར་གཅོད། །ཁ་ནས་སོ་གཅིག་པ། །དཔྲལ་ནས་མིག་གཅིག་པ། །བྱ་མིག་བཞིན་དུ་མས་ཡར་འགེབས། །ཉ་སོ་བཞིན་དུ་ཁོང་ནས་གཅོད། །དེ་རིང་སྲིད་པའི་མདོས་བཞེས་དང་། །བདུད་ནི་སྟག་ཞུ་མཆེད་བཞི་སྟེ། །སྐུ་ལ་སྟག་ལྤགས་ཞུལ་ཁུག་གསོལ། །དབུ་ལ་སྟག་ཞུ་རོལ་པོ་གསོལ། །ཕྱག་ན་ཟངས་ཀྱི་མཁར་བ་བསྣམས། །མིག་ནས་མེ་འབར་ཁ་ནས་ཁྲག་གི་གྲུ་ཆར་འབེབས། །དེ་རིང་སྲིད་པའི་མདོས་ལ་བྱོན། །བདུད་ལྐུགས་པ་འཛུམ་མེད་བྱ་བ་དེ། །ཆིབས་སུ་ལྐུགས་པ་ལུག་ལ་ཆིབས། །ལུས་ལ་བ་བལ་ནག་པོ་གོན། །ཁ་མི་སྨྲ་ལ་སྲོག་ལ་རྒོལ། །བདུད་བྲན་འབུམ་ནི་ཕྱག་བརྙན་འགྱེད། །མདོས་བདག་མདོས་བཞེས་ཤིག །བདུད་ཁྱབ་པ་ལག་རིང་དེ། །ཆིབས་སུ་བྱ་དམར་འདབ་བཟང་ཆིབས། །ལག་ན་གདུག་པའི་མཚོན་ཆ་སྟེ། །བསེ་ཡི་མདུང་ཐུང་གསོར་ཞིང་བརྡེག །མདོས་བདག་མདོས་བཞེས་ཤིག །བདུད་ཐོམ་པ་ཐོམ་ཆུང་བྱ་བ་དེ། །སྐུ་ལ་ཟངས་མའི་རལ་ཁ་གསོལ། །ཆིབས་སུ་བདུད་ཀྱི་རྔ་མོ་ཆིབས། །ཐོམ་ར་ཐོམ་ལུག་བདག་པོ་ཡིན། །བདུད་ནི་འཁོར་ལོ་བཅུ་གཉིས་པ། །སྲིད་པ་ཀུན་ལ་དབང་བྱེད་པའོ། །མདོས་བདག་མདོས་བཞེས་དང་། །ཤར་བ་ཕྲེང་ཐོགས་དང་། །ཉན་པ་རྣ་གསང་དང་། །སྙབ་པ་ལག་རིང་དང་། །ལྟ་བ་མིག་རྣོན་དང་། །བདུད་ཀྱི་ཕྱག་བརྙན་བཞི། །མི་ཡི་བདུད་མ་བཅད། །དུད་འགྲོ་གཉའ་མ་བཟུང་། །བདུད་ལྐུགས་པ་ལུག་མགོ་དང་། །རྨང་རྗེ་སྤྱང་མགོ་དང་། །གཉིས་པ་དོམ་མགོ་དང་། །གསོད་པ་སྟག་མགོ་དང་། །བདུད་རྗེ་
ཁྱེད་རྣམས་ཀྱང་། །མཐུན་པའི་ཡས་བཞེས་ཤིག །བདུད་རོལ་པོ་སྐྱ་དགུ་དང་། །རོལ་པོ་སྐྱ་གསུམ་དང་། །རོལ་པོ་སྐྱ་གཅིག་རྣམས། །དེ་རིང་སྲིད་པའི་མདོས་ཤིག་འབུལ། །ལྷ་བདུད་གང་བུ་དང་། །གནམ་བདུད་མེར་བ་དང་། །བདུད་རྗེ་སྐོལ་པོ་དང་། །བདུད་རལ་པ་སྤྱི་བཅིངས་དང་། །འོད་དེ་འབར་བ་དང་། །འོད་དེ་སྨྱོན་པ་དང་། །འོད་དེ་ཐོམ་པོ་དང་། །འོད་དེ་ལྐུགས་པ་དང་། མདོས་བདག་མདོས་བཞེས་ཤིག །བདུད་ཕྲན་སྟོང་སྡེ་དེ། །ཕྱག་ན་ཁྲམ་ཤིང་རེ་རེ་བསྣམས། །སོག་ལེ་རེ་རེ་ཕྱག་ན་བསྣམས། །བདུད་ཀྱི་རྟ་ནི་རེ་རེ་ཆིབས། །བདུད་ཞགས་མདའ་ལྟར་འཕེན། །མི་ཕྱུགས་ཁྲམ་ལ་འདེབས། །ཁམས་གསུམ་ཁྱབ་པར་རྒྱུག །ཤ་ལ་ལོངས་སུ་སྤྱོད། །ཁྲག་ལ་ཧུབ་ཏུ་འཇལ། །སྲིད་གསུམ་རྒྱུག་འགོང་བྱེད། །མི་བུ་བསད་དོ་ཟེར། །དུད་འགྲོ་ལ་ཤན་དམར་བྱའོ་ཟེར། །མི་ཡི་བདུད་དུ་མ་འབབ་དང་། །རིན་ཆེན་ངར་གྱི་མི་ཆེན་འབུལ། །མདའ་དང་ནམ་མཁའ་མང་པོ་འབུལ། །ནོར་དང་དཀོར་ཆ་མང་པོ་འབུལ། །ཞེས་བསྔོས་ལ་བཏང་ངོ་། །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། བདུད་བཅོས་པའི་ ལེའུ་ཉི་ཤུ་བདུན་པའོ།། །།དེ་ནས་ཡང་བཅོམ་ལྡན་འདས་ཀྱི་སྤྱན་སྔར། མ་བདུད་བཅུ་གསུམ་གྱིས་རང་རང་གི་བཅོས་པའི་ལས་འདི་དག་སྨྲས་སོ། །མཎྜལ་གཙང་མའི་སྟེང་དུ་ནི། །རྨང་རྣམས་དག་ནི་བཏིང་ནས་སུ། །འབྲུ་སྣ་ཆང་བའི་བཤོས་བུ་ལ། །བྱིན་གྱིས་བརླབ་པ་ཚུལ་བཞིན་བྱ། །དར་ནག་ཆེ་བ་གཅིག་བྱས་ལ། །ཐ་མ་ངར་བུ་སྟོང་གིས་བསྐོར། །ཡང་ན་བཅུ་གཉིས་དག་གིས་བསྐོར། །ནམ་མཁའི་གྲངས་ཀྱང་དེ་བཞིན་དུ། །བྱས་ལ་ངར་ཕྱེ་དག་ལ་གཟུག །མོ་འཕང་གཡུ་ལོ་བཅུ་གསུམ་ནི། །དར་བུ་བཅུ་གཉིས་དག་ལ་གཟུག །ལུག་དང་ཁྱི་དང་བྱ་དང་མཛོ། །རྟོལ་དང་རྔ་མོ་བོང་དྲེའུ་རྟ། །བྱ་སྣ་ཚོགས་དང་སོ་བྱའི་གསོབ་དང་ནི། །སྐྱུང་ཀའི་གསོབ་དང་མེ་ལོང་དར་སྣ་དང་། །གསེར་གཡུ་འབྲང་རྒྱས་བཅུ་གཉིས་བྱ་བཅུ་གཉིས། །སྤྱན་གཟིགས་ཤ་ཁྲག་སྟག་
གཟིག་རས་རོས་བཤམ། །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། མ་བདུད་གསོག་པའི་ལེའུ་ཉི་ཤུ་བརྒྱད་པའོ།། །།ཧཱུཾ། སྲིད་པ་སྐོས་ཀྱི་བདག་མོ་སྟེ། །ཉི་མ་ཤར་ཕྱོགས་ཕ་གི་ན། །གཉན་ཡུལ་བྱ་བའི་གོང་ཐང་ན། །ཁྲག་མཚོ་མེར་བའི་རྩ་ཤེད་ན། །བདུད་ཀྱི་སྐྱུང་ཀ་དི་རི་རི། །བདུད་ཀྱི་ཁྱི་མོ་འདྲེལ་དང་ཞུངས་སེ་ཞུང་། །བདུད་བྱ་ནག་མོ་དི་རི་རི། །ཅེ་སྤྱང་ཀང་ཀ་དི་རི་རི། །མ་མོ་ཁྲི་འདུ་སྟོང་ནི་འདུ་བའི་གནས། །མཁར་ཟོ་བ་གཞོག་རོལ་པ། །བདུད་མོ་བརྒྱ་བྱིན་ཀུན་དགའ་མོ། །ནག་མོ་རལ་གཅིག་སྲིད་གསུམ་རྒྱུག །དེ་ན་མ་བདུད་བཅུ་གསུམ་བཞུགས། །བདུད་མོ་སྟོང་སྡེ་ཡང་དེ་རུ་འདུ། །འདུན་སྟངས་གཅོད་ཅིང་ཤ་ཁྲག་ཟ། །ཁྲི་གཉེར་བྱ་བའི་བློན་མོ་ཆེ། །བདུད་ཀྱི་རྒྱལ་མོ་གླུ་ལ་བྱོན། །མོ་མཁར་དེ་ནི་ནང་ཤེད་ན། །མི་ཤ་རྟ་ཤ་བྲུམས་སུ་གཙེར། །མི་ཁྲག་རྟ་ཁྲག་མཚོ་ལྟར་བསྐྱིལ། །ཐོད་པ་སྐོམ་རློན་རྩིག་པར་བརྩིགས། །དེ་ཡི་ནི་མངའ་བདག་མོ། །ནག་མོ་རལ་གཅིག་སྲིད་པ་ཁྱབ་པར་རྒྱུག །བདུད་བོང་རྐང་གསུམ་ཞོན་ནས་སྐྱེ་འགྲོ་མ་ལུས་སྒྲོལ། །ཤ་ཟ་ཁྲག་འཐུང་རལ་པ་ཅན། །རལ་ནག་བསིགས་པས་མུན་ནག་ཁྱི་ལི་ལི། །ཁྲི་ཟ་ཁྲི་སྒྲོལ་བདུད་མོ་ཀུན་གྱི་གཙོ། །ཤ་ཁྲག་རློན་ལ་ཟ་ཞིང་སྤྱུགས་པ་གླུ་ལེན་མ། །མཚོན་གྱི་དྲུ་བུ་རྐྱོང་ཞིང་ནད་ཀྱི་རྐྱལ་པ་འབུད། །བལ་ནད་མང་པོ་གཏོང་བར་བྱེད། །མི་ཕྱུགས་གཉིས་ནི་ཁྱོད་ཀྱིས་ཁྲམ་ལ་འདེབས། །བྱང་དམར་དཀྱུས་ལ་འདེབས་ཤིང་ཤོ་རྡེ་དཀར་ནག་འགྲེམས། །མི་རྣམས་བསད་ཅིང་མི་ལྤགས་གོས་སུ་གོན། །མགོ་བཅད་ལག་ན་སྒོང་དུ་རྩེ་བར་བྱེད། །དམག་དཔུང་སྐྱེད་ཅིང་བདུད་ཀྱི་གཡུལ་ངོ་ཟློག །སྐྱེ་འགྲོ་སྲང་ལ་འདེབས་ཤིང་སྲིད་པ་ཉལ་ཐག་གཅོད། །བདུད་མོ་མི་ཟན་མདོས་ལོངས་ཤིག །དེ་ཡི་གཅུང་མོ་མི་ཟན་མ། །ནག་མོ་འུག་མགོ་བྱ་བ་ཡིན། །ཆིབས་སུ་མཛོ་མོ་རོག་མོ་ཆིབས། །ནད་ཀྱི་རྐྱལ་པ་ཁལ་དུ་འགེལ། །ལག་ན་བྷནྡྷ་ཁྲག་གིས་བཀང་བ་ཐོགས། །སྲིད་གསུམ་རྒྱུག་པའི་མཐུ་མོ་ཆེ། །ལུས་ལ་ལ་བ་ནག་པོ་གོན། །ལག་ན་ཤོ་རྡེའུ་དཀར་ནག་འགྲེམས། །མདོས་བདག་ཆེན་མོ་མདོས་བཞེས་དང་། །
དེ་ཡི་གཅུང་མོ་ཁྲག་མིག་མ། །བྱ་མོ་ནག་མོ་ཞོན་ནས་ནི། །སྐུ་ལ་རྨ་བྱའི་ཐུལ་པ་གསོལ། །ལག་ན་པར་བུ་དུག་གིས་བཀང་། །སྲིད་པ་ཀུན་ཏུ་ཁྱབ་པར་བྱེད། །མདོས་བདག་ཆེན་མོ་མདོས་ལོང་དང་། །དེ་ཡི་ནུ་མོ་གཅུང་མོ་དེ། །སྐུ་ལ་ཁྲག་གི་རེ་ལྡེ་གསོལ། །ཆིབས་སུ་ཆུ་གླང་ནག་པོ་ཆིབས། །མིག་ནས་མེ་འབར་ཁྲག་གི་སྐྱིན་ཐང་འབེབས། །མདོས་བདག་ཆེན་མོ་མདོས་བཞེས་དང་། །དེ་ཡི་གཅུང་མོ་བདུད་མོ་ནི། །བུད་མེད་རལ་ནག་མུན་ལྟར་གཏིབས། །ལུས་ལ་ཞིང་གི་གཡང་གཞི་གསོལ། །ཆིབས་སུ་རྟོལ་བུ་རྭ་ཡོན་ཆིབས། །ལག་ན་མཚོན་གྱི་དྲུ་གུ་བསྡོག །ཆིབས་སུ་རུ་ཡོན་བསྐྱོད་པའི་ཚེ། །ཁམས་གསུམ་རྒྱུ་ཞིང་མ་ཡམས་འདུན་མར་སྡུད། །རྡོ་རྗེ་གློག་མ་སྲིན་དུ་གྲགས་པ་ཡིན། །མདོས་བདག་ཆེན་མོ་མདོས་ལོང་དང་། །དེ་ཡི་ནུ་མོ་གཅུང་མོ་ནི། །ཆིབས་སུ་དྲེའུ་ནག་རྐང་གསུམ་ཆིབས། །ལུས་ལ་མཐིང་ནག་གནམ་གྱི་གོས་སུ་གསོལ། །མིག་ནས་ཁྲག་འཛག་ཇུ་ལུ་ལུ། །ལག་ན་གཡུ་ཡི་ཟོར་བ་ཐོགས། །ལག་ནས་ཐོད་པ་མདའ་ལྟར་འཕེན། །བདུད་མོ་ཆེན་མོ་གོ་ཏི་མ། །ཆིབས་སུ་ཆུ་རྟ་གཞུང་ཆེན་ལ། །གྲུ་དང་གཟིངས་ཀྱི་སྒ་བསྟད་ནས། །དར་སྦྲ་སྔོན་པོ་གུར་དུ་ཕུབ། །ཆུ་བདུད་སྟོང་གི་འདུན་མར་སྡུད། །མདོས་བདག་མདོས་བཞེས་དང་། །དེ་ཡི་ནུ་མོ་ནག་མོ་ཁ་མཆུ་མ། །བུད་མེད་ལུས་ལ་ཁྭ་ཡི་མཆུ། །ཕྱག་ན་སླེ་ཆེན་གཡབ་འདོར་མ། །མདོས་བདག་ཆེན་མོ་མདོས་ལོང་དང་། །དེ་ཡི་ནུ་མོ་གཅུང་མོ་དེ། །དུར་ཁྲོད་ཀུན་གྱི་འཇོ་ལེ་མ། །མི་མོ་དྲེད་མོ་ཡུ་འཇོལ་མ། །ལག་ན་ལྕགས་མདའ་ལྕགས་གཞུ་ཐོགས། །གང་ནས་གང་དུ་རྦད་པའི་ཚེ། །ལྕགས་ཀྱི་ཚུབ་ནག་སློང་ཞིང་འགྲོ། །མདོས་བདག་ཆེན་མོ་མདོས་བཞེས་དང་། །མ་བདུད་དེ་ཡི་གཅུང་མོ་ནི། །གཡུ་མཚོ་སྔོན་མོའི་གཏིང་རུམ་ན། །བུད་མེད་གཡུ་ཡི་གོ་ལྕོག་ཅན། །གདུག་པའི་ནད་རྣམས་འབེབས་པར་བྱེད། །སྲིད་པ་ཀུན་ཏུ་རྒྱུག་བྱེད་ཅིང་། །ཁ་ནས་དུག་གི་ཁ་ཆུ་འབེབས། །ལག་པས་སྤར་གདེངས་ནད་གཏོང་མ། །གཅིག་ནི་བདུད་མོ་ཁྲོལ་ཐོགས་མ། །སྲིད་པ་ཀུན་ལ་དབང་སྒྱུར་མ། །བདུད་མོ་ཆེན་མོ་
