བཞི་པ། དབང་བསྐུར་བའི་ལེའུའི་འགྲེལ་པ།
― DTG003_Page_0025 ―
[མ་དཔེ་གཟིགས་ན་འདིར་གནོན།]
དབང་བསྐུར་བ་ནི་རྣལ་འབྱོར་བ་ཐམས་ཅད་ཀྱི་ཐུན་མོང་གི་བསྒོམ་པ་ཡོངས་སུ་རྫོགས་པར་བྱེད་པ་སྟེ། དེ་བསྟན་པའི་ཕྱིར་ལྷ་དབང་བསྐུར་བའི་ལེའུ་ཞེས་བྱ་བ་ལ་སོགས་པ་གསུངས་ཏེ། དབང་བསྐུར་བ་ནི་བག་ཆགས་དང་བཅས་པའི་སྒྲིབ་པ་ཐམས་ཅད་དག་པར་བྱ་བའི་ཕྱིར་རོ། །སྤྱི་བོར་རང་གི་རིགས་ཀྱི་ཞེས་བྱ་བ་ནི་ལྷ་རྣམས་ལ་ཇི་ལྟར་འོས་པར་དེ་བསྟན་པར་བྱའོ། །ལྷའི་གཟུགས་སུ་གཞག་གོ་ཞེས་བྱ་བ་ནི་རང་གི་འདོད་པའི་ལྷ་དེའི་གཟུགས་སུ་སྟེ་དེར་གཞག་པར་བྱའོ། །དགྱེས་པའི་རྡོ་རྗེའི་དཀའ་འགྲེལ་རྣལ་འབྱོར་རིན་པོ་ཆེའི་ཕྲེང་བ་ལས་ལེའུ་བཞི་པའི་འགྲེལ་པའོ།། །།