བཅུ་གཅིག་པ། རླུང་གི་ཤེས་རབ་བསྒོམ་པའི་ཆོ་ག
དེ་ནས་སྔར་བརྗོད་པའི་མཚན་ཉིད་ཅན་གྱི་སྔགས་པས་ཇི་སྐད་གསུངས་པའི་བསམ་གཏན་གྱི་གནས་སུ་སྟན་བདེ་བ་ལ་འདུག་ནས་བསྲུང་བའི་འཁོར་ལོ་ལ་སོགས་པའི་ཆོ་ག་བྱ་སྟེ། བདག་ཉིད་བདག་མེད་མར་མོས་ལ་ལྟེ་བར་སྦྲུལ་ལྟ་བུར་འཁྱིལ་བའི་རྣམ་པར་གནས་པ་གཉིད་ལོག་པ་ལྟར་མ་སད་པ་ཆོས་ཀྱི་སྐུའི་བདག་ཉིད་ཅན་བདག་མེད་མའི་ངོ་བོ་ཤེས་རབ་ལ་ལོངས་སྤྱོད་རྫོགས་པའི་སྐུའི་བདག་ཉིད་ཅན་ཐམས་ཀྱི་རང་བཞིན་དཔལ་ཧེ་རུ་ཀའི་ངོ་བོ་སྣའི་ལམ་ནས་ཞུགས་ནས་རླུང་གིས་རབ་ཏུ་མནན་པས་སད་པར་བྱའོ། །
དེ་ནས་དེ་དབྱུག་པས་རེག་པའི་སྤྲུལ་མོ་ལྟར་དབྱུ་གུའི་རྣམ་པ་ལྟར་ལངས་ཏེ་ཁའི་བུ་ག་ནས་མེ་འབར་བ་ལྟར་བལྟའོ། །དེ་ནས་དེས་ཤིན་ཏུ་ཡང་འབར་བ་དང་འཇིག་རྟེན་གསུམ་ཡང་བསྲེགས་པར་བསམས་ཏེ། དེའི་སྟོབས་དེ་ལྟ་པུས་བདུད་རྩིའི་རང་བཞིན་རི་བོང་ཅན་དུ་དེ་མ་ཐག་ཏུ་ཞུ་བར་གྱུར་པས་རྒྱུན་གྱི་རྣམ་པར་བླུགས་པར་བསྒོམས་ལ། དེ་ནས་བསྒོམས་པའི་སྟོབས་ཀྱིས་དོན་དམ་པ་མངོན་སུམ་དུ་བྱ་ཞིང་ནམ་མཁའི་ཕྱོགས་ཐམས་ཅད་དུ་སྤྲོའོ། །དེ་དག་ནི་བདག་མེད་མའི་མན་ངག་ལས་རླུང་གི་ཤེས་རབ་བསྒོམ་པའི་ཆོ་ག་སྟེ་བཅུ་གཅིག་པའོ།། །།