མདོས་ལོང་དང་། །གཅིག་ནི་བུད་མེད་ནག་མོ་ལ། །ལག་ན་ཁྲག་གི་ཕོར་ཐོགས་མ། །དུར་ཁྲོད་ཀུན་ཏུ་རྒྱུག་པར་བྱེད། །ཆིབས་སུ་རྟོལ་བུ་རྭ་དཀར་ཆིབས། །སྤྱུགས་པའི་བརྡ་ཡིས་མ་མོ་གཡོབ། །མདོས་བདག་ཆེན་མོ་མདོས་ལོངས་ཤིག །བདུད་མོ་ཆེན་མོ་བཅུ་གསུམ་དང་། །འཁོར་དུ་བདུད་མོ་སྟོང་ཚོགས་དང་། །བདུད་མོ་ཁྲམ་ཟན་ནད་གཏོང་མ། །དེ་རིང་སྲིད་པའི་མདོས་བཞེས་ཤིག །མཐུན་པའི་ཡས་ནི་འདི་བཞེས་ཤིག །མཐུན་པའི་དཀོར་ནོར་མང་པོ་བཞེས། །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། མ་བདུད་བཅུ་གསུམ་བཅོས་པའི་ལེའུ་ཉི་ཤུ་དགུ་པའོ།། །།དེ་ནས་ཡང་བཅོམ་ལྡན་འདས་ཀྱི་སྤྱན་སྔར། ཇ་ལ་མ་སུམ་བརྒྱ་དྲུག་ཅུས་རང་རང་གི་བཅོས་པའི་ལས་འདི་དག་སྨྲས་སོ། །བདག་ཅག་རྣམས་ནི་སྲིད་པ་ཉུལ་ལེ་སྟེ། །གནས་སམ་ས་ནི་བརྟགས་པ་དེར། །རྨང་རྣམས་དག་གི་གཞི་སྟེང་དུ། །དབང་གི་རྒྱལ་པོའི་ཏིང་འཛིན་ལྡན་པ་དེས། །ནས་དམར་དང་ནི་རམ་བུ་དག །སྐྱེ་ཚེ་དང་ནི་གྲོ་དང་ནི། །སོ་བ་དང་ནི་འབྲུ་མར་དང་། །དེ་ལས་སྦྲུས་པའི་བཤོས་བུ་ལ། །དབུས་སུ་རི་རབ་བང་རིམ་གཅིག་པའི་རི་རབ་ལ། །ནམ་མཁའ་སུམ་བརྒྱ་དྲུག་ཅུ་གཟུག །ཁ་དོག་དང་ནི་རིགས་དང་བསྟུན། །རྨྱུག་མ་གཙང་མ་ནམ་མཁའི་གུར། །རི་རབ་དེ་ལ་གཟུག་པར་བྱ། །ར་བུ་སུམ་བརྒྱ་དྲུག་ཅུ་བྱ། །ཁྱི་དང་བྱ་དང་སེམས་ཅན་གཟུགས། །དེ་ཡི་གྲངས་སུ་ཤེས་པར་བྱ། །རི་རབ་དེ་ཡི་ཐ་མ་བསྐོར། །འབྲང་རྒྱས་སུམ་བརྒྱ་དྲུག་ཅུ་དང་། །མོ་འཕང་གཡུ་ལོ་སུམ་བརྒྱ་དྲུག་ཅུ་བསྐོར་ལ་གཟུག །རམས་སྐྱེགས་ཚྭ་བལ་བུལ་ཏོག་དང་། །ལྷོ་རྫས་ལ་རྫས་ཀུན་ཀྱང་གསོག །འབྲུ་སྣ་རིན་པོ་ཆེ་དང་ཤ་སྣ་མང་པོ་དགྲམ་པར་བྱ། ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། ཇ་ལ་མ་བསོག་པའི་ལེའུ་སུམ་ཅུ་པའོ།། །།ཧཱུཾ། སྟོང་གི་སྡེ་དཔོན་བཀའ་འོག་ན། །དྲེགས་པའི་འཁོར་ཚོགས་བསམ་ཡས་ཀྱང་། །སྟོང་གསུམ་ཀུན་ཏུ་རྒྱུག་འགྲོ་བྱེད་པ་བདག་ཅག་ཇ་ལ་མ། །འཇིག་རྟེན་འདི་ཡི་བང་ཆེན་རྣམས་ནི་བདག་ཅག་སྟེ། །གཙོ་མོ་ཨེ་ཀ་མ་ནི་སྲིད་པ་ཀུན་གྱི་བདག །མ་ཚོགས་ཀུན་གྱི་བདག་མོ་ཨེ་ཀ་མ། །
སྐྱེ་མེད་ཆོས་ཀྱི་དབྱིངས་ཀྱི་ངང་ལས་སྐུ་བཞེངས་སྲིད་པ་ཀུན་གྱི་བདག །བྱང་ཆུབ་སེམས་ལ་སྐྱོན་གྱིས་མ་གོས་ཀྱང་། །དེ་ཡི་འཁོར་ན་བདུད་མོ་སྟོང་ཚོགས་གནས། །དེ་རིང་སྲིད་པའི་མདོས་བཞེས་ཤིག །སྐྱེ་འགྲོ་རལ་གཅིག་མ་ནི་སེམས་ཅན་ཀུན་གྱི་ཚེ་སྲོག་བདག །ནག་མོ་བོང་བུ་ཞོན་ནས་ནད་ཁྲག་མང་པོ་གཏོང་། །མ་ཡམས་འདུན་མར་སྡུད་ཅིང་སྲིད་པའི་བདག་མོ་ཁྱོད། །མི་ལྤགས་གཡབ་དར་སྤྱུགས་པའི་གླུ་ལེན་ནས། །ཕོ་བདུད་ལས་ལ་གཏོང་ཞིང་མ་མོ་བྲན་དུ་འཁོལ། །རལ་ནག་མུན་ལྟར་གཏིབས་ཤིང་སྡིགས་པའི་གད་མོ་དགོད། །དེ་རིང་སྲིད་པའི་མདོས་བཞེས་ཤིག །ཇ་ལ་སུམ་བརྒྱ་དྲུག་ཅུ་ནི། །ལ་ལ་བཀའ་ཡི་བང་ཆེན་བྱེད། །ལ་ལ་ལྟས་ངན་སྣ་ཚོགས་འབེབས། །ལ་ལ་བདུད་བཙན་བང་ཆེན་བྱེད། །ལ་ལ་ཁམས་གསུམ་ཀུན་གྱི་ཕུང་ཁྲོལ་བྱེད། །ལ་ལ་བརྡབ་སྣོལ་གཟུང་རྨུགས་བྱེད། །ལ་ལ་དག་ལ་ཕན་པར་བྱེད། །ལ་ལ་དག་ལ་གྲོགས་ཀྱང་བྱེད། །འཇིག་རྟེན་ནོར་ལ་ཟད་འཕེལ་བྱེད། །མི་ལ་ནད་དུ་བྱེད་ཅིང་ཕྱུགས་ལ་བཤན་མར་བྱེད། །ནད་སྣ་མང་པོ་གཏོང་བར་བྱེད། །བརྒྱ་ནི་བདུད་དང་བཙན་གྱི་བུ་ཡི་རིགས་ཡིན་ཏེ། །བསད་བཅད་ལས་ལ་དགའ་ཞིང་དམག་དང་དཔུང་ལ་དགའ། །བརྒྱ་ནི་ཤ་ཟ་མོ་ཡི་རིགས་ཏེ་ནད་ཡམས་མུ་གེ་འཁྲུག་པ་གཏོང་། །བརྒྱ་ནི་རྒྱལ་པོ་ཐེ་རང་རིགས་ཏེ་འཇིག་རྟེན་ཕུང་ཁྲོལ་བྱེད་ཅིང་ཚེ་ལེན་བྱེད། །རྩ་དགུ་སྲིད་པའི་ལྷག་མ་སྡུད་བྱེད་ཅིང་། །ཉི་ཤུ་རྩ་གཅིག་གནོད་སྦྱིན་རྣམས་ཀྱི་བང་ཆེན་མཛད་དེ་ཤ་དང་ཁྲག་ལ་དགའ། །ཇ་ལ་སུམ་བརྒྱ་དྲུག་ཅུ་རྣམས། །དྲུག་ཅུ་སྲིད་པ་ཀུན་ལ་དབང་བྱེད་མ། །ལུས་ལ་ལྭ་བ་ནག་པོ་གྱོན། །མགོ་ལ་སླེ་ནག་གོ་ལྕོག་ཅན། །མཛོ་མོ་རོག་མོ་དྲུག་ཅུ་ཞོན་ནས་རྒྱུག །སྲིད་པའི་ཚེ་ལ་རྒྱུག་པར་བྱེད། །བྱིས་པ་ཀུན་གྱི་ཆུང་ངུར་འབེབས། །ལ་ལ་མདུང་ཐོགས་དམག་སྣ་འདྲེན། །ལ་ལ་ཕྱུགས་ཀྱི་རྫི་བོ་བྱེད། །ལ་ལ་རྔ་མོ་སྐེ་རིང་ཞོན་ནས་བྱིས་པའི་ཚེ་ལ་རྒྱུག །ལ་ལ་དོམ་བུ་ནག་གུ་ཞོན་ནས་ན་ཆུང་ཚེ་ལ་རྒྱུག །ལ་ལ་བུད་མེད་ནག་མོ་ལ། །རལ་པའི་ཟར་བུ་གཡས་ནས་གཡོན་དུ་འཁྱིལ། །དྲེད་མོ་ལག་དཀར་ཞོན་
ནས་ན་ཆུང་ཚེ་ལ་རྒྱུག །ལ་ལ་བདུད་ཤ་ནག་པོ་ཞོན་ནས་རྒྱུག །ལ་ལ་བུད་མེད་དམར་མོ་ལ། བཟང་བཙན་སྤྲེའུ་ལ་ཞོན་ཅིང་ཁྲམ་གྱི་ཤིང་བུ་འཕར་ཞིང་རྒྱུག །ལ་ལ་དུར་བོང་ཁ་སྐྱ་ཞོན་ནས་རྒྱུག །ཟངས་ཀྱི་བུད་མེད་རལ་ཅན་བརྒྱ། །ཟངས་ཀྱི་རལ་པ་མདའ་ཙམ་ཤ་ར་ར་། །ལག་ན་ཟངས་ཀྱི་སོག་ལེ་རེ་རེ་ཐོགས། །ཟངས་ཀྱི་འཕར་བ་དམར་པོ་ཞོན་ནས་རྒྱུག །ལ་ལ་ལྕགས་ཀྱི་བུད་མེད་རལ་ཅན་བརྒྱ། །ལྕགས་ཀྱི་རལ་པ་མདའ་ཙམ་ཤ་ར་ར། །ལག་ན་ལྕགས་ཀྱི་སོག་ལེ་ཐོགས། །ལྕགས་སྤྱང་བརྒྱ་ལ་ཞོན་ནས་རྒྱུག །ལ་ལ་ཁྲག་གི་བུད་མེད་རལ་པ་ཅན། །ཁྲག་གི་ཕོར་ཐོགས་གནམ་གྱི་ཐ་མ་བསྐོར། །འབྱུང་པོ་དབང་དུ་བསྡུས་ནས་ནི། །ཐམས་ཅད་ཀུན་གྱི་ཉུལ་ལེ་བྱེད། །མདོས་བདག་ཆེན་མོ་མདོས་བཞེས་དང་། །ལ་ལ་བ་སྐྱ་ཡུ་མོ་ཞོན་ནས་ནི། །ལྭ་བ་ནག་པོ་ལུས་ལ་གོན། །ཆུ་དར་སྔོན་པོ་གཡབ་འདེབས་བྱེད། །ལ་ལ་སྲིད་པའི་ཉུལ་ལེ་བྱེད། །ཁ་ནས་ཁྲག་སྐྱུགས་ཁྲག་གི་གྲུ་ཆར་འབེབས། །ལ་ལ་བདུད་ཀྱི་བང་ཆེན་ཏེ། །བོང་བུ་ནག་པོ་ཞོན་ཏེ་སྲིད་པ་སྐོར་བར་བྱེད། །ལ་ལ་མི་ཡི་ཐུལ་པ་གོན་པ་མོ། །ལ་ལ་བུད་མེད་ནག་མོ་གོ་ཟུ་ཅན། །ཝ་མོ་ཁ་ནག་ཞོན་ནས་རྒྱུག །ལ་ལ་སྲིད་པའི་བང་ཆེན་ཏེ། །བདུད་རྟ་ནག་པོ་ཞོན་ནས་བདུད་ཀྱི་ཞོགས་ནག་མདའ་ལྟར་འཕེན། །ལ་ལ་ནད་ཀྱི་རྐྱལ་པ་ཁུར་ཞིང་གྲོང་ཁྱེར་སྐོར་བར་བྱེད། །ལ་ལ་ནད་ཁྲག་འཐོར་ཞིང་སྲིད་པའི་ཕུང་ཁྲོལ་བྱེད། །ལ་ལ་ཕག་པ་རོག་པོ་ཞོན་ནས་རྒྱུག །ལ་ལ་རྟོལ་བུ་ཁ་དཀར་ཞོན་ཅིང་དར་གྱི་གཡབ་མོ་འདེབས། །ལ་ལ་ཐབ་གཡག་རོག་པོ་ཞོན་ནས་སུ། །ལུས་ལ་རེ་ནག་གོན་པར་བྱེད་ཅིང་ཁྲག་གི་ཕོར་ཐོགས་སྲིད་པར་རྒྱུག །ལ་ལ་ཁྲག་འཐུང་དུར་ཁྲོད་ཉིད་ཕུགས་རྒྱུ། །ལ་ལ་སྲིད་པའི་ལྷ་འདྲེ་གཡབ་ཅིང་མ་ཡམས་ལས་ལ་གཏོད། །ཐེ་རང་སྟོང་སྡེ་ལས་ལ་གཏོང་ཞིང་ཁོ་རང་རྒྱུག་འགྲོ་བྱེད། །མི་ཕྱུགས་གཉིས་ཀ་གསོད་པར་བྱེད་པ་སྟེ། །སྲིད་པའི་ཇ་ལ་མ་ནི་སུམ་བརྒྱ་དྲུག་ཅུ་ཡང་། །དེ་རིང་སྲིད་པའི་མདོས་འདི་བཞེས། །མཐུན་པའི་
ཡས་ནི་མང་བསོག་འདི་བཞེས་ལ། །ནད་ཀ་ཐམས་ཅད་སླར་ལ་སྒྱུར། །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། ཇ་ལ་མ་བཅོས་པའི་ལེའུ་སོ་གཅིག་པའོ།། །།དེ་ནས་ཡང་བཅོམ་ལྡན་འདས་ཀྱི་སྤྱན་སྔར། མཚོ་སྨན་དཀར་མོའི་ཚོགས་དང་ཀླུ་དང་ས་བདག་འཁོར་དང་བཅས་པས་རང་རང་གི་བཅོས་པའི་ལས་འདི་དག་སྨྲས་སོ། །བདག་ཅག་རྣམས་ནི་འཆོས་པ་ན། །གླུད་བདག་ཏིང་འཛིན་ལྡན་པ་དེས། །འབྲུ་སྣ་ཚང་བར་བསགས་ནས་ནི། །དབེན་པའི་ས་འམ་གཙང་མའི་གནས་ནི་བཙལ་ནས་སུ། །རས་དཀར་དག་ནི་གཞི་མར་བཏིང་ནས་སུ། །རྫས་ཀྱི་རིམ་པ་དེ་རུ་བསག །བྱིན་གྱིས་བརླབ་པ་ཚུལ་བཞིན་བྱ། །དབུས་སུ་རི་རབ་ཆེན་པོ་དེ། །ཁ་དོག་དག་ནི་རིགས་དང་བསྟུན། །རིན་པོ་ཆེ་ཡི་དར་གཅིག་བྱ། །རྨྱུག་མ་གཙང་མའི་ནམ་མཁའི་གུར། །གཏོར་མ་དགུ་ནི་བྱ་བའོ། །ནམ་མཁའ་ཉི་ཤུ་རྩ་གཅིག་ལ། །གཙོ་མོ་དཀར་ལ་གཞན་མའི་རིགས། །རི་རབ་དེ་ལ་གཟུག་པར་བྱ། །རྨྱུག་མ་གཙང་མ་དགུ་ལ་ནི། །དེ་ལ་གསང་བའི་བུམ་བུ་བྱ། །མཐའ་མ་ནམ་མཁའ་བརྒྱ་ནི་རྩ་བརྒྱད་བྱ། །རི་རབ་དེ་ལ་གཟུག་པར་བྱ། །རིན་པོ་ཆེ་ཡི་སྐྱོགས་བརྒྱད་དུ། །ཤར་དུ་དཀར་གཏོར་མར་དང་བཅས་པ་བཞག །ལྷོ་རུ་འབྲུ་སྣ་ཚོགས་པའི་གཏོར་མ་ལ། །ནུབ་ཏུ་མེ་ཏོག་སྣ་ཚོགས་པའི་གཏོར་མ། བྱང་དུ་སྨན་སྣ་ཚོགས་པའི་གཏོར་མ། ཤར་ལྷོར་འོ་མ་སྣ་ཚོགས་པའི་གཏོར་མ། ལྷོ་ནུབ་ཏུ་ཀླུ་སྨན་སྣ་ཚོགས་པའི་གཏོར་མ། ནུབ་བྱང་དུ་ཚན་སྤོས་སྣ་ཚོགས་པའི་གཏོར་མ། བྱང་ཤར་དུ་ཆུ་སྣ་ཚོགས་པའི་གཏོར་མ། ནུབ་བྱང་དུ་ཤ་སྣ་ཁྲག་སྣའི་གཏོར་མ་བཞག །དབུས་སུ་དཔལ་གྱི་གཏོར་མ་གཞུང་བཞིན་གྱི་སྟེང་དུ་ཤ་ཁྲག་གི་གཏོར་མའོ། །བྱ་གསོབ་སྣ་ཚོགས། ལུག་སྨུག་ནག་བྱ་དཀར་བསག །ཐོད་པ་བརྒྱ་རྩ་བརྒྱད། དར་སྣ་རྩ་བརྒྱད། ཀླུ་ཡི་གཟུགས་དང་བྱ་དང་ངར་བུ་དང་ར་ཁྱིའི་གཟུགས་བརྒྱ་རྩ་བརྒྱད། མདའ་དང་མེ་ལོང་བརྒྱ་རྩ་བརྒྱད། ངར་མོ་བརྒྱ་རྩ་བརྒྱད། དར་གྱི་ལྡིང་
