ཁམས་གསུམ་དབང་གི་རྒྱལ་བོའི་བསྐང་བསྡུས་འདོད་འཇོའི་བུམ་བཟང་།
ཁམས་གསུམ་དབང་གི་རྒྱལ་བོའི་བསྐང་བསྡུས་འདོད་འཇོའི་བུམ་བཟང་བཞུགས་སོ༔
རཾ་ཡཾ་ཁཾ༔ ཨ་ཨཱཿཧཱུྃ༔ ཀྱཻ༔ དུས་གསུམ་རྒྱལ་བ་སྲས་བཅས་ཀྱི༔ བཀའ་དང་དམ་ལ་ལེགས་གནས་ཤིང་༔ བསྟན་དང་དེར་འཛིན་སྐྱོངས་མཛད་པ༔ ཡིད་བཞིན་པདྨ་བསྟན་སྐྱོངས་ནི༔ འཁོར་བཅས་གནས་འདིར་གཤེགས་སུ་གསོལ༔ ཉི་ཟླ་པདྨའི་གདན་ལ་བཞུགས༔ བསྟན་པ་སྲུང་ཕྱིར་ཕྱག་ཀྱང་འཚལ༔ ཕྱི་ལྟར་ཉེར་སྤྱོད་རིན་ཆེན་བདུན༔ ནང་ལྟར་འདོད་ཡོན་སྣ་ལྔ་དང་༔ དྲག་པོའི་རྣམ་ལྔ་གསང་བ་ཡི༔ སྨན་གཏོར་རཀྟ་གྷ་ན་ཚོགས༔ དཀོར་ནོར་ཟས་གོས་རྒྱན་ཆེན་པོ༔ སྲིད་ཞིའི་འབྱོར་ཚོགས་མ་ཚང་མེད༔ ཀུན་བཟང་མཆོད་སྤྲིན་རྒྱ་མཚོ་རུ༔ ཏིང་འཛིན་སྔགས་དང་ཕྱག་རྒྱ་ཡིས༔ བྱིན་གྱིས་རླབས་ཏེ་མཆོད་པ་འབུལ༔ ཁམས་གསུམ་དབང་དུ་བསྡུད་པ་དང་༔ གསོལ་དོན་མ་ལུས་ལྷུན་གྲུབ་ཅིང་༔ མི་མཐུན་རྐྱེན་ངན་བར་ཆད་སོལ༔ རྟག་ཏུ་སྲུང་སྐྱོབས་མེལ་རྩེ་མཛོད༔ དགྲ་བགེགས་གདུག་པ་ཚར་ཆོད་ཅིག༔ ཟས་ནོར་ལོངས་སྤྱོད་སྤེལ་ཞིང་སྐྱོངས༔ དམ་ལ་མ་འདའ་དམ་ཚིག་ཅན༔ བཛྲ་ས་མ་ཡ་ཨེ་དམ་བྷ་ལིངྟ་ཁཱ་ཧི༔ ཞེས་ཀྱང་རྟ་མགྲིན་ངོར་ག་གཱས་སོ། །