གོང་བུ་དགུག་པ།
རྒྱ་གར་སྐད་དུ། ཧེ་བཛྲོ་དྦྷ་བ་ཀུ་རུ་ཀུལླེ་ཡཱ་པཉྩ་མ་ཧོ་པ་དེ་
ཤཿ། བོད་སྐད་དུ། ཀྱེའི་རྡོ་རྗེ་ལས་བྱུང་བའི་ཀུ་རུ་ཀུལླེའི་མན་ངག་ཆེན་པོ་ལྔ། བཅོམ་ལྡན་འདས་ཀྱེའི་རྡོ་རྗེ་ལ་ཕྱག་འཚལ་ལོ། །སྙིང་གི་དབུས་ལས་སྲོག་རླུང་མཆོག་གིས་བསྐུལ་བས་རྩ་དབུས་མཆོག་གི་ནང་ཞུགས་གྱེན་སོང་ཞིང༌། །མྱུར་དུ་སྤྱི་བོའི་ཟླ་དབུས་ལས་འཐོན་རིམ་གྱིས་གསལ་བར་འགྲོ་ཅན་མགོ་ཡི་གཡོན་སྐོར་ཏེ། །གཡས་ཀྱི་རྣ་བུག་ལས་འཐོན་མྱུར་དུ་ལག་མདའི་བུ་གར་ཞུགས་ཤིང་ཕྱག་རྒྱ་ཆེར་བསྒོམས་ནས། །རྡོ་རྗེས་རབ་མྱུར་ས་བོན་རྒྱལ་པོ་བདག་ཉིད་འོད་ཟེར་དམར་པོ་འབར་བས་བསྒྲུབ་བྱ་ཡི། །ལག་མདའི་རྩེ་མོའི་བུ་ག་རྒྱས་བྱེད་སྔོན་དུ་འགྲོ་བས་སྒྲ་འཛིན་བུ་གར་རབ་ཞུགས་ཤིང༌། །མགོ་ཡི་གཡས་ཀྱི་སྣ་བུག་གསལ་བར་འགྲོ་བ་ཅན་གྱིས་སྙིང་གི་མཚོ་སྐྱེས་དབུས་གནས་པའི། །ཧྲཱིཿ་སེམས་མྱུར་དུ་ཁྱེར་ནས་རིམ་བཞིན་རྗེས་སུ་ལམ་དེ་དང་ནི་དེ་ནས་འཐོན་ནས་ནི། །བརྟན་པར་སྙིང་དབུས་ལ་གནས་ཁྱོད་ཀྱིས་ས་ཡི་འཁོར་ལོ་དང་བཅས་ལྷ་ནི་དབང་དུ་སྡུད། །གོང་བུ་དགུག་པའོ།། །།