མིན་པ་བཅུ་གཉིས་ཀྱི་གླུ།
༈ མིན་པ་བཅུ་གཉིས་ཀྱི་གླུ། དད་མེད་བླ་མ་བརྟེན་པ་མིན། ༡ །ལེགས་སྨོན་ཡོད་ན་ངེས་འབྱུང་མིན། ༢ །སྐྱོ་ཤེས་མེད་ན་བསྐུལ་མ་མིན། ༣ །ཡིད་ཆེས་མེད་ན་སྐྱབས་འགྲོ་མིན། ༤ ། ངོས་ལྐོག་ཡོད་ན་ཚུལ་ཁྲིམས་མིན། ༥ །དགྲ་གཉེན་ཡོད་ན་བྱང་སེམས་མིན། ༦ །ཆེ་འདོད་ཡོད་ན་ཐོས་བསམ་མིན། ༧ །མཐར་འཛིན་ཡོད་ན་ལྟ་བ་མིན། ༨ །དམིགས་གཏད་ཡོད་ན་བསྒོམ་པ་མིན། ༩ །དུས་ཚོད་མ་འབྲེལ་སྤྱོད་པ་མིན། ༡༠ །བརྩོན་འགྲུས་མེད་ན་ཆོས་པ་མིན ། ༡༡ །སྤངས་རྟོགས་མ་རྫོགས་འབྲས་བུ་མིན། ༡༢ །འོན་ཀྱང་ཐེག་གསུམ་སོ་སོའི་པོ། །མིན་པ་བཅུ་གཉིས་རྡོ་རྗེའི་གླུའི། །གོལ་ས་སྒྲིབ་པ་ཀུན་དག་ནས། །མ་ཆགས་པདྨའི་ས་ནོན་ཤོག ། ཤྲཱི་བས་སོ། །