ཀྱེ་མ༔ རྒྱལ་བའི་རྣམ་སྤྲུལ།

ཀྱེ་མ༔ རྒྱལ་བའི་རྣམ་སྤྲུལ་ཆོས་ཀྱི་སེང་གེ་ཉིད༔ འགྲོ་འདུལ་སྤྲུལ་བ་མཆོག་གི་སྐུར་བཞེངས་ནས༔ བསྟན་འགྲོར་སྨན་པའི་དགོངས་བཞེད་ཚད་མེད་ཀྱིས༔ རིག་པ་འཛིན་པའི་སྲོལ་གྱིས་མངོན་སྣང་བྱས༔ སླར་ཡང་གདུལ་བྱའི་རྟག་འཛིན་གཞིག་པའི་ཚུལ༔ གཟུགས་སྐུ་དབྱིངས་སུ་བསྡུ་བར་མཛད་ནའང་༔ བདག་ཅག་གདུང་བའི་ཤུགས་ཀྱིས་གསོལ་བཏབས་མཐུས༔ བསྟན་མཁས་བཙུན་པའི་ཡོན་ཏན་ཚད་མེད་པས༔ སྤྲུལ་པའི་ཟློས་གར་མྱུར་དུ་འབྱོན་པ་རུ༔ དམིགས་མེད་ཐུགས་རྗེ་ཆེན་པོའི་ཡལ་མ་དོར༔ དཀོན་མཆོག་རྩ་བ་གསུམ་གྱི་བདེན་སྟོབས་དང་༔ རྒྱུ་འབྲས་བསླུ་མེད་ཆོས་དབྱིངས་རྣམ་དག་མཐུས༔ གེགས་མེད་སྨོན་འདུན་ཡིད་བཞིན་འགྲུབ་པར་ཤོག༔ ཅེས་ཀྱང་ག་གཱས་སོ། །