ལེའུ་བཅོ་བརྒྱད་པ། རྣལ་འབྱོར་མ་ཐམས་ཅད་ཀྱི་ཁ་དོག་གི་མཚན་ཉིད་དང་མཚན་མའི་ངེས་པའི་ཆོ་གའི་བཤད་པ།

---

^{[མ་དཔེ་གཟིགས་ན་འདིར་གནོན།]}

དམར་ཞིང་སེར་བ་ཞེས་བྱ་བ་ནི་དམར་བ་ཡང་ཡིན་ལ་སེར་བ་ཡང་ཡིན་པའོ། །ལྷག་མ་ནི་གོ་སླའོ། །པདྨའི་གར་དབང་རིགས་བྱུང་ཡིན། །ཞེས་བྱ་བ་ནི་འོད་དཔག་ཏུ་མེད་པའི་རིགས་ལས་བྱུང་བའོ། །ལུས་ནི་སྔོ་བསངས་སྐྱ་བ་དང༌། ཞེས་བྱ་བ་ནི་མདོག་སྔོ་བསངས་ལ་མདངས་དཀར་བ་ནི་མི་བསྐྱོད་པའི་རིགས་ཅན་ཏེ། དེ་བཞིན་དུ་ཐམས་ཅད་ལ་ཡང་ཤིས་པར་བྱའོ། །ལེའུ་བཅྭ་བརྒྱད་པའི་བཤད་པའོ།། །།