དབྱུ་གུ་དྲུག་ཅུ་རྩ་བཞིའི་བཤད་པ།
རཏྣ་བཛྲས་མཛད།
དབྱུ་གུ་དྲུག་ཅུ་རྩ་བཞིའི་བཤད་པ་བཞུགས། དབྱུ་གུ་དྲུག་ཅུ་རྩ་བཞིའི་མཚན་ཉིད་ནི་ཉི་མ་ཕྱེད་ཀྱི་དབུགས་ཀྱི་གྲངས་ལྔ་སྟོང་དང་བཞི་བརྒྱའོ། །དེ་ལྟར་གྲངས་བགྲངས་པས་ཉིན་དང་མཚན་མོ་སྟོང་ཕྲག་ཉི་ཤུ་རྩ་གཅིག་དང་ལྷག་པ་བརྒྱ་སྟེ། ཇི་ལྟར་གྲངས་ཀྱིས་བགྲངས་པ་ཤེས་པར་བྱའོ། །ཆུ་ཚོད་གཅིག་ལ་དབུགས་སུམ་བརྒྱ་དང་དྲུག་ཅུའོ། །དབྱི་གུ་དྲུག་ཅུ་རྩ་བཞིའི་མཚན་ཉིད་བརྗོད་དོ། །ཆུ་ཚོད་ནི་ཉིན་མོ་དང་མཚན་མོ་བཅུ་དྲུག་དང༌། དེ་ཉིད་ཀྱི་འཕེལ་བ་དང་འགྲིབ་པ་བཞི་སྟེ། དེ་ལྟར་དྲུག་ཅུ་རྩ་བཞི་བླང་བར་བྱའོ་ཟེར། ཟངས་སྲང་བཅུ་གཉིས་ལས་བརྡུངས་པ་རྒྱར་སོར་བཅུ་གཉིས་ཁ་དང་དཔངས་སུ་སོར་བརྒྱད་པ་ལ། གསེར་མན་ཆ་གསུམ་ལས་བརྡུངས་པའི་མགོ་མཇུག་མཉམ་པ་སོར་དྲུག་པས་ཕུག་པའི་བུག་པ་ཅན་ཆུའི་ཁ་རུ་གཞག་པའི་བུ་ག་ནས་བྱུང་བའི་ཆུས་ཁེངས་ནས་གཏིང་དུ་ནུབ་པ་ཆུ་ཚོད་དོ། །དབྱུ་གུ་ཡང་དེ་དང་འདྲའོ། །རྒྱ་གར་གྱི་མཁན་པོ་རཏྣ་བཛྲ་དང༌། དགེ་སློང་ཤཱཀྱ་ཡེ་ཤེས་ཀྱིས་བསྒྱུར་བའོ། །