སྐུ་གསུམ་མཁའ་འགྲོའི་སྤྲུལ་པ
༈ མ་བྷྱོ༔ སྐུ་གསུམ་མཁའ་འགྲོའི་སྤྲུལ་པ་ནི༔ ཙནྚི་ཀ་དང་རེ་མ་ཏི༔ མཆེད་བཞི་འཁོར་དང་བཅས་པ་ཀུན༔ འདིར་གཤེགས་བདག་གི་བསྲུང་མར་བཞུགས༔ འབྱོར་ཚོགས་ཡོ་བྱད་མཆོད་པ་འབུལ༔ རྣམ་གསུམ་གཅིག་དྲིལ་ཕྱག་འཚལ་བསྟོད༔ ཐུགས་དམ་བསྐང་ངོ་འགལ་འཁྲུལ་བཤགས༔ བཀྲ་ཤིས་བདེ་ལེགས་ཕྲིན་ལས་མཛོད༔ ཅེས་ཀྱང་སྣ་ཆེན་གཡོ་སྐྱ་དེས། །ཡོད་ཡོད་མི་མཁོ་མེད་ཚད་མཁོ། །ཡང་དང་ཡང་དུ་ནུ་སྡེབ་བྱེད། །ལྟོག་འགོང་དེ་ཉིད་ཚིམ་ཕྱིར་དུ། །གླུད་མཁན་ག་གཱ་ཨ་བྷྱེས་བསྔོས། །བྲིས་པ་འདི་ཡིས་དགའ་གྱུར་ཅིག །ཚིག་ངན་འདི་ཡིས་བརྒྱགས་གྱུར་ཅིག །༈ མ་བྷྱོ༔ མ་མོ་ཡོངས་ཀྱི་སྤྱི་རྗེ་མོ༔ དཔལ་ལྡན་འདོད་ཁམས་དབང་མོ་ནི༔ དཔོན་གཡོག་སྤྲུལ་འཁོར་བཅས་པ་ལ༔ གསོལ་ལོ་མཆོད་དོ་ཕྲིན་ལས་མཛོད༔ ཨ་མ་མོ་ཀ་ལ་དྲག་མ་ཧཱ་ཀ་ཀ་རུ་བྷ་ལིང་ཏ་ཁཱ་ཧི༔ ཅེས་ཀྱང་བཟོ་སྐོམ་ངོར་ག་གཱས་སོ། །ཨོཾ་མ་མོ་ཀ་ལ་རུ་དྲག་མ་ཧཱ་ཀ་རུ་རུ་ས་མ་ཡ་ཛ་ཛ༔ ཕེཾ་ཕེཾ་སརྦ་སིདྡྷི་ཕ་ལ་ཧཱུྃ༔