ཁང་གུར་ལྔ་བྱ། དབུས་སུ་དར་དཀར་གྱི་གུར་བྱ། ཤར་དུ་ཡང་དཀར་པོ། ལྷོར་སྔོན་པོའི་གུར་བྱ། ནུབ་ཏུ་དམར་པོའི་གུར་བྱ། བྱང་དུ་ལྗང་གུའི་གུར་བྱ། རྫས་དེ་རྣམས་བསག་ལ་ཤིན་ཏུ་གཙང་ བར་བྱས་ལ་བསྔོ། ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། མཚོ་སྨན་གྱི་གུར་མདོས་བསག་པའི་ལེའུ་སོ་གཉིས་པའོ།། །།ཧཱུཾ། ཆོས་རྣམས་སྟོང་པའི་ངོ་བོ་ལ། །སྟོང་པའི་ངང་ལས་ཆོ་འཕྲུལ་བྱུང་། །བྱུང་བ་ཉིད་ལས་དངོས་པོ་མེད། །ཐམས་ཅད་སེམས་ཀྱི་རང་བཞིན་ཏེ། །སེམས་ཉིད་ཡི་གེ་ཧཱུཾ་དུ་གསལ། །ཡི་གེ་ཧཱུཾ་ནི་སེམས་ཀྱི་རང་བཞིན་ཏེ། །ཆགས་པའི་སྐྱོན་བྲལ་པདྨ་རཱ་གའི་མདོག །ངེས་པའི་ཧཱུཾ་ལས་དབང་གི་སྐུ་རུ་གསལ། །དྷི་ཧཱུཾ་ཨེ་ཡཾ་བཾ་སུ་རཾ་བྷྲཱུཾ། བྷྲཱུཾ་ལས་དག་པའི་གཞལ་ཡས་ཁང་། །མ་ནི་ཟླ་གམ་གསང་བའི་གནས། །དེ་ལས་ཐམས་ཅད་བསྐྱེད་པའོ། །རུ་རུ་རག་མོ་ཀར་ཏེ་མ་ཀ་ལཾ་བྷྱོ། རཀྴ་མ་དུང་དུང་། རག་ཤ་རུ་མ་ཀ་ལ། དང་བ་རག་མོ། ཤ་བ་མ་ཏི་ཀར་མ། དེ་ལས་དཀར་མོ་དབུ་དགུ་བསམ། །དབང་གི་རྒྱལ་མོ་བཞི་ནི་ཕྱོགས་བཞིར་རེ། །ཕྱི་ཕུ་དེ་ལ་ས་བདག་ཀླུ་ཚོགས་ཀུན། །འདབ་བརྒྱད་ཟླ་གམ་གསང་བའི་གཞལ་ཡས་སུ། །སྲིད་པའི་དཀར་མོ་སྐུ་རུ་གསལ། །དེ་ནས་དབང་གི་རྒྱལ་མོ་སྟེ། །མཚོ་སྨན་སྟོང་སྡེས་བསྐོར་བའོ། །ཧཱུཾ། དབང་གི་རྒྱལ་མོའི་གཞལ་ཡས་སུ། །དཀར་མོ་དབུ་དགུ་ཚོགས་བཅས་གཤེགས་སུ་གསོལ། །དད་པ་དང་ནི་དམ་ཚིག་གིས། །ཚུར་གཤེགས་དབང་གི་རྒྱལ་མོའི་ཚོགས། །ཧཱུཾ། པདྨ་གེ་སར་གདན་མཆོག་བཤམས་པ་འདིར། །དཀར་མོ་དབུ་དགུ་མཚོ་སྨན་འཁོར་བཅས་བཞུགས་སུ་གསོལ། །ཨོཾ་བཛྲ་ཡག་མོ་རུ་རུས་ཨ་ཏི་པུ་ཧོ། དེ་ནས་དབང་གི་རྒྱལ་པོ་པདྨ་ཤྭ་རི་མ། །རྣམ་དག་སྲིད་པའི་དབང་བསྒྱུར་དཀར་མོ་ཡུམ། །མཚོ་སྨན་འབུམ་སྡེ་འཁོར་བཅས་ལ། །རྣམ་དག་བདུད་རྩིའི་མཆོད་པ་འབུལ། །དེ་ནས་བསྟོད་ཅིང་སྨོན་ལམ་གདབ་བོ། །དེ་ནས་བསྔོ་བར་བྱའོ། །ཧཱུཾ། ཨེ་ཀ་མ་ནི་སྲིད་པའི་བདག་མོ་སྟེ། །
རྒྱ་མཚོའི་གཏིང་ན་གནས་པ་ཡི། །དབང་གི་རྒྱལ་མོ་གསང་བའི་ཡུམ། །སྲིད་པའི་མ་མོ་དག་ལ་དབང་བྱེད་མ། །དེ་རིང་སྲིད་པའི་མདོས་ཅིག་བཞེས། །སྐྱེ་འགྲོ་རལ་གཅིག་མ་ནི་ཁམས་གསུམ་ཁྱབ་པའི་བདག །སྲིད་པར་ནད་ཁྲག་སྤྱོ་ཞིང་གསང་བའི་ལས་མཛད་མ། །རིམས་ནད་འཁྲུག་པར་གཏོང་ཞིང་སྤྱུགས་པའི་གླུ་ལེན་མ། །འཛམ་བུ་གླིང་བཞི་བསྐོར་ཞིང་སྡིགས་པའི་གད་མོ་དགོད། །ཁྲག་གི་ཕོར་ཐོགས་དཔག་ཚད་བརྒྱད་ཁྲིར་རྒྱུག །དམག་དཔོན་བྱེད་ཅིང་རུ་མདུང་འཕྱར། །སྲིད་པ་གསུམ་གྱི་བྷྱོ་བཟློག་བྱེད། །དེ་རིང་ཤ་ཁྲག་དམར་གྱི་མཆོད་པ་བཞེས། །དལ་ཀ་ཆོད་ལ་ནད་ཁ་སྒྱུར། །ཧཱུཾ། སྲིད་པའི་དཀར་མོ་དབུ་དགུ་མ། །སྐུ་ལུས་དཀར་ཤམ་ལྡེམ་པ་ལ། །དར་དཀར་རལ་ག་སྐུ་ལ་གསོལ། །དབུ་ལ་རིན་ཆེན་ཐོར་ཅོག་ཅན། །གཟའ་ཆེན་བརྒྱད་ནི་སྐེ་རགས་བྱས། །རྒྱུ་སྐར་སྐེད་ནས་འཆར་བར་བྱེད། །གཟའ་རྒོད་མིག་དམར་ཆར་དུ་འབེབས། །གནས་པ་རྒྱ་མཚོའི་གཏིང་ན་གནས། །རྒྱུ་ནི་བར་སྣང་ཁམས་སུ་རྒྱུ། །ཉི་མ་ཟླ་བ་སྐེད་ནས་འཆར། །ཞབས་ནི་རྒྱ་མཚོའི་གཏིང་ན་སྟེ། །ཀླུ་ཆེན་བརྒྱད་ཡང་གཟིར་བར་བྱེད། །དབང་གི་རྒྱལ་མོ་བཞི་ནི་ཕྱོགས་བཞི་ན། །གཅིག་ནི་ཉིད་ཀྱི་ཐུགས་ཀ་ནས། །རྒྱ་མཚོ་ཆེན་པོའི་གཏིང་རུམ་གུར་དཀྱིལ་ན། །དར་དཀར་གུར་གྱི་ནང་ཤེད་ན། །ཉ་ཆེན་རྩེ་མོ་གུར་དུ་ཕུབ། །སྦལ་པ་ནག་པོ་ཟ་ར་ཚགས། །དེ་ཡི་ནི་ནང་ཤེད་ན། །པདྨ་འདབ་བརྒྱད་གདན་སྟེང་ན། །དཀར་མོ་དབུ་དགུ་དེ་ན་བཞུགས། །མཚོ་སྨན་འབུམ་ནི་འཁོར་དང་བཅས། །ལན་འགའ་འགུལ་ནས་བསྐྱོད་པའི་ཚེ། །ཤ་བ་ཡུ་མོ་ཆིབས་སུ་ཆིབས། །སྟོང་ཁམས་མ་ལུས་ཁྱབ་པར་རྒྱུ། །སྲོག་དབུགས་ཀུན་ལ་མངའ་མཛད་མ། །ནད་ཡམས་ཀུན་གྱི་བདག་མོ་ཁྱོད། །ལྷ་སྲིན་ཀུན་ཡང་བྲན་དུ་འཁོལ། །དུར་ཁྲོད་མ་མོ་ཀུན་ཡང་གཡོབ། །ས་བདག་ཀླུ་གཉན་ཀུན་ཡང་ཕོ་ཉར་འགྱེད། །ཀླུ་ཆེན་ཀུན་དང་བསྡོངས་ནས་ནི། །མཛེ་དང་གཡན་པ་གཏོང་བར་བྱེད། །ས་བདག་གཉན་དང་བསྡོངས་ནས་ནི། །སྐྲང་འབུར་ཞ་གྲུམ་སྐེམ་པ་གཏོང་། །དཀར་
མོ་ནི་དབུ་དགུ་མ། །དབུ་དགུ་ཡེ་ཤེས་དགུ་ཡི་དོན་རྟོགས་རྟགས། །ཡེ་ཤེས་སྤྱན་གྱིས་སྲིད་པ་ས་ལེར་གཟིགས། །འབར་བྱེད་ཐུགས་ནི་ཆོས་ཉིད་ཀློང་ན་བཞུགས། །སྟོང་གི་ལྷ་བྲན་རྣམས་དང་རོལ། །རྒྱལ་ཆེན་བཞི་ཡི་གཟུངས་མ་མཛད། །འཛམ་གླིང་ཀུན་གྱི་ཁ་ལོ་སྒྱུར། །མཛེས་ཤིང་དག་པས་སྐུ་ལུས་དཀར་ལ་མཉེན། །ཞབས་ཀྱིས་མ་བགྲོད་ས་ལ་གནས་པའི་ཚུལ། །རྒྱལ་མོའི་ཚུལ་གྱི་དབང་གི་རྒྱལ་མོས་བསྐོར། །ཀུན་གྱི་གཙོ་མོ་མཛད་པས་མཚོ་སྨན་འབུམ་གྱིས་བསྐོར། །གུར་གྱི་ནང་ན་གནས་ཙམ་ན། །ལན་འགའ་ཆུ་སྲིན་བིར་ལ་ཆིབས། །གུར་ཆེན་དེ་ཡི་གྲུ་བཞི་ན། །ཆུ་སྲིན་སྲམ་གྱི་རྒྱལ་མཚན་བཞི། །གཞལ་ཡས་དེ་ཡི་ནང་ཤེད་ན། །སྲིད་པའི་དཀར་མོ་ཆེན་མོ་ཁྱོད། །སྦལ་པ་ནག་པོའི་ཐོད་པ་རུ། །ཁྲག་སྣ་སྟོང་ནི་སྦྱར་ནས་གསོལ། །ནག་མོ་སྟོང་ནི་དམ་ལ་སྡུད། །ལན་འགའ་རིན་ཆེན་སྣ་ལྔའི་ཐོད་པ་རུ། །འོ་མ་སྣ་ཚོགས་འདུས་པ་དང་། །མར་དང་མེ་ཏོག་སྨན་ཀྱང་གསོལ། །སྨན་མོ་འབུམ་ནི་དམ་ལ་སྡུད། །ལན་འགའ་བྷནྡྷར་རཀྟ་མང་པོ་གསོལ། །གནོད་སྦྱིན་འབུམ་ནི་དམ་ལ་སྡུད། །རིན་ཆེན་གསེར་གྱི་ཕོར་པ་རུ། །བདུད་རྩི་ཆུ་ནི་བཅུས་གྱིན་གསོལ། །སེར་མོ་འབུམ་ནི་དམ་ལ་སྡུད། །དར་གུར་དེ་ཡི་ནང་ཤེད་ན། །དུང་དང་གསེར་དང་བྱུ་རུ་དང་། །གཡུ་དང་ལྕགས་ལས་གྲུབ་པ་ཡི། །རིན་ཆེན་འབར་བའི་གཞལ་ཡས་ཁང་། །དེར་ནི་སྲིད་པའི་བདག་མོ་བཞུགས། །དེ་རིང་སྲིད་པའི་མདོས་འདི་བཞེས། །ཤ་སྣ་ཁྲག་སྣ་འོ་མ་དང་། །མེ་ཏོག་ཆུ་སྣ་འབྲུ་སྣ་མཆོད། །ཚན་སྤོས་ཆང་དང་རྩི་སྨན་མང་པོས་མཆོད། །གཟུགས་བརྙན་མང་པོས་ཐུགས་དམ་བསྐང་། །ཀླུ་ཡི་གདུག་རྩུབ་ཞི་བར་གྱིས། །ས་བདག་གདུག་རྩུབ་ཞི་བར་གྱིས། །མ་མོའི་ནད་རྣམས་སླར་ལ་དུལ། །ཤར་ཕྱོགས་དར་དཀར་གུར་གྱི་ནང་ཤེད་ན། །ཉ་ཆེན་རྩེ་མོ་གུར་དུ་ཕུབ། །པདྨ་དཀར་པོ་གདན་དུ་བཏིང་། །རིན་ཆེན་དུང་གི་གཞལ་ཡས་ཁང་། །སྲིད་པ་ཡོངས་ལ་དབང་སྒྱུར་མ། །དཀར་
