བརྒྱུད་འདེབས་བསྡུས་པ།

བརྒྱུད་འདེབས་བསྡུས་པ་ནི༔ ཨོཾ་ཨཱཿཧཱུྃ༔ མངའ་དབང་རྫོགས་པའི་སྟོན་པ་ཀུན་ཏུ་བཟང་༔ སྒྱུ་འཕྲུལ་གངས་ཆེན་རིགས་ལྔ་སྟངས་དཔྱལ་བཅས༔ རིགས་ཆུང་སེམས་དཔའ་ཡབ་ཡུམ་ཐུབ་པ་དྲུག༔ སྒོ་སྐྱོངས་རིགས་བཞིར་བཅས་ལ་གསོལ་བ་འདེབས༔ ཆེ་མཆོག་རིགས་ལྔ་ཁྲོ་མོ་ཉི་ཤུ་དང་༔ དབང་ཕྱུག་ཆེན་མོ་ཁྲོ་བཅུ་སྤོར་མ་བརྒྱད༔ གྲངས་མེད་དཔའ་བོ་དཔའ་མོའི་སྤྲིན་ཚོགས་དང་༔ གྲགས་ཆེན་སྟོན་པར་བཅས་ལ་༴ ཁྱབ་བདག་མ་ཧཱ་གུ་རུ་མཚན་མཆོག་བརྒྱད༔ རྩ་བའི་བླ་མ་བཀའ་གཏེར་དག་སྣང་གི༔ བརྒྱུད་ལྡན་རིག་འཛིན་མགོན་པོ་ཡོན་ཏན་མཛོད༔ དགོངས་གཏེར་དམ་ཆོས་བཅས་ལ་༴ དེ་ལྟར་གསོལ་བ་བཏབ་བའི་མཐུ་བྱིན་གྱིས༔ ཉེ་བརྒྱུད་དགོངས་པའི་དོན་ལ་དབང་ཐོབ་སྟེ༔ རང་གཞན་འཁོར་བའི་སེམས་ཅན་ཐམས་ཅད་ཀུན༔ གཞོན་ནུ་བུམ་སྐུར་མངོན་པར་སངས་རྒྱས་ཤོག༔ ཅེས་ཀྱང་ཐེག་མཆོག་ངོར་ག་གཱ་ནས་སོ། །