ལོ་བརྒྱའི་རླུང་རྒྱུ་ཚུལ།
ལོ་བརྒྱའི་རླུང་ལ་དུང་བདུན་བྱེ་བ་བདུན་ས་ཡ་བདུན་འབུམ་ཐེར་དྲུག་ཡོད་པའི་གྲངས་དང་མཉམ་པའི་ཆོས་ཀྱི་རྣམ་གྲངས་བྱུང་བརྒྱད་ཁྲི་བཞི་སྟོང་ཞེས་པ་ནི་རག་རིམ་ཙམ་གྱི་གྲངས་ཡིན་ནོ། དེ་ལས་ལོ་བརྒྱའི་རླུང་ལ་ས་ཡ་ཉེར་བཞི་དང་འབུམ་ཕྲག་གསུམ་ཡོད་པའི་གྲངས་སྙེད་ཀྱི་བླ་མེད་ཀྱི་རྒྱུད་བྱུང་ངོ་། །དེའི་ན་ལོ་གསུམ་ལ་ཞག་གྲངས་སྟོང་བརྒྱད་ཅུའི་ཡེ་རླུང་ལས་དུས་ཀྱི་འཁོར་ལོར་༡༨༠༠དང་འཁོར་ལོ་སྡོམ་ཆེན་ངེས་བརྗོད་འབུམ་༧༢པས། དེ་ཐབས་ཤེས་ཟུང་དུ་སྡོམ་པས་སོ་བདུན་ནི་འཁོར་ལོ་སྡོམ་ཆུང་བསྡུས་རྒྱུད་ཀྱི་ལྷ་གྲངས་དང་། རྣལ་འབྱོར་མ་ཀུན་ཏུ་སྤྱོད་པའི་རྒྱུད་ཀྱི་ལྷ་གྲངས་སོ། །ཕྱོགས་གསུམ་གྱི་ཞག་ཞེ་ལྔ་འཕོ་བ་བཅུ་གཉིས་ཀྱི་བསྒྱུར་བས། སྒྱུ་འཕྲུལ་དྲྭ་བའི་དཀྱིལ་འཁོར་གསུམ་གྱི་ལྷ་ཉིས་བརྒྱ་དང་དོན་བཞི་དང་། གསང་འདུས་ཀྱི་དཀྱིལ་འཁོར་རྣམ་གྲངས་དྲུག་གི་ལྷ་ཉིད་བརྒྱ་དང་དྲུག་ཅུ་རྩ་བཞི་བྱུང་ངོ་། །སྔ་ཕྱི་སྡོམ་ན་ལྔ་བརྒྱ་དང་སུམ་ཅུ་སོ་བརྒྱད་ཡིན་ནོ། །ག་གཱས་སོ། །
སྟོང་༡བརྒྱད་བརྒྱ། ཤར་ཕྱོགས་མདུན་དུ་བྱས་ནས་རླུང་། གཡས་མེ། རྒྱབ་ས། གཡོན་ཆུ། ལག་གཡས་རླུང་། གཡོན་མེ། རྐང་གཡས་ས། གཡོན་ཆུའོ། །༈གྱེན་རྒྱུ་མེ། ཐུར་སེལ་ས། སྲོག་རླུང་མཁའ། ཁྱབ་བྱེད་ཆུ་དང་ནམ་མཁའ་བཤད་པ་གཉིས། མེ་མཉམ་རླུང་། ཡི་གེའི་རྣམ་པ། ཨེ་སྲོག་ ༼ ནམ་མཁའ་མཆན། ༽ལ་ ཐུར་སེལ། རི་གྱེན་རྒྱུ། ཨེ་མེ་མཉམ། ཨུ་ཁྱབ་བྱེད་དོ། །ཀླུ་བའམ་ ༼ རྒྱུ་བ། ༽ནམ་མཁའ། ཨཱ། རུས་སྦལ ༼ རྣམ་རྒྱུ། ༽རླུང་ཨེ། རྩངས་བ་ ༼ ཡང་དག་རྒྱུ། ༽མེ། ཨཱར། ལྷ་སྦྱིན་ ༼ རབ་ཏུ་རྒྱུ། ༽ཆུ། ཨོ་ཨཽ། ནོར་རྒྱལ་ལམ་གཞུ་རྒྱལ་ ༼ ངེས་པར་རྒྱུ་བ། ༽ས་ཨ་ལོ། ༼ གཉེ་མ་སྦྲུལ་ལྟ་བུ། མཆིན་པ་རུས་སྦལ་ལྟ་བུ། གློ་བ་རྩངས་བ་ལྟ་བུ། སྙིང་ལྷ་སྦྱིན་བུ་མོའི་གོ་ཟུ་གྱོན་པ་ལྟ་བུ། མཁལ་མ་གཞུའི་དབྱིབས་འདྲ། ༽༈ གཡས་མེ་རླུང་པདྨ་མགོན་འབྱུང་བ་ཐིམ་རིམ་གྱི་རྒྱུ་ཞིང་ཁ་དོག་དམར་བོ། གཡོན་ནས་རླུང་གི་ཁམས་ལས་གྱི་མགོན་པོ་ལྗང་སེར་འབྱུང་བ་ཆགས་རིམ་གྱི་རྒྱུ། གཉིས་ཀ་དྲག་ཏུ་རྒྱུ་བ་ཁ་དོག་སེར་པོ་རིན་ཆེན་མགོན་པོ་དབང་ཆེན་གྱི་དཀྱིལ་འཁོར། མཉམ་པར་དལ་བར་རྒྱུ་བ་རྡོ་རྗེ་མགོན་པོ་ཆུའི་རང་བཞིན་ཁ་དོག་ཤེལ་ལྟ་བུའོ། །དེ་སྲོག་རླུང་ཡིན། ཁྱབ་བྱེད་ནམ་མཁའི་ཁམས་མི་རྒྱུ་ཞེས་གསུང་པའང་ཡོད་དོ། །༈སྣའི་ཀ་བ་གཉིས་བྱང་ཆུ། འོག་གཉིས་ས། སྟེང་གཉིས་མེ། གཤོག་པ་གཉིས་རླུང་ངོ་། །༈ཕྱིར་རྒྱུ་བའི་ཚུལ་གྱི་གྲངས་ནི། གཡས་ནས་ཉི་མའི་རླུང་དང་། གཡོན་ནས་ཟླ་བའི་ཆུ་ཚོད་དམ། འཕོ་ཆུང་ངམ་དབྱུ་གུ་རེ་ལ་སུམ་བརྒྱ་དྲུག་ཅུ་རེ། དུས་སྦྱོར་རམ་འཕོ་བ་རེ་ལ་སྟོང་བརྒྱད་བརྒྱ་རྒྱུ་བས་སྤྱིར་བཏང་ཉིན་ཞག་གཅིག་ལ་ཡེ་རླུང་ལོགས་སུ་བཀར་བའི་ཉི་ཟླ་ལ་རེ་ཡོད། དུས་འཁོར་ནས་ནང་དུ་སྤྱི་བོ་ནས་ཟླ་རྐང་གི་རླུང་༢༡༦༠༠བདེ་དགྱེས་ནས་ཡུད་ཙམ་སོ་གཉིས་ཀྱི་རླུང་༡༠༤༦༥རྒྱུ་བར་གསུངས་སོ། །མགྲིན་པ་ནས་རྒྱུ་སྐར་གྱི་ལོངས་སྤྱོད་མཐུན་པའི་རླུང་རྒྱུ་བར་དུས་འཁོར་ནས་བཤད། ཀྱེ་བདེ་གསང་གསུམ་རྩ་འདབ་གཉིས་རེ་ཐབས་ཤེས་གཅིག་དུ་སྡོམ་ནས་འཕོ་བ་བཅུ་དྲུག་གི་རླུང་རྒྱུ་བར་བཤད་དོ། །ལྟེ་བར་དབྱུ་གུ་དྲུག་ཅུའི། སྙིང་གར་རྩ་འདབ་བརྒྱད་དུ་རྩ་བ་དང་ཡན་ལག་གི་རླུང་ཐུན་ཚོད་བརྒྱད་ཀྱི་ཚུལ་དུ་རྒྱུའོ། །ཡན་ལག་གི་ཚིགས་བཅུ་གཉིས་ལ་སུམ་བརྒྱ་དྲུག་བཅུ་རེ། ཉིང་ལག་གི་ཚིགས་དྲུག་ཅུ་ལ་དྲུག་རེ་སྟེ་སུམ་བརྒྱ་དྲུག་ཅུ་དུས་གཅིག་དུ་རྒྱུ་བའོ། །ག་གཱ་སོ། ༈ཁྲི་༢སྟོང་༡དྲུག་བརྒྱ་ ཁྲི་༡བཞི་བརྒྱ་ རེ་ལྔ་དང་དབུགས་ཕྱེད་རེ་རྒྱུ། དྲུག་བརྒྱ་དོན་ལྔ་ སྣ་བུག་གཡས་ཀྱི་དྲག་གཟའ། གཡོན་ཞི་གཟའི་རྒྱུ་ཚུལ་ཁམས་ཡི་གེ་དང་བཅས་པའོ། །གཟའ་བརྒྱད་ཀྱི་ཁམས་དང་རླུང་རྒྱུ་ཚུལ་ནི་མེ་ ཨཱ་ཉི་ རླུང་ ཆུ་ ཨི་ཟླ་ རླུང་ རི་དམར་ ཨཱ་མེ་ ཨཱུ་ཕུར་ ཨུ་པ་སངས་ ཨ་སྒྲ་གཅན་ ར་ལྷག་ ས་ ལཱི་ སྤེན་ ཆུ་ ས་ ལ་མཇུག་ མེ་ ནམ་མཁའི་ཆུ་དཀར་ མེ་དམར་ ནམ་མཁའ་སྔོ། ས་སེར་ ཡེ་ཤེས་རླུང་ལྗང་། ག་གཱས་སོ། །