མོ་མཆེ་གཙིགས་སྲིད་པའི་བདག །སྨན་མོ་འབུམ་སྡེ་གཤེགས་སུ་གསོལ། །དེ་རིང་སྲིད་པའི་མདོས་བཞེས་དང་། །ལྷོ་ཕྱོགས་གུར་སྔོན་ནང་ཤེད་ན། །ཆུ་སྲིན་འབར་བའི་ཟ་ར་ཚགས། །སྦལ་པ་སེར་པོ་གུར་དུ་ཕུབ། །རིན་ཆེན་གསེར་གྱི་གཞལ་ཡས་ཁང་། །དེ་ནས་དབང་གི་རྒྱལ་མོ་བཞུགས། །སྨན་མོ་སྟོང་ལ་དབང་སྒྱུར་མ། །དེ་རིང་སྲིད་པའི་མདོས་འདི་བཞེས། །གཏོར་མ་སྣ་དགུ་དག་གིས་མཆོད། །གསོབ་བཤས་མང་པོས་ཐུགས་དམ་བསྐང་། །ནུབ་ཕྱོགས་དར་དམར་གུར་གྱི་ནང་ཤེད་ན། །སྦྲུལ་དམར་མང་པོ་གུར་དུ་ཕུབ། །ཉ་ཆེན་མཁར་བའི་རྩར་དུ་བྱས། །བྱུ་རུ་དམར་པོའི་གཞལ་ཡས་སུ། །པདྨ་འབར་བའི་གདན་སྟེང་དུ། །དབང་གི་རྒྱལ་མོ་ཆེན་མོ་བཞུགས། །དམར་མོ་བྱུ་རུའི་རལ་པ་ཅན། །སྦལ་པ་དམར་པོའི་ཐོད་པ་རུ། །ཁྲག་སྣ་མང་པོ་སྦྱར་ཞིང་གསོལ། །བདུད་རྩི་འབར་བའི་མཆོད་པ་དང་། །གཏོར་མ་དགུ་ཡི་མཆོད་པ་བཞེས། །དམངས་རིགས་ས་བདག་ཀླུ་ཡི་གདུག་པ་ཞི་བར་གྱིས། །དེ་རིང་སྲིད་པའི་མདོས་འདི་བཞེས། །བྱང་ཕྱོགས་ལྗང་ཁུ་དར་གྱི་གུར་ནང་དུ། །གཡུ་སྦལ་གཤོག་པའི་གུར་དུ་བྱས། །ལྕོང་མོ་གཤིབས་པའི་རྩར་དུ་བྱས། །རིན་ཆེན་གཡུ་ཡི་གཞལ་ཡས་སུ། །དེ་ན་དབང་གི་རྒྱལ་མོ་བཞུགས། །ལག་ན་གཡུ་སྦལ་ཐོད་པ་རུ། །བདུད་རྩི་ཁྲག་སྣ་སྦྱོར་ཞིང་གསོལ། །མ་མོ་འབུམ་ནི་ལས་ལ་འགྱེད། །དེ་རིང་སྲིད་པའི་མདོས་ལ་སྤྱོན། །རྒྱལ་མོ་ཆེན་མོ་བཞི་པོ་ཡང་། །མེ་ཏོག་སྣ་ཚོགས་དང་། །འབྲུ་སྣ་མང་པོ་དང་། །བདུད་རྩི་ཆུ་སྣ་མང་པོ་དང་། །རྩི་སྨན་འོ་མ་མང་པོ་དང་། །དཀར་གཏོར་དམར་གཏོར་ཤ་སྣ་ཚོགས་དང་བཅས། གསང་བའི་མ་མོ་མཆེད་བཞི་ཡང་། །ནམ་མཁའ་ཡུལ་དུ་འདུལ། །གསོབ་བཤས་ཐུགས་དམ་བསྐང་། །ལུག་སྨུག་ཐུགས་དམ་བསྐང་། །བྱ་དཀར་ཐུགས་དམ་བསྐང་། །མདོས་བདག་མདོས་བཞེས་ཤིག །དུས་བཞི་མ་མོ་ཁ་སྒྱུར་མ། །དེ་རིང་སྲིད་པའི་མདོས་བཞེས་དང་། །དཀར་མོའི་ཚོགས་དང་སེར་མོའི་ཚོགས། །
དམར་མོའི་ཚོགས་དང་སྨུག་མོའི་ཚོགས། །སྔོན་མོའི་ཚོགས་ལ་སོགས་པ་ཡི། །སྲིད་པའི་མ་མོ་འཁོར་བཅས་ཀྱང་། །མདོས་བདག་ཆེན་མོ་མདོས་བཞེས་དང་། །གླུད་བདག་ཆེན་མོ་གླུད་བཞེས་དང་། །འཇོག་པོ་མཚོ་ཡི་བར་མཚམས་ན། །རྒྱ་མཚོ་དེ་ཡི་ནང་ཤེད་ན། །དུང་གི་ལྡུ་པ་གུར་ཙམ་གཅིག །དེ་ཡི་ནི་ནང་ཤེད་ན། །སྨན་མོ་ནི་འབུམ་སྡེ་གནས། །དཀར་མོའི་ལུས་ལ་ལྡེམ་བག་ཅན། །དར་དཀར་ལའུ་སྐུ་ལ་གསོལ། །ཕྱག་ན་བདུད་རྩིའི་བུམ་པ་ཐོགས། །མཚོ་སྨན་རྒྱལ་མོ་ཆེན་མོ་བྱ། །དེ་རིང་སྲིད་པའི་མདོས་བཞེས་དང་། །གཡུ་ཡི་ལྦུ་བ་གུར་ཙམ་ནང་ཤེད་ན། །དེ་ན་མཚོ་སྨན་འབུམ་སྡེ་གནས། །བུད་མེད་སྔོན་མོ་གཡུ་ཡི་ལན་ཚར་ཅན། །གཡུ་བྲན་གཞིབས་པའི་ཆ་ག་ཅན། །ལག་ན་བདུད་རྩི་བུམ་པ་འཛིན། །ཁ་ནས་གདུག་པའི་ནད་ཡམས་གཏོར། །དེ་རིང་སྲིད་པའི་མདོས་བཞེས་དང་། །ཟངས་ཀྱི་ལྦུ་བ་གུར་ཙམ་ནང་ཤེད་ན། །ཟངས་ཀྱི་བུད་མེད་དམར་མོ་ལ། །ཟངས་ཀྱི་རལ་པ་མདའ་ཙམ་གསིག །ཟངས་ཀྱི་མཆེ་བ་རྒྱ་ཟོར་བཀུག་པ་འདྲ། །ཀླུ་སྨན་འབུམ་སྡེ་ལས་ལ་འགྱེད། །དེ་རིང་སྲིད་པའི་མདོས་བཞེས་དང་། །གསེར་གྱི་ལྦུ་བ་གུར་ཙམ་ནང་ཤེད་ན། །གསེར་གྱི་བུད་མེད་ལན་ཚར་ཅན། །ལག་ན་གསེར་གྱི་བུམ་པ་འཛིན། །སྨན་མོ་འབུམ་ནི་ལས་ལ་གཏོང་། །དེ་རིང་སྲིད་པའི་མདོས་བཞེས་དང་། །ལྕགས་ཀྱི་ལྦུ་བ་གུར་ཙམ་ནང་ཤེད་ན། །ལྕགས་ཀྱི་བུད་མེད་རལ་པ་ཅན། །སྲིན་མོ་ཤ་ཟ་འབུམ་ནི་ལས་ལ་གཏོང་། །དེ་རིང་སྲིད་པའི་མདོས་བཞེས་དང་། །མཆོང་གི་ལྦུ་བ་གུར་ཙམ་ནང་ཤེད་ན། །གདུག་པའི་བུ་མོ་མཆེ་གཙིགས་མ། །སྲིད་པ་ཀུན་ཏུ་ཁྱབ་པར་བྱེད། །མདོས་བདག་མདོས་བཞེས་ཤིག །གཟི་ཡི་ལྦུ་བ་གུར་ཙམ་ནང་ཤེད་ན། །སྲིད་པའི་མཚོ་སྨན་ཆེན་མོ་གནས། །ལུས་ནི་ཁྲ་མོ་ཡ་མཚན་ཅན། །ཕྱག་ན་གཟི་ཡི་བུམ་པ་འཛིན། །དེ་རིང་སྲིད་པའི་མདོས་བཞེས་དང་། །བྱི་རུའི་ལྦུ་བ་གུར་ཙམ་ནང་ཤེད་ན། །བྱི་
རུའི་བུད་མེད་དམར་མོ་རལ་བསིག་མ། །གཟེར་བ་ནད་ཀྱི་བདག་མོ་སྟེ། །དེ་རིང་སྲིད་པའི་མདོས་བཞེས་དང་། །ཤེལ་གྱི་ལྦུ་བ་གུར་ཙམ་ནང་ཤེད་ན། །ཤེལ་གྱི་བུད་མེད་དཀར་མོ་གནས། །སྲིད་པ་ཀུན་ཏུ་ཁྱབ་བྱེད་མ། །མདོས་བདག་ཆེན་མོ་མདོས་བཞེས་དང་། །དཀར་གསུམ་མངར་གསུམ་རྩི་སྨན་སྣ་ཚོགས་མཆོད། །སྲིད་པ་ཡོངས་ཀྱི་བདག་མོ་སྟེ། །དཀར་མོ་མཆེ་གཙིགས་སྲིད་པའི་བདག །འཁོར་ནི་སྨན་ཕྲན་འབུམ་གྱིས་བསྐོར། །སྲིད་པ་ཡོངས་ལ་དབང་བྱེད་ཅིང་། །ནད་དུ་མཛེ་དང་སྐེམ་པ་དང་། །ཞ་གྲུམ་མང་པོ་གཏོང་བའི་བདག །དཀར་མོ་ཆེན་མོ་དེ་ཡི་འཁོར། །ཀླུ་བདུད་སྟོང་ཡང་འཁོར་ན་གནས། །དེ་རིང་དཀར་གསུམ་མངར་གསུམ་མཆོད། །མདོས་བདག་ཆེན་མོ་མདོས་བཞེས་དང་། །སྨན་མོ་དབང་གི་རྒྱལ་མོ་སྟེ། །སྨན་མོ་ཆེན་མོ་ཙ་མུནྟི། །ཀླུ་མོ་དཀར་མོ་ཙ་མུནྟི། །ཀླུ་གདུག་སྟོང་ལ་དབང་བྱེད་ཅིང་། །འཁོར་ནི་སྨན་མོ་འབུམ་གྱིས་བསྐོར། །གནས་པ་རྒྱ་མཚོའི་གྲུ་ལ་གནས། །དམག་ནི་སྲིད་པའི་མ་མོ་དང་། །ཀླུ་གདུག་ཐེ་རང་མང་པོ་རྦད། །ནད་ནི་སྟོང་གི་བདག་མོ་སྟེ། །རྒྱ་མཚོའི་གཏིང་ནས་མ་མོ་བསྐྱོད་པའི་ཚེ། །གཡའ་སྨན་སྤང་སྨན་མང་པོ་ཡང་། །དར་དཀར་གཡབ་ཀྱིས་འདེབས་ཤིང་སྟོང་གསུམ་ཁུ་ཡིས་འདེབས། །ཀླུ་གདུག་རྣམས་ཀྱང་ཞེ་སྡང་མེ་ལྟར་འབར། །སྲིད་པའི་བུ་མོ་ཀུན་ཡང་འདར་དང་གམ་དང་གུམ། །དེ་རིང་མཐུན་པའི་ཡས་ཀྱིས་མཆོད། །ས་བདག་ཙང་ཀུན་ཧོ་ཕོ་ཐེ་སེ་ཡང་། །བེ་སྣ་ལག་ཆེན་ཚང་ཙང་རྣམས། །ཤར་ནས་སྟག་ནི་སྐྱ་བོ་མཚོ། །ལྷོ་ནས་རུས་སྦལ་ནག་པོ་འགྱིང་། །ནུབ་ནས་འབྲུག་སྔོན་འགྱུ་བ་ན། །བྱང་ནས་བྱ་དམར་འཕུར་བའི་ཚུལ། །སྲིན་མོ་ལྷ་མོ་བརྟན་མ་སྟེ། །ཤིང་ལོ་གོས་སུ་གོན། །གདུག་པའི་ནད་རྣམས་མང་པོ་གཏོང་། །འབྱུང་བ་ལྔ་ལ་གནས་པ་སྟེ། །ས་དང་རྟེན་ནི་སོ་སོར་བཟུང་། །གཟེ་རེ་ཆེ་དང་གདུག་པ་ཆེ། །གཉན་ཆེན་མང་པོ་གནས་པའོ། །དེ་རིང་ནི་འབྲུ་དང་གཉེར། །གཏོར་མ་དགུ་དང་རྩི་སྨན་དང་། །མེ་ཏོག་ཤ་སྣ་མང་པོས་མཆོད། །
དེ་རིང་གླུད་དང་མི་རུ་ཕྱེ། །ནད་དང་མི་རུ་ཕྱེ། །གདུག་པ་ཀླུ་ཡི་བུ། །དགའ་བོ་འཇོག་པོ་མཐའ་ཡས་དུང་སྐྱོང་དང་། །པདྨ་ཆུ་ལྷ་ཀར་ཀོ་བ་རུ་དང་། །སྦྲུལ་མགོ་བདུན་དང་དགུ་པ་དང་། །ལྔ་པ་དང་ནི་གསུམ་པ་དང་། །གཟུགས་མེད་པ་དང་པདྨ་དང་། །ནམ་མཁའི་འཇའ་འདྲ་སྒོ་ང་འདྲ་བ་དང་། །རྟ་དང་རྩངས་པ་སྡིག་པ་དང་། །ཉ་སྦལ་ལྕོང་མོ་སྡོམ་སྡིག་དང་། །མི་སྡུག་གཟུགས་ཀྱི་ཀླུ་རྣམས་དང་། །རྒྱ་མཚོ་དག་ལ་གནས་པ་དང་། །རི་རབ་དག་ལ་གནས་པ་དང་། །འབྱུང་བ་དག་ལ་གནས་པ་ཡི། །ཀླུ་གདུག་ཀླུ་བྲན་འཁོར་དང་བཅས། །དེ་རིང་སྲིད་པའི་མདོས་བཞེས་དང་། །མེ་ཏོག་སྣ་དགུ་མང་པོ་དང་། །ཚན་སྤོས་ཀླུ་སྨན་སྣ་ཚོགས་དང་། །གསོབ་ཤ་ཆུ་སྣ་མང་པོ་དང་། །འདི་རྣམས་འབུལ་ལོ་མདོས་བཞེས་དང་། །ནམ་མཁའ་ཡུལ་དུ་འབུལ་བས་བཞེས། །འབྱུང་བའི་རྟེན་དང་འཇིག་རྟེན་ནོར་གྱིས་མཆོད། །སྲིད་པའི་མ་མོ་ས་བདག་ཀླུ་གདུག་ཚོགས། །དེ་རིང་སྲིད་པའི་མདོས་བཞེས་དང་། །ནད་ རྣམས་ཐམས་ཅད་སོས་པར་གྱིས། །ཞེས་བསྔོའོ། །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། མཚོ་སྨན་གྱི་མདོས་ཀྱི་ལེའུ་སོ་གསུམ་པའོ།། །།དེ་ནས་ཡང་བཅོམ་ལྡན་འདས་ཀྱི་སྤྱན་སྔར། བདུད་ནག་པོ་བཀྲག་མེད་དང་། ཕྱི་བཙན་ཁ་བཞི་དང་། རྒྱལ་པོ་སྤྱན་གཅིག་དབང་ཕྱུག་ཆེན་པོ་དང་། ཀླུ་འཇོག་པོ་དང་། གཟའ་བི་ཏྲི་པ་དང་། ཐེ་རང་རྡོ་རྗེ་ལེགས་པ་དང་། བདུད་མོ་རལ་གཅིག་རྣམས་ཀྱིས། སེར་བ་དབབ་པའི་རང་རང་གི་ལས་འདི་སྨྲས་སོ། །དྲག་ལས་འབེབས་པའི་གནས་དག་བཙལ་ནས་ནི། །མཎྜལ་འཁོར་ལོ་རྩིབས་བརྒྱད་བྲི། །དེ་ཡི་དབུས་སུ་རབས་ཆད་ཐོད་པ་གཅིག །ཐོད་པ་དེ་ལ་འཁོར་ལོ་རྩིབས་བརྒྱད་བྲི། །དབུས་ནི་ཟླུམ་པོ་དཀྱིལ་གྲུ་གསུམ། །དབུས་སུ་ཀླུ་བདག་དང་ནི་ལིངྒ་གཟིར། །ཤར་གྱི་འཁོར་ལོ་དག་ནས་བསྐོར། །ཤར་དུ་རྒྱལ་པོ་ལྷོ་རུ་བཙན། །ནུབ་ཏུ་ཀླུ་ལ་བྱང་དུ་བདུད། །
