རྩ་དབུ་མའི་ནང་དུ་སྙིང་ཀའི་དབུས་སུ་གསེར་གྱི་རྩ་ཆེན།
རྩ་དབུ་མའི་ནང་དུ་སྙིང་ཀའི་དབུས་སུ་གསེར་གྱི་རྩ་ཆེན། དེའི་དཀྱིལ་ན་དྭངས་མ་ལྔ་འདུས་ཀྱི་ཐིག་ལེ་ལ་བརྟེན་ནས་རིག་པའི་ཡེ་ཤེས་བཞུགས། དབུ་མའི་ནང་དུ་སྙིང་གི་རྩེ་མོ་ནས་སོར་བཞིའི་མཚམས་ནས་གསེར་གྱི་རྩ་དེ་གསུམ་དུ་གྱུར་ནས་གཡས་སུ་དར་དཀར་སྣལ་མ་དཀར་པོ་དྲང་པོ་དང་། གཡོན་དུ་ཕྲ་ལ་འཁྲིལ་དཀར་པོ་ཕར་འཁྱོགས་ཚུར་འཁྱོགས་བྱས་པ་གཉིས་མིག་གི་ནང་དུ་ཟུག་པའོ། །སྙིང་གི་ནང་ནས་གློ་བ་ལ་རྩ་ཞིག་འབྲེལ་བ་ལ་ཤེལ་སྦུག་ཅན་དཀར་པོ་ཟུག་ཀྱང་ཕྱི་དཀར་པོ་ལས་ནང་འོད་ལྔའི་གང་བ་རེ་རྩ་འདི་ཐམས་ཅད་ཡིན། དབུ་མའི་ནང་གི་འོད་རྩ་ལས་འོད་ཁ་དོག་སྣ་ལྔ་འཁོར་ལོ་ལྔའི་རྩ་འདབས་ཐམས་ཅད་དུ་འཕྲོས་པའོ། །གཡས་སུ་རོ་མ། གཡོན་དུ་རྐྱང་མ་གཉིས་ལྕགས་སྒྲོག་ལྟར་འཁྱུད་པའོ། །