ལེའུ་བཞི་བཅུ་རྩ་བདུན་པ། སངས་རྒྱས་ཐམས་ཅད་ཀྱི་མཁའ་འགྲོ་མའི་སྔགས་ཀྱི་ལས་ཐམས་ཅད་ཀྱི་ཆོ་གའི་བཤད་པ།
― DTG017_Page_0078 ―
[མ་དཔེ་གཟིགས་ན་འདིར་གནོན།]
ཡང་ཡི་གེ་བདུན་པའི་ཡི་གེ་རེ་རེ་ཞིང་བཟླས་བརྗོད་འབུམ་གྱི་གྲངས་ཚང་བར་མངོན་པར་བཟླས་པར་བྱ་ཞིང༌། དང་པོར་སྲེག་བླུགས་གསུམ་བྱས་ལ་ཕྱིས་སྟོང་རྩ་བརྒྱད་བྱའོ་ཞེས་སྦྱར་རོ། །ཀ་ཀ་ཨིཎྜ་ཀའི་འབྲས་བུ་ནི། ཤིང་གནྡྷོ་ལའི་འབྲས་བུའོ། །ནེའུ་ལེའི་སྤྱི་བོ་ཞེས་བྱ་བའི་སྲོག་གཅོད་པའི་ཁ་ན་མ་ཐོ་བ་མེད་པར་རྙེད་པའི་ཐོད་པའི་ནང་དུ་ལྕགས་རྐྱག་དང༌། གུར་གུམ་དང་ལྷན་ཅིག་ཕྱེ་མར་བྱས་ལ་ཇི་སྐད་བཤད་པ་བཞིན་དུ་ཆོ་ག་བྱའོ། །གསེར་གྱི་འབྲས་བུ་ནི་དྷ་དུ་རའི་འབྲས་བུའོ། །བྱ་ཆེན་པོའི་གནས་ནི་འུག་པའི་ཚང་ངོ༌། །འབྲུ་ནི་འབྲས་སམ་འུ་སུའི་འབྲས་བུ་ལ་བྱའོ། །ལེའུ་བཞི་བཅུ་རྩ་བདུན་པའི་བཤད་པའོ།། །།