ཤར་ལྷོར་གཟའ་ལ། ལྷོ་ནུབ་ཏུ་དབང་ཕྱུག་སྟེ། ནུབ་བྱང་དུ་ཐེ་རང་། བྱང་ཤར་དུ་བདུད་མོའོ། །སྔགས་ཀྱི་རིམ་པ་དེ་ལྟར་དགོད། དབུས་སུ་དམིགས་པའི་མིང་རུས་ཡུལ་དང་རྫས་བཅས། སེང་ལྡིང་ཕུར་པ་གཅིག་ནི་ཀླུ་ཡི་བདག་ཉིད་དུ་གསལ་བ་དེ་ཡིས་བཞག །དེ་ལ་བསྒྲུབ་ཅིང་ཐ་མ་བརྡ་ཡང་དེ་ཡང་དེ་ཡིས་བྱ། གང་དུ་སྦས་པ་དེ་ནི་འཇོམས་པའི་གཏའ་མའོ། །གང་དུ་སྦས་པ་དེ་རུ་ངེས་པར་འབབས་པར་འགྱུར། ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། སེར་བ་བསག་པའི་ལེའུ་སོ་བཞི་པའོ།། །།ཨོཾ་བདུད་ཡ་ཏྲི་མཾ་མཾ། སད་དུ་དྲག་ཏུ་པུ་ཏ་ཕོབ་ཡ། ཨོཾ་བཙུན་ཤུ་ཏྲི་ཙ་ཙ་དཾ་ཕོབ་ཡ། དེ་ནས་ཡང་དྲེགས་པ་རྣམས་ཀྱིས་མི་རྣམས་ལ་ལྟས་ངན་བཏང་བའི་ལས་འདི་སྨྲས་སོ། །གཏང་བར་འདོད་པས་ཐོད་པའི་ནང་། །རས་སམ་ཤོག་བུ་དག་ལ་ནི། །འཁོར་ལོ་རྩིབས་དྲུག་བྲིས་ནས་སུ། །དེ་ལ་ལྷ་འདྲེའི་སྔགས་བྲིས་ཏེ། ཐོད་པའི་ནང་དུ་གཞུག །དེ་ལ་ལྷ་འདྲེའི་སྙིང་པོ་ལྟས་ངན་གཏོང་བའི་སྔགས་འདི་བྲིའོ། །ཨོཾ་ར་སད་དེ་ཧུ་ལེ་ཕྲེཾ། ཤར་ཀོལ་ཐབས་སད་འུ་མི་སི་སེ་མང་ལང་ལིང་ལེར། ཁུ་ཛྭ་ཧེ་ཧ། ཞེས་བྲིས་ནས་དེ་ལ་བཟླས་ནས། གར་འབེབས་པའི་ཕྱོགས་སུ་བཏབ་ན་ཕེབས་པར་འགྱུར་རོ། །གང་ཇི་ལྟར་འདོད་པ་འབེབས་སོ། །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། ལྟས་ངན་བཏང་བའི་ལེའུ་སོ་ལྔ་པའོ།། །།དེ་ནས་དྲེགས་པ་རྣམས་ཀྱིས་ལྟས་ངན་བབས་པ་དེའི་རྟགས་དང་བཟློག་ཐབས་སྨྲས་སོ། །ཤུལ་ལ་བྱུང་ན་དྲེགས་པའི་གནས་བཏབ་པའོ། །ཐན་གཡོ་བ་དང་བཟློག་པ་དང་། རྒྱས་འདེབས་པའོ། །བྱ་མི་སྙན་པ་བྱུང་ན་བང་ཆེན་པ་སྟེ། ཐན་བསྒྱུར་བའམ་ཟོར་བཟློག་བྱའོ། །རི་དྭགས་བབས་ན་གནམ་ལྕམ་ཞེས་བྱ་བ་སྟེ་གཏོ་བསྒྱུར་རོ། །སེམས་ཅན་མཚེ་མ་བྱུང་ན་མི་སྡུག་པ་སྟེ། དེ་རང་གིས་བཟློག་པ་བྱའོ། །སྙིང་མི་དགའ་བ་ནི་ཉམས་སད་པ་སྟེ། ཚེ་ཆོག་བྱའོ། །ལྷ་ལ་སྐྱབས་སུ་བྱའོ། །རྨི་ལྟས་ལོག་ན་ལྷ་འདྲེ་
བབས་པ་སྟེ། སྲིད་བསྒྱུར་གཏོང་ངོ་། །ལུག་ལ་རོ་ཁལ་དང་ཁྱི་ལ་རྩེད་པ་བྱུང་ན། དེ་རང་གིས་བཟློག་གོ། །བྱ་འབྲས་བྱུང་ན་དམུ་སྔོ་ཡིན་ཏེ་ཁྲམ་ཕྱི་བར་བྱའོ། །དེ་རྣམས་ཀྱི་ལྟས་ངན་རངས་པ་བཟློག་ན། ཁྱི་ནག་པོའི་ཐོད་པའི་ནང་དུ་འཁོར་ལོ་རྩིབས་བརྒྱད་ཀྱི་ནང་ལ། དེ་ལ་སྔགས་འདི་བྲིས་ཏེ། ཕཊ་ཏེར་སད་ཁུ་ལེ་ཕྱོ་ནི་ཁུ་ལེ་དྲི་ཤ་དྲི་ནི་བྷྱོ། ཞེས་པ་དེ་བྲིས་ལ། དབུས་སུ་གསང་བདག་སྔགས་བྲིས་ལ། དར་མཐིང་ནག་གིས་ཁ་བཅད་ལ། སྔགས་དེ་བཟླས་ཤིང་། ཐོད་པ་དེ་ལུང་གསུམ་མདོའམ། ལམ་རྒྱ་གྲམ་མམ། རི་གསུམ་རྩེར་བསྐྱལ་ཏེ་མནན་ན་ལྟས་ངན་གང་བབས་ཀྱང་ཟློག་པར་འགྱུར་རོ། །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། ལྟས་ངན་བཟློག་པའི་ལེའུ་སོ་དྲུག་པའོ།། །།དེ་རྣམས་ཀྱི་རང་རང་གི་རྒྱུ་ལུགས་དང་ཀི་ཀང་རྒྱུ་བ་བསྟན་ཅིང་སྨྲས་པ་སྟེ། བདག་ཅག་རྣམས་ནི་དྲེགས་པ་འཁོར་བཅས་ཏེ། རྒྱུ་བའི་དུས་ནི་འདི་ལྟ་སྟེ། སྲོད་ལ་བདུད་རྒྱུ། སྲོད་ཆུང་ལ་བཙན་རྒྱུ། གུང་སྟོད་ལ་བདུད་རྒྱུ། གུང་སྨད་ལ་རྒྱལ་པོ་རྒྱུ། ཐོ་རངས་ཐེ་རང་རྒྱུ། སྐྱ་རེངས་ལ་ཐེ་རང་རྒྱུ། ནམ་ལངས་ལ་སྨན་རྒྱུ། ཉི་རྩེ་ལ་ཀླུ་རྒྱུ། དྲོས་ལ་ས་བདག་རྒྱུ། དེ་ལྟར་རྒྱུ་བ་ལགས་ཏེ། གང་དང་འཕྲད་པ་དེ་ནི་ཕུང་བར་འགྱུར་རོ། །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། དྲེགས་པ་རྒྱུ་བའི་དུས་བསྟན་པའི་ལེའུ་སོ་བདུན་པའོ།། །།དེ་ནས་བཅོམ་ལྡན་འདས་ཀྱི་སྤྱན་སྔར། དཀོར་གྱི་བདག་པོ་པེ་ཀར་གྱིས་རང་རང་གི་བཅོས་པའི་ལས་འདི་དག་སྨྲས་སོ། །བདག་ཅག་རྣམས་ནི་སྲིད་པའི་དཀོར་གྱི་བདག་པོ་ཡིན། བདག་ནི་སྲིད་པ་ལས་བྱུང་བ་ལགས་ཏེ། ལྷ་བཤོས་ལྡེམ་པ་དང་ཏིང་ལོར་བཅས། མེ་མར་ཁ་ལྔ་སྤྱན་གཟིགས་བཅས། །ནམ་མཁའ་དཀར་པོ་དག་དང་ནི། །བཤོས་བུ་རྒྱས་པ་དེ་ལ་གཟུག །རྨྱུག་མ་གཙང་མ་ཚིགས་མང་དང་། །རིན་ཆེན་མཁར་ནི་སུམ་སྒྲོག་བྲི། །ལྷ་བཤོས་དེ་ལ་གཟུག་པར་བྱ། །འདབ་ཆགས་བྱ་དང་གཅན་གཟན་དང་། །
མ་ཧེ་རྟ་དང་གླང་དཀར་དང་། །འབྲི་དཀར་གསོབ་དང་ལས་དག་བྱ། །ཁྱུང་གི་སྒོ་ང་ཟངས་ཀྱི་ཁྱི། །སྦྲུལ་གྱི་བླ་རེ་ལྕགས་ཀྱི་ཁྱི། །དཀོར་ནོར་དང་ནི་སྤྱན་གཟིགས་དང་། །དཀོར་བདག་དེ་ནི་མཆོད་པར་བྱ། །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། པེ་ཀར་བསག་པའི་ལེའུ་སོ་བརྒྱད་པའོ།། །།ཧཱུཾ། སྲིད་པ་དང་པོ་ལས་བྱུང་སྟེ། །དང་པོ་བྱང་ཆུབ་སེམས་དཔའ་སྟེ། །ས་པ་ལ་ནི་གནས་པའི་ཚུལ། །དེ་ལས་ཚུལ་དང་སྡོམ་པ་ཉམས། །ས་ལ་བབས་ནས་ནམ་མཁའ་གནས། །དེ་ནས་ལྷ་ཡི་ཡུལ་དུ་བབས། །མི་དཀར་ལྡེམ་པ་ལ། །འོད་དཀར་ལམས་སེ་ལམ། །དབུ་ལ་འཛམ་བུ་གླིང་བཞིའི་དཔེ། །ཟླ་གམ་དང་ནི་སོག་ཁ་དང་། །ཟླུམ་པོ་གྲུ་བཞི་དབུ་ལ་ཚང་བར་འདུག །ལྷ་རྣམས་ཀྱི་ལྷ་བཤོས་དང་། མེ་ཏོག་སྣ་དགུ་དང་། རིན་ཆེན་སྣ་ལྔ་དང་། མཐུན་པའི་ཡས་འདི་འབུལ། ལྷ་ཡི་རྒྱལ་པོའི་ཞལ་ན་རེ། འུ་ཅག་ལྷ་ཡི་བུ་མོ་ཁབ་ཏུ་འདོད་པ། འདི་ནི་སྲིད་པའི་བུ་གཅིག་ཡིན་པར་ངེས། དབུ་ལ་འཛམ་བུ་གླིང་བཞི་ཚང་བར་འདུག་པས། པེ་ཀར་རྒྱལ་པོ་བྱ་བ་ཡིན་གསུངས་ནས། པེ་ཀར་རྒྱལ་པོར་བཏགས། འདི་ནི་དབུ་ལ་ཟེ་འབྲུ་ཡང་འདུག་པས། བྱང་ཆུབ་ས་ལས་ཆད་པ་ཡིན། གནམ་ལས་བྱུང་བས་འདི་ནི་གནམ་ལྷ་བྱང་ཆུབ་བྱ་བར་ཡང་བཏགས་སོ། །དེ་ནས་སྲིད་པ་ཡོངས་ལ་གནོད་དོ། །འཛམ་བུ་གླིང་བཞིར་བབས། བྷ་ཏ་ཧོར་གྱི་ཡུལ་དུ་བབས། དེ་ན་དཀོར་གྱི་ལོངས་སྤྱོད་བསམ་མི་ཁྱབ། །ད་ལྟ་བོད་ཡུལ་ཡོངས་ལ་གནོད་པ་བྱེད། །སྲིད་པའི་རྒྱལ་པོ་མདོས་བཞེས་ཤིག །མེ་ཏོག་སྣ་དགུས་མཆོད། །ལྷ་བཤོས་རི་རབ་ཀྱིས་མཆོད། །སྣང་གསལ་འོད་ཀྱིས་མཆོད། །ནམ་མཁའ་ཡུལ་དུ་འབུལ། །མདའ་ནི་མཁར་དུ་འབུལ། །རིན་ཆེན་སྣ་ལྔ་གཏེར་དུ་འབུལ། །སྤྱན་གཟིགས་དཀོར་ཆ་མང་པོ་འབུལ། །ཞེས་བསྔོའོ། །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། དཀོར་གྱི་བདག་པོ་པེ་ཀར་བཅོས་པའི་ལེའུ་སོ་དགུ་པའོ།། །།དེ་ནས་ཡང་བཅོམ་ལྡན་འདས་
ཀྱི་སྤྱན་སྔར། རྒྱལ་པོ་སྲོག་བདག་སྤྱན་གཅིག་དང་། སད་བཞིས་རང་རང་གི་བཅོས་པའི་ཐབས་དང་ལས་འདི་དག་སྨྲས་སོ། །ས་གཞི་དེ་ནི་བརྟག་པ་དང་། །གསང་བདག་ཏིང་འཛིན་ལྡན་པ་དེས། །འབྲུ་སྣ་ཚང་བའི་ངར་ཕྱེ་ལ། །བྱིན་གྱིས་བརླབ་པ་ཚུལ་བཞིན་བྱ། །རི་རབ་དེ་ནི་ཆེན་པོ་ལ། །རྩེ་ལ་མེ་མར་ཁ་བཞི་བཏང་། །གླ་བ་སྤོས་དང་རྐང་དང་ཚིལ། །མར་དང་མཁྲིས་དང་གླ་བས་བརྒྱན། །ཟ་འོག་གུར་དང་ནམ་མཁའ་བཞི། །སེང་གེ་གཡུ་རལ་ཅན་དང་ཉི་མ་ཟེར་མདངས་རྒྱས་པ་དང་། །གཡུ་སྦྲུལ་སྔོན་མོ་དང་ནི་ཁྱུང་ཆེན་རྒྱས་པ་དང་། །གཞན་ཡང་མཁར་དང་ཕོ་བྲང་དང་། །གཡག་དང་ལུག་དང་བ་གླང་དང་། །རྟ་དང་བྱ་དང་མཐུན་པའི་ཡས་སྟགས་བསག །དེ་ཡིས་མཆོད་ཅིང་ལས་འདི་བྱ། །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། རྒྱལ་པོ་གསོག་པའི་ལེའུ་བཞི་བཅུ་པའོ།། །།ཧཱུཾ། རྒྱལ་པོ་བྱང་ཆུབ་སེམས་དཔའ་ལགས་པར་ཆ་མ་མཆིས། །རྒྱལ་པོ་བྱང་ཆུབ་སེམས་དཔའ་ལགས་པར་ཆ་མཆིས་ན། །གཡའ་བ་ལ་ནི་ཕ་ཡི་རྒྱུ། །དམའ་བ་ལ་ནི་མ་ཡི་རྐྱེན། །ཉ་ལྕིབས་མཚོ་ཡི་གོས། །མི་མཚམས་བརྡ་རུ་མཚམས། མཚམས་རྗེ་ཡག་པ་གཅིག །མི་ཡི་མི་སྔོན་ལགས། །ལག་པ་བརྒྱད་དུ་འདུག །ལག་པ་བརྒྱད་པོ་ཡང་། །གཡུ་དང་མུ་མན་ལགས། །གློ་དང་སྙིང་ག་འདེབས། །སྐུ་ལ་རྨ་བྱའི་མདོངས་ཀྱི་ཐུལ་པ་གསོལ། །དབུ་ལ་གཞའ་ཡི་ཐོད། །གཞའ་ཐོད་མ་ལགས་ཏེ། །ནད་ཀྱི་དབུ་རྒྱན་བྱ། །རྨ་བྱའི་ཐུལ་པ་མ་ལགས་ཏེ། །དུག་གི་རི་མོ་ཅན། །གཡུ་རྟ་བྱ་གདོང་ཆིབས་སུ་ཆིབས། །ཞོལ་ཞོལ་སྒྲ་ཡི་གཟུགས། །ཁོལ་བརྒྱད་རྗེ་དང་དགུ། །སྔར་ཡང་མ་མཆོད་སྟེ། །ད་ཡང་མཆོད་མི་འཚལ། །མི་འཚལ་བ་ཡི་དབང་མ་མཆིས། །གཡས་ན་སྟག་སྨད་འཕྱང་། །གཡོན་ན་སྦྲུལ་སྨད་འཁྱུག །ཐུགས་ཀའི་ཐལ་གྱིས་བུ་ཆུང་སྐུ་གཟུགས་འབར། །རྒྱལ་པོ་ཅིར་བརྫུན། །ཤེལ་གྱི་ཉི་མ་དང་། །གཡུ་ཡི་ཉི་མ་དགུ་རུ་བརྫུས། །རྒྱལ་པོ་ཉི་པད་
སད། །ཤེལ་གྱི་ཟླ་བ་དགུ་རུ་བརྫུས། །ཟླ་བ་ཕྱག་འཚལ་ན། །བདུད་དུ་མ་བབ་ཅིག །གཤེད་དུ་མ་བབ་ཅིག །རྒྱལ་པོ་གཟའ་རུ་བརྫུས། །ལྷ་དཀར་པོ་བསངས། །རྒྱལ་པོ་སེང་གེར་བརྫུས། །གཅན་གཟན་སྟོང་ཚོགས་ཀྱང་། །སེང་ལས་གཉན་མ་མཆིས། །གངས་རི་སེང་པང་སད། །རྒྱལ་པོ་ཁྱུང་པང་སད། །རྒྱལ་པོ་ཉི་པང་སད། །ཁོང་མཚོ་དགུ་སྡེ་སད། །གཡུ་སྦྲུལ་སྔོན་པོར་བརྫུས། །ཀླུ་བྲན་སྟོང་གིས་བསྐོར། །ཀླུ་རྗེ་སྤྲུལ་པང་སད། །རྒྱལ་པོ་ནི་ཆེན་པོ་སྟེ། །འབོག་པའི་ནད་དུ་མཛད། །སྨྱོ་བའི་ནད་དུ་མཛད། །བརླམ་པའི་ནད་དུ་མ་མཛད་དང་། །རྒྱལ་པོ་ཆེན་པོ་ཁྱོད། །མགོ་འཁོར་བར་མ་མཛད། །མི་བས་གླུད་རེ་ཆེ། །རི་རབ་ཆེན་པོ་དང་། །གསལ་བའི་མར་མེ་དང་། །སྤྱན་གཟིགས་དཀོར་ཆས་མཆོད། །མཐུན་པའི་ཡས་ནི་འབུལ། །གླ་བ་སྤོས་ཀྱིས་མཆོད། །མཁྲིས་དང་མར་གྱིས་མཆོད། །མཐུན་པའི་ཡས་ཀྱིས་མཆོད། །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། རྒྱལ་པོ་བཅོས་པའི་ལེའུ་བཞི་བཅུ་གཅིག་པའོ།། །།དེ་ནས་བཅོམ་ལྡན་འདས་ཀྱི་སྤྱན་སྔར། བཙན་སིལ་མ་སྟོང་གིས་རང་རང་གི་བཅོས་པའི་ལས་འདི་དག་སྨྲས་སོ། །འབྲུ་སྣ་ཚང་བའི་གསང་ཕྱེ་ལ། །རི་རབ་དང་ནི་དཔག་བསམ་ཤིང་། །ནམ་མཁའི་གུར་དང་སིལ་མའི་རྐྱེན། །ས་ལ་འཛུལ་དང་གནམ་ལ་འཕུར། །གཟུགས་ནི་མང་པོས་བསྐོར་བར་བྱ། །ནམ་མཁའི་རིགས་ཚོགས་ཉི་ཤུ་གཅིག །མདའ་དམར་གྲངས་ཀྱང་དེ་བཞིན་བྱ། །བཙན་བཤོས་ཟུར་གསུམ་ཉི་ཤུ་གཅིག །བྱ་དང་ངར་བུ་གྲངས་ཀྱང་དེ་བཞིན་བྱ། །རྟ་པ་ཕུབ་ཅན་གྲངས་ཀྱང་དེ་བཞིན་བྱ། །སྤྱན་གཟིགས་དཀོར་ཆ་ཕུད་ཀྱིས་མཆོད། །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། བཙན་སིལ་མ་བསག་པའི་ལེའུ་བཞི་བཅུ་གཉིས་པའོ།། །།ཧཱུཾ། ཕྱི་བཙན་ཆེན་པོ་སྟེ། །ཁ་བཞི་མིག་བརྒྱད་པོ། །ང་རྒྱལ་ཆེན་པོའི་གཙོ། །བཙན་ཕྲན་ནི་ཁ་ལོ་བསྒྱུར། །སྲིད་པ་གསུམ་གྱི་སྲོག་དབུགས་བདག །སྐྱེ་འགྲོ་མ་ལུས་
བདག །མི་ཡི་བདུད་དང་ཕྱུགས་ཀྱི་ནད། །མདོས་བདག་མདོས་བཞེས་དང་། །འབྱུང་བ་ལྔ་ཡི་བཙན། །མི་དཀར་རྟ་དཀར་དྲི་ཟའི་འཁོར། །ལྷོ་བཙན་མི་སྔོ་རྟ་སྔོ་དེ། །གཤིན་རྗེའི་གདོན་ཚོགས་འཁོར། །ནུབ་བཙན་མི་དམར་རྟ་དམར་ཏེ། །ཀླུ་བཙན་འཁོར་དང་བཅས། །མདོས་བདག་མདོས་བཞེས་དང་། །བྱང་ཕྱོགས་གནོད་སྦྱིན་བཙན། །མི་ལྗང་རྟ་ལྗང་སྟེ། །གནོད་སྦྱིན་གདོན་ཚོགས་འཁོར་དང་བཅས། །མདོས་བདག་མདོས་བཞེས་དང་། །བཙན་ནི་སྟོང་སྡེ་ཡང་། །སྡེ་ནི་དམངས་རིགས་སྡེ་རུ་གཏོགས། །འབྱུང་བ་ལྔ་ལ་གནས་བཅས་ནས། །ང་རྒྱལ་ཁེངས་པས་སྲིད་པའི་མི་ལ་གནོད། །བཙན་གྱི་སྟོང་སྡེ་ལས། །ཁྱེད་སྲིད་པ་ནི་ཁྱབ་པར་གནས། །འཕན་པོ་བཙན་གྱི་བུ། །གཟེར་དང་ཁྲག་སྐྱུག་ནད་དུ་མཛད། །ལ་ལ་འབྱུང་བ་ནམ་མཁའ་དག་ལ་གནས། །སྐར་ཆེན་གཞའ་དང་དགུ་ཚིགས་གནས། །ཉི་ཟེར་ཟླ་ཟེར་དག་ལ་གནས། །མི་བུ་གསོད་པར་མཛད། །དུད་འགྲོ་ཤན་དམར་བྱེད། །གནམ་ལྕགས་མདའ་ལྟར་འཕེན། །མདོས་བདག་མདོས་བཞེས་དང་། །ལ་ལ་འབྱུང་བ་ས་ལ་གནས། །ས་དང་རླན་གྱི་བུ། །མི་བཀྲ་རྟ་བཀྲ་འབྱུང་། །ཞགས་པ་མདའ་ལྟར་འཕེན། །བཙན་དམག་གཡོབ་ཅིང་རྒྱུག །མདོས་བདག་མདོས་བཞེས་དང་། །ལ་ལ་ཤིང་དང་ས་ལ་གནས། །མི་དཀར་རྟ་དཀར་དང་། །ཤིང་ལོ་གོས་སུ་བསོག །ཐང་ཆུ་སྐོམ་དུ་འཐུང་། །ཤིང་འབྲས་ཟས་སུ་ཟ། །སྲིད་པ་ཀུན་ཏུ་རྒྱུག །གནས་པ་ཤིང་ལ་གནས། །གནོད་པ་མི་ལ་གནོད། །རྒྱབ་ཏུ་ཀླུ་ཆེན་གཡོབ། །མདོས་བདག་མདོས་བཞེས་དང་། །ལ་ལ་འབྱུང་བ་བྲག་ལ་གནས། །ལ་ལ་བྲག་དམར་རྩེ་ལ་གནས། །ལ་ལ་བྲག་ནག་ངོས་ལ་གནས། །ལ་ལ་བྲག་སེར་ངོས་ལ་གནས། །ལ་ལ་བྲག་དཀར་ཟུར་ལ་གནས། །འབྱུང་བའི་མི་དེ་རྟ་ལ་ཞོན། །ལ་ལ་མི་དཀར་རྟ་དཀར་རྒྱུག །ལ་ལ་མི་དམར་རྟ་དམར་ཏེ། །ལ་ལ་མི་སེར་རྟ་སེར་འབྱུང་། །ལ་ལ་མི་ནག་རྟ་ནག་
ཅན། །ལ་ལ་ཤིང་གི་རི་མོ་ཅན། །ལ་ལ་རིན་ཆེན་སྣ་ལྔས་བརྒྱན། །ལ་ལ་དར་དང་ནམ་མཁའ་གསོལ། །གནས་པ་བྲག་ལ་གནས་ཤིང་རྒྱུ་བ་རི་རྩེ་ལུང་གསུམ་རྒྱུ། །གནོད་པ་འཛམ་བུ་གླིང་གི་མི་ལ་མཛད། །མདོས་བདག་མདོས་བཞེས་དང་། །གླུད་བདག་གླུད་བཞེས་དང་། །བྲག་བུ་སྐྱ་རེ་ལ། །བཙན་བུ་སྐྱ་རེ་གནས། །ལུང་པ་སུལ་རེ་ལ། །བཙན་ཕོ་སྐྱ་རེ་གནས། །མཁར་དང་རྫོང་རེ་ལ། །བཙན་པོ་སྐྱ་རེ་གནས། །མདོས་དང་ཡས་བཞེས་དང་། །སྨ་བཙན་སྔོན་དང་རྗེ། །སེ་བཙན་སྤུན་དགུ་དང་། །དུར་བཙན་དགུ་པོ་ཁ། །བྲག་བཙན་ཤོར་བ་རྗེ། །གནམ་བཙན་འཕྲུལ་བུ་རྗེ། །ས་བཙན་ལྡོན་དེ་ན། །ཆུ་བཙན་སྔོན་དང་རྗེ། །གངས་བཙན་རོམ་བུ་རྗེ། །གཡའ་བཙན་དར་བཙན་རྗེ། །སྤང་བཙན་གང་བུ་རྗེ། །ནགས་བཙན་མུན་དང་རྗེ། །གཡེ་བཙན་ཁྲིན་དུ་རྗེ། །མདོས་བདག་མདོས་བཞེས་དང་། །གླུད་བདག་གླུད་བཞེས་དང་། །བཙན་བྲན་སྟོང་སྡེ་དང་། །འབྱུང་བ་ཁྱབ་པར་གནས། །སྐྱེ་འགྲོ་ཀུན་ལ་གནོད། །མདོས་བདག་མདོས་བཞེས་དང་། །ཞེས་བསྔོས་ལ་གཏང་ངོ་། །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། བཙན་བཅོས་པའི་ལེའུ་བཞི་བཅུ་གསུམ་ པའོ།། །།དེ་ནས་ཡང་སྟོན་པའི་སྤྱན་སྔར། ཀླུ་བཙན་མཆེད་གསུམ་གྱིས་རང་རང་གི་ལས་འདི་དག་སྨྲས་སོ། །གླུད་བདག་ཏིང་འཛིན་ལྡན་པ་དེས། །དར་དཀར་རས་དཀར་གདན་སྟེང་དུ། །འབྲུ་སྣ་གསུམ་མམ་ཚང་བ་ལ། །བཙན་བཤོས་ཟུར་གསུམ་བྱས་ནས་ནི། །དམར་དང་སེར་དང་ནག་པོར་བྱ། །མདའ་ནི་ལྟོང་དམར་ལྟོང་སེར་དང་། །ལྟོང་ནག་གསུམ་ནི་གཟུག་པར་བྱ། །གླང་དམར་དང་ནི་ལུག་དང་ར་དང་གསུམ། །བྱ་དང་བཅས་པ་བསག་པའོ། །སྦལ་ལྕོང་ཉ་དང་ནི། །སྦྲུལ་དང་རྩངས་པ་རྟ་དང་ཕུག་རོན་དང་། །སྡིག་པ་བ་གླང་བཅས་པ་ བསག །ངར་བུ་བྱ་དང་གཟུགས་ཀྱང་བསག །འོ་མ་སྣ་ཚོགས་རྩི་སྨན་བཅས། །མེ་ཏོག་འབྲུ་སྣ་མང་པོ་དང་། །ནམ་མཁའ་གསུམ་ནི་རིགས་དང་བསྟུན། །འབྲང་རྒྱས་གསུམ་ལ་གཟུག་པར་བྱ། །དཀྱིལ་དུ་སྤྱི་ཡི་བཤོས་བུ་ཁྲུ་གང་བཞག །ཕུད་དང་འབྱོར་པ་ཚང་བར་བསག །ལྷ་འདྲེ་སྟོང་གི་དྲ་བའི་རྒྱུད་
ཆེན་པོ་ལས། ཀླུ་བཙན་བསག་པའི་ལེའུ་བཞི་བཅུ་བཞི་པའོ།། །།དེ་ནས་ཡང་བསྔོ་བ་ནི། ཧཱུཾ། སྲིད་པ་ཀུན་གྱི་བདག །ཀླུ་བཙན་ནི་མཆེད་དེ་གསུམ། །ནད་དང་སྣ་ཚོགས་གཏོང་། །གདུག་པ་ཆེ་ཞིང་ལྷ་འདྲེ་ཀུན་གྱི་རྒྱབ་མཛད་པ། །ཕ་ནི་བཙན་ལ་མ་ནི་ཀླུ་ཡི་ལྕམ་མོ་དེ། །ཀླུ་བཙན་ཚོགས་པའི་དྲག་ཤུལ་ཅན། །ཕ་ནི་འགྲོ་སྟེང་རྒྱལ་བ་ཡིན། །མ་ནི་བཙུན་བཟའ་ལྕམ་གཅིག་མ། །བུ་ནི་སྤུན་གསུམ་བྱུང་བ་ལ། །ཕུ་བོ་ཀླུ་བཙན་ནག་པོ་གཅིག །མི་ནག་མདུང་ཙམ་གཅིག །དར་ནག་རལ་ཀ་གསོལ། །སྦྲུལ་ནག་ཟ་ར་ཚགས། །སྦལ་ནག་ཆ་ག་ཅན། །རྟ་ནག་ཆེན་པོ་ཆིབས། །གཡས་ན་སེ་བཙན་སྟོང་གི་དམག་སྣ་འདྲེན། །གཡོན་ན་བྲག་བཙན་སྟོང་གི་སྣ་ཡང་འདྲེན། །རྒྱབ་ན་གདུག་པ་ཀླུ་ཡི་བུ། །སྣ་ནི་ཐེ་རང་ཆེན་པོས་འདྲེན། །མདོས་བདག་མདོས་བཞེས་དང་། །ཀླུ་བཙན་དམར་པོ་དེ། །མི་དམར་མདུང་ཙམ་གཅིག །གླང་དམར་རུ་དམར་ཆིབས། །དར་དམར་རལ་ག་ལ། །སྦྲུལ་དམར་གདེངས་རལ་ཅན། །སྦལ་པ་དམར་པོའི་ཆ་ག་ཅན། །སྡོམ་སྡིག་སྣ་ནས་འཐོར། །འབྲུམ་བུ་རྣག་དང་ནད་ཁྲག་མང་པོ་འཐོར། །བཙན་ཕྲན་འབུམ་ནི་སྣ་ཡང་འདྲེན། །གདུག་པ་ཀླུ་ཡི་རྒྱབ་མཛད་པ། །མདོས་བདག་མདོས་བཞེས་དང་། །ཀླུ་བཙན་མཆེད་གསུམ་ཁྱོད། །སྟོན་པ་སྟོང་གི་སྡེ་དཔོན་ལུང་ལ་ཉོན། །དྲེགས་པ་ཀུན་གྱི་རྒྱབ་མཛད་པ། །ཡི་དྭགས་འདྲེ་བཀྲེན་མ་འདྲེན་སྣ་མ་མཛད། །ཅེས་བསྔོའོ། །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། ཀླུ་བཙན་བསྔོ་བའི་ལེའུ་བཞི་བཅུ་ལྔ་པའོ།། །།དེ་ནས་ཡང་བཅོམ་ལྡན་འདས་ཀྱི་སྤྱན་སྔར། བརྟན་མ་བཅུ་གཉིས་ཀྱིས་རང་རང་གི་བཅོས་པའི་ཐབས་ཚིགས་སུ་བཅད་པ་འདི་དག་སྨྲས་སོ། །གསང་བདག་ཏིང་འཛིན་ལྡན་པ་དེས། །འབྲུ་སྣ་ཚང་བའི་ཕྱེ་མ་ལ། །བྱིན་གྱིས་བརླབ་ཅིང་སྦྲུས་ནས་སུ། །རི་རབ་ཁ་དོག་རིགས་དང་བསྟུན། །དཔག་བསམ་ཤིང་དང་ནམ་མཁའ་ཚོན་སྣ་ལྔ་ཡི་གུར། །དར་དང་རྒྱ་ལོང་བརྒྱན་པར་བྱ། །ར་དང་ལུག་དང་བྱ་དཀར་མོ་དང་། སྨུག་མོ་དང་དམར་མོ་དང་སྔོན་མོ་དང་བཅས་པ་མང་དུ་བསག་གོ། །ཤ་བ་དང་རྟ་དང་གླང་དང་མཛོ་རྟོལ་དང་། སོ་བྱ་དང་འབྲི་དང་བཅས་པས་རི་རབ་བསྐོར། འབྲང་རྒྱས་བཅུ་གཉིས་རི་རབ་
དཀྱིལ་དུ་ཆེ་བ་གཅིག་བྱ། དེ་ལ་ནམ་མཁའ་དམར་པོ་བཞི། དཀར་པོ་བཞི། ནག་པོ་བཞི་བྱས་ལ་འབྲང་རྒྱས་ལ་གཟུག །འཕང་གི་གྲངས་ཀྱང་དེ་བཞིན་གཟུག །ལྷ་རྫས་ལྷོ་རྫས་བྱང་རྫས་བསག །ཤ་ཁྲག་གཏོར་མ་དཀོར་ཆ་རིན་ཆེན་ཕུད་རྣམས་བསག །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། བརྟན་མ་བསག་པའི་ལེའུ་བཞི་བཅུ་དྲུག་པའོ།། །།ཧཱུཾ། བརྟན་མ་ནི་བཅུ་གཉིས་ཏེ། །སྐྱོང་མ་དང་ནི་བཅུ་གསུམ་ནི། །དབང་ཕྱུག་དང་ནི་དྲེགས་པའི་བུ། །དྲེགས་པ་ཆེན་པོའི་བུ་མོ་སྟེ། །ལ་ལ་དྲག་ཅིང་མཐུ་རྩལ་ཁྱད་པར་མི་བཟད་དེ། །རི་རབ་རྩེ་བསྙིལ་རྒྱ་མཚོའི་གཞུང་ཡང་སྐེམ། །གནམ་གྱི་མཐའ་བསྐོར་སྲིད་པའི་རླུང་བས་མགྱོགས། །ཁྲམ་ཤིང་ཤོ་རྡེ་དཀར་ནག་བྱང་དམར་དཀྱུས། །ཚོན་གྱི་གྲུ་གུ་ནད་ཀྱི་རྐྱལ་པ་རྡེབས། །བརྒྱལ་དང་ཁྲག་སྐྱུག་གཟེར་བའི་ནད་རྣམས་གཏོང་། །འདིར་སྤྱོན་སྲིད་པའི་མདོས་ལ་སྤྱན་འདྲེན་ན། །ཕ་ནི་གནམ་གྱི་རྫི་རྒན་དེ། །མ་ནི་ནག་མོ་ཁྲོ་གཉེར་ཅན། །བུ་མོ་བདུད་མོ་ཆེན་མོ་བཞི། །བདག་ཉིད་རྡོ་རྗེ་ཀུན་གྲགས་མ། །བདུད་རྟ་ནག་པོ་ཞོན་ནས་སྲིད་པ་ཁྱབ་བྱེད་མ། །དར་ནག་ལུས་ལ་གོན་ཞིང་ཁྲམ་ནག་ཕྱག་ན་བསྣམས། །དཔལ་ལྡན་རྡོ་རྗེ་གཡའ་མ་སྐྱོང་། །གསལ་ལེ་གྲུས་མོ་ཞོན་ནས་སྟོང་ཁམས་ཁྱབ་པར་ཉུལ། །བདུད་དར་ནག་པོ་གོན་ཞིང་ཁྲམ་ལ་མདའ་ལྟར་འཕེན། །གངས་ཀྱི་ཡུམ་ཆེན་རྡོ་རྗེ་ཀུན་ཏུ་བཟང་། །རྔ་མོ་སྐེ་རིང་ཞོན་ནས་སྲིད་པ་ཀུན་ཏུ་འགྲོ། །མཐིང་ནག་ལེའུ་གོན་ནས་རིན་ཆེན་རྒྱན་ཆས་སྤྲས་ཤིང་ཁྲག་གི་གྲུ་ཆར་འདེབས། །འབྲོག་ཆེན་འཁོར་འདུལ་རྡོ་རྗེ་བགེགས་ཀྱི་གཙོ། །དྲིལ་ནག་ཞོན་ནས་དར་གྱི་ལའུ་གྱོན་ཞིང་རུ་མཚོན་འཕྱར། །མེ་མིག་འཕྲོ་ཞིང་སྲིད་པར་རྒྱུག །བདུད་མོ་ཆེན་མོ་བཞི་ཡང་མདོས་བཞེས་དང་། །ཕ་ནི་ཟངས་མགྲིན་ཆེན་པོ་སྟེ། །མ་ནི་དམར་མོ་མཆེ་གཙིགས་མ། །བུ་ནི་གནོད་སྦྱིན་ཆེན་མོ་བཞི། །གངས་ཀྱི་ཡུམ་ཆེན་རྡོ་རྗེ་གཡུ་བུན་མ་ནི་དཀར་མོ་མཛེས་མ་ལ། །གསེར་གཡུ་མཛེས་པའི་རྒྱན་གྱིས་སྤྲས། །སྨན་ཤ་ཡུ་ཆུང་ཞོན་ནས་རྒྱུག །གསེར་ཆེན་མཁའ་ལ་ལྡིང་བ་རྡོ་རྗེ་ཀླུང་ཆེན་མ། །རིན་ཆེན་སྣ་ལྔས་བརྒྱན་ནས་རྐྱང་བུ་ཞོན་ནས་རྒྱུག །རྨ་རི་རབ་འབྱམས་རྡོ་རྗེ་གྲགས་
མོ་རྒྱལ། །རྨར་སྣམ་མཛེས་པ་གསོལ་ནས་རིན་ཆེན་ཆ་ག་ཅན། །ཁ་རག་ཁྱུང་བཙུན་སྲིད་པ་ཀུན་གྱི་ཡུམ། །དམར་མོ་རིན་ཆེན་རྒྱན་དང་དར་གྱི་ན་བཟའ་གསོལ། །གནོད་སྦྱིན་ཆེན་མོ་བཞི་ནི་མདོས་བཞེས་དང་། །ཕ་ནི་ལྷ་ཆེན་པོ་སྟེ། མ་ནི་དཀར་མོ་བཞིན་བཟང་མ། །བུ་མོ་སྨན་མོ་ཆེན་མོ་བཞི། །ཀོང་བཙུན་དེ་མོ་རྡོ་རྗེ་བོད་ཁམས་སྐྱོང་། །དཀར་མོའི་ལུས་ལ་རིན་ཆེན་གོ་ལྕོག་ཅན། །ཆིབས་སུ་ཤ་བ་ཡུ་མོ་ཞོན་ནས་རྒྱུག་ཅིང་རྨེན་ནད་གཟེར་བ་གཏོང་། །མ་བཙུན་ཨུག་ཆོས་རྡོ་རྗེ་གཡར་མོ་བསིལ། །ཆིབས་སུ་རྔ་མོ་ཆིབས་ནས་མཛེས་པའི་རིན་ཆེན་གསོལ། །བཙན་ལ་རོལ་ལོ་རྡོ་རྗེ་སྨན་གཅིག་མ། །ན་བཟའ་རིན་ཆེན་སྣ་ལྔས་བརྒྱན། །སྨན་མོ་བཞི་ཡང་སྲིད་པའི་མདོས་བཞེས་དང་། །མ་བཙུན་བརྟན་མ་བཅུ་གཉིས་པོ། །གསང་བདག་སྟོན་པའི་སྤྱན་སྔ་རུ། །བསྟན་པ་བསྲུང་བར་དམ་བཅས་པ། །རྒྱུ་ནི་སྲིད་པ་ཁྱབ་པར་རྒྱུ། །མཐུ་རྩལ་ཆེན་པོའི་ཁྱད་པར་ནི། །བདག་ཅག་བརྟན་མ་བཅུ་གཉིས་ཏེ། །བསྟན་པ་གཉན་པོ་བསྲུང་བ་ན། །བསྟན་པ་གཉན་པོ་འཇིག་པ་ནི། །སྔགས་ཀྱི་ཡང་དབེན་འཇིག་པ་ན། །ལྕགས་ཐོག་ཟངས་ཐོག་རྡོ་ཐོག་དབབ་བྱས་ལ། །དེ་རུ་བཅད་ཅིང་གསད་པར་བྱ། །ཞལ་གྱི་ངད་པ་དག་ལས་ནི། །དུང་སེར་དཀར་པོ་དེར་ཕབ་ལ། །འབྲུ་སྣ་རྩི་ཐོག་སྐེམ་ཞིང་སེམས་ཅན་རླག་པར་བྱེད། །ཚོན་གྱི་གྲུ་གུ་དེར་བརྐྱངས་ལ། །སྣ་ལྔའི་ནད་ཀྱིས་བཅིང་བར་བྱ། །ནད་ཀྱི་རྐྱལ་པ་དེར་བརྡབས་ལ། །སེམས་ཅན་དམྱལ་ཐག་གཅད་པར་བྱ། །གཟེར་ནད་ཁྲག་སྐྱུག་གཏང་བར་བྱ། །བྱང་དམར་དཀྱུས་ལ་གདབ་པར་བྱ། །ཁྲམ་ལ་གདབ་ཅིང་ཤོད་ལ་དགྲམ། །སངས་རྒྱས་བསྟན་པ་དེར་སྲུང་ངོ་། །དུས་ངན་ཐ་མ་ལན་ཅིག་བྱུང་བའི་ཚེ། །བདག་ཅག་རྣམས་ཀྱི་བསྟན་པ་འབྱུང་། །ལྟོས་ན་ཡོན་ཏན་ཚེ་སྲོག་བསྲིང་། །མིང་པོ་བགེགས་ཅན་རྣམས་དང་ནད་སྣ་མང་པོ་བསྲུང་། །འབྲུ་རྣམས་འཁྲུངས་ཤིང་སྐུ་ཚེ་བསྐྱབ་པར་བྱ། །བོད་ཁམས་སྐྱོང་བའི་བརྟན་མ་རྣམས། །རི་རབ་ནམ་མཁའ་སྐྱེ་འགྲོའི་གཟུགས། །འབྲུ་བཅུད་སྐྱེམས་དང་ཤ་སྣ་ཁྲག་སྣ་དང་། །སྤྱན་གཟིགས་དཀོར་ཆ་མཐུན་པའི་ཡས་རྣམས་འབུལ། །དེ་རིང་
སྲིད་པའི་མདོས་བཞེས་དང་། །ནད་ཁ་སྒྱུར་ལ་གོད་ཁ་སྡོམས། །ཞེས་བསྔོའོ། །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། བརྟན་མ་བཅོས་པའི་ལེའུ་བཞི་བཅུ་བདུན་པའོ།། །།དེ་ནས་ཡང་བཅོམ་ལྡན་འདས་ཀྱི་སྤྱན་སྔར། དྲེགས་པ་ཐམས་ཅད་ཀྱིས་སྨྲས་པ། བདག་ཅག་རྣམས་ནི་ཚེ་དང་སྲོག་ལ་དབང་བྱེད་པ་སྟེ། འཛམ་བུའི་གླིང་གི་མི་རྣམས་ཀྱི་ཚེ་དང་སྲོག་ལ་དབང་བྱེད་པ་སྟེ། ཚེ་སྲོག་གི་བདག་པོའང་བདག་ཅག་ལགས་ཏེ། མི་དེའི་སྲོག་དང་གླུད་བརྗེ་བར་འདོད་ན། ལུག་གམ་ཙ་ར་གང་ཡང་རུང་། གསང་བདག་ཏིང་འཛིན་ལྡན་པ་དེས། །དབང་བསྐུར་བར་དུ་བྱིན་གྱིས་བརླབ་བྱས་ནས། །དེ་ལ་མི་ཡི་ཞྭ་དང་གོས་དང་མ་ནི་བཀོན། །མཚལ་ཐིག་གདབ་ཅིང་གསེར་གཡུས་བརྒྱན། །ཕུད་གཙང་དང་ནི་ཆས་ཀྱིས་བཤམ། །དེ་ལྟར་བཤམས་ནས་སྔོན་བཞིན་ཕུལ་ན། དེ་ཡིས་མི་དེས་གླུད་དུ་བརྗེ་སྟེ་ནད་རྣམས་སོས་ལ་འཆི་བ་བཟློག །ཅེས་གསུངས་སོ། །ཧཱུཾ། སྲིད་པས་བསྐོས་པའི་ཕུང་པོ་བསྐོས་པ་ཞེས། །སྲིད་པའི་བྱ་མཁན་ནང་ཁྲོལ་ཤ་ལ་བྱོན་མཛོད་ཅིག །རུ་བདུད་ཆེན་པོ་རུ་ལ་བརྟེན། །བདུད་ཀྱི་སྤྱི་མེས་ཆེན་པོ་ཁྱོད། །ཙ་ར་རྒྱལ་བ་འདི་ཡི་བཅུད་བཞེས་ཤིག །ལྷུ་ནི་བཅུ་གཉིས་མགོ་དང་བཅུ་གསུམ་ལ། །ཡ་བདུད་བཅུ་གསུམ་གླུད་བཞེས་དང་། །ཡམ་ཁལ་ཡ་བདུད་ཆེན་པོ་རྣམས་ལ་འབུལ། །མ་མཁལ་མ་བདུད་ཆེན་པོ་དག་ལ་འབུལ། །ཤ་ལ་ཁམ་རེ་ཁྲག་ལ་ཐིགས་རེ་དང་། །སྤུ་ལ་ཉག་རེ་བདུད་བྲན་བཞེས། །ནམ་ཚོང་ལྷ་བདུད་གང་དུ་བཞེས། །གཤང་ཁ་དུར་བདུད་དུར་བཙན་བཞེས། །གཉེ་མ་གཉིས་བདུད་གཉིས་མ་ཁམ་བདུད་བཞེས། །གཞུང་བུ་སྤྱི་བཙན་ཆེན་པོ་སྟེ། །ཕུང་པོ་ལྔ་ནི་འབྱུང་བའི་བཙན། །མཆིན་པ་བྲག་བཙན་རྗེ་བཙན་བཞེས། །སུ་ལ་མང་བཙན་ཕྲན་སྟོང་སྡེ་ས་བཞེས། །སྙིང་དང་སྲོག་རྩ་སྲོག་བདག་འཁོར་དང་བཅས་པས་བཞེས། །གློ་བ་སིལ་མ་སྟོང་སྡེ་བཞེས། །ཤན་སྨན་རྨེན་བུ་རྒྱལ་ཐེའུ་རང་སྤུན་དགུས་བཞེས། །སྲོག་བདག་གཡས་གཡོན་ནང་ཁྲོལ་ཚོགས་དང་བཅས། །བདུད་མོ་འཁོར་དང་བཅས་ལ་འབུལ། །ཤ་ཁྲག་རློན་པ་ཐེ་རང་སྟོང་སྡེ་བཞེས། །ཕོ་བ་རྨང་ཁ་ཇ་ལ་མ་རྣམས་
བཞེས། །གྲོད་པ་ས་བདག་ཀླུ་གཉན་བཞེས། །ཤ་ཁྲག་རུས་པའི་ཕུང་པོ་ཡི་དྭགས་འདྲེ་བཀྲེན་བཞེས། །སྒོ་བཞི་འཕྲང་བ་བཞེས། །མི་དང་ཤ་རུ་བརྗེས། །མི་དང་ཁྲག་ཏུ་བརྗེས། །མི་དང་སྲོག་ཏུ་བརྗེས། །སྲོག་པའི་མདོས་བཞེས་དང་། །ཞེས་བསྔོའོ། །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ ལས། མི་དང་གླུད་བརྗེ་བའི་ལེའུ་བཞི་བཅུ་བརྒྱད་པའོ།། །།དེ་ནས་ཡང་བཅོམ་ལྡན་འདས་ཀྱི་སྤྱན་སྔར། ལྷ་ཡི་དབང་པོ་བརྒྱ་བྱིན་གྱིས་འདི་སྐད་ཅེས་གསོལ་ཏོ། །བགེགས་ཆེན་དེ་དག་ཀུན་རྣམས་ནི། །མཆོད་ན་ཏིང་འཛིན་ཇི་ལྟར་བགྱི། །བསྒྲུབ་ན་དབང་དུ་ཇི་ལྟར་བསྡུ། །དུས་ནི་གང་དང་གང་ལ་འཇུག །དྲག་པོའི་ལས་ནི་གང་ལ་བྱ། །མནན་དང་གཏད་པ་བྱེད་ན་ཏིང་འཛིན་ཇི་ལྟར་བྱ། །གཉེན་པོ་སྟོབས་ཀྱི་ལྷ་ནི་གང་། །བྲི་བ་སྣག་ཚའི་རྒྱུ་ནི་གང་། །དུས་ཚོད་གནན་པ་གང་ལ་བྱ། །ཞེས་ཞུས་པས། བཅོམ་ལྡན་འདས་ཀྱིས་བཀའ་སྩལ་པ། བརྒྱ་བྱིན་ཉོན་ཅིག །མཆོད་ན་རྣལ་འབྱོར་ལྷ་ཡི་གདེང་དུ་འཇུག །མགྲོན་ཐབས་སྤྱན་དྲང་མཆོད་པ་སྤྲུལ་པས་བཀྱེ་ལ་བཏང་། །སླར་ལོག་ཚེ་བསྡིམ་བཀྲ་ཤིས་གསོལ། །བསྒྲུབ་ན་ཏིང་འཛིན་གསལ་བས་ཟླ་སྟོད་དག་ལ་འཇུག་པ་སྟེ། །གཟའ་དང་སྐར་མ་ཤིས་པ་དག་ལ་འཇུག །ཉ་ནས་མར་ཏེ་དྲག་པོའི་ལས་རྣམས་བརྩམ། །བདག་ནི་ཏིང་འཛིན་གསལ་བ་ལ། །བགེགས་རྣམས་དབང་སྡུད་བྲན་གྱི་ཚུལ་དུ་ལས་བྱེད་པའོ། །སེམས་ལ་ཁུ་འཕྲིག་མེད་ལ་བལྟ་བ་བསར། །དེ་ཡིས་ལས་རྣམས་འགྲུབ་པར་འགྱུར། །གཏད་པའི་ལས་ནི་འདི་དག་སྟེ། །གསང་བདག་ཀླུ་བདག་འཇམ་དཔལ་ཏིང་འཛིན་ལྡན་པ་དེས། །ཕྱི་དྲོའི་དུས་སུ་བྲི་ཞིང་ནམ་གྱི་གུང་དང་སྲོད་ལ་མནན། །སྣག་ཚ་སྣག་ཚ་ཆེན་པོ་སྟེ། །མི་དང་ཁྱི་དང་ར་ཡི་ཁྲག་གིས་བྲི། །དེ་ཡིས་ལས་རྣམས་འགྲུབ་པར་འགྱུར། །ཞེས་གསུངས་སོ། །དེ་ནས་ཡང་བརྒྱ་བྱིན་གྱིས་བཅོམ་ལྡན་འདས་ཀྱི་སྤྱན་སྔར་འདི་སྐད་ཅེས་གསོལ་པ་དང་། སྟོན་པས་བཀའ་སྩལ་པ། ལྟ་བ་ཞེས་བྱ་འདི་ལྟར་བལྟ། །ཐམས་ཅད་བྱང་ཆུབ་སེམས་ཆེན་ཏེ། །སེམས་ལས་མ་གཏོགས་སངས་རྒྱས་མེད། །བདག་ནི་སྐྱེ་མེད་བྱང་ཆུབ་སེམས་སུ་བལྟ། །སྐྱེ་བ་མེད་པའི་ངང་ལས་ཐམས་ཅད་བྱུང་
བ་སྟེ། །བྱུང་བ་ཉིད་ལས་དངོས་པོ་མེད། །ནམ་མཁའ་སྟོང་མེད་དྭངས་པ་ལ། །སྤྲིན་དང་ཁུ་རླངས་ཅི་བྱུང་ཡང་། །ནམ་མཁའི་ངང་ལས་བྱུང་བ་ལ། །ཞི་ཡང་ནམ་མཁའི་ངང་དུ་ཞི། །དེ་བཞིན་སྐྱེ་མེད་བྱང་ཆུབ་སེམས་དེ་ཡིས། །སྐྱེ་བའི་ཆོ་འཕྲུལ་ཇི་ལྟར་བྱུང་ཡང་སེམས་ཉིད་ངང་དུ་ཞི། །དེ་ལ་སྐྱོན་གྱིས་གོས་པ་མེད། །དེ་ལྟར་རྟོགས་ན་དེ་ལ་ཉེས་པའི་སྐྱོན་མི་གོས། །ཞེས་སྩལ་ཏོ། །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། ལྷ་བསྐྱེད་དང་དུས་དང་སྣག་ཚ་བསྟན་པ་དང་དབང་དུ་བྱ་བ་དང་། ལྟ་བ་བསྟན་པའི་ལེའུ་བཞི་བཅུ་དགུ་པའོ།། །།དེ་ནས་ཡང་བཅོམ་ལྡན་འདས་ཀྱི་སྤྱན་སྔར། བརྒྱ་བྱིན་གྱིས་སྨྲས་པ། བཅོམ་ལྡན་འདས་འཇིག་རྟེན་འདི་ཡི་དཀོར་དང་གཙུག་ལག་ཁང་རྣམས་ཀྱི་མངའ་བདག་གང་གིས་བགྱི་ཞེས་ཞུས་པ་དང་། སྟོན་པས་བཀའ་སྩལ་པ། འཇིག་རྟེན་འདི་ན་མཐུ་ཆེ་བ། ལྷ་ཆེན་མ་ཧཱ་ཀཱ་ལ་བྱ་བ་ཡོད་དེ། དེ་ཡི་སྲིང་མོ་བདུད་མོ་ཕུང་བྱེད་ཁྲམ་ཐོགས་བྱ་བ་ཡོད། དེ་གཉིས་ཀྱིས་བསྲུང་བར་བགྱིའོ་ཞེས་བཀའ་སྩལ་པ་དང་། བཅོམ་ལྡན་འདས་ཀྱིས་དབང་དུ་བསྡུས་ཏེ། མིང་སྲིང་གཉིས་བཅོམ་ལྡན་འདས་ཀྱི་དྲུང་དུ་བྱུང་ནས། གཙུག་ལག་ཁང་དམ་དུར་ཁྲོད་ལྷ་རྟེན་དུ། བདག་ཅག་མིང་སྲིང་གི་སྐུ་བྲིས་ནས་སུ། སྔགས་ཀྱིས་འདོན་ཅིང་གང་ལྟོས་པ། ཇི་ལྟར་འདོད་པའི་མཐུ་ནི་དངོས་གྲུབ་འབྱུང་ངོ་། །ལས་རྣམས་ཐམས་ཅད་གྲུབ་པར་བྱའོ། །དམོད་པའི་མཚོན་ཆ་གང་ལ་སྨོས་པ་དམྱལ་ཐག་གཅོད་དོ། །ཞེས་གསུངས་སོ། །ཨོཾ་མ་ཧཱ་ཀཱ་ལ་ཡག་ཤཾ་པྲི་མ་རྦད་ཤག་ཡ། ཀཱ་ལ་ཧ་ལ་རྣི་འགྱོ་མྱོགས་རུབ་ཐུམ་ཡ། ཨོཾ་རུ་རུ་རག་མོ་ཧ་ལ་ཙ་ལ་ཧུར་ཧུར། བཾ་ཤག་རྦད། རུ་ལུ་ས་མ་ཡ་ཐིབས། བི་ཤག་ཙ་ཙ་ར་ཙ་ཡ་བྷྱོ་ཐུན། རྦད་བུ་རྦད་བུ་ཡག་མོ་རུ་རུ་སྙིང་རྩ་ལ་ཤད་དེ་ཤད་དེ། ཞེས་ཕུལ་མ་ཐག་ཏུ་བྱིན་གྱིས་བརླབས་ཀྱིས། མ་ཧཱ་ཀཱ་ལ་ཞེས་བྱ་བ་དང་། སྲིང་མོར་བཅས་འོངས་ནས། བདག་ཅག་གིས་བཅོམ་ལྡན་འདས་ཀྱི་བསྟན་པ་བསྲུང་བར་བགྱི། དཀོར་ཁང་ཡང་བསྲུང་བར་བགྱི། དབེན་གནས་བསྲུང་བར་བགྱིའོ། །ཞེས་
གསུངས་ནས། མིང་སྲིང་གཉིས་ཀྱིས་སྨྲས་པ། དུས་ངན་ཐ་མ་བྱུང་བའི་ཚེ། །ཆོས་འཁོར་གཉན་པོ་བཤིག་པ་ན། །ང་ཅག་བསྟན་པ་དེར་འབྱུང་ངོ་། །བདག་ཅག་མིང་སྲིང་གཉིས་བསྒྲུབ་ན། །དམོད་པ་འདི་ཡིས་ལས་རྣམས་འགྲུབ་པ་སྟེ། །གསང་བའི་བདག་པོ་ཏིང་འཛིན་ལྡན་པ་ཡིས། །ཉུང་དཀར་ཉུང་ནག་ཐོད་པར་བླུག་ནས་སུ། །དེ་ལ་ཁྲག་སྣ་བསྩལ་ལ་དམོད་པ་དེ་སྐད་གདབ། །དེ་ཡིས་ལས་རྣམས་འགྲུབ་པར་འགྱུར། །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། མ་ཧཱ་ཀཱ་ལ་མིང་སྲིང་གི་ལེའུ་ལྔ་བཅུ་པའོ།། །།དེ་ནས་ཡང་བཅོམ་ལྡན་འདས་ལ་བརྒྱ་བྱིན་གྱིས་གསོལ་པ། དྲེགས་པ་དེ་དག་རྣམས་སྒྲུབ་པ་ན། དམ་ཚིག་ཇི་ལྟར་བསྲུང་བར་བགྱི། །ཞེས་ཞུས་པ་དང་། གསང་བའི་བདག་པོས་བཀའ་སྩལ་པ། །མི་རྟ་ཁྱི་དང་གསུམ་ལ་སྨད་མི་བྱ། །སྲོག་གཅོད་སྡིག་པ་དག་ལ་སྤྱད་མི་བྱ། །བུད་མེད་དག་ལ་བག་བསྡམ་སེམས་མི་འཆོར། །འགྲོ་ཉལ་འདུག་སྡོད་གང་ལ་ཡང་། །ལྟ་བ་དག་ལས་ཡེངས་མི་བྱ། །ཉམས་པ་མེད་ཅིང་བརྟུལ་ཞུགས་བསྐྱེད། །ཤ་ཁྲག་དག་ལ་སྤྱད་པར་བྱ། །ཞེས་བཀའ་སྩལ་ཏོ། །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། སྤྱོད་པ་དང་དམ་ཚིག་བསྲུང་བའི་ལེའུ་ལྔ་བཅུ་ང་གཅིག་པའོ།། །།དེ་ནས་ཡང་བཅོམ་ལྡན་འདས་ཀྱི་སྤྱན་སྔར། བརྒྱ་བྱིན་གྱིས་འདི་སྐད་ཅེས་གསོལ་ཏོ། །ཀྱེ་བཅོམ་ལྡན་འདས། དྲེགས་པ་ཆེན་པོ་འདི་རྣམས་ནི། །བཅོས་ན་ཡོན་ཏན་ཇི་ཙམ་འབྱུང་། །མ་བཅོས་པ་ཡི་སྐྱོན་ནི་གང་། །ཞེས་གསོལ་པས། གསང་བའི་བདག་པོས་བཀའ་སྩལ་པ། །དྲེགས་པ་བཅོས་པའི་ཡོན་ཏན་ནི། །ལོ་ལེགས་འབྲུ་འཁྲུངས་མི་རྣམས་དར། །ནད་དང་མུ་གེའི་བསྐལ་པ་ཆད། །ཚེ་རིང་ནད་མེད་བཀྲ་ཤིས་པའོ། །དེ་ལྟར་གྱུར་ན་འཇིག་རྟེན་བདེ། །དེ་ཡིས་བཅོས་པ་རབ་ཏུ་གཅེས། །མ་བཅོས་པ་ཡི་སྐྱོན་བསྟན་པ། །མ་བཅོས་འཇིག་རྟེན་ལྷ་འདྲེ་འཁྲུག །ནད་དང་
མུ་གེའི་བསྐལ་པ་དང་། །སད་དང་སེར་བ་མི་བདེ་སྣ་ཚོགས་དང་། །དུས་ཀྱི་འཁྲུག་པ་ལངས་ཤིང་བསོད་ནམས་ཆུང་། །མི་རྣམས་ཚེ་ཐུང་ལོངས་སྤྱོད་ཆུང་བར་འགྱུར། །དེ་ལྟར་གྱུར་ན་མི་རྣམས་ཕུང་། །དེ་བས་བཅོས་པར་རབ་ཏུ་གསུངས། །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། དྲེགས་པ་བཅོས་པའི་ཡོན་ཏན་དང་། མ་བཅོས་པའི་སྐྱོན་བསྟན་པའི་ལེའུ་ལྔ་བཅུ་ང་གཉིས་པའོ།། །།དེ་ནས་བརྒྱ་བྱིན་ལ་སོགས་པའི་འཁོར་རྣམས་ཀྱིས། བཅོམ་ལྡན་འདས་ལ་བསྟོད་པ། ཨེ་མ་ཧོ་སངས་རྒྱས་བཅོམ་ལྡན་འདས། ཐམས་ཅད་ཀུན་གྱི་སྟོན་པའོ། །མི་དང་ལྷ་རྣམས་ཀུན་གྱི་སྟོན་པ། ཨེ་མ་ཧོ། ཐམས་ཅད་ཀུན་མཁྱེན་འགྲོ་བའི་དོན་མཛད་པ། །དགོས་འདོད་རེ་བ་སྐོང་བའི་ཡིད་བཞིན་རིན་པོ་ཆེ། །ཕོངས་པ་རྣམས་ཀྱི་བདུད་རྩིའི་ཆར་འབེབས་པ། །འགྲོ་བའི་དཔལ་གྱུར་སྟོན་པ་དམ་པ་ཁྱོད་ལ་བསྟོད། །ཅེས་བསྟོད་དོ། །འཁོར་དེ་དག་བཅོམ་ལྡན་འདས་ཀྱིས་གསུངས་པ་ལ་རྗེས་སུ་ཡི་རངས་ནས་བསྟོད་པའི་ལེའུའོ། །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། དྲེགས་པ་རྣམས་རྗེས་སུ་ཡི་རངས་ནས་བསྟོད་པའི་ལེའུ་ལྔ་བཅུ་གསུམ་པའོ།། །།དེ་ནས་བཅོམ་ལྡན་འདས་ཀྱིས་བརྒྱ་བྱིན་ལ་སོགས་པའི་འཁོར་རྣམས་ལ་འདི་སྐད་ཅེས་གསུངས་སོ། །ངའི་རྒྱུད་འདི་འཁོར་ཁྱེད་རྣམས་ཀྱིས། །མིག་གི་འབྲས་བུ་ལྟར་ཆོངས་ཤིག །རིན་ཆེན་སྲོག་ལྟར་ཆོངས་ཤིག །འདི་ཀུན་ཏུ་ཟུང་ཞིག །དར་ཞིང་རྒྱས་པར་གྱིས་ཤིག །རིམ་གྲོར་གྱིས་ཤིག །སྟོང་ཚོགས་པས་སྟོང་གི་དྲ་བ་ཞེས་བྱ་བར་ཟུང་ཞིག །ཐམས་ཅད་གསོ་བར་བྱེད་པས་གསོ་བྱེད་ཀྱི་རྒྱལ་པོའི་རྒྱུད་ཅེས་བྱའོ། །ཐམས་ཅད་ཆམ་ལ་འབེབས་ཤིང་གསོད་པར་བྱེད་པས་འཇིག་རྟེན་དྲེགས་པའི་ཕུང་རྒྱུད་ཅེས་བྱ་བར་ཟུང་ཞིག །ལྷ་འདྲེ་སྟོང་གི་དྲ་བའི་རྒྱུད་ཆེན་པོ་ལས། ཡོངས་སུ་བཟུང་ཞིང་གཏད་པའི་ལེའུ་ལྔ་བཅུ་བཞི་པའོ།། །།ལྷ་འདྲེ་སྟོང་གི་དྲ་བའི་རྒྱུད་ཆེན་པོ་རྫོགས་སོ